☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 17 By Dingdi Pachuau
Ka han meng a, thil hmuh tumin ka khap fak fak; mahse, engmah ka hmu lo, a thim mup ringawt.
Khawiah nge ka awm le? Engmah ka hmu thei bawk si lo, ka lu ka han chêt deuh a, ka nghâwng khamzia ka hre chiah. Ka kut leh ke pawh chuti bawk, ka kut phei chu a mu churh churh.
Ka kut chêt ka han tum chuan a na kher mai, a mu churh churh chu thuhran, ka kut chu phuar beh a ni! Engati nge phuar ka nih? Ka han ngaihtuah chiang a, ka hre chhuak miah lo.
A hnu deuhah chuan ka hre chhuak thei ta. Dàwr ațanga ka haw kha min man ta a nih kha. Tunah khawiah nge ka awm le? Lungleiah ka awm chu ka ring tawh lo, Champhai, Aizawl, khawi emawah chuan a ni ang, kan inah pawh a ni maithei.
Ka va muhìl rei ve, ka awmna lah chu a thim mup mai si, zàn a ni maithei. Min man hun kha zàn țantìr a ni a, tunah pawh zàn, ka muthilh rei vak loh chu a.
Ni lo, kan va tlân chak àwm ve! Tunah lah motor-ah ka chuang tawh mang si lo, khawiah nge ka awm? Inah maw? Chuti, a nih chuan Lungleiah ka la awm pawh a ni maithei asin. Ka chanchin hi ka pute khân an hre tawh ang em? Ni lo ve, anni kha chuan hre lul suh se. Keima'n ka'n tuar zo țhak ang e. Thih leh thih, ka thih tâk leh tihhrehawm tùr an nei dâwn tawh lo tihna a ni mai; mahse, ka lo thi ta hlauh a nih pawhin ka thihna chuan rah țha chhuah se ka ti ngawt ang.
Ka han che deuh a, puan sin chu ka lo nei ve ngei mai, min sintîr ve a ni ngei ang chu. ka ke chu phuar a nih be loh avàngin nuam deuh zâwk tùrin ka'n awm sawn deuh a, ka kut erawh chét a harsa khawp. A mar țha hle a ni, ka tàl chhuah an hlau hle tihna.
Eng atân nge min tih tih hi ka ngaihtuah chhuak thei lo. Hmeichhe mutpui an duh hrim hrim vàng ni se, kei lo mutpui tùr an hmu țeuh dâwn si. Min hrem ve duh hrim hrim nge, an sual ve hrim hrim zâwk? Nge, phuba an la?
Bang nghènga țhu mu deuh ka ni a, ka ke chu ka'n chêt kualtîr a, engmah ka tlawh fuh lo. Chhuat lah chu a vâwt thlur mai a, ka kekawr hâk chhanah pawh ka hre vawng vawng thei. January thla a ni a, khua hi la vawt hle tùr a ni si, ka awmna hi rin aiin a vâwt lo, Champhai a ni lo a niang.
Ka bang nghen a lum deuh avàng chuan ka tawlh sawn phal lo, ka kut pawh chu ka nghentîr a, bang chu a lum deuh tak tak alawm.
Ka pum a rawn ri raih raih a, ka ril a țâm tih ka hre chiah; mahse, rilțàm tuar chu ka hnehsawh theih viau țhin kha maw.
Ka lo muhìl leh sek a niang, thil rîin min tiharh, khua a lo êng tawh. Ka mit kham ûrh chu ka han meng a, ka han hawi kual a, pindan ruak mai a ni. Ka hmaah chuan plastic chair pakhat a awm. Chhuat pawh a bàl viau, luah ngai loh a nih ka ring. Kawngkhàr pakhat leh ventilation pahnih chiah a awm, pakhat lah chu engtik nge hawn tàwp ber ni ang, a balh dàn a turu tawp. Pakhat erawh a zia deuh, a inhawng deuh bawk.
Kawngka chu a rawn inhawng a, hmai tuam pathum an rawn lût. Hlauh ngaihna pawh ka hre lo, che lovin ka lo en reng ringawt.
"I harh tawh maw?" A aw chu, ka hre tawh țhìn em?
"I kut phuarna kha phelh rih i duh em? Ka rawn phelh ang aw."
Rawn kal hnaiin hnung lama ka kut phuar chu a rawn phelh a, ka kut na vung vung pawh a zia hawk hawk mai.
"Khawiah nge ka awm?" tiin ka zâwt a, ka aw chu a thâm deuh hlekin ka hria.
"I him lutuk tlat, engtin mah kan ti dáwn lo che," tiin a țawng ber chuan min chhâng leh. A aw hi ka hriat tawh hnu a nih loh chuan a aw ang tak hi ka hre tawh a ni ngei ang.
Pakhat chuan zochhangban kan pahnih leh thingpui no khat min rawn pe a, zochhangban ka hmu chiah chu ka nu ka hre chhuak zawk mai.
Ka duh theihzia hriain a remchàn chuan min lei ziah. A thu ka awih lo deuh dâwna a hriat pawhin thlèm nân min hmang țhìn, zochhangban kan min hmuh tawh chuan engah mah ka hnial ngai lo a nih kha.
"Thil țha lo in telh em?"
Engmah sawi lovin an inmelh kual ringawt. A hnu deuhah țawng zing ber chuan," Telh lo, ei rawh," a ti a, ka en vang vang hnuah ka ei ve ta chauh, ka ril a țâm ém a ni, bâkah, zochhangban kher a lo ni bawk nèn.
"Inthiar ka duh."
An inmelh kual leh a, țawng zing ber chuan a țhiante pahnih chu mitmeiin min rawn kài ding a, pakhat chuan ka mit a rawn tuam thut.
"Tâl lo la, bengchheng siam lo bawk la, i him ang."
Zun chhuah tawh naklaia. Ka cheh lo chauh tawh a nih hi.
Min hruai kual ni maiin ka hria. Bathroom ka luh dâwnah ka mit tuam chu phelhin min nawr lût nghal. A chhuak tawh bawk a, sual chhuah kher ka tum lo, ka zawh veleh min hruai lêt leh nghal bawk. Kan awmna lai hre ve deuh tùr pawhin ka hawi kual hman lo.
Bottle khat tui an dah a, ka ke an phuar ta thung, an phuar hnuah an chhuak leh ta. Engtiziaa heta min dah nge an nih le? Kha pa kha a fel hmel viau si kha, a aw kha chu, ka hre tawh tlat a ni.
Min rawn tlawh leh meuh chuan chawhnu lam a ni tawh hial ang, chaw, Alu leh artui kan pawlh leh dâl chhum hàn min rawn kensak a. Zîng lama min rawn tlawhtute kha an la ni reng em ka hre chiang lo, an hmai an tuam a, lukhum an khum vek bawk sia.
Chaw ka ei hnu chuan an zînga pakhat chuan," Hetah hian i hming han sign teh," a ti sap a, zîng lama țawng peih ber kha a ni tawh miah lo.
"Eng thil nge?"
"Sign phawt rawh."
"Ka hriat loh ka sign dâwn lo," ka ti ve tlat. A dik chiah alawm, ka tih ni miah loah min puh dâwn pawh a ni thei a, hriat phawt a ngai alawm.
"Tuna i sign hi i tân a țha asin."
"Eng thil atân nge ka sign dâwn a?"
"Kan hre bîk lo."
Ka hriat chian phawt loh chu ka sign dâwn lo chiang. Ka thihna tùr atân pawh ka lo sign reng thei asin, him lo tak a ni.
An beidawng ta deuh a niang, ka kut an phuar hnuah min chhuahsan leh ta. Fîm takin ka inngaihtuah a, he thil hi Misualate tih a ni lo thei lo ang a; mahse, an va rawn inlan si lo ve, anni hmachhawn kha ka inring deuh a nia.
Thâwm hriat tùr a vâng kher mai. Min vêngtute thâwm àwm pawh ka hre chuang lo; mahse, min kalsan vek chu ka ring miah lo, min vèn reng ka ring. Ka han en kual a, ka chhuak thei lo chiang sa, ka ke an phuar a, ventilation lah a sâng si, kawngkhàr lah pâwn ațangin an kalh thlap bawk ang chu.
Zàn a lo thleng a, țhut reng ka nin tawh avàngin dingin tâwi tê tê ka kal kual vél a, ka taksa a rawl țhûm mai.
Kawngka a rawn inhawng a, êng an rawn ken chu a êng nép hle mai, thim viau lo phei se chuan a êng lo ngawt ang chu.
"Hei hi ei la, kan kal a ngai a nia."
"Khawiah?"
"Kan hre lo."
An chhawr ve mai an nia, an hre lo tawp ang chu.
Ka ei zawhah ka mit an tuam leh a, ka kut chu phuar lehin min chhuahpui ta, pâwn boruak chu a vâwt kher mai, ka khùr dar dar hial.
Zankhuain kan tlân ni maiin ka hria, ka mit an tuam tlat vàngin engmah ka hmu thei si lo, an țawng tam lo tlâng bawk nèn, engmah a hriat theih loh. Tih theih awm hek lo, ka ngaihtuahna ka kàwm kual.
Tuilum sa țha ver vawra inbual a, blanket lum zet hnuaia lungmuang taka mut ka châk. Motor chu a phui țha viau a, a vawt hran lêm lo nain ka khum ka ngai, ka țhiante leh ka chhûngte pawh.
Ka awm lo tih an hre tawh ngei ang chu, min ngaihtuah ve ang em le? Ka kut phuarin room pakhatah min kalhnan tihte pawh, an hre tawp nâng, an ring phâk lo zâwk ang.
Mahse, ka pu khân, a hriain ka ring. Ani kha chuan ka awm lo tih a hriat veleh a ring thiam mai ang, min zawng tùrin a lo kal ang em le? Min ngaihtuah theih em kha.
Mahse, chu beiseina mei chu ka tihèn rual rualin ka timit leh nghal. Ka nun buaithlâk zeta rawn inrawlh tùr hian ka duh lo, min theihnghilh vang vang se ka duh.
Min dahna pindan chu a hrehawm hran lo, mi tâng chu ni lo phei ila chuan nuam tak tùr a ni. Kan thlen velehah ei tùr min pe a, ka inbual bawk, thawmhnaw hâk thlâk tùr thlengin min pe vek. Ka chungah an țha leh viau si a, ka hre thiam lo thlâwt.
Ka awmna hi light chhit reng a nih vàng leh pâwn lam ka hmuh theih bawk si loh avàngin chhùn nge zàn tih pawh ka hre lo, sana chu awm se ka hre mahna.
"Zon, lo hawng rawh."
Ka pahrawn aw a ni, Misuala zâwk ka hmachhawn ka rin tehlul nèn.
Hawnsak lo mah ila, pâwn lam ațangin chahbi an nei a, an hawng thei tho.
Khumah ka țhu a, a lo lût chu en pawh ka en duh lo. He mihring hi engtin nge ka nu khân pasalah a lo neih theih ni? Ka ten lutuk ringawt.
"Welcome back, kan inhmu lo rei ta hle mai."
A țawng chhuak ațang chuan a hlim hmel ser sur lutuk a, ka ten hluah hluah.
"Eng nge i duh?"
"Nangmah maw le, ka mamawh lutuk che alawm."
Ka va ten tak! Tlawh hlawm tawp ka châk, ka hneh dâwn dèr lo nain.
"Police min vénghimtu tùr thil tihah chuan tenawm tak a ni, min han ru bo a nia," ka ti lêt sak a.
"Ka fanu tlàn bo lâk lêt hi a sualna ka hre lo."
"I fanu ka ni lo!"
Thutak zet hian,"Thil tih tùr pakhat i nei, chumi hnuah chuan i duh phawt chuan i zalèn thei ang," a ti ta daih a.
Ring lo zet hian ka en chho a, a hmelah chuan fiamthu rêng a lang lo; mahse, ka ring chuang lo.
"Ka ring lo che."
"Ka thu i awih loh chuan i inchhîr vawng vawng ang."
A chhuah hnu chuan ka inngaihtuah a, duhthlan tùr ka nei rêng em? A thil tih tùr min tuk chu ti lo ta ila, eng thil nge a tih ang? Lo ti ta pawh ni ila, eng nge lém chuang ang? Min vau hi a țhulh chuangin ka ring lo.
Ngai pha lo viau mah ila, ka pu ka ngai. A duh loh zâwng sawiin min han tihtauh khum mah se, min ngaihtuah ém ém si a, senior ve tawh viauin puitling viau mah se, a naupan chhiatna lo lang leh țhìn kha ka làwm tlat. Tunah chuan hmuha biak chu sawi loh, ngaihtuah chhuah chauh ka tih theih tâwk a ni ta mai si.
Ka bag kha khawiah nge an dah le? Min man ațang khân ka hmu ta lo vang vang a, ka phone-te kha...Khawih thei tal ila chuan a zia deuh tùr.
Ni eng zât chiah nge pawh ka hre tawh lo, chhùn leh zàn a hriat theih si loh. Ka awmna hi a mak tak zet, lei hnuaiah em ni? Ka ring chiah si lo.
Ka pahrawn a rawn kal leh chuan ni khat a liam tawh ngei ka ring, a hun kâr a hla tlat.
Ka hmaah chair rawn dahin paper pângngai tawp hi a rawn dah a, pen a rawn dah tel bawk.
"I hming han sign teh le."
Hming sign mawlh chu, eng atân nge maw a tih ni? A hmaa min vêngtute lah khán hming sign tùrin min ti tawh bawk, he pa hian a lo tîr a ni ngei ngei ang.
"Eng atân nge i tih?"
"Ka mamawh, sign rawh."
"Eng nge a nih ka hre duh phawt."
Thinrim zeta min enin," I sign tùr a ni, i sign loh chuan i kut khân a tuar ang," tiin min melh khu khu a. A mitmeng hur zet leh sen rûm chuan pawisak a nei lo tih a tilang hliah hliah.
"Eng nge ka sign a țùlna?" ka ti ve tlat a, ka țang ve tlat.
"A țûl a ni mai."
Pen chu ka kutah a rawn hmehbel a," Sign rawh," a ti leh a.
Ka sign duh loh avàng chuan," I inchhìrna tùr thil ti suh, sign mai rawh," a ti leh. A awka chhuak ațang chuan a ti mai mai tawh lo tih a hriat hle; mahse, ka sign lo ang.
"Ka sign dâwn lo, eng nge a nih ka hriat phawt loh chuan," ka la ti ve ngal.
"Inchhîr suh ang che," tiin ka kut veilam chu a rawn la lawk a, a elh ta nghek mai. A na lutuk chu ka inrin hman hmain ka țë țhawt, a ruh a ri țhatin ka hria.
Min thlah hnu chuan," Ka rawn kal leh ang, i sign dâwn khawp. Hun țha ka la pe leh rih ang che," a ti a, ka inrin hmain ka biangah rawn dawmin na zet hian min rawn fâwp a, min chhuahsan ta nghâl a.
Ka mittui a tla zawih zawih, ka kut chu ka en a, chet pawh ka ngam lo. A na lutuk, a titliak a nih loh chuan a ulh a ni ngei ang. A va râwng tehlul ém! A rawn kal leh huna ka sign duh loh chuan engtin tak min ti leh ang maw?
Mahni inkhawngaihna neih ka duh tawh miah lo kha a ni a; mahse, a lo kal leh tlat. Hetia ka awm ta bîk mai hi eng vàng nge ni ang? Mite pawhin an nute an chân ve tho a, ka tawrh ang hi an tuar bîk miah lo; mahse, engati nge ka tawrh bîk si? Ka inkhawngaih ta ém ém a, ka mittui chu dan sèn pawh a ni lo, ka inhnît ta hlawp hlawp a.
Ka han ngaihtuah a, ka hma lam hun hi a thim mup maiin ka hria. Ka tlân chhuak thei lo va, min ţanpuitu tùr an awm hek lo. Police a ni a, thil tisual tùr leh thil râpthlâk tak ti tùrin tumahin an ngai hek lo ang. Ka chan a chau, ka tân chuan he khawvêl hi a nuam hlawl lo, thi ila, a nuam zawk ang.
Ka kut nâ chuan min tur at at mai a, khua a vawt si, a na rei dawn lutuk tlat. Ka inngaihtuah fìm ve deuh hnu chuan ka kawr hâk pakhat chuan ka tuam a, tuam pawh ka tuam nghet ngam lo.
Ei tùr min rawn pe lo va, ka ril a țâm viau nain ka tuar thei. Ka kut na chu a hrehawm ber, a tur ut ut reng a, chet sawn hlekin a na bawk si, awm a nuam thei rêng rêng lo. Hei hi min vêngtu zînga pakhat khân a lo hre lâwk a ni ngei ang, hming sign ka duh loh laia 'Tuna i sign hi i tân a țha asin' a tih kha.
Kawngka a rawn ri a, en pawh ka lo en duh lo. Ka kut chu a nat ém avàngin ka țah a chhuak țûn a, ka mittui lah a hnai reng bawk.
Amah maiin a lo lût lo a nih hmel. Ke pên ri chu pahnih pên ri a ni tlat.
"I lo inngaihtuah harh tawh em? He lehkhaa i hming i sign phawt chuan i zalèn vang vang ang," a ti a.
Ka ûksàk lo, a thu sawi chu ka ring bawk lo. Zalèn mah ila, ka zalèn tak tak dâwn chuang lo, thihchilh hmiah mai ka duh zâwk.
Min rawn hnaih chu," Min rawn hnaih hauh suh," ka lo ti țhat a, rum zet hian ka melh ta kal a.
"Ka nunràwn theihzia chu i hriat tawh kha, sign mai rawh."
Pen chu ka kutah a rawn hmehbel leh a, ka sign loh a hlauh vàng ni hmiang ka ti mai, ka kut chu a chelh tel ve ta tlat a.
"Sign rawh."
Ka kut chu ka chêt duh tlat loh avàngin a kut chuan min hmer leh vak a, na ti țhen châwk châwk chung pawh chuan ka sign duh chuang lo.
"Tih dàn hre lo tùrah min ngai em ni?" tih leh ka hmaia min ben a rual leh nghal a, ka thle sawk mai.
Nâ ti viau mah ila, a hmuha țah ka tum lo, ka mittui erawh a hnám sawk mai. Ka mit a vài rum rum, a bula lo ding ve pakhat lah chuan min rawn chhan a tum miah lo.
Ka hmai chu a thîp vung vung, a sa hat hat mai bawk. Ka taksa na hi chu engah mah ngaih loh ka duh, ka rilru erawh a na tak zet, hei ai hian a na leh thei tawhin ka ring lo.
"I luhlul rei emaw?" tiin a kut pahnih chuan ka biangah a rawn vuan leh a, a thu anga awm ka tum tawh bîk lo, min bêng tawh bîk lo ang. Ka kut na lo lam chuan a hmaiah chuan ka ham ve ta țâwk a, tunah chuan thih pawh ka hlau tawh lo tak tak. Duh leh min that rawh se, dam reng ai chuan ka tân a țha zâwk ang.
A țhianpa chuan min rawn man bet ta vat. Ka tâl ve nasa a; mahse, ka kut lehlam chauh ka hmang thei si a, min man bet hneh lutuk.
Thinrim meng sen rûm leh hmai thî nung chuan a rawn hawi chhuak a, ka hmaiah chuan min bêng leh thlawrh a, a thîp na țhawk țhawk hle mai.
"I luhlul man a nih kha. Khawi maw, i luhlulna hi dah țha tak tak tawh teh ang," tiin min chelh bettu bag ah ațang chuan syringe a la chhuak a. Hriau lam chi rêng rêng ka hlauh ém avàngin ka tâl nasa lutuk, min chelhtupa pawh chuan min chelh hneh țha lo dâwn a; mahse, ka pahrawn chuan rawn chelhpui vein pahnih chu ka hneh ta lo, ka dul rem laiah chuan min rawn hnek pawp mai. Ka thâ a tàwp vek, ka thil hmuh a phê ruai mai a, ka thâwk a tàwp mai dâwnin ka hria. Ka thaw kâwk kâwk a, chutia ka tha ka thlah tâkah chuan hmu lo mah ila syringe ka taksaa a rawn vit lût chu ka hria. Ka theihtàwp ka lo chhuah ve tho nain ka tha chu engmah lo mai a ni, ka zawi ngawih ngawih a, ka thil hmuh a fiah lo telh telh a, țawng ka tum nain ka ka ka âng thei lo, a thim ta ruai ruai mai.
*******
Christopher aka Lâna
~~~~~~~~~~~~~~~~~
"Ka pu, hmeichhia kha in a la rawn haw miah lo."
Ka țhutna ațang chuan ka ding zawk mai. Ka hlauhthàwn rûk thil a lo thleng ta chiah mai. Amah ka thiam lo dâwn dâwn a; mahse, ka thei lo. Ani ang tleirawl luhlul leh țawng tam lo zet kha chuan engkim min hrilh si se dâwn lo tih lo hriat lâwk tùr asin. Thil thleng a awm leh awm loh ka zawh lahin a awm loh thu min hrilh avàngin ka ring kha a ni a...
"Engtik ațangin nge i duty?"
"Nichin lawk ațang khân. A in luahna lan theihna hmunah ka awm reng, lo haw a hun tawh viau si a."
Tunah zan dâr 6:30. Dârkâr chanvein kan tlai tawh tihna, dâr 6-ah dàwr an khàr țhin avàngin. Mi dang ka phone kual nghal a, a țhiante nèn an lêng kual pawh a ni thut thei asin; mahse, a țhiante chu inah an thleng vek tawh. Chuti a nih chuan, a bo tihna.
Ka phone theih ka phone kual zung zung. Dàwr ațang chuan a haw ngei; mahse, in a thleng lo, kawng lakah a bo a nih chu. Hmun remchãng a awm lo asin, kawng ànah in a ding zêl a, a him lo chin nia ka ngaihah duty ka dah țhìn; mahse, hmun hima ka ngaih chinah an che ngam tihna a nih chu.
Ka țhianpa Rema, police officer ţha ém ém, Champhaia awm mêk chu ka phone nghal a, thil awmzia hrilhin rem ka ruat nghal zung zung. Tunah Lungleiah ka awm si lo, keimah ngeiin chhui ka duh, tuna ka buaipui mêk hi Rema hian buaipui mai teh se.
Chipchiar tak pawhin ka hrilh hman lo, a tlangpui ka hrilh thuak thuak a ni. Ka chhuah hmain mi dang ka phone kual leh a, a rang thei ang bera Lunglei ka phei a ngai. Rilru chuan a awmna hmun tùr a dap nghal ruai a; thui an la tlân lo vang, Lunglei an chhuahsan âwrh a nih loh chuan an la chhuahsan lo ang.
Hmanhmawh zeta car chu tinungin ka tlân chhuak nghal. Engtin nge a awm ang, hrehawm zetin an phuar ang nge an sawisa ang? A duh lo chung an man a ni àwm si a, țanpuitu kovin a au chhuak hman ang em?
Mi thuhnuaia kùn leh an thu thua awm ka peih loh vàngin ka hna ațangin ka bâng rêng a; mahse, țanpui an ngaih chuan ka pui ve tho. Ka duh duh ka thawk kual a, a chângin mechanic ka nia, a chângin farmer dik tak ka ni leh a. Novi ka tawn hnu ațang hian ka hna ngai private investigator khân ka lung min lèn leh a, ka tih tùr dik tak niin ka ngai bawk.
Lunglei ka thlen chuan inah pawh ka pêng lo, a in luah lamah ka tlân tlang nghal. Ka mut pawh a chhuak miah lo, a chahbi ka neih tho avàngin inah chuan ka lût thei a, khua a la vàr loh avàng erawh chuan ka thâwm ka dìm ve viau.
Engmah phei chu ka hmu chhuak lo nain eng emaw hriat theih ka inbeisei tlat. A bungrua reng reng chu hâi loh a ni a, a awm dàn tùr thlapin a awm vek. Inah hian a lût miah lo tihna a ni a, a dàwr kal haw chu an lo man chiah a nih hi.
Ka ngaihtuahna kual nasa hle mai. A bungrua reng reng chu uluk takin ka en kual a, chhui theihna tùr ka hmu lo; kil tàwp thlengin ka hâi vek, buhpâwl zînga hriau bo zawn ang vêl a ni.
Langsàr tak, biru riau si a box te reuh tê chuan ka mit a la mai mai. Eng bâwm tak ni ang maw tiin ka han ban a, ka hawn chuan a chhûngah silver zungbun a lo awm. Neih a neih loh laia min pêk a tum kha a ni chiang, a nu hriat rengna a tih kha.
Lehkha thleh hi a lo awm bawk a, a kâra pentui pâwla thil inziak chuan ka mit a lâk avàngin ka la chhuak leh a, ka pawt pharh a.
*Vanduai tùra lo piang chhuak bîk nih hi thil nuam tak chu a ni lo; mahse, tunah chuan ka hmaa thil lo thleng apiang ka hmachhawn tawh ang, ka chhûngte an him chuan a țha. Thi tùra lo piang chhuak tho ka ni lo em ni?*
He nu zet hi...mi luhluli mai mai chuh! Engmah min hrilh duh lo a lo nih chiah hi, engtin tak vau ang maw? Lehkha ziak chu ka chhiar nawn leh a, 'Ka chhûngte an him chuan a țha' tih lai tak chuan awmzia a nei. Keini hmang hian an lo vau tih hriat reng. Ka thinrim lutuk chuan bang chu ka hnek chawrh a, thil ka lo hre thiam lo lutuk chu ka inhaw tak zet. A hma zawnga in dan hlau ngawih ngawih tawhin in dan a han duh leh thut te kha, awmzia a nei vek, hre thiam tùr ka ni asin le.
Kan himna a duh vàngin a in dang chhuak leh a, kei lah chuan tlangvâl inléng neih a duh vàngah ka puh a nih kha, thîkthu chhiat vàng liau liauin. A rilru ka va lo hre lo tak ém!
Chair-ah chuan ka țhu hnawk. Tunah hian engtin nge a awm ang? Hrehawm takin a awm ang em? A pahrawnte pahnih khân inthurualin an ru bo a ni ngei ang a, a chan a va chhe leh dâwn ém!
Fîm taka ka ngaihtuah a ngai. Thinrimin ka che buan buan thei lo ang, ka rilru a fìm poh leh ka thil chhuiah ka hlawhtling awlsam țhìn a nih kha. Ka rilru ka tihfìm a ngai.
Aizâwl, Lunglei leh Champhaia ka thawhpuite ka biak an ngai. An beng an lo chhita min țanpui loh chuan keimah ringawt chuan ka buaipui vek thei lo ang, tunah hian khawiah nge an awmpui pawh ka hre si lo. A hma thei ang bera ka zawn chhuah loh chuan hun harsa a tâwk leh nasa ang, chu chu ka duh loh ber thil a ni. Thil pawi tak a thlen hmaa ka hmuh a ngai.
Khua a vàr chuan inah ka haw phei a, ka pa chu a lo tho tawh. Min lo hmuh chuan mak pawh a tih hmel chuang lo.
"I lo thleng deuh chauh em ni?" tiin min zâwt a.
"A rei deuh tawh," ti ringawtin ka chhâng a, ka ngawi leh vung vung phawt a, chutah," Novi an ru bo a ni," ka ti ta nghut a.
Ngun zet hian min en a, a mit pawh a khap miah lo. Chutah," FIR i theh lût lo ang tiraw?" a ti sap a.
"A titute ka hria a, ka theh lût dâwn lo, keimah ngeiin ka rêk chhuak dâwn."
"Rilru fîm takin aw, duhsakna ka hlàn che."
Ka room-ah ka lût a, Computer hmaah chuan ka țhu vang vang a, ka lu chu dawmin ka ngaihtuahna chuan hmun hrang hrang ka fang kual a, ka tih hmasak ber tùr ka ngaihtuah a ni.
(Nimin ațangin current kan nei lo va, signal a bo daih bawk. Engmah ka rawn sawi thei lo va, pawi ka ti)
*ȚÛL LOAH I NGAIHTUAHNA SÊNG VAK VAK SUH*
Ka group siam ve, TOSODiP join duh tân
https://www.facebook.com/groups/389869478234571/
TOSODiP-ah hian zawhna ka rawn zâwt dâwn che u a, a chhâng dik berin làwmman a dawng ang.
Ka han meng a, thil hmuh tumin ka khap fak fak; mahse, engmah ka hmu lo, a thim mup ringawt.
Khawiah nge ka awm le? Engmah ka hmu thei bawk si lo, ka lu ka han chêt deuh a, ka nghâwng khamzia ka hre chiah. Ka kut leh ke pawh chuti bawk, ka kut phei chu a mu churh churh.
Ka kut chêt ka han tum chuan a na kher mai, a mu churh churh chu thuhran, ka kut chu phuar beh a ni! Engati nge phuar ka nih? Ka han ngaihtuah chiang a, ka hre chhuak miah lo.
A hnu deuhah chuan ka hre chhuak thei ta. Dàwr ațanga ka haw kha min man ta a nih kha. Tunah khawiah nge ka awm le? Lungleiah ka awm chu ka ring tawh lo, Champhai, Aizawl, khawi emawah chuan a ni ang, kan inah pawh a ni maithei.
Ka va muhìl rei ve, ka awmna lah chu a thim mup mai si, zàn a ni maithei. Min man hun kha zàn țantìr a ni a, tunah pawh zàn, ka muthilh rei vak loh chu a.
Ni lo, kan va tlân chak àwm ve! Tunah lah motor-ah ka chuang tawh mang si lo, khawiah nge ka awm? Inah maw? Chuti, a nih chuan Lungleiah ka la awm pawh a ni maithei asin. Ka chanchin hi ka pute khân an hre tawh ang em? Ni lo ve, anni kha chuan hre lul suh se. Keima'n ka'n tuar zo țhak ang e. Thih leh thih, ka thih tâk leh tihhrehawm tùr an nei dâwn tawh lo tihna a ni mai; mahse, ka lo thi ta hlauh a nih pawhin ka thihna chuan rah țha chhuah se ka ti ngawt ang.
Ka han che deuh a, puan sin chu ka lo nei ve ngei mai, min sintîr ve a ni ngei ang chu. ka ke chu phuar a nih be loh avàngin nuam deuh zâwk tùrin ka'n awm sawn deuh a, ka kut erawh chét a harsa khawp. A mar țha hle a ni, ka tàl chhuah an hlau hle tihna.
Eng atân nge min tih tih hi ka ngaihtuah chhuak thei lo. Hmeichhe mutpui an duh hrim hrim vàng ni se, kei lo mutpui tùr an hmu țeuh dâwn si. Min hrem ve duh hrim hrim nge, an sual ve hrim hrim zâwk? Nge, phuba an la?
Bang nghènga țhu mu deuh ka ni a, ka ke chu ka'n chêt kualtîr a, engmah ka tlawh fuh lo. Chhuat lah chu a vâwt thlur mai a, ka kekawr hâk chhanah pawh ka hre vawng vawng thei. January thla a ni a, khua hi la vawt hle tùr a ni si, ka awmna hi rin aiin a vâwt lo, Champhai a ni lo a niang.
Ka bang nghen a lum deuh avàng chuan ka tawlh sawn phal lo, ka kut pawh chu ka nghentîr a, bang chu a lum deuh tak tak alawm.
Ka pum a rawn ri raih raih a, ka ril a țâm tih ka hre chiah; mahse, rilțàm tuar chu ka hnehsawh theih viau țhin kha maw.
Ka lo muhìl leh sek a niang, thil rîin min tiharh, khua a lo êng tawh. Ka mit kham ûrh chu ka han meng a, ka han hawi kual a, pindan ruak mai a ni. Ka hmaah chuan plastic chair pakhat a awm. Chhuat pawh a bàl viau, luah ngai loh a nih ka ring. Kawngkhàr pakhat leh ventilation pahnih chiah a awm, pakhat lah chu engtik nge hawn tàwp ber ni ang, a balh dàn a turu tawp. Pakhat erawh a zia deuh, a inhawng deuh bawk.
Kawngka chu a rawn inhawng a, hmai tuam pathum an rawn lût. Hlauh ngaihna pawh ka hre lo, che lovin ka lo en reng ringawt.
"I harh tawh maw?" A aw chu, ka hre tawh țhìn em?
"I kut phuarna kha phelh rih i duh em? Ka rawn phelh ang aw."
Rawn kal hnaiin hnung lama ka kut phuar chu a rawn phelh a, ka kut na vung vung pawh a zia hawk hawk mai.
"Khawiah nge ka awm?" tiin ka zâwt a, ka aw chu a thâm deuh hlekin ka hria.
"I him lutuk tlat, engtin mah kan ti dáwn lo che," tiin a țawng ber chuan min chhâng leh. A aw hi ka hriat tawh hnu a nih loh chuan a aw ang tak hi ka hre tawh a ni ngei ang.
Pakhat chuan zochhangban kan pahnih leh thingpui no khat min rawn pe a, zochhangban ka hmu chiah chu ka nu ka hre chhuak zawk mai.
Ka duh theihzia hriain a remchàn chuan min lei ziah. A thu ka awih lo deuh dâwna a hriat pawhin thlèm nân min hmang țhìn, zochhangban kan min hmuh tawh chuan engah mah ka hnial ngai lo a nih kha.
"Thil țha lo in telh em?"
Engmah sawi lovin an inmelh kual ringawt. A hnu deuhah țawng zing ber chuan," Telh lo, ei rawh," a ti a, ka en vang vang hnuah ka ei ve ta chauh, ka ril a țâm ém a ni, bâkah, zochhangban kher a lo ni bawk nèn.
"Inthiar ka duh."
An inmelh kual leh a, țawng zing ber chuan a țhiante pahnih chu mitmeiin min rawn kài ding a, pakhat chuan ka mit a rawn tuam thut.
"Tâl lo la, bengchheng siam lo bawk la, i him ang."
Zun chhuah tawh naklaia. Ka cheh lo chauh tawh a nih hi.
Min hruai kual ni maiin ka hria. Bathroom ka luh dâwnah ka mit tuam chu phelhin min nawr lût nghal. A chhuak tawh bawk a, sual chhuah kher ka tum lo, ka zawh veleh min hruai lêt leh nghal bawk. Kan awmna lai hre ve deuh tùr pawhin ka hawi kual hman lo.
Bottle khat tui an dah a, ka ke an phuar ta thung, an phuar hnuah an chhuak leh ta. Engtiziaa heta min dah nge an nih le? Kha pa kha a fel hmel viau si kha, a aw kha chu, ka hre tawh tlat a ni.
Min rawn tlawh leh meuh chuan chawhnu lam a ni tawh hial ang, chaw, Alu leh artui kan pawlh leh dâl chhum hàn min rawn kensak a. Zîng lama min rawn tlawhtute kha an la ni reng em ka hre chiang lo, an hmai an tuam a, lukhum an khum vek bawk sia.
Chaw ka ei hnu chuan an zînga pakhat chuan," Hetah hian i hming han sign teh," a ti sap a, zîng lama țawng peih ber kha a ni tawh miah lo.
"Eng thil nge?"
"Sign phawt rawh."
"Ka hriat loh ka sign dâwn lo," ka ti ve tlat. A dik chiah alawm, ka tih ni miah loah min puh dâwn pawh a ni thei a, hriat phawt a ngai alawm.
"Tuna i sign hi i tân a țha asin."
"Eng thil atân nge ka sign dâwn a?"
"Kan hre bîk lo."
Ka hriat chian phawt loh chu ka sign dâwn lo chiang. Ka thihna tùr atân pawh ka lo sign reng thei asin, him lo tak a ni.
An beidawng ta deuh a niang, ka kut an phuar hnuah min chhuahsan leh ta. Fîm takin ka inngaihtuah a, he thil hi Misualate tih a ni lo thei lo ang a; mahse, an va rawn inlan si lo ve, anni hmachhawn kha ka inring deuh a nia.
Thâwm hriat tùr a vâng kher mai. Min vêngtute thâwm àwm pawh ka hre chuang lo; mahse, min kalsan vek chu ka ring miah lo, min vèn reng ka ring. Ka han en kual a, ka chhuak thei lo chiang sa, ka ke an phuar a, ventilation lah a sâng si, kawngkhàr lah pâwn ațangin an kalh thlap bawk ang chu.
Zàn a lo thleng a, țhut reng ka nin tawh avàngin dingin tâwi tê tê ka kal kual vél a, ka taksa a rawl țhûm mai.
Kawngka a rawn inhawng a, êng an rawn ken chu a êng nép hle mai, thim viau lo phei se chuan a êng lo ngawt ang chu.
"Hei hi ei la, kan kal a ngai a nia."
"Khawiah?"
"Kan hre lo."
An chhawr ve mai an nia, an hre lo tawp ang chu.
Ka ei zawhah ka mit an tuam leh a, ka kut chu phuar lehin min chhuahpui ta, pâwn boruak chu a vâwt kher mai, ka khùr dar dar hial.
Zankhuain kan tlân ni maiin ka hria, ka mit an tuam tlat vàngin engmah ka hmu thei si lo, an țawng tam lo tlâng bawk nèn, engmah a hriat theih loh. Tih theih awm hek lo, ka ngaihtuahna ka kàwm kual.
Tuilum sa țha ver vawra inbual a, blanket lum zet hnuaia lungmuang taka mut ka châk. Motor chu a phui țha viau a, a vawt hran lêm lo nain ka khum ka ngai, ka țhiante leh ka chhûngte pawh.
Ka awm lo tih an hre tawh ngei ang chu, min ngaihtuah ve ang em le? Ka kut phuarin room pakhatah min kalhnan tihte pawh, an hre tawp nâng, an ring phâk lo zâwk ang.
Mahse, ka pu khân, a hriain ka ring. Ani kha chuan ka awm lo tih a hriat veleh a ring thiam mai ang, min zawng tùrin a lo kal ang em le? Min ngaihtuah theih em kha.
Mahse, chu beiseina mei chu ka tihèn rual rualin ka timit leh nghal. Ka nun buaithlâk zeta rawn inrawlh tùr hian ka duh lo, min theihnghilh vang vang se ka duh.
Min dahna pindan chu a hrehawm hran lo, mi tâng chu ni lo phei ila chuan nuam tak tùr a ni. Kan thlen velehah ei tùr min pe a, ka inbual bawk, thawmhnaw hâk thlâk tùr thlengin min pe vek. Ka chungah an țha leh viau si a, ka hre thiam lo thlâwt.
Ka awmna hi light chhit reng a nih vàng leh pâwn lam ka hmuh theih bawk si loh avàngin chhùn nge zàn tih pawh ka hre lo, sana chu awm se ka hre mahna.
"Zon, lo hawng rawh."
Ka pahrawn aw a ni, Misuala zâwk ka hmachhawn ka rin tehlul nèn.
Hawnsak lo mah ila, pâwn lam ațangin chahbi an nei a, an hawng thei tho.
Khumah ka țhu a, a lo lût chu en pawh ka en duh lo. He mihring hi engtin nge ka nu khân pasalah a lo neih theih ni? Ka ten lutuk ringawt.
"Welcome back, kan inhmu lo rei ta hle mai."
A țawng chhuak ațang chuan a hlim hmel ser sur lutuk a, ka ten hluah hluah.
"Eng nge i duh?"
"Nangmah maw le, ka mamawh lutuk che alawm."
Ka va ten tak! Tlawh hlawm tawp ka châk, ka hneh dâwn dèr lo nain.
"Police min vénghimtu tùr thil tihah chuan tenawm tak a ni, min han ru bo a nia," ka ti lêt sak a.
"Ka fanu tlàn bo lâk lêt hi a sualna ka hre lo."
"I fanu ka ni lo!"
Thutak zet hian,"Thil tih tùr pakhat i nei, chumi hnuah chuan i duh phawt chuan i zalèn thei ang," a ti ta daih a.
Ring lo zet hian ka en chho a, a hmelah chuan fiamthu rêng a lang lo; mahse, ka ring chuang lo.
"Ka ring lo che."
"Ka thu i awih loh chuan i inchhîr vawng vawng ang."
A chhuah hnu chuan ka inngaihtuah a, duhthlan tùr ka nei rêng em? A thil tih tùr min tuk chu ti lo ta ila, eng thil nge a tih ang? Lo ti ta pawh ni ila, eng nge lém chuang ang? Min vau hi a țhulh chuangin ka ring lo.
Ngai pha lo viau mah ila, ka pu ka ngai. A duh loh zâwng sawiin min han tihtauh khum mah se, min ngaihtuah ém ém si a, senior ve tawh viauin puitling viau mah se, a naupan chhiatna lo lang leh țhìn kha ka làwm tlat. Tunah chuan hmuha biak chu sawi loh, ngaihtuah chhuah chauh ka tih theih tâwk a ni ta mai si.
Ka bag kha khawiah nge an dah le? Min man ațang khân ka hmu ta lo vang vang a, ka phone-te kha...Khawih thei tal ila chuan a zia deuh tùr.
Ni eng zât chiah nge pawh ka hre tawh lo, chhùn leh zàn a hriat theih si loh. Ka awmna hi a mak tak zet, lei hnuaiah em ni? Ka ring chiah si lo.
Ka pahrawn a rawn kal leh chuan ni khat a liam tawh ngei ka ring, a hun kâr a hla tlat.
Ka hmaah chair rawn dahin paper pângngai tawp hi a rawn dah a, pen a rawn dah tel bawk.
"I hming han sign teh le."
Hming sign mawlh chu, eng atân nge maw a tih ni? A hmaa min vêngtute lah khán hming sign tùrin min ti tawh bawk, he pa hian a lo tîr a ni ngei ngei ang.
"Eng atân nge i tih?"
"Ka mamawh, sign rawh."
"Eng nge a nih ka hre duh phawt."
Thinrim zeta min enin," I sign tùr a ni, i sign loh chuan i kut khân a tuar ang," tiin min melh khu khu a. A mitmeng hur zet leh sen rûm chuan pawisak a nei lo tih a tilang hliah hliah.
"Eng nge ka sign a țùlna?" ka ti ve tlat a, ka țang ve tlat.
"A țûl a ni mai."
Pen chu ka kutah a rawn hmehbel a," Sign rawh," a ti leh a.
Ka sign duh loh avàng chuan," I inchhìrna tùr thil ti suh, sign mai rawh," a ti leh. A awka chhuak ațang chuan a ti mai mai tawh lo tih a hriat hle; mahse, ka sign lo ang.
"Ka sign dâwn lo, eng nge a nih ka hriat phawt loh chuan," ka la ti ve ngal.
"Inchhîr suh ang che," tiin ka kut veilam chu a rawn la lawk a, a elh ta nghek mai. A na lutuk chu ka inrin hman hmain ka țë țhawt, a ruh a ri țhatin ka hria.
Min thlah hnu chuan," Ka rawn kal leh ang, i sign dâwn khawp. Hun țha ka la pe leh rih ang che," a ti a, ka inrin hmain ka biangah rawn dawmin na zet hian min rawn fâwp a, min chhuahsan ta nghâl a.
Ka mittui a tla zawih zawih, ka kut chu ka en a, chet pawh ka ngam lo. A na lutuk, a titliak a nih loh chuan a ulh a ni ngei ang. A va râwng tehlul ém! A rawn kal leh huna ka sign duh loh chuan engtin tak min ti leh ang maw?
Mahni inkhawngaihna neih ka duh tawh miah lo kha a ni a; mahse, a lo kal leh tlat. Hetia ka awm ta bîk mai hi eng vàng nge ni ang? Mite pawhin an nute an chân ve tho a, ka tawrh ang hi an tuar bîk miah lo; mahse, engati nge ka tawrh bîk si? Ka inkhawngaih ta ém ém a, ka mittui chu dan sèn pawh a ni lo, ka inhnît ta hlawp hlawp a.
Ka han ngaihtuah a, ka hma lam hun hi a thim mup maiin ka hria. Ka tlân chhuak thei lo va, min ţanpuitu tùr an awm hek lo. Police a ni a, thil tisual tùr leh thil râpthlâk tak ti tùrin tumahin an ngai hek lo ang. Ka chan a chau, ka tân chuan he khawvêl hi a nuam hlawl lo, thi ila, a nuam zawk ang.
Ka kut nâ chuan min tur at at mai a, khua a vawt si, a na rei dawn lutuk tlat. Ka inngaihtuah fìm ve deuh hnu chuan ka kawr hâk pakhat chuan ka tuam a, tuam pawh ka tuam nghet ngam lo.
Ei tùr min rawn pe lo va, ka ril a țâm viau nain ka tuar thei. Ka kut na chu a hrehawm ber, a tur ut ut reng a, chet sawn hlekin a na bawk si, awm a nuam thei rêng rêng lo. Hei hi min vêngtu zînga pakhat khân a lo hre lâwk a ni ngei ang, hming sign ka duh loh laia 'Tuna i sign hi i tân a țha asin' a tih kha.
Kawngka a rawn ri a, en pawh ka lo en duh lo. Ka kut chu a nat ém avàngin ka țah a chhuak țûn a, ka mittui lah a hnai reng bawk.
Amah maiin a lo lût lo a nih hmel. Ke pên ri chu pahnih pên ri a ni tlat.
"I lo inngaihtuah harh tawh em? He lehkhaa i hming i sign phawt chuan i zalèn vang vang ang," a ti a.
Ka ûksàk lo, a thu sawi chu ka ring bawk lo. Zalèn mah ila, ka zalèn tak tak dâwn chuang lo, thihchilh hmiah mai ka duh zâwk.
Min rawn hnaih chu," Min rawn hnaih hauh suh," ka lo ti țhat a, rum zet hian ka melh ta kal a.
"Ka nunràwn theihzia chu i hriat tawh kha, sign mai rawh."
Pen chu ka kutah a rawn hmehbel leh a, ka sign loh a hlauh vàng ni hmiang ka ti mai, ka kut chu a chelh tel ve ta tlat a.
"Sign rawh."
Ka kut chu ka chêt duh tlat loh avàngin a kut chuan min hmer leh vak a, na ti țhen châwk châwk chung pawh chuan ka sign duh chuang lo.
"Tih dàn hre lo tùrah min ngai em ni?" tih leh ka hmaia min ben a rual leh nghal a, ka thle sawk mai.
Nâ ti viau mah ila, a hmuha țah ka tum lo, ka mittui erawh a hnám sawk mai. Ka mit a vài rum rum, a bula lo ding ve pakhat lah chuan min rawn chhan a tum miah lo.
Ka hmai chu a thîp vung vung, a sa hat hat mai bawk. Ka taksa na hi chu engah mah ngaih loh ka duh, ka rilru erawh a na tak zet, hei ai hian a na leh thei tawhin ka ring lo.
"I luhlul rei emaw?" tiin a kut pahnih chuan ka biangah a rawn vuan leh a, a thu anga awm ka tum tawh bîk lo, min bêng tawh bîk lo ang. Ka kut na lo lam chuan a hmaiah chuan ka ham ve ta țâwk a, tunah chuan thih pawh ka hlau tawh lo tak tak. Duh leh min that rawh se, dam reng ai chuan ka tân a țha zâwk ang.
A țhianpa chuan min rawn man bet ta vat. Ka tâl ve nasa a; mahse, ka kut lehlam chauh ka hmang thei si a, min man bet hneh lutuk.
Thinrim meng sen rûm leh hmai thî nung chuan a rawn hawi chhuak a, ka hmaiah chuan min bêng leh thlawrh a, a thîp na țhawk țhawk hle mai.
"I luhlul man a nih kha. Khawi maw, i luhlulna hi dah țha tak tak tawh teh ang," tiin min chelh bettu bag ah ațang chuan syringe a la chhuak a. Hriau lam chi rêng rêng ka hlauh ém avàngin ka tâl nasa lutuk, min chelhtupa pawh chuan min chelh hneh țha lo dâwn a; mahse, ka pahrawn chuan rawn chelhpui vein pahnih chu ka hneh ta lo, ka dul rem laiah chuan min rawn hnek pawp mai. Ka thâ a tàwp vek, ka thil hmuh a phê ruai mai a, ka thâwk a tàwp mai dâwnin ka hria. Ka thaw kâwk kâwk a, chutia ka tha ka thlah tâkah chuan hmu lo mah ila syringe ka taksaa a rawn vit lût chu ka hria. Ka theihtàwp ka lo chhuah ve tho nain ka tha chu engmah lo mai a ni, ka zawi ngawih ngawih a, ka thil hmuh a fiah lo telh telh a, țawng ka tum nain ka ka ka âng thei lo, a thim ta ruai ruai mai.
*******
Christopher aka Lâna
~~~~~~~~~~~~~~~~~
"Ka pu, hmeichhia kha in a la rawn haw miah lo."
Ka țhutna ațang chuan ka ding zawk mai. Ka hlauhthàwn rûk thil a lo thleng ta chiah mai. Amah ka thiam lo dâwn dâwn a; mahse, ka thei lo. Ani ang tleirawl luhlul leh țawng tam lo zet kha chuan engkim min hrilh si se dâwn lo tih lo hriat lâwk tùr asin. Thil thleng a awm leh awm loh ka zawh lahin a awm loh thu min hrilh avàngin ka ring kha a ni a...
"Engtik ațangin nge i duty?"
"Nichin lawk ațang khân. A in luahna lan theihna hmunah ka awm reng, lo haw a hun tawh viau si a."
Tunah zan dâr 6:30. Dârkâr chanvein kan tlai tawh tihna, dâr 6-ah dàwr an khàr țhin avàngin. Mi dang ka phone kual nghal a, a țhiante nèn an lêng kual pawh a ni thut thei asin; mahse, a țhiante chu inah an thleng vek tawh. Chuti a nih chuan, a bo tihna.
Ka phone theih ka phone kual zung zung. Dàwr ațang chuan a haw ngei; mahse, in a thleng lo, kawng lakah a bo a nih chu. Hmun remchãng a awm lo asin, kawng ànah in a ding zêl a, a him lo chin nia ka ngaihah duty ka dah țhìn; mahse, hmun hima ka ngaih chinah an che ngam tihna a nih chu.
Ka țhianpa Rema, police officer ţha ém ém, Champhaia awm mêk chu ka phone nghal a, thil awmzia hrilhin rem ka ruat nghal zung zung. Tunah Lungleiah ka awm si lo, keimah ngeiin chhui ka duh, tuna ka buaipui mêk hi Rema hian buaipui mai teh se.
Chipchiar tak pawhin ka hrilh hman lo, a tlangpui ka hrilh thuak thuak a ni. Ka chhuah hmain mi dang ka phone kual leh a, a rang thei ang bera Lunglei ka phei a ngai. Rilru chuan a awmna hmun tùr a dap nghal ruai a; thui an la tlân lo vang, Lunglei an chhuahsan âwrh a nih loh chuan an la chhuahsan lo ang.
Hmanhmawh zeta car chu tinungin ka tlân chhuak nghal. Engtin nge a awm ang, hrehawm zetin an phuar ang nge an sawisa ang? A duh lo chung an man a ni àwm si a, țanpuitu kovin a au chhuak hman ang em?
Mi thuhnuaia kùn leh an thu thua awm ka peih loh vàngin ka hna ațangin ka bâng rêng a; mahse, țanpui an ngaih chuan ka pui ve tho. Ka duh duh ka thawk kual a, a chângin mechanic ka nia, a chângin farmer dik tak ka ni leh a. Novi ka tawn hnu ațang hian ka hna ngai private investigator khân ka lung min lèn leh a, ka tih tùr dik tak niin ka ngai bawk.
Lunglei ka thlen chuan inah pawh ka pêng lo, a in luah lamah ka tlân tlang nghal. Ka mut pawh a chhuak miah lo, a chahbi ka neih tho avàngin inah chuan ka lût thei a, khua a la vàr loh avàng erawh chuan ka thâwm ka dìm ve viau.
Engmah phei chu ka hmu chhuak lo nain eng emaw hriat theih ka inbeisei tlat. A bungrua reng reng chu hâi loh a ni a, a awm dàn tùr thlapin a awm vek. Inah hian a lût miah lo tihna a ni a, a dàwr kal haw chu an lo man chiah a nih hi.
Ka ngaihtuahna kual nasa hle mai. A bungrua reng reng chu uluk takin ka en kual a, chhui theihna tùr ka hmu lo; kil tàwp thlengin ka hâi vek, buhpâwl zînga hriau bo zawn ang vêl a ni.
Langsàr tak, biru riau si a box te reuh tê chuan ka mit a la mai mai. Eng bâwm tak ni ang maw tiin ka han ban a, ka hawn chuan a chhûngah silver zungbun a lo awm. Neih a neih loh laia min pêk a tum kha a ni chiang, a nu hriat rengna a tih kha.
Lehkha thleh hi a lo awm bawk a, a kâra pentui pâwla thil inziak chuan ka mit a lâk avàngin ka la chhuak leh a, ka pawt pharh a.
*Vanduai tùra lo piang chhuak bîk nih hi thil nuam tak chu a ni lo; mahse, tunah chuan ka hmaa thil lo thleng apiang ka hmachhawn tawh ang, ka chhûngte an him chuan a țha. Thi tùra lo piang chhuak tho ka ni lo em ni?*
He nu zet hi...mi luhluli mai mai chuh! Engmah min hrilh duh lo a lo nih chiah hi, engtin tak vau ang maw? Lehkha ziak chu ka chhiar nawn leh a, 'Ka chhûngte an him chuan a țha' tih lai tak chuan awmzia a nei. Keini hmang hian an lo vau tih hriat reng. Ka thinrim lutuk chuan bang chu ka hnek chawrh a, thil ka lo hre thiam lo lutuk chu ka inhaw tak zet. A hma zawnga in dan hlau ngawih ngawih tawhin in dan a han duh leh thut te kha, awmzia a nei vek, hre thiam tùr ka ni asin le.
Kan himna a duh vàngin a in dang chhuak leh a, kei lah chuan tlangvâl inléng neih a duh vàngah ka puh a nih kha, thîkthu chhiat vàng liau liauin. A rilru ka va lo hre lo tak ém!
Chair-ah chuan ka țhu hnawk. Tunah hian engtin nge a awm ang? Hrehawm takin a awm ang em? A pahrawnte pahnih khân inthurualin an ru bo a ni ngei ang a, a chan a va chhe leh dâwn ém!
Fîm taka ka ngaihtuah a ngai. Thinrimin ka che buan buan thei lo ang, ka rilru a fìm poh leh ka thil chhuiah ka hlawhtling awlsam țhìn a nih kha. Ka rilru ka tihfìm a ngai.
Aizâwl, Lunglei leh Champhaia ka thawhpuite ka biak an ngai. An beng an lo chhita min țanpui loh chuan keimah ringawt chuan ka buaipui vek thei lo ang, tunah hian khawiah nge an awmpui pawh ka hre si lo. A hma thei ang bera ka zawn chhuah loh chuan hun harsa a tâwk leh nasa ang, chu chu ka duh loh ber thil a ni. Thil pawi tak a thlen hmaa ka hmuh a ngai.
Khua a vàr chuan inah ka haw phei a, ka pa chu a lo tho tawh. Min lo hmuh chuan mak pawh a tih hmel chuang lo.
"I lo thleng deuh chauh em ni?" tiin min zâwt a.
"A rei deuh tawh," ti ringawtin ka chhâng a, ka ngawi leh vung vung phawt a, chutah," Novi an ru bo a ni," ka ti ta nghut a.
Ngun zet hian min en a, a mit pawh a khap miah lo. Chutah," FIR i theh lût lo ang tiraw?" a ti sap a.
"A titute ka hria a, ka theh lût dâwn lo, keimah ngeiin ka rêk chhuak dâwn."
"Rilru fîm takin aw, duhsakna ka hlàn che."
Ka room-ah ka lût a, Computer hmaah chuan ka țhu vang vang a, ka lu chu dawmin ka ngaihtuahna chuan hmun hrang hrang ka fang kual a, ka tih hmasak ber tùr ka ngaihtuah a ni.
(Nimin ațangin current kan nei lo va, signal a bo daih bawk. Engmah ka rawn sawi thei lo va, pawi ka ti)
*ȚÛL LOAH I NGAIHTUAHNA SÊNG VAK VAK SUH*
Ka group siam ve, TOSODiP join duh tân
https://www.facebook.com/groups/389869478234571/
TOSODiP-ah hian zawhna ka rawn zâwt dâwn che u a, a chhâng dik berin làwmman a dawng ang.
Ngaihnawm lutuk,ngawi reng in chawl ringawt tawh lo bawk la 😀😀😀
ReplyDeleteNgaihnawm ltk
ReplyDelete