☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 11 By Dingdi Pachuau
Mu pah chuan ka phone ka han en a, a êng thei ta hauh lo. Nizàn bâk kha ka khawih ta hauh lo kha a ni a, a battery a low lutuk a thi ta a ni ngei ang.
Ka charge ta nghâl a, rei vak lo hnuah ka on a, data ka on chiah chu message a lo thleng zut zut mai, a àwm ve tho ve.
LMa pawhin min rawn call, rawn lèn a tum ngei ang a, ka lo awm dâwn si lo, a hrilhhai ngawt ang chu. Naktûkah ka bia ang.
Dàwr chu ka kal ta ngei a, ka puin min thlah thlap. Felite pahnih chuan min lo hmuh chuan thil awmzia min zawh an châk tih ka hre mai, a àwm ve reng.
Ka pu chu rei a awm lo va, a kal hnuah chuan Feli chuan," Thil awmzia sawi nghâl rawh," tiin min rawn hnaih a, Mary lah chuti bawk. Min dawrtu tùr an lo kal ta hlauh a, an phî buai pawh a zia e.
Kan titi theih veleh chuan Mary chuan," Niminah Senior-a a lo kal a, en teh, sucurity camera a rawn fit-tîr mawlh mawlh a, eng vak a sawi bawk si lo va, nuam lo kan tihzia mai chuh. A hnu deuhah i rawn kal theih loh tùr thu a sawi leh ringawt, he pa hi chu induh chin hi a hria ka ti tawp, thil țûl chauh zu sawi thei a! Mahse, hei tak hian a tipà ka ti," a ti sar sar a.
"Chu tak chu alawm ka duh chhan. Thil țûl loah hian a thâ leh zung hi a sêng lo chiang, a aw lah hi kan hriat châk ve tehlul nèn, mi biak lah hi a hreh ém ém a," Feli chuan a lo ti chhunzawm nghâl vat a.
"Ka lo hrilh dâwn em niang?" Ka ti ve tak nain ka hrilh ngam lo tawp ang.
"In inpawh viau chuan lo hrilh rawh, kan ru daih mai ang. Chuan, dàwrah rawn kal deuh zut teh se, kan hmu châk țhìn bawk."
Țhiante bula awm hi a hahdam țhìn; mahse, ka rilru chhûngril takah erawh nuam lo tihna chen ka nei. Misuala tirhkahte kha engtikah nge an lo kal leh ang tih ka hre lo, ka invèn reng a ngai ang. Bâkah, an rawn kal leh a nih pawhin hlau angin ka awm tawh tùr a ni lo ang, ka puin 'Hlau zâwk tùr chu anmahni' a tih kha.
Security camera lam chu ka melh a, ka pu chuan dàwr lût leh chhuak hriat theih nân a dah a ni ngei mai a, hei hian min pui viau ang em tih phei chu ka hre lo; mahse, ka tân hetiang a ti tih hriat hi a nuam ka ti tho tho.
Eng thil mah a thleng lo, tlai lamah LMa a rawn kal a, min rawn melh nasa, ka thiam lo hran lo ve.
"Ka battery a low lutuk a, a thi daih a," ka ti nghâl a.
Min chhâng chuang lo.
"Thinrim lo la?"
"Nizànah vawi tam biak che ka tum, inah ka rawn kal bawk a," a ti a.
"Inah ka riak lo, Âteite inah ka riak alawm."
"Hrilhhai takin ka haw rêng."
"Ka tihpalh..." Sawi dàn vak ka hre lo, thinrimin titàu mah se, a tirei peih dâwn chuang lo.
"Ei tùr min leisak rawh."
Leisak tih lêmah, a ei tùr leina tùr ka tumsak a, kei leh Felite pahnih ei tùr amahin pawisa a thawh a, kan palia ei tùr chu Mary'n a lei leh mai, a awlsam lutuk.
"Inah riak leh tawh la?"
"A, ka riak lo rih zâwk mai ang, ka hlau deuh hlek a." Dâwt ka sawi lo.
"Eng nge i hlauh?"
"Mi sual."
Fiamthua ngaiin Felite pawh an lo nui hak a, LMa pawh a nui sak; mahse, ka tifiam mai mai lo tih ka mitmeng ațangin a hria a niang," Kawngka i kalh țhat chuan a hlauhawm vak em ni? Bâkah in chungte an awm lehnghal a," a ti ta a.
"Ka thâwm an hre pha teuh lo."
Chulam chu duhtâwkin tûn Inrinni lo awm tùr tlaia chaw eiho a rawt ta daih a.
Phûr zet hian Feli chuan," Yes, nuam ngawt ang, ti ngei ngei ang u; mahse, tute inah nge niang?" a lo ti vat a.
Mary pawh chuan," Awi, ka châk tawh lutuk. LM, in inah ti ila; mahse, a zahthlâk àwm," a lo ti ve a.
"Ka chhûngte bulah ka lo sawi ve phawt ang."
Rum zeta min melhin Feli chuan," A ho lutuk, an phal lutuk ang. An phal lo a nih teh chuan..." a ti nung nung a.
"Senior-a'n a phal lovin ka ring. Awi, uikawm viau mah se, a pà ka ti tho. Ka duh telh telhin ka hria," Mary chuan a ti vang vang a.
Rei vak lo hnuah dàwr kan khâr a, ka pu pawh a lo thleng nghâl. Kan ințhen darh dâwn chuan Feli chuan," Chaw ei khâwm mawlh kha," a ti sap a, ka nuih a tiza angreng lutuk.
Haw kawngah chuan," Thil thar a thleng lo tiraw?" a ti a.
"Aw, thleng lo ve. E, taka, ka pu, ka țhiante khân pà an ti lutuk che a."
A hmel chu a danglam deuh ka ring a nia, a danglam chuang miah lo nia.
"Tleiràwl lai dàn alawm," a ti sup ringawt. Mak thei e, a hlima a lawm ve viau ka ring asin le.
"I lâwm lo em ni?"
"Engah maw?"
"Ka thil sawi kha. Ka țhiante'n pà an ti lutuk che ka tih kha."
A nui ta suk.
"Min haw lo va, a zia. Ka hlim viau bawk e.
"Mahse, i làwm loh hmel e."
Nui hawk hawk chungin min rawn en zawk a," Ka lâwm alawm. Chu zawng ai chuan thil thleng a awm lo va, ka lâwm zâwk," a ti ta daih a.
"Kei deuh hi lâwm tùr ka ni. Surveillance camera kha ka lo hmu a, keimah vànga dah i ni tiraw?"
"Ni chiah chuang lo."
"A ni tih ka hria, ka lâwm e. Ka lâwm tak zet a ni."
In kan thleng a, zanriah kan ei deuh nghâl mai.
Zanriah ei lai chuan," Ka țhiante'n tûn Inrinni lo awm tùr tlaia chaw ei khâwm an rawt a, in phalna tel lo chuan 'aw' ka pawh duh lo va," ka ti a, dìl bîk pawh ka nei chuang lo.
"A tihchi dâwn em ni?" Âtei chuan ka pu en zauh pah chuan a ti a.
"Tute inah nge in tum?"
"LMa."
"Kan inah ti mai rawh u."
Makti zet hian ka en há a, keini tlai chaw ei khâwm tum avànga an chhungkua tihbuai ka duh lo asin.
"A tihchi loh!" ka ti teh ringawt a.
"Chuti, i ei ve thei lo ang," a ti ta hmuk a, a tho ta nghâl daih bawk a.
Hrilhhai zet hian ka en zui a, nuam lo ka ti kher mai. Âtei chuan," A va mak teh vut ve!" a lo ti sap a, a lu a thing zui nar nar a.
"A thin ka tirim chiang!"
"A thinrim vàng a ni lo ang, a ngaihtuah vàng che a nih kha," pu ber chuan a lo ti chuar chuar a.
Zànah chuan biak zawm theih a ni miah lo, a chhuak nghâl daih a, rilru hrehawm zetin ka awm phah. Ka lo sawi chhuak ta kher kher kha ka inchhîr ta ngawih ngawih mai, awmzia a awm tawh si lo, a thleng tùr ang chu a thleng vek tawh.
Sawi felpui ka duh viau nain ka be ta lo, a rawn haw tlai ve hrim hrim bawk a, bâkah, a thin ka tirim belh ang tih ka hlau a.
Tûkțhuan ei lai chuan rilru nuam lo zetin ka melh leh zauh țhìn a, ani lah chu a ngawi ngul mai si a, nuam lo tak chu a ni.
Âtei chuan kan boruak a hre thiam nasa. Eng eng emaw a sawi a, pu ber pawhin a lo zàwm zauh zauh, Princess-i pawh a dàn ngai tein a țawng leh barh barh, ka pu nèn kan ngawi reng.
Motor chhûngah pawh a la ngawi reng. Hrehawm ka tih ém avàng chuan," Ka pu, ka thil sawi kha theihnghilh daih rawh, chaw ei khâwmnaah chuan ka tel ve lo ang," ka ti sap a.
"Ka hmingin min ko rawh."
A țawng ve tâkah chuan ka lâwm ta deuh. 'Ka pu' ti hian ka ko țhang tawh a, a hminga koh hi ka thiam thei thlâwt lo.
"Aw le, Lân."
"Chaw ei khâwm chungchâng kha, kan inah ti ang che u."
"Ka..Lân, a inthlahrunawm ka ti a-"
"Ho mai mai, hmun danga i ei chhuah chu ka remti lo," a ti bur mai a.
"A țha alawm," ka ti ta nge nge. Ka țhiante bulah ka sawi ang a, min hre thiam ém ang chu maw.
Dàwr kawt kan thlen chuan a ding a, ka chhuk nghâl a, a tlân nghâl mai dâwn emaw ka tih lai chuan min rawn zui ve tlat.
Min hmuh veleh Feli chuan," Chaw ei khâwm kha, ka phûr-" ka hnunga Ka pu a hmuh tâkah chuan a țawng tàwp chiang kher mai, ka nuih a za nasa.
"Nulate u, chaw ei khâwm in tum tih ka lo hria a, in duh chuan kan inah in ti thei ang, Inrinni chawhnu dâr thum thleng dàwr nghâkin a hnuah ka rawn lam ang che u, a țha em?" tiin Feli leh Mary chu nui deuh, meng sawr sawr hian a melh tawn a, a lu chu a chêt sawn miah lo.
An meng phar âwk âwk chu ka hmu, an rin loh deuh thil a sawi àwm si a, a àwm ve tho. An phùr hmel nasa.
"Țha lutuk!"
"A va tihchi dâwn ve!"
Ka pu chuan bu nghat chung hian,"A țha e, chawhmeh lei a ngai lo ang a, eirawng erawh in bàwl a ngai thung ang," a ti leh a, chutah, min rawn enin," Dàwr nghah nuam u le," a ti sup a, dàwr ațang chuan a chhuak ta nghâl a.
A chhuah hnu second sàwm chhûng vél chu a reh a, an țê ta chiam mai, min tiphu chiang lutuk.
"Nuam dâwn lutuk! Lalpa, ka lâwm e."
"Awi, ka thiin ka hria, min han sik teh."
Min dàwrtu awm loh kârin chaw ei khâwm bawk an sawi leh. An phûr lutuk chu ka nuih an tiza tawp, a țha ve rêng rêng e.
LMa lo kal pawh phûr zet hian an lo sawipui a.
"Pawisa save-na a ni pah a, engmah lei a ngai dâwn lo, bâkah, a pawimawh ber chu an inah ngei chaw kan ei khâwm thei dâwn, amah pawh a awm tel ve ngei àwm si a," tiin.
LMa erawh chuan," Chutiang ringawt a ni thei náng, an pawisa kan tihek ringawt dâwn tihna asin. An in kan hmang ang a, an pawisa kan tihek bawk ang a, a tihchi loh tawp. Chawhmeh chu kan lei ang, tlêm tein kan thawh khâwm țheuh ang a," a lo ti thung a.
"Pawi lo, in tih dàn dán."
LMa chuan min enin," Kan ina hruai ve hrim hrim che ka duh asin le, kan inah pawh i lo la kal si lo," a ti sap a.
"Hun ka nei lo ve ém a ni."
"Sunday-ah lo lêng la?"
"Awihawm loh thei e, in in awmna pawh ka hre hlei nem."
"Ka rawn hruai ang che."
"Kan la sawi țha leh dâwn nia."
Feli chuan," Eng maw sawi țhat leh tùr chu?" a rawn ti zauh a.
"I hriat ve kher a ngai lo," LMa chuan a lo ti zauh thung a.
"A lo ni maw, ka pu? Novi tân kan duhpui loh che chuan i buai viau mai tùr a nia, min hrilh țha mai rawh," a ti hlak hlak a.
"Sunday-ah rawn lêng ula?"
"Keini chu min sâwm ve tak tak hauh lo, a mawiah min sâwm ve chauh a nih kha," Mary chuan a lo ti khauh a.
"Ni e, nangni chu in bialpate'n an hauh ve țùng àwm si che u a, chhe tê mah ni ula. Sàwm che u a inthlahrunawm a."
Kan nui dar dar a.
Inrinni chawhnuah chuan ka pu chuan min rawn lam ta tak tak! A lo bazâr vek tawh lehnghal! LMa erawh a bike-a a lo kal avàngin motor-ah a lo chuang ve lo.
Eirawng kan bâwl a, Âtei leh pu ber pawh an awm tho nain țhiante zah an hlau deuh a, kan bul hnaiah an awm lo. Ka pu erawh a chhuak leh daih, khawiah nge a kal, eng nge a thawh ka hre ngai lo.
Mary'n bai a siam a, Feli'n chaw a chhùm a, LMa'n sa a buaipui thung. Keiin ka lo pui bawk a, kan indaih khawp mai.
Zanriah ei hmain ka pu chu a rawn haw a, chaw chu kan ei tlâng vek. Pu ber chuan an chawhmeh siam chu tui a tih thu a sawi ve nuap nuap a, Feli chuan," Tute emaw pahnihin an siam a nia, a tui lo thei nâng," a lo ti zauh a, a nui pah sûng. LMa min chhaih ve pah tih ka hria.
"Mary pawhin bai a siam ve tho kha," ka lo ti thung a. Âtei chuan," Bai pawh a tui, chaw pawh a tui," nui chung hian a lo ti ve a, ka pu erawh a ngawi ngul mai.
"LM, i u hnênah i phei dâwn hnai em?" tiin Âtei chuan a zâwt a.
"Kârlehah ka phei zawk ang."
"E, thil ka thawn ang aw, a remchâng hlauh e."
Ei khamah hmun kan tifel sang sang a, LMa erawh pu berte bulah țhuin an titi hlut a.
Feli chuan," I chhûngte hian an mâkpa cheibàwl țan tlatin ka hria," a ti sap a.
"Awihawm loh lutuk, chhaih pawh min chhaih lo teh," ka ti ve thung a.
"Ani pawh a inla-mâkpa țan," Mary chuan kan bula rawn hnaih pahin a ti ve sap. He mite pahnih hi eng an hria chu ni maw?
"En mah la, a țhut dànte saw."
Chutiang mai mai chu hmun tifel pahin kan sawi a, kan thu sawi an rawn hre ve tawh mang si lo va, kan nui leh rih bawk a.
Thleng sil zawha kan va fin ve hnu chuan Ka pu chuan," Dâr engtikah nge haw in duh ang?" tiin Feli leh Mary chu a lo zâwt a.
Feli chuan Mary en pah chuan," Haw hma pawh a pawi vak lo ka ti," a ti a, Mary pawh chuan," Nia, inbual pawh kan la duh dâwn sia, tlai deuha haw chu a tihchi loh ang," a lo ti ve a.
"Chuti, haw in duh hun chu in sawi mai dâwn nia."
Kan titi a, pu ber pawh a titi ve nasa. Âtei lahin Princess-i a mutpui daih bawk a, ka pu lah a room lamah a awm bawk a.
Felite chu ka puin motor-in a thlah a, LMa erawh bike a neih avàngin a la lêng rih thung. A têt lai leh school kala hmun danga a awm dan chanchinte a sawi a, ngaihnawm ti takin ka lo ngaithla a. Naktûk lama lêng tùr chuan min sâwm leh a; mahse, ka hnial rih. Ka puin a phal ka ring lo va, ka pu tihthinrim ka duh tawh lo.
Ka pu rawn haw lai pawhin LMa chu a la haw lo. Nuam lo ka ti ve det, inlêng nei duh deuhah min ngai ngei ngei ang; mahse, a pawi lo, ka țhiante an nia, LMa pawh ka țhian kawmngeih tak a ni tho bawk a, ngaihhuat tùr a awm lo, mawi lo takin a awm pawh a ni lo va.
Dâr sàwmah LMa chu a haw a, a haw hnuah ka mu ve deuh nghal mai.
A tûkah kan inkhâwm dial a, chawhnu lamah rei vak lo chu kan lêng bawk a. Ka lèn ngai loh avàngin nuam pawh ka ti hran lo, ina haw ka châk zek zek.
Thawhțannia dàwra min thlah chuan," Kha i țhianpa kha ka ngaina fahran lo," a ti teh ringawt a.
"LMa maw? A fel viau asin maw le."
"A ngaina riau chein ka hria."
"Engti zâwngin maw?"
"Mipain hmeichhia a ngainat angin."
"Ni lo, ka țhian a nia, a țhian ka ni bawk alawm."
"Mipa leh hmeichhia a ințhian theih tak tak loh."
"Ka țhian a ni tak tak."
Dàwr kan thlena ka chhuk lai chuan," Naupang tê tê si, zàn lêng rei lutuk!" a ti hluk ri chu ka hria. A tìrah chuan ka hre thiam mai lo va; mahse, LMa a sawina a ni tih ka hre leh a, ka nuih a tiza ru viau.
*I ȚHIAN ȚHATE THURÛK HRIAT VE VEK TUM KHER SUH, AN HRILH CHE CHUAN A ȚHA, AN RINGTÂWK CHE TIHNA, SAWI CHHUAK NGAI HAUH SUH*
Mu pah chuan ka phone ka han en a, a êng thei ta hauh lo. Nizàn bâk kha ka khawih ta hauh lo kha a ni a, a battery a low lutuk a thi ta a ni ngei ang.
Ka charge ta nghâl a, rei vak lo hnuah ka on a, data ka on chiah chu message a lo thleng zut zut mai, a àwm ve tho ve.
LMa pawhin min rawn call, rawn lèn a tum ngei ang a, ka lo awm dâwn si lo, a hrilhhai ngawt ang chu. Naktûkah ka bia ang.
Dàwr chu ka kal ta ngei a, ka puin min thlah thlap. Felite pahnih chuan min lo hmuh chuan thil awmzia min zawh an châk tih ka hre mai, a àwm ve reng.
Ka pu chu rei a awm lo va, a kal hnuah chuan Feli chuan," Thil awmzia sawi nghâl rawh," tiin min rawn hnaih a, Mary lah chuti bawk. Min dawrtu tùr an lo kal ta hlauh a, an phî buai pawh a zia e.
Kan titi theih veleh chuan Mary chuan," Niminah Senior-a a lo kal a, en teh, sucurity camera a rawn fit-tîr mawlh mawlh a, eng vak a sawi bawk si lo va, nuam lo kan tihzia mai chuh. A hnu deuhah i rawn kal theih loh tùr thu a sawi leh ringawt, he pa hi chu induh chin hi a hria ka ti tawp, thil țûl chauh zu sawi thei a! Mahse, hei tak hian a tipà ka ti," a ti sar sar a.
"Chu tak chu alawm ka duh chhan. Thil țûl loah hian a thâ leh zung hi a sêng lo chiang, a aw lah hi kan hriat châk ve tehlul nèn, mi biak lah hi a hreh ém ém a," Feli chuan a lo ti chhunzawm nghâl vat a.
"Ka lo hrilh dâwn em niang?" Ka ti ve tak nain ka hrilh ngam lo tawp ang.
"In inpawh viau chuan lo hrilh rawh, kan ru daih mai ang. Chuan, dàwrah rawn kal deuh zut teh se, kan hmu châk țhìn bawk."
Țhiante bula awm hi a hahdam țhìn; mahse, ka rilru chhûngril takah erawh nuam lo tihna chen ka nei. Misuala tirhkahte kha engtikah nge an lo kal leh ang tih ka hre lo, ka invèn reng a ngai ang. Bâkah, an rawn kal leh a nih pawhin hlau angin ka awm tawh tùr a ni lo ang, ka puin 'Hlau zâwk tùr chu anmahni' a tih kha.
Security camera lam chu ka melh a, ka pu chuan dàwr lût leh chhuak hriat theih nân a dah a ni ngei mai a, hei hian min pui viau ang em tih phei chu ka hre lo; mahse, ka tân hetiang a ti tih hriat hi a nuam ka ti tho tho.
Eng thil mah a thleng lo, tlai lamah LMa a rawn kal a, min rawn melh nasa, ka thiam lo hran lo ve.
"Ka battery a low lutuk a, a thi daih a," ka ti nghâl a.
Min chhâng chuang lo.
"Thinrim lo la?"
"Nizànah vawi tam biak che ka tum, inah ka rawn kal bawk a," a ti a.
"Inah ka riak lo, Âteite inah ka riak alawm."
"Hrilhhai takin ka haw rêng."
"Ka tihpalh..." Sawi dàn vak ka hre lo, thinrimin titàu mah se, a tirei peih dâwn chuang lo.
"Ei tùr min leisak rawh."
Leisak tih lêmah, a ei tùr leina tùr ka tumsak a, kei leh Felite pahnih ei tùr amahin pawisa a thawh a, kan palia ei tùr chu Mary'n a lei leh mai, a awlsam lutuk.
"Inah riak leh tawh la?"
"A, ka riak lo rih zâwk mai ang, ka hlau deuh hlek a." Dâwt ka sawi lo.
"Eng nge i hlauh?"
"Mi sual."
Fiamthua ngaiin Felite pawh an lo nui hak a, LMa pawh a nui sak; mahse, ka tifiam mai mai lo tih ka mitmeng ațangin a hria a niang," Kawngka i kalh țhat chuan a hlauhawm vak em ni? Bâkah in chungte an awm lehnghal a," a ti ta a.
"Ka thâwm an hre pha teuh lo."
Chulam chu duhtâwkin tûn Inrinni lo awm tùr tlaia chaw eiho a rawt ta daih a.
Phûr zet hian Feli chuan," Yes, nuam ngawt ang, ti ngei ngei ang u; mahse, tute inah nge niang?" a lo ti vat a.
Mary pawh chuan," Awi, ka châk tawh lutuk. LM, in inah ti ila; mahse, a zahthlâk àwm," a lo ti ve a.
"Ka chhûngte bulah ka lo sawi ve phawt ang."
Rum zeta min melhin Feli chuan," A ho lutuk, an phal lutuk ang. An phal lo a nih teh chuan..." a ti nung nung a.
"Senior-a'n a phal lovin ka ring. Awi, uikawm viau mah se, a pà ka ti tho. Ka duh telh telhin ka hria," Mary chuan a ti vang vang a.
Rei vak lo hnuah dàwr kan khâr a, ka pu pawh a lo thleng nghâl. Kan ințhen darh dâwn chuan Feli chuan," Chaw ei khâwm mawlh kha," a ti sap a, ka nuih a tiza angreng lutuk.
Haw kawngah chuan," Thil thar a thleng lo tiraw?" a ti a.
"Aw, thleng lo ve. E, taka, ka pu, ka țhiante khân pà an ti lutuk che a."
A hmel chu a danglam deuh ka ring a nia, a danglam chuang miah lo nia.
"Tleiràwl lai dàn alawm," a ti sup ringawt. Mak thei e, a hlima a lawm ve viau ka ring asin le.
"I lâwm lo em ni?"
"Engah maw?"
"Ka thil sawi kha. Ka țhiante'n pà an ti lutuk che ka tih kha."
A nui ta suk.
"Min haw lo va, a zia. Ka hlim viau bawk e.
"Mahse, i làwm loh hmel e."
Nui hawk hawk chungin min rawn en zawk a," Ka lâwm alawm. Chu zawng ai chuan thil thleng a awm lo va, ka lâwm zâwk," a ti ta daih a.
"Kei deuh hi lâwm tùr ka ni. Surveillance camera kha ka lo hmu a, keimah vànga dah i ni tiraw?"
"Ni chiah chuang lo."
"A ni tih ka hria, ka lâwm e. Ka lâwm tak zet a ni."
In kan thleng a, zanriah kan ei deuh nghâl mai.
Zanriah ei lai chuan," Ka țhiante'n tûn Inrinni lo awm tùr tlaia chaw ei khâwm an rawt a, in phalna tel lo chuan 'aw' ka pawh duh lo va," ka ti a, dìl bîk pawh ka nei chuang lo.
"A tihchi dâwn em ni?" Âtei chuan ka pu en zauh pah chuan a ti a.
"Tute inah nge in tum?"
"LMa."
"Kan inah ti mai rawh u."
Makti zet hian ka en há a, keini tlai chaw ei khâwm tum avànga an chhungkua tihbuai ka duh lo asin.
"A tihchi loh!" ka ti teh ringawt a.
"Chuti, i ei ve thei lo ang," a ti ta hmuk a, a tho ta nghâl daih bawk a.
Hrilhhai zet hian ka en zui a, nuam lo ka ti kher mai. Âtei chuan," A va mak teh vut ve!" a lo ti sap a, a lu a thing zui nar nar a.
"A thin ka tirim chiang!"
"A thinrim vàng a ni lo ang, a ngaihtuah vàng che a nih kha," pu ber chuan a lo ti chuar chuar a.
Zànah chuan biak zawm theih a ni miah lo, a chhuak nghâl daih a, rilru hrehawm zetin ka awm phah. Ka lo sawi chhuak ta kher kher kha ka inchhîr ta ngawih ngawih mai, awmzia a awm tawh si lo, a thleng tùr ang chu a thleng vek tawh.
Sawi felpui ka duh viau nain ka be ta lo, a rawn haw tlai ve hrim hrim bawk a, bâkah, a thin ka tirim belh ang tih ka hlau a.
Tûkțhuan ei lai chuan rilru nuam lo zetin ka melh leh zauh țhìn a, ani lah chu a ngawi ngul mai si a, nuam lo tak chu a ni.
Âtei chuan kan boruak a hre thiam nasa. Eng eng emaw a sawi a, pu ber pawhin a lo zàwm zauh zauh, Princess-i pawh a dàn ngai tein a țawng leh barh barh, ka pu nèn kan ngawi reng.
Motor chhûngah pawh a la ngawi reng. Hrehawm ka tih ém avàng chuan," Ka pu, ka thil sawi kha theihnghilh daih rawh, chaw ei khâwmnaah chuan ka tel ve lo ang," ka ti sap a.
"Ka hmingin min ko rawh."
A țawng ve tâkah chuan ka lâwm ta deuh. 'Ka pu' ti hian ka ko țhang tawh a, a hminga koh hi ka thiam thei thlâwt lo.
"Aw le, Lân."
"Chaw ei khâwm chungchâng kha, kan inah ti ang che u."
"Ka..Lân, a inthlahrunawm ka ti a-"
"Ho mai mai, hmun danga i ei chhuah chu ka remti lo," a ti bur mai a.
"A țha alawm," ka ti ta nge nge. Ka țhiante bulah ka sawi ang a, min hre thiam ém ang chu maw.
Dàwr kawt kan thlen chuan a ding a, ka chhuk nghâl a, a tlân nghâl mai dâwn emaw ka tih lai chuan min rawn zui ve tlat.
Min hmuh veleh Feli chuan," Chaw ei khâwm kha, ka phûr-" ka hnunga Ka pu a hmuh tâkah chuan a țawng tàwp chiang kher mai, ka nuih a za nasa.
"Nulate u, chaw ei khâwm in tum tih ka lo hria a, in duh chuan kan inah in ti thei ang, Inrinni chawhnu dâr thum thleng dàwr nghâkin a hnuah ka rawn lam ang che u, a țha em?" tiin Feli leh Mary chu nui deuh, meng sawr sawr hian a melh tawn a, a lu chu a chêt sawn miah lo.
An meng phar âwk âwk chu ka hmu, an rin loh deuh thil a sawi àwm si a, a àwm ve tho. An phùr hmel nasa.
"Țha lutuk!"
"A va tihchi dâwn ve!"
Ka pu chuan bu nghat chung hian,"A țha e, chawhmeh lei a ngai lo ang a, eirawng erawh in bàwl a ngai thung ang," a ti leh a, chutah, min rawn enin," Dàwr nghah nuam u le," a ti sup a, dàwr ațang chuan a chhuak ta nghâl a.
A chhuah hnu second sàwm chhûng vél chu a reh a, an țê ta chiam mai, min tiphu chiang lutuk.
"Nuam dâwn lutuk! Lalpa, ka lâwm e."
"Awi, ka thiin ka hria, min han sik teh."
Min dàwrtu awm loh kârin chaw ei khâwm bawk an sawi leh. An phûr lutuk chu ka nuih an tiza tawp, a țha ve rêng rêng e.
LMa lo kal pawh phûr zet hian an lo sawipui a.
"Pawisa save-na a ni pah a, engmah lei a ngai dâwn lo, bâkah, a pawimawh ber chu an inah ngei chaw kan ei khâwm thei dâwn, amah pawh a awm tel ve ngei àwm si a," tiin.
LMa erawh chuan," Chutiang ringawt a ni thei náng, an pawisa kan tihek ringawt dâwn tihna asin. An in kan hmang ang a, an pawisa kan tihek bawk ang a, a tihchi loh tawp. Chawhmeh chu kan lei ang, tlêm tein kan thawh khâwm țheuh ang a," a lo ti thung a.
"Pawi lo, in tih dàn dán."
LMa chuan min enin," Kan ina hruai ve hrim hrim che ka duh asin le, kan inah pawh i lo la kal si lo," a ti sap a.
"Hun ka nei lo ve ém a ni."
"Sunday-ah lo lêng la?"
"Awihawm loh thei e, in in awmna pawh ka hre hlei nem."
"Ka rawn hruai ang che."
"Kan la sawi țha leh dâwn nia."
Feli chuan," Eng maw sawi țhat leh tùr chu?" a rawn ti zauh a.
"I hriat ve kher a ngai lo," LMa chuan a lo ti zauh thung a.
"A lo ni maw, ka pu? Novi tân kan duhpui loh che chuan i buai viau mai tùr a nia, min hrilh țha mai rawh," a ti hlak hlak a.
"Sunday-ah rawn lêng ula?"
"Keini chu min sâwm ve tak tak hauh lo, a mawiah min sâwm ve chauh a nih kha," Mary chuan a lo ti khauh a.
"Ni e, nangni chu in bialpate'n an hauh ve țùng àwm si che u a, chhe tê mah ni ula. Sàwm che u a inthlahrunawm a."
Kan nui dar dar a.
Inrinni chawhnuah chuan ka pu chuan min rawn lam ta tak tak! A lo bazâr vek tawh lehnghal! LMa erawh a bike-a a lo kal avàngin motor-ah a lo chuang ve lo.
Eirawng kan bâwl a, Âtei leh pu ber pawh an awm tho nain țhiante zah an hlau deuh a, kan bul hnaiah an awm lo. Ka pu erawh a chhuak leh daih, khawiah nge a kal, eng nge a thawh ka hre ngai lo.
Mary'n bai a siam a, Feli'n chaw a chhùm a, LMa'n sa a buaipui thung. Keiin ka lo pui bawk a, kan indaih khawp mai.
Zanriah ei hmain ka pu chu a rawn haw a, chaw chu kan ei tlâng vek. Pu ber chuan an chawhmeh siam chu tui a tih thu a sawi ve nuap nuap a, Feli chuan," Tute emaw pahnihin an siam a nia, a tui lo thei nâng," a lo ti zauh a, a nui pah sûng. LMa min chhaih ve pah tih ka hria.
"Mary pawhin bai a siam ve tho kha," ka lo ti thung a. Âtei chuan," Bai pawh a tui, chaw pawh a tui," nui chung hian a lo ti ve a, ka pu erawh a ngawi ngul mai.
"LM, i u hnênah i phei dâwn hnai em?" tiin Âtei chuan a zâwt a.
"Kârlehah ka phei zawk ang."
"E, thil ka thawn ang aw, a remchâng hlauh e."
Ei khamah hmun kan tifel sang sang a, LMa erawh pu berte bulah țhuin an titi hlut a.
Feli chuan," I chhûngte hian an mâkpa cheibàwl țan tlatin ka hria," a ti sap a.
"Awihawm loh lutuk, chhaih pawh min chhaih lo teh," ka ti ve thung a.
"Ani pawh a inla-mâkpa țan," Mary chuan kan bula rawn hnaih pahin a ti ve sap. He mite pahnih hi eng an hria chu ni maw?
"En mah la, a țhut dànte saw."
Chutiang mai mai chu hmun tifel pahin kan sawi a, kan thu sawi an rawn hre ve tawh mang si lo va, kan nui leh rih bawk a.
Thleng sil zawha kan va fin ve hnu chuan Ka pu chuan," Dâr engtikah nge haw in duh ang?" tiin Feli leh Mary chu a lo zâwt a.
Feli chuan Mary en pah chuan," Haw hma pawh a pawi vak lo ka ti," a ti a, Mary pawh chuan," Nia, inbual pawh kan la duh dâwn sia, tlai deuha haw chu a tihchi loh ang," a lo ti ve a.
"Chuti, haw in duh hun chu in sawi mai dâwn nia."
Kan titi a, pu ber pawh a titi ve nasa. Âtei lahin Princess-i a mutpui daih bawk a, ka pu lah a room lamah a awm bawk a.
Felite chu ka puin motor-in a thlah a, LMa erawh bike a neih avàngin a la lêng rih thung. A têt lai leh school kala hmun danga a awm dan chanchinte a sawi a, ngaihnawm ti takin ka lo ngaithla a. Naktûk lama lêng tùr chuan min sâwm leh a; mahse, ka hnial rih. Ka puin a phal ka ring lo va, ka pu tihthinrim ka duh tawh lo.
Ka pu rawn haw lai pawhin LMa chu a la haw lo. Nuam lo ka ti ve det, inlêng nei duh deuhah min ngai ngei ngei ang; mahse, a pawi lo, ka țhiante an nia, LMa pawh ka țhian kawmngeih tak a ni tho bawk a, ngaihhuat tùr a awm lo, mawi lo takin a awm pawh a ni lo va.
Dâr sàwmah LMa chu a haw a, a haw hnuah ka mu ve deuh nghal mai.
A tûkah kan inkhâwm dial a, chawhnu lamah rei vak lo chu kan lêng bawk a. Ka lèn ngai loh avàngin nuam pawh ka ti hran lo, ina haw ka châk zek zek.
Thawhțannia dàwra min thlah chuan," Kha i țhianpa kha ka ngaina fahran lo," a ti teh ringawt a.
"LMa maw? A fel viau asin maw le."
"A ngaina riau chein ka hria."
"Engti zâwngin maw?"
"Mipain hmeichhia a ngainat angin."
"Ni lo, ka țhian a nia, a țhian ka ni bawk alawm."
"Mipa leh hmeichhia a ințhian theih tak tak loh."
"Ka țhian a ni tak tak."
Dàwr kan thlena ka chhuk lai chuan," Naupang tê tê si, zàn lêng rei lutuk!" a ti hluk ri chu ka hria. A tìrah chuan ka hre thiam mai lo va; mahse, LMa a sawina a ni tih ka hre leh a, ka nuih a tiza ru viau.
*I ȚHIAN ȚHATE THURÛK HRIAT VE VEK TUM KHER SUH, AN HRILH CHE CHUAN A ȚHA, AN RINGTÂWK CHE TIHNA, SAWI CHHUAK NGAI HAUH SUH*
Ngaihnawm ltk
ReplyDeleteKapu hi a thik thu a chhe e😂😂
ReplyDelete