☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 4 By Dingdi Pachuau
Zîngah chuan hma takah ka tho a, mangchhiain min tibuai lo chu ka lâwm kher mai. Ka nu boral ațanga zànah tui taka ka mut vawi khatna, mangchhiain min tihbuai loh țum khatna a ni hialin ka ring.
Ka khûp erawh mar chuan a nuam lêm lo kher mai. Ka va thawh chhuah chuan an lo tho vek tawh a, Princess-i chuan min lo hmuh veleh," Au No, morning," a lo ti vat reuh a.
"Morning, Princess."
Âtei chuan," I mu țha thei maw? Hei, kan nautê hian kaihthawh che a duh tawh lutuk a, a sawi reng mai che," nui chung hian a lo ti a.
"Ka mu tui khawp mai."
Ka pu erawh hmuh tùr a awm lo, a hman loh hmel thei si a, a buai thei viau ang ka ring.
Chaw ei dáwnah erawh mipa pahnih chu ka hmu leh. Badminton an khèl dùn niin, an upat tawh nèn, an va peih ve aw.
Chaw ei lai chuan," Chu, vawiin chu in bazâr ang maw? In lei țeuh dâwn nia," Putar chuan a ti a, Ka pu erawh a ngawi reng thung.
Âtei chuan," Lei țeuh ang, kan thawmhnaw hâk tâwk a inang dâwn si lo va, lei nual chu a ngai ang," a lo ti vat a.
Chaw ei khamah muangchângin bazâr tùrin kan insiam a, mipa pahnih chu an chhuak leh tawh, khawiah nge an kal ka hre miah lo.
Âtei'n car a khalh a, kea kan kal kual chiam loh hrâm ka beisei. Ka khûp nâ nèn, kal kual chiam chu ka huphurh ru tawp.
Lunglei hi a lo lum ve riau a nih hi, ka thlan a tla dap dap mai. Dik tak chuan Champhaia kan in nèn chuan boruak a inang lo ve ém a ni.
Kan tlân thui fahran lo, eng vêngah nge kan kal dâwn pawh ka hre lo, min hruainaah chuan ka kal tawp, ka zâwt bawk hek lo.
ÂTEI SHOE STORE tih lian zeta lo inziak kulh mai kawtah chuan car chu a park a, dàwr chu a zau hmel kher mai. Thil ziak chu ka ennawn leh hrâm, Venglai a nih dâwn hi.
Kan lût chu thawk pawh an lo awm ve nual a ni, chutia pi ber lût ta chu an lo be sap sap, a țhen erawh dàwrtu an awm avàngin an lo chiauau thung a, an la naupan hmèl hlawm ve viau tho e.
"Novi, țhu rawh. Nakinah vûr kan lâktîr dâwn nia," a ti sauh sauh a. Princess-i erawh chu dàwr chhûngah chuan a tlân kual ta daih a, a zâi pah ar ar a.
Dàwr chhûng chu ka hawi kual vêl a, pheikhawk bun chi hrang hrang hian a khat vek ni maiin ka hria. Dàwr hi a zau a, nawm pawh a nuam, a laili hmel bawk si.
"Kan dàwr piah chiahah hian thawmhnaw dàwr kan siam bawk a, chumi chungah chuan Restaurant kan siam leh bawk si a, indaih loh a na thei lutuk a," a ti barh barh a.
"A nih chu, nangmah ringawt chuan buaipui chu a harsa ngawt ang chu."
"Lâna lah hian min pui duh si lo, finance lamah erawh min pui reng thung a, ka pa hi chu ka phût lo, Nautei lo enkawltu atân a țha a," a ti leh a.
Tu nge Lâna chu le? A pasal a ni maithei, a nih loh pawhin a bialpa emaw tal a niang.
"I thawh ve theih hlauh chuan a zia ngawt ang, kan in ațangin i kal ang a, engkim i kutah ka nghat thei ang a."
Mawhphurhna a va sâng duh dâwn ve aw! Min duhsak vànga thawk tùr liau liau ka ni a, ka hnial thei miah lo ang. Hna harsa tak pawh ni se ka chunga an țhatna hi ka rulh lêt ngei an ngai.
"Kei chu a thawk thar ber tùr ka ni dâwn sia-"
"Mi dang hi chu an naupang lehchhâwng lutuk a, a upa ber pawh kum 23 chauh a nia, ka han ring hlawm viau țhìn a, an bâng leh daih zêl a, lu a hai duh lutuk," a ti leh bawrh bawrh a.
Kei pawh kum 20 chauh ka la ni asin, ka kum zât hi hria se min ring bîk kherin ka ring lo.
"Nang chu Lâna'n a thlan che i ni miau a, i rintlâkin ka ring nghâl ngawt mai a ni. Dàwr leh a kaihhnawih chungchânga a lo inrawlh ve vawi khatna a nia, mak pawh ka ti viau asin, khawi berah hian nge i thawh duh ang?" tiin min zâwt leh nghal zat a.
"A, ka hre chuang lo, indaih lohna hmun berah a ni mai ang chu."
"A țha. Khatianga min chhàn kha ka ring rêng a ni. Thawmhnaw dàwrah hian an indaih lo deuh ber a, i hreh loh chuan i thawk dâwn nia, a insawn kual theih tho va, harsatna tùr a awm chuang lo ang," a ti leh a.
Chutah," Lo țhu lawk rawh aw, Nautei ngaihtuah pahin ei tùr vâwt ka'n la ang e," a ti a, a tho ta nghâl a. Kei erawh ka awm ngai rengin ka awm, ka kal sawn peih lo.
Rei pawh a thang lo, phone-a mi be mawlh mawlh pahin dhoi no hnih rawn khai bawkin a rawn lêt a, a hnungah Princess-i'n a rawn zui dat dat a.
Hindi a thiam àwm hle mai, a țawng zat zat thei tlat. English pawh a hneh ngawt ang, Ka pu pawh hi eng emaw tak a nih ka ring rilru deuh ta, leileta thawk mai mai leh mi harsa tak chu a ni lo chiang alawm. 'Finance lamah min pui' a tih tlat kha, a upat ai hian a hausa a nih dâwn hi. Tar hausa, ni lo, pathlâwi hausa a nih chiah hi.
Dhoi kan ei hnu chuan pheikhawk chu min enpui ta a, ka bun chhin a ngai si a, ka ke a pilh nasain ka ketin a tliak bung nasa si a, nuam lo ka ti rilru khawp mai.
"I inhmeh zêl a nih kha, tûn atân chuan bun hnih hi la ila, nakinah i nalh tihzâwng leh duhzâwngte i la en țha leh ang a tiraw?"
Thawmhnaw dàwr lamah kan phei leh a, a changkâng hlawm khawp mai. Tûn atân chuan hêng hi chu ka mamawh lo tawp, a to dâwn lutuk, pawisa ka nei lo.
"T-shirt lam i en duh pawhin ka țhiannu dàwrah a awm a, kan en haw dâwn nia."
Ka kal bâi saih saih bawk sia, min en duh riauin ka hria, nuam lo duh tak a ni.
Underwear leh T-shirt chu a țhiannu dàwra mi kan lei a, rin aiin pawisa a hek lo. Pheikhawk kha a man ka pêk a phal lo va, T-shirt pawh pahnih man chiah ka pe. Chêng sâng khat pawh ka la hmang tling lo.
Kan hàw kawngah chuan," Mamawh i neih chuan sawi hreh suh aw, hlawh i neih hma chu pawisa hman tùr i nei lo ang tih ka hria. Chuvàngin, sawi hreh miah suh, hrehawm ti deuhte hian i lo awm hlauh ang e," a ti leh siam siam a.
"Pawisa chu sâng nga ka nei ve alawm," ka lo ti sap a.
"Dah țha khiau rawh, hmang tawh miah suh."
In kan thlen chuan pu ber a lo awm tawh a, Princess-i chuan a pan vat a, a pu chuan," Eng nge min lo hawn, Naute?" a lo ti var a.
"Àpu, ànîin a lo lei che, kei chu pawisa ka nei ve lo va," a ti a, a nî chu a lo nui țhat a.
"Fing lutuk reuh mai! Lalàpu chu eng nge kan lei kha?" tiin a zâwt ta thung a.
"Banana cake," a lo ti vat a.
Zanriah ei hma deuh hlekah chauh Ka pu chu a lo haw, eng a ti chu ni maw?
"Lân, i inbual phawt dâwn nge chaw kan ei dâwn?" tiin Âtei chuan a lo zâwt a.
Hm, Ka pu hi Lâna chu a lo ni maw?!! A pa khân 'Christopher' kha a ti bawk sia?
"Siam chhûngin ka intleuh zo hman ang."
Chawhlui kan kîl lai chuan pu ber chuan," Eng nge vawiin chu in zo thei em?" tiin Ka pu chu a zâwt a.
Ani chuan zawi sup hian," Zo lo deuh, naktûk chawhma lamah kan zo thei ang," a lo ti thûm dût a.
"Rin aiin a lo harsa a ni maw?"
"Aw, a chhiatna a lo ril deuh a."
Eng chungchâng tak sawi ang maw?
"Vawiin chu mamawh in lei zo thei em?" tiin min rawn melh a, chaw ei laia vawi khat min melhna a ni!
"Aw..." Chhàn thui dàn ka hre lo.
"I mamawh sawi hreh suh ang che."
Thil làwmawm deuh pawh sawi mah se, a awki a ngai reng a, nui hmel leh hlim hmel ang pawh a pu chuang lo. Zirtîrtu ni ta se, a class a boring thei ngawtin ka ring.
"Aw le, ka pu."
A kham hnuah chuan Âtei chuan," Lâna hi chu hriatthiam a ngai, a hre rei telh telh che ang a, a be lo telh telh ang che, i lo hre reng dâwn nia. I tithinrim ta emaw pawh i ti hial ang, a awm dàn pângngai ve a nia," ka lama rawn kun hnai deuhin a ti sar sar a.
A va peihawm loh dâwn ve aw.
"Mahse, a sual miah lo a nia, a nèlawm loh deuh tih chauh a ni," a ti leh a.
Nèlawm loh pawh ka lo ti vak hlei nem, kei tak hi a nia nèlawm lo tùr chu. Ka nui khât si, min biak lahin a rùl tâwk chauhin ka chhâng a.
Kâr khat ka awm hnuah chuan ka khûp pawh a hil tawh lutuk, dàwra ka kal an la remti lo chung chu ka kal lui tawh a, pawisa thawh chhuah vat vat ka duh tawh sî a ni.
Amaherawhchu, dàwr ka nghah pawhin ka hmelhriat ka hmu ang tih ka hlau thei tawp. A theih chin chinah chuan ka inthup hrâm hrâm, ka inthup a ni tih erawh an hre chhuak hlauh ang tih ka hlau thei khawp.
Zan khat phei chu bakcheh la chhuakin bathroom-ah chuan ka sam chu ka tan ve tawp, ka sam țha tak chu ui viau mah ila, tunah chuan ka enkawl tak tak hman tawh loh bâkah min zawngtute (min rawn zawng ngei ang) bum nân, min hriat chhuah awlsam loh deuh nân ka ti pah bawk. Chalsam tlêm ka nei bawk, ka style ka thlâk ta hlauh a nih chu.
Zînga min hmuh chuan Âtei chu a meng phar nasa mai a, ka tan tawi ve bawk tak ém a ni.
"I va ti uiawm tak! Zuah a peihawm loh tehlul nèn, ka ui ém mai; mahse, i inhmeh phian bawk si," a ti chùl a.
"Ka lâwm e," ka ti sap ringawt a.
"Au Novi angin ka sam ka tan ve duh."
Leh tlat mai a.
"Naute, ni lo ve, Rimenhawihi anga sam zuah sei i tum kha."
Chutia an inchhàn lai chuan Ka pu chu a rawn lût a, min hmuh chuan min en vung vung a, engmah phei chu a sawi lêm hlei lo va.
"Âpa, Au Novi angin ka sam ka tan ve châk e," tiin a pa chu a lo hrilh leh a.
A fanu bula kûn hniamin a biangah a fawhsak zauh a,"Ka fanu duat hian sam zuah sei viau kha i tum emaw ka ti, tu emaw ang khân," a ti sup a, a pawm kâng leh nawlh a.
"Rimènhawihi angin," a lo ti vat a.
"I va hre rei thei ve! Sei deuhin i zuah ang a, uai nân kan hman ve dâwn kha."
"E, ni tak, ka tan leh duh lo mai."
An naute neihchhun hi keh thei dawm tak takin an dawm a nih dâwn hi, a àwm ve tho. A fel reuh bâkah a lawmawm si; mahse, a pa a chhùn lo lutuk erawh a mak ka ti. Chhunna pakhat mah a nei lo, a nu lamah hlîr a kal a nih dâwn hi.
Dàwrah pawh ka thawhpuite chuan min lo fiam nak nak a, ka nui ve sak sak ringawt. Ka intihdanglam duh vàng a ni tih an hre map si lo. Nakin deuhah phei chuan makeup pawh uar hrat ila ka lang dang deuhin ka ring; mahse, pawisa ka thawh chhuah tam hunah chauh. Pawisa ka thawh chhuah tam deuh hunah in ka luah sawn bawk ang, ka chungah țha viau mah se, ka bèl reng thei lo ang.
"Phone i neih a ngai a ni."
Kâr hnih ka thawk tawh a, ka tlângnêl ve viau tawh. Âtei hi ka nêl a, min biak bawrh bawrh țhin avàngin leh min tirh bawrh bawrh avàngin. Ka pu leh pu ber hi chu an țawng tam lo khawp a, Ka pu phei hi chu Âtei'n min hrilh lo phei se chuan a thinrim ta emaw ka ti ngei ang, min melh rùn ziah ringawt.
"Tûn thla hi ral phawt se?" Chuti lo chu pawisa hi ka ui, bâ pawh ka la nei zui.
"Ngawi tak rawh, vawiinah ka chhuak ve tho dâwn, ka lo en chhin ang e."
Dàwr hi zàn dâr ruk thleng kan hawng a, dâr ruk chiahah Princess-i nèn rawn kalin min rawn lam a, ka chunga an țhat ém avàng hian ka inthlahrung mah mah záwk.
"Au No, ànîin phone thar a leisak che a," car-a kan țhut luh hnu chuan a ti lar lar a. Ka nèlawm loh tehlul nèn hian min nêl hle a, min kàwm barh barhin a titi siam siam țhìn a, ka tân pawh nèl loh chu har tak a ni.
"A ni maw?!"
"I mamawh si a ka tia, i duhzáwng a ni chiah lo a nih pawhin nakinah i duhzâwng chu i en leh mai dâwn nia," tiin phone thar hlak, a bâwma la awm ngei chu min pe a.
"A ngai lo asin le, ka lâwm lutuk e, ka lâwm tak tak a ni."
Dâwt ka sawi lo, a làwmawm hlê si a, hnial ringawt ila min mamawh thut thut țhìn si a, làwmthu hrilh vak dàn pawh ka thiam lo, ka lài hû tlat.
"Mamawh thut hunah che tunah chuan buai a ngai tawh dâwn lo va, hawng teh, en ve reng reng la."
Hei vàng tak hian ka hnial ngam lo rêng a ni, a mamawh huna biak ka ngaih hunah biak theiha ka awm a ngai tlat ani, dàwr chungchângah a nia ka tih ni.
Zanriah einaah chuan Ka pu a lo la haw ve hman lo va, chaw kan lo eisan daih. A hna thilah laklawh a nei a niang, Âtei a rawn phone tlat.
Zàn mutnaah music play tùr ka download a, phone man to tak ni lo mah se, ka lâwm hle. Min duhsakna leh min duatna hi ka phû lo ka ti a, hei vàng hian ka lâwm lehzual a ni.
Zànah mangchhiain min tibuai zauh mah se, a reh tawh hle a, nuam ka ti viau tawh. Ka rilru erawh a la lungmuang lo a, kha mi sualpa khân min rawn zawn ka ring tlat. Ka tlànbo tâk siah chuan ka saruak video-te kha a pho lang tawh ang em? Kei hi social media lam ka khawih theih loh reng vàng hian ka lo la hre lo mai mai te hi a ni lo maw? Ka zak dâwn lutuk.
Chutiang ngaihtuah avàng chuan zànah pawh ka muhìl thei lawk lo va, ka fb account pawh check ka châk viau rualin ka ngam lo. Ka saruak thlalâk ka hmuh ka hlau.
Ka mut theih loh avàngin ka tho leh rih a, mi dang chu an mu vek tawh ngei ang, dâr 12 a ri hnai thuak tawh tlat.
Ka tui a hàl vàngin thâwm dìm takin ka tho phei a, fridge chu hawngin tui bottle ka la chhuak a, fridge kawngkhàr ka khâr leh chiah chu thâwm danglam ka hre ta tlat mai!
Light pakhat chauh a êng tawh a, chu pawh chu TV room-ah a ni. Kawngkapui lamah a ni tlat, thâwm dìm angreng taka step-a rawn pên chho thâwm a ni. Rawn luh rûk tum an awm a ni chiang mai.
Ka hlau khawp mai a; mahse, ka lo vawthlu țhuai tùr a ni.
Ka hawi kual a, vuak chawrhna tùr hmanrua a vâng kher mai, pu ber tiang hman țhin ni àwm tak ka hmu fuh e, fridge phènah hian ka lo châng ang a, kawngkaa a rawn luh hnuah remchâng awm hmasaah ka lo vua ang.
Thinphu dèp dépin ka lo châng a, kawngka a rawn hawng, ka thinphu a rang sawt, ka thaw a rin lutuk loh nân ka insûm nasa. Ka kaihza tha a khùr dar dar mai, ka tiang ken erawh ka hûm țha sauh sauh.
A chêt dàn a thâwm a dim thiam ém avàng chuan mi sual fing tak a ni ngei ang, ka awmna lamah a rawn phei e, ka hlauthâwng lutuk chu ka thàw pawhin ka hre tawh lo hial.
Fridge a rawn hawng tlat, fridge eng ațang chuan a hmêl chu chiang zetin ka hmu thei ta, ka thaw huai. Ka tiang ken ka dah țha tùr ka chê chu min rawn man bet ta chawt mai!
Ka râk țhat.
Light a on a, min hmuh chian chuan min thlah nghal. Min man bet hnehsawh kher asin, thahrui a nei tak zet. Ka hlauh avàngin ka thâ a khùr nasa.
"Ka tihpalh."
Thâwk ka la hawk hawk phawt a, ka lungphu a la phu nasa bawk nèn, ka âwm ka dawm pah vawng vawng a.
"Mi sual emaw ka ti che a."
A nui hawk. A nui rî ka hriat vawi khatna! Zan rei lama a nui hriat chu a nuam dangdai riaua ka hriat chu le!
"Mangchhiain a tibuai leh che em ni?"
A lo la hre reng a nih hi.
"Aih, thil țûl lo ka ngaihtuah kual a."
"A țha lo asin, taksa tân pawh a țha lo."
Min en ngur avàng chuan nuam lo ka ti kher mai, chutah, mutkawr chhah fahran lo chauh ka ha tih ka hre chhuak ta vat.
"I lo haw chauh em ni?"
"Aw."
"Chaw i ei tawh em?"
"Aw."
Room-a ka luh chiah chuan ka âwm ka dawm vang vang, kan titi dun lohna a lo rei tawh hle mai. An ina ka luh hnua mi dang awm miah loha kan inbiak lehna hmasa ber a ni, chu pawh zànlaiah lehnghal!
Nimina Âtei thil sawi ka hre chhuak zawk.
"Lâna hi chu mi thu hnuaia kùn a peih ve lo va, sawrkâr hna pawh a thawk ve duh lo."
Leilet zau tak a siam a, hlawhfa a la țeuh țhìn. Mechanic a ni bawk, khâwl thil lam chi chu siam thiam loh abar pawh a nei lo, a hnaihah chuan motor chhia a awm thei tak tak lo. Miin tihngaihna an hriat tawh loh motor te hi a part hrang hrang a la khâwm a, a tlàntîr leh mai zêl."
Motor chhe siam a motor hnuaia a han mu vêl tùr ka mitthla chhin a, ka nui sak. A inhmeh dâwn lutuk, paw thûr maiin han mu se, a lang hlauhawm duh ngawt ang.
A nèlawm loh hmel viau na hian a fel ka ti tho. Ka chunga a fel dànte hi, a fanu chunga a felzia leh duatzia hmuh phei hi chuan mi sual a ni thei lo hrim hrim, nupui pawh nei se a duat thiam ngawt ang.
Lâna. Christopher. Ka pu. Ka tân chuan 'ka pu' a ni tho tho, a duh dàna ka koh dàn kha a ni ve hrim hrim bawk.
*NANGMAH ANG CHIAH KHA TUMAH PATHIANIN A SIAM LO, INDUHTÂWK VIAU RAWH, CHAPONA TEL LOVIN*
Zîngah chuan hma takah ka tho a, mangchhiain min tibuai lo chu ka lâwm kher mai. Ka nu boral ațanga zànah tui taka ka mut vawi khatna, mangchhiain min tihbuai loh țum khatna a ni hialin ka ring.
Ka khûp erawh mar chuan a nuam lêm lo kher mai. Ka va thawh chhuah chuan an lo tho vek tawh a, Princess-i chuan min lo hmuh veleh," Au No, morning," a lo ti vat reuh a.
"Morning, Princess."
Âtei chuan," I mu țha thei maw? Hei, kan nautê hian kaihthawh che a duh tawh lutuk a, a sawi reng mai che," nui chung hian a lo ti a.
"Ka mu tui khawp mai."
Ka pu erawh hmuh tùr a awm lo, a hman loh hmel thei si a, a buai thei viau ang ka ring.
Chaw ei dáwnah erawh mipa pahnih chu ka hmu leh. Badminton an khèl dùn niin, an upat tawh nèn, an va peih ve aw.
Chaw ei lai chuan," Chu, vawiin chu in bazâr ang maw? In lei țeuh dâwn nia," Putar chuan a ti a, Ka pu erawh a ngawi reng thung.
Âtei chuan," Lei țeuh ang, kan thawmhnaw hâk tâwk a inang dâwn si lo va, lei nual chu a ngai ang," a lo ti vat a.
Chaw ei khamah muangchângin bazâr tùrin kan insiam a, mipa pahnih chu an chhuak leh tawh, khawiah nge an kal ka hre miah lo.
Âtei'n car a khalh a, kea kan kal kual chiam loh hrâm ka beisei. Ka khûp nâ nèn, kal kual chiam chu ka huphurh ru tawp.
Lunglei hi a lo lum ve riau a nih hi, ka thlan a tla dap dap mai. Dik tak chuan Champhaia kan in nèn chuan boruak a inang lo ve ém a ni.
Kan tlân thui fahran lo, eng vêngah nge kan kal dâwn pawh ka hre lo, min hruainaah chuan ka kal tawp, ka zâwt bawk hek lo.
ÂTEI SHOE STORE tih lian zeta lo inziak kulh mai kawtah chuan car chu a park a, dàwr chu a zau hmel kher mai. Thil ziak chu ka ennawn leh hrâm, Venglai a nih dâwn hi.
Kan lût chu thawk pawh an lo awm ve nual a ni, chutia pi ber lût ta chu an lo be sap sap, a țhen erawh dàwrtu an awm avàngin an lo chiauau thung a, an la naupan hmèl hlawm ve viau tho e.
"Novi, țhu rawh. Nakinah vûr kan lâktîr dâwn nia," a ti sauh sauh a. Princess-i erawh chu dàwr chhûngah chuan a tlân kual ta daih a, a zâi pah ar ar a.
Dàwr chhûng chu ka hawi kual vêl a, pheikhawk bun chi hrang hrang hian a khat vek ni maiin ka hria. Dàwr hi a zau a, nawm pawh a nuam, a laili hmel bawk si.
"Kan dàwr piah chiahah hian thawmhnaw dàwr kan siam bawk a, chumi chungah chuan Restaurant kan siam leh bawk si a, indaih loh a na thei lutuk a," a ti barh barh a.
"A nih chu, nangmah ringawt chuan buaipui chu a harsa ngawt ang chu."
"Lâna lah hian min pui duh si lo, finance lamah erawh min pui reng thung a, ka pa hi chu ka phût lo, Nautei lo enkawltu atân a țha a," a ti leh a.
Tu nge Lâna chu le? A pasal a ni maithei, a nih loh pawhin a bialpa emaw tal a niang.
"I thawh ve theih hlauh chuan a zia ngawt ang, kan in ațangin i kal ang a, engkim i kutah ka nghat thei ang a."
Mawhphurhna a va sâng duh dâwn ve aw! Min duhsak vànga thawk tùr liau liau ka ni a, ka hnial thei miah lo ang. Hna harsa tak pawh ni se ka chunga an țhatna hi ka rulh lêt ngei an ngai.
"Kei chu a thawk thar ber tùr ka ni dâwn sia-"
"Mi dang hi chu an naupang lehchhâwng lutuk a, a upa ber pawh kum 23 chauh a nia, ka han ring hlawm viau țhìn a, an bâng leh daih zêl a, lu a hai duh lutuk," a ti leh bawrh bawrh a.
Kei pawh kum 20 chauh ka la ni asin, ka kum zât hi hria se min ring bîk kherin ka ring lo.
"Nang chu Lâna'n a thlan che i ni miau a, i rintlâkin ka ring nghâl ngawt mai a ni. Dàwr leh a kaihhnawih chungchânga a lo inrawlh ve vawi khatna a nia, mak pawh ka ti viau asin, khawi berah hian nge i thawh duh ang?" tiin min zâwt leh nghal zat a.
"A, ka hre chuang lo, indaih lohna hmun berah a ni mai ang chu."
"A țha. Khatianga min chhàn kha ka ring rêng a ni. Thawmhnaw dàwrah hian an indaih lo deuh ber a, i hreh loh chuan i thawk dâwn nia, a insawn kual theih tho va, harsatna tùr a awm chuang lo ang," a ti leh a.
Chutah," Lo țhu lawk rawh aw, Nautei ngaihtuah pahin ei tùr vâwt ka'n la ang e," a ti a, a tho ta nghâl a. Kei erawh ka awm ngai rengin ka awm, ka kal sawn peih lo.
Rei pawh a thang lo, phone-a mi be mawlh mawlh pahin dhoi no hnih rawn khai bawkin a rawn lêt a, a hnungah Princess-i'n a rawn zui dat dat a.
Hindi a thiam àwm hle mai, a țawng zat zat thei tlat. English pawh a hneh ngawt ang, Ka pu pawh hi eng emaw tak a nih ka ring rilru deuh ta, leileta thawk mai mai leh mi harsa tak chu a ni lo chiang alawm. 'Finance lamah min pui' a tih tlat kha, a upat ai hian a hausa a nih dâwn hi. Tar hausa, ni lo, pathlâwi hausa a nih chiah hi.
Dhoi kan ei hnu chuan pheikhawk chu min enpui ta a, ka bun chhin a ngai si a, ka ke a pilh nasain ka ketin a tliak bung nasa si a, nuam lo ka ti rilru khawp mai.
"I inhmeh zêl a nih kha, tûn atân chuan bun hnih hi la ila, nakinah i nalh tihzâwng leh duhzâwngte i la en țha leh ang a tiraw?"
Thawmhnaw dàwr lamah kan phei leh a, a changkâng hlawm khawp mai. Tûn atân chuan hêng hi chu ka mamawh lo tawp, a to dâwn lutuk, pawisa ka nei lo.
"T-shirt lam i en duh pawhin ka țhiannu dàwrah a awm a, kan en haw dâwn nia."
Ka kal bâi saih saih bawk sia, min en duh riauin ka hria, nuam lo duh tak a ni.
Underwear leh T-shirt chu a țhiannu dàwra mi kan lei a, rin aiin pawisa a hek lo. Pheikhawk kha a man ka pêk a phal lo va, T-shirt pawh pahnih man chiah ka pe. Chêng sâng khat pawh ka la hmang tling lo.
Kan hàw kawngah chuan," Mamawh i neih chuan sawi hreh suh aw, hlawh i neih hma chu pawisa hman tùr i nei lo ang tih ka hria. Chuvàngin, sawi hreh miah suh, hrehawm ti deuhte hian i lo awm hlauh ang e," a ti leh siam siam a.
"Pawisa chu sâng nga ka nei ve alawm," ka lo ti sap a.
"Dah țha khiau rawh, hmang tawh miah suh."
In kan thlen chuan pu ber a lo awm tawh a, Princess-i chuan a pan vat a, a pu chuan," Eng nge min lo hawn, Naute?" a lo ti var a.
"Àpu, ànîin a lo lei che, kei chu pawisa ka nei ve lo va," a ti a, a nî chu a lo nui țhat a.
"Fing lutuk reuh mai! Lalàpu chu eng nge kan lei kha?" tiin a zâwt ta thung a.
"Banana cake," a lo ti vat a.
Zanriah ei hma deuh hlekah chauh Ka pu chu a lo haw, eng a ti chu ni maw?
"Lân, i inbual phawt dâwn nge chaw kan ei dâwn?" tiin Âtei chuan a lo zâwt a.
Hm, Ka pu hi Lâna chu a lo ni maw?!! A pa khân 'Christopher' kha a ti bawk sia?
"Siam chhûngin ka intleuh zo hman ang."
Chawhlui kan kîl lai chuan pu ber chuan," Eng nge vawiin chu in zo thei em?" tiin Ka pu chu a zâwt a.
Ani chuan zawi sup hian," Zo lo deuh, naktûk chawhma lamah kan zo thei ang," a lo ti thûm dût a.
"Rin aiin a lo harsa a ni maw?"
"Aw, a chhiatna a lo ril deuh a."
Eng chungchâng tak sawi ang maw?
"Vawiin chu mamawh in lei zo thei em?" tiin min rawn melh a, chaw ei laia vawi khat min melhna a ni!
"Aw..." Chhàn thui dàn ka hre lo.
"I mamawh sawi hreh suh ang che."
Thil làwmawm deuh pawh sawi mah se, a awki a ngai reng a, nui hmel leh hlim hmel ang pawh a pu chuang lo. Zirtîrtu ni ta se, a class a boring thei ngawtin ka ring.
"Aw le, ka pu."
A kham hnuah chuan Âtei chuan," Lâna hi chu hriatthiam a ngai, a hre rei telh telh che ang a, a be lo telh telh ang che, i lo hre reng dâwn nia. I tithinrim ta emaw pawh i ti hial ang, a awm dàn pângngai ve a nia," ka lama rawn kun hnai deuhin a ti sar sar a.
A va peihawm loh dâwn ve aw.
"Mahse, a sual miah lo a nia, a nèlawm loh deuh tih chauh a ni," a ti leh a.
Nèlawm loh pawh ka lo ti vak hlei nem, kei tak hi a nia nèlawm lo tùr chu. Ka nui khât si, min biak lahin a rùl tâwk chauhin ka chhâng a.
Kâr khat ka awm hnuah chuan ka khûp pawh a hil tawh lutuk, dàwra ka kal an la remti lo chung chu ka kal lui tawh a, pawisa thawh chhuah vat vat ka duh tawh sî a ni.
Amaherawhchu, dàwr ka nghah pawhin ka hmelhriat ka hmu ang tih ka hlau thei tawp. A theih chin chinah chuan ka inthup hrâm hrâm, ka inthup a ni tih erawh an hre chhuak hlauh ang tih ka hlau thei khawp.
Zan khat phei chu bakcheh la chhuakin bathroom-ah chuan ka sam chu ka tan ve tawp, ka sam țha tak chu ui viau mah ila, tunah chuan ka enkawl tak tak hman tawh loh bâkah min zawngtute (min rawn zawng ngei ang) bum nân, min hriat chhuah awlsam loh deuh nân ka ti pah bawk. Chalsam tlêm ka nei bawk, ka style ka thlâk ta hlauh a nih chu.
Zînga min hmuh chuan Âtei chu a meng phar nasa mai a, ka tan tawi ve bawk tak ém a ni.
"I va ti uiawm tak! Zuah a peihawm loh tehlul nèn, ka ui ém mai; mahse, i inhmeh phian bawk si," a ti chùl a.
"Ka lâwm e," ka ti sap ringawt a.
"Au Novi angin ka sam ka tan ve duh."
Leh tlat mai a.
"Naute, ni lo ve, Rimenhawihi anga sam zuah sei i tum kha."
Chutia an inchhàn lai chuan Ka pu chu a rawn lût a, min hmuh chuan min en vung vung a, engmah phei chu a sawi lêm hlei lo va.
"Âpa, Au Novi angin ka sam ka tan ve châk e," tiin a pa chu a lo hrilh leh a.
A fanu bula kûn hniamin a biangah a fawhsak zauh a,"Ka fanu duat hian sam zuah sei viau kha i tum emaw ka ti, tu emaw ang khân," a ti sup a, a pawm kâng leh nawlh a.
"Rimènhawihi angin," a lo ti vat a.
"I va hre rei thei ve! Sei deuhin i zuah ang a, uai nân kan hman ve dâwn kha."
"E, ni tak, ka tan leh duh lo mai."
An naute neihchhun hi keh thei dawm tak takin an dawm a nih dâwn hi, a àwm ve tho. A fel reuh bâkah a lawmawm si; mahse, a pa a chhùn lo lutuk erawh a mak ka ti. Chhunna pakhat mah a nei lo, a nu lamah hlîr a kal a nih dâwn hi.
Dàwrah pawh ka thawhpuite chuan min lo fiam nak nak a, ka nui ve sak sak ringawt. Ka intihdanglam duh vàng a ni tih an hre map si lo. Nakin deuhah phei chuan makeup pawh uar hrat ila ka lang dang deuhin ka ring; mahse, pawisa ka thawh chhuah tam hunah chauh. Pawisa ka thawh chhuah tam deuh hunah in ka luah sawn bawk ang, ka chungah țha viau mah se, ka bèl reng thei lo ang.
"Phone i neih a ngai a ni."
Kâr hnih ka thawk tawh a, ka tlângnêl ve viau tawh. Âtei hi ka nêl a, min biak bawrh bawrh țhin avàngin leh min tirh bawrh bawrh avàngin. Ka pu leh pu ber hi chu an țawng tam lo khawp a, Ka pu phei hi chu Âtei'n min hrilh lo phei se chuan a thinrim ta emaw ka ti ngei ang, min melh rùn ziah ringawt.
"Tûn thla hi ral phawt se?" Chuti lo chu pawisa hi ka ui, bâ pawh ka la nei zui.
"Ngawi tak rawh, vawiinah ka chhuak ve tho dâwn, ka lo en chhin ang e."
Dàwr hi zàn dâr ruk thleng kan hawng a, dâr ruk chiahah Princess-i nèn rawn kalin min rawn lam a, ka chunga an țhat ém avàng hian ka inthlahrung mah mah záwk.
"Au No, ànîin phone thar a leisak che a," car-a kan țhut luh hnu chuan a ti lar lar a. Ka nèlawm loh tehlul nèn hian min nêl hle a, min kàwm barh barhin a titi siam siam țhìn a, ka tân pawh nèl loh chu har tak a ni.
"A ni maw?!"
"I mamawh si a ka tia, i duhzáwng a ni chiah lo a nih pawhin nakinah i duhzâwng chu i en leh mai dâwn nia," tiin phone thar hlak, a bâwma la awm ngei chu min pe a.
"A ngai lo asin le, ka lâwm lutuk e, ka lâwm tak tak a ni."
Dâwt ka sawi lo, a làwmawm hlê si a, hnial ringawt ila min mamawh thut thut țhìn si a, làwmthu hrilh vak dàn pawh ka thiam lo, ka lài hû tlat.
"Mamawh thut hunah che tunah chuan buai a ngai tawh dâwn lo va, hawng teh, en ve reng reng la."
Hei vàng tak hian ka hnial ngam lo rêng a ni, a mamawh huna biak ka ngaih hunah biak theiha ka awm a ngai tlat ani, dàwr chungchângah a nia ka tih ni.
Zanriah einaah chuan Ka pu a lo la haw ve hman lo va, chaw kan lo eisan daih. A hna thilah laklawh a nei a niang, Âtei a rawn phone tlat.
Zàn mutnaah music play tùr ka download a, phone man to tak ni lo mah se, ka lâwm hle. Min duhsakna leh min duatna hi ka phû lo ka ti a, hei vàng hian ka lâwm lehzual a ni.
Zànah mangchhiain min tibuai zauh mah se, a reh tawh hle a, nuam ka ti viau tawh. Ka rilru erawh a la lungmuang lo a, kha mi sualpa khân min rawn zawn ka ring tlat. Ka tlànbo tâk siah chuan ka saruak video-te kha a pho lang tawh ang em? Kei hi social media lam ka khawih theih loh reng vàng hian ka lo la hre lo mai mai te hi a ni lo maw? Ka zak dâwn lutuk.
Chutiang ngaihtuah avàng chuan zànah pawh ka muhìl thei lawk lo va, ka fb account pawh check ka châk viau rualin ka ngam lo. Ka saruak thlalâk ka hmuh ka hlau.
Ka mut theih loh avàngin ka tho leh rih a, mi dang chu an mu vek tawh ngei ang, dâr 12 a ri hnai thuak tawh tlat.
Ka tui a hàl vàngin thâwm dìm takin ka tho phei a, fridge chu hawngin tui bottle ka la chhuak a, fridge kawngkhàr ka khâr leh chiah chu thâwm danglam ka hre ta tlat mai!
Light pakhat chauh a êng tawh a, chu pawh chu TV room-ah a ni. Kawngkapui lamah a ni tlat, thâwm dìm angreng taka step-a rawn pên chho thâwm a ni. Rawn luh rûk tum an awm a ni chiang mai.
Ka hlau khawp mai a; mahse, ka lo vawthlu țhuai tùr a ni.
Ka hawi kual a, vuak chawrhna tùr hmanrua a vâng kher mai, pu ber tiang hman țhin ni àwm tak ka hmu fuh e, fridge phènah hian ka lo châng ang a, kawngkaa a rawn luh hnuah remchâng awm hmasaah ka lo vua ang.
Thinphu dèp dépin ka lo châng a, kawngka a rawn hawng, ka thinphu a rang sawt, ka thaw a rin lutuk loh nân ka insûm nasa. Ka kaihza tha a khùr dar dar mai, ka tiang ken erawh ka hûm țha sauh sauh.
A chêt dàn a thâwm a dim thiam ém avàng chuan mi sual fing tak a ni ngei ang, ka awmna lamah a rawn phei e, ka hlauthâwng lutuk chu ka thàw pawhin ka hre tawh lo hial.
Fridge a rawn hawng tlat, fridge eng ațang chuan a hmêl chu chiang zetin ka hmu thei ta, ka thaw huai. Ka tiang ken ka dah țha tùr ka chê chu min rawn man bet ta chawt mai!
Ka râk țhat.
Light a on a, min hmuh chian chuan min thlah nghal. Min man bet hnehsawh kher asin, thahrui a nei tak zet. Ka hlauh avàngin ka thâ a khùr nasa.
"Ka tihpalh."
Thâwk ka la hawk hawk phawt a, ka lungphu a la phu nasa bawk nèn, ka âwm ka dawm pah vawng vawng a.
"Mi sual emaw ka ti che a."
A nui hawk. A nui rî ka hriat vawi khatna! Zan rei lama a nui hriat chu a nuam dangdai riaua ka hriat chu le!
"Mangchhiain a tibuai leh che em ni?"
A lo la hre reng a nih hi.
"Aih, thil țûl lo ka ngaihtuah kual a."
"A țha lo asin, taksa tân pawh a țha lo."
Min en ngur avàng chuan nuam lo ka ti kher mai, chutah, mutkawr chhah fahran lo chauh ka ha tih ka hre chhuak ta vat.
"I lo haw chauh em ni?"
"Aw."
"Chaw i ei tawh em?"
"Aw."
Room-a ka luh chiah chuan ka âwm ka dawm vang vang, kan titi dun lohna a lo rei tawh hle mai. An ina ka luh hnua mi dang awm miah loha kan inbiak lehna hmasa ber a ni, chu pawh zànlaiah lehnghal!
Nimina Âtei thil sawi ka hre chhuak zawk.
"Lâna hi chu mi thu hnuaia kùn a peih ve lo va, sawrkâr hna pawh a thawk ve duh lo."
Leilet zau tak a siam a, hlawhfa a la țeuh țhìn. Mechanic a ni bawk, khâwl thil lam chi chu siam thiam loh abar pawh a nei lo, a hnaihah chuan motor chhia a awm thei tak tak lo. Miin tihngaihna an hriat tawh loh motor te hi a part hrang hrang a la khâwm a, a tlàntîr leh mai zêl."
Motor chhe siam a motor hnuaia a han mu vêl tùr ka mitthla chhin a, ka nui sak. A inhmeh dâwn lutuk, paw thûr maiin han mu se, a lang hlauhawm duh ngawt ang.
A nèlawm loh hmel viau na hian a fel ka ti tho. Ka chunga a fel dànte hi, a fanu chunga a felzia leh duatzia hmuh phei hi chuan mi sual a ni thei lo hrim hrim, nupui pawh nei se a duat thiam ngawt ang.
Lâna. Christopher. Ka pu. Ka tân chuan 'ka pu' a ni tho tho, a duh dàna ka koh dàn kha a ni ve hrim hrim bawk.
*NANGMAH ANG CHIAH KHA TUMAH PATHIANIN A SIAM LO, INDUHTÂWK VIAU RAWH, CHAPONA TEL LOVIN*
Ngaihnawmin khamawm loh theih e.....
ReplyDeleteKhamom loh thei
ReplyDeleteA nghaihnawm a,a tawi em em bawk
ReplyDelete