☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 13 By Dingdi Pachuau
Nilêngin ka awm a nuam. Kan inhmuh hun tùr chu ka ngaihtuah a, ka phûr tawh tawp. Heti êma ka han phûr mai hi mak ka ti zâwk! Maremi pawhin min fiam zuk zuk, a chhan chu a biak pawh hre țha lovin ka ngaihtuahna ka lo kàwm a, ka lo ngawi vung vung țhìn a.
Dàwrah chuan a rawn lang har ka ti khawp mai, ka nghahhlelh vàng pawh a ni ang chu, kan luh veleh ațangin a hmel hmuh beiseiin ka ring ka lo fán ka lo fàn a, rawn kal a tum ta lo a niang tia ka beidawn deuh tawh hnuah a rawn lang ve ta. Thawmhnaw dum hi chu a duh ve chiang a ni, a inhmeh ve êm bawk a ni.
Ka awmna lamah chuan a rawn phei zân zân, lo lût apiang lo chiauau tùr kan nih avàngin ka lo chhàwn vat a.
"Eng nge i duh le, ka pu?"ngaihtuah thui lo zet chuan ka lo ti a, a mitko leh a hmui pawh a zia viau, a vûng hran lo ve.
Mi dang hriat loh tùra zàwi si, ka hriat theih tùr si hian," Nangmah," a rawn ti sup a.
Chutianga min chhàn ka lo ring miah lo va! Ka zak chem chem; mahse, zak 'nuam' ang chi hian a nia, a hrehawm ka ti miah lo!
Lehkhabu inrem țhût chu melhin," Țawng fîmkhur deuh teh," chu ka ti ta tho, mi dangin an lo hre palh ang tih ka hlau.
"Engati?"
"I duh zâwngte en kual rawh," tiin mi dang lo lût ka hmuh avàng chuan ka ti sap a, lo chiauau a ngaih avàngin ka kal sawn ta rih a.
Tlangvâl senior lam deuh tawh lo lût ve chu a inthlahrun hmel roh khawp mai a, thingtlâng lam aţanga lo kal a ni maithei, a berh ve reuh tlat, a thû chàl bawk, hna a thawk nasa a ni ngei ang.
Nèlawm takin ka lo be vat a, a lehkhabu lei duh tùr zâwngte chu ka lo zâwt bawk a, chu tlangvâl pawh chu hahdam huai hmel a pu ta thuai a. A lehkhabu lei tùr chu ka zawnpui a, rei lo têah kan hmu thuai a, làwmthu a sawi sap sap hnuah chuan pawisa pêkna lamah chuan a kal phei ta hnak hnak a.
"Khatianga nèlawm khân engati nge min biak ve ngai loh?"
Lehkhabu inrem țhût kâr ațangin min lo en reng chu niin!
"Hei, ka biak reng che hi."
"Mi dang i ngaihsak angin min ngaihsak ve rawh."
Thîkna. Thîkna tlêm a tel, mipa a nih vàng khân a lo thîk tihna em ni? Kha pa kha chu a inthlahrun hmel êm a, keimah ang thoa thingtlâng mi a nih vàngin ka khawngaih alawm, a ți dêk a nih kha.
"Aw le, eng nge i duh? Ni lo... eng lehkhabu nge i zawn ve le?"
"'Nulain a bialpa a ngaihsak dàn tùrte' tih lehkhabu ka duh," a ti leh pek!
A hmuh loh tùrin ka nui sak a, min hmuh theih loh nân ka hnar ka han tuai pah bawk. A lehkhabu duh zâwng hi a vâng thei e!
"Chutiang chu a awm lo a nih ka ring."
"Ka bialnu pêk atân ka duh asin le!"
"Hrilh mai la?" Ka nui lo thei tawh lo. Chutia ka nuih tâkah chuan ngun zet hian min rawn en ta kur a.
"Hrilh chawpa min ngaihsak ka duh hlei nem."
Ka nuih a tiza viau nain ka nui ngam tawh lo. Ngaihsak a duh a, a phût a, ka ngaihsak dàn tùr sawi chhuah kher a duh bawk si lo. Eng emawti zâwng takin a lawmawm ka ti riau roh mai.
"I bialnu chu a mâwl àwm hle mai," ka tih chuan," I mâwl lo," a ti ta nghut a.
Dàwr nghâk ka nih miau avàngin ka ngaihsak reng hman lo, he dàwr hi a lùn a, lo lût an awm ve reng avàngin ka kalsan lo thei țhìn lo. Rei mawi tâwk a awm hnuah a chhuak, lehkhabu pakhat chu a hùm haw ve leh ngei kha, a ti țha tho e.
Haw kawngah a lo awm leh! Dàwra inhmuh kha a la duh tâwk lo cheu a nih dâwn hi, pawi chai lo, dàwrah kha chuan titi a chatlak duh êm mai.
"Inthlahlel viau teh suh u," tiin Maremi chuan nui sâng chung hian a fiam hlak a.
"I țhiannu hi damdawi chak tak ang mai a ni," tiin ka rin loh deuhin a chhâng ve khurh mai.
"No.4 ang vêl a ni maw?" Nui chung bawk hian a ti leh a.
"Chutiang lêt zà vel chu."
Zawi muangin kan kal a, Maremi chuan earphone vuahin hla a ngaithla ta daih, titina hun min pe ve ngei.
"Nizàn kha engtizia nge?" tiin titi bul chu ka țan a.
"Ui bengchheng deuh nèn kan infiam hlak a."
Awih lo deuh si, awih deuh bawk si, mak ti deuh hian ka en hâ a, ui nèn ber kher, a va mak àwm! Chuti a nih chuan, chu ui chu vaccine la a nih loh chuan, a hlauhawm ngei ngei ang.
"Jection i la em?" ka ti vat a.
Ngai thu tak lo zet hian," Lâk ngai lo chi, ui ke pahnih nei maw le," a lo ti leh mai a.
Ding meuhin ka en a, mi nèn an insual leh a nih chu! Ka bialpa a ni tawh si a, insual hmang bialpa neih chu ka duh hauh lo asin le.
"I na viau em?" tiin hauh ka tumna chu țhulhin ka zâwt ta zâwk a.
"Mipa ka nih hi."
"Mihring i ni ve tho alawm, ná i hre ve thei tho," ka tih chuan a mit lehlam siai sak hian," Nang hi chu i danglam ve ngawt mai!" a ti teh daih a!
"Mihring ka ni a, mihring nihnaah inang vek mah ila danglamna kan nei vek alawm, nang pawh i danglam tho," ka ti a.
"Nang chu dangĺamna țha chi a nia," a tih chuan," Ka lâwm e," ka lo ti zauh a.
Kan ngawi vang vang a, ni tla tùr êng mawi zet chuan min rawn chhun sar a, kan hah deuh avàngin step tawpah chuan kan ding rih a.
"Zaninah kan inhmu leh thei ang tiraw?"
"Ni lo, lo kal tawh suh aw, min man chhuak hlauh ang tih ka hlau a nia," ka lo ti vat a.
"Ka lo kal i duh lo maw?!"
Ka duh, ka duh lutuk; mahse, a him lo a ni, min man chhuak ang tih ka hlau, a zahthlâk dâwn si.
"Chhùnah kan inhmu thei tho alawm," ka ti ta zâwk a.
"Zànah mut hmaa hmuh ziah che ka duh alawm."
Hetiang hian a bialnute a hmu zut țhìn a ni ngei ang. Tihțhanah a neih tawh ang a, a thiam tawh lo a niang.
"I kut vawn pawh ka duh a."
Nui sak chungin ka kut veilam chu a lamah chuan ka pe phei a, nghet zetin a lo chelh nghâl chat.
"Ka thlah phal tawh lo maithei a ni," a ti sup a, ka kut min vawnsakna a kut lam chu a en ngur a, nghet taka chelhin a âwm chu a sîktîr a.
"Kum eng zât nge i nih?" A thil sawi leh a chêtzia naupangchhe viau ţhìn chu ngaihtuahin ka ti ta hlawl a.
"Kum 24," awlsam zet hian a lo ti ve mai bawk a.
Kei aiin kum 5 vêl deuhthawin a upa a nih chu; mahse, a chezia hi a naupangchhia ka ti leh tlat țhìn. A kum ngaihtuah chuan a naupang lutuk tawh lo nain chêtze naupang chi a ni ang ka ti ta ringawt.
Muangchângin kan kal emaw ka tih chhûng chuan hostel bul kan lo thleng ta reng mai, dàwr têah chuan ei tùr eng emaw leiin kan ding a. Chutih lai chuan Hmangaihi leh Hlutei chu hostel gate lam ațanga rawn chhuakin dàwr te lamah chuan an rawn chhuk ve chiah a.
Hmangaihi'n Essa a hmuh chuan no zeta melhin," Essa chu, eng nge i rawn tih a?" tiin a zâwt ta nghâl a.
A chhànna hriat huphurh takin ka lo thaw dèp dép. Thu dik tak a sawi ang tih ka lo hlau lutuk!
"Ka vâk khawthawng."
Ka thaw deuh huai. Ka thil lei chu lain pawisa ka pe a, Hmangaihi'n rinhlelh hmel deuha Maremi, kei leh Essa min melh tawn zak zak chu ka hmu ru reng, chuvàngin Essa chu ka melh ngam tawh lo.
"Lo lêng lût ve la?" tiin a sâwm leh. Zak lo ka tiru kher asin, a ngaizâwng ru tih ka hre nghâl mai.
"Ni dangah le."
A rûkin ka nui var var; mahse, Hmangaihi hmu tùr kher chuan engtikah mah lo kal lo se ka ti.
"Aw le, ka lo beisei reng ang che."
Maremi nèn chuan kan kal ta a, Essa chuan thil a lei ve tho,min rawn zui nghâl loh avàngin ka lâwm hle bawk.
Kan hnungah chuan a rawn chho tho, Maremi nèn gate bula kan inthlah lai chuan," Nakin zàn chu aw," zàwi thûm sup hian a rawn ti, a țawng zawih avàng chuan Hmangaihite chuan an rawn hre pha hauh lo ang.
"Nuam ti lutuk lo ula," Maremi chuan a ti sap a, a nui nghâl sêng a.
"Ka hlauthâwng leh dâwn a ni, ka hnial hneh si lo," ka ti nang nang a.
"A thlahlel che a nih kha, hre thiam ve rih la?"
"Tu lamah nge i țan?"
"Nangmah le," tiin a kal ta nghâl. A rawn hawi lêt a, a nui sâng lehnghâl a, ka ngei reuh tak tak.
Devotion hman zawhah chuan Hmangaihi chuan min rawn pan nalh a, ringhlel mitmenga min enin," Essa kha in rawn chhohpui em? Khawiah nge a kal a?" tiin min rawn zâwt.
"Ka hre miah lo."
"In inhre rêng rêng em?"
"Ka hmu zauh zauh." Ani bulah kher hi chuan hria angin ka insawi lo ang.
"Tlêm lai deuh khân kan ni ve zuai a, tlawh pawh min rawn tlawh nghe nghe kha. Ngawi teh, nang pawhin min hmuh tak kha, i țhiannuin a rawn tlawh ve nghe nghe che a," a ti leh a.
"Ka va'n hre lo!" Ka va sual ve tak!
"A chhe lo asin, tunah pawh hian min la beisei ru reng a, ka nihpui leh maithei a ni," te chu a la ti deuh deuh a.
Hetiang mi hi chu ka titipui thiam vak lo. Kalsan daih ang.
Zànah chuan kan inhmu leh ngei; mahse, kan rei vak lo, țawngkain thu kan sawi tam lo va, cheziain kan inhrilh zâwk. Hmangaihi chungchâng kha zawh ka duh deuh hlek a; mahse, hun rei lo te neih chhûnga ani chanchin zawh buangbàr kual vêl kha ka duh leh ta lo va. Bâkah, Hmangaihi khân dâwt a sawi tel ka ring ru tlat a, min insawitheih khum ni berin ka hria a ni.
Zan tin lo kala min hmuh a duh a, keiin ka thiam tâwkin ka hnial. Min hmu duh chu a làwmawm êm êm rualin a hlauhawm, bâkah, min hre chhuakin min man ang tih ka hlau bawk. A zahthlâk dâwn si, ka thiam ang tâwkin thlêm titihin ka hnial, chuti lo chu ani hian hlauh a nei ve si lo va, kan mualpho palh ang.
Ni khat chu Maremi nèn chhùna kan chawlhnaah chuan Hruaia a rawn lang ve hrãwk mai! Rei pawh kan la țhu lo va, chutia a rawn lang ve hrãwk chu mak ka ti deuh viau a; mahse, mak ka ti rei lo, an lo inbe sa vek tih a hriat reng. Maremi pawh hian a lo haw lo nasa a nih hi (Hruaia hi thlalâkah ka hmuh tawh avàngin ka hre thei nghâl mai a ni)
Maremi chu ka en vat a, sen deuh țân țân hian," Lo kal rawh, ei tùr pawh kan la order fel lo," a lo ti var a. Chutah, kei chu min rawn kuahin," Ka țhiannu ka sawi fo Zopuii a nih hi, Zopui, U Hruaia," tiin fel fai takin min inhmel hriattîr nghâl zat a.
Ruata'n a sawi kha a dik chiah. Hruaia chu tlangvâl fel tak a ni, a smart thlap mai a, a che vêl rêng rêng pawh a dik thlap, a aw chhuak a felin a zaidam hmel hle a, a nui sâng reng thei bawk. Mi puitling tak a ni chiang, mahni intodelh leh innghahna tlâk tak chu a ni phawt mai.
"Hun âwl ka nei thei lo lutuk a, hun remchâng leh ãwl a awm hmasak berah kan la chhuakho dâwn nia," a ti dap dap a.
"A nuam viau ang chu," ka lo ti vat a.
"Zopui, i țhiannu hi ka bialnu atân ka sâwm a."
Mak ti zet, phâwk zet hian Maremi chu ka en hrâ a, chutiang eng mah min hrilh miah si lo, a laka ka thil zêp țhin kha phubâ a la ve țan tihna em ni?
"Hrilh che a duh a; mahse, keimahin ka hrilh duh che avàngin sawi lo tùrin ka ngèn a, in inkârah thurûk a awm miah lo a nia," a ti leh dap dap a.
"Chuan, ani chuan engtin nge a chhàn che?" Ka hre châk lutuk!
"Nangmah ràwn phawt che a duh a."
Ka nui chhuak hawk mai. Ani bialpa neih leh neih loh tùrah kei ràwn phawt han ngaih chu! A nuihzatthlâk a, a làwmawm viau bawk si.
"Love at first sight dik tak a ni. Ka vawi khat hmuhna ațangin ka duh nghãl bur a, ka hmangaih bur a nih chu. Tu hmeichhia mah ka ngaihven ngai lo; mahse, i țhiannu ka hmuh ațang hian ka danglam vek a ni."
"Ka lawmpui lutuk che," tiin Maremi kut chu ka vawnsak chawt. Chutiang chu thawnthuah bâk ka hre ngai lo, a tak taka awm thei tùrah ka ngai ngai lo bawk; mahse, hei a lo awm ngei chu a lo nih hi.
Mutnaah chuan ka ngaihtuahna ka kàwm kual vêl a, Maremi chu ka lawmpui, hmeh pawh an inhmeh ka ti. A chhan chu Maremite hi chhûngkaw rethei an ni lo va, an fel hle bâkah, Maremi hi an fanu neih chhun a ni a, an duat a, ani lah nula nungchang țha tak a lo ni leh zêl a, pasal atân mi țha tak Hruaia hi a neih ngei pawh ka duhsak. Hruaia lah tlangvâl fel tak, mahni intodelh leh ro khâwm tùr tam tham tak nei a ni bawk, Maremi tân hian ka duhpui tak zet, an induha an inhmangaih tawn phawt chuan an inneih ngei pawh a rinawm.
Kei ve hi le? Essa aka Chimawmliana hian eng ang chhûngkua nge a neih pawh ka hre hauh lo, eng nge a thawh țhin pawh ka hre lo. Tlangvâl fel tak, ruihtheih thila fihlîm chu a ni lo ngei mai, bâkah, insual a la chîng zui, innghahna tlâk a ni ang em?
Ka va ngaihtuah thui mai mai tak! Thil țûl lo tak a ni, mi dang nèn ka tehkhin tùr a ni lo bawk, amah ang hi tu mah dang an awm lo, a 'cial' ve êm asin, bang thlang lam tukverh zâwna rawn lâwn liam ve ngat a nih hi, a thêunêu thei lo rêng rêng!
Ka duh ve chiang êm! Amah avàngin ka hlim êm hi, mi dangin hlimna min pe hauh lo, a hausa emaw, hausa lo emaw, sual ve deuh hlek pawh ni mah se ani aia duh hi ka nei chuang lo.
'Mi pakhatah thil țha tinrêng zawng suh' tih thu a awm ve bawk kha. Ani pawh hian țhat lohna lai chu a nei țeuh ang, kei pawhin ka nei țeuh, a țhatna lai ka hmuhsak zêl hi a ngai ngei ang. Chu chu kan pahniha kan hlim theih reng dan tùr chu a ni.
*MI PAKHATAH THIL ȚHA TINRÊNG ZAWNG SUH*
Nilêngin ka awm a nuam. Kan inhmuh hun tùr chu ka ngaihtuah a, ka phûr tawh tawp. Heti êma ka han phûr mai hi mak ka ti zâwk! Maremi pawhin min fiam zuk zuk, a chhan chu a biak pawh hre țha lovin ka ngaihtuahna ka lo kàwm a, ka lo ngawi vung vung țhìn a.
Dàwrah chuan a rawn lang har ka ti khawp mai, ka nghahhlelh vàng pawh a ni ang chu, kan luh veleh ațangin a hmel hmuh beiseiin ka ring ka lo fán ka lo fàn a, rawn kal a tum ta lo a niang tia ka beidawn deuh tawh hnuah a rawn lang ve ta. Thawmhnaw dum hi chu a duh ve chiang a ni, a inhmeh ve êm bawk a ni.
Ka awmna lamah chuan a rawn phei zân zân, lo lût apiang lo chiauau tùr kan nih avàngin ka lo chhàwn vat a.
"Eng nge i duh le, ka pu?"ngaihtuah thui lo zet chuan ka lo ti a, a mitko leh a hmui pawh a zia viau, a vûng hran lo ve.
Mi dang hriat loh tùra zàwi si, ka hriat theih tùr si hian," Nangmah," a rawn ti sup a.
Chutianga min chhàn ka lo ring miah lo va! Ka zak chem chem; mahse, zak 'nuam' ang chi hian a nia, a hrehawm ka ti miah lo!
Lehkhabu inrem țhût chu melhin," Țawng fîmkhur deuh teh," chu ka ti ta tho, mi dangin an lo hre palh ang tih ka hlau.
"Engati?"
"I duh zâwngte en kual rawh," tiin mi dang lo lût ka hmuh avàng chuan ka ti sap a, lo chiauau a ngaih avàngin ka kal sawn ta rih a.
Tlangvâl senior lam deuh tawh lo lût ve chu a inthlahrun hmel roh khawp mai a, thingtlâng lam aţanga lo kal a ni maithei, a berh ve reuh tlat, a thû chàl bawk, hna a thawk nasa a ni ngei ang.
Nèlawm takin ka lo be vat a, a lehkhabu lei duh tùr zâwngte chu ka lo zâwt bawk a, chu tlangvâl pawh chu hahdam huai hmel a pu ta thuai a. A lehkhabu lei tùr chu ka zawnpui a, rei lo têah kan hmu thuai a, làwmthu a sawi sap sap hnuah chuan pawisa pêkna lamah chuan a kal phei ta hnak hnak a.
"Khatianga nèlawm khân engati nge min biak ve ngai loh?"
Lehkhabu inrem țhût kâr ațangin min lo en reng chu niin!
"Hei, ka biak reng che hi."
"Mi dang i ngaihsak angin min ngaihsak ve rawh."
Thîkna. Thîkna tlêm a tel, mipa a nih vàng khân a lo thîk tihna em ni? Kha pa kha chu a inthlahrun hmel êm a, keimah ang thoa thingtlâng mi a nih vàngin ka khawngaih alawm, a ți dêk a nih kha.
"Aw le, eng nge i duh? Ni lo... eng lehkhabu nge i zawn ve le?"
"'Nulain a bialpa a ngaihsak dàn tùrte' tih lehkhabu ka duh," a ti leh pek!
A hmuh loh tùrin ka nui sak a, min hmuh theih loh nân ka hnar ka han tuai pah bawk. A lehkhabu duh zâwng hi a vâng thei e!
"Chutiang chu a awm lo a nih ka ring."
"Ka bialnu pêk atân ka duh asin le!"
"Hrilh mai la?" Ka nui lo thei tawh lo. Chutia ka nuih tâkah chuan ngun zet hian min rawn en ta kur a.
"Hrilh chawpa min ngaihsak ka duh hlei nem."
Ka nuih a tiza viau nain ka nui ngam tawh lo. Ngaihsak a duh a, a phût a, ka ngaihsak dàn tùr sawi chhuah kher a duh bawk si lo. Eng emawti zâwng takin a lawmawm ka ti riau roh mai.
"I bialnu chu a mâwl àwm hle mai," ka tih chuan," I mâwl lo," a ti ta nghut a.
Dàwr nghâk ka nih miau avàngin ka ngaihsak reng hman lo, he dàwr hi a lùn a, lo lût an awm ve reng avàngin ka kalsan lo thei țhìn lo. Rei mawi tâwk a awm hnuah a chhuak, lehkhabu pakhat chu a hùm haw ve leh ngei kha, a ti țha tho e.
Haw kawngah a lo awm leh! Dàwra inhmuh kha a la duh tâwk lo cheu a nih dâwn hi, pawi chai lo, dàwrah kha chuan titi a chatlak duh êm mai.
"Inthlahlel viau teh suh u," tiin Maremi chuan nui sâng chung hian a fiam hlak a.
"I țhiannu hi damdawi chak tak ang mai a ni," tiin ka rin loh deuhin a chhâng ve khurh mai.
"No.4 ang vêl a ni maw?" Nui chung bawk hian a ti leh a.
"Chutiang lêt zà vel chu."
Zawi muangin kan kal a, Maremi chuan earphone vuahin hla a ngaithla ta daih, titina hun min pe ve ngei.
"Nizàn kha engtizia nge?" tiin titi bul chu ka țan a.
"Ui bengchheng deuh nèn kan infiam hlak a."
Awih lo deuh si, awih deuh bawk si, mak ti deuh hian ka en hâ a, ui nèn ber kher, a va mak àwm! Chuti a nih chuan, chu ui chu vaccine la a nih loh chuan, a hlauhawm ngei ngei ang.
"Jection i la em?" ka ti vat a.
Ngai thu tak lo zet hian," Lâk ngai lo chi, ui ke pahnih nei maw le," a lo ti leh mai a.
Ding meuhin ka en a, mi nèn an insual leh a nih chu! Ka bialpa a ni tawh si a, insual hmang bialpa neih chu ka duh hauh lo asin le.
"I na viau em?" tiin hauh ka tumna chu țhulhin ka zâwt ta zâwk a.
"Mipa ka nih hi."
"Mihring i ni ve tho alawm, ná i hre ve thei tho," ka tih chuan a mit lehlam siai sak hian," Nang hi chu i danglam ve ngawt mai!" a ti teh daih a!
"Mihring ka ni a, mihring nihnaah inang vek mah ila danglamna kan nei vek alawm, nang pawh i danglam tho," ka ti a.
"Nang chu dangĺamna țha chi a nia," a tih chuan," Ka lâwm e," ka lo ti zauh a.
Kan ngawi vang vang a, ni tla tùr êng mawi zet chuan min rawn chhun sar a, kan hah deuh avàngin step tawpah chuan kan ding rih a.
"Zaninah kan inhmu leh thei ang tiraw?"
"Ni lo, lo kal tawh suh aw, min man chhuak hlauh ang tih ka hlau a nia," ka lo ti vat a.
"Ka lo kal i duh lo maw?!"
Ka duh, ka duh lutuk; mahse, a him lo a ni, min man chhuak ang tih ka hlau, a zahthlâk dâwn si.
"Chhùnah kan inhmu thei tho alawm," ka ti ta zâwk a.
"Zànah mut hmaa hmuh ziah che ka duh alawm."
Hetiang hian a bialnute a hmu zut țhìn a ni ngei ang. Tihțhanah a neih tawh ang a, a thiam tawh lo a niang.
"I kut vawn pawh ka duh a."
Nui sak chungin ka kut veilam chu a lamah chuan ka pe phei a, nghet zetin a lo chelh nghâl chat.
"Ka thlah phal tawh lo maithei a ni," a ti sup a, ka kut min vawnsakna a kut lam chu a en ngur a, nghet taka chelhin a âwm chu a sîktîr a.
"Kum eng zât nge i nih?" A thil sawi leh a chêtzia naupangchhe viau ţhìn chu ngaihtuahin ka ti ta hlawl a.
"Kum 24," awlsam zet hian a lo ti ve mai bawk a.
Kei aiin kum 5 vêl deuhthawin a upa a nih chu; mahse, a chezia hi a naupangchhia ka ti leh tlat țhìn. A kum ngaihtuah chuan a naupang lutuk tawh lo nain chêtze naupang chi a ni ang ka ti ta ringawt.
Muangchângin kan kal emaw ka tih chhûng chuan hostel bul kan lo thleng ta reng mai, dàwr têah chuan ei tùr eng emaw leiin kan ding a. Chutih lai chuan Hmangaihi leh Hlutei chu hostel gate lam ațanga rawn chhuakin dàwr te lamah chuan an rawn chhuk ve chiah a.
Hmangaihi'n Essa a hmuh chuan no zeta melhin," Essa chu, eng nge i rawn tih a?" tiin a zâwt ta nghâl a.
A chhànna hriat huphurh takin ka lo thaw dèp dép. Thu dik tak a sawi ang tih ka lo hlau lutuk!
"Ka vâk khawthawng."
Ka thaw deuh huai. Ka thil lei chu lain pawisa ka pe a, Hmangaihi'n rinhlelh hmel deuha Maremi, kei leh Essa min melh tawn zak zak chu ka hmu ru reng, chuvàngin Essa chu ka melh ngam tawh lo.
"Lo lêng lût ve la?" tiin a sâwm leh. Zak lo ka tiru kher asin, a ngaizâwng ru tih ka hre nghâl mai.
"Ni dangah le."
A rûkin ka nui var var; mahse, Hmangaihi hmu tùr kher chuan engtikah mah lo kal lo se ka ti.
"Aw le, ka lo beisei reng ang che."
Maremi nèn chuan kan kal ta a, Essa chuan thil a lei ve tho,min rawn zui nghâl loh avàngin ka lâwm hle bawk.
Kan hnungah chuan a rawn chho tho, Maremi nèn gate bula kan inthlah lai chuan," Nakin zàn chu aw," zàwi thûm sup hian a rawn ti, a țawng zawih avàng chuan Hmangaihite chuan an rawn hre pha hauh lo ang.
"Nuam ti lutuk lo ula," Maremi chuan a ti sap a, a nui nghâl sêng a.
"Ka hlauthâwng leh dâwn a ni, ka hnial hneh si lo," ka ti nang nang a.
"A thlahlel che a nih kha, hre thiam ve rih la?"
"Tu lamah nge i țan?"
"Nangmah le," tiin a kal ta nghâl. A rawn hawi lêt a, a nui sâng lehnghâl a, ka ngei reuh tak tak.
Devotion hman zawhah chuan Hmangaihi chuan min rawn pan nalh a, ringhlel mitmenga min enin," Essa kha in rawn chhohpui em? Khawiah nge a kal a?" tiin min rawn zâwt.
"Ka hre miah lo."
"In inhre rêng rêng em?"
"Ka hmu zauh zauh." Ani bulah kher hi chuan hria angin ka insawi lo ang.
"Tlêm lai deuh khân kan ni ve zuai a, tlawh pawh min rawn tlawh nghe nghe kha. Ngawi teh, nang pawhin min hmuh tak kha, i țhiannuin a rawn tlawh ve nghe nghe che a," a ti leh a.
"Ka va'n hre lo!" Ka va sual ve tak!
"A chhe lo asin, tunah pawh hian min la beisei ru reng a, ka nihpui leh maithei a ni," te chu a la ti deuh deuh a.
Hetiang mi hi chu ka titipui thiam vak lo. Kalsan daih ang.
Zànah chuan kan inhmu leh ngei; mahse, kan rei vak lo, țawngkain thu kan sawi tam lo va, cheziain kan inhrilh zâwk. Hmangaihi chungchâng kha zawh ka duh deuh hlek a; mahse, hun rei lo te neih chhûnga ani chanchin zawh buangbàr kual vêl kha ka duh leh ta lo va. Bâkah, Hmangaihi khân dâwt a sawi tel ka ring ru tlat a, min insawitheih khum ni berin ka hria a ni.
Zan tin lo kala min hmuh a duh a, keiin ka thiam tâwkin ka hnial. Min hmu duh chu a làwmawm êm êm rualin a hlauhawm, bâkah, min hre chhuakin min man ang tih ka hlau bawk. A zahthlâk dâwn si, ka thiam ang tâwkin thlêm titihin ka hnial, chuti lo chu ani hian hlauh a nei ve si lo va, kan mualpho palh ang.
Ni khat chu Maremi nèn chhùna kan chawlhnaah chuan Hruaia a rawn lang ve hrãwk mai! Rei pawh kan la țhu lo va, chutia a rawn lang ve hrãwk chu mak ka ti deuh viau a; mahse, mak ka ti rei lo, an lo inbe sa vek tih a hriat reng. Maremi pawh hian a lo haw lo nasa a nih hi (Hruaia hi thlalâkah ka hmuh tawh avàngin ka hre thei nghâl mai a ni)
Maremi chu ka en vat a, sen deuh țân țân hian," Lo kal rawh, ei tùr pawh kan la order fel lo," a lo ti var a. Chutah, kei chu min rawn kuahin," Ka țhiannu ka sawi fo Zopuii a nih hi, Zopui, U Hruaia," tiin fel fai takin min inhmel hriattîr nghâl zat a.
Ruata'n a sawi kha a dik chiah. Hruaia chu tlangvâl fel tak a ni, a smart thlap mai a, a che vêl rêng rêng pawh a dik thlap, a aw chhuak a felin a zaidam hmel hle a, a nui sâng reng thei bawk. Mi puitling tak a ni chiang, mahni intodelh leh innghahna tlâk tak chu a ni phawt mai.
"Hun âwl ka nei thei lo lutuk a, hun remchâng leh ãwl a awm hmasak berah kan la chhuakho dâwn nia," a ti dap dap a.
"A nuam viau ang chu," ka lo ti vat a.
"Zopui, i țhiannu hi ka bialnu atân ka sâwm a."
Mak ti zet, phâwk zet hian Maremi chu ka en hrâ a, chutiang eng mah min hrilh miah si lo, a laka ka thil zêp țhin kha phubâ a la ve țan tihna em ni?
"Hrilh che a duh a; mahse, keimahin ka hrilh duh che avàngin sawi lo tùrin ka ngèn a, in inkârah thurûk a awm miah lo a nia," a ti leh dap dap a.
"Chuan, ani chuan engtin nge a chhàn che?" Ka hre châk lutuk!
"Nangmah ràwn phawt che a duh a."
Ka nui chhuak hawk mai. Ani bialpa neih leh neih loh tùrah kei ràwn phawt han ngaih chu! A nuihzatthlâk a, a làwmawm viau bawk si.
"Love at first sight dik tak a ni. Ka vawi khat hmuhna ațangin ka duh nghãl bur a, ka hmangaih bur a nih chu. Tu hmeichhia mah ka ngaihven ngai lo; mahse, i țhiannu ka hmuh ațang hian ka danglam vek a ni."
"Ka lawmpui lutuk che," tiin Maremi kut chu ka vawnsak chawt. Chutiang chu thawnthuah bâk ka hre ngai lo, a tak taka awm thei tùrah ka ngai ngai lo bawk; mahse, hei a lo awm ngei chu a lo nih hi.
Mutnaah chuan ka ngaihtuahna ka kàwm kual vêl a, Maremi chu ka lawmpui, hmeh pawh an inhmeh ka ti. A chhan chu Maremite hi chhûngkaw rethei an ni lo va, an fel hle bâkah, Maremi hi an fanu neih chhun a ni a, an duat a, ani lah nula nungchang țha tak a lo ni leh zêl a, pasal atân mi țha tak Hruaia hi a neih ngei pawh ka duhsak. Hruaia lah tlangvâl fel tak, mahni intodelh leh ro khâwm tùr tam tham tak nei a ni bawk, Maremi tân hian ka duhpui tak zet, an induha an inhmangaih tawn phawt chuan an inneih ngei pawh a rinawm.
Kei ve hi le? Essa aka Chimawmliana hian eng ang chhûngkua nge a neih pawh ka hre hauh lo, eng nge a thawh țhin pawh ka hre lo. Tlangvâl fel tak, ruihtheih thila fihlîm chu a ni lo ngei mai, bâkah, insual a la chîng zui, innghahna tlâk a ni ang em?
Ka va ngaihtuah thui mai mai tak! Thil țûl lo tak a ni, mi dang nèn ka tehkhin tùr a ni lo bawk, amah ang hi tu mah dang an awm lo, a 'cial' ve êm asin, bang thlang lam tukverh zâwna rawn lâwn liam ve ngat a nih hi, a thêunêu thei lo rêng rêng!
Ka duh ve chiang êm! Amah avàngin ka hlim êm hi, mi dangin hlimna min pe hauh lo, a hausa emaw, hausa lo emaw, sual ve deuh hlek pawh ni mah se ani aia duh hi ka nei chuang lo.
'Mi pakhatah thil țha tinrêng zawng suh' tih thu a awm ve bawk kha. Ani pawh hian țhat lohna lai chu a nei țeuh ang, kei pawhin ka nei țeuh, a țhatna lai ka hmuhsak zêl hi a ngai ngei ang. Chu chu kan pahniha kan hlim theih reng dan tùr chu a ni.
*MI PAKHATAH THIL ȚHA TINRÊNG ZAWNG SUH*
Comments
Post a Comment