☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 11 By Dingdi Pachuau
"Bawihi, lo kal thuai teh u, thil hrilh tùr che u țha lutuk ka nei a nia," uar zet hian Ruata chuan a lo ti hlâwi hlâwi a.
Ani hi chu a kam hi a țha ve a, kan chungah a sual hran lo bawk nèn, mi hian a ngeiawm thu sawi leh zauh țhìn mah se kan tân chuan a fel a, kan rêl ve ngai lo, bâkah, amah hi a intodelh roh a, pà viau lo mah se kan hmusit ve ngai lo, kan hmuhsit phâk lah a ni hek lo.
Dàwra kan luh veleh chuan Maremi hnênah chuan,"Marembawihte, kan țhianpa pakhatin 'min lo biak teh' a ti che a, ngawi lawk aw, a hmel ka hmuh ang che," tiin a phone chu a phawrh chhuak a.
Maremi nèn chuan kan inmelh a, ka mitko ka sàn ãk a, ani pawh chuti tho.
"Hei hi a nia, Hruaia a nih hi. Tlêm lai khân a pa a sûn a, Mizoramah a awm ngai mang lo va; mahse, a nu awmpui a ngai ta sia, a awm ve ta," a ti barh barh a.
A hmel chhe hran lo viau mai.
"Dik tak chuan hmeichhia a ngaihsak vak lo va, han hawi deuh hlek se chuan hmeichhe tam tak hian an pâk nasa dâwn lutuk! Nimina in college bâng in rawn pêng kha a hmu zuai che u a, i chanchin min zâwt ta nghâl chûk chûk a, phone pawhin ka hrilh phal lo che a nih kha. Mak ka ti asin aw!" a ti leh a.
"Mahse, Ruat, kan va phû lo àwm si ve-"
"Awi, a țha a nia aw. A farnute'n pasal an nei zo tawh a, a nu chu an ngaihtuah reng hman tawh lo, i duh phawt chuan a ro engkim i tâ vek tùr a nih chu. Duh rawh, a fel bawk si, i inchhîr miah lo ang," a ti leh zat zat a.
Leh hmiah mai a.
Kei chuan inla zei zet hian," Chutia tih ringawt? Mipa a nia, a hmeichhe duh chu pan ve se, an inah pawh lêng ve ang hmiang," ka lo ti zauh a. Maremi chuan min rawn melh rum a.
"Lêng dâwn chiang, in in awmna pawh ka hrilh vek tawh; mahse, hriat miah lova han lèn tawp chu a tih chi bîk loh a, tihian i hre tawh bawk a, zaninah a nih loh pawhin zan dangah a rawn lêng ang, lo be țha rawh aw, ka duhpui che a nia," a ti leh a.
Maremi chuan nui sen sen chung chuan," Mi lo lêng lo biak chhiat thu a awm hleinem, a lo lèn phawt chuan le," a ti a, Ruata hriatah a ti mai mai a nih ka ring, inlêng neih hi chu a la duh vak bîk lo.
"Mi fel a ni ka tih chuan a fel a ni mai, an chhûngkuaah mi sual an awm miah lo. Fapa neih chhun ni mah se a sual chuang lo, mi hausa tak an ni chu ka ti lo va; mahse, an intodelh thung," Ruata chuan nui chung hian a ti leh a.
"A țhat chu, a live-in han inhmu ve phawt se," tiin mit siai sak hian Maremi chu ka en phei a, ani chuan lei sei fê hian min lo chhuah khum a.
"Nakinah Zobawihi pasal ve thung tùr kan zawng ang, mi fel lutuk tho a ni ang. Essa hi chu a luck êm mai, hetiang chu buaina a tam duh. In fel dùn sia, pasal țha tak nei tùrin ka duh ve ve si che u a," a ti deuh ngei.
Kan nui ta vak vak a.
"Nui ringawt suh u, tûn aţanga zawn țan hi a pawi miah lo a nia, senior hnua zawn chu a buaithlak. In inneihnaah erawh min sâwm ve ve ang, pawimawh ka tum teh bawk a nia," a ti leh a.
"Pasal kan hmu zo ve ngai a nih chuan i pawimawh khawp ang!" ka lo ti a.
Zànah Essa chuan zàn dâr 10 dâwn hnaihah min rawn text leh tlat, mut ka tum tawh vànga data on ka ni.
*Kutkawr leh lukhum kha min lo pe teh*
Hm, a va hun lo chiang tak êm! In chung zâwlah a lo lût a ni leh pek tawh ang chu!
*Ka mu tawh* tiin ka chhâng.
*Mawh...? A vawt a nia*
Mâwla, Luhlula, Chimawmliana.
*Gate an kalh tawh* ka ti leh, zan tìr lamah Bti kha kalh tùrin a chhoh ngei kha.
*Kalh lo*
Ka va chiang leh ta si lo êm! A chho ve ngei bawk sia, a han theihnghilh leh em ni aw...
Peih lo zetin ka tho a, cupboard-a a thil ka dah chu lain dìm têin kawngkhàr chu ka hawng a, mi dang hmuh hlau tak chuan in chung lamah chuan ka indap chho ta a. Thim viau mah se dorm chhak lama light an chhit tlaivàr țhin êng avàng chuan ka pên dik chho ve zêl e.
Bti chuan a lo kalh lo tak tak, a lo la inhawng huau mai!
Gate bul têah chuan a lo ding hlûn mai, a lo la din rei loh hrâm ka beisei.
"Kha, la rawh, rawn kal tawh suh ka tih kha," tiin a kutkawr leh lukhum chu ka pe a, a kut chu ka tawk palh a, a lo vawt thlur tak tak mai! Chhùn lamah khua lum viau tawh mah se zan rei lamah chuan a la vawt tho a ni.
"Engtizia nge-"
"A vâwt! Min kuah lum teh!"
Amah zâwk chuan min rawn kuah thut a, ehh pawh ka ti hman lo. A bânte chu a vawt nguai mai, a lo ding rei tawh a ni maithei. Bâkah, kawr lum pawh a ha lo hrim hrim a, vâwt ti tùr chu a ni.
"Ka nghâk rei tawh che asin."
Kha, a ti tak tak! Mi dangin an hmu ang tih te hi a hlau ve mang si lo, a buaithlâk êm mai, min tihlauthãwng thei tak zet a ni.
"Haw rawh, lo kal ve ziah suh," han tih ka duh a nia; mahse, ka rilru ka thlâk thut, tûn ang zan rei tawha kawr lum hâk loh chu a mak êm a, eng emaw an in chhûngah harsatna a tâwk a nih ka ring ta deuh thut zâwk ringawt a nih chu.
"Engati nge kawr lum i hâk loh?" ka ti ta zâwk.
Min kuah nghet sauh sauh a, lum a tih phah chuan a zia ngawt ang chu. Heta a lo kal hi duh lo viau mah ila vawt ti taka a awm chu ka duh bîk lo.
"Shhh..."
Mi dangin kan țawng thãwm chu min lo hria em ni!! Ni lo, ka thin a phu nghâl dawt dawt mai! Hlauthãwng zetin ka ding khawng a, thâwk pawh ka thaw ring ngam tawh lo!
"Aw Lalpa, min man chhuahtîr lo hrâm rawh," ka ti mawlh mawlh.
"I rim tui hle mai."
He pa tak hi chuh! Mi mah hlauh náklaia! Ka chùm zawt lo chauh a ni.
Ka țawng a duh loh vàng lek niin!He pa nihphung ve hrim hrim hi a nih dâwn hi, thatchhiat hmel zeta țawng sup sup hi. Phone-ah phei chuan muthlu chungin min bia emaw tih mai tùr a ni ţhìn; mahse, pà ka ti tlat mai a nih chu.
A zia lo thei.
"Eng nge i ngaihtuah?"
Hrilh chi nâng.
"Haw tawh rawh," ka ti ta zâwk a.
"Hetia awm hi a nuam."
"A tlai tawh, bâkah, i inha bùl si!"
"Ka rawn lâwn leh a."
Lalpa leh! He pa tak hi chu aw, a ngaihna a awm hlawl lo, a tla palh ang tih pawh a hlau lo, mi dangin an hmu ang tih phei chu...
"Lâwn tawh suh, i tlâk pawh i hlau lo'm ni? Naupang luhlul ang sawi ang mai," ka ti hlak hlak a.
A nui nghawr dat.
"I lawmawm chiang a ni!0" a ti leh sup, keini pahnih thil inhrilh hian ram ropui kan thlen loh hmel êm mai, ka bei a tidawng.
"Puan lum ka rawn pe che ang a, chuan, haw tawh ang che. A tlai tawh lutuk, min hriat chhuaha min man i duh loh chuan haw ang che," ka ti ve thung a.
"Puan lum ai chuan kuah che ka duh zâwk!"
Ka ngaithla duh lo,"I lukhum leh kutkawr kha, hmang țangkai bawk ang che," tiin min kuahna ata chu ka tâl a, ani pawh chuan min thlah ve mai.
Fîmkhur takin ka chhuk leh a, puan lum pakhat ka neih ve chu la chhuakin in chungah chuan ka chho leh dà dá a, ka han thlen chhoh chuan hmuh tùr a lo awm tawh miah lo!
Ka hawi kual vêl a, ka hmu chuang lo, a kal ta a ni ngei ang. Sawi țhat ve mai tùr a nia, a chimawm thiamzia hi chu aw, chimawm thiamah chuan làwmman dawng tlâk a ni.
Ka chhuk hnuah mu tùra dâr zât ka en chuan message a lo hnutchhiah leh ràn tawh.
*I thil sawi kha ka pawm lo*
Ka ngaihtuah kual a, he pa hian ka thu sawi ve kha engah mah ngai lovin a duh zâwng a ni lo tihna a ni a, a chhan chu min hre lo angin awm ngai miau hek lo le. Kei lah hi a sawitu ni chung si hian ka thu sawi ngei ngei pawh ka bawhchhe ve zêl tho bawk a, tu thiam loh zâwk nge?
Ani chuan ka sawi anga awm kha a duh lo a ni ve mai a, kei a sawitu ngei pawh hian ka bawhchhiat tho si chuan kha ka thil sawi kha thil sâwt lo tak chu a ni. Thil sâwt lo sawi hi chu awmzia a awm lo, kamtam ka ni tihna.
Hm, pawm lo vêl mai mai teh se, keimah hi ka pawimawh. A thu hi ka zàwm ve ziah a, min zuam tawh lutuk ni berin ka hre ta mai. A buaithlâk zo vek, a dik lo vek tawh.
Tûkțhuan ei lai chuan Sangpuii'n," Nizàn khân ka hriat sual nge ni mipa leh hmeichhe phun deuh sar sar hi ka hria a, toilet-a ka kal laiin a nia," a tih chuan ka chaw țhial lai ka tàwp chiang kher mai! Chhei! Min man chhuak dâwn ta!
"I ngaithla chiang lo em ni?" Bti chuan a lo ti vat a.
"Pâwn lam daih niin ka hria a, ka hlau alawm, ka zung zo pawh a tlànin alâwm ka rawn tlàn phei le!" a lo ti vat a.
"Nula leh tlangvâl an tawm ve pawh a ni maithei asin," Rbi chuan a lo ti ve a.
"A niang, chutiang a nih phei chuan ngaihthlâk pawh ka duh lo ve a," a ti leh hlak a.
Ka thaw deuh huai huai! Ka thinphu pawh a zia țan. Min ring lo hlauh e, min rin ngaihna lah an hre hek lo ang. Bâkah, kan toilet ațang chuan kan țawng ri kha a hre phain ka ring lo, kan țawng ring lo va, mi hriat hlauva țawng zàwi kha kan ni ve tho si a, a hre pha thei lo.
College kan kal kawngah chuan Maremi chuan," Nizànah chuan a rawn lêng a," a tih sap chuan phâwk zet hian ka en a, nimin lama Ruata sawi kha ka ngaihtuah chhuak leh ta vat a.
"Chuan?" Phûr zet hian ka ti nghâl.
"A thlalâk ai khân ka hmu ngo zâwk a, a lang țha zâwkin ka hre bawk."
"A fel hmel bawk em?"
"Ka hre lo le, vawi khat lo lènnaah chuan hriat a har e," nui chung hian a ti a.
"A nih, i duh chi a ni thei ang em?" ka ti leh a.
"Ka hre thiam lo, lêrh chu a lêrh loh hmel khawp mai, en teh, Father-a'n a lo titipui hrep a nih chu, a zahthlâk tak tak!" a ti sap sap a.
"Mâkpa tùr interview a lo nei lâwk a nih chu," nui chung hian ka lo ti a.
"A zahthlâk alawm. Chuan, ka rin aiin a lo naupang tawh lo, kum 30 a pèl tawh a nih chu," a tih chuan kei chuan," I van hre thei! Engtin nge chûng thleng thlenga i lo hriat hman leh tawh a?" nui chung bawk hian ka ti leh a.
"Father-a'n a zâwt leh pek! Ka lo zak, hrehawm ka lo tihzia mai chu a-"
"Aaahh, i duh chiang mai! Yes, feelings a awm țan e," ka lo ti hmanhmawh a.
"Chutiang a la awm lo, ka huat zâwng a ni lo ringawt alawm. Bâkah, min duh tak tak teuh lo lutuk! A hna thawh a sâng bawk si, a zahthlâk chem chem," a ti leh sep sep a.
"Nia, hun a kal zêl ang a, a hriat mai ang chu," ka lo ti ve a, nizàn chungchâng kha hrilh ka tum zet a; mahse, ka hrilh leh ta lo, a pawimawh hran lo êm mai.
Break lai erawh chuan ka hrilh ve ta tho, ka hrilh loh chuan ka inthiam lo tawh! Ani'n engkim min hrilh a, keiin ka zêp leh tlat chuan țhian țhaah ka ngai lovin a ring ang tih ka hlau.
"Nih, engtin nge i tih zêl dâwn tâk? A rawn hmu lui zêl bawk si che a."
Thâwk ka la hawk a," Ka hre lo tak zet a ni, hrilh mah ila awmźia a awm hauh si lo va," ka tih chuan," Ni mai ula?" a lo ti sap .
"Sawi suh! I tih dàn takah, min duh tak tak teuh lo êm mai, bâkah, ngaih,âwng nei thei pawh ka nih loh hi," ka lo ti thung a.
"Nihpui lo mah la, a rawn hmu lui zêl tho che sia? I buai phah mai mai lo maw?"
"Min tihlauthâwng thei tak tak!"
A nui sen sen a," A che mak ve ngawt mai! I rin dàn chu a ni lo maithei a; mahse, kei chuan a duh viau chein ka hre tlat a nih chu," a ti sap a.
Tak tak ni hlauh se aw!
Mahse, ani chu tlangvâl luck tak a ni.
*I CHANCHIN ȚHA LAI SAWI TAM LO LA, MI CHANCHIN ȚHA LAI SAWI TAM I TUM ZÂWK DÂWN NIA*
"Bawihi, lo kal thuai teh u, thil hrilh tùr che u țha lutuk ka nei a nia," uar zet hian Ruata chuan a lo ti hlâwi hlâwi a.
Ani hi chu a kam hi a țha ve a, kan chungah a sual hran lo bawk nèn, mi hian a ngeiawm thu sawi leh zauh țhìn mah se kan tân chuan a fel a, kan rêl ve ngai lo, bâkah, amah hi a intodelh roh a, pà viau lo mah se kan hmusit ve ngai lo, kan hmuhsit phâk lah a ni hek lo.
Dàwra kan luh veleh chuan Maremi hnênah chuan,"Marembawihte, kan țhianpa pakhatin 'min lo biak teh' a ti che a, ngawi lawk aw, a hmel ka hmuh ang che," tiin a phone chu a phawrh chhuak a.
Maremi nèn chuan kan inmelh a, ka mitko ka sàn ãk a, ani pawh chuti tho.
"Hei hi a nia, Hruaia a nih hi. Tlêm lai khân a pa a sûn a, Mizoramah a awm ngai mang lo va; mahse, a nu awmpui a ngai ta sia, a awm ve ta," a ti barh barh a.
A hmel chhe hran lo viau mai.
"Dik tak chuan hmeichhia a ngaihsak vak lo va, han hawi deuh hlek se chuan hmeichhe tam tak hian an pâk nasa dâwn lutuk! Nimina in college bâng in rawn pêng kha a hmu zuai che u a, i chanchin min zâwt ta nghâl chûk chûk a, phone pawhin ka hrilh phal lo che a nih kha. Mak ka ti asin aw!" a ti leh a.
"Mahse, Ruat, kan va phû lo àwm si ve-"
"Awi, a țha a nia aw. A farnute'n pasal an nei zo tawh a, a nu chu an ngaihtuah reng hman tawh lo, i duh phawt chuan a ro engkim i tâ vek tùr a nih chu. Duh rawh, a fel bawk si, i inchhîr miah lo ang," a ti leh zat zat a.
Leh hmiah mai a.
Kei chuan inla zei zet hian," Chutia tih ringawt? Mipa a nia, a hmeichhe duh chu pan ve se, an inah pawh lêng ve ang hmiang," ka lo ti zauh a. Maremi chuan min rawn melh rum a.
"Lêng dâwn chiang, in in awmna pawh ka hrilh vek tawh; mahse, hriat miah lova han lèn tawp chu a tih chi bîk loh a, tihian i hre tawh bawk a, zaninah a nih loh pawhin zan dangah a rawn lêng ang, lo be țha rawh aw, ka duhpui che a nia," a ti leh a.
Maremi chuan nui sen sen chung chuan," Mi lo lêng lo biak chhiat thu a awm hleinem, a lo lèn phawt chuan le," a ti a, Ruata hriatah a ti mai mai a nih ka ring, inlêng neih hi chu a la duh vak bîk lo.
"Mi fel a ni ka tih chuan a fel a ni mai, an chhûngkuaah mi sual an awm miah lo. Fapa neih chhun ni mah se a sual chuang lo, mi hausa tak an ni chu ka ti lo va; mahse, an intodelh thung," Ruata chuan nui chung hian a ti leh a.
"A țhat chu, a live-in han inhmu ve phawt se," tiin mit siai sak hian Maremi chu ka en phei a, ani chuan lei sei fê hian min lo chhuah khum a.
"Nakinah Zobawihi pasal ve thung tùr kan zawng ang, mi fel lutuk tho a ni ang. Essa hi chu a luck êm mai, hetiang chu buaina a tam duh. In fel dùn sia, pasal țha tak nei tùrin ka duh ve ve si che u a," a ti deuh ngei.
Kan nui ta vak vak a.
"Nui ringawt suh u, tûn aţanga zawn țan hi a pawi miah lo a nia, senior hnua zawn chu a buaithlak. In inneihnaah erawh min sâwm ve ve ang, pawimawh ka tum teh bawk a nia," a ti leh a.
"Pasal kan hmu zo ve ngai a nih chuan i pawimawh khawp ang!" ka lo ti a.
Zànah Essa chuan zàn dâr 10 dâwn hnaihah min rawn text leh tlat, mut ka tum tawh vànga data on ka ni.
*Kutkawr leh lukhum kha min lo pe teh*
Hm, a va hun lo chiang tak êm! In chung zâwlah a lo lût a ni leh pek tawh ang chu!
*Ka mu tawh* tiin ka chhâng.
*Mawh...? A vawt a nia*
Mâwla, Luhlula, Chimawmliana.
*Gate an kalh tawh* ka ti leh, zan tìr lamah Bti kha kalh tùrin a chhoh ngei kha.
*Kalh lo*
Ka va chiang leh ta si lo êm! A chho ve ngei bawk sia, a han theihnghilh leh em ni aw...
Peih lo zetin ka tho a, cupboard-a a thil ka dah chu lain dìm têin kawngkhàr chu ka hawng a, mi dang hmuh hlau tak chuan in chung lamah chuan ka indap chho ta a. Thim viau mah se dorm chhak lama light an chhit tlaivàr țhin êng avàng chuan ka pên dik chho ve zêl e.
Bti chuan a lo kalh lo tak tak, a lo la inhawng huau mai!
Gate bul têah chuan a lo ding hlûn mai, a lo la din rei loh hrâm ka beisei.
"Kha, la rawh, rawn kal tawh suh ka tih kha," tiin a kutkawr leh lukhum chu ka pe a, a kut chu ka tawk palh a, a lo vawt thlur tak tak mai! Chhùn lamah khua lum viau tawh mah se zan rei lamah chuan a la vawt tho a ni.
"Engtizia nge-"
"A vâwt! Min kuah lum teh!"
Amah zâwk chuan min rawn kuah thut a, ehh pawh ka ti hman lo. A bânte chu a vawt nguai mai, a lo ding rei tawh a ni maithei. Bâkah, kawr lum pawh a ha lo hrim hrim a, vâwt ti tùr chu a ni.
"Ka nghâk rei tawh che asin."
Kha, a ti tak tak! Mi dangin an hmu ang tih te hi a hlau ve mang si lo, a buaithlâk êm mai, min tihlauthãwng thei tak zet a ni.
"Haw rawh, lo kal ve ziah suh," han tih ka duh a nia; mahse, ka rilru ka thlâk thut, tûn ang zan rei tawha kawr lum hâk loh chu a mak êm a, eng emaw an in chhûngah harsatna a tâwk a nih ka ring ta deuh thut zâwk ringawt a nih chu.
"Engati nge kawr lum i hâk loh?" ka ti ta zâwk.
Min kuah nghet sauh sauh a, lum a tih phah chuan a zia ngawt ang chu. Heta a lo kal hi duh lo viau mah ila vawt ti taka a awm chu ka duh bîk lo.
"Shhh..."
Mi dangin kan țawng thãwm chu min lo hria em ni!! Ni lo, ka thin a phu nghâl dawt dawt mai! Hlauthãwng zetin ka ding khawng a, thâwk pawh ka thaw ring ngam tawh lo!
"Aw Lalpa, min man chhuahtîr lo hrâm rawh," ka ti mawlh mawlh.
"I rim tui hle mai."
He pa tak hi chuh! Mi mah hlauh náklaia! Ka chùm zawt lo chauh a ni.
Ka țawng a duh loh vàng lek niin!He pa nihphung ve hrim hrim hi a nih dâwn hi, thatchhiat hmel zeta țawng sup sup hi. Phone-ah phei chuan muthlu chungin min bia emaw tih mai tùr a ni ţhìn; mahse, pà ka ti tlat mai a nih chu.
A zia lo thei.
"Eng nge i ngaihtuah?"
Hrilh chi nâng.
"Haw tawh rawh," ka ti ta zâwk a.
"Hetia awm hi a nuam."
"A tlai tawh, bâkah, i inha bùl si!"
"Ka rawn lâwn leh a."
Lalpa leh! He pa tak hi chu aw, a ngaihna a awm hlawl lo, a tla palh ang tih pawh a hlau lo, mi dangin an hmu ang tih phei chu...
"Lâwn tawh suh, i tlâk pawh i hlau lo'm ni? Naupang luhlul ang sawi ang mai," ka ti hlak hlak a.
A nui nghawr dat.
"I lawmawm chiang a ni!0" a ti leh sup, keini pahnih thil inhrilh hian ram ropui kan thlen loh hmel êm mai, ka bei a tidawng.
"Puan lum ka rawn pe che ang a, chuan, haw tawh ang che. A tlai tawh lutuk, min hriat chhuaha min man i duh loh chuan haw ang che," ka ti ve thung a.
"Puan lum ai chuan kuah che ka duh zâwk!"
Ka ngaithla duh lo,"I lukhum leh kutkawr kha, hmang țangkai bawk ang che," tiin min kuahna ata chu ka tâl a, ani pawh chuan min thlah ve mai.
Fîmkhur takin ka chhuk leh a, puan lum pakhat ka neih ve chu la chhuakin in chungah chuan ka chho leh dà dá a, ka han thlen chhoh chuan hmuh tùr a lo awm tawh miah lo!
Ka hawi kual vêl a, ka hmu chuang lo, a kal ta a ni ngei ang. Sawi țhat ve mai tùr a nia, a chimawm thiamzia hi chu aw, chimawm thiamah chuan làwmman dawng tlâk a ni.
Ka chhuk hnuah mu tùra dâr zât ka en chuan message a lo hnutchhiah leh ràn tawh.
*I thil sawi kha ka pawm lo*
Ka ngaihtuah kual a, he pa hian ka thu sawi ve kha engah mah ngai lovin a duh zâwng a ni lo tihna a ni a, a chhan chu min hre lo angin awm ngai miau hek lo le. Kei lah hi a sawitu ni chung si hian ka thu sawi ngei ngei pawh ka bawhchhe ve zêl tho bawk a, tu thiam loh zâwk nge?
Ani chuan ka sawi anga awm kha a duh lo a ni ve mai a, kei a sawitu ngei pawh hian ka bawhchhiat tho si chuan kha ka thil sawi kha thil sâwt lo tak chu a ni. Thil sâwt lo sawi hi chu awmzia a awm lo, kamtam ka ni tihna.
Hm, pawm lo vêl mai mai teh se, keimah hi ka pawimawh. A thu hi ka zàwm ve ziah a, min zuam tawh lutuk ni berin ka hre ta mai. A buaithlâk zo vek, a dik lo vek tawh.
Tûkțhuan ei lai chuan Sangpuii'n," Nizàn khân ka hriat sual nge ni mipa leh hmeichhe phun deuh sar sar hi ka hria a, toilet-a ka kal laiin a nia," a tih chuan ka chaw țhial lai ka tàwp chiang kher mai! Chhei! Min man chhuak dâwn ta!
"I ngaithla chiang lo em ni?" Bti chuan a lo ti vat a.
"Pâwn lam daih niin ka hria a, ka hlau alawm, ka zung zo pawh a tlànin alâwm ka rawn tlàn phei le!" a lo ti vat a.
"Nula leh tlangvâl an tawm ve pawh a ni maithei asin," Rbi chuan a lo ti ve a.
"A niang, chutiang a nih phei chuan ngaihthlâk pawh ka duh lo ve a," a ti leh hlak a.
Ka thaw deuh huai huai! Ka thinphu pawh a zia țan. Min ring lo hlauh e, min rin ngaihna lah an hre hek lo ang. Bâkah, kan toilet ațang chuan kan țawng ri kha a hre phain ka ring lo, kan țawng ring lo va, mi hriat hlauva țawng zàwi kha kan ni ve tho si a, a hre pha thei lo.
College kan kal kawngah chuan Maremi chuan," Nizànah chuan a rawn lêng a," a tih sap chuan phâwk zet hian ka en a, nimin lama Ruata sawi kha ka ngaihtuah chhuak leh ta vat a.
"Chuan?" Phûr zet hian ka ti nghâl.
"A thlalâk ai khân ka hmu ngo zâwk a, a lang țha zâwkin ka hre bawk."
"A fel hmel bawk em?"
"Ka hre lo le, vawi khat lo lènnaah chuan hriat a har e," nui chung hian a ti a.
"A nih, i duh chi a ni thei ang em?" ka ti leh a.
"Ka hre thiam lo, lêrh chu a lêrh loh hmel khawp mai, en teh, Father-a'n a lo titipui hrep a nih chu, a zahthlâk tak tak!" a ti sap sap a.
"Mâkpa tùr interview a lo nei lâwk a nih chu," nui chung hian ka lo ti a.
"A zahthlâk alawm. Chuan, ka rin aiin a lo naupang tawh lo, kum 30 a pèl tawh a nih chu," a tih chuan kei chuan," I van hre thei! Engtin nge chûng thleng thlenga i lo hriat hman leh tawh a?" nui chung bawk hian ka ti leh a.
"Father-a'n a zâwt leh pek! Ka lo zak, hrehawm ka lo tihzia mai chu a-"
"Aaahh, i duh chiang mai! Yes, feelings a awm țan e," ka lo ti hmanhmawh a.
"Chutiang a la awm lo, ka huat zâwng a ni lo ringawt alawm. Bâkah, min duh tak tak teuh lo lutuk! A hna thawh a sâng bawk si, a zahthlâk chem chem," a ti leh sep sep a.
"Nia, hun a kal zêl ang a, a hriat mai ang chu," ka lo ti ve a, nizàn chungchâng kha hrilh ka tum zet a; mahse, ka hrilh leh ta lo, a pawimawh hran lo êm mai.
Break lai erawh chuan ka hrilh ve ta tho, ka hrilh loh chuan ka inthiam lo tawh! Ani'n engkim min hrilh a, keiin ka zêp leh tlat chuan țhian țhaah ka ngai lovin a ring ang tih ka hlau.
"Nih, engtin nge i tih zêl dâwn tâk? A rawn hmu lui zêl bawk si che a."
Thâwk ka la hawk a," Ka hre lo tak zet a ni, hrilh mah ila awmźia a awm hauh si lo va," ka tih chuan," Ni mai ula?" a lo ti sap .
"Sawi suh! I tih dàn takah, min duh tak tak teuh lo êm mai, bâkah, ngaih,âwng nei thei pawh ka nih loh hi," ka lo ti thung a.
"Nihpui lo mah la, a rawn hmu lui zêl tho che sia? I buai phah mai mai lo maw?"
"Min tihlauthâwng thei tak tak!"
A nui sen sen a," A che mak ve ngawt mai! I rin dàn chu a ni lo maithei a; mahse, kei chuan a duh viau chein ka hre tlat a nih chu," a ti sap a.
Tak tak ni hlauh se aw!
Mahse, ani chu tlangvâl luck tak a ni.
*I CHANCHIN ȚHA LAI SAWI TAM LO LA, MI CHANCHIN ȚHA LAI SAWI TAM I TUM ZÂWK DÂWN NIA*
Comments
Post a Comment