☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 19 By Dingdi Pachuau
In chhûngah mi dang an awm lo tih ka chiang tawh a, tûn hun tluka chêt thawh nâna hun țha ka hre lo. Bâkah, Novi kha hming sign-tîr emaw a tum leh ngei dâwn, a sign ngei ngeina tùr thil a ti tawh ang, chumi hmaa lâk chhuah ngei chu a ngai bawk.
Rova ka text, hmanhmawh thei ang bera Police dang pahnih /pathum lo hruai tùr leh doctor pakhat, damdawi famkim nèna lo kal tel tùrin ka chah. A chhan chu Novi kha, kha doctor khân eng damdawi ber nge a pëk ka hre si lo a ni.
Mahse, gate kha engtin nge an hawn tâk ang? Chulam chu ka ngaihtuah hman tawh lo, Novi chunga thil pawi a thlen hma leh a hming a sign hma ngeia ka chhanchhuah a ngai.
A hmasa berin duty-pa kha ka pan phei hmasa ber phawt. Ani hi ka buaipui hmasak phawt a ngai, him niin an inhre țha bawk a, harsa lo tùrah ka ngai.
Phone-ah film a lo en a niang, a lo en tui ngang mai. Harsa lo takin a kut leh ke chu a țhutna bula hrui țha zet chuan a chair-ah ka phuar bet a, a ka chu ka rawmawl kenin ka hnawhsak bawk a, chubâkah, fîmkhur thilthu-ah a phone ka lâksak bawk.
Doctor lam chu ka pan phei leh a, ani phei chu a lo muhìl emaw ni, vànneihna hi ka lamah an țang tak zet a ni, an țan zêl pawh ka beisei.
Tunah chuan Lawmsiama leh a nau chauh a ni ta. A nau nèn in chhûngah an awm tihna a ni a, Novi chungah pawi an lo khawih hman loh hrâm ka beisei. Ka țawngtai khàt tehlul nèn, tûn tum zet chu ka tlai loh nân ka țawngțai ru mawlh mawlh.
Fîmkhur zetin in chhûngah chuan ka lût leh ta zàl zál a, ka chêt sual a thiang lo va, second khat lek pawh ka tlài a thiang hek lo.
Room hmasa berah chuan an awm lo ve ve. Chokaah chuan thâwm ri rak rak a awm a, Lawmsiama nau a nih ngei ka ring. Dìm zetin ka pan phei a, no-ah thingpui a lo thli mêk. A thli zo chiah tihah chuan ka che nghal a; mahse, min rawn hmu hman. A khabeah chuan ka hnek bur mai a, a tlu tùr chu au țhawtin bungbêl inrem tlar chu a delh chim ta rum rum a, duh angin thâwm a dim theih ta loh. Pawi lo, hre rawh se, thâwm dim theih ta loh rau rau chu, he in chhûnga thil awm hi tihchhiat vek ka duh.
A rawn tho leh chu a pai deuh hlek a, rum zeta min melhin a kut a rawn vai fua a, ka thle zauh. Ka rin aiin a tuar a fei reuh zêk ka ti. A pai deuh awn awn chu a nâkah ka tlawh zui a, na lutuk a tawrh loh nân thidang se ka duhpui zâwk. A chhan chu min sual lêt zêl chuan duh aia nain ka khawih ngei dâwn si a.
A zàl tâk hnu chuan pindan thuhrûk kawngkhàr lam chu ka pan vat a, ka han dap a, ka hawng thei mai lo. Muangchâng si, hmanhmawh rilru takin ka han dap kual leh a, Lawmsiama khân eng hmanrua mah a hmang lo a nih kha, ka hawng ve thei ngei tùr a ni.
Ka han dap nawn leh a, a inhawng chuang lo. Ka dap kual leh a, ka hawng ngei tùr a ni, a chhûngah thil pawimawh ber a awm tlat, hei hi ka kal chhan ber pawh a ni.
Chutah, ka dap dik ta a niang, muangchângin kawngkhàr chu a inhawng ta riai riai, țawng ri ka hre chhunzawm nghâl.
"Hmanhmawh lutuk lo la, Bawihi. I duh chu ka tihpuitlinsak dâwn lutuk che. En teh, hei hi han sign phawt teh le."
Yesss, a la sign lo.
Mahse, ka thil hmuh avàng chuan ka thinphu hi a tàwp ta vekin ka hria!! Ka awih thei lo țêp, ka mitin hmu lo phei ila chuan ka awih theih lo hialin ka ring.
Novi ngei mai chuan ruak ngal ngatin, khum bul chair-a Lawmsiama țhu chu rûm deuh nghar nghar hian a lo zût kual vêl a, ani Lawmsiama pawh chuan kawr a lo ha tawh lo, boxer erawh a lo la ha. Ka thil hlauhthàwn pakhat hi la thleng hman lo hrâm rawh se.
Novi mitmeng dâva riai mai, tisa châknaa khat tih hriat reng mai chu hmuh nuam ka ti miah lo. A mitmeng ruih nei tih hriat fahran mai chu a meng hur hiam mai bawk a, thil dang engmah a ngaihtuah thei tawh lo a nih hmel.
"He lehkha hi sign phawt la?"
Ani lah chuan thil dang ngaihtuah miah lo chuan a kut dinglam chuan Lawmsiama âwm chu chûlin a chûl thla zêl a, a rûm pah deuh nghar nghar bawk a.
Lawmsiama chuan a kut chu mansakin," Sign phawt rawh," a ti leh ta a, Novi chuan phelh zet hian," Eng..nge..sign..tùr?" a ti niai a, a aw chhuakte chu a mak, a aw a ang lo.
"Hetah hian aw."
Ka inrawlh a hun ta, a sign tùr a ni lo.
"I lehkha ken lai kha dahthla nghal rawh."
Lawmsiama chu a phu chiang khawp mai tih lehkha a thlauh dâwrh ațang chuan a hriat. Rang zeta dingin min rawn bei nghal ta mai, ka rin rilrûk sa a nih vàngin ka lo ding mai mai bîk lo.
Novi hmuha insual chu ka duh dàn a ni miah lo nain a loh theih tawh loh. A țuan a la țha roh phian lehnghal a, min rawn hnek fuh teuh khawp mai.
Rang zetin ka kut ka lo vai ve nghal a, a khabe a ri no chawk mai. A eu deuh âwrh nain a tlu lo. Thinrim zet hian min rawn hnaihchilh nghal zat a, ka lo per sawn zauh hman.
"I thil ruahman tenawm zet hi ka ti tàwp dâwn."
Chutia ka tih tâkah phei chuan a thinrim sauh tih ka hria, chhaih thinrim pah zauh hi a țha, fîmkhurna an hloh phah thei.
"Nang, tu fa lu bâwk nge tih pawh ka hriat loh hian min tichhe thei hauh lo," a ti pùng púng a, a mitmeng sen rûm mai chuan min melh kul mai a, dawihzep tam tak chu a melh zâm thei ngei ang. A hmel nunràwn hmel zet chu a'n siam chhe zui a, engmah pawisak a neih loh hmel hliah hliah.
" I fanu chunga i thil tih vàng hian jail bang chu i zût khawp ang."
Khék tuarhin min rawn zuan thut a, a țuan a la țhain tha pawh a nei e. Ka lo indang fuh viau nain a tha pêk a na bawk a, kei pawh ka lêng ve dâwrh mai.
Ka insiam țha nghal vat, ka che sual thiang lo, chu chu ka inhrilh leh nghal mawlh mawlh.
Rang zetin rawn bawh thut a, bangin min dan tawh avàngin chet sawn ngaihna a awm lo, ka lo nam vak nain ka kawrnghâwngah a man bet tlat a, kan inpawmchilh ta.
A hnungah ka hnek nghal awk awk a, a eu deuh hlek tihah chuan ka insiam rem nghal zat a, a dul thuarah ka hnek leh ta siah siah. Na vak lo mah se, hna a thawk e. A thaw huam huam a, a na ti kun leh deuh tak chu a khabeah ka khûpin ka do chho leh nghek a, duh loh paih ang thlawrh a ni ta.
A hlauhawm tawh loh tih ka hriat hnuah chuan Novi lam chu ka ngaihven chauh. Ani lah chuan meng phî chiai hian min lo en reng a, ruak vekin a awm a ni tih pawh a hriat hmel loh.
"Novi, i him tawh a nia, hlau miah suh."
Thaw deuh halh hian khum ațanga tho chuan min rawn pan ta. Ka lo en reng ringawt, ka thàw chiah em pawh ka hre lo hial.
Ka jacket hâk chu hlîpin min rawn chûl țan ta mai. A rilruah thil dang a awm ngang lo a nih hi, damdawi an pêk hi hurna damdawi a ni hial lo maw?
Ka taksa lâwng chu a kut dinglam chuan a rawn chûl a, a mitmeng hur hiam leh zei zet chu hmun dangah, hun dangah chuan hmu ila chuan min tiphûr ngawtin ka ring; mahse, tuna a awm dàn hi a harh chhuah hunah chuan a zahpui dâwn lutuk tih ka hria, ka khawngaih zâwk.
A bânah manin a kut pahnih ka chelhsak chuan a țê deuh țhat mai. A kut veilam khùr dar dar chu ka en nghâl, a lo vûng nasa mai. A tina a nih chiah hi.
Thawmhnaw ka hâktîr vat a ngai, heta țanga chhuahpui vat hi ka duh bawk.
Ka phone a rawn nghawr dat tâkah chuan Rovate an lo thleng a nih ka ring, ka'n en a, a lo ni chiah. Ka be nghâl.
"Gate kha a inhawng a, kan lo tlân lût thei ang em?"
"Aw, hmanhmawh ula, chhuahpui thuai ka duh a nia."
Phone-a mi ka biak chhûng ringawt pawh chuan a kut dinglam chuan min lo zût kual leh hman tawh. A vun mâm leh tuai pur mai chuan mit la viau mah se tûn hun atân chuan hetiang ngaihtuahna hi chu paih bo vang vang chi a ni rih, hun dangah a duh a nih phawt chuan...
Ka țhiante an rawn thlen meuh chuan Novi pawh thawmhnaw ka hâktîr vek tawh. A taksaa damdawi hnathawh erawh a la reh chuang lo, doctor lo kal chuan a lo hre thiam vat a, damdawi chiuna tùr a buatsaih nghal.
"Mihringho hi ka khawih na hlawm lo, an thi dang hlek chauh a ni, an lo harh thuai hlaem ang. Chuan, room hi enfiahin in lo en chîk dâwn nia, thil țha lo dahkhâwmna niin ka hria."
"Ka hmanhmawh rilru deuh si a, Novi hian enkawlna țha tak a mamawh hmasa ber a ni. Rova, hêng thil dang hi chu lo buaipui ula, in tih dàn dánin lo ti r'u aw, ka hming a lan ve erawh ka duh miah lo ang," ka ti a, an chhànna pawh nghâk lo chuan Novi chu ka pawm chhuak a, motor an lo ken a hnung seat-ah chuan ka mut a. Ka han hawi kual chuan motor dang pawh ka hmu, pahnihin an lo kal a nih hmel.
"Doctor, khawngaihin, min lo zui haw ve mai thei ang em?" tiin doctor chu ka va ngèn leh ta chawt a.
*******
Ka puin kha hmun hrehawm zet ațanga min hruai chhuahna pawh kâr khat chuang a ni ta. Lungleiah ka pute inah vêk ka awm leh tawh a, ka kut veilam pawh a zia ve tawh viau e; mahse, engmah ka tih an phal lo, ka kut chu tuam khawng tlat a ni a, a ninawm lek lek tawh.
Champhaiah, Damdawi ina ni thum ka awm hnuah ka puin doctor a bia a, ka țha tawh reng tho a, doctor pawhin a lo phal; mahse, ka kut erawh hmang miah lo tùrin min ti thung.
Princess-i chuan ka kut na chu min khawngaih thei khawp mai a, khua a la vawt tho bawk si a, tawrh chu a nuam fahran lo.
"Hetia awm reng hi a ninawm lek lek tawh a ni."
Âtei leh Princess-i nèn inah kan awm a, tih tùr a vâng si. Phone khawih tùr ka nei si lo, dàwr lama kal lah ka puin a khap bur bawk si.
"I chhuak thei țêp tawh a ni. E, tih tùr ka hria, mi ka'n ko ang e," tiin Âtei chuan min chhâng a, tu nge a koh tùr a sawi miah lo. Tu tak ko ang maw?
Motor nèn an rawn thleng ta rup mai. Facial, pedicure, manicure...engkim an ti thei vek a ni tawp. Facial min tihsak lai chuan nuamti zet hian ka lo dawh a, hmai tân țha bawk, nuam bawk si chu țha ka ti tak zet. Ning hauh lovin nilêng hun ka hmang thei ta, ka phunnawi tawh hauh lo.
Zanriah kan kîl lai chuan ka pu chuan," Zanin chu in hmel a țha sawt hlawmin ka hria, ka hriat lohin eng thil nge in lo tih?" a mit lèn kualin min en kual pah chuan a ti thûm dût dût a.
"Âpa, vawiinah hmel tițhatute an lo kal a."
Kan nui ta dar dar. Princess-i hi chu, nuihna hi a titam thei teh e, a țawngkam bungrua a mak thei si.
"A ni maw? Chuvàng a nih chiah i lo hmelțhat zual sawt ni."
"Aih, kei chu ka hmai an phih ve lo. Ka ke chauh min silsak a."
Ka pu chhuak hian eng nge a tih a a buaipui ka hre miah lo. Dik tak chuan ka thil tawn kha, ngaihtuah lêt loh hi ka duh avàng leh ka ngaihtuahna ațanga nawh reh vek ka duh vàngin ka ngaihtuah lêt duh ngai lo. Ka pahrawn leh Mi-suala chungchâng pawh ka zâwt duh hek lo, ani hi chuan a hriat vek ka ring, min hrilh a nih loh chuan ka zâwt hauh lo bawk ang.
"Mangchhia i la mang țhìn em?"
Ka khumah a țhu a, kei ka ding thung.
"Mang khât tawh lutuk."
"A țhat hlauh chu, i kut chu a la na viau em?"
Ka kut lek kânga en chung hian," Na vak lo ve, khua a vawh zual deuh hian a na ve deuh hlek a, a zia lutuk," ka ti leh a.
"I tawrh hrâm hrâm a la ngai a ni, thla khat i tuam khawng a la ngai si a."
Nui chung hian," Ka tuar thei lutuk alawm," ka lo ti a.
A ding ta a, a mit a nuai nauh nauh chu ka en reng a.
"I chungah hian ka làwm tak zet a ni. Keimah vànga zàn i mut țhat lohzia ka hria a, nangmah vàng chauha he khawvêl êng hi hmu-"
Ka sawi zawh hma chuan min rawn kuah a, ka kut veilam na erawh a tawk palh ang tih hlau zet hian rem fahran lovin min kuah.
"Engkim a țha vek tawh ang, i buaina hi a tàwp tawh tih hria la, rilru engthâwl leh zalèn takin awm tawh ang che," a ti sup sup a.
"Ka lâwm e, ka pu."
Ka bân bulah vuanin," Ka pu maw? A man i pêk a ngai," tiin a rawn kûn hniam zat a, min rawn fâwp zawk a, min thlah leh ta daih.
Hre thiam lo zet hian ka melh chho a, ka duhkhawp lo thlâwt bawk.
"I inla chhe lo si a, ka duhtâwk phawt ang e; mahse, mipa dang mit lâk tum buai suh ang che."
A chhuak tùr chu ka thlîr reng ringawt. Mipa dang mit lâk hi ka tum ngai pawhin ka hre lo, ka puin min duh thu min hrilh ațang tawh khân mipa dang hi ka melh lo hrim hrim tawh a, melh pawh ka tum hek lo. Min la duh reng chuan ani tluka țha hi ka tân an piang tawh ngai lo ang tih ka hre khiau tawh a ni.
Zàn ka mutnaah chuan ka puin silver zungbun min pêk lêt chu khàl neuh neuh pahin min pe lettu chu ka ngaihtuah leh a. Ani hi awm lo ta se, tunahte hian khawiah nge ka awm ang? Ka thi tawh hial ang em? Dam thlâkhlelhna ka nei tawh pawhin ka ring lo hial. Ka tân chuan vàntirhkoh dik tak a ni.
Message a rawn ri nghawr dat.
*Khatiang mitmeng sexy zeta min melh leh hunah chuan...*
A va zahthlâk tak! A hmain a sawi thawi tawh bawk. Khami hunlai kha damdawia min chiu ruih avàngin engmah ka ngaihtuah lêt thiam lo va, ka hre chhuak thei hek lo. Hriatthiam theih deuh si hian țawngkam tâwi tê tê hian min fiam leh zuk zêl a, a zahthlâk ngawih ngawih, engtiang taka nasain nge ka lo awm le?
*NANGMAH FAKTU CHE KHA RING RINGAWT SUH, LEHLAMAH A RÊL THEI THO CHE*
In chhûngah mi dang an awm lo tih ka chiang tawh a, tûn hun tluka chêt thawh nâna hun țha ka hre lo. Bâkah, Novi kha hming sign-tîr emaw a tum leh ngei dâwn, a sign ngei ngeina tùr thil a ti tawh ang, chumi hmaa lâk chhuah ngei chu a ngai bawk.
Rova ka text, hmanhmawh thei ang bera Police dang pahnih /pathum lo hruai tùr leh doctor pakhat, damdawi famkim nèna lo kal tel tùrin ka chah. A chhan chu Novi kha, kha doctor khân eng damdawi ber nge a pëk ka hre si lo a ni.
Mahse, gate kha engtin nge an hawn tâk ang? Chulam chu ka ngaihtuah hman tawh lo, Novi chunga thil pawi a thlen hma leh a hming a sign hma ngeia ka chhanchhuah a ngai.
A hmasa berin duty-pa kha ka pan phei hmasa ber phawt. Ani hi ka buaipui hmasak phawt a ngai, him niin an inhre țha bawk a, harsa lo tùrah ka ngai.
Phone-ah film a lo en a niang, a lo en tui ngang mai. Harsa lo takin a kut leh ke chu a țhutna bula hrui țha zet chuan a chair-ah ka phuar bet a, a ka chu ka rawmawl kenin ka hnawhsak bawk a, chubâkah, fîmkhur thilthu-ah a phone ka lâksak bawk.
Doctor lam chu ka pan phei leh a, ani phei chu a lo muhìl emaw ni, vànneihna hi ka lamah an țang tak zet a ni, an țan zêl pawh ka beisei.
Tunah chuan Lawmsiama leh a nau chauh a ni ta. A nau nèn in chhûngah an awm tihna a ni a, Novi chungah pawi an lo khawih hman loh hrâm ka beisei. Ka țawngtai khàt tehlul nèn, tûn tum zet chu ka tlai loh nân ka țawngțai ru mawlh mawlh.
Fîmkhur zetin in chhûngah chuan ka lût leh ta zàl zál a, ka chêt sual a thiang lo va, second khat lek pawh ka tlài a thiang hek lo.
Room hmasa berah chuan an awm lo ve ve. Chokaah chuan thâwm ri rak rak a awm a, Lawmsiama nau a nih ngei ka ring. Dìm zetin ka pan phei a, no-ah thingpui a lo thli mêk. A thli zo chiah tihah chuan ka che nghal a; mahse, min rawn hmu hman. A khabeah chuan ka hnek bur mai a, a tlu tùr chu au țhawtin bungbêl inrem tlar chu a delh chim ta rum rum a, duh angin thâwm a dim theih ta loh. Pawi lo, hre rawh se, thâwm dim theih ta loh rau rau chu, he in chhûnga thil awm hi tihchhiat vek ka duh.
A rawn tho leh chu a pai deuh hlek a, rum zeta min melhin a kut a rawn vai fua a, ka thle zauh. Ka rin aiin a tuar a fei reuh zêk ka ti. A pai deuh awn awn chu a nâkah ka tlawh zui a, na lutuk a tawrh loh nân thidang se ka duhpui zâwk. A chhan chu min sual lêt zêl chuan duh aia nain ka khawih ngei dâwn si a.
A zàl tâk hnu chuan pindan thuhrûk kawngkhàr lam chu ka pan vat a, ka han dap a, ka hawng thei mai lo. Muangchâng si, hmanhmawh rilru takin ka han dap kual leh a, Lawmsiama khân eng hmanrua mah a hmang lo a nih kha, ka hawng ve thei ngei tùr a ni.
Ka han dap nawn leh a, a inhawng chuang lo. Ka dap kual leh a, ka hawng ngei tùr a ni, a chhûngah thil pawimawh ber a awm tlat, hei hi ka kal chhan ber pawh a ni.
Chutah, ka dap dik ta a niang, muangchângin kawngkhàr chu a inhawng ta riai riai, țawng ri ka hre chhunzawm nghâl.
"Hmanhmawh lutuk lo la, Bawihi. I duh chu ka tihpuitlinsak dâwn lutuk che. En teh, hei hi han sign phawt teh le."
Yesss, a la sign lo.
Mahse, ka thil hmuh avàng chuan ka thinphu hi a tàwp ta vekin ka hria!! Ka awih thei lo țêp, ka mitin hmu lo phei ila chuan ka awih theih lo hialin ka ring.
Novi ngei mai chuan ruak ngal ngatin, khum bul chair-a Lawmsiama țhu chu rûm deuh nghar nghar hian a lo zût kual vêl a, ani Lawmsiama pawh chuan kawr a lo ha tawh lo, boxer erawh a lo la ha. Ka thil hlauhthàwn pakhat hi la thleng hman lo hrâm rawh se.
Novi mitmeng dâva riai mai, tisa châknaa khat tih hriat reng mai chu hmuh nuam ka ti miah lo. A mitmeng ruih nei tih hriat fahran mai chu a meng hur hiam mai bawk a, thil dang engmah a ngaihtuah thei tawh lo a nih hmel.
"He lehkha hi sign phawt la?"
Ani lah chuan thil dang ngaihtuah miah lo chuan a kut dinglam chuan Lawmsiama âwm chu chûlin a chûl thla zêl a, a rûm pah deuh nghar nghar bawk a.
Lawmsiama chuan a kut chu mansakin," Sign phawt rawh," a ti leh ta a, Novi chuan phelh zet hian," Eng..nge..sign..tùr?" a ti niai a, a aw chhuakte chu a mak, a aw a ang lo.
"Hetah hian aw."
Ka inrawlh a hun ta, a sign tùr a ni lo.
"I lehkha ken lai kha dahthla nghal rawh."
Lawmsiama chu a phu chiang khawp mai tih lehkha a thlauh dâwrh ațang chuan a hriat. Rang zeta dingin min rawn bei nghal ta mai, ka rin rilrûk sa a nih vàngin ka lo ding mai mai bîk lo.
Novi hmuha insual chu ka duh dàn a ni miah lo nain a loh theih tawh loh. A țuan a la țha roh phian lehnghal a, min rawn hnek fuh teuh khawp mai.
Rang zetin ka kut ka lo vai ve nghal a, a khabe a ri no chawk mai. A eu deuh âwrh nain a tlu lo. Thinrim zet hian min rawn hnaihchilh nghal zat a, ka lo per sawn zauh hman.
"I thil ruahman tenawm zet hi ka ti tàwp dâwn."
Chutia ka tih tâkah phei chuan a thinrim sauh tih ka hria, chhaih thinrim pah zauh hi a țha, fîmkhurna an hloh phah thei.
"Nang, tu fa lu bâwk nge tih pawh ka hriat loh hian min tichhe thei hauh lo," a ti pùng púng a, a mitmeng sen rûm mai chuan min melh kul mai a, dawihzep tam tak chu a melh zâm thei ngei ang. A hmel nunràwn hmel zet chu a'n siam chhe zui a, engmah pawisak a neih loh hmel hliah hliah.
" I fanu chunga i thil tih vàng hian jail bang chu i zût khawp ang."
Khék tuarhin min rawn zuan thut a, a țuan a la țhain tha pawh a nei e. Ka lo indang fuh viau nain a tha pêk a na bawk a, kei pawh ka lêng ve dâwrh mai.
Ka insiam țha nghal vat, ka che sual thiang lo, chu chu ka inhrilh leh nghal mawlh mawlh.
Rang zetin rawn bawh thut a, bangin min dan tawh avàngin chet sawn ngaihna a awm lo, ka lo nam vak nain ka kawrnghâwngah a man bet tlat a, kan inpawmchilh ta.
A hnungah ka hnek nghal awk awk a, a eu deuh hlek tihah chuan ka insiam rem nghal zat a, a dul thuarah ka hnek leh ta siah siah. Na vak lo mah se, hna a thawk e. A thaw huam huam a, a na ti kun leh deuh tak chu a khabeah ka khûpin ka do chho leh nghek a, duh loh paih ang thlawrh a ni ta.
A hlauhawm tawh loh tih ka hriat hnuah chuan Novi lam chu ka ngaihven chauh. Ani lah chuan meng phî chiai hian min lo en reng a, ruak vekin a awm a ni tih pawh a hriat hmel loh.
"Novi, i him tawh a nia, hlau miah suh."
Thaw deuh halh hian khum ațanga tho chuan min rawn pan ta. Ka lo en reng ringawt, ka thàw chiah em pawh ka hre lo hial.
Ka jacket hâk chu hlîpin min rawn chûl țan ta mai. A rilruah thil dang a awm ngang lo a nih hi, damdawi an pêk hi hurna damdawi a ni hial lo maw?
Ka taksa lâwng chu a kut dinglam chuan a rawn chûl a, a mitmeng hur hiam leh zei zet chu hmun dangah, hun dangah chuan hmu ila chuan min tiphûr ngawtin ka ring; mahse, tuna a awm dàn hi a harh chhuah hunah chuan a zahpui dâwn lutuk tih ka hria, ka khawngaih zâwk.
A bânah manin a kut pahnih ka chelhsak chuan a țê deuh țhat mai. A kut veilam khùr dar dar chu ka en nghâl, a lo vûng nasa mai. A tina a nih chiah hi.
Thawmhnaw ka hâktîr vat a ngai, heta țanga chhuahpui vat hi ka duh bawk.
Ka phone a rawn nghawr dat tâkah chuan Rovate an lo thleng a nih ka ring, ka'n en a, a lo ni chiah. Ka be nghâl.
"Gate kha a inhawng a, kan lo tlân lût thei ang em?"
"Aw, hmanhmawh ula, chhuahpui thuai ka duh a nia."
Phone-a mi ka biak chhûng ringawt pawh chuan a kut dinglam chuan min lo zût kual leh hman tawh. A vun mâm leh tuai pur mai chuan mit la viau mah se tûn hun atân chuan hetiang ngaihtuahna hi chu paih bo vang vang chi a ni rih, hun dangah a duh a nih phawt chuan...
Ka țhiante an rawn thlen meuh chuan Novi pawh thawmhnaw ka hâktîr vek tawh. A taksaa damdawi hnathawh erawh a la reh chuang lo, doctor lo kal chuan a lo hre thiam vat a, damdawi chiuna tùr a buatsaih nghal.
"Mihringho hi ka khawih na hlawm lo, an thi dang hlek chauh a ni, an lo harh thuai hlaem ang. Chuan, room hi enfiahin in lo en chîk dâwn nia, thil țha lo dahkhâwmna niin ka hria."
"Ka hmanhmawh rilru deuh si a, Novi hian enkawlna țha tak a mamawh hmasa ber a ni. Rova, hêng thil dang hi chu lo buaipui ula, in tih dàn dánin lo ti r'u aw, ka hming a lan ve erawh ka duh miah lo ang," ka ti a, an chhànna pawh nghâk lo chuan Novi chu ka pawm chhuak a, motor an lo ken a hnung seat-ah chuan ka mut a. Ka han hawi kual chuan motor dang pawh ka hmu, pahnihin an lo kal a nih hmel.
"Doctor, khawngaihin, min lo zui haw ve mai thei ang em?" tiin doctor chu ka va ngèn leh ta chawt a.
*******
Ka puin kha hmun hrehawm zet ațanga min hruai chhuahna pawh kâr khat chuang a ni ta. Lungleiah ka pute inah vêk ka awm leh tawh a, ka kut veilam pawh a zia ve tawh viau e; mahse, engmah ka tih an phal lo, ka kut chu tuam khawng tlat a ni a, a ninawm lek lek tawh.
Champhaiah, Damdawi ina ni thum ka awm hnuah ka puin doctor a bia a, ka țha tawh reng tho a, doctor pawhin a lo phal; mahse, ka kut erawh hmang miah lo tùrin min ti thung.
Princess-i chuan ka kut na chu min khawngaih thei khawp mai a, khua a la vawt tho bawk si a, tawrh chu a nuam fahran lo.
"Hetia awm reng hi a ninawm lek lek tawh a ni."
Âtei leh Princess-i nèn inah kan awm a, tih tùr a vâng si. Phone khawih tùr ka nei si lo, dàwr lama kal lah ka puin a khap bur bawk si.
"I chhuak thei țêp tawh a ni. E, tih tùr ka hria, mi ka'n ko ang e," tiin Âtei chuan min chhâng a, tu nge a koh tùr a sawi miah lo. Tu tak ko ang maw?
Motor nèn an rawn thleng ta rup mai. Facial, pedicure, manicure...engkim an ti thei vek a ni tawp. Facial min tihsak lai chuan nuamti zet hian ka lo dawh a, hmai tân țha bawk, nuam bawk si chu țha ka ti tak zet. Ning hauh lovin nilêng hun ka hmang thei ta, ka phunnawi tawh hauh lo.
Zanriah kan kîl lai chuan ka pu chuan," Zanin chu in hmel a țha sawt hlawmin ka hria, ka hriat lohin eng thil nge in lo tih?" a mit lèn kualin min en kual pah chuan a ti thûm dût dût a.
"Âpa, vawiinah hmel tițhatute an lo kal a."
Kan nui ta dar dar. Princess-i hi chu, nuihna hi a titam thei teh e, a țawngkam bungrua a mak thei si.
"A ni maw? Chuvàng a nih chiah i lo hmelțhat zual sawt ni."
"Aih, kei chu ka hmai an phih ve lo. Ka ke chauh min silsak a."
Ka pu chhuak hian eng nge a tih a a buaipui ka hre miah lo. Dik tak chuan ka thil tawn kha, ngaihtuah lêt loh hi ka duh avàng leh ka ngaihtuahna ațanga nawh reh vek ka duh vàngin ka ngaihtuah lêt duh ngai lo. Ka pahrawn leh Mi-suala chungchâng pawh ka zâwt duh hek lo, ani hi chuan a hriat vek ka ring, min hrilh a nih loh chuan ka zâwt hauh lo bawk ang.
"Mangchhia i la mang țhìn em?"
Ka khumah a țhu a, kei ka ding thung.
"Mang khât tawh lutuk."
"A țhat hlauh chu, i kut chu a la na viau em?"
Ka kut lek kânga en chung hian," Na vak lo ve, khua a vawh zual deuh hian a na ve deuh hlek a, a zia lutuk," ka ti leh a.
"I tawrh hrâm hrâm a la ngai a ni, thla khat i tuam khawng a la ngai si a."
Nui chung hian," Ka tuar thei lutuk alawm," ka lo ti a.
A ding ta a, a mit a nuai nauh nauh chu ka en reng a.
"I chungah hian ka làwm tak zet a ni. Keimah vànga zàn i mut țhat lohzia ka hria a, nangmah vàng chauha he khawvêl êng hi hmu-"
Ka sawi zawh hma chuan min rawn kuah a, ka kut veilam na erawh a tawk palh ang tih hlau zet hian rem fahran lovin min kuah.
"Engkim a țha vek tawh ang, i buaina hi a tàwp tawh tih hria la, rilru engthâwl leh zalèn takin awm tawh ang che," a ti sup sup a.
"Ka lâwm e, ka pu."
Ka bân bulah vuanin," Ka pu maw? A man i pêk a ngai," tiin a rawn kûn hniam zat a, min rawn fâwp zawk a, min thlah leh ta daih.
Hre thiam lo zet hian ka melh chho a, ka duhkhawp lo thlâwt bawk.
"I inla chhe lo si a, ka duhtâwk phawt ang e; mahse, mipa dang mit lâk tum buai suh ang che."
A chhuak tùr chu ka thlîr reng ringawt. Mipa dang mit lâk hi ka tum ngai pawhin ka hre lo, ka puin min duh thu min hrilh ațang tawh khân mipa dang hi ka melh lo hrim hrim tawh a, melh pawh ka tum hek lo. Min la duh reng chuan ani tluka țha hi ka tân an piang tawh ngai lo ang tih ka hre khiau tawh a ni.
Zàn ka mutnaah chuan ka puin silver zungbun min pêk lêt chu khàl neuh neuh pahin min pe lettu chu ka ngaihtuah leh a. Ani hi awm lo ta se, tunahte hian khawiah nge ka awm ang? Ka thi tawh hial ang em? Dam thlâkhlelhna ka nei tawh pawhin ka ring lo hial. Ka tân chuan vàntirhkoh dik tak a ni.
Message a rawn ri nghawr dat.
*Khatiang mitmeng sexy zeta min melh leh hunah chuan...*
A va zahthlâk tak! A hmain a sawi thawi tawh bawk. Khami hunlai kha damdawia min chiu ruih avàngin engmah ka ngaihtuah lêt thiam lo va, ka hre chhuak thei hek lo. Hriatthiam theih deuh si hian țawngkam tâwi tê tê hian min fiam leh zuk zêl a, a zahthlâk ngawih ngawih, engtiang taka nasain nge ka lo awm le?
*NANGMAH FAKTU CHE KHA RING RINGAWT SUH, LEHLAMAH A RÊL THEI THO CHE*
Comments
Post a Comment