☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 14 By Dingdi Pachuau
"Vawiinah kan inah lunch rawn ei r'u aw?"
Mak ti zet hian ka âng phuau ringawt! Ka rin loh lutuk thil a rawn sawi si a, chhàn ngaihna pawh min tihre lo. Bâkah, chhùn chawlh lai chuan Maremi chu Hruaia hmuhpui ka lo tum tawh asin.
"I țhiannu nèn a nih chu, min hlauh a ngai lo ang."
"Ka hlau lo che," ka ti vat a.
A nui huk a," A làwmawm a nih chu," a ti phawt a, chutah," Ka rawn lam ang che u," a ti leh sup a.
'Aw' pawh ka la pawh tawp si lo va, a thu chu hnial thei loah min ngai a ni ngei ang, a thil sawi hi chu tlang ngei tùrah a ngai țhìn a ni ngei ang.
"Ni lo, tih tùr dang kan lo nei tawh a."
A ngawih deuh vung vung hnuah chuan," Ka hriat ve loh thil maw?" a ti ta chhak a, a lung a âwi chiah lo tih ka hre nghâl.
"A bialpa ka hmuhpui dâwn vàng a nia."
"An pahnihin inhmu mai se, kan pahnihin kan awm dùn thei bawk ang a?"
Thil lah hi a ruahman zung zung a, hnial lah hi a har thei si, awlsam tak hian a sawi zung zung a, a bawhzui thiam bawk si.
"Tlaiah dàwrah kan inhmu leh thei tho ang chu? Ni lo'm ni?" tiin ka thlêm ta zâwk a.
"Min ngaihsak hman loh kha," a ti deuh nghut a.
"Mi hnuaia thawk ka ni miau si alawm."
"Lunch chu?"
A buaithlâk thei a nia, a tih tawh hi chu a ti tut tut zêl, naupang luhlul thil ngèn ang mai.
"Ka lo hrilh țha ang che aw, Maremi pawh ka hrilh ve ang a." Ruahmanna siam sa vek tawh han tihdanglam leh pawh chu, a rilru lè loh thlâk ka ti bawk si.
Vawiin tehrêng chu, Sir Pêka ze mak a chhuak a, surprise test angreng deuh kan nei a, a la strict êm êm zui. Maremi nèn pawh kan inmelh rawlh rawlh ngam chauh! Titi phei chu a theih miah loh, a dawta subject kan neih lah chu, a ninawm leh pek dâwn!
A fuh lo chho vêl vek. Miss-i'n Maremi ka be zawk lai min hmu a, min la hau zui. Ka phone ka charge full nia ka hriat kha a thim hmak bawk a, a nung thei rêng rêng lo, Chimawmliana biak theih ngaihna pawh a awm lo. 'Ka lo hrilh țha ang che' te kha ka ti lehnghâl a, hrilh ngaihna pawh a awm lo, phone thim hmak hek i. Vawiin chu ni 'Sakei' dik tak a ni.
Rilru nuam lo ru zet chuan Hruaia motor-ah ka chuang a, Hruaiate in kan pan mêk a ni. Maremi lah chuan Hruaia nu hmuh chu a huphurh khawp mai a, a awm dàn ațang chuan ka man thiam vek, àwm ka tihpui tho, kei pawh ni ila ka huphurh ngawt ang.
Chhînga vêngah daih a lo ni. In an nei țha, compound erawh a zau lutuk lo. Building chhâwng thum niin a hnuai ber chu dàwr atân miin an luah a, chhâwng hnih chu an nufain an luah thung. Chhâwng khat ringawt pawh chu a zau khawp mai a; mahse, a unau hmeichhe pasal nei tawhte an rawn zin châng leh lèn chânga an room tùr tiin mi dang luah an phal lo a ni àwm e.
A nu chu rin aiin a lo la tar lo! Kekawr pâr chhiai khûp khuh lek a lo ha a, a kawr hâk pawh a simple khawp mai, a sam vâr vo chu a tâwi mât a, tarmit bial lian vak lo vuahin nèlawm takin min lo dawngsawng. Hruaia'n a lo sawi vek tawh bawk a, Maremi chu a fapa bialnu atân chuan a iai lêm lo bawk a ni ang, chutianga duh lo hmel eng mah a tilang lo. A fapa chu a duatin a ngaina viau tih a biak dàn leh a chanchin a sawi dàn ațangin a hriat theih.
A nu chu a hot reuh zêk lehnghâl! Titipui a nuam reuh a, țhalai nun a hriat thiam hmel khawp reuh, mi fel tak chu a ni ngei ang, min titipui dàn ațangin a hriat vek mai.
College lama kan lêt leh chuan a țhianpa (Hruaia țhianpa) a hmu a, kan phur ve leh rih. Tlangvâl senior lam tho a ni a, a fel hmel khawp tho mai, titi nuihzatthlâk lam a sawi a, kan nui bãwk bãwk mai, mi pângngai chin chunglam hi chu an lo fel êm êm zêl zawng a lo nih hi.
Dàwrah Essa chu a rawn lan ka ring deuh a nia, a rawn lang miah lo. Ka phone tâk loh avàng khân a thin a rim loh hrâm ka beisei, ka phone vàng vek a ni. Ka phone chu ka khawih ka khawih ringawt; mahse, a êng thei chuang lo. Haw veleh charge char char a ngai a ni, tukin ka kal hma khân ka charge ve ngei khân ka hre si a, ka lo on lo a ni ngei ang.
Haw kawngah chuan Maremi chuan Hruaia chanchin chu a sawi sap sap reng a, ka lo ngaihthlâksak tho nain Chimawmliana ka phone thei lo ber mai chuan ka rilru a luah a, dàwrah a rawn kal lo bawk nèn, ka rilru a tipangkhing deuh tlat.
Hostel ka thlen veleh chuan ka phone chu ka charge ta nghâl a, rei vak lo hnuah ka on dâwn chhin a, a êng thei chuang hauh lo! Ka phone hi a chhia tihna em ni? A chhiat hlauh chuan aw...
Ka khawih ka khawih a,a êng thei chuang lo. A chhia a ni chiang, ka u ta hlui ka hman kha a ni a, a rei ve deuh tawh a, eng emaw chânga thim thut kha a chîng ve tawh a, chhia pawh ni se a àwm ve tawh tho.
Mahse, a va buaithlâk dâwn êm!
Zàna lehkha ka zir laiin Chimawmliana chu ka room-ah ka hmu thut mai! A rawn luh lai ka hre hauh lo, engtin nge a thâwm ka hriat hauh loh theih zâwk chu le!
Ngawi renga cupboard nghèngin min lo en reng a! A inkuangkuah thûn a, a mit a khap loh bâkah a nui bawk si lo va, a lang hlauhawm lek lek.
"Eng nge i lo tih leh ták?!" hlauthâwng zet hian ka ti sap a, a lo luh lai ka hre hauh si lo va, hetiang tih a chìn chuan a țha dâwn miah lo!
Ngawi renga rei zet min melh reng hnuah chuan,"Lo chho rawh!" ti nghutin room ațang chuan thâwm dìm zet hian a chhuak a, a pên ri pawh ka hre lo. A thin a rim a ni chiang, a àwm ve tho mai, ka harsatna ka hrilh hunah erawh chuan a hriat thiam hrâm ka beisei.
Room-a inbiak ai chuan in chunga inbiak chu ka duh daih zâwk alawm! Hostel-a a rawn lût țhìn hi chu ka duh hlawl lo, ka hrilh țhìn, a sâwt mawlh si lo. A luhlulin a ngêng si, chimawm thiam bawk si.
"Vawiinah dàwra i lo kal ka ring a," tiin bul ka han țan phawt, a thin a rim tih ka hre si a, a thinrim tih hria anga awm erawh ka duh loh avàngin thil dang ka sawi daih.
A ngawi ngul mai, a hmel ka hmu chiang thei lo nain min en leh rùn reng ang tih chu ka ring hmiah.
"I lo kal ringin ka lo thlîr reng che a; mahse, i buai a nih ka ring a-"
"Engati nge ka call i chhàn duh loh?" a ti hmuk.
Kan indin hlat lo va, zu rim ka hre nghâl chiah, zu a in chiang, a thin a rim vàng a ni thei ang em?
"Ka phone a nung thei lo, tukina min biak hnu lawkah khân a nih ka ring, ka charge pawhin a nung thei lo," ka ti vat vat a.
"Vawiin khân...khawiah nge i lèn?" A țawng bùl hmuk hmuk sia, nèlawm loh tak a ni, chubâkah, ka ngainat loh ber zu rim a nam lehnghâl.
"Maremi bialpa Hruaiate inah kan kal, a nuin Maremi kha hmuh a duh si a, amah chauh chuan a hreh vàng a nia. Rawn biak che ka tum a; mahse, ka phone kha a nung thei si lo va, a pawi ka ti tak tak a ni," ka ti a, dâwt ka sawi lo bawk a, min ring tùrah ka ngai.
"I hlim hle kha."
He pa hian min lo hmu em ni?! Ka hmuh ve àwm ka hre si lo, khawiah tak min lo hmu ni maw?
"Min lo hmu elo?"
"Dâwt min hrilh ...suh ang che, mipa dang nèn... min kawp em?"
Kawp maw?!! Teuh lo, bialpa ka nei ngai lo va, ka neih ve chhun lahin min bum a, kawp phei chu hla tak a ni. Tunah hian ani hian min ringhlel tihna a ni a...
"Dâwt ka duh lo a nia," a ti leh hmuk.
"Ka kawp lo che, engtin nge chutiang ngaih dàn chu i neih theih a?"
"I nui lai ka hmu che, chu pawh mipa dang nèn motor chhûngah, a hnung seat-ah in pahnih chauhin..." sawi pawh a sawi zo duh lo a niang, a ngawi leh daih.
Vawiin khân Hruaia țhianpa nèn Hruaia car hnunga kan chuang kha min lo hmu a nih chiah hi. Chuan, ngaihtuahna țha lo a neih phah ta a, inhmuh a duh a, ka lo hnial zui bawk nèn, a ngaihtuahna kal sual avàngin min rinhlelh phah ta a.
"Ka hriat ngai mi pawh a ni lo, Hruaia țhianpa kha a nia."
"A khabeah tak ka hnek kha! Nâ chu a ti ve khawp ang!"
Lalpa leh! A lo hnek hman leh tawh maw! Eng vàngin maw? Vawiina min hmuh dun vàngin maw? Ni lo, Lalpa, a ni thei lo ang!
"Ni lo, khawngaihin-"
"Ka call che a, min chhâng duh lo va," a ti leh sup.
"Ka phone a chhia ka tih kha." Ka țawng ring ang tih ka hlau si, ka thin a rim ru țûn. Ka thinrimna ka tihlan chuan ani lo thinrim sa nèn boruak a kal dik lo vek dâwn si a, ka insûm hrâm hrâm a ni. Bâkah, zû a in tlat a, hlauh leh zah a nei bawk si lo va, ka dawh hrâm hrâm a ngai.
"Ka phone kawl ang che," ti nghutin a ipte ațangin a rawn phawrh a, min rawn pêk a tum chuan ka lo la duh lo. Ka phone a chhiat avànga ani phone kawl daih te chu a, a tihchi hauh loh.
"La rawh."
"A ngai lo, ka duh lo."
"Min hnial suh."
"Ka la dâwn chuang lo."
"Vawiin hi eng ni nge i hria em?"
A thil min zawh lah hi, a thil sawi lai nèn a inzawm lo thei ropui si. Nilaini a ni mai alawm, eng ni vak nge ni se a tih?
"Nilai."
A ngawih deuh reng lai chuan," Haw tawh rawh, ka room-ah țhiante an lo kal palh ang, ka awm lo tih an hriat ka duh lo a nia," ka ti a.
"Hlauthâwng reng mai!"
"Thil ti rù ka ni miau a."
Room-a ka chhuk chuan ka khum hnuaia bâwm lian vak lo inhûng chu ka hmu chiah! A tuamna chu a mawi kher mai, mit a la hle a ni.
Khawia mi nge le? Engtin nge ka khum hnuaiah a lo awm ringawt?! Ka tâ tùr a ni lo ang, tuin emaw a thlauh palh a ni ngei ang.
Ka en chiang a, lehkha tê inbel vâ ka hmuh rualin mipa kut ziak tih hriat tak hawrawp sei sèl sàwl a 'Happy Monthsary' tih inziak ka hmu nghâl. Vawiin hi...Awi leh! kan inkawpna thla khatna a lo ni reng tawh tak alâwm le! Vawiin eng ni nge tihte min zawh tak kha, kei lah chuan eng mah ka lo hre si lo.
Lalpa! Essa dah a ni. Ka va lo mâwl tak êm! Vawiinah pawh lunch ei tùrin min sâwm a, hei vàng hi a lo nih chiah hi, ka lo hre hauh si lo, ka la hnial zui, a thin a lo rim pawh kha a lo àwm ngawih ngawih e. Ani hi eng mah ngaihtuah a neih ngai pawh ka rin loh teh lul nèn, a lo hre kar vek mai a nia, ka va tluk lo tak!
Bâwm tê rit nalh mai chu fîmkhur takin ka han hawng a, Apple pum khat, chocolate bâwm khat leh sahbawn, rimtui leh mâwi zet zet pathum lai a lo awm!
Ka lâwm lutuk a, ka hnuk a tiulh lek lek. Hetiang a ti hi ka ring phâk hauh lo, thinrim țûnin a rawn kal a ni si a, engtin nge hêng hi min pêk duh zâwk le?
Ka phone ka ban a, a hman theih loh tih ka hre leh chiah. Biaka làwmthu hrilh ka duh asin le, ka hlim a, ka lâwm a, ka thinphû a su dup dup. Ka ngaihtuahnain làwmthu ka hrilh mawlh mawlh a, ka duhzia leh ka tluk lohzia ka hrilh mawlh mawlh bawk.
A tûkah hmaichhan ngeiah làwmthu hrilh ka duh si a, Maremi phone-ah ka sim pakhat chu ka vuah a, ka be ta ringawt! Ka lâwm êm a, phone hmasak hi a phû hliah hliah ka ti, chuan, period khat ka kal loh phah bawk ang, a phû hi ka ti êm a ni.
Maremi hnênah erawh chuan ngaihdam min dìlsak tùrin ka ti, Hruaia țhianpa chunga Essa chêt dàn avàngin. Ani pawhin Hruaia hnên ațangin a lo hria a, a hnektu erawh chu a lo hre bîk chuang lo. Essa tih a ni tih a hriat chuan mak a ti ve lutuk!
"A hauh na ve hle mai che maw!"
"Sawi teh suh, a zia lo êm mai!" Tlêm chuan ka thin a tirim thar deuh.
Kan inhmuh erawh chuan thinrimna rilru ka put ve deuh pawh chu a reh nghâl hmak!
*MI ROPUI CHU A THIL TIHIN A NIHNA A LAN CHHUAHTÎR ȚHÌN*
"Vawiinah kan inah lunch rawn ei r'u aw?"
Mak ti zet hian ka âng phuau ringawt! Ka rin loh lutuk thil a rawn sawi si a, chhàn ngaihna pawh min tihre lo. Bâkah, chhùn chawlh lai chuan Maremi chu Hruaia hmuhpui ka lo tum tawh asin.
"I țhiannu nèn a nih chu, min hlauh a ngai lo ang."
"Ka hlau lo che," ka ti vat a.
A nui huk a," A làwmawm a nih chu," a ti phawt a, chutah," Ka rawn lam ang che u," a ti leh sup a.
'Aw' pawh ka la pawh tawp si lo va, a thu chu hnial thei loah min ngai a ni ngei ang, a thil sawi hi chu tlang ngei tùrah a ngai țhìn a ni ngei ang.
"Ni lo, tih tùr dang kan lo nei tawh a."
A ngawih deuh vung vung hnuah chuan," Ka hriat ve loh thil maw?" a ti ta chhak a, a lung a âwi chiah lo tih ka hre nghâl.
"A bialpa ka hmuhpui dâwn vàng a nia."
"An pahnihin inhmu mai se, kan pahnihin kan awm dùn thei bawk ang a?"
Thil lah hi a ruahman zung zung a, hnial lah hi a har thei si, awlsam tak hian a sawi zung zung a, a bawhzui thiam bawk si.
"Tlaiah dàwrah kan inhmu leh thei tho ang chu? Ni lo'm ni?" tiin ka thlêm ta zâwk a.
"Min ngaihsak hman loh kha," a ti deuh nghut a.
"Mi hnuaia thawk ka ni miau si alawm."
"Lunch chu?"
A buaithlâk thei a nia, a tih tawh hi chu a ti tut tut zêl, naupang luhlul thil ngèn ang mai.
"Ka lo hrilh țha ang che aw, Maremi pawh ka hrilh ve ang a." Ruahmanna siam sa vek tawh han tihdanglam leh pawh chu, a rilru lè loh thlâk ka ti bawk si.
Vawiin tehrêng chu, Sir Pêka ze mak a chhuak a, surprise test angreng deuh kan nei a, a la strict êm êm zui. Maremi nèn pawh kan inmelh rawlh rawlh ngam chauh! Titi phei chu a theih miah loh, a dawta subject kan neih lah chu, a ninawm leh pek dâwn!
A fuh lo chho vêl vek. Miss-i'n Maremi ka be zawk lai min hmu a, min la hau zui. Ka phone ka charge full nia ka hriat kha a thim hmak bawk a, a nung thei rêng rêng lo, Chimawmliana biak theih ngaihna pawh a awm lo. 'Ka lo hrilh țha ang che' te kha ka ti lehnghâl a, hrilh ngaihna pawh a awm lo, phone thim hmak hek i. Vawiin chu ni 'Sakei' dik tak a ni.
Rilru nuam lo ru zet chuan Hruaia motor-ah ka chuang a, Hruaiate in kan pan mêk a ni. Maremi lah chuan Hruaia nu hmuh chu a huphurh khawp mai a, a awm dàn ațang chuan ka man thiam vek, àwm ka tihpui tho, kei pawh ni ila ka huphurh ngawt ang.
Chhînga vêngah daih a lo ni. In an nei țha, compound erawh a zau lutuk lo. Building chhâwng thum niin a hnuai ber chu dàwr atân miin an luah a, chhâwng hnih chu an nufain an luah thung. Chhâwng khat ringawt pawh chu a zau khawp mai a; mahse, a unau hmeichhe pasal nei tawhte an rawn zin châng leh lèn chânga an room tùr tiin mi dang luah an phal lo a ni àwm e.
A nu chu rin aiin a lo la tar lo! Kekawr pâr chhiai khûp khuh lek a lo ha a, a kawr hâk pawh a simple khawp mai, a sam vâr vo chu a tâwi mât a, tarmit bial lian vak lo vuahin nèlawm takin min lo dawngsawng. Hruaia'n a lo sawi vek tawh bawk a, Maremi chu a fapa bialnu atân chuan a iai lêm lo bawk a ni ang, chutianga duh lo hmel eng mah a tilang lo. A fapa chu a duatin a ngaina viau tih a biak dàn leh a chanchin a sawi dàn ațangin a hriat theih.
A nu chu a hot reuh zêk lehnghâl! Titipui a nuam reuh a, țhalai nun a hriat thiam hmel khawp reuh, mi fel tak chu a ni ngei ang, min titipui dàn ațangin a hriat vek mai.
College lama kan lêt leh chuan a țhianpa (Hruaia țhianpa) a hmu a, kan phur ve leh rih. Tlangvâl senior lam tho a ni a, a fel hmel khawp tho mai, titi nuihzatthlâk lam a sawi a, kan nui bãwk bãwk mai, mi pângngai chin chunglam hi chu an lo fel êm êm zêl zawng a lo nih hi.
Dàwrah Essa chu a rawn lan ka ring deuh a nia, a rawn lang miah lo. Ka phone tâk loh avàng khân a thin a rim loh hrâm ka beisei, ka phone vàng vek a ni. Ka phone chu ka khawih ka khawih ringawt; mahse, a êng thei chuang lo. Haw veleh charge char char a ngai a ni, tukin ka kal hma khân ka charge ve ngei khân ka hre si a, ka lo on lo a ni ngei ang.
Haw kawngah chuan Maremi chuan Hruaia chanchin chu a sawi sap sap reng a, ka lo ngaihthlâksak tho nain Chimawmliana ka phone thei lo ber mai chuan ka rilru a luah a, dàwrah a rawn kal lo bawk nèn, ka rilru a tipangkhing deuh tlat.
Hostel ka thlen veleh chuan ka phone chu ka charge ta nghâl a, rei vak lo hnuah ka on dâwn chhin a, a êng thei chuang hauh lo! Ka phone hi a chhia tihna em ni? A chhiat hlauh chuan aw...
Ka khawih ka khawih a,a êng thei chuang lo. A chhia a ni chiang, ka u ta hlui ka hman kha a ni a, a rei ve deuh tawh a, eng emaw chânga thim thut kha a chîng ve tawh a, chhia pawh ni se a àwm ve tawh tho.
Mahse, a va buaithlâk dâwn êm!
Zàna lehkha ka zir laiin Chimawmliana chu ka room-ah ka hmu thut mai! A rawn luh lai ka hre hauh lo, engtin nge a thâwm ka hriat hauh loh theih zâwk chu le!
Ngawi renga cupboard nghèngin min lo en reng a! A inkuangkuah thûn a, a mit a khap loh bâkah a nui bawk si lo va, a lang hlauhawm lek lek.
"Eng nge i lo tih leh ták?!" hlauthâwng zet hian ka ti sap a, a lo luh lai ka hre hauh si lo va, hetiang tih a chìn chuan a țha dâwn miah lo!
Ngawi renga rei zet min melh reng hnuah chuan,"Lo chho rawh!" ti nghutin room ațang chuan thâwm dìm zet hian a chhuak a, a pên ri pawh ka hre lo. A thin a rim a ni chiang, a àwm ve tho mai, ka harsatna ka hrilh hunah erawh chuan a hriat thiam hrâm ka beisei.
Room-a inbiak ai chuan in chunga inbiak chu ka duh daih zâwk alawm! Hostel-a a rawn lût țhìn hi chu ka duh hlawl lo, ka hrilh țhìn, a sâwt mawlh si lo. A luhlulin a ngêng si, chimawm thiam bawk si.
"Vawiinah dàwra i lo kal ka ring a," tiin bul ka han țan phawt, a thin a rim tih ka hre si a, a thinrim tih hria anga awm erawh ka duh loh avàngin thil dang ka sawi daih.
A ngawi ngul mai, a hmel ka hmu chiang thei lo nain min en leh rùn reng ang tih chu ka ring hmiah.
"I lo kal ringin ka lo thlîr reng che a; mahse, i buai a nih ka ring a-"
"Engati nge ka call i chhàn duh loh?" a ti hmuk.
Kan indin hlat lo va, zu rim ka hre nghâl chiah, zu a in chiang, a thin a rim vàng a ni thei ang em?
"Ka phone a nung thei lo, tukina min biak hnu lawkah khân a nih ka ring, ka charge pawhin a nung thei lo," ka ti vat vat a.
"Vawiin khân...khawiah nge i lèn?" A țawng bùl hmuk hmuk sia, nèlawm loh tak a ni, chubâkah, ka ngainat loh ber zu rim a nam lehnghâl.
"Maremi bialpa Hruaiate inah kan kal, a nuin Maremi kha hmuh a duh si a, amah chauh chuan a hreh vàng a nia. Rawn biak che ka tum a; mahse, ka phone kha a nung thei si lo va, a pawi ka ti tak tak a ni," ka ti a, dâwt ka sawi lo bawk a, min ring tùrah ka ngai.
"I hlim hle kha."
He pa hian min lo hmu em ni?! Ka hmuh ve àwm ka hre si lo, khawiah tak min lo hmu ni maw?
"Min lo hmu elo?"
"Dâwt min hrilh ...suh ang che, mipa dang nèn... min kawp em?"
Kawp maw?!! Teuh lo, bialpa ka nei ngai lo va, ka neih ve chhun lahin min bum a, kawp phei chu hla tak a ni. Tunah hian ani hian min ringhlel tihna a ni a...
"Dâwt ka duh lo a nia," a ti leh hmuk.
"Ka kawp lo che, engtin nge chutiang ngaih dàn chu i neih theih a?"
"I nui lai ka hmu che, chu pawh mipa dang nèn motor chhûngah, a hnung seat-ah in pahnih chauhin..." sawi pawh a sawi zo duh lo a niang, a ngawi leh daih.
Vawiin khân Hruaia țhianpa nèn Hruaia car hnunga kan chuang kha min lo hmu a nih chiah hi. Chuan, ngaihtuahna țha lo a neih phah ta a, inhmuh a duh a, ka lo hnial zui bawk nèn, a ngaihtuahna kal sual avàngin min rinhlelh phah ta a.
"Ka hriat ngai mi pawh a ni lo, Hruaia țhianpa kha a nia."
"A khabeah tak ka hnek kha! Nâ chu a ti ve khawp ang!"
Lalpa leh! A lo hnek hman leh tawh maw! Eng vàngin maw? Vawiina min hmuh dun vàngin maw? Ni lo, Lalpa, a ni thei lo ang!
"Ni lo, khawngaihin-"
"Ka call che a, min chhâng duh lo va," a ti leh sup.
"Ka phone a chhia ka tih kha." Ka țawng ring ang tih ka hlau si, ka thin a rim ru țûn. Ka thinrimna ka tihlan chuan ani lo thinrim sa nèn boruak a kal dik lo vek dâwn si a, ka insûm hrâm hrâm a ni. Bâkah, zû a in tlat a, hlauh leh zah a nei bawk si lo va, ka dawh hrâm hrâm a ngai.
"Ka phone kawl ang che," ti nghutin a ipte ațangin a rawn phawrh a, min rawn pêk a tum chuan ka lo la duh lo. Ka phone a chhiat avànga ani phone kawl daih te chu a, a tihchi hauh loh.
"La rawh."
"A ngai lo, ka duh lo."
"Min hnial suh."
"Ka la dâwn chuang lo."
"Vawiin hi eng ni nge i hria em?"
A thil min zawh lah hi, a thil sawi lai nèn a inzawm lo thei ropui si. Nilaini a ni mai alawm, eng ni vak nge ni se a tih?
"Nilai."
A ngawih deuh reng lai chuan," Haw tawh rawh, ka room-ah țhiante an lo kal palh ang, ka awm lo tih an hriat ka duh lo a nia," ka ti a.
"Hlauthâwng reng mai!"
"Thil ti rù ka ni miau a."
Room-a ka chhuk chuan ka khum hnuaia bâwm lian vak lo inhûng chu ka hmu chiah! A tuamna chu a mawi kher mai, mit a la hle a ni.
Khawia mi nge le? Engtin nge ka khum hnuaiah a lo awm ringawt?! Ka tâ tùr a ni lo ang, tuin emaw a thlauh palh a ni ngei ang.
Ka en chiang a, lehkha tê inbel vâ ka hmuh rualin mipa kut ziak tih hriat tak hawrawp sei sèl sàwl a 'Happy Monthsary' tih inziak ka hmu nghâl. Vawiin hi...Awi leh! kan inkawpna thla khatna a lo ni reng tawh tak alâwm le! Vawiin eng ni nge tihte min zawh tak kha, kei lah chuan eng mah ka lo hre si lo.
Lalpa! Essa dah a ni. Ka va lo mâwl tak êm! Vawiinah pawh lunch ei tùrin min sâwm a, hei vàng hi a lo nih chiah hi, ka lo hre hauh si lo, ka la hnial zui, a thin a lo rim pawh kha a lo àwm ngawih ngawih e. Ani hi eng mah ngaihtuah a neih ngai pawh ka rin loh teh lul nèn, a lo hre kar vek mai a nia, ka va tluk lo tak!
Bâwm tê rit nalh mai chu fîmkhur takin ka han hawng a, Apple pum khat, chocolate bâwm khat leh sahbawn, rimtui leh mâwi zet zet pathum lai a lo awm!
Ka lâwm lutuk a, ka hnuk a tiulh lek lek. Hetiang a ti hi ka ring phâk hauh lo, thinrim țûnin a rawn kal a ni si a, engtin nge hêng hi min pêk duh zâwk le?
Ka phone ka ban a, a hman theih loh tih ka hre leh chiah. Biaka làwmthu hrilh ka duh asin le, ka hlim a, ka lâwm a, ka thinphû a su dup dup. Ka ngaihtuahnain làwmthu ka hrilh mawlh mawlh a, ka duhzia leh ka tluk lohzia ka hrilh mawlh mawlh bawk.
A tûkah hmaichhan ngeiah làwmthu hrilh ka duh si a, Maremi phone-ah ka sim pakhat chu ka vuah a, ka be ta ringawt! Ka lâwm êm a, phone hmasak hi a phû hliah hliah ka ti, chuan, period khat ka kal loh phah bawk ang, a phû hi ka ti êm a ni.
Maremi hnênah erawh chuan ngaihdam min dìlsak tùrin ka ti, Hruaia țhianpa chunga Essa chêt dàn avàngin. Ani pawhin Hruaia hnên ațangin a lo hria a, a hnektu erawh chu a lo hre bîk chuang lo. Essa tih a ni tih a hriat chuan mak a ti ve lutuk!
"A hauh na ve hle mai che maw!"
"Sawi teh suh, a zia lo êm mai!" Tlêm chuan ka thin a tirim thar deuh.
Kan inhmuh erawh chuan thinrimna rilru ka put ve deuh pawh chu a reh nghâl hmak!
*MI ROPUI CHU A THIL TIHIN A NIHNA A LAN CHHUAHTÎR ȚHÌN*
A ngaihnawm, Sir Peka hming alo lan hian a hmel zawng2 mitthla ah alo lang thin������
ReplyDelete