☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 12 By Dingdi Pachuau
Ka ngaihtuahnaah thil dang a lo lût thut.
"Kei thingtlâng nula mai mai hi min duh tak tak hauh lo ang, engtin emaw a țhiante nèn min ngaihzàwn theih leh theih lohah an inchàwi a niang, ka rilruah a rawn lût thut, a dik a ni ngei ang," ka ti ta a.
"Awihawm loh! Chutiang a ni lo ang."
"Kan hre miah lo. Ngaihtuah la, ani ang tlangvâl luck tân kei ve mai...ni lo, a ni lo alawm, ka lo pâk ve vak loh vàng kha a ni ngei ang, a țhiante khân ' Ngaizâwng lui rawh' an ti a ni ngei ang, chu chu ka ring tlat a ni," ka ti leh a.
"I hlauhthàwn vàng mai mai a nih kha, chutiangin an ti lo tawp ang," a ti leh a.
"Thil ni thei tak a ni, hmelțha leh pian nalh ka ni lo va, mi lâr leh hausa fanu lah ka ni hek lo. Ka hnial vàng chauh a ni, a duh zâwng mi ka ni thei lo, eng emaw chu a awm ngei ang," ka ti leh tlat a.
Ani pawh chuan min chhan ngaihna a hre tawh lo a ni ang, a ngawi ve ta.
Ka ngaihtuah ngun poh leh ka thil sawi chu ka ring ta tù tú mai, ka rin thu mai kha a ni na a, tunah chuan ka ring ta hle a ni. A tìra Sangzuala ka rinzia te kha, min duh ve tak tak emaw ka ti a, hmelțha ka tih a lo ni sa bawk nèn, min han hawi deuh kha chuan ka lo 'yes' nasa a nih kha. Ka rilru ka pêk zet tawh hnuah kan inkâr kha a lem, tenawm taka ruahman chawp a lo ni reng si, khatiang kha chu tawn leh ka duh tawh lo, chuvàng chauh chuan mipa lakah ka inthiar fihlîm hrâm hrâm a nih hi.
Mahse, ka buaina ber chu he pa ka duh ve țan ta viau hi a ni. Ka hmu zing telh telh a, ka ngaihven lo emaw ka tih chhûngin amah ngaihtuah leh veng veng ka chîng țan, ka duh lo tak zet. Min duh tak tak theiin ka ring lo, mi dang zawng zawng rin dàn tùr pawh a ni ang. A nungchang leh a dinhmun tak tak chu ka va hre chiang hauh lo; mahse, mi rethei tak fapa chu a ni lo chiang. A hawiher leh cheziaah a hriat bâkah mi awm chut chut chi a ni lo bawk, chuan a luck avàngin a lêrh bawk ang. Ka tân chuan a sâng, bâkah, min duh tak tak thei lo, chu chu a ni tawp mai.
Ka zâwt khawl tawh ang.
A reh leh ta vang vang rih. Hetiang a nih vàng tak hian a ni ka ngaihtuah veng veng țhin, rawn lang zutin min rawn be zut se chuan ka rilruah ka ngaihtuah zui chiam lo ang. Khawiah nge a kal ang, eng nge a tih, nula nèn an awm dùn ang em, nge a țhiante nèn an intlànsiak leh ang, tu nula nge a hruai ang tih zawng zawng, thil țûl lo tak tak a ni ka lo ngaihtuah kual fo ni.
Ka ngaihtuahna a tibuai ru fo a; mahse, lehkha zir thei lo khawp chuan a ni lo. Ka bialpa a ni tlat lo va, bâkah, tenawm taka ruahmanna a awma ka rin tlat vàng pawh a ni ang chu, ka ngaihtuah duh lo lui ngar ngar țhìn.
Hruaia erawh chuan hma sáwn a tum viau a nih hmel, hun remchâng a neih chuan zànah rei lo tê tê pawh Maremi rîm chuan a lêng ta zauh zauh. Hun erawh a nei tam bîk lo va, a nu chauh ina a awm țhin avàngin a lêng rei ngai lo thung. A nu a care viau mai chuan mipa sual tak a ni lo ang tih min rintîr a, Maremi tân a țha ngawt ang chu. Mipa intodelh, fel bawk si, hmelchhe bawk si lo chu tûnlaiah chuan vâng tawh tak an ni, Maremi hian duh ve ngei se ka ti.
A bulah pawh ka sawi nghe nghe a, a nui ringawt.
"Duh rawh, a țha ang. Hmeichhe tân chuan min duhtute hi alawm hlû le," ka ti a.
"Essa pawhin a duh tho che a."
"A, anite chu a, a dang daih," ka ti ringawt a.
"A duh che tih phâ hauh suh, duh lotu che hian zàn khaw vâwtah a rawn pan a rawn pan peih lo ang che," a ti leh a.
"Țawng zàwi deuh teh," ti sapin ka hawi kual a, kan thu sawi chu mi dangin an hria ang tih ka hlau.
"A dik chiang a ni, duh lotu che hian a rawn pan a rawn pan lo ang che, tih tak takah chuan lehkha zir chung pawhin ngaihzâwng chu a neih theih reng alawm. Result țha neih loh i hlauh phah ang a, i result-te a hriat ve zêl dâwn avàngin, kei chu ka țang sauh țhìn asin," a ti leh sap sap a.
Kan va inang lo tak! Kei ve kha chuan ka tlâkchhiat phah nasa a ni si a, Maremi ngaihtuah ang hian rilru kha ka lo sêng ngai miah lo, hmuh tluk tluk reng mai kha ka duh ber kha a ni miau a.
"I ti țha bîk hle mai."
"Ni lo, mihring chu kan inang vek lo alawm, ka hria e. Khâng hun lai kha chuan hetiang hian i ngaihtuah pha tawp nâng, tleiràwl zual lai kha a ni bawk nèn, i rilru a ti â vek tih ka hria alawm; mahse, tunah chuan i rilru a puitling tawh a, bâkah, țan sauh phah nân i hmang thiam tawh bawk ang a, a țha khawpin ka ring zâwk a ni," a ti leh dap dap a.
"Nang chu, țawngkam hi i thiam ve e," ka tih chuan meng phâwk zet hian min en a, a hnuah phei chuan a nui ta hak hak a.
"I va sual tak!" tiin min rawn sik phawt a, a hnuah erawh chuan," Ih maw, ka khawngaih che u alawm. Ni țha ve pângngai mai ula. Nang pawhin i hnar tak tak thei si lo va, ani lah a rawn lang ve leh hlawl zêl bawk sia," zàwi sap hian a rawn ti leh sar sar a.
Ka țhiannu hian min lo hre chiang hle a nih hi. Nia, ka hnar tak tak thei lo, min kuah leh min fawh pawhin ka hnar theih miah loh kha, ka duh ve tlat tawh a ni. Hnar han tumin han hnial tum ve viau mah ila a rawn lan chuan a ngai tê bawk, a duh dàn angin ka awm leh nge nge ţhìn.
"A dik alawm," ka ti ta nge nge. A hnuah erawh," Mahse, a awm dàn hi hriat thiam a har e, ka laklawh tlat. Bâkah, a khawsak phung leh nungchangte hi ka hre chiang lo êm a," ka tih leh chuan," I hre chiang chho zêl mai dâwn alawm," a lo la ti zêl a.
"Ni hmasa phawt r'u," nui chung hian ka ti a, ani pawh a lo nui ve tho. Kan titi chu mi dangin lo hria se chuan ho min ti viau ang chu.
Chimawmliana chu a reh leh ta vang vang. A chêt dàn hi a mak ka ti țhìn, a chângin a rawn lawr sek a, a hnuah a reh leh vang vang a, hetia a reh deuh vang vang hian ka ngai tlat țhìn alawm, amah ngaia min siam hi a tum a nih chuan a tum chu a tihlawhtling ve thei khawp ang chu.
Zan khat chu a rawn lang leh hlawl mai! In chung zâwla ka kawr pho ka seng theihnghilh senga ka chho lawk chu min lo chãng reng a ni chêk ang chu, ka hnungah thâwm nei miah lovin min lo zui zêl ni tùr a ni, ka thawmhnaw ka dah fel ka inher nèn chuan kan inhmachhawn ta thut mai a nih chu!!!
Ka phu nasa lutuk a, ka au chhuak tùr chu a kutin ka hmui a rawn hup hman, chuti chu ni lo se chuan mi dangin ka au ri an lo hria ang a, ka mualpho nasa khawp ang chu.
Mak ti zetin ka en chho a, ani lahin min rawn melh chhùk ve rùn bawk. A kutin ka hmui a la hup reng avàngin ka thaw a chham țêp; mahse, ka lo hrechang hauh lo, chu ai chuan a mitko thî ser ser leh a hmui sîr thî niai ka hmu chu mak ka ti lutuk!
A kut lehlam zungchal a hmuia dah chhoa țawng lo tùra min warning hnuah chauh chuan ka hmui a hupna chu a la sawn ve chauh. Ka thaw huai nghâl a, ka thin erawh a la phu nasa.
"Ka rilrua lang hmasa ber i nia, ka rawn kal tawp."
A rilruah ka lang hmasa ber! Hriat nuam lo tak chu a va ni lo êm! Mak deuh mai chu a lak ațanga ka indaidanna bang kha tunah tak hi chuan a bo hmak! Thil dang a sawi leh hmain kawngkhàr ka va kalh phawt, a mitko thî leh a hmui sîr thî hi eng emaw ka hnawihsak phawt a ngai a ni.
Betadine awm se aw...Tendercare ka nei tak e, hnawih ila a zia thei ang.
"Țhu rawh," tiin zaizirin plastic chair chu ka kawhhmuh a, a țhu ve mai bawk a. Tendercare chu lain lapua tlêm la awm chu ka la chhuak bawk a, tuiah tihuhin a thî chu ka hrûk faisak phawt a.
"Thil thleng min zâwt dâwn lo em ni?"
"A fài hmasak a pawimawh."
Thî ka tihfài hnu chuan tendercare chu ka hnawihsak leh a, chubâk hnawih tùr ka nei tlat lo, țhiante dìl lah ka duh si lo.
"Engati nge inhre lo anga awm kha i duh tlat a?"
A ti leh ta, tûn țum chu dik takin ka'n chhâng tawh ang e.
"Zopui, i inkalh tawh elo? Lo hawng lawk teh."
Rbi. A lo kal! Ka rilru chiaizia mai chuh!! Mihring țawng hian ka sawi fiah thiam lo zâwk, ka hlauthâwng lutuk chu ka hmai hi a duk tlawk tlawkin ka ring hial! Kan țawngte kha a hria a ni lo maw? Lalpa...
"Aw...ngawi lawk aw,..a, ka...inthlâk a.." ka ti bah nawk ringawt. Hmanhmawh zet hian ka khum hnuai chu ka kâwk a, ka hlauhthàwnna chu a hre thiam a ni ngei ang, ka thu a awih ve mai.
Khum hnuaia a tawlh luh fel hnuah chuan kawngka chu ka va hawng chauh, hlauthâwng hmel put loh hrâm hrâm ka tum, ka hmui ka pet fan fan.
"I scale sei kha ka lo hawh duh lawk a."
Earphone-in zai a lo ngaithla leh tawh a nih hi, a va tihzia tak! Kan țawng kha a hre dâwn lo tihna.
Dawhkàn chunga ka dah chu lain ka pe ta vat a, ani chuan nui var var hian," Ka lâwm e, ka rawn pe leh vat ang che," a ti a, rang zet, ring deuh hlek hian," A ngai lo, naktûkah min pe mai dâwn nia," ka ti thung. A rawn kal nawn tawh loh hrâm ka beisei.
Khum hnuai ațanga rawn tawlh chhuakin a nui suk; mahse, a hmui chu a han tawk zauh, a na deuh sak a ni ngei ang. Hetiang hunah pawh a la nui thei a nia, a nuam àwm bîk e.
"Kal tawh rawh."
"Naktûkah inhmu lawk ang."
"Eng atân?"
"A țûl."
Ka țanpuina a lo mamawh ve mial pawh a ni thei asin.
"Dàwr nghah ka ngaih kha."
"Ka rawn kal ang."
A kal chu ka zui ve a, rawn inher thutin a âwmah ka lu ka va tauh dawt mai! A la nui nghawr dat zui!
"Làwmthu ka la sawi lo," ti a phun supin a rawn kûn hniam zat a, ka biang tawn tawnah vuanin ka hmuiah a rawn fâwp ta chat. Kei lahin lo hnial a hnêkin rang zetin ka lo chhâng lêt nghâl zat.
A hmui sîr nâ lam kha kan hrechang tawh miah lo! Kei phei chuan ka hriat tawh lohzia mai chuh, hostel-a ka room-ah kan awm tih pawh ka hre tawh lo, an sawi van ram tla fualah kan lêng deng deng niin ka hre zâwk!
"Kat, min ti â zo tawh!"
A thil sawi chuan min tiphûr sauh! Kei hian ka ti â zo tawh a nih chu! Ka theih anga uar hian ka fâwp lêt tàwn táwn, ka duhzia hi hre ve tùrin ka duh a ni.
"Kat...Kat...ka duh che."
"Kei pawhin...ka duh che."
Duh leh duh intawng chu, kan inhaw lo tawn khawp mai!
Kan tàwp meuh chuan min lo pawm kãng tawh a, a nghâwngah kuahin a kâwngah ka ke pahnihin ka lo kherh bet reng niin! Inhnaih zetin kan inen a, kan thaw dùn ham ham bawk.
"A nâ em?" ti sapin a hmui chu ka khawihsak a.
"Riah ve mai ka duh!"
Chutia a țawng chhuah tâkah chuan ka zak thar ta deuh thut! Ka chhia leh țha hriatna an rawn lêt sung sung a, a mitah pawh en ngam lo chuan hmun dang ka melh ta daih.
"Min duh tawh, i rilru i lamlêt thei tawh lo ang."
Deuh tlat chuan.
"I chhuk dâwn nge ka hawpui dâwn che?"
Ka tâl chhuk ta vat. Ka awm dàn chu a va zahpuiawm tak! Kal thuai thuai se blanket-a inkhuha insih vak vak ka duh tawh!
"Naktûk chu aw, ka rawn hmu ang che."
A kal hma chuan kan inmuah leh vawng vawng, kan induh thu kan inhrilh ve ve tawh bawk a, insùmkàr ka peih tawh lo, ka duh tih ka chezia thleng pawhin hria se ka duh.
"Kal tawh rawh."
Kan inthlah thei tak tak dâwn lovin ka hria a, țawngkam tala ka thlah a ngai.
"Mahse, i bula awm ka duh alawm."
Keia bula awm a han thlahlel ve a nia, a tân eng ual ka ni dèr si lo. Min thlâkhlelhna țawngkam ringawt pawhin min tihlim veng veng thei chu a ni si a...
"Naktûkah kan inhmuh dâwn chu."
"Naktûk daih a nih chu!"
Naupang chhia mai mai! A inhmeh lo ti rilru viau mah ila a lawmawm roh ka ti mang e.
"Ka bialnu i ni."
Ka sen ap apin ka ring; mahse, nuam ka ti tho si.
Maremi hnêna ka hrilh chuan a au râih a, hlim nui var var hian," A va țha ve! Mahse, ka rin aiin in tirang leh si, ka lawmpui tawp che, in induh tih in inhrilh tawh bawk sia, a nuam ngawt ang!" a ti sar sar a.
Nui var var chung hian," Vawiinah pawh kan inhmu dâwn, dàwrah," ka ti a, ani chuan," Awi, chance neih a va har dâwn ve!" a lo ti sap.
"Sual kan ti lo nge nge ang chu!" Nui pâwt pâwt chung hian ka lo ti a.
*MI FEL BULA AWM AIIN MI ȚHA BULA AWM A HAHDAM ZÂWK*
Ka ngaihtuahnaah thil dang a lo lût thut.
"Kei thingtlâng nula mai mai hi min duh tak tak hauh lo ang, engtin emaw a țhiante nèn min ngaihzàwn theih leh theih lohah an inchàwi a niang, ka rilruah a rawn lût thut, a dik a ni ngei ang," ka ti ta a.
"Awihawm loh! Chutiang a ni lo ang."
"Kan hre miah lo. Ngaihtuah la, ani ang tlangvâl luck tân kei ve mai...ni lo, a ni lo alawm, ka lo pâk ve vak loh vàng kha a ni ngei ang, a țhiante khân ' Ngaizâwng lui rawh' an ti a ni ngei ang, chu chu ka ring tlat a ni," ka ti leh a.
"I hlauhthàwn vàng mai mai a nih kha, chutiangin an ti lo tawp ang," a ti leh a.
"Thil ni thei tak a ni, hmelțha leh pian nalh ka ni lo va, mi lâr leh hausa fanu lah ka ni hek lo. Ka hnial vàng chauh a ni, a duh zâwng mi ka ni thei lo, eng emaw chu a awm ngei ang," ka ti leh tlat a.
Ani pawh chuan min chhan ngaihna a hre tawh lo a ni ang, a ngawi ve ta.
Ka ngaihtuah ngun poh leh ka thil sawi chu ka ring ta tù tú mai, ka rin thu mai kha a ni na a, tunah chuan ka ring ta hle a ni. A tìra Sangzuala ka rinzia te kha, min duh ve tak tak emaw ka ti a, hmelțha ka tih a lo ni sa bawk nèn, min han hawi deuh kha chuan ka lo 'yes' nasa a nih kha. Ka rilru ka pêk zet tawh hnuah kan inkâr kha a lem, tenawm taka ruahman chawp a lo ni reng si, khatiang kha chu tawn leh ka duh tawh lo, chuvàng chauh chuan mipa lakah ka inthiar fihlîm hrâm hrâm a nih hi.
Mahse, ka buaina ber chu he pa ka duh ve țan ta viau hi a ni. Ka hmu zing telh telh a, ka ngaihven lo emaw ka tih chhûngin amah ngaihtuah leh veng veng ka chîng țan, ka duh lo tak zet. Min duh tak tak theiin ka ring lo, mi dang zawng zawng rin dàn tùr pawh a ni ang. A nungchang leh a dinhmun tak tak chu ka va hre chiang hauh lo; mahse, mi rethei tak fapa chu a ni lo chiang. A hawiher leh cheziaah a hriat bâkah mi awm chut chut chi a ni lo bawk, chuan a luck avàngin a lêrh bawk ang. Ka tân chuan a sâng, bâkah, min duh tak tak thei lo, chu chu a ni tawp mai.
Ka zâwt khawl tawh ang.
A reh leh ta vang vang rih. Hetiang a nih vàng tak hian a ni ka ngaihtuah veng veng țhin, rawn lang zutin min rawn be zut se chuan ka rilruah ka ngaihtuah zui chiam lo ang. Khawiah nge a kal ang, eng nge a tih, nula nèn an awm dùn ang em, nge a țhiante nèn an intlànsiak leh ang, tu nula nge a hruai ang tih zawng zawng, thil țûl lo tak tak a ni ka lo ngaihtuah kual fo ni.
Ka ngaihtuahna a tibuai ru fo a; mahse, lehkha zir thei lo khawp chuan a ni lo. Ka bialpa a ni tlat lo va, bâkah, tenawm taka ruahmanna a awma ka rin tlat vàng pawh a ni ang chu, ka ngaihtuah duh lo lui ngar ngar țhìn.
Hruaia erawh chuan hma sáwn a tum viau a nih hmel, hun remchâng a neih chuan zànah rei lo tê tê pawh Maremi rîm chuan a lêng ta zauh zauh. Hun erawh a nei tam bîk lo va, a nu chauh ina a awm țhin avàngin a lêng rei ngai lo thung. A nu a care viau mai chuan mipa sual tak a ni lo ang tih min rintîr a, Maremi tân a țha ngawt ang chu. Mipa intodelh, fel bawk si, hmelchhe bawk si lo chu tûnlaiah chuan vâng tawh tak an ni, Maremi hian duh ve ngei se ka ti.
A bulah pawh ka sawi nghe nghe a, a nui ringawt.
"Duh rawh, a țha ang. Hmeichhe tân chuan min duhtute hi alawm hlû le," ka ti a.
"Essa pawhin a duh tho che a."
"A, anite chu a, a dang daih," ka ti ringawt a.
"A duh che tih phâ hauh suh, duh lotu che hian zàn khaw vâwtah a rawn pan a rawn pan peih lo ang che," a ti leh a.
"Țawng zàwi deuh teh," ti sapin ka hawi kual a, kan thu sawi chu mi dangin an hria ang tih ka hlau.
"A dik chiang a ni, duh lotu che hian a rawn pan a rawn pan lo ang che, tih tak takah chuan lehkha zir chung pawhin ngaihzâwng chu a neih theih reng alawm. Result țha neih loh i hlauh phah ang a, i result-te a hriat ve zêl dâwn avàngin, kei chu ka țang sauh țhìn asin," a ti leh sap sap a.
Kan va inang lo tak! Kei ve kha chuan ka tlâkchhiat phah nasa a ni si a, Maremi ngaihtuah ang hian rilru kha ka lo sêng ngai miah lo, hmuh tluk tluk reng mai kha ka duh ber kha a ni miau a.
"I ti țha bîk hle mai."
"Ni lo, mihring chu kan inang vek lo alawm, ka hria e. Khâng hun lai kha chuan hetiang hian i ngaihtuah pha tawp nâng, tleiràwl zual lai kha a ni bawk nèn, i rilru a ti â vek tih ka hria alawm; mahse, tunah chuan i rilru a puitling tawh a, bâkah, țan sauh phah nân i hmang thiam tawh bawk ang a, a țha khawpin ka ring zâwk a ni," a ti leh dap dap a.
"Nang chu, țawngkam hi i thiam ve e," ka tih chuan meng phâwk zet hian min en a, a hnuah phei chuan a nui ta hak hak a.
"I va sual tak!" tiin min rawn sik phawt a, a hnuah erawh chuan," Ih maw, ka khawngaih che u alawm. Ni țha ve pângngai mai ula. Nang pawhin i hnar tak tak thei si lo va, ani lah a rawn lang ve leh hlawl zêl bawk sia," zàwi sap hian a rawn ti leh sar sar a.
Ka țhiannu hian min lo hre chiang hle a nih hi. Nia, ka hnar tak tak thei lo, min kuah leh min fawh pawhin ka hnar theih miah loh kha, ka duh ve tlat tawh a ni. Hnar han tumin han hnial tum ve viau mah ila a rawn lan chuan a ngai tê bawk, a duh dàn angin ka awm leh nge nge ţhìn.
"A dik alawm," ka ti ta nge nge. A hnuah erawh," Mahse, a awm dàn hi hriat thiam a har e, ka laklawh tlat. Bâkah, a khawsak phung leh nungchangte hi ka hre chiang lo êm a," ka tih leh chuan," I hre chiang chho zêl mai dâwn alawm," a lo la ti zêl a.
"Ni hmasa phawt r'u," nui chung hian ka ti a, ani pawh a lo nui ve tho. Kan titi chu mi dangin lo hria se chuan ho min ti viau ang chu.
Chimawmliana chu a reh leh ta vang vang. A chêt dàn hi a mak ka ti țhìn, a chângin a rawn lawr sek a, a hnuah a reh leh vang vang a, hetia a reh deuh vang vang hian ka ngai tlat țhìn alawm, amah ngaia min siam hi a tum a nih chuan a tum chu a tihlawhtling ve thei khawp ang chu.
Zan khat chu a rawn lang leh hlawl mai! In chung zâwla ka kawr pho ka seng theihnghilh senga ka chho lawk chu min lo chãng reng a ni chêk ang chu, ka hnungah thâwm nei miah lovin min lo zui zêl ni tùr a ni, ka thawmhnaw ka dah fel ka inher nèn chuan kan inhmachhawn ta thut mai a nih chu!!!
Ka phu nasa lutuk a, ka au chhuak tùr chu a kutin ka hmui a rawn hup hman, chuti chu ni lo se chuan mi dangin ka au ri an lo hria ang a, ka mualpho nasa khawp ang chu.
Mak ti zetin ka en chho a, ani lahin min rawn melh chhùk ve rùn bawk. A kutin ka hmui a la hup reng avàngin ka thaw a chham țêp; mahse, ka lo hrechang hauh lo, chu ai chuan a mitko thî ser ser leh a hmui sîr thî niai ka hmu chu mak ka ti lutuk!
A kut lehlam zungchal a hmuia dah chhoa țawng lo tùra min warning hnuah chauh chuan ka hmui a hupna chu a la sawn ve chauh. Ka thaw huai nghâl a, ka thin erawh a la phu nasa.
"Ka rilrua lang hmasa ber i nia, ka rawn kal tawp."
A rilruah ka lang hmasa ber! Hriat nuam lo tak chu a va ni lo êm! Mak deuh mai chu a lak ațanga ka indaidanna bang kha tunah tak hi chuan a bo hmak! Thil dang a sawi leh hmain kawngkhàr ka va kalh phawt, a mitko thî leh a hmui sîr thî hi eng emaw ka hnawihsak phawt a ngai a ni.
Betadine awm se aw...Tendercare ka nei tak e, hnawih ila a zia thei ang.
"Țhu rawh," tiin zaizirin plastic chair chu ka kawhhmuh a, a țhu ve mai bawk a. Tendercare chu lain lapua tlêm la awm chu ka la chhuak bawk a, tuiah tihuhin a thî chu ka hrûk faisak phawt a.
"Thil thleng min zâwt dâwn lo em ni?"
"A fài hmasak a pawimawh."
Thî ka tihfài hnu chuan tendercare chu ka hnawihsak leh a, chubâk hnawih tùr ka nei tlat lo, țhiante dìl lah ka duh si lo.
"Engati nge inhre lo anga awm kha i duh tlat a?"
A ti leh ta, tûn țum chu dik takin ka'n chhâng tawh ang e.
"Zopui, i inkalh tawh elo? Lo hawng lawk teh."
Rbi. A lo kal! Ka rilru chiaizia mai chuh!! Mihring țawng hian ka sawi fiah thiam lo zâwk, ka hlauthâwng lutuk chu ka hmai hi a duk tlawk tlawkin ka ring hial! Kan țawngte kha a hria a ni lo maw? Lalpa...
"Aw...ngawi lawk aw,..a, ka...inthlâk a.." ka ti bah nawk ringawt. Hmanhmawh zet hian ka khum hnuai chu ka kâwk a, ka hlauhthàwnna chu a hre thiam a ni ngei ang, ka thu a awih ve mai.
Khum hnuaia a tawlh luh fel hnuah chuan kawngka chu ka va hawng chauh, hlauthâwng hmel put loh hrâm hrâm ka tum, ka hmui ka pet fan fan.
"I scale sei kha ka lo hawh duh lawk a."
Earphone-in zai a lo ngaithla leh tawh a nih hi, a va tihzia tak! Kan țawng kha a hre dâwn lo tihna.
Dawhkàn chunga ka dah chu lain ka pe ta vat a, ani chuan nui var var hian," Ka lâwm e, ka rawn pe leh vat ang che," a ti a, rang zet, ring deuh hlek hian," A ngai lo, naktûkah min pe mai dâwn nia," ka ti thung. A rawn kal nawn tawh loh hrâm ka beisei.
Khum hnuai ațanga rawn tawlh chhuakin a nui suk; mahse, a hmui chu a han tawk zauh, a na deuh sak a ni ngei ang. Hetiang hunah pawh a la nui thei a nia, a nuam àwm bîk e.
"Kal tawh rawh."
"Naktûkah inhmu lawk ang."
"Eng atân?"
"A țûl."
Ka țanpuina a lo mamawh ve mial pawh a ni thei asin.
"Dàwr nghah ka ngaih kha."
"Ka rawn kal ang."
A kal chu ka zui ve a, rawn inher thutin a âwmah ka lu ka va tauh dawt mai! A la nui nghawr dat zui!
"Làwmthu ka la sawi lo," ti a phun supin a rawn kûn hniam zat a, ka biang tawn tawnah vuanin ka hmuiah a rawn fâwp ta chat. Kei lahin lo hnial a hnêkin rang zetin ka lo chhâng lêt nghâl zat.
A hmui sîr nâ lam kha kan hrechang tawh miah lo! Kei phei chuan ka hriat tawh lohzia mai chuh, hostel-a ka room-ah kan awm tih pawh ka hre tawh lo, an sawi van ram tla fualah kan lêng deng deng niin ka hre zâwk!
"Kat, min ti â zo tawh!"
A thil sawi chuan min tiphûr sauh! Kei hian ka ti â zo tawh a nih chu! Ka theih anga uar hian ka fâwp lêt tàwn táwn, ka duhzia hi hre ve tùrin ka duh a ni.
"Kat...Kat...ka duh che."
"Kei pawhin...ka duh che."
Duh leh duh intawng chu, kan inhaw lo tawn khawp mai!
Kan tàwp meuh chuan min lo pawm kãng tawh a, a nghâwngah kuahin a kâwngah ka ke pahnihin ka lo kherh bet reng niin! Inhnaih zetin kan inen a, kan thaw dùn ham ham bawk.
"A nâ em?" ti sapin a hmui chu ka khawihsak a.
"Riah ve mai ka duh!"
Chutia a țawng chhuah tâkah chuan ka zak thar ta deuh thut! Ka chhia leh țha hriatna an rawn lêt sung sung a, a mitah pawh en ngam lo chuan hmun dang ka melh ta daih.
"Min duh tawh, i rilru i lamlêt thei tawh lo ang."
Deuh tlat chuan.
"I chhuk dâwn nge ka hawpui dâwn che?"
Ka tâl chhuk ta vat. Ka awm dàn chu a va zahpuiawm tak! Kal thuai thuai se blanket-a inkhuha insih vak vak ka duh tawh!
"Naktûk chu aw, ka rawn hmu ang che."
A kal hma chuan kan inmuah leh vawng vawng, kan induh thu kan inhrilh ve ve tawh bawk a, insùmkàr ka peih tawh lo, ka duh tih ka chezia thleng pawhin hria se ka duh.
"Kal tawh rawh."
Kan inthlah thei tak tak dâwn lovin ka hria a, țawngkam tala ka thlah a ngai.
"Mahse, i bula awm ka duh alawm."
Keia bula awm a han thlahlel ve a nia, a tân eng ual ka ni dèr si lo. Min thlâkhlelhna țawngkam ringawt pawhin min tihlim veng veng thei chu a ni si a...
"Naktûkah kan inhmuh dâwn chu."
"Naktûk daih a nih chu!"
Naupang chhia mai mai! A inhmeh lo ti rilru viau mah ila a lawmawm roh ka ti mang e.
"Ka bialnu i ni."
Ka sen ap apin ka ring; mahse, nuam ka ti tho si.
Maremi hnêna ka hrilh chuan a au râih a, hlim nui var var hian," A va țha ve! Mahse, ka rin aiin in tirang leh si, ka lawmpui tawp che, in induh tih in inhrilh tawh bawk sia, a nuam ngawt ang!" a ti sar sar a.
Nui var var chung hian," Vawiinah pawh kan inhmu dâwn, dàwrah," ka ti a, ani chuan," Awi, chance neih a va har dâwn ve!" a lo ti sap.
"Sual kan ti lo nge nge ang chu!" Nui pâwt pâwt chung hian ka lo ti a.
*MI FEL BULA AWM AIIN MI ȚHA BULA AWM A HAHDAM ZÂWK*
Comments
Post a Comment