☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆SILVER ZUNGBUN☆ - 21 By Dingdi Pachuau
Kawngah chuan kan țawng tam lo tlâng kher mai, a țawng tam ber tùr Princess-i a muhìl bawk si a, phone call lo kal khân kan ngaihtuahna a luah vek a ni ngei ang, kan inbe hlawm lo.
"Ngaihtuah rùn kher suh u, thil țûl lo a nih kha."
"A mak ém alawm," ka lo ti thung a.
"I bul hnaia mite tumah ring suh ka tih țhin kha, i la hre reng em?" tiin dârthlalangah chuan min rawn melh zauh a.
"Hria e."
"I hriat chian, nangmah hnaihtute zînga mi bâk a ni lo ang."
Ka țhiante, mi fel tak takte hi rinhlelh tùr pakhat mah ka hre lo. Ka chhûngte lah hi, engkima ka engkim an nia, rin dàn ka thiam lo, ka chunga duhchhe tùr ka hre lo.
"A nih, nang? Ka hriat chian, min hnaihtu i ni ve tho sia?" ka ti lui ve ta ngat. Rinhlelh tùr ka hre lo lutuk leh kan boruak rit tak chu light-tîr ka tum ve a ni.
Min rawn en zawk a, a hmui chîp hmak ka hmuh chuan a thin a rim tih ka hre nghal, a ngawi ta hmak rêng a.
A khalh chak khawp mai. A khalh thiam viau a; mahse, a thin a rim tih ka hre si a, ka hlau rilru khawp mai, engmah ka sawi ngam tawh si lo.
Ka țhutna hmun pawh ka sawn daih. Ka hmuh theih lohna tùr, a piahah ka țhu phei, pâwn lam ka thlîr reng a, ka rilruah erawh ka pu thinrim chu a awm reng thung. A hnuah phei chuan ka muhìl ta daih, khua a vawt hran lo va, mut a nuam tâwk chiah.
Ka lu ka tauh ri dawt a, ka harh chiang kher mai. Ka harh dàn a fuh loh vàng chuan ka harh â ruai mai lehnghal a, Âtei leh Princess-i an lo awm tawh lo, driver seat-ah erawh ka pu a la țhu kur mai.
"Khawi lai nge kan thlen tawh?" tih pah chuan ka lu chu ka tuai vat vat a.
Min chhâng lo, chêt pawh a che hek lo. Milim bawrchhawr zet ni àwm tak a ni, a la thinrim reng a nih hi, a va ho thlerh thlerh tak!
Min chhàn loh avàng chuan ka hawi kual a, ka kut na lo lam chuan ka mit chu ka nuai nak nak a.
"Kan chàwl dâwn em ni?"
Ka țawngtîr dâwn khawp mai, a thinrimna hi ka titàwp bawk ang.
"Ka pu,(a duh loh dàn deuhin ka ko lui ngat) ka thil sawi kha i ngai hua a nih chuan a pawi ka ti, kan boruak rit churh tihzângkhai ka tum vàng a nih kha," ka ti ta a.
"Engtin nge...kei..." a ti nghut a, sawi zawm lo chuan a ngawi leh ta daih a, ka thil sawi kha a la na ve khawp a nih hi.
"Engtin nge ka rinchhiat che i rin theih? Nang chu ka tân chuan vàntirhkoh alawm i nih, ka harsatna engkim laka min khai chhuaktu i nih kha."
A che sawn chuang lo, a mit bâk a chêin ka ring lo.
"I thin tihrim nâna sawi pawh ka ni lo tak tak!"
A che ve ta. Dârthlalang chu min hmuh theih dàn tùrin a her rem a, min rawn melh nghal rùn mai.
"Ka thin a rim lo."
"Mahse, i lung a awi loh kha."
"Man pêk tùr erawh i nei."
Ka hria, 'ka pu' tiin ka koh kha, a duh lo tih hre reng chungin ka ko lui ve ngat rêng, a man pêk tùr lah chu...
"Tlân chak lutuk tawh suh aw, ka hlau deuh a nia," ka ti a.
A nui ta hawk mai.
"Nang hi chuh, engtin nge hlau chungin i muthilh theih si?" tiin min zâwt ta daih a.
"I thinrim hmel mut bosan ka duh a."
"A nih chuan, i kut kha min pe teh," tiin a kut veilam chu a rawn phar a.
A ngaihna hre lo zet hian ka kut chu ka pe ve mai, nghet zet hian a lo vuan chat. A kut lian zet, lum ham ham chuan ka kut chu a hûm bo hneh kher mai.
"I ril a țâm em?"
"Nang?"
"Min chhâng mai la?"
"Țâm țêp."
Ka kut chu la kânga fâwp zauhin," Ei tùr ka'n lei ang e, lo nghâk lawk rawh," a ti sup a, ka kut chu thlahin motor ațang chuan a chhuak ta nghal a.
Princess-ite nèn chuan an rawn inzui a, Princess-i'n min hmuh chuan," I lo harh tawh maw? Kan chawlhsan daih che a, Âpain kaihthawh che a phal si lo va," a rawn ti lar lar a.
"Nia, tunah chuan ka harh tawh a. I puar em?"
"Kan chawlhsan che sia; mahse, hei Lâna'n ei tùr a lei tho alawm, kalkawngah pawh a ei theih tho a," Âtei chuan a lo ti a.
"Ka ril a țâm hran lo, tui ka in chuan a tâwk mai ang," ka lo ti ve thung.
Car-a rawn luh pah chuan ei tùr a lei chu min pe a, engmah chu a sawi lo. A lungawi lo lo tih ka hre tawh a, țawng lo mah se a pawi lo, a nuam tho.
"Engah nge min pêk vek a? Ka duh vek lo."
"A țàm tak tak hmain ei rawh."
Rice-cake chu pakhat ka ei a, pakhat chu ka pe ve a, rilțàm lai chuan a țha ka ti tawp. Tui in leh pawp ila, țàm a dawm viau a ni.
"Àpu eng nge kan hawn ve ang, Ànî?" tiin Princess-i chuan a nî chu a lo zâwt ve mêk bawk a.
"Teddy-bear kan lei kha?"
"A, putarin teddy-bear chu a duh lo ang."
Âtei chu a nui hak hak a," A paw țhìn ang a...Tak tak chuan, mawza lum kan lei kha, a lâwm ngawt ang," a ti a.
Kan tlân leh ta char char. Tunah chuan kan titi ve leh ta, Princess-i a harh tawh bawk nèn, phone call pawh kha ka lo theihnghilh titih tawh.
In kan thlen chuan a tlai ve tawh viau nain ka pu chu a chhuak leh nghal tho. Ka pu hian eng hna nge a thawh le? Rawn phone-tu lah khân 'Boss' ti khân a rawn ko a, eng emaw tak chu a thawk chiang a ni, ka la zâwt chhin ang.
Kan la men lai tho chuan a rawn haw leh hman tho, a va kalnaah chuan a va hlawhtling rih lo a niang, zàn a rei ve țan tawh a, a àwm ve reng.
Night cream ka hmaia ka hnawih hlarh hlarh lai chuan kawngka a rawn ri dat dat a, ka chhàn hnu chuan a rawn lût a, lehkhabu kâwm senduk ni àwm tak a rawn keng lût bawk.
A inbual zo chiah a ni ang, a sam chu a kawi deuh nuai a, a lang pà ka ti. Bawrchhawr deuh angin lang mah se, a fai tho a, ka duh tho.
Ka thil ngaihtuah chu dah bovin,"Eng nge ni ta?" ka lo ti a.
A lehkhabu ken chu dawhkàna dah pah chuan," Hei hi i duh ni khân ka hria a," a ti sup a.
"Eng lehkhabu nge a?"
"En mai la?"
Lehkhabu awzâwng a ni lo, ka file a lo ni! Engtik lai khân nge a lo lâk ni?
"Ka file!! Ka va lâwm tak! Ka lâwm tak tak a ni," ka ti chhuak hluai a, ka làwmzia hi, sawi ngaihna pawh ka hre lo zâwk.
"Lehkha zir zawm leh kha i duh a ni lo'm ni?"
"Tehréng mai, ka châk lutuk ringawt!" uar zet hian ka lo ti a.
Min en rùn chung chuan," College kal ve hrim hrim i châk vàng a ni thei em?" a ti ta daih a.
"College kal ka châk rualin zir zawm hrim hrim kha ka duh a ni tawp, cl - xii thleng chauh pass chuan hna hmuh a har àwm e," ka lo ti thung a.
"Sawrkar hna thawh i tum em ni?"
"Pawisa thawh chhuah phawt kha ka duh chu a ni mai, mahni inchàwm zawh ka duh."
"A țha alawm."
Ka file cover bêng thak thak pah chuan," Dàwr nghâk pah pawhin ka zir thei tho ang chu, pawisa thawh chhuah pah ka duh bawk sia," ka ti sap sap a.
"Documents ka lâksak vàng che khân eng nge ka hlawh ang?"
Nui deuh hian, a fiamthu a nih ringin ka en chho a, a lo nui miah lo.
Pan hnaiin a kâwngah ka kuah a, ka pawm vang vang a.
"Ka lehkha pawimawh min pêk vàng hian ka lâwm tak zet zet a ni."
Min pawm kâng lawp a, ka nui hak.
"Cute reuh lutuk!"
'Bengchheng' min ti tawh miah lo, 'cute' min ti tawh zâwk! Ka cute mawlh lo nain chutiang țawngkam dawn chu nuam ka ti tho tho.
Ka bân pahnihin a nghâwngah ka kuah a, ka kut na lo lamin a samah ka khawihsak, a lo nêm thiap reuh nia. A shower gel hman rim lah chu, a ngainatawm ka tih chi tak.
"I sam chu, khawih a nuam hle mai."
Ka ke pahniha a kâwnga ka kherh beh tlat vàng nge min thlah bîk lo, nghet zetin min la kuah bet sauh sauh.
"Zanin zet chuh...!!"
Eng a sawi tumna nge ka hre lo. Hmelțha, ni lo, lang țha min ti a niang!
"I rim a tui hle mai."
Chulam daih chu. "Nang pawh," ka ti lêt, a shower gel hman rim hi a tui hle si a.
Hnai zetah kan inen ta. A mithmul sei țha zet, dum zet leh a mitmeng dum kalh chu a inchawih. Bâkah, a mit sîr bek lam zâwkah khuavàng te reuh té a nei tih ka hre ve chiah.
"I khuavàng hi, a awmna hi a common lo tawp-"
Ka țawng lai chu ka tàwp chiang kher mai. Min rawn fâwp tawh miau si a, lo chhàn lêt loh chu ka tum bîk teuh lo, ka nghahhlelh zâwk tak kha a ni si a, uar zetin ka lo chhâng lêt.
Ka hnâr a sen nasa ngawt ang.
"A ni têlin ka duh tawlh tawlh che."
Ka rilru a hlim vawng vawng. Kei pawhin ka duh ve tho a, hriat a nuam alawm. Min duhtu ka nei hi a hlu ém asin.
"Mu tawh rawh."
"Chhuak phawt la?"
Dawhkànah min țhutpui tawh. Min thlah a tum lo va, kei pawhin ka thlah bîk chuang lo. Kan induhtawnna pâr kan tivul dùn ni berin ka hria.
"I hnâr chu tomato ang mai a nih hi."
Ka ner khum sak a, ka kut na lo lam chuan a sam chu ka khawihsak niap niap a.
"Naktûkah inpuang duh kha, i inpuantîr ang em?" tiin ka zâwt ta daih a.
"Aw."
"Min hrilh ve ang em?"
"I hriat loh a țha zâwk maithei."
A mitah chuan chiang zeta enin," Engati maw?" ka ti a.
"I rilru a nat phah leh mai mai ang."
A tidik reng; mahse, ka hre châk ve tho. Ka țhian hnai deuh a lo nih phei chuan...
"A pawi lo chin min hrilh ve la?"
"Um."
Mut a hun tawh tak tak avàngin kan inthlah tawh tak tak. Hetia mipa ka han hnaih leh ta viau mai leh ka hlau miah lo te, a bula awm nuam ka ti viau te, a fawh leh tawh nuam ka ti viau mai te hi mak ka inti. Mipa hlat vang vang ka tum tawh nèn, ani hian ka tumna chu a rawn țhiat hiau hiau a nih ber hi.
A tûk lama a chhuak rawn haw chuan engmah a sawi loh avàng chuan zawh ka tum bîk lo. A pawi lo chin min hrilh ve tùr khân ka hrilh kha a ni a, a pawi chin vek a hria a niang.
Âtei bulah chuan zirna chhunzawm ka duh thute chu ka hrilh ve a, ani pawh chuan min support khawp mai. 'Regular taka college kal a zir nge ka duh correspondence-in' tih min zawh chuan chhàn ngaihna ka hre miah lo, eng zâwk chu nge ka tân țha ang ka la hre thei mai lo.
Zanriah kîl laiin Âtei chuan a sawi chhuak a. Pu ber pawh chu a lo phûr phian, an sawi an sawi hnu chuan Âtei chuan," College kal a țha maithei zâwk a ni. Hmel tharte i han hmu ang a, college life hrim hrim pawh tem ve i châk ang chu," a ti a.
"I chhunzawm hun chu, tlangvâl hi kan inah hian an rawn inlâr zut ang tih chu a hlauhawm angreng," nui hak hak chung chuan pu ber chuan a ti a.
"Dik chiah! Nun thar i țan ang a, țhian tam tak siamin, hun hlimawm tak takte in hmang thei bawk ang a."
Ka pu chuan engmah a sawi lo, min melh leh rulh țhìn a, a hnuah phei chuan a kham daih, a ngaithla peih tawh lo a niang.
Chaw ei khamah chuan pu ber chuan TV a en a, TV hi ka en khât lutuk. Ka pu leh pu ber hian an en peih deuh a. Chhùnah ni se, Princess-i'n a en loh chuan Âtei nèn hi chuan kan thlîr khat viau.
Phone ka neih loh vàng leh kan inah hian newspaper ka hmuh ngai loh vàng hian news ka hre lo tawp. Chutah, TV ka en ngai bawk si lo.
Ka pahrawn thlalâk leh hming sawi rî ka hriat a ka hmuh tâkah chuan makti zet hian TV screen chu ka en reng. Jail-ah a lo tâng tawh tihna em ni? Khawiah nge Misuala pawh kha, ka va hmu ve lo ve?
Pu ber chuan inthiam loh hmel zet hian min rawn thlêk a, a hmet sawn ta daih.
"Ka pahrawn kha min man vàng khan em ni jail-ah a tàn a?" tiin ka pu chu ka zâwt ta nghal a.
"Ni pah tho, ruihhlo a tawlh ru bawk a."
Mak ka ti lutuk ringawt. Ruihhlo a tawlh rûk chu ka la ring chhin ngai lo, mak ti lo thei pawh ka ni lo rêng.
"Thil thleng engkim min hrilh thei ang em?"
Âtei'n Princess-i a mutpui hnuah ka pu chuan chanchin chu min hrilh. Thil engkim a hre chiang ém ém mai chu mak ka ti, a chhuichhuaktu zîngah a tel ve hialin ka ring.
"Chûng zawng zawng chu engtin nge i hriat vek theih a?"
A ngawi vang vang phawt a, chutah," Ka țhianpa Rema'n a chhuichhuak alawm," a ti ta a.
"I pui ve tiraw? I hriat chian dàn ațang hian i tel ve a nih ka ring tlat."
"An man a an dahna che room lehlamah khân ruihhlo chu a dah khâwm a, ka hmu ve bawk," a ti duh chauh.
"Mi dang man an nei ve em?"
"An awm nual."
"A nih, thurualpui hrawl deuh a nei em?" Rin-misuala kha a thurualpui ka ring tlat.
"An la chhui chho zêl e."
"Ih maw, dik taka sawi chuan min man khân ka pahrawn ni lo zâwk kha hmuh ka inring zâwk asin, min rawn vau țhìntu kha amahah ka lo ngai char char bawk a," ka ti a.
"A nih, i pahrawn manna chhan che kha i hre tawh em?"
"Hming min sign-tîr kha a tum ngei mai a, chubâk, a chhan ka hre lo."
A chek hluk a," In hmun leh ram, engkim i hmingin a awm si a, chu chu neih lêt a tum a ni," a ti ta sup a.
"Chuan, i bula awm ring lo tùra ka hrilh che kha, i la hria ang a. I phone number, i in luah leh i chanchin engkim i pahrawn hnêna thlen vektu, i bul hnai taka awm ni bawk si, tu nge a nih han ring ve hrim hrim teh."
Rin tùr ka hre lo. Ka țhianteho hi puh chhiat tùr ka hre lo, an fel a, tunah pawh hian phone neiin an number nei ila ka be vek tawh ang chu.
"Rin chhin tùr ka hre lo."
Chair ațanga thawh pahin,"Um, a țha e, i mut hmunah i lo ngaihtuah dâwn nia. Pawisa hian thil a ti thei a, mamawh a phuhru thei bawk. I bul hnaia mite zîngah chutiang anga ngai ve an awm leh awm loh i ngaihtuah dâwn nia," a ti thûm bul bul a.
"Ka va hre lo tak!"
"Mangțha, naktükah engkim ka hre thei tawh ang."
Mut hmunah chuan ka ngaihtuah nasa mai, ka hre thlâwt lo. Ka hnaiha awm țhin an tam lo, LMa, Feli leh Mary.
LMa, ani hian pawisa a nei a, an rethei lo. Pawisa duh vàngin min hralh ang maw? Ni lo ve, a theih loh.
Feli- Pawisa duh lo kan awm lo. Ani pawh hian a duh viau a; mahse, a ni lo ang, kei pawhin pawisa chu ka duh alawm. A ni thei lo ang.
Mary- Ani hian pawisa thawh chhuah a tum nasa țhìn, kan nuihpui nghek tawh kha. Sum deh chhuah lam hlîr a buaipui țhìn a nih kha.
Mary. Mary hian maw?!!! Ni lo, a ni lo ang, min ngainat em kha, a ti duh lo ang; mahse...sum hlîr a buaipui.
Lalpa leh!! Ni lul suh se.
*TLÂWM TAKIN NUNG LA, FAK LEH CHAWIMAWI I HLAWH THEI ANG*
Kawngah chuan kan țawng tam lo tlâng kher mai, a țawng tam ber tùr Princess-i a muhìl bawk si a, phone call lo kal khân kan ngaihtuahna a luah vek a ni ngei ang, kan inbe hlawm lo.
"Ngaihtuah rùn kher suh u, thil țûl lo a nih kha."
"A mak ém alawm," ka lo ti thung a.
"I bul hnaia mite tumah ring suh ka tih țhin kha, i la hre reng em?" tiin dârthlalangah chuan min rawn melh zauh a.
"Hria e."
"I hriat chian, nangmah hnaihtute zînga mi bâk a ni lo ang."
Ka țhiante, mi fel tak takte hi rinhlelh tùr pakhat mah ka hre lo. Ka chhûngte lah hi, engkima ka engkim an nia, rin dàn ka thiam lo, ka chunga duhchhe tùr ka hre lo.
"A nih, nang? Ka hriat chian, min hnaihtu i ni ve tho sia?" ka ti lui ve ta ngat. Rinhlelh tùr ka hre lo lutuk leh kan boruak rit tak chu light-tîr ka tum ve a ni.
Min rawn en zawk a, a hmui chîp hmak ka hmuh chuan a thin a rim tih ka hre nghal, a ngawi ta hmak rêng a.
A khalh chak khawp mai. A khalh thiam viau a; mahse, a thin a rim tih ka hre si a, ka hlau rilru khawp mai, engmah ka sawi ngam tawh si lo.
Ka țhutna hmun pawh ka sawn daih. Ka hmuh theih lohna tùr, a piahah ka țhu phei, pâwn lam ka thlîr reng a, ka rilruah erawh ka pu thinrim chu a awm reng thung. A hnuah phei chuan ka muhìl ta daih, khua a vawt hran lo va, mut a nuam tâwk chiah.
Ka lu ka tauh ri dawt a, ka harh chiang kher mai. Ka harh dàn a fuh loh vàng chuan ka harh â ruai mai lehnghal a, Âtei leh Princess-i an lo awm tawh lo, driver seat-ah erawh ka pu a la țhu kur mai.
"Khawi lai nge kan thlen tawh?" tih pah chuan ka lu chu ka tuai vat vat a.
Min chhâng lo, chêt pawh a che hek lo. Milim bawrchhawr zet ni àwm tak a ni, a la thinrim reng a nih hi, a va ho thlerh thlerh tak!
Min chhàn loh avàng chuan ka hawi kual a, ka kut na lo lam chuan ka mit chu ka nuai nak nak a.
"Kan chàwl dâwn em ni?"
Ka țawngtîr dâwn khawp mai, a thinrimna hi ka titàwp bawk ang.
"Ka pu,(a duh loh dàn deuhin ka ko lui ngat) ka thil sawi kha i ngai hua a nih chuan a pawi ka ti, kan boruak rit churh tihzângkhai ka tum vàng a nih kha," ka ti ta a.
"Engtin nge...kei..." a ti nghut a, sawi zawm lo chuan a ngawi leh ta daih a, ka thil sawi kha a la na ve khawp a nih hi.
"Engtin nge ka rinchhiat che i rin theih? Nang chu ka tân chuan vàntirhkoh alawm i nih, ka harsatna engkim laka min khai chhuaktu i nih kha."
A che sawn chuang lo, a mit bâk a chêin ka ring lo.
"I thin tihrim nâna sawi pawh ka ni lo tak tak!"
A che ve ta. Dârthlalang chu min hmuh theih dàn tùrin a her rem a, min rawn melh nghal rùn mai.
"Ka thin a rim lo."
"Mahse, i lung a awi loh kha."
"Man pêk tùr erawh i nei."
Ka hria, 'ka pu' tiin ka koh kha, a duh lo tih hre reng chungin ka ko lui ve ngat rêng, a man pêk tùr lah chu...
"Tlân chak lutuk tawh suh aw, ka hlau deuh a nia," ka ti a.
A nui ta hawk mai.
"Nang hi chuh, engtin nge hlau chungin i muthilh theih si?" tiin min zâwt ta daih a.
"I thinrim hmel mut bosan ka duh a."
"A nih chuan, i kut kha min pe teh," tiin a kut veilam chu a rawn phar a.
A ngaihna hre lo zet hian ka kut chu ka pe ve mai, nghet zet hian a lo vuan chat. A kut lian zet, lum ham ham chuan ka kut chu a hûm bo hneh kher mai.
"I ril a țâm em?"
"Nang?"
"Min chhâng mai la?"
"Țâm țêp."
Ka kut chu la kânga fâwp zauhin," Ei tùr ka'n lei ang e, lo nghâk lawk rawh," a ti sup a, ka kut chu thlahin motor ațang chuan a chhuak ta nghal a.
Princess-ite nèn chuan an rawn inzui a, Princess-i'n min hmuh chuan," I lo harh tawh maw? Kan chawlhsan daih che a, Âpain kaihthawh che a phal si lo va," a rawn ti lar lar a.
"Nia, tunah chuan ka harh tawh a. I puar em?"
"Kan chawlhsan che sia; mahse, hei Lâna'n ei tùr a lei tho alawm, kalkawngah pawh a ei theih tho a," Âtei chuan a lo ti a.
"Ka ril a țâm hran lo, tui ka in chuan a tâwk mai ang," ka lo ti ve thung.
Car-a rawn luh pah chuan ei tùr a lei chu min pe a, engmah chu a sawi lo. A lungawi lo lo tih ka hre tawh a, țawng lo mah se a pawi lo, a nuam tho.
"Engah nge min pêk vek a? Ka duh vek lo."
"A țàm tak tak hmain ei rawh."
Rice-cake chu pakhat ka ei a, pakhat chu ka pe ve a, rilțàm lai chuan a țha ka ti tawp. Tui in leh pawp ila, țàm a dawm viau a ni.
"Àpu eng nge kan hawn ve ang, Ànî?" tiin Princess-i chuan a nî chu a lo zâwt ve mêk bawk a.
"Teddy-bear kan lei kha?"
"A, putarin teddy-bear chu a duh lo ang."
Âtei chu a nui hak hak a," A paw țhìn ang a...Tak tak chuan, mawza lum kan lei kha, a lâwm ngawt ang," a ti a.
Kan tlân leh ta char char. Tunah chuan kan titi ve leh ta, Princess-i a harh tawh bawk nèn, phone call pawh kha ka lo theihnghilh titih tawh.
In kan thlen chuan a tlai ve tawh viau nain ka pu chu a chhuak leh nghal tho. Ka pu hian eng hna nge a thawh le? Rawn phone-tu lah khân 'Boss' ti khân a rawn ko a, eng emaw tak chu a thawk chiang a ni, ka la zâwt chhin ang.
Kan la men lai tho chuan a rawn haw leh hman tho, a va kalnaah chuan a va hlawhtling rih lo a niang, zàn a rei ve țan tawh a, a àwm ve reng.
Night cream ka hmaia ka hnawih hlarh hlarh lai chuan kawngka a rawn ri dat dat a, ka chhàn hnu chuan a rawn lût a, lehkhabu kâwm senduk ni àwm tak a rawn keng lût bawk.
A inbual zo chiah a ni ang, a sam chu a kawi deuh nuai a, a lang pà ka ti. Bawrchhawr deuh angin lang mah se, a fai tho a, ka duh tho.
Ka thil ngaihtuah chu dah bovin,"Eng nge ni ta?" ka lo ti a.
A lehkhabu ken chu dawhkàna dah pah chuan," Hei hi i duh ni khân ka hria a," a ti sup a.
"Eng lehkhabu nge a?"
"En mai la?"
Lehkhabu awzâwng a ni lo, ka file a lo ni! Engtik lai khân nge a lo lâk ni?
"Ka file!! Ka va lâwm tak! Ka lâwm tak tak a ni," ka ti chhuak hluai a, ka làwmzia hi, sawi ngaihna pawh ka hre lo zâwk.
"Lehkha zir zawm leh kha i duh a ni lo'm ni?"
"Tehréng mai, ka châk lutuk ringawt!" uar zet hian ka lo ti a.
Min en rùn chung chuan," College kal ve hrim hrim i châk vàng a ni thei em?" a ti ta daih a.
"College kal ka châk rualin zir zawm hrim hrim kha ka duh a ni tawp, cl - xii thleng chauh pass chuan hna hmuh a har àwm e," ka lo ti thung a.
"Sawrkar hna thawh i tum em ni?"
"Pawisa thawh chhuah phawt kha ka duh chu a ni mai, mahni inchàwm zawh ka duh."
"A țha alawm."
Ka file cover bêng thak thak pah chuan," Dàwr nghâk pah pawhin ka zir thei tho ang chu, pawisa thawh chhuah pah ka duh bawk sia," ka ti sap sap a.
"Documents ka lâksak vàng che khân eng nge ka hlawh ang?"
Nui deuh hian, a fiamthu a nih ringin ka en chho a, a lo nui miah lo.
Pan hnaiin a kâwngah ka kuah a, ka pawm vang vang a.
"Ka lehkha pawimawh min pêk vàng hian ka lâwm tak zet zet a ni."
Min pawm kâng lawp a, ka nui hak.
"Cute reuh lutuk!"
'Bengchheng' min ti tawh miah lo, 'cute' min ti tawh zâwk! Ka cute mawlh lo nain chutiang țawngkam dawn chu nuam ka ti tho tho.
Ka bân pahnihin a nghâwngah ka kuah a, ka kut na lo lamin a samah ka khawihsak, a lo nêm thiap reuh nia. A shower gel hman rim lah chu, a ngainatawm ka tih chi tak.
"I sam chu, khawih a nuam hle mai."
Ka ke pahniha a kâwnga ka kherh beh tlat vàng nge min thlah bîk lo, nghet zetin min la kuah bet sauh sauh.
"Zanin zet chuh...!!"
Eng a sawi tumna nge ka hre lo. Hmelțha, ni lo, lang țha min ti a niang!
"I rim a tui hle mai."
Chulam daih chu. "Nang pawh," ka ti lêt, a shower gel hman rim hi a tui hle si a.
Hnai zetah kan inen ta. A mithmul sei țha zet, dum zet leh a mitmeng dum kalh chu a inchawih. Bâkah, a mit sîr bek lam zâwkah khuavàng te reuh té a nei tih ka hre ve chiah.
"I khuavàng hi, a awmna hi a common lo tawp-"
Ka țawng lai chu ka tàwp chiang kher mai. Min rawn fâwp tawh miau si a, lo chhàn lêt loh chu ka tum bîk teuh lo, ka nghahhlelh zâwk tak kha a ni si a, uar zetin ka lo chhâng lêt.
Ka hnâr a sen nasa ngawt ang.
"A ni têlin ka duh tawlh tawlh che."
Ka rilru a hlim vawng vawng. Kei pawhin ka duh ve tho a, hriat a nuam alawm. Min duhtu ka nei hi a hlu ém asin.
"Mu tawh rawh."
"Chhuak phawt la?"
Dawhkànah min țhutpui tawh. Min thlah a tum lo va, kei pawhin ka thlah bîk chuang lo. Kan induhtawnna pâr kan tivul dùn ni berin ka hria.
"I hnâr chu tomato ang mai a nih hi."
Ka ner khum sak a, ka kut na lo lam chuan a sam chu ka khawihsak niap niap a.
"Naktûkah inpuang duh kha, i inpuantîr ang em?" tiin ka zâwt ta daih a.
"Aw."
"Min hrilh ve ang em?"
"I hriat loh a țha zâwk maithei."
A mitah chuan chiang zeta enin," Engati maw?" ka ti a.
"I rilru a nat phah leh mai mai ang."
A tidik reng; mahse, ka hre châk ve tho. Ka țhian hnai deuh a lo nih phei chuan...
"A pawi lo chin min hrilh ve la?"
"Um."
Mut a hun tawh tak tak avàngin kan inthlah tawh tak tak. Hetia mipa ka han hnaih leh ta viau mai leh ka hlau miah lo te, a bula awm nuam ka ti viau te, a fawh leh tawh nuam ka ti viau mai te hi mak ka inti. Mipa hlat vang vang ka tum tawh nèn, ani hian ka tumna chu a rawn țhiat hiau hiau a nih ber hi.
A tûk lama a chhuak rawn haw chuan engmah a sawi loh avàng chuan zawh ka tum bîk lo. A pawi lo chin min hrilh ve tùr khân ka hrilh kha a ni a, a pawi chin vek a hria a niang.
Âtei bulah chuan zirna chhunzawm ka duh thute chu ka hrilh ve a, ani pawh chuan min support khawp mai. 'Regular taka college kal a zir nge ka duh correspondence-in' tih min zawh chuan chhàn ngaihna ka hre miah lo, eng zâwk chu nge ka tân țha ang ka la hre thei mai lo.
Zanriah kîl laiin Âtei chuan a sawi chhuak a. Pu ber pawh chu a lo phûr phian, an sawi an sawi hnu chuan Âtei chuan," College kal a țha maithei zâwk a ni. Hmel tharte i han hmu ang a, college life hrim hrim pawh tem ve i châk ang chu," a ti a.
"I chhunzawm hun chu, tlangvâl hi kan inah hian an rawn inlâr zut ang tih chu a hlauhawm angreng," nui hak hak chung chuan pu ber chuan a ti a.
"Dik chiah! Nun thar i țan ang a, țhian tam tak siamin, hun hlimawm tak takte in hmang thei bawk ang a."
Ka pu chuan engmah a sawi lo, min melh leh rulh țhìn a, a hnuah phei chuan a kham daih, a ngaithla peih tawh lo a niang.
Chaw ei khamah chuan pu ber chuan TV a en a, TV hi ka en khât lutuk. Ka pu leh pu ber hian an en peih deuh a. Chhùnah ni se, Princess-i'n a en loh chuan Âtei nèn hi chuan kan thlîr khat viau.
Phone ka neih loh vàng leh kan inah hian newspaper ka hmuh ngai loh vàng hian news ka hre lo tawp. Chutah, TV ka en ngai bawk si lo.
Ka pahrawn thlalâk leh hming sawi rî ka hriat a ka hmuh tâkah chuan makti zet hian TV screen chu ka en reng. Jail-ah a lo tâng tawh tihna em ni? Khawiah nge Misuala pawh kha, ka va hmu ve lo ve?
Pu ber chuan inthiam loh hmel zet hian min rawn thlêk a, a hmet sawn ta daih.
"Ka pahrawn kha min man vàng khan em ni jail-ah a tàn a?" tiin ka pu chu ka zâwt ta nghal a.
"Ni pah tho, ruihhlo a tawlh ru bawk a."
Mak ka ti lutuk ringawt. Ruihhlo a tawlh rûk chu ka la ring chhin ngai lo, mak ti lo thei pawh ka ni lo rêng.
"Thil thleng engkim min hrilh thei ang em?"
Âtei'n Princess-i a mutpui hnuah ka pu chuan chanchin chu min hrilh. Thil engkim a hre chiang ém ém mai chu mak ka ti, a chhuichhuaktu zîngah a tel ve hialin ka ring.
"Chûng zawng zawng chu engtin nge i hriat vek theih a?"
A ngawi vang vang phawt a, chutah," Ka țhianpa Rema'n a chhuichhuak alawm," a ti ta a.
"I pui ve tiraw? I hriat chian dàn ațang hian i tel ve a nih ka ring tlat."
"An man a an dahna che room lehlamah khân ruihhlo chu a dah khâwm a, ka hmu ve bawk," a ti duh chauh.
"Mi dang man an nei ve em?"
"An awm nual."
"A nih, thurualpui hrawl deuh a nei em?" Rin-misuala kha a thurualpui ka ring tlat.
"An la chhui chho zêl e."
"Ih maw, dik taka sawi chuan min man khân ka pahrawn ni lo zâwk kha hmuh ka inring zâwk asin, min rawn vau țhìntu kha amahah ka lo ngai char char bawk a," ka ti a.
"A nih, i pahrawn manna chhan che kha i hre tawh em?"
"Hming min sign-tîr kha a tum ngei mai a, chubâk, a chhan ka hre lo."
A chek hluk a," In hmun leh ram, engkim i hmingin a awm si a, chu chu neih lêt a tum a ni," a ti ta sup a.
"Chuan, i bula awm ring lo tùra ka hrilh che kha, i la hria ang a. I phone number, i in luah leh i chanchin engkim i pahrawn hnêna thlen vektu, i bul hnai taka awm ni bawk si, tu nge a nih han ring ve hrim hrim teh."
Rin tùr ka hre lo. Ka țhianteho hi puh chhiat tùr ka hre lo, an fel a, tunah pawh hian phone neiin an number nei ila ka be vek tawh ang chu.
"Rin chhin tùr ka hre lo."
Chair ațanga thawh pahin,"Um, a țha e, i mut hmunah i lo ngaihtuah dâwn nia. Pawisa hian thil a ti thei a, mamawh a phuhru thei bawk. I bul hnaia mite zîngah chutiang anga ngai ve an awm leh awm loh i ngaihtuah dâwn nia," a ti thûm bul bul a.
"Ka va hre lo tak!"
"Mangțha, naktükah engkim ka hre thei tawh ang."
Mut hmunah chuan ka ngaihtuah nasa mai, ka hre thlâwt lo. Ka hnaiha awm țhin an tam lo, LMa, Feli leh Mary.
LMa, ani hian pawisa a nei a, an rethei lo. Pawisa duh vàngin min hralh ang maw? Ni lo ve, a theih loh.
Feli- Pawisa duh lo kan awm lo. Ani pawh hian a duh viau a; mahse, a ni lo ang, kei pawhin pawisa chu ka duh alawm. A ni thei lo ang.
Mary- Ani hian pawisa thawh chhuah a tum nasa țhìn, kan nuihpui nghek tawh kha. Sum deh chhuah lam hlîr a buaipui țhìn a nih kha.
Mary. Mary hian maw?!!! Ni lo, a ni lo ang, min ngainat em kha, a ti duh lo ang; mahse...sum hlîr a buaipui.
Lalpa leh!! Ni lul suh se.
*TLÂWM TAKIN NUNG LA, FAK LEH CHAWIMAWI I HLAWH THEI ANG*
Ngaihnawm turu buru
ReplyDeleteA ngaihnawm lutuk tlat a, mahse a tawi thei ee
ReplyDelete