☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 12 By Dingdi Pachuau
Ka ni tin hun hman dàn chu a zia leh țan ta. Hlauthâwng leh râlți lutuk chuan ka nung tawh lo va, ka mit leh ka beng erawh ka chhi kar thung. Eng pawh lo thleng se, kha mi sualpa leh ka pahrawn hurherh zet bulah khân lêt ka tum tawh lo bur.
Ka saruak thlalak an upload-ah khan ka hmel a lan loh avàngin tumahin min hre lo va; mahse, engtikah nge ka thlalâk dang kha an upload leh ang tih ka hre lo va, an ti leh ngeiin ka ring a, ka hmel lanna an tih tawh ngei pawh ka ring bawk.
LMa pawh school-ah a inhlawh tâk avàngin min rawn tlawh zut ta lo deuh. Hun âwl a neihah erawh a rawn kal fo, ka pu nèn lah hian an intawng fuh thei khawp a, LMa hian a biak ve châng pawh hian a rùl tâwk bâkin a chhâng ngai lo. LMa hi a lo ngaina lo tak tak a nih dâwn hi, ngaina'fahran lo' pawh ni lovin ngaina 'lo tak zet' a ni zâwk ngei ang. U Melo-i nau a nih vàng a ni thei ang em? A ni ngei ang, chiang deuh hleka hriat a châkawm.
Ka pu a zin thut dâwn. Ka huphurh lâwk kher mai, a chhan chu ka pu bula ka awm hian ka thla a muang a, eng harsatna mah ka tawh tak tak ka ring lo, a zin bo rei loh hrám ka beisei.
A kal dâwn zànah chuan ka room-ah a lo lût a, ka lo zài rât rât lai a nia, ka hmuh veleh chuan ka tàwp chiang tawp.
"Tàwp suh."
Ka nui ringawt a.
Ka khumah chuan țhuin," Kâr khat vêl chauh ka thangin ka ring. Chaw lo ei chhuak lo la, dàwr pâwn lamah chhuak tam lo bawk ang che. Âtei'n i kal leh haw lam a hruai ziah ang che, hlauh tùr a awm lo nain invèn a țha a nia," a ti charh charh a.
"A țha alawm."
"Mi, i bul hnaia awm rengte emaw rawn hnaih tumtu che emaw lo ring nghâl ngawt suh."
"Ka lo hre reng ang e."
A adidas T-shirt dum hâk chu a inhmehin a tilang fai sarin a hriat a, a inbual zo chiah a ni ngei ang, sahbawn rim pawh a nam ram ram alawm.
"Eng nge ka lo hawn ang che?"
"Ka lâwm e, engmah hawn ka ngai lo ang, ka mamawh chu ka nei alawm."
"Pheikhawk ka lo hawn ang che."
A chhuah dâwna," Ka pu, LMa hi engati nge i ngainat loh ém ém? U Melo-i nau a nih vàng em ni?"tia ka zawhna avàng chuan a ding chawt a, a rawn inher chuang lo.
"Hrehawm ka lo ti țhìn a, a u i huat avàng ngawtin ani thleng thlengin i haw ringawt thei lo ang."
Rawn inherin chiang zetin, mit khap miah lo hian min rawn en a, kei pawhin ka lo en ve reng.
"Thil i hriat chian loh chu sawi ringawt zêl suh," a rawn ti ta sup a.
"Mahse, i ngainat loh thu i sawi kha."
"Ngaina lo chiang."
Sawi tùr a vâng leh ta râih mai. Min rawn pan hnai deuhin," Ka thu sawi kha hre reng ang che," a ti sup a, thil dang sawi leh tawh lo chuan a chhuak ta vut a, ka thlîr zui tawp ringawt.
Melo-i nèn hian an inkârah 'thil' awm chu a awm a ni chiang. An inngaizâwng tawh a ni ngei ang, pu ber pawhin a fiam zuk kha, bâkah, Melo-i a chhe lo va, ka pu a chhe lo viau bawk. An inhmeh viau asin, nupa ni phei se, an fate an hmelțha ngawt ang.
Ka pu awm lo chuan khua a tihar ve ruai mai. Zîngah leh tlaiah min thlahin min rawn lam ziah kha a ni a, a ngaihawm roh ka ti. Țawng tehchiam lo mah se a awm khân min uap a, min lo tiphuisui a lo nih kha.
Zanriah ei hma deuh hretin Âtei chuan phone call a dawng a, rei vak lo an inbiak hnuah chuan chaw ei ka siam chu min rawn zawm ve a.
"Melo-i a nia, Lâna a lo hmu a ni àwm e. Buaithlâk, a duh ve bawk sia, pakhata lah hi..." sawi zawm lo chuan a chek tlak tlak a.
"A hmain an lo induh tawh ţhin em?"
"An inkawp ve zuai; mahse, an ințhen leh chiang lutuk kha a mak zâwk! Melo-i hi chu a fel a, hna nghet nei a ni bawk sia, ka duhpui asin. Bâkah, ka țhiannu a nia, Lâna hi duh tak meuhin a duh ve bawk sia," a ti sap sap a. Ka chawhmeh suah dawhkàna chhawp pah chuan pu ber chu a ko ta nghâl a.
Chaw kan ei lai chuan pu ber chuan," Novi, kumin Krismas bazàr i tum ang em? Khawiah nge bazàr i châk deuh?" tiin min zâwt a.
Ka tét lai chuan ka nuin min leisak țhìn ngei mai; mahse, kum nga vêl zet chu Krismas thawmhnaw ka nei ta lo. Ho ka ti tawh tlat, Krismas hun ni lovah kan lei thei tho sia, bâkah kan hunpuiah hian thawmhnaw man a to thei lutuk ka ti ve tlat.
"Ngai pawh ka lo ti vak hlei nem, thawmhnaw phei chu hâk sèn loh ka nei tawh sia."
Âtei chuan," Dik chiah. Nautei kawr tùr pawh hi a hmain ka lo lei lâwk țhìn alawm, an chhiar to vak zêl a, ka ngam țhìn lo," a lo ti ve a.
"Ânî, Krismas-ah chuan kawr aiin motor ka duh tawh zâwk."
"Ngati maw?"
"Motor-ah chuan ka chuang thei ang a, kawr chu a chuan ve theih loh a."
Kan nui hak hak hlawm a.
"Motor pawh a hâk theih bîk hlei nem," pu ber chuan a lo ti a.
Nautei leh pu ber kham hnu chuan a thuphung sawiin," Princess-i hi school a kai ve tawh dâwn em? Kum ruk lai a ni ve tawh sia," ka ti a.
"Nia, session tharah kan ti ve tawh ang chu. Lâna hian a phal rih lo tlat a, rilru hmantîr vak hi a la phal lo maw le."
"A hmang vak chuang nâng, țhiante zînga awm a han zir ang a, school pawh nuam a lo ti viau maithei asin," ka ti leh a.
"Nia, a pawimawh khawp mai. Nu a nei lo ber mai hi kan vêngthâwng a. A rilru hi a nâ ang tih a hlau ngawih ngawih a ni ber, a dâwn tam lutuk a; mahse, session tharah chuan ka kaltîr ve tawh dâwn tho," a ti sap sap a.
"Nupui nei tawh mai se, Princess-i chuan nu a nei dâwn tihna a ni mai a."
A thaw hak a," Nupui neih lam hi chu, ka buaipui peih tawh lo. Hmeichhia hi a melh peih lo ni ta berin ka hria, Melo-i pawh hian a'n tum leh ngial pawhin a ûksàk lo," a ti leh a.
"Hmeichhia, a rilru tina deuhtu a tawng tawh a ni lo maw?" Ka dîlchhût ve zêl, ka hre châk a.
A ngawi vang vang phawt a, chutah," A bul ber chu ka nu vàng a nia," a ti ta sap a. Makti zetin ka en hâ a; mahse, ka inthiam lo leh deuh a, ka țawng zui ngam ta lo.
A nu chuan engtin nge a lo tih țhin ang? Hmeichhia a melh peih loh phahna hial tùrin eng thil nge a lo tih? Ngawi teh, a pa hi a rinawm lohsan em ni? An nu chanchin hi an sawi lang ngai miah lo tak, thlalâk pawh ka hmu hek lo.
"Kan têt laiin pasal dang a ûm a."
Sawi harsa a tih dàn tùr chu, ka hriatthiampui pha lo zâwk. Mahni hringtu nute'n pasal dang ûm ta se, sawi chhuah a hrehawm dâwn lutuk.
"A pawi ka ti-"
"Hun kal tawh a nia, a hun lai kha chuan hrehawm kan ti a, kan zak viau bawk. A chhan chu school-ah min chhaih țhìn a, Lâna hian hrehawm a tiin a zak țhìn, kei erawh ka la nau deuh a, hrehawm tih nachâng pawh ka hre lo, ka nu kha ka ngai thei viau ringawt. Tunah chuan puitling kan ni tawh a, thil thleng ngei a ni bawk a, hrehawm han tih thar leh viau pawh ka tum lo. Ka pa erawh ka khawngaih țhìn, kan unau tê hian min enkawl chho a, nupui tùr pawh a melh tawh chuang lo. Kan len deuh hnuah kha chuan nei leh tùrin ka ti țhìn a; mahse, pafa inchhùn fuh tak an nia, a ti lo bur a ni tawp. Ka sawipui leh tawh ngai lo."
A lo nih tak chu. Khawvêl hi zawng, thil thleng thei lo hi a lo awm lo a nih hi, mahni thil neihah kan lung a awi zo tawh lo va, a dang kan duh belh zêl a, thil mawi lo leh țha lo tih hriat reng pawh hi kan duh lam a nih chuan kan ti duh ta zêl chu a nih hi.
"Hmeichhia hi a haw tawp a ni ber, engtin nge Melo-i hi a lo kawp theih zâwk ka ti, hmeichhia a haw hle si a. Ka lo lâwm hman tawh khawp mai a, hmeichhia hi ring ve tawh se, nupuite nei se ka duh; mahse, rei pawh a kawp leh ta si lo va, a chhan ka hre lo. Melo-i ka zawh lahin a lo hre bîk bawk si lo."
"Pasal neihsan daih lah a tihchi si loh, nupui a neih har leh pasal ka nei har dâwn tihna a ni si a, ka pitar hman mai ang tih pawh ka hlau deuh reuh," a ti leh a, a sawi tàwp lamah chuan a nui ta nghe nghe a.
"Nupui țha deuh nei se a țhat chu maw le; mahse, i la upa miah lo a nia, kan hmelah phei chuan kan kum a inzât hmel rengin ka hria."
A nui var var a.
"I la naupang tak si a, i rilru hi a puitling phian lawi chu ka ti bawk si a."
Hmun kan tihfel lai chuan a phone a rawn ri a," Lâna a nih hi, Nautei a be leh duh tawh a nih hi," a ti a, phone chu Nautei a va pe nghâl a.
"Vawiin lamah pawh a rawn be tawh reng sia, a ngai thei mai mai a nia. Hmun danga a awm hi chuan a rawn be âwl lo, signal a țhat phawt chuan a fanu tân hi chuan hun hi a inpe hrâm hrám zêl," a ti leh sap sap a.
"Pa țha tak a ni sia, nupuite neiin fa pawh tam deuh nei se a țhat tehlul nèn!"
A nui hak hak a.
"I thu sawi chu hria se a hlau ngawt ang."
"A, hlauh tùr a awm hlei nem, thil ţha ka duhpui che u alawm. Hmeichhia a rin lohna thinlung hi tihchhiatsak vek theih se aw..."
"Ka duhthusàm a ni. Pasal neih ka duh vàng ni lovin amah hi ka khawngaih, ka pa anga mal taka a awm hi ka duh lo a ni," a ti leh a.
Mutnaah ka ngaihtuah zui ta a. An la naupan deuh laiin a nu chuan pasal dang a ûm ta tihna a ni a, a pa rilru hah tùrzia leh zah tùrziate ka ngaihtuah a, a țhiante leh a hmel hriatte hmai a zah dâwn lutuk. Chutah, fate pahnih naupang tê tê enkawl tur a la nei zui. A kova thil huphurhawm tak mai thâwklehkhata a han innghat ta rup mai chu rorèl fel pawh a har ngawt ang.
Ka pu ka laka a nèlawm lo viau pawh kha a lo àwm ve reng mai. Tunah phei chuan a fel tawh ka ti lutuk; mahse, mi dang tân a la nèlawm chuang lo ka ti tho. Țawng miah lova mi a han melh rùn phei hi chuan amah hre chiang lo tân chuan hlauhawm tak tùr a ni, kei chuan ka hlau hran lo. Ka chungah a fel a, min rin thu pawh a sawi kha.
Min ring ve tlat. A farnu leh a fanu tih lohah chuan keimah chauh min ring a, hriat nuam ve tak chu a ni. A chanchin Âtei'n min hrilh hnuah phei hi chuan a làwmawm ka ti ngawih ngawih.
Ka phone a rawn rîk țêt țêt chuan ka harh hlawl mai a, mit khap fak fak chung chuan ka han chhâng a.
"Hello?" Ka aw zet chuh, tho hlim aw tih a hriat dáwn lutuk.
"Ka rawn kaitho che a ni maw? Nizànah i mu țha lo lehpek em ni?" a rawn ti thûm dût dût a.
"Aih, ka mu țha, thil ka ngaihtuah mai mai a. Eng nge ni ta?" Tho peih rih lo chuan ka mu vang vang.
"I pahrawn hming pum leh Misuala hming pum kha ka hre duh a."
Eng atân tak chuan ti ni maw? Ka hrilh ve mai bawk a.
"Thil thleng a awm lo tiraw?"
"Awm lo ve, a țha vek."
"Ok, ka thu hrilh che kha hre reng la, engmah hlau chuang suh ang che. Hlau tùr i ni lo tih kha theihnghilh miah suh ang che."
Kan inbiak hnuah pawh khumah chuan ka la mu thlur, ka va tho peih lo tak! Ka period a hnai tawh a ni chiang.
A ngai téin dàwrah kan buai leh. Vawiin phei chu engtizia tehrêng nge maw ni, kan buai zual. Customer an tam, a làwmawm viau a, hah erawh kan hah deuh.
Tleirâwl rual pali an rawn lût dal dal a, țhianzaho an ni ngei ang. An inthuam dàn a inang tlâng vek. Adidas T-shirt vâr an ha vek a, cotton jeans dum vek hain adidas sneakers vâr an bun vek bawk. An sneakers bun lah chu a man a tlâwm lo tih ka hre ve tho, Rs 5000 chung lam a ni chiang. Mi awmthei tak fate an nih ngei ka ring, an hawiher pawh a zâng haih hlawm.
Kan lo chiauau a, an țawng duh barh barh hlawm hle. An zînga sam buang ber chuan," He dàwr hi thawmhnaw an nei nalh thei asin," a ti lar lar a, a bul chiaha sam tițial chuan," Ka duhzâwng chi deuh vek, hetia ka en thuak pawh hian ka hre thei," a lo ti ve a.
"Ka pi, hei hi eng zât man nge?"
'Ka pi' min ti!
A man zât chu ka hrilh ve mai. An han ha chhin nak nak hlawm a, an la inhmeh phian zui.
Tlangvâl pahnih an rawn lût ve leh a, Mary'n a lo chhàwn ve thung; mahse, pakhat chuan ka dinna lam a rawn hnaih a niang, a rawn țawng tâkah chuan ka phu zawk.
"I la thlamuang hle mai maw? Lo inring ang che," a rawn ti sup a, ka lo ngaihven lêm loh avàng leh hmeichhia lam hlîr ka lo buaipui avàngin a hmel ka hre chiang lo, ka hmuh chian theih loh tùrin a indang deuh tlat bawk.
Kal sawn nghâlin dàwr ațang chuan a chhuak ta nghâl. Ka thin a phu dawt dawt a; mahse, ka in-control vat. Zàwi muanga thâwk lain zawi muang bawkin ka thaw chhuak leh ham ham, chutiang chuan rei vak lo chu a ti a, a hnuah chuan ka zia ta deuh.
Mi chu an lo la veh reng chu a nih hi. Min bànsan an tum lo hle mai, eng nge ni an duh ni? Engmah neih ka nei lo va, ka neihchhun ka thianghlimna min lâksak tawhin râwva takin ka chungah an chê a ni si a, neih ka nei tawh lo asin.
Ka pu ka hrilh ang em? Thil thleng a awm phawt chuan min hrilh tùr khân min hrilh kha a ni a, hrilh kher lah chu, kha pa kha kan hre chhuakin kan dâwp chhuak thei kher nâng. Bâkah, kha pa kha kan hmu tawh pawhin ka ring lo, a hmel pawh kha ka hre chiang lo bawk.
"I va ngawichawi ve! Thil thleng a awm em?"
Ka lo ngawi vang vang reng niin. Za lo zet hian ka nuih sak a," Vawiin chu kan lùn deuh a, ka hah deuh a niang," ka ti ta ringawt.
"Lùn hi sumdâwng tân chuan a țha bawk sia tiraw? I hah phah ta hrep mai a nih chu. Zànah hma tâwkah i mu mai dâwn nia," nui chung hian a ti leh a.
Ka pu khân hlau lo tur khân min hrilh ngun hle kha a ni a; mahse, ka rilru a nuam miah lo. Thlalâk mawlh kha, an release leh ngei ang.
Ka pu lo haw thuai thuai se ka va ti tak! Min biain țawng chiam lo mah se a bula ka awm khân ka thla a muang ém ém a ni si, ka ngai vawng vawng mai.
*TUMAH HI FEL FAMKIM RÊNG KAN AWM LO, CHHUI CHIANA SUALNA LAI NEI KAN LO NI VEK MAI*
Ka ni tin hun hman dàn chu a zia leh țan ta. Hlauthâwng leh râlți lutuk chuan ka nung tawh lo va, ka mit leh ka beng erawh ka chhi kar thung. Eng pawh lo thleng se, kha mi sualpa leh ka pahrawn hurherh zet bulah khân lêt ka tum tawh lo bur.
Ka saruak thlalak an upload-ah khan ka hmel a lan loh avàngin tumahin min hre lo va; mahse, engtikah nge ka thlalâk dang kha an upload leh ang tih ka hre lo va, an ti leh ngeiin ka ring a, ka hmel lanna an tih tawh ngei pawh ka ring bawk.
LMa pawh school-ah a inhlawh tâk avàngin min rawn tlawh zut ta lo deuh. Hun âwl a neihah erawh a rawn kal fo, ka pu nèn lah hian an intawng fuh thei khawp a, LMa hian a biak ve châng pawh hian a rùl tâwk bâkin a chhâng ngai lo. LMa hi a lo ngaina lo tak tak a nih dâwn hi, ngaina'fahran lo' pawh ni lovin ngaina 'lo tak zet' a ni zâwk ngei ang. U Melo-i nau a nih vàng a ni thei ang em? A ni ngei ang, chiang deuh hleka hriat a châkawm.
Ka pu a zin thut dâwn. Ka huphurh lâwk kher mai, a chhan chu ka pu bula ka awm hian ka thla a muang a, eng harsatna mah ka tawh tak tak ka ring lo, a zin bo rei loh hrám ka beisei.
A kal dâwn zànah chuan ka room-ah a lo lût a, ka lo zài rât rât lai a nia, ka hmuh veleh chuan ka tàwp chiang tawp.
"Tàwp suh."
Ka nui ringawt a.
Ka khumah chuan țhuin," Kâr khat vêl chauh ka thangin ka ring. Chaw lo ei chhuak lo la, dàwr pâwn lamah chhuak tam lo bawk ang che. Âtei'n i kal leh haw lam a hruai ziah ang che, hlauh tùr a awm lo nain invèn a țha a nia," a ti charh charh a.
"A țha alawm."
"Mi, i bul hnaia awm rengte emaw rawn hnaih tumtu che emaw lo ring nghâl ngawt suh."
"Ka lo hre reng ang e."
A adidas T-shirt dum hâk chu a inhmehin a tilang fai sarin a hriat a, a inbual zo chiah a ni ngei ang, sahbawn rim pawh a nam ram ram alawm.
"Eng nge ka lo hawn ang che?"
"Ka lâwm e, engmah hawn ka ngai lo ang, ka mamawh chu ka nei alawm."
"Pheikhawk ka lo hawn ang che."
A chhuah dâwna," Ka pu, LMa hi engati nge i ngainat loh ém ém? U Melo-i nau a nih vàng em ni?"tia ka zawhna avàng chuan a ding chawt a, a rawn inher chuang lo.
"Hrehawm ka lo ti țhìn a, a u i huat avàng ngawtin ani thleng thlengin i haw ringawt thei lo ang."
Rawn inherin chiang zetin, mit khap miah lo hian min rawn en a, kei pawhin ka lo en ve reng.
"Thil i hriat chian loh chu sawi ringawt zêl suh," a rawn ti ta sup a.
"Mahse, i ngainat loh thu i sawi kha."
"Ngaina lo chiang."
Sawi tùr a vâng leh ta râih mai. Min rawn pan hnai deuhin," Ka thu sawi kha hre reng ang che," a ti sup a, thil dang sawi leh tawh lo chuan a chhuak ta vut a, ka thlîr zui tawp ringawt.
Melo-i nèn hian an inkârah 'thil' awm chu a awm a ni chiang. An inngaizâwng tawh a ni ngei ang, pu ber pawhin a fiam zuk kha, bâkah, Melo-i a chhe lo va, ka pu a chhe lo viau bawk. An inhmeh viau asin, nupa ni phei se, an fate an hmelțha ngawt ang.
Ka pu awm lo chuan khua a tihar ve ruai mai. Zîngah leh tlaiah min thlahin min rawn lam ziah kha a ni a, a ngaihawm roh ka ti. Țawng tehchiam lo mah se a awm khân min uap a, min lo tiphuisui a lo nih kha.
Zanriah ei hma deuh hretin Âtei chuan phone call a dawng a, rei vak lo an inbiak hnuah chuan chaw ei ka siam chu min rawn zawm ve a.
"Melo-i a nia, Lâna a lo hmu a ni àwm e. Buaithlâk, a duh ve bawk sia, pakhata lah hi..." sawi zawm lo chuan a chek tlak tlak a.
"A hmain an lo induh tawh ţhin em?"
"An inkawp ve zuai; mahse, an ințhen leh chiang lutuk kha a mak zâwk! Melo-i hi chu a fel a, hna nghet nei a ni bawk sia, ka duhpui asin. Bâkah, ka țhiannu a nia, Lâna hi duh tak meuhin a duh ve bawk sia," a ti sap sap a. Ka chawhmeh suah dawhkàna chhawp pah chuan pu ber chu a ko ta nghâl a.
Chaw kan ei lai chuan pu ber chuan," Novi, kumin Krismas bazàr i tum ang em? Khawiah nge bazàr i châk deuh?" tiin min zâwt a.
Ka tét lai chuan ka nuin min leisak țhìn ngei mai; mahse, kum nga vêl zet chu Krismas thawmhnaw ka nei ta lo. Ho ka ti tawh tlat, Krismas hun ni lovah kan lei thei tho sia, bâkah kan hunpuiah hian thawmhnaw man a to thei lutuk ka ti ve tlat.
"Ngai pawh ka lo ti vak hlei nem, thawmhnaw phei chu hâk sèn loh ka nei tawh sia."
Âtei chuan," Dik chiah. Nautei kawr tùr pawh hi a hmain ka lo lei lâwk țhìn alawm, an chhiar to vak zêl a, ka ngam țhìn lo," a lo ti ve a.
"Ânî, Krismas-ah chuan kawr aiin motor ka duh tawh zâwk."
"Ngati maw?"
"Motor-ah chuan ka chuang thei ang a, kawr chu a chuan ve theih loh a."
Kan nui hak hak hlawm a.
"Motor pawh a hâk theih bîk hlei nem," pu ber chuan a lo ti a.
Nautei leh pu ber kham hnu chuan a thuphung sawiin," Princess-i hi school a kai ve tawh dâwn em? Kum ruk lai a ni ve tawh sia," ka ti a.
"Nia, session tharah kan ti ve tawh ang chu. Lâna hian a phal rih lo tlat a, rilru hmantîr vak hi a la phal lo maw le."
"A hmang vak chuang nâng, țhiante zînga awm a han zir ang a, school pawh nuam a lo ti viau maithei asin," ka ti leh a.
"Nia, a pawimawh khawp mai. Nu a nei lo ber mai hi kan vêngthâwng a. A rilru hi a nâ ang tih a hlau ngawih ngawih a ni ber, a dâwn tam lutuk a; mahse, session tharah chuan ka kaltîr ve tawh dâwn tho," a ti sap sap a.
"Nupui nei tawh mai se, Princess-i chuan nu a nei dâwn tihna a ni mai a."
A thaw hak a," Nupui neih lam hi chu, ka buaipui peih tawh lo. Hmeichhia hi a melh peih lo ni ta berin ka hria, Melo-i pawh hian a'n tum leh ngial pawhin a ûksàk lo," a ti leh a.
"Hmeichhia, a rilru tina deuhtu a tawng tawh a ni lo maw?" Ka dîlchhût ve zêl, ka hre châk a.
A ngawi vang vang phawt a, chutah," A bul ber chu ka nu vàng a nia," a ti ta sap a. Makti zetin ka en hâ a; mahse, ka inthiam lo leh deuh a, ka țawng zui ngam ta lo.
A nu chuan engtin nge a lo tih țhin ang? Hmeichhia a melh peih loh phahna hial tùrin eng thil nge a lo tih? Ngawi teh, a pa hi a rinawm lohsan em ni? An nu chanchin hi an sawi lang ngai miah lo tak, thlalâk pawh ka hmu hek lo.
"Kan têt laiin pasal dang a ûm a."
Sawi harsa a tih dàn tùr chu, ka hriatthiampui pha lo zâwk. Mahni hringtu nute'n pasal dang ûm ta se, sawi chhuah a hrehawm dâwn lutuk.
"A pawi ka ti-"
"Hun kal tawh a nia, a hun lai kha chuan hrehawm kan ti a, kan zak viau bawk. A chhan chu school-ah min chhaih țhìn a, Lâna hian hrehawm a tiin a zak țhìn, kei erawh ka la nau deuh a, hrehawm tih nachâng pawh ka hre lo, ka nu kha ka ngai thei viau ringawt. Tunah chuan puitling kan ni tawh a, thil thleng ngei a ni bawk a, hrehawm han tih thar leh viau pawh ka tum lo. Ka pa erawh ka khawngaih țhìn, kan unau tê hian min enkawl chho a, nupui tùr pawh a melh tawh chuang lo. Kan len deuh hnuah kha chuan nei leh tùrin ka ti țhìn a; mahse, pafa inchhùn fuh tak an nia, a ti lo bur a ni tawp. Ka sawipui leh tawh ngai lo."
A lo nih tak chu. Khawvêl hi zawng, thil thleng thei lo hi a lo awm lo a nih hi, mahni thil neihah kan lung a awi zo tawh lo va, a dang kan duh belh zêl a, thil mawi lo leh țha lo tih hriat reng pawh hi kan duh lam a nih chuan kan ti duh ta zêl chu a nih hi.
"Hmeichhia hi a haw tawp a ni ber, engtin nge Melo-i hi a lo kawp theih zâwk ka ti, hmeichhia a haw hle si a. Ka lo lâwm hman tawh khawp mai a, hmeichhia hi ring ve tawh se, nupuite nei se ka duh; mahse, rei pawh a kawp leh ta si lo va, a chhan ka hre lo. Melo-i ka zawh lahin a lo hre bîk bawk si lo."
"Pasal neihsan daih lah a tihchi si loh, nupui a neih har leh pasal ka nei har dâwn tihna a ni si a, ka pitar hman mai ang tih pawh ka hlau deuh reuh," a ti leh a, a sawi tàwp lamah chuan a nui ta nghe nghe a.
"Nupui țha deuh nei se a țhat chu maw le; mahse, i la upa miah lo a nia, kan hmelah phei chuan kan kum a inzât hmel rengin ka hria."
A nui var var a.
"I la naupang tak si a, i rilru hi a puitling phian lawi chu ka ti bawk si a."
Hmun kan tihfel lai chuan a phone a rawn ri a," Lâna a nih hi, Nautei a be leh duh tawh a nih hi," a ti a, phone chu Nautei a va pe nghâl a.
"Vawiin lamah pawh a rawn be tawh reng sia, a ngai thei mai mai a nia. Hmun danga a awm hi chuan a rawn be âwl lo, signal a țhat phawt chuan a fanu tân hi chuan hun hi a inpe hrâm hrám zêl," a ti leh sap sap a.
"Pa țha tak a ni sia, nupuite neiin fa pawh tam deuh nei se a țhat tehlul nèn!"
A nui hak hak a.
"I thu sawi chu hria se a hlau ngawt ang."
"A, hlauh tùr a awm hlei nem, thil ţha ka duhpui che u alawm. Hmeichhia a rin lohna thinlung hi tihchhiatsak vek theih se aw..."
"Ka duhthusàm a ni. Pasal neih ka duh vàng ni lovin amah hi ka khawngaih, ka pa anga mal taka a awm hi ka duh lo a ni," a ti leh a.
Mutnaah ka ngaihtuah zui ta a. An la naupan deuh laiin a nu chuan pasal dang a ûm ta tihna a ni a, a pa rilru hah tùrzia leh zah tùrziate ka ngaihtuah a, a țhiante leh a hmel hriatte hmai a zah dâwn lutuk. Chutah, fate pahnih naupang tê tê enkawl tur a la nei zui. A kova thil huphurhawm tak mai thâwklehkhata a han innghat ta rup mai chu rorèl fel pawh a har ngawt ang.
Ka pu ka laka a nèlawm lo viau pawh kha a lo àwm ve reng mai. Tunah phei chuan a fel tawh ka ti lutuk; mahse, mi dang tân a la nèlawm chuang lo ka ti tho. Țawng miah lova mi a han melh rùn phei hi chuan amah hre chiang lo tân chuan hlauhawm tak tùr a ni, kei chuan ka hlau hran lo. Ka chungah a fel a, min rin thu pawh a sawi kha.
Min ring ve tlat. A farnu leh a fanu tih lohah chuan keimah chauh min ring a, hriat nuam ve tak chu a ni. A chanchin Âtei'n min hrilh hnuah phei hi chuan a làwmawm ka ti ngawih ngawih.
Ka phone a rawn rîk țêt țêt chuan ka harh hlawl mai a, mit khap fak fak chung chuan ka han chhâng a.
"Hello?" Ka aw zet chuh, tho hlim aw tih a hriat dáwn lutuk.
"Ka rawn kaitho che a ni maw? Nizànah i mu țha lo lehpek em ni?" a rawn ti thûm dût dût a.
"Aih, ka mu țha, thil ka ngaihtuah mai mai a. Eng nge ni ta?" Tho peih rih lo chuan ka mu vang vang.
"I pahrawn hming pum leh Misuala hming pum kha ka hre duh a."
Eng atân tak chuan ti ni maw? Ka hrilh ve mai bawk a.
"Thil thleng a awm lo tiraw?"
"Awm lo ve, a țha vek."
"Ok, ka thu hrilh che kha hre reng la, engmah hlau chuang suh ang che. Hlau tùr i ni lo tih kha theihnghilh miah suh ang che."
Kan inbiak hnuah pawh khumah chuan ka la mu thlur, ka va tho peih lo tak! Ka period a hnai tawh a ni chiang.
A ngai téin dàwrah kan buai leh. Vawiin phei chu engtizia tehrêng nge maw ni, kan buai zual. Customer an tam, a làwmawm viau a, hah erawh kan hah deuh.
Tleirâwl rual pali an rawn lût dal dal a, țhianzaho an ni ngei ang. An inthuam dàn a inang tlâng vek. Adidas T-shirt vâr an ha vek a, cotton jeans dum vek hain adidas sneakers vâr an bun vek bawk. An sneakers bun lah chu a man a tlâwm lo tih ka hre ve tho, Rs 5000 chung lam a ni chiang. Mi awmthei tak fate an nih ngei ka ring, an hawiher pawh a zâng haih hlawm.
Kan lo chiauau a, an țawng duh barh barh hlawm hle. An zînga sam buang ber chuan," He dàwr hi thawmhnaw an nei nalh thei asin," a ti lar lar a, a bul chiaha sam tițial chuan," Ka duhzâwng chi deuh vek, hetia ka en thuak pawh hian ka hre thei," a lo ti ve a.
"Ka pi, hei hi eng zât man nge?"
'Ka pi' min ti!
A man zât chu ka hrilh ve mai. An han ha chhin nak nak hlawm a, an la inhmeh phian zui.
Tlangvâl pahnih an rawn lût ve leh a, Mary'n a lo chhàwn ve thung; mahse, pakhat chuan ka dinna lam a rawn hnaih a niang, a rawn țawng tâkah chuan ka phu zawk.
"I la thlamuang hle mai maw? Lo inring ang che," a rawn ti sup a, ka lo ngaihven lêm loh avàng leh hmeichhia lam hlîr ka lo buaipui avàngin a hmel ka hre chiang lo, ka hmuh chian theih loh tùrin a indang deuh tlat bawk.
Kal sawn nghâlin dàwr ațang chuan a chhuak ta nghâl. Ka thin a phu dawt dawt a; mahse, ka in-control vat. Zàwi muanga thâwk lain zawi muang bawkin ka thaw chhuak leh ham ham, chutiang chuan rei vak lo chu a ti a, a hnuah chuan ka zia ta deuh.
Mi chu an lo la veh reng chu a nih hi. Min bànsan an tum lo hle mai, eng nge ni an duh ni? Engmah neih ka nei lo va, ka neihchhun ka thianghlimna min lâksak tawhin râwva takin ka chungah an chê a ni si a, neih ka nei tawh lo asin.
Ka pu ka hrilh ang em? Thil thleng a awm phawt chuan min hrilh tùr khân min hrilh kha a ni a, hrilh kher lah chu, kha pa kha kan hre chhuakin kan dâwp chhuak thei kher nâng. Bâkah, kha pa kha kan hmu tawh pawhin ka ring lo, a hmel pawh kha ka hre chiang lo bawk.
"I va ngawichawi ve! Thil thleng a awm em?"
Ka lo ngawi vang vang reng niin. Za lo zet hian ka nuih sak a," Vawiin chu kan lùn deuh a, ka hah deuh a niang," ka ti ta ringawt.
"Lùn hi sumdâwng tân chuan a țha bawk sia tiraw? I hah phah ta hrep mai a nih chu. Zànah hma tâwkah i mu mai dâwn nia," nui chung hian a ti leh a.
Ka pu khân hlau lo tur khân min hrilh ngun hle kha a ni a; mahse, ka rilru a nuam miah lo. Thlalâk mawlh kha, an release leh ngei ang.
Ka pu lo haw thuai thuai se ka va ti tak! Min biain țawng chiam lo mah se a bula ka awm khân ka thla a muang ém ém a ni si, ka ngai vawng vawng mai.
*TUMAH HI FEL FAMKIM RÊNG KAN AWM LO, CHHUI CHIANA SUALNA LAI NEI KAN LO NI VEK MAI*
Khamawm loh theih e....
ReplyDeleteA van tawi thei tak sei deuh hian a ziah theih thlawt lo a mi
ReplyDeleteChhiar teuh chàkom thin ngaihnom ltk
ReplyDelete