☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 2 By Dingdi Pachuau
Kal ka duh; mahse, kalna tùr ka hre chuang lo. Tunah hian pawisa pakhat mah ka nei lo va, Lungleiah chuan kal ringawt pawh ni ila, khawi lai berah nge ka kal ang? Ka kal ngai tawp si lo.
"I kal duh a nih pawhin i ke dam hun kha nghâk phawt rawh."
A țawngka chhuak chu ngaihawm tak ni lo mah se chutiang țawngkam a phuh chhuak chu a làwmawm ka ti ru viau, kalna tùr ka hre miah si lo va.
Choka lamah chuan a awm ta vang vang, damdawi min pêk khân ka ke pilh laite chu ka hnawih leh a, a thîp vang vang khawp mai.
Ka hawi kual a, lui luang ri ka hriain ka hria. A hma khân ka lo ngaihtuah loh vàng nge ka hriat àwm ka hre miah lo. Mi dang an awm ve lo chu a ni phawt mai a, he pa hi a rin ngam ang em le? Nge kha mi sualpa ang tho kha ni ang? A tìrah țha derin, a hnuah erawh sual theihtàwpin.
Mahse, tunah erawh a thu sawi ka awih mai a ngai si a nih hi. Heti chung chuan thui ka kal thei lo tawp ang, ka slipper lah a chhe teuh tawh si, a dang leina tùr pawisa ka nei si lo. Bâkah, ramhnuaia mahni chauha riah ka hlau asin, zêp lohah chuan.
Ka kephah chu ka en a, hlîng lût a awm chiang mai. Ka khawih fuh a, ka țhen châwk châwk a. Ka khei chhuah vat loh chuan hnai a là ang a, buaipui rei a ngai zâwk ang.
Hriau ka dìl a ngai.
Huphurh rilru tak chuan choka lamah chuan ka bâi phei saih saih a, chawhmeh a lo siam a ni ngei ang, ka thâwm a hria a nih pawhin a rawn inher chuang miah lo.
"Hriau ka lo hmang thei ang em...ka pu?" Dik tak chuan thingpui min pe a, tui in tùr min pe a, țawngkam țha chu ka bâ a ni, mipa a nih vànga haw viau chung siin.
"Calendar-ah ka vih kha."
A rawn tho a, min rawn kal pèlin calendar tàr lam chu a pan a, ka nuih a za ve ta tlat a nih chu.
Ka nu khân hriau hi a room-a calendar-ah hian a vit ziah a, min tihrechhuak zawk a ni, ka hau țhìn a; ani erawh chu a nui mai mai thung ziah.
Hriau chu min pêk pahin," I hman zawhah i vit leh mai dâwn nia," a ti sup a, a kal leh nghal a.
Ka theih ang angin ka kea hlîng lût chu ka khei a, a lo thûk reuh phian. Ka ke a no bawk nèn, a thî duh lutuk. Ka khei chhuah meuh chuan ka kut a kham bâkah ka mit men a hrehawm lutuk. Ka maimichhîng vang vang a.
"Kha, hei hian a thî kha hru rawh."
Ka bulah a lo ding leh reng tawh niin. Ka meng nghâl zawk a, lapua a ken lai chu lâksakin a thî chu ka hru a.
"I khei chhuak thei maw?"
"Aw."
Cooker a rawn phit chiah chu ka phu nasa kher mai, ka hriau ken pawh ka thlah dâwrh mai.
"Chaw ka chhùm a," hriau chhar pah chuan a ti sup a.
Min nuih miah lo. Ka zak ru khawp mai, cooker phit rî ka hre ngai lo țhìn pawh a ni si lo va.
"I ril a țâm tawh em?"
Nichin lawkah thingpui ka in kha, chhang nèn. Țâm lo tak a ni, ani hi a țâm tawh viau zâwk ang.
"Țâm lo."
"Kan ei thei țêp."
Chaw ka ei ve ringawt dâwn chu a ni si a, engmah ka siampui ve bawk si lo, a hming takngial pawh ka la hre lo a ni sia.
"Ka pu, engtin nge ka koh ang che?"
Rawn hawi lo chuan," Tuna min koh dàn ang khan," a lo ti a, ka inthiam lo hran lo ve. Tlangvâl naupang ve tak ni tùra ka rin kha a ni miau a, rin aiin a lo tar tawh si a. Tar han tih chu a duh vak lo maithei a; mahse, a khabe leh biangte a tihmul nasa si a, a sam lah a bawrchhawr bawk nèn, a lang upa tlat a ni.
Choka lama a kal tâk hnu chuan ka kawr thingin ka inchhêm hauh hauh a, ka hawi kual vêl a, chhùnah chuan a lum ve ngawt ang. Tuna ni sâ pawh hi a țang țha viau si a, a lum ka ti țan chu a ni dêr tawh a nih hi.
Ka kawr chu ka'n en chiang a, ka dinglam kiu chu a țêt a, ka kawr hma lam sîr deuh hlekah a țet hlek bawk. Hei bâk hi thlêr a awm lo a niang, ka kekawr erawh a khûp chiah a țêt thung.
Ka sam țàwn khâwm chu ka phelh a, a lo hnawk khawp mai. Ka lang bawrchhawr dâwn lutuk tih ka hre chiah, engah tak min ngai ang maw? Mi sual tlânchhiaah min ngai hial ang chu.
"Chaw a ei theih."
A va inthlahrunthlâk ve! Ka dinhmun hian zir deuh hlek se ka va ti tak! ATM card tal kha lo keng ila...awmzia a awm tawh si lo.
"Lo kal rawh."
Tîm deuh dai chuan chokaah chuan ka kal phei saih saih a, a zîm lutuk lo nain a záu fahran lo khawp mai. Bungbêl erawh bêlbâwmah a awm vek a niang, ka hmu miah lo.
Ka kut ka sil a, mipa chêtna tih takah a fel thlarh miah lo. Nupui a nei lo tihna a ni ngei ang, nei se chuan amah chauhin a awm lo tawp ang. A tar tawh nèn, a va nei har.
Dawhkàn lian lo tê chu kan kîl dùn ràn mai a, chaw chu a ei mawp mawp a, min en mang lo. Kei erawh chuan ka en leh zak zak țhìn, a chhan chu min rawn zuan thut lo ang tih ka hre hauh lo, inring deuh rengin ka awm.
"Inthlahdul rawh."
A tho nghâl daih, mak ti angreng deuhin ka en zui a, min lo hmu ru reng tih hriat reng, pawi pawh ka ti lo.
Ka ei tam lo, nichina thingpui leh chhang ka ei vàng khân ka ei thei thlâwt lo.
Chaw ei khamah chuan hreh zet hian," Ka pu, Lunglei chu engtia hla nge?" tiin ka zâwt hrâm a, a bula awm ve ringawt hi a chi loh. Mipa a nih hi, chutah ka hmêlhriat loh a la ni zui.
"A hla, i kal thleng thei lo ang."
A chêt dàn hi a mak ka ti. A mitmeng chiah hi a chêt sawn ni hian ka hria, a hmuh duh chu engkim a hmu thei vek a niang, a lu a chêt sawn ve lo rêng rêng.
"Hna ka zawn a ngai."
Pawisa ka neih a ngai alawm. Thawmhnaw ka lei a ngai ang a, hna thawh tùr ka zawn thuai loh chuan engtin nge pawisa ka neih theih ang?
"Intidam phawt rawh."
"Ka thawk thei tho ang."
Greenhouse lam chu kâwkin," Sawtah sâwn hna ka thawk dâwn a, lo intifai ang che. I lo mu hahdam thei bawk ang," a ti nghut a, a tho leh thuai a, room-ah lûtin eng nge a va tih ka hre lo, a lo chhuah chuan puan pâr chhiai leh towel ni àwm tak rawn keng chhuakin," Hei hi i hmang thei ang," a ti leh sup a. Dawhkànah dahin pâwnah a chhuak ta nghâl a.
Ka che sawn lawk lo. A kal leh kal loh chu ka ngaichang deuh reng a, greenhouse lama a kal phei ka hmuh chuan ka thaw deuh huai. Nia, insila intihfai ka châk, ni lo, fai taka inbual ka châk zâwk.
A kal ațanga minute sàwm hnu vêlah chuan inbual tùrin ka inbuatsaih chauh. Dawhkàna towel leh puan pâr chhiai chu ka thing pharh chhin a, pâr chhiai chu kawrfual a lo ni, tu kawr tak ni ang maw? Ka inteh chhin a, ka khûp chen a ni.
Ka intihhuh hmain polythene ka zawng phawt a, ka khûp chu ka tuam hul a ngai a ni.
Bathroom chu a lo nei țha ve lutuk. Ka thawmhnaw zawng zawng ka su vek, nî a sa țha a, a ro hma viau ang. Tui a tam bawk a, muangchângin ka inbual.
Ka harh hawk mai. Ka bàl viau a ni, ka tlànchhiatna lamah ka thlan a tla nasa a, bâkah ka tlu ve tho bawk sia. Hnim zîngah ka tlân bawk nèn, ka thawmhnaw pawh a mê pah bawk.
Ka thawmhnaw zàr chu ka let sek. Ka kawrhnuai leh kekawrtê chu a ro ta thuai. Ka ha leh vat vat a, hetianga nun hman hi ka insuangtuah chhin ngai miah lo.
Min rawn zawng ang em le? Min zawng ngei chuan ka ring. Nge ka bo thute hi newspaper-ah an chhuah ang em? News-ahte hian ka lo lang kiau kuau lo ang maw? A zahthlâk ngawt ang, chu zawng ai chuan min hmu leh ang tih mawlh ka hlau. Ka intihdanglam deuh chu a ngai ngei ang.
Țhutthlèngah chuan ka mu mai mai a, khua a lum bawk sia, ka mut a rawn chhuak leh selh selh, khawlum chu ka zo thlâwt lo a ni.
Ka harh chhuah chuan ka awmna chu ka hre thiam lo lek lek mai. Ka hawi kual a, ka hre chhuak leh chiah. Ka lu na bûr mai chu ka dawm a, ka thlan lah chu a lo tla nasa mai a, a lum ve ém a ni.
"I muhìl țha thei maw? I ril a țâm em?"
Ka tho chiang ngei mai. In chhûngah a lo awm reng tawh a nih hi, a lo luh lai ka hre miah lo, min khawih loh hrâm ka beisei.
"I theih phawt chuan muhìl leh rawh."
"A ngai tawh lo," ka ti niah niah a.
"Pawisa i nei em?" a rawn ti thûm dût a.
"Aih." Ka chhâng rang mah mah, ka inthiam lo zâwk.
"Naktûkah Lunglei pan chuan kan chhuak dâwn nia."
Lungleia kal ringawt pawh chu, a hmasa berah chuan pawisa ka neih phawt a ngai a ni. Tumah hriat ka nei dâwn si lo va, ka pu hi pawisa pûk dîl ta tawp mai ila, nakinah hna ka hmuha ka thawh theih hunah ka rùl mai ang a.
"Ka pu..." ka sawi hreh ngang mai; mahse, chutiang dinhmunah ka ding lo," Pawisa min pûktîr hrâm teh, hna ka hmuh veleh ka rùl vat ang che," ka ti phawng a.
Min en rùn mai a, nuam lo ka tihzia mai chuh.
"Eng hna nge thawh i tum?"
"A remchâng apiang a ni mai."
A ngawih vung vung hnuah chuan," Naktûkah kan ngaihtuah dâwn nia," a ti sup a, chokaah a lût ta nghâl a.
A lo tlai viau tawh a lo ni, eirawng pawh a lo bâwl diam tawh. Ka lo muhìl leh kher kher chu ka inthiam lo kher mai, hna a thawk a, rawngbàwl tal kha chu lo tih ve tùr a nia.
Choka ațanga lo chhuakin," Ka inbual zawhah chaw kan ei dawn nia," a ti thûm leh dût a, room-ah lûtin towel, ka hman ni lo rawng dang a rawn la chhuak a, bathroom-ah a lût ta nghâl a.
Tlai ni tla tùr chu a sen phût mai a, a mawi phian. A lum ém avàng erawh chuan pil thuai thuai se ka ti, ka khûp lahin min tur ut ut mai.
Current a awm loh vàngin candle kan chhî a, a țawng tam vak si lo va, kei lahin țawng ka tum bawk si lo nèn, a reh khawp mai.
"Room-ah sâwn i mu dâwn nia, kei hetah hian ka mu ang a."
Ka lo buai rûk reuh reuh thil a rawn sawi chhuah avàng chuan ka thaw huai. Chhùn lama ka muthilh avàng erawh chuan ka muhìl thuai theiin ka ring lo.
Candle êng hnuaiah ka awm khât sia, a romantic ang zâwnga thlìr chuan a nuam reuh khawp ang; mahse, romantic ang zâwng chuan ka thlîr thei lo tawp mai.
A mut a chhuak ngei ang, chhùnah khawlum hnuaiah hna a thawk a, a chau viau ang, a mu duh tawh ang.
"Mu tawh rawh, i chau ang."
Toothbrush ka va duh tak! Mut dâwna ha nawh loh hi ka ti ngai miah lo asin, tunah zet chuan...
Khumah chuan ka țhu rèn ráwn a, a mutna min kian chu a ni ve ngei àwm si a, candle êngah chuan ka hawi kual a, room chu rin ai chuan a lo tifel ve chuan ka hria. Bang rinchhanin thawmhnaw dahna siam a ni a, thawmhnaw a inbâng nghûk lo va, a fel phian alawm.
Khum zût zût pah chuan thil ka ngaihtuah a, zànah hian ramsate hi a lo kal ang em le? Pâwn lama sava hrâm leh kûk kûk țhìn chu ka ngaithla a, tui takin ka muhìl thei ngût ang em?
Ka mut hlàn hian ka mutna room-ah hian a rawn lût mai ang em? Mipa a ni ve tho a, ka invèn tho a ngai a ni.
Ka tho leh țhem țhem a, thâwm dìm thei ang berin room kawngka chu ka kalh a, chumi hnuah chauh chuan ka thaw deuh huai thei chauh.
Thla a êng lo va, candle lah chu a alh ral mai dâwn si. Thimah ka mu ngai lo asin, ka muhìl thuai thei bawk si lo, ka rilru a hah.
A muhìl tawh a ni ngei ang, thâwm engmah a nei tawh lo. Ka candle chhit a ral dâwn, nuam lo ka va ti tak! Ka khûp nâ lah chuan min rawn tur na tulh tulhin ka hria ka ti.
Candle alh ral chu ka thlîr reng, a thim ta mup mai. Ka hlau viau, muhìl daih ila chuan a zia deuh tùr, muthilh ahnêkin ka harh tulh tulhin ka hre lehnghal.
Sava hràm rî chu ka ngaithla a, thâwk pawh ka thaw ri țha ngam lo. Khâng mi sualte pawh khân min rawn umzui maithei asin, tunahte hian ka mutna hi min rawn hual tawh maithei a ni.
"Ka pu...?" zàwi têin ka ti a.
Ka inthlahrung a, ka duh lo viau nain ka hlau tlat bawk si.
"Ka pu?"
"I muhìl thei nange?"
"Ka pu...ka hlau a ni," ka ti ta tawp.
"Engmah hlauh tùr a awm lo a nia, êng ka'n chhi leh ang e."
Kei pawh ka tho leh vat. Thim thama indapchawpin kawngka chu ka va hawng leh rih a.
Candle chu min rawn pein,"I men chhûng chu ka lo menpui ang che, titi i duh em?" a ti dût dût a.
"Aih, muhìl rawh, i chau ang."
Kawngka chu ka khâr duh tawh lo, hawng huaiin ka dah a, tunah tak hi chuan ka pu hi ka hlau lo. Ramsa leh mi sual an lo kal ka hlau tawh zâwk.
A mutnaa mu lehin a têt laia a hlauh chânga a nuin a hnem dàn chu a sawi sup sup a, nuihzatthlâk ru deuh siin a sawi thiam a, a sawi tàwp lamah phei chuan ka mut a lo chhuak leh hman tawh a, a sawi tàwp pawh ka hre lo.
*HARSATNA KAN TAWH TAM ZÂWK HIAN HMAN TLÂK NI TÙRIN MIN LO CHHER HRIAM ȚHÌN A LO NI*
Group join duh tan
https://www.facebook.com/groups/389869478234571/
Kal ka duh; mahse, kalna tùr ka hre chuang lo. Tunah hian pawisa pakhat mah ka nei lo va, Lungleiah chuan kal ringawt pawh ni ila, khawi lai berah nge ka kal ang? Ka kal ngai tawp si lo.
"I kal duh a nih pawhin i ke dam hun kha nghâk phawt rawh."
A țawngka chhuak chu ngaihawm tak ni lo mah se chutiang țawngkam a phuh chhuak chu a làwmawm ka ti ru viau, kalna tùr ka hre miah si lo va.
Choka lamah chuan a awm ta vang vang, damdawi min pêk khân ka ke pilh laite chu ka hnawih leh a, a thîp vang vang khawp mai.
Ka hawi kual a, lui luang ri ka hriain ka hria. A hma khân ka lo ngaihtuah loh vàng nge ka hriat àwm ka hre miah lo. Mi dang an awm ve lo chu a ni phawt mai a, he pa hi a rin ngam ang em le? Nge kha mi sualpa ang tho kha ni ang? A tìrah țha derin, a hnuah erawh sual theihtàwpin.
Mahse, tunah erawh a thu sawi ka awih mai a ngai si a nih hi. Heti chung chuan thui ka kal thei lo tawp ang, ka slipper lah a chhe teuh tawh si, a dang leina tùr pawisa ka nei si lo. Bâkah, ramhnuaia mahni chauha riah ka hlau asin, zêp lohah chuan.
Ka kephah chu ka en a, hlîng lût a awm chiang mai. Ka khawih fuh a, ka țhen châwk châwk a. Ka khei chhuah vat loh chuan hnai a là ang a, buaipui rei a ngai zâwk ang.
Hriau ka dìl a ngai.
Huphurh rilru tak chuan choka lamah chuan ka bâi phei saih saih a, chawhmeh a lo siam a ni ngei ang, ka thâwm a hria a nih pawhin a rawn inher chuang miah lo.
"Hriau ka lo hmang thei ang em...ka pu?" Dik tak chuan thingpui min pe a, tui in tùr min pe a, țawngkam țha chu ka bâ a ni, mipa a nih vànga haw viau chung siin.
"Calendar-ah ka vih kha."
A rawn tho a, min rawn kal pèlin calendar tàr lam chu a pan a, ka nuih a za ve ta tlat a nih chu.
Ka nu khân hriau hi a room-a calendar-ah hian a vit ziah a, min tihrechhuak zawk a ni, ka hau țhìn a; ani erawh chu a nui mai mai thung ziah.
Hriau chu min pêk pahin," I hman zawhah i vit leh mai dâwn nia," a ti sup a, a kal leh nghal a.
Ka theih ang angin ka kea hlîng lût chu ka khei a, a lo thûk reuh phian. Ka ke a no bawk nèn, a thî duh lutuk. Ka khei chhuah meuh chuan ka kut a kham bâkah ka mit men a hrehawm lutuk. Ka maimichhîng vang vang a.
"Kha, hei hian a thî kha hru rawh."
Ka bulah a lo ding leh reng tawh niin. Ka meng nghâl zawk a, lapua a ken lai chu lâksakin a thî chu ka hru a.
"I khei chhuak thei maw?"
"Aw."
Cooker a rawn phit chiah chu ka phu nasa kher mai, ka hriau ken pawh ka thlah dâwrh mai.
"Chaw ka chhùm a," hriau chhar pah chuan a ti sup a.
Min nuih miah lo. Ka zak ru khawp mai, cooker phit rî ka hre ngai lo țhìn pawh a ni si lo va.
"I ril a țâm tawh em?"
Nichin lawkah thingpui ka in kha, chhang nèn. Țâm lo tak a ni, ani hi a țâm tawh viau zâwk ang.
"Țâm lo."
"Kan ei thei țêp."
Chaw ka ei ve ringawt dâwn chu a ni si a, engmah ka siampui ve bawk si lo, a hming takngial pawh ka la hre lo a ni sia.
"Ka pu, engtin nge ka koh ang che?"
Rawn hawi lo chuan," Tuna min koh dàn ang khan," a lo ti a, ka inthiam lo hran lo ve. Tlangvâl naupang ve tak ni tùra ka rin kha a ni miau a, rin aiin a lo tar tawh si a. Tar han tih chu a duh vak lo maithei a; mahse, a khabe leh biangte a tihmul nasa si a, a sam lah a bawrchhawr bawk nèn, a lang upa tlat a ni.
Choka lama a kal tâk hnu chuan ka kawr thingin ka inchhêm hauh hauh a, ka hawi kual vêl a, chhùnah chuan a lum ve ngawt ang. Tuna ni sâ pawh hi a țang țha viau si a, a lum ka ti țan chu a ni dêr tawh a nih hi.
Ka kawr chu ka'n en chiang a, ka dinglam kiu chu a țêt a, ka kawr hma lam sîr deuh hlekah a țet hlek bawk. Hei bâk hi thlêr a awm lo a niang, ka kekawr erawh a khûp chiah a țêt thung.
Ka sam țàwn khâwm chu ka phelh a, a lo hnawk khawp mai. Ka lang bawrchhawr dâwn lutuk tih ka hre chiah, engah tak min ngai ang maw? Mi sual tlânchhiaah min ngai hial ang chu.
"Chaw a ei theih."
A va inthlahrunthlâk ve! Ka dinhmun hian zir deuh hlek se ka va ti tak! ATM card tal kha lo keng ila...awmzia a awm tawh si lo.
"Lo kal rawh."
Tîm deuh dai chuan chokaah chuan ka kal phei saih saih a, a zîm lutuk lo nain a záu fahran lo khawp mai. Bungbêl erawh bêlbâwmah a awm vek a niang, ka hmu miah lo.
Ka kut ka sil a, mipa chêtna tih takah a fel thlarh miah lo. Nupui a nei lo tihna a ni ngei ang, nei se chuan amah chauhin a awm lo tawp ang. A tar tawh nèn, a va nei har.
Dawhkàn lian lo tê chu kan kîl dùn ràn mai a, chaw chu a ei mawp mawp a, min en mang lo. Kei erawh chuan ka en leh zak zak țhìn, a chhan chu min rawn zuan thut lo ang tih ka hre hauh lo, inring deuh rengin ka awm.
"Inthlahdul rawh."
A tho nghâl daih, mak ti angreng deuhin ka en zui a, min lo hmu ru reng tih hriat reng, pawi pawh ka ti lo.
Ka ei tam lo, nichina thingpui leh chhang ka ei vàng khân ka ei thei thlâwt lo.
Chaw ei khamah chuan hreh zet hian," Ka pu, Lunglei chu engtia hla nge?" tiin ka zâwt hrâm a, a bula awm ve ringawt hi a chi loh. Mipa a nih hi, chutah ka hmêlhriat loh a la ni zui.
"A hla, i kal thleng thei lo ang."
A chêt dàn hi a mak ka ti. A mitmeng chiah hi a chêt sawn ni hian ka hria, a hmuh duh chu engkim a hmu thei vek a niang, a lu a chêt sawn ve lo rêng rêng.
"Hna ka zawn a ngai."
Pawisa ka neih a ngai alawm. Thawmhnaw ka lei a ngai ang a, hna thawh tùr ka zawn thuai loh chuan engtin nge pawisa ka neih theih ang?
"Intidam phawt rawh."
"Ka thawk thei tho ang."
Greenhouse lam chu kâwkin," Sawtah sâwn hna ka thawk dâwn a, lo intifai ang che. I lo mu hahdam thei bawk ang," a ti nghut a, a tho leh thuai a, room-ah lûtin eng nge a va tih ka hre lo, a lo chhuah chuan puan pâr chhiai leh towel ni àwm tak rawn keng chhuakin," Hei hi i hmang thei ang," a ti leh sup a. Dawhkànah dahin pâwnah a chhuak ta nghâl a.
Ka che sawn lawk lo. A kal leh kal loh chu ka ngaichang deuh reng a, greenhouse lama a kal phei ka hmuh chuan ka thaw deuh huai. Nia, insila intihfai ka châk, ni lo, fai taka inbual ka châk zâwk.
A kal ațanga minute sàwm hnu vêlah chuan inbual tùrin ka inbuatsaih chauh. Dawhkàna towel leh puan pâr chhiai chu ka thing pharh chhin a, pâr chhiai chu kawrfual a lo ni, tu kawr tak ni ang maw? Ka inteh chhin a, ka khûp chen a ni.
Ka intihhuh hmain polythene ka zawng phawt a, ka khûp chu ka tuam hul a ngai a ni.
Bathroom chu a lo nei țha ve lutuk. Ka thawmhnaw zawng zawng ka su vek, nî a sa țha a, a ro hma viau ang. Tui a tam bawk a, muangchângin ka inbual.
Ka harh hawk mai. Ka bàl viau a ni, ka tlànchhiatna lamah ka thlan a tla nasa a, bâkah ka tlu ve tho bawk sia. Hnim zîngah ka tlân bawk nèn, ka thawmhnaw pawh a mê pah bawk.
Ka thawmhnaw zàr chu ka let sek. Ka kawrhnuai leh kekawrtê chu a ro ta thuai. Ka ha leh vat vat a, hetianga nun hman hi ka insuangtuah chhin ngai miah lo.
Min rawn zawng ang em le? Min zawng ngei chuan ka ring. Nge ka bo thute hi newspaper-ah an chhuah ang em? News-ahte hian ka lo lang kiau kuau lo ang maw? A zahthlâk ngawt ang, chu zawng ai chuan min hmu leh ang tih mawlh ka hlau. Ka intihdanglam deuh chu a ngai ngei ang.
Țhutthlèngah chuan ka mu mai mai a, khua a lum bawk sia, ka mut a rawn chhuak leh selh selh, khawlum chu ka zo thlâwt lo a ni.
Ka harh chhuah chuan ka awmna chu ka hre thiam lo lek lek mai. Ka hawi kual a, ka hre chhuak leh chiah. Ka lu na bûr mai chu ka dawm a, ka thlan lah chu a lo tla nasa mai a, a lum ve ém a ni.
"I muhìl țha thei maw? I ril a țâm em?"
Ka tho chiang ngei mai. In chhûngah a lo awm reng tawh a nih hi, a lo luh lai ka hre miah lo, min khawih loh hrâm ka beisei.
"I theih phawt chuan muhìl leh rawh."
"A ngai tawh lo," ka ti niah niah a.
"Pawisa i nei em?" a rawn ti thûm dût a.
"Aih." Ka chhâng rang mah mah, ka inthiam lo zâwk.
"Naktûkah Lunglei pan chuan kan chhuak dâwn nia."
Lungleia kal ringawt pawh chu, a hmasa berah chuan pawisa ka neih phawt a ngai a ni. Tumah hriat ka nei dâwn si lo va, ka pu hi pawisa pûk dîl ta tawp mai ila, nakinah hna ka hmuha ka thawh theih hunah ka rùl mai ang a.
"Ka pu..." ka sawi hreh ngang mai; mahse, chutiang dinhmunah ka ding lo," Pawisa min pûktîr hrâm teh, hna ka hmuh veleh ka rùl vat ang che," ka ti phawng a.
Min en rùn mai a, nuam lo ka tihzia mai chuh.
"Eng hna nge thawh i tum?"
"A remchâng apiang a ni mai."
A ngawih vung vung hnuah chuan," Naktûkah kan ngaihtuah dâwn nia," a ti sup a, chokaah a lût ta nghâl a.
A lo tlai viau tawh a lo ni, eirawng pawh a lo bâwl diam tawh. Ka lo muhìl leh kher kher chu ka inthiam lo kher mai, hna a thawk a, rawngbàwl tal kha chu lo tih ve tùr a nia.
Choka ațanga lo chhuakin," Ka inbual zawhah chaw kan ei dawn nia," a ti thûm leh dût a, room-ah lûtin towel, ka hman ni lo rawng dang a rawn la chhuak a, bathroom-ah a lût ta nghâl a.
Tlai ni tla tùr chu a sen phût mai a, a mawi phian. A lum ém avàng erawh chuan pil thuai thuai se ka ti, ka khûp lahin min tur ut ut mai.
Current a awm loh vàngin candle kan chhî a, a țawng tam vak si lo va, kei lahin țawng ka tum bawk si lo nèn, a reh khawp mai.
"Room-ah sâwn i mu dâwn nia, kei hetah hian ka mu ang a."
Ka lo buai rûk reuh reuh thil a rawn sawi chhuah avàng chuan ka thaw huai. Chhùn lama ka muthilh avàng erawh chuan ka muhìl thuai theiin ka ring lo.
Candle êng hnuaiah ka awm khât sia, a romantic ang zâwnga thlìr chuan a nuam reuh khawp ang; mahse, romantic ang zâwng chuan ka thlîr thei lo tawp mai.
A mut a chhuak ngei ang, chhùnah khawlum hnuaiah hna a thawk a, a chau viau ang, a mu duh tawh ang.
"Mu tawh rawh, i chau ang."
Toothbrush ka va duh tak! Mut dâwna ha nawh loh hi ka ti ngai miah lo asin, tunah zet chuan...
Khumah chuan ka țhu rèn ráwn a, a mutna min kian chu a ni ve ngei àwm si a, candle êngah chuan ka hawi kual a, room chu rin ai chuan a lo tifel ve chuan ka hria. Bang rinchhanin thawmhnaw dahna siam a ni a, thawmhnaw a inbâng nghûk lo va, a fel phian alawm.
Khum zût zût pah chuan thil ka ngaihtuah a, zànah hian ramsate hi a lo kal ang em le? Pâwn lama sava hrâm leh kûk kûk țhìn chu ka ngaithla a, tui takin ka muhìl thei ngût ang em?
Ka mut hlàn hian ka mutna room-ah hian a rawn lût mai ang em? Mipa a ni ve tho a, ka invèn tho a ngai a ni.
Ka tho leh țhem țhem a, thâwm dìm thei ang berin room kawngka chu ka kalh a, chumi hnuah chauh chuan ka thaw deuh huai thei chauh.
Thla a êng lo va, candle lah chu a alh ral mai dâwn si. Thimah ka mu ngai lo asin, ka muhìl thuai thei bawk si lo, ka rilru a hah.
A muhìl tawh a ni ngei ang, thâwm engmah a nei tawh lo. Ka candle chhit a ral dâwn, nuam lo ka va ti tak! Ka khûp nâ lah chuan min rawn tur na tulh tulhin ka hria ka ti.
Candle alh ral chu ka thlîr reng, a thim ta mup mai. Ka hlau viau, muhìl daih ila chuan a zia deuh tùr, muthilh ahnêkin ka harh tulh tulhin ka hre lehnghal.
Sava hràm rî chu ka ngaithla a, thâwk pawh ka thaw ri țha ngam lo. Khâng mi sualte pawh khân min rawn umzui maithei asin, tunahte hian ka mutna hi min rawn hual tawh maithei a ni.
"Ka pu...?" zàwi têin ka ti a.
Ka inthlahrung a, ka duh lo viau nain ka hlau tlat bawk si.
"Ka pu?"
"I muhìl thei nange?"
"Ka pu...ka hlau a ni," ka ti ta tawp.
"Engmah hlauh tùr a awm lo a nia, êng ka'n chhi leh ang e."
Kei pawh ka tho leh vat. Thim thama indapchawpin kawngka chu ka va hawng leh rih a.
Candle chu min rawn pein,"I men chhûng chu ka lo menpui ang che, titi i duh em?" a ti dût dût a.
"Aih, muhìl rawh, i chau ang."
Kawngka chu ka khâr duh tawh lo, hawng huaiin ka dah a, tunah tak hi chuan ka pu hi ka hlau lo. Ramsa leh mi sual an lo kal ka hlau tawh zâwk.
A mutnaa mu lehin a têt laia a hlauh chânga a nuin a hnem dàn chu a sawi sup sup a, nuihzatthlâk ru deuh siin a sawi thiam a, a sawi tàwp lamah phei chuan ka mut a lo chhuak leh hman tawh a, a sawi tàwp pawh ka hre lo.
*HARSATNA KAN TAWH TAM ZÂWK HIAN HMAN TLÂK NI TÙRIN MIN LO CHHER HRIAM ȚHÌN A LO NI*
Group join duh tan
https://www.facebook.com/groups/389869478234571/
Ngaihnawm ltk
ReplyDelete