☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 10 By Dingdi Pachuau
"Marem...?!!" Ka ring thei lo, ka zak bawk si, ka țhian țha ber chuan dâwt ka hrilh chung pawhin ka ai a lo awh chu a ni si. Chimawmliana nèn kan inkâr chu a lo hre vek a nih chu, a zahthlâk tak zet.
Thil ei pawh a tui tawh lo. Ka inthiam lo a, hrehawm ka ti ngawih ngawih tawh.
"Mak min ti em?" Mak chu min ti dâwn chiang, min ngeiin min haw ngawt bawk ang chu, dâwt ka hrilh miau si a.
"Ka hre chiang ve tawh che a, dâwt min hrilh chhan i neih ka ring tlat a ni," a lo ti thung a.
Ka hmui chu ka pet fan fan phawt a, hnuai lam en ràn chung chuan," ka hlauhthàwn êm vàng a ni. Hostel-ah a rawn lût a, ka tukverh zâwnah khân a rawn lâwn asin! Chhuahpui atân min sâwm tlat a, zah leh hlauh a hre ve si lo va, ka hming a chhiat ka hlau êm a ni. Hnial khàn hrang hrangin hnial ve mah ila awmzia a awm lo, ka hlauthâwng asin. Hostel-ah min man chhuak ang tih ka hlau a, bike-a an intlansiaknaah ni se chesual an awm ang a, hostel-ah ka lêt thei lo ang tih ka hlau bawk a," ka ti sep sep a.
"Bike intlànsiaknaah maw?!!!"
Amah en chung chuan ka lu ka bu nghat a, ani chuan," Awii, che mak thei e! Ka bulah chuan in chhuak dùn dâwn tih ringawt a sawi asin, romantic comedian phian roh mai a," a ti ta zêk a.
"Nangmah i ni tih ka hre miah lo che."
A nui sen sen a," In induhtawn chu a làwmawm e," a tih chuan mak ti zet hian ka en a.
"I bulah a chanchin țha lo lam khân ka lo sawi vêl a, i hrilh loh hrâm ka beisei," nui pãt pãt chung chuan a ti leh a.
"Marem...!!"
"Eng nge... i lem lo chang túr kha chuan ka inpeih reng a nia, i tân chuan ka rinawm bur ang," a ti leh a.
Ka chek tlak tlak a.
"Chuan, vawiinah pawh a rawn tlawh leh che a. Hmmm, ka rin aiin a la thutak riau mai che, a fuh dâwn lutuk."
Ka thaw hawk a," Ni lo, i ngaih ang kha a ni lo, chutiang kan inkârah a awm lo. Hmel hriat ngai miah loh anga awm ka duh thu ka hrilh nghe nghe asin, khami zàn ațang khân min rawn text tawh lo, vawiina a rawn lang hrãwk kha mak ka ti zâwk asin," ka lo ti a.
"A nih leh...in infâwp tawh em?"
Chu kher chuh! Ka sen nasa ngawt ang, dâwt bawk ka sawi leh dâwn avàngin ka ngawi tawp.
"Kha maw, eng emaw chu a awm alawm, zêp tum tawh lo teh. Mipa i huatna leh i indaidanna bang kha dah bo a hun tawh rêng a ni," a lo ti. Min dang chêp hneh ve khawp mai.
"Hmuh tawh loh ka duh a, a chhan chu i hriat hnu vek. Mipa hi ka ring ngam thei tawh rih lo a ni, bâkah, ani phei hi chu, a, kan inkárah thil awm thei a ni lo hrim hrim bawk, buaina tawh ka duh lo bawk," ka ti a.
A ngawi ràn a, ngun zetin ka thil sawi chu a ngaihtuah a nih hmel.
"Ka nunhlui chu ka hrilh vek tawh che kha, khatiang kha tawn nawn leh ka duh tawh lo. Ka zirlaiah tlâkchhiat ka duh tawh lo va, ka zirlai aia dah pawimawh hmasak ka neih lah a thiang hek lo. Ka chhûngte'n harsa takin lehkha ka zir zawm theih nân pawisa tam tak sêngin hostel-ah min dah ve a, ka chhûngte hre reng chunga lehkha ka zir a ngai, thil dang ka lehkha zirna min tibuai thei tùr ngaihtuah miah lovin," ka ti leh dap dap a.
"I thu vek alawm, țha i tih kha a țha ber. I rilru put dàn chu țha ka ti khawp mai," a lo ti ve a.
"Mipa ka ngaih dàn hi chu mipa zawng zawngah a dik vek kher lo ang tih chu ka hria; mahse, ka tân chuan risk lâk ngamna chi a ni tawh lo. Bâkah, a la tlai hran hlei nem, nakinah college chhuah hunahte pawh hun a la awm ve ang chu," nui chung hian ka ti a.
Bu nghat nghat pah chuan," A țha e, i thu tlûkna engkim ka remtihpui thlap che, kei chu a țûl huna lo awm remchâng ve mai mai tùr ka ni e," nui chung hian a ti leh a.
"Sawi chhuak tawh lo teh, a zahthlâk si."
*******
Hun a kal zêl a, a reh ta vang vang a, ka thu sawi khân a hneh ta a nih ka ring deuh ringawt. A lukhum leh kutkawr erawh ka la kawl ta reng, ka hmu ngai tawh si lo va, bâkah, pe tùrin an in awmna pawh ka hre hek lo.
Khua a lum țan leh ta, dàwr pawh kan nghâk leh daih tawh a, kan hlawh lah a pung ve hlek bawk a, a zia tak tak a ni. Chimawmliana ka hmu ngai ta lo erawh tlêm chuan ka khua a tihar deuh, zêp lohah chuan; mahse, ka zirlai ka ngaihtuah lui nasa a, lehkha pawh ka zir tam phah khawp.
Tlai khat chu dàwrah a rawn lang leh ta hlawl mai. Ka hmuh lohna a rei tawh deuh bawk a, a hairstyle thar chuan ka mit a la ta zar mai.
A bek tawn tawn chu a ti kâwng deuh a, a chhîp lamah a tibuk deuh hlek thung, a dinglamah pial thlap hian a khuih phei deuh vek bawk a, Adidas T-shirt dum leh jeans dumin a inthuam a, a vans bun pawh a dum tho. A vun ngo over lo chu a tilangsàr kher asin, a lang fresh ngawih ngawih, bâkah, a tilang hmelțha zual bawkin ka hria. A biang dinglama khuavang pawh a langsàr khawp, a inhmeh. Hmun dang leh thil dang ngaihtuah lo lêk chuan ka lo en ngar ngar chu niin!
'Kat' tia min ko ri ka hriat tâkah chuan ka inthing harh vat, chu pa chu ka lo en reng niin, a va zia lo thei ngai ve!
"Min lo ngai viau tawh a ni maw?"
A fiamthu a nih ka ring a; mahse, a nui miah lo.
"Enggg..nge i duh a?" Min tibuai vek, ka awm dàn chu a zahpuiawm tak zet a ni, ka hmu thut a, ka che buai vek a ni si a.
"Nangmah."
Min chhànna chuan mi tidang chiang kher mai! Rei vak lo chhûng chu ka thî niin ka hria!! Ka inngaihtuah harh hnuah erawh ka bul vêl ka thlêk vat vat, mi dangin an lo hre ve ang tih chu thil hlauhawm tak a ni.
"Eng lam nge i zawn a?" tiin a thil sawi tâk ngaihtuah loh hmel zet hian lehkhabu lam chu ka en kual a.
"Thingtlâng nula rilru tihdanglam theih dàn thurûk."
Thu takin min chhâng thei hlawl lo a nih hmel, a thil sawi lah hian min tizakin ka awm a tinuam lo nasa. Min tihzah hi duh tâwk se ka ti, min rawn dàwr tum a ni ve si a, lo ngaihven loh lah chu a tih chi si loh.
"Chutiang kan zuar lo."
"A nih, 'Hmeichhia,mipa laka a hel chhan hrang hrangte' tih tal a awm em?"
Amah pawh ka en duh lo, lehkhabu rem țhat pahin,"Awm lo," ka ti leh a.
A la beidawng duh chuang lo,"A nih, nang hian a chhan chu i hre mial lo maw?" a ti leh dût a.
Min tih chhan deuh nge, a bialnu tu emaw ber a lakah a hel ni ang?
"Ka hre hauh lo,"uar zet hian ka chhâng a.
"Hmeichhia i nia, i hre ngei ang."
"Ka hre lo ka tih chu."
A ngawi ta rùn a, lehkhabu lei tùr pawh a zawng chuang lo, a kekawr ipte zenin a ding ngur ringawt.
"Min rawn dàwr tum i ni lo bawk a, mi dang ka'n ngaihven-"
"Customer ka nih hi, min ngaihsak rawh."
A thin a rim ta a ni maithei, a awka chhuak chu a vîn hauh lo nàngin eng emaw ti takin a hlauhawm ru riau.
Ka inngaihtuah harh ta thut.
Nèlawm thei ang bera nuiin," Eng lam lehkhabu nge i duh ang le, ka pu?" ka ti ta a.
Mit khap hauh lo hian min en rùn a, kei pawhin nui sâng chuan ka en ve reng, chutia ka inthlâk danglam thut chu tilang lêm lo mah se mak a ti ngeiin ka ring tlat.
"I nui."
Thil dang a sawi dâwn emaw tih laiin, ka nui tàwp ta riai riai.
"Engati nge i nuih?"
Ka thil ruahman ve chu a 'bam' leh ta vek, mak min ti ang a, min chhaih a tàwp ang chu tih laiin.
"I nui hmel ka hmuh vawi khatna."
Ufff, a titi titamtu mai a lo ni.
Mi dang an lo lût ka hmu a, ka lo ngaihven pah nghâl a, ani lehkhabu lei tum pawh ni lo, min chhaih buai ringawt mai, ka ngaihven reng hman lo.
Mi dang ka lo chiauau daih lai chuan," Hei hi eng zât man nge?" a rawn ti ta vut a.
"Ka pu, a kâwm hnung lamah khân a awm ang."
"Kha, en rawh, ka lei duh a nia."
A va chimawm thiam tak aw....a hming ka phuah hi chu a inhmeh ngawih ngawih, a chimawm dàn hi a turu ve chiang! Bêr bûr mai.
A lehkhabu ken lai chu ka pawh thlâksak a, a la nui hawk zui, fing phakar lutuk, chimawmnaa khat a nih hi.
"Chêng 500."
A kal sawn ta chu ka thaw huai, mi dang ka ngaihven ta nghâl bawk. He pa hi chu hmu khât viau mah ila hmuh chhunah a chimawm thiam êm êm reng bawk si a, a buaithlâk. Dàwr ka nghâk tih a hre bawk si a, dàwr nghâktu tân chuan a lo kal chuan lo ngaihven loh theih a ni si lo, a chêt duh dàn hi a hahthlâk lam chu a ni.
Kan haw tùr chu dàwr neitupa chuan," Vawiin chu in vànneihnî a nih hi, tips in dawng ve ve a nia," a ti a, a nui var var a.
Maremi chuan," A va tihzia dâwn ve, kan lâwm e aw, pute,"a lo ti vat a, kei pawh chu làwmthu sawiin ka lo phun ve sap a.
"Mi pakhatin in pahnih tân chêng 100 ve ve a dah a," a tih chuan Maremi nèn chuan phâwk zetin kan inen vat.
Tu tak ni ang maw?
Maremi chuan," Wow!! A nuam tawp, tu pawh chu lo ni se a làwmawm hrim hrim, Pathianin a lêtin malsàwmnain vûr rawh se!" nui sen sen chung chuan a ti malh malh a.
"Amen."
Mi thil phal zâr kan zo e.
Haw kawngah chuan," Essa kha a ni ngei ngei ang, a lo kal kha ka hmu reng alawm, a rawn pan leh chat che a," a ti chhuak ta hliai a.
"Chimawmliana maw...Chimawm lutuk!" ka lo ti hlak a.
"A ni chiang lutuk! Ani lo mi dang min pe tùr an awm lo rêng rêng, ka rin aiin a lo fel daih mai!" a ti leh a.
"Het, pawisa ngaina lutuk suh," ka lo ti thung a.
"Kan mamawh miau si alawm le, pawisa kan duh vàngin class kal loh kârah pawh dàwr kan nghâk țâwk țâwk a nia," a ti leh a.
"Chu chu a dang daih, kan thawh chhuah liau liau hi chu a hlû alawm, a thlàwna pawisa dawn hi a țha teh chiam lo a nia, a thlàwna dawn lam hi chu lawm viau loh tùr, thatchhiatna thlentu," ka ti deuh duah a.
A nui ar ar a.
"Essa min pêk a nih vàngin i lâwm chiah lo a ni chiang mai."
"Pawisa a tawktarh a nih hi."
"Chuti, ei da vek rawh, a pawisa chuan thil min leisak ve bawk ang a," nui chung bawk hian a ti leh a.
"Râpthlâk! Sawi ri tawh miah suh."
Zànah khua a lum si a, lehkha zir hmain ka inbual a, tukverh hawng darin zai ngaithla pahin ka online zawk a.
News chu ka en zuai zuai a, ka'n like leh bawk a, group hrang hrang ka en kual leh a, cl- xi (L)pawh chu an lo titi nasa leh viau tawh!
Thlalâk hlui deuh deuh an rawn up niin! Ka'n download a, a lunglènthlâk reuh lutuk ringawt, kan țhing reuh tawh bawk sia, a nuihzatthlâk tel tawh bawk. Tuna an rawn up phei hi chu cl-xi kan zir țantirh lam, sports kan neih vêl laia mi an ni deuh vek, a lo rei ve leh tawh khawp mai.
Lawmi nèn kan la inkawm țantirh lai kha a ni a, thlalâkah pawh chuan kan lo țhu dùn tlângpui. Like chu ka pe ve ngei, mi dang comment vek tawh hnuah ka h.u ve chauh a ni ve mai a, ka inthlahrung hran lo, chutiang thlalâk hlui an lo la kawl chu a țha ka ti reuh khawp mai.
Amaherawhchu, Manuna'n nupui a neih dâwn thu a rawn post chuan sawi zui a hlawh ta zâwk.
Lawmpuina thuin kan comment tliar tliar a, a nupui tùr pic chu lo up tùrin an ti hlawm bawk. Ani lah chu a ngawi leh ta daih, nia, hmuh a châkawm ve asin le.
Manuna kha chu kan class-ah pawh khân a upa ber pâwl kha a ni ve a, nupui nei ta pawh ni se a kum a naupang lutuk lo ang. Bâkah, dàwr lian deuh an nei a, ani tân chuan sawrkâr hna thawh kher a ngai chuang lo, an awmthei lutuk.
*Lehkha zir rawh*
Chimawmliana.
Ka online lah hi a lo hmu fuh thei si, ninawm, ka dah dâwn.
E, pawisa chungchâng kha, ka'n zilh deuh hlak teh ang.
*Pawisa kha, khatiang kha ti tawh rêng rêng suh* tiin ka thawn lêt a.
*Eng pawisa?* a rawn ti.
*I hriat reng kha*
*Hria ila ka zâwt dâwn che em ni?*
A hai der lui.
*A lo nih tak chu*
*Tukverha làwn leh kha ka châk riau*
Awi, a â leh tawh a nih hi. Text tawh lo teh ang, ka buai rei mai mai. A lo kal leh rêu rêu palh ang.
Ka hla play chu off-in data ka off nghâl, ka tukverh chu ka khâr nghâl sawk sawk a, parda ka hlîm thla leh bawk. He pa hi chu hnaih loh leh biak tam loh a him ber, hlauh a nei ve mang si lo.
Min tibuai thei tak tak dâwn, min biak hlek lahin ka thinlung a tidanglam zêl si, ka tân a thinlung a danglam ve àwm si lo, a duh dàn ang ni lova ka awm avàng chauhin min ngaihven der mai mai a ni tih ka pawm tùr a ni, kei tehlul hi min duh tak tak ngai dâwn lo tih ka hre chiang.
*I CHUNGA MI RILRU PUT DÀN DIK LEH DIK LOH LAM AI CHUAN MI CHUNGA I RILRU PUT DÀN DIK LEH DIK LOH KHA A PAWIMAWH HMASA ZÂWK*
"Marem...?!!" Ka ring thei lo, ka zak bawk si, ka țhian țha ber chuan dâwt ka hrilh chung pawhin ka ai a lo awh chu a ni si. Chimawmliana nèn kan inkâr chu a lo hre vek a nih chu, a zahthlâk tak zet.
Thil ei pawh a tui tawh lo. Ka inthiam lo a, hrehawm ka ti ngawih ngawih tawh.
"Mak min ti em?" Mak chu min ti dâwn chiang, min ngeiin min haw ngawt bawk ang chu, dâwt ka hrilh miau si a.
"Ka hre chiang ve tawh che a, dâwt min hrilh chhan i neih ka ring tlat a ni," a lo ti thung a.
Ka hmui chu ka pet fan fan phawt a, hnuai lam en ràn chung chuan," ka hlauhthàwn êm vàng a ni. Hostel-ah a rawn lût a, ka tukverh zâwnah khân a rawn lâwn asin! Chhuahpui atân min sâwm tlat a, zah leh hlauh a hre ve si lo va, ka hming a chhiat ka hlau êm a ni. Hnial khàn hrang hrangin hnial ve mah ila awmzia a awm lo, ka hlauthâwng asin. Hostel-ah min man chhuak ang tih ka hlau a, bike-a an intlansiaknaah ni se chesual an awm ang a, hostel-ah ka lêt thei lo ang tih ka hlau bawk a," ka ti sep sep a.
"Bike intlànsiaknaah maw?!!!"
Amah en chung chuan ka lu ka bu nghat a, ani chuan," Awii, che mak thei e! Ka bulah chuan in chhuak dùn dâwn tih ringawt a sawi asin, romantic comedian phian roh mai a," a ti ta zêk a.
"Nangmah i ni tih ka hre miah lo che."
A nui sen sen a," In induhtawn chu a làwmawm e," a tih chuan mak ti zet hian ka en a.
"I bulah a chanchin țha lo lam khân ka lo sawi vêl a, i hrilh loh hrâm ka beisei," nui pãt pãt chung chuan a ti leh a.
"Marem...!!"
"Eng nge... i lem lo chang túr kha chuan ka inpeih reng a nia, i tân chuan ka rinawm bur ang," a ti leh a.
Ka chek tlak tlak a.
"Chuan, vawiinah pawh a rawn tlawh leh che a. Hmmm, ka rin aiin a la thutak riau mai che, a fuh dâwn lutuk."
Ka thaw hawk a," Ni lo, i ngaih ang kha a ni lo, chutiang kan inkârah a awm lo. Hmel hriat ngai miah loh anga awm ka duh thu ka hrilh nghe nghe asin, khami zàn ațang khân min rawn text tawh lo, vawiina a rawn lang hrãwk kha mak ka ti zâwk asin," ka lo ti a.
"A nih leh...in infâwp tawh em?"
Chu kher chuh! Ka sen nasa ngawt ang, dâwt bawk ka sawi leh dâwn avàngin ka ngawi tawp.
"Kha maw, eng emaw chu a awm alawm, zêp tum tawh lo teh. Mipa i huatna leh i indaidanna bang kha dah bo a hun tawh rêng a ni," a lo ti. Min dang chêp hneh ve khawp mai.
"Hmuh tawh loh ka duh a, a chhan chu i hriat hnu vek. Mipa hi ka ring ngam thei tawh rih lo a ni, bâkah, ani phei hi chu, a, kan inkárah thil awm thei a ni lo hrim hrim bawk, buaina tawh ka duh lo bawk," ka ti a.
A ngawi ràn a, ngun zetin ka thil sawi chu a ngaihtuah a nih hmel.
"Ka nunhlui chu ka hrilh vek tawh che kha, khatiang kha tawn nawn leh ka duh tawh lo. Ka zirlaiah tlâkchhiat ka duh tawh lo va, ka zirlai aia dah pawimawh hmasak ka neih lah a thiang hek lo. Ka chhûngte'n harsa takin lehkha ka zir zawm theih nân pawisa tam tak sêngin hostel-ah min dah ve a, ka chhûngte hre reng chunga lehkha ka zir a ngai, thil dang ka lehkha zirna min tibuai thei tùr ngaihtuah miah lovin," ka ti leh dap dap a.
"I thu vek alawm, țha i tih kha a țha ber. I rilru put dàn chu țha ka ti khawp mai," a lo ti ve a.
"Mipa ka ngaih dàn hi chu mipa zawng zawngah a dik vek kher lo ang tih chu ka hria; mahse, ka tân chuan risk lâk ngamna chi a ni tawh lo. Bâkah, a la tlai hran hlei nem, nakinah college chhuah hunahte pawh hun a la awm ve ang chu," nui chung hian ka ti a.
Bu nghat nghat pah chuan," A țha e, i thu tlûkna engkim ka remtihpui thlap che, kei chu a țûl huna lo awm remchâng ve mai mai tùr ka ni e," nui chung hian a ti leh a.
"Sawi chhuak tawh lo teh, a zahthlâk si."
*******
Hun a kal zêl a, a reh ta vang vang a, ka thu sawi khân a hneh ta a nih ka ring deuh ringawt. A lukhum leh kutkawr erawh ka la kawl ta reng, ka hmu ngai tawh si lo va, bâkah, pe tùrin an in awmna pawh ka hre hek lo.
Khua a lum țan leh ta, dàwr pawh kan nghâk leh daih tawh a, kan hlawh lah a pung ve hlek bawk a, a zia tak tak a ni. Chimawmliana ka hmu ngai ta lo erawh tlêm chuan ka khua a tihar deuh, zêp lohah chuan; mahse, ka zirlai ka ngaihtuah lui nasa a, lehkha pawh ka zir tam phah khawp.
Tlai khat chu dàwrah a rawn lang leh ta hlawl mai. Ka hmuh lohna a rei tawh deuh bawk a, a hairstyle thar chuan ka mit a la ta zar mai.
A bek tawn tawn chu a ti kâwng deuh a, a chhîp lamah a tibuk deuh hlek thung, a dinglamah pial thlap hian a khuih phei deuh vek bawk a, Adidas T-shirt dum leh jeans dumin a inthuam a, a vans bun pawh a dum tho. A vun ngo over lo chu a tilangsàr kher asin, a lang fresh ngawih ngawih, bâkah, a tilang hmelțha zual bawkin ka hria. A biang dinglama khuavang pawh a langsàr khawp, a inhmeh. Hmun dang leh thil dang ngaihtuah lo lêk chuan ka lo en ngar ngar chu niin!
'Kat' tia min ko ri ka hriat tâkah chuan ka inthing harh vat, chu pa chu ka lo en reng niin, a va zia lo thei ngai ve!
"Min lo ngai viau tawh a ni maw?"
A fiamthu a nih ka ring a; mahse, a nui miah lo.
"Enggg..nge i duh a?" Min tibuai vek, ka awm dàn chu a zahpuiawm tak zet a ni, ka hmu thut a, ka che buai vek a ni si a.
"Nangmah."
Min chhànna chuan mi tidang chiang kher mai! Rei vak lo chhûng chu ka thî niin ka hria!! Ka inngaihtuah harh hnuah erawh ka bul vêl ka thlêk vat vat, mi dangin an lo hre ve ang tih chu thil hlauhawm tak a ni.
"Eng lam nge i zawn a?" tiin a thil sawi tâk ngaihtuah loh hmel zet hian lehkhabu lam chu ka en kual a.
"Thingtlâng nula rilru tihdanglam theih dàn thurûk."
Thu takin min chhâng thei hlawl lo a nih hmel, a thil sawi lah hian min tizakin ka awm a tinuam lo nasa. Min tihzah hi duh tâwk se ka ti, min rawn dàwr tum a ni ve si a, lo ngaihven loh lah chu a tih chi si loh.
"Chutiang kan zuar lo."
"A nih, 'Hmeichhia,mipa laka a hel chhan hrang hrangte' tih tal a awm em?"
Amah pawh ka en duh lo, lehkhabu rem țhat pahin,"Awm lo," ka ti leh a.
A la beidawng duh chuang lo,"A nih, nang hian a chhan chu i hre mial lo maw?" a ti leh dût a.
Min tih chhan deuh nge, a bialnu tu emaw ber a lakah a hel ni ang?
"Ka hre hauh lo,"uar zet hian ka chhâng a.
"Hmeichhia i nia, i hre ngei ang."
"Ka hre lo ka tih chu."
A ngawi ta rùn a, lehkhabu lei tùr pawh a zawng chuang lo, a kekawr ipte zenin a ding ngur ringawt.
"Min rawn dàwr tum i ni lo bawk a, mi dang ka'n ngaihven-"
"Customer ka nih hi, min ngaihsak rawh."
A thin a rim ta a ni maithei, a awka chhuak chu a vîn hauh lo nàngin eng emaw ti takin a hlauhawm ru riau.
Ka inngaihtuah harh ta thut.
Nèlawm thei ang bera nuiin," Eng lam lehkhabu nge i duh ang le, ka pu?" ka ti ta a.
Mit khap hauh lo hian min en rùn a, kei pawhin nui sâng chuan ka en ve reng, chutia ka inthlâk danglam thut chu tilang lêm lo mah se mak a ti ngeiin ka ring tlat.
"I nui."
Thil dang a sawi dâwn emaw tih laiin, ka nui tàwp ta riai riai.
"Engati nge i nuih?"
Ka thil ruahman ve chu a 'bam' leh ta vek, mak min ti ang a, min chhaih a tàwp ang chu tih laiin.
"I nui hmel ka hmuh vawi khatna."
Ufff, a titi titamtu mai a lo ni.
Mi dang an lo lût ka hmu a, ka lo ngaihven pah nghâl a, ani lehkhabu lei tum pawh ni lo, min chhaih buai ringawt mai, ka ngaihven reng hman lo.
Mi dang ka lo chiauau daih lai chuan," Hei hi eng zât man nge?" a rawn ti ta vut a.
"Ka pu, a kâwm hnung lamah khân a awm ang."
"Kha, en rawh, ka lei duh a nia."
A va chimawm thiam tak aw....a hming ka phuah hi chu a inhmeh ngawih ngawih, a chimawm dàn hi a turu ve chiang! Bêr bûr mai.
A lehkhabu ken lai chu ka pawh thlâksak a, a la nui hawk zui, fing phakar lutuk, chimawmnaa khat a nih hi.
"Chêng 500."
A kal sawn ta chu ka thaw huai, mi dang ka ngaihven ta nghâl bawk. He pa hi chu hmu khât viau mah ila hmuh chhunah a chimawm thiam êm êm reng bawk si a, a buaithlâk. Dàwr ka nghâk tih a hre bawk si a, dàwr nghâktu tân chuan a lo kal chuan lo ngaihven loh theih a ni si lo, a chêt duh dàn hi a hahthlâk lam chu a ni.
Kan haw tùr chu dàwr neitupa chuan," Vawiin chu in vànneihnî a nih hi, tips in dawng ve ve a nia," a ti a, a nui var var a.
Maremi chuan," A va tihzia dâwn ve, kan lâwm e aw, pute,"a lo ti vat a, kei pawh chu làwmthu sawiin ka lo phun ve sap a.
"Mi pakhatin in pahnih tân chêng 100 ve ve a dah a," a tih chuan Maremi nèn chuan phâwk zetin kan inen vat.
Tu tak ni ang maw?
Maremi chuan," Wow!! A nuam tawp, tu pawh chu lo ni se a làwmawm hrim hrim, Pathianin a lêtin malsàwmnain vûr rawh se!" nui sen sen chung chuan a ti malh malh a.
"Amen."
Mi thil phal zâr kan zo e.
Haw kawngah chuan," Essa kha a ni ngei ngei ang, a lo kal kha ka hmu reng alawm, a rawn pan leh chat che a," a ti chhuak ta hliai a.
"Chimawmliana maw...Chimawm lutuk!" ka lo ti hlak a.
"A ni chiang lutuk! Ani lo mi dang min pe tùr an awm lo rêng rêng, ka rin aiin a lo fel daih mai!" a ti leh a.
"Het, pawisa ngaina lutuk suh," ka lo ti thung a.
"Kan mamawh miau si alawm le, pawisa kan duh vàngin class kal loh kârah pawh dàwr kan nghâk țâwk țâwk a nia," a ti leh a.
"Chu chu a dang daih, kan thawh chhuah liau liau hi chu a hlû alawm, a thlàwna pawisa dawn hi a țha teh chiam lo a nia, a thlàwna dawn lam hi chu lawm viau loh tùr, thatchhiatna thlentu," ka ti deuh duah a.
A nui ar ar a.
"Essa min pêk a nih vàngin i lâwm chiah lo a ni chiang mai."
"Pawisa a tawktarh a nih hi."
"Chuti, ei da vek rawh, a pawisa chuan thil min leisak ve bawk ang a," nui chung bawk hian a ti leh a.
"Râpthlâk! Sawi ri tawh miah suh."
Zànah khua a lum si a, lehkha zir hmain ka inbual a, tukverh hawng darin zai ngaithla pahin ka online zawk a.
News chu ka en zuai zuai a, ka'n like leh bawk a, group hrang hrang ka en kual leh a, cl- xi (L)pawh chu an lo titi nasa leh viau tawh!
Thlalâk hlui deuh deuh an rawn up niin! Ka'n download a, a lunglènthlâk reuh lutuk ringawt, kan țhing reuh tawh bawk sia, a nuihzatthlâk tel tawh bawk. Tuna an rawn up phei hi chu cl-xi kan zir țantirh lam, sports kan neih vêl laia mi an ni deuh vek, a lo rei ve leh tawh khawp mai.
Lawmi nèn kan la inkawm țantirh lai kha a ni a, thlalâkah pawh chuan kan lo țhu dùn tlângpui. Like chu ka pe ve ngei, mi dang comment vek tawh hnuah ka h.u ve chauh a ni ve mai a, ka inthlahrung hran lo, chutiang thlalâk hlui an lo la kawl chu a țha ka ti reuh khawp mai.
Amaherawhchu, Manuna'n nupui a neih dâwn thu a rawn post chuan sawi zui a hlawh ta zâwk.
Lawmpuina thuin kan comment tliar tliar a, a nupui tùr pic chu lo up tùrin an ti hlawm bawk. Ani lah chu a ngawi leh ta daih, nia, hmuh a châkawm ve asin le.
Manuna kha chu kan class-ah pawh khân a upa ber pâwl kha a ni ve a, nupui nei ta pawh ni se a kum a naupang lutuk lo ang. Bâkah, dàwr lian deuh an nei a, ani tân chuan sawrkâr hna thawh kher a ngai chuang lo, an awmthei lutuk.
*Lehkha zir rawh*
Chimawmliana.
Ka online lah hi a lo hmu fuh thei si, ninawm, ka dah dâwn.
E, pawisa chungchâng kha, ka'n zilh deuh hlak teh ang.
*Pawisa kha, khatiang kha ti tawh rêng rêng suh* tiin ka thawn lêt a.
*Eng pawisa?* a rawn ti.
*I hriat reng kha*
*Hria ila ka zâwt dâwn che em ni?*
A hai der lui.
*A lo nih tak chu*
*Tukverha làwn leh kha ka châk riau*
Awi, a â leh tawh a nih hi. Text tawh lo teh ang, ka buai rei mai mai. A lo kal leh rêu rêu palh ang.
Ka hla play chu off-in data ka off nghâl, ka tukverh chu ka khâr nghâl sawk sawk a, parda ka hlîm thla leh bawk. He pa hi chu hnaih loh leh biak tam loh a him ber, hlauh a nei ve mang si lo.
Min tibuai thei tak tak dâwn, min biak hlek lahin ka thinlung a tidanglam zêl si, ka tân a thinlung a danglam ve àwm si lo, a duh dàn ang ni lova ka awm avàng chauhin min ngaihven der mai mai a ni tih ka pawm tùr a ni, kei tehlul hi min duh tak tak ngai dâwn lo tih ka hre chiang.
*I CHUNGA MI RILRU PUT DÀN DIK LEH DIK LOH LAM AI CHUAN MI CHUNGA I RILRU PUT DÀN DIK LEH DIK LOH KHA A PAWIMAWH HMASA ZÂWK*
In ngaihzawn tir tawh rawh😁
ReplyDeleteNgaihnawm thei eeee
ReplyDelete