☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 7 By Dingdi Pachuau
Tunah chuan nuam ka ti ve leh ta. Ka pu ka chungah a lungawi lo lo va, engkim kan sawi fel tawh bawk si, mipa hi ngeiin haw viau tawh mah ila, ka pu hi chu ka ngei hran lo, ka chungah a țha bawk a.
A fanu lah hi a duat ropui si, a nu bula a awm loh vàng hian a duat tak zetin ka hria. Fanu hi a nei bîk ngawih ngawihin ka hria, mite pawhin fa chu an nei ve tho, ani ang em hian an duat em chu ka hre vek lo; mahse, a fanu tân pa țha ber hi chu a ni chiang. Ka pa kha la dam zêl se, ka pu anga fanu tâna pa țha hi a ni ve ang em le?
Zan khat chu Âtei țhiante an rawn lêng a, mipa pahnih leh hmeichhe pakhat an ni. Princess-i'n a nî chu a țhutchilh reng avàngin an in tùr ka buaipui a, room-a luhsan daih chi pawh a ni lo.
Pu ber pawhin a lo kàwm ve tho nain rei lo te hnuah room lamah a lût ta daih a, nuam lo ti rilru zet hian an bul hnaiah pawh țhu ve lovin fridge bulah ka țhu a, ka phone ka khawih mai mai a, an titi erawh ka hre thei zauh zauh.
College kalho țhìn an ni tih a hriat theih. Hmeichhia ber chu lecturer a ni chiang, Gov't college, Lungleiah. Mipa lian zâwk chu Aizâwl lam mi a ni a, Âtei ang thovin dàwr a siam a, mipa tê deuh zâwk chu Police officer a ni ve thung, hei hi an titi ațanga ka lo hriat dàn a ni.
"A rêng rêngin kan hriat lohin fanu i lo nei reng tawh a," mipa tê zâwk chuan a ti a, a hming erawh ka hre thei lo.
"Ka u fanu a nia. Ni leh lo, kan chhûngkaw fanu a nia, ka lo hrilh hre lo che u a, ka inthiam lo ve reng mai," Âtei chuan a lo ti a.
Mipa lian zâwk chuan thûm deuh hlek hian eng emaw a sawi deuh bul bul a, Âtei chu a lo nui hak hak a.
"Neih ve hmaa experience lo neih lâwk hi a țha alawm, neih hunah ka zei thlap tawh dâwn asin," nui hak hak hian a ti a.
Hmeichhia ber Afaki chuan," I u hian nupui a lo nei rêng rêng em ni a? A nei a nih chuan min sâwm miah lo tih ka hre chhuak," a lo ti ve a.
"Nei lo ve, neih kha chu a tum ve ràn rán a; mahse, a țhulh ta daih a."
"Nih, a fanu hi?"
An dîlchhût ka lo ti khawp mai a; mahse, țhianho an ni a, a àwm ve tho. A huatthlala bîk lo ang chu.
Ka bih ru dêk dêk a, Princess-i chu a lo muhìl tawh. An thil inna pawh a ruak tawh hlawm e, va la khâwm ila, sil zawhah room-ah lût daih ang.
"Nautei hi chu, ka u zinin a chhar a nia."
Ka ding chhuak chu ka khawng awtin ka hria. Makti zetin ka melh ngai ka melh reng, a mak ka ti lutuk!
"Mahse, kan sawi chhuak ngai lo. A fanu dik tak, a rîla rah ngei ang chiahin a enkawl a, a pa hmingah pawh a hming a dah thlap. Kan tân malsàwmna a nia, kan rohlu dik tak a ni."
No chu ka va seng a, ka melh kual hlawm hek lo. Ka thil hriat thar chuan min la shock lutuk a, thil dang ka ngaihtuah thei miah lo.
Hei vàng chiah a lo nih hi an inan loh ém ém. Engah mah an inchhùn lo; mahse, an inngaiin an induat tawn viau si. Princess-i lah hian a hringtu pa a ni lo tih a hre miah si lo, pakhat lahin a thisen zawm a ni lo tih a lantîr hek lo.
Mut hmunah pawh ka ngaihtuah kual zêl a, khawiah tak Princess-i hi chhar ang maw? Naute a han khawih vêl tùr, a han bâwihsâwm vêl tùr chu ka mitthla thiam lo, a inhmeh lo dâwn lutuk. A zei lo ngawt ang chu.
*******
Dàwr kan nghaha min dàwrtute an rawn kal loh lai hi chuan Feli leh Mary chu an titi char char ziah. Kei chuan lo sawipui tùr ka hre ve țhìn lo tlat a ni, duhthusàm sawiin an nui uar uar a, ka lo nui ve sak sak țhìn.
Nula pakhat chhe lo zet hi a rawn lût a, Feli leh Mary chu an la titi tui em avàngin an hmu lo hrim hrim a, ka lo chhàwn a.
A chhiat loh ang bawkin a hmel pawh a țha, a țawng chhuak lah chu a dam viau bawk.
"Pi ber hi a lo kal ngai em?"
Âtei nèn an inhria tihna a ni ngei ang. A țhiannu pawh a ni thei tho bawk, ka lo ngaihtuah zung zung mai.
"Ngai vak lo."
"A nih tak chu, inah ka hmu mai ang."
Thawmhnaw pakhat silver rawng mawi zet hi a en a, a inhmeh ngawt ang. A vun ngo ser sawr leh no zet nèn chuan a inchawih dâwn chiang.
"I inhmeh ngawt ang!"
"I duhzâwng i hmu em?"
Kan bul deuh maiah chuan a lo ding tawh reng. Mipa aw a nih vàngin ka en lo va, hawi pawh ka hawi hek lo.
"Min rawn zui ve nghal mai emaw ka ti a?" hmeichhia chuan a ti a.
"Pheikhawk ka en lawk a."
"Hei hi mawi i ti em?" tiin a thawmhnaw en lai chu a hmuh a, kei erawh chuan chu pa chu ka la en duh lo lui ve ngar a.
"Um, i inhmeh ang."
"Ka en ve apiang chutiang chuan i ti ziah!"
"Thu dik a ni si alawm. Dâwt ka hrilh ngai che em ni?"
A hmeichhe lèm vêl dàn chu, ka ei lo tawp. Mipa, mahni bialnute bula insawi rinawm chawp chi a niang, ka ten chi tak. A bialnu hi a tân chuan a țha mah mah a nih hi.
"Ka ha chhin thei ang em?"
Nuih sângin," Tehrêng mai," ka lo ti vat a, kawr keng chuan puan zàr phènah chuan a lût ta nghâl a.
Mary leh Felite pawhin mi dang an lo buaipui ve tho a, chu pa chu ka la en duh chuang lo, a polite loh thlâk viau tih ka hria; mahse, mipa hi chu biak hmasaka hnimhnaih miah loh hi ka duh.
"Ka va hmu ngai lo che ve?"
Hm, biak loh theih loh dâwn ta.
"Mi thar ka nia."
"I ni tih ka hria alawm, ka hmu ngai lo tlat che a."
A va ngeiawm tak!
Ka din hmun ka sawn miah lo, ani erawh chu ka bul hnaiah a rawn kal kual a, ka hma takah chuan a rawn ding a. En loh theih pawh a ni lo.
"I nèlawm loh hle mai."
Pawi lo tawp. Ani nèl nih hi ka duh kher lo bawk. Ani pawh a nèlawm bîk lo, bialnu nei lai lehnghal. Bialnute awm laia hmeichhe dang sawisèl chîng leh...a, thil sawisèl chîng tak a ni hrim hrim ang.
Ka chhàn hmain puan zàr phèn ațang chuan Chhelovi kha a rawn chhuak a, kawr chu a rawn ha chhuak bawk. Kha maw, a inhmeh ang ka tih chiah kha, a inhmeh tak tak.
"I inhmeh lutuk tlat."
"Ka lâwm e," tiin a nui sak a, a ha țo thuah chu a lang chiang hle mai. A nui pawh a mawi, a lang nèlawm sawt bawk.
"Nauva, eng nge ka an?"
"Nangmah i ang."
"Chimawm viau zel suh, ka inhmeh em?"
"Tehrêng mai. Lei rawh."
Puan zàr phèna a luh leh hnu chuan min rawn en leh tih ka mit sîrin ka hmu thei. Chhuak thuai thuai se ka ti tak tak a ni, mi complain a chìn hmel si.
"Ka u bula i nui ang khân min nuih ve tho la, in dàwra rawn kal ve tho ka nih hi."
A u a lo nih chu. Thil hi ka lo suangtuah zung zung a, thil ni thei àwm hi ka lo hmehbel zung zung a, ka rin dàn lah hi a lo dik lo ziah. Thil ka hriat chian hma chuan ngaih dàn lo siam zung zung tawh lo teh ang.
"In inang lo hle a nih chu."
Min en ràn chung chuan a nui sak a, ani pawh a ha a lo țo thuah ve tho. A u nui nèn a inang hle mai.
"Ka vawi khat hriatna! Nang tè hi, i mak reuh tlat. Khawi ațanga lo kal nge maw i nih le?"
Ka chhàn hma chuan a u chu a rawn chhuak a," Nang pa hi, i lo be buai leh vak em? Lo hre thiam rawh aw, a chìn dàn hi a sim thei lo," a rawn ti nghal barh barh a.
"Ka lo titipui mai mai, mi thar a nia."
"Hei chu, ka la ang e."
Pawisate min pêk fel hnuah chuan chu pa chuan," Mami, kan la titi chhunzawm leh dâwn nia," nui chung hian a ti leh hrâm a, a u chuan," A mak thei. Sim teh, sim teh, mi buai lai laiin," a lo ti thung a.
An chhuah hnuah chuan ka thaw huai mai. Ka lu ka thing nar nar a, kan khawvêl tak hi chu! Chimawm hranpa ve tùr liau liaute hi an lo piang a, Pathian hian thil hi a va siam chikim tehlul ém!
Chhùna ei tùr kan ei lai chuan Feli chuan," Novi, khawi ațangin nge i lo kal kha? Lungleia mi hi chu i ni lo tiraw?" tiin min zâwt a.
"Champhai lam ațangin."
"Chuti chu, i vun ngo viau pawh hi a àwm ka ti hle mai."
"Chuti em ni? Ka lâwm e."
Mary chuan," Champhaia ka țhiannu ve thung chu a ngo miah lo maw le, khawlum a ngeih zâwk a," a lo ti a.
"Chuti chu, Lunglei chu lum i ti àwm mang e?"
"Ti vak chuang nâng, a nuam reng alawm."
*******
Ruah a sûr cherh cherh a, tlaiah Ka puin min rawn hruai leh a, hruai ziah hi ka ngai lo tih ka sawi chung pawhin min rawn hruai ziah tho. Ruah a sùr hi chuan ka hnial vak lo zâwk a, a chgan chu rickshaw chàn hi a buaithlâk ve țhìn a ni. Âtei a hman loh chângin min rawn hruai țhìn, a țawng tam lo ve si a, biak dàn tùr lah a vâng thei si. E, ka hre chhuak.
"Ka pu, ka inkhâwl ve hret hret tawh a, in luah tùr ka zawng ang a, ka hmuh hunah ka luah hrang tawh dâwn em niang ka ti a," ka ti țan ta a.
"Inléng neih i duh vàng em ni?"
Makti zet hian ka en a, hetiang lam hi chu ka lo la ngaihtuah ngai miah lo.
"Ni lo, ka pu-"
"Kan in hi hrehawm i ti em?"
"Ti lo, a nuam lutuk; mahse, ka hrilh tawh che kha."
A ngawi leh vung vung phawt a, chutah," Fùr hi han zo se, kan ngaihtuah țha dâwn nia," a ti leh daih a.
"Tak tak aw?"
"Tak tak e. I in dang dâwn a nih chuan engkim buaipui i ngai dâwn a."
"Ka pu, a ngai teuh lo! Ka inkhâwl țeuh tawh alawm," ka lo ti vat a.
"Ni lo, min hnial suh, in luah tùr pawh keimahin ka buaipui ang, a him chauh i luah ka duh dâwn si a, ngaihtuahawma i awm loh nân."
Ka pu chu ka en vang vang a, ka chunga a țhatna hi engtikawng mahin kei hian ka rùl thei hauh lo ang. Amah mai ni lo, a chhûngte pawh ka chungah an țha vek.
"Ka pu, i motor-ah khân ka lo chuang lo ang tih ka hlau ngawt mai."
In kan thleng chawpchilh nghâl a, tûn țum chu ka nghâk ve ta. Nghah hi a phû a ni.
"Ka motor-a i lo chuan hma thil thleng kha...ngai leh lo mai."
Ka pu hian min zawh chu a duh ang tih ka hria; mahse, min tilui duh lo a nih hi. Duk tak chuan ka chunga thil thleng zawng zawng sawi chhuak tùr kha chuan ka la inpeih thei meuh lo a ni.
Zanriah ei khamah chuan ka room-ah Princess-i nèn lem kan ziak a, kan ziak ti ila min zirtîr a ni zâwk. A sawi dàn takin 'Ka zirtîr ang che, keimah anga thiam i duh chuan' a ti deuh tlat a.
Lem ziak pah chuan thawnthu kan inhrilh pah bawk a, min hrilh hmasa a, ka hrilh laiin ka va en ru dêk dêk a, zawhna min zawh sek loh vànga en ru ka ni nghe nghe. Ka rin ang chiahin a lo muhìl bal tawh.
Puan ka sin țhattîr a, thàwm dìm tak chuan ka chhuahsan ta a. Filter tui chu ka in a, no ka dah ka inher leh chiah chuan ,"Ah, nang hi...?" mipa aw ka hriat tawh hnuin a tih ri chu ka hre ta nghâl a.
Chimawmliana nèn chuan kan inhmachhawn ta ràn mai.
"Eng nge hetah hian i tih?"
A hriat kher a ngai lo ang.
"U Âteite nèn hian in inchhûng tihna em ni?"
"Aw."
"Hm, chuvàng a lo nih chiah chu an dàwra i thawh theih. Mi nèlawm lo lutuk hi chu dàwr nghâk atân an țha vak lo asin," a ti leh a.
"Min chhawrtu i ni lo miau si a," ka lo ti vat a.
"I mak reuh e!"
'Reuh' tih chi ka ni bîk lo, ka tê hran lo va, lian tak pawh ka ni chuang lo.
"Nangni pahnih hi in lo inhria elo?!"
Âtei chuan maktih hmel deuh hian kan bula dingin min lo en reng tawh a.
"U Âte, dàwrah hian customer-te hi dàwr nghâktute hian polite tak takin an lo be tùr niin i hria em? Nui sâng chungin min lo chhâwn tùr an ni i ti ve lo maw?"
"Engtizia nge ni?"
"A, thil nih dàn tùr ka han sawi lang mai mai maw le. A dik tiraw?" min en ràn chung chuan a ti leh a.
"A dik alawm."
A kut a bêng thak a," Um, chu chu ka bula mi hian lo hre ve teh se, a lo hriat loh palh tâkin," a ti leh a.
Ngeiawm tak a ni.
Âtei kal sawn hnu chuan," Min ngei em?" a ti sap a, a lo nui leh sûng tawh.
"I hman khawp mai ka ti."
A nui hawk hawk. He pa hi, hriatthiam a har roh mang tak e. Rum angreng takin ka melh ringawt.
"Ka kawm duh chi tak i ni, ințhian ang. LM-a ka nia, a châng chuan ' Chimawmliana' ti pawhin min ko tho."
A kut a rawn phar chhuah avàngin leh min ngaihchàn reng avàngin rei tâwk tak hnuah chauh ka kut ka pe. Nghet zetin a lo hmer a.
"Novi."
"Tâwi tek tawk viau mah se ka phû tâwk chiah a ni."
Ka ngei tehlul nèn, a lo fel roh lutuk. An haw hma chu ka bulah awmin a titi ta reng mai. A țawng duh hle a, fiamthu pawh a duh viau bawk, kei meuh pawh ka nui ve suk suk mai.
Mut hmuna ka ngaihtuah tâk chu mi hi vawi khat kan hmuhnaa an chunga ngaih dàn lo siam nghâl vut hi a lo fuh lêm lo a ni tih hi. Mi fel tak pawh an lo awm thei a, mi fel lo pawh an awm thei tho. Hriat chuan hma chuan lo rin sual emaw lo rin that emaw ngawt hi a lo tihchi lo tawp a nih hi.
*I NEIH VE LOH AVÀNGIN MI THIL NEIH SAWICHHIAT EMAW SAWISÈL EMAW CHÎNG SUH*
Group join duh in awm mial tâkin
https://www.facebook.com/groups/389869478234571/
Tunah chuan nuam ka ti ve leh ta. Ka pu ka chungah a lungawi lo lo va, engkim kan sawi fel tawh bawk si, mipa hi ngeiin haw viau tawh mah ila, ka pu hi chu ka ngei hran lo, ka chungah a țha bawk a.
A fanu lah hi a duat ropui si, a nu bula a awm loh vàng hian a duat tak zetin ka hria. Fanu hi a nei bîk ngawih ngawihin ka hria, mite pawhin fa chu an nei ve tho, ani ang em hian an duat em chu ka hre vek lo; mahse, a fanu tân pa țha ber hi chu a ni chiang. Ka pa kha la dam zêl se, ka pu anga fanu tâna pa țha hi a ni ve ang em le?
Zan khat chu Âtei țhiante an rawn lêng a, mipa pahnih leh hmeichhe pakhat an ni. Princess-i'n a nî chu a țhutchilh reng avàngin an in tùr ka buaipui a, room-a luhsan daih chi pawh a ni lo.
Pu ber pawhin a lo kàwm ve tho nain rei lo te hnuah room lamah a lût ta daih a, nuam lo ti rilru zet hian an bul hnaiah pawh țhu ve lovin fridge bulah ka țhu a, ka phone ka khawih mai mai a, an titi erawh ka hre thei zauh zauh.
College kalho țhìn an ni tih a hriat theih. Hmeichhia ber chu lecturer a ni chiang, Gov't college, Lungleiah. Mipa lian zâwk chu Aizâwl lam mi a ni a, Âtei ang thovin dàwr a siam a, mipa tê deuh zâwk chu Police officer a ni ve thung, hei hi an titi ațanga ka lo hriat dàn a ni.
"A rêng rêngin kan hriat lohin fanu i lo nei reng tawh a," mipa tê zâwk chuan a ti a, a hming erawh ka hre thei lo.
"Ka u fanu a nia. Ni leh lo, kan chhûngkaw fanu a nia, ka lo hrilh hre lo che u a, ka inthiam lo ve reng mai," Âtei chuan a lo ti a.
Mipa lian zâwk chuan thûm deuh hlek hian eng emaw a sawi deuh bul bul a, Âtei chu a lo nui hak hak a.
"Neih ve hmaa experience lo neih lâwk hi a țha alawm, neih hunah ka zei thlap tawh dâwn asin," nui hak hak hian a ti a.
Hmeichhia ber Afaki chuan," I u hian nupui a lo nei rêng rêng em ni a? A nei a nih chuan min sâwm miah lo tih ka hre chhuak," a lo ti ve a.
"Nei lo ve, neih kha chu a tum ve ràn rán a; mahse, a țhulh ta daih a."
"Nih, a fanu hi?"
An dîlchhût ka lo ti khawp mai a; mahse, țhianho an ni a, a àwm ve tho. A huatthlala bîk lo ang chu.
Ka bih ru dêk dêk a, Princess-i chu a lo muhìl tawh. An thil inna pawh a ruak tawh hlawm e, va la khâwm ila, sil zawhah room-ah lût daih ang.
"Nautei hi chu, ka u zinin a chhar a nia."
Ka ding chhuak chu ka khawng awtin ka hria. Makti zetin ka melh ngai ka melh reng, a mak ka ti lutuk!
"Mahse, kan sawi chhuak ngai lo. A fanu dik tak, a rîla rah ngei ang chiahin a enkawl a, a pa hmingah pawh a hming a dah thlap. Kan tân malsàwmna a nia, kan rohlu dik tak a ni."
No chu ka va seng a, ka melh kual hlawm hek lo. Ka thil hriat thar chuan min la shock lutuk a, thil dang ka ngaihtuah thei miah lo.
Hei vàng chiah a lo nih hi an inan loh ém ém. Engah mah an inchhùn lo; mahse, an inngaiin an induat tawn viau si. Princess-i lah hian a hringtu pa a ni lo tih a hre miah si lo, pakhat lahin a thisen zawm a ni lo tih a lantîr hek lo.
Mut hmunah pawh ka ngaihtuah kual zêl a, khawiah tak Princess-i hi chhar ang maw? Naute a han khawih vêl tùr, a han bâwihsâwm vêl tùr chu ka mitthla thiam lo, a inhmeh lo dâwn lutuk. A zei lo ngawt ang chu.
*******
Dàwr kan nghaha min dàwrtute an rawn kal loh lai hi chuan Feli leh Mary chu an titi char char ziah. Kei chuan lo sawipui tùr ka hre ve țhìn lo tlat a ni, duhthusàm sawiin an nui uar uar a, ka lo nui ve sak sak țhìn.
Nula pakhat chhe lo zet hi a rawn lût a, Feli leh Mary chu an la titi tui em avàngin an hmu lo hrim hrim a, ka lo chhàwn a.
A chhiat loh ang bawkin a hmel pawh a țha, a țawng chhuak lah chu a dam viau bawk.
"Pi ber hi a lo kal ngai em?"
Âtei nèn an inhria tihna a ni ngei ang. A țhiannu pawh a ni thei tho bawk, ka lo ngaihtuah zung zung mai.
"Ngai vak lo."
"A nih tak chu, inah ka hmu mai ang."
Thawmhnaw pakhat silver rawng mawi zet hi a en a, a inhmeh ngawt ang. A vun ngo ser sawr leh no zet nèn chuan a inchawih dâwn chiang.
"I inhmeh ngawt ang!"
"I duhzâwng i hmu em?"
Kan bul deuh maiah chuan a lo ding tawh reng. Mipa aw a nih vàngin ka en lo va, hawi pawh ka hawi hek lo.
"Min rawn zui ve nghal mai emaw ka ti a?" hmeichhia chuan a ti a.
"Pheikhawk ka en lawk a."
"Hei hi mawi i ti em?" tiin a thawmhnaw en lai chu a hmuh a, kei erawh chuan chu pa chu ka la en duh lo lui ve ngar a.
"Um, i inhmeh ang."
"Ka en ve apiang chutiang chuan i ti ziah!"
"Thu dik a ni si alawm. Dâwt ka hrilh ngai che em ni?"
A hmeichhe lèm vêl dàn chu, ka ei lo tawp. Mipa, mahni bialnute bula insawi rinawm chawp chi a niang, ka ten chi tak. A bialnu hi a tân chuan a țha mah mah a nih hi.
"Ka ha chhin thei ang em?"
Nuih sângin," Tehrêng mai," ka lo ti vat a, kawr keng chuan puan zàr phènah chuan a lût ta nghâl a.
Mary leh Felite pawhin mi dang an lo buaipui ve tho a, chu pa chu ka la en duh chuang lo, a polite loh thlâk viau tih ka hria; mahse, mipa hi chu biak hmasaka hnimhnaih miah loh hi ka duh.
"Ka va hmu ngai lo che ve?"
Hm, biak loh theih loh dâwn ta.
"Mi thar ka nia."
"I ni tih ka hria alawm, ka hmu ngai lo tlat che a."
A va ngeiawm tak!
Ka din hmun ka sawn miah lo, ani erawh chu ka bul hnaiah a rawn kal kual a, ka hma takah chuan a rawn ding a. En loh theih pawh a ni lo.
"I nèlawm loh hle mai."
Pawi lo tawp. Ani nèl nih hi ka duh kher lo bawk. Ani pawh a nèlawm bîk lo, bialnu nei lai lehnghal. Bialnute awm laia hmeichhe dang sawisèl chîng leh...a, thil sawisèl chîng tak a ni hrim hrim ang.
Ka chhàn hmain puan zàr phèn ațang chuan Chhelovi kha a rawn chhuak a, kawr chu a rawn ha chhuak bawk. Kha maw, a inhmeh ang ka tih chiah kha, a inhmeh tak tak.
"I inhmeh lutuk tlat."
"Ka lâwm e," tiin a nui sak a, a ha țo thuah chu a lang chiang hle mai. A nui pawh a mawi, a lang nèlawm sawt bawk.
"Nauva, eng nge ka an?"
"Nangmah i ang."
"Chimawm viau zel suh, ka inhmeh em?"
"Tehrêng mai. Lei rawh."
Puan zàr phèna a luh leh hnu chuan min rawn en leh tih ka mit sîrin ka hmu thei. Chhuak thuai thuai se ka ti tak tak a ni, mi complain a chìn hmel si.
"Ka u bula i nui ang khân min nuih ve tho la, in dàwra rawn kal ve tho ka nih hi."
A u a lo nih chu. Thil hi ka lo suangtuah zung zung a, thil ni thei àwm hi ka lo hmehbel zung zung a, ka rin dàn lah hi a lo dik lo ziah. Thil ka hriat chian hma chuan ngaih dàn lo siam zung zung tawh lo teh ang.
"In inang lo hle a nih chu."
Min en ràn chung chuan a nui sak a, ani pawh a ha a lo țo thuah ve tho. A u nui nèn a inang hle mai.
"Ka vawi khat hriatna! Nang tè hi, i mak reuh tlat. Khawi ațanga lo kal nge maw i nih le?"
Ka chhàn hma chuan a u chu a rawn chhuak a," Nang pa hi, i lo be buai leh vak em? Lo hre thiam rawh aw, a chìn dàn hi a sim thei lo," a rawn ti nghal barh barh a.
"Ka lo titipui mai mai, mi thar a nia."
"Hei chu, ka la ang e."
Pawisate min pêk fel hnuah chuan chu pa chuan," Mami, kan la titi chhunzawm leh dâwn nia," nui chung hian a ti leh hrâm a, a u chuan," A mak thei. Sim teh, sim teh, mi buai lai laiin," a lo ti thung a.
An chhuah hnuah chuan ka thaw huai mai. Ka lu ka thing nar nar a, kan khawvêl tak hi chu! Chimawm hranpa ve tùr liau liaute hi an lo piang a, Pathian hian thil hi a va siam chikim tehlul ém!
Chhùna ei tùr kan ei lai chuan Feli chuan," Novi, khawi ațangin nge i lo kal kha? Lungleia mi hi chu i ni lo tiraw?" tiin min zâwt a.
"Champhai lam ațangin."
"Chuti chu, i vun ngo viau pawh hi a àwm ka ti hle mai."
"Chuti em ni? Ka lâwm e."
Mary chuan," Champhaia ka țhiannu ve thung chu a ngo miah lo maw le, khawlum a ngeih zâwk a," a lo ti a.
"Chuti chu, Lunglei chu lum i ti àwm mang e?"
"Ti vak chuang nâng, a nuam reng alawm."
*******
Ruah a sûr cherh cherh a, tlaiah Ka puin min rawn hruai leh a, hruai ziah hi ka ngai lo tih ka sawi chung pawhin min rawn hruai ziah tho. Ruah a sùr hi chuan ka hnial vak lo zâwk a, a chgan chu rickshaw chàn hi a buaithlâk ve țhìn a ni. Âtei a hman loh chângin min rawn hruai țhìn, a țawng tam lo ve si a, biak dàn tùr lah a vâng thei si. E, ka hre chhuak.
"Ka pu, ka inkhâwl ve hret hret tawh a, in luah tùr ka zawng ang a, ka hmuh hunah ka luah hrang tawh dâwn em niang ka ti a," ka ti țan ta a.
"Inléng neih i duh vàng em ni?"
Makti zet hian ka en a, hetiang lam hi chu ka lo la ngaihtuah ngai miah lo.
"Ni lo, ka pu-"
"Kan in hi hrehawm i ti em?"
"Ti lo, a nuam lutuk; mahse, ka hrilh tawh che kha."
A ngawi leh vung vung phawt a, chutah," Fùr hi han zo se, kan ngaihtuah țha dâwn nia," a ti leh daih a.
"Tak tak aw?"
"Tak tak e. I in dang dâwn a nih chuan engkim buaipui i ngai dâwn a."
"Ka pu, a ngai teuh lo! Ka inkhâwl țeuh tawh alawm," ka lo ti vat a.
"Ni lo, min hnial suh, in luah tùr pawh keimahin ka buaipui ang, a him chauh i luah ka duh dâwn si a, ngaihtuahawma i awm loh nân."
Ka pu chu ka en vang vang a, ka chunga a țhatna hi engtikawng mahin kei hian ka rùl thei hauh lo ang. Amah mai ni lo, a chhûngte pawh ka chungah an țha vek.
"Ka pu, i motor-ah khân ka lo chuang lo ang tih ka hlau ngawt mai."
In kan thleng chawpchilh nghâl a, tûn țum chu ka nghâk ve ta. Nghah hi a phû a ni.
"Ka motor-a i lo chuan hma thil thleng kha...ngai leh lo mai."
Ka pu hian min zawh chu a duh ang tih ka hria; mahse, min tilui duh lo a nih hi. Duk tak chuan ka chunga thil thleng zawng zawng sawi chhuak tùr kha chuan ka la inpeih thei meuh lo a ni.
Zanriah ei khamah chuan ka room-ah Princess-i nèn lem kan ziak a, kan ziak ti ila min zirtîr a ni zâwk. A sawi dàn takin 'Ka zirtîr ang che, keimah anga thiam i duh chuan' a ti deuh tlat a.
Lem ziak pah chuan thawnthu kan inhrilh pah bawk a, min hrilh hmasa a, ka hrilh laiin ka va en ru dêk dêk a, zawhna min zawh sek loh vànga en ru ka ni nghe nghe. Ka rin ang chiahin a lo muhìl bal tawh.
Puan ka sin țhattîr a, thàwm dìm tak chuan ka chhuahsan ta a. Filter tui chu ka in a, no ka dah ka inher leh chiah chuan ,"Ah, nang hi...?" mipa aw ka hriat tawh hnuin a tih ri chu ka hre ta nghâl a.
Chimawmliana nèn chuan kan inhmachhawn ta ràn mai.
"Eng nge hetah hian i tih?"
A hriat kher a ngai lo ang.
"U Âteite nèn hian in inchhûng tihna em ni?"
"Aw."
"Hm, chuvàng a lo nih chiah chu an dàwra i thawh theih. Mi nèlawm lo lutuk hi chu dàwr nghâk atân an țha vak lo asin," a ti leh a.
"Min chhawrtu i ni lo miau si a," ka lo ti vat a.
"I mak reuh e!"
'Reuh' tih chi ka ni bîk lo, ka tê hran lo va, lian tak pawh ka ni chuang lo.
"Nangni pahnih hi in lo inhria elo?!"
Âtei chuan maktih hmel deuh hian kan bula dingin min lo en reng tawh a.
"U Âte, dàwrah hian customer-te hi dàwr nghâktute hian polite tak takin an lo be tùr niin i hria em? Nui sâng chungin min lo chhâwn tùr an ni i ti ve lo maw?"
"Engtizia nge ni?"
"A, thil nih dàn tùr ka han sawi lang mai mai maw le. A dik tiraw?" min en ràn chung chuan a ti leh a.
"A dik alawm."
A kut a bêng thak a," Um, chu chu ka bula mi hian lo hre ve teh se, a lo hriat loh palh tâkin," a ti leh a.
Ngeiawm tak a ni.
Âtei kal sawn hnu chuan," Min ngei em?" a ti sap a, a lo nui leh sûng tawh.
"I hman khawp mai ka ti."
A nui hawk hawk. He pa hi, hriatthiam a har roh mang tak e. Rum angreng takin ka melh ringawt.
"Ka kawm duh chi tak i ni, ințhian ang. LM-a ka nia, a châng chuan ' Chimawmliana' ti pawhin min ko tho."
A kut a rawn phar chhuah avàngin leh min ngaihchàn reng avàngin rei tâwk tak hnuah chauh ka kut ka pe. Nghet zetin a lo hmer a.
"Novi."
"Tâwi tek tawk viau mah se ka phû tâwk chiah a ni."
Ka ngei tehlul nèn, a lo fel roh lutuk. An haw hma chu ka bulah awmin a titi ta reng mai. A țawng duh hle a, fiamthu pawh a duh viau bawk, kei meuh pawh ka nui ve suk suk mai.
Mut hmuna ka ngaihtuah tâk chu mi hi vawi khat kan hmuhnaa an chunga ngaih dàn lo siam nghâl vut hi a lo fuh lêm lo a ni tih hi. Mi fel tak pawh an lo awm thei a, mi fel lo pawh an awm thei tho. Hriat chuan hma chuan lo rin sual emaw lo rin that emaw ngawt hi a lo tihchi lo tawp a nih hi.
*I NEIH VE LOH AVÀNGIN MI THIL NEIH SAWICHHIAT EMAW SAWISÈL EMAW CHÎNG SUH*
Group join duh in awm mial tâkin
https://www.facebook.com/groups/389869478234571/
Tawp notes hi tha thei
ReplyDeleteKa lâwm lutuk vawng vawng e
Delete