☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 15 By Dingdi Pachuau
He pa hi ka rin a ang hlawl lo! Kan inngaihzàwnna chu a la rei lo, thla khat chauh a la ni, tlangvâl hawklak leh ngaihtuah pawh nei lêm lo, mi hmuhsit chîng tak ni khân ka hria a nih kha; mahse, ka lo ring dik bîk miah lo chu a nih hi. Kei aiin thil a hre reiin a chhinchhiah thei, ka tluk lo phawt.
"Vawiin chu i duhnaah lunch kan ei thei tawh ang," ka ti. Ka lâwm êm a, an inah pawh min hruai leh tum mah se ka hnial tawh hauh lo ang. Zak viau dâwn mah ila a duhna apiangah chuan ka zui mai ang, vawiin na nâ nâ chu.
"Chuti, ka room-ah ti ila?"
Min fiam ve a ni tih ka hriat avàngin ka ngai thu tak duh lo. A nui miah lo nain hlauthâwng hmâ tak ka ni tih a hre ve tawh tlat a, a tifiam tih ka hre ve tlat.
"Chuan, vawiin chu ka treat ve ang che," ka tih chuan a nui ta huk.
"Nuihzatthlâk a awm em?" ka tih chuan a ngawi leh kur tho si, min chhàn a tum chuang hauh lo.
"Apple, chocolate leh sahbawn vàng khân ka lâwm êm asin, ka lo hre ve hauh si lo va, ka tluk lo tak zet che a ni," ka ti leh sap sap a.
"Sahbawn kha i tân liau liau ka siam a nih kha," a ti sup a.
"A ni maw?! Engtin nge i siam thiam zâwk a?!" Chutiang chu a lo thiam leh zêl a nia, ka tluk lohna ka hre leh e.
"A har lo."
"Min hrilh ve phal em?"
"Ka siam ngei pêk che ka duh alawm, thiam ve rih lo mai rawh," a ti deuh tlat.
An ina min hruai ka ring a nia; mahse, kan kal miah lo. A țhiante restaurant ni àwm tak, zarkawtah chuan min kalpui. Helai hmunah hian restaurant a awm tih rêng ka lo hre miah lo! A thar pawh a ni maithei, a nuam reuh phian. Zau fahran lo mah se an chei nuam a, a changkãng ru riau bawk si a, nula tlangvâl tân chuan pan nahawm tak tùr a ni chiang.
A neitupa nèn chuan an inbia a, an țawngkamah chuan an inhre țha hle tih ka hre ve mai, min la fiam zui.
"A làwmawm hle mai, ka hmu thei che a. A hauh na leh pek viau lo che maw?"
An lo inhre chiang viau chu a nih hi. Ka ring dik e, ani pawh hian a sawi dik khawp hi maw.
"Ka tâ chu ka hauh thiang!" An inchhâng tâwk khawp mai.
Kan țhut fel hnuah chuan,"Nimin khân ei tùr ka lo siam sa diam a," a ti sup a.
Ei tùr a siam ve thiam maw?!! Ka rei leh! A inhmeh lo, a inhmeh hlawl lo, ei tùr siam thiam chu khawi lam, mi ei tùr siam sa pawh a sawisèl sup țhin duh hmel teh lul nèn, ka ngaih dàn a lo dik lo tih ka hre leh ta.
"A pawi ka ti." Ka inthiam lo ngawih ngawih, hah taka a siam a ni ve àwm si a.
"Pawi lo!"
"Chuan, engtin nge i tih tâk?"
"Ka vawm darh vek!"
A thin lah hi aw, a chhe ve siah, min chhùn lutuk mai! Thîkthû a pe chhe bawk si, eng emaw kawng zâwng tak chuan a lawmawm phian chu ka ti!
"Hah taka i siam a ni àwm sia, a uiawm êm mai a!" ka lo ti thung a.
"I ei châk em?"
"Aw." Ei tùr a siam sa diam tih chu hria ila chuan Maremi hnênah khân ka hrilh ang a, ka kal ngei ngei ang.
"Thla khat dang i nghah a ngai tawh."
Mak ka ti tawlh tawlh. Thla khat chhûng kan ni ve ta a, a sawi dàn kalhmangah hian thla khat dang chhûng chu kan la ni leh zêl dâwn tihna a ni si a, min kawp rei a la tum riau hi mak ka ti lo thei lo!
Ei tùr kan ei zawh hnuah chuan thlanglam bathlàr, pangpâr chi hrang hrang leh hnah mawi zet zet, pot-a an hùn dulnaah chuan kan chhuak a. A lo reh raih mai a, in chhûng lam thâwm hriat tùr a awm miah lo va, thli a thaw heuh heuh bawk nèn, a boruak a nuam tawp.
"A nuam hle mai!"
Pangpâr rim chu thlî thaw heuh heuh chuan a chhêm kual vêl a ni maithei, ka hîp fuh zauh zauh. Hah a tihdam bâkah boruak a ti 'romantic' tlat!
"Ka lâwm e."
Bang nghènga a ding chu ka lam rawn hawiin a mitko a sàn ãk a, remchângah lain làwmthu hrilhna hun tak a nih vàngin ka pan hnai a,dingdihlîpin a biangah chuan ka han fawhsak zoh a. A phû ve hrim hrim, a hmeichhia zâwk ni mah ila țan hmasak țum pawh a awm ve ang chu!
Ka bân tawn tawnah a lo chelh vat a, hnai set sawtah chuan kan inmelh ta reng mai. A mithmul sei zet, er hauh si lo chu chiang takin ka hmuh phah, hei hian a mitmeng a lo tilang cool êm a lo nih hi.
"Kat-"
"Essa..."
Kan țawng rual chiah a, kan tàwp leh ve ve bawk. Ngun zeta min en chhukin ka mit ațangin ka hmuiah, chutah chuan a tàwp chat a, a rawn kûn hniam zui ta zat a.
Chhùn êngah kan la infâwp hauh lo a nia, a dàn chu a dang deuhin ka hria! Ka zah viau ka ring a; mahse, a ni hauh lo. Kan boruak chuan a zir ve bawk a, nuam ka ti khawp mai!
Ka phone a chhiat vàng khân a phone hman lai chu min hnawn lui tlat a, duh lo viau mah ila ' I phone țhat hma chu i hmang rih ang, rawn biak che ka duh dâwn asin' a ti tlat a, ka duh chuang lo nain ka bag-a a dah chu lâk chhuah a phal tawh lo.
Ka khawih lo hrim hrim a, en pawh ka en lo. Lehkha ka zir a, ka bag-ah a la awm char char. Message tone ni ngei tùrah ka ngai, a ri leh pât pât țhìn, message chu a dawng ve nual a nih dâwn hi, tlangvâl luck kha a ni miau a.
A rawn ring ta, min tiphu zawk! A chhan chu a ringtone hman a maksak êm vàng a ni.
Number ringawt a ni sia, ka chhâng ngam lo. Essa ka ni bawk si lo va, rawn biak an tum a ni ngei si a, ka hmet tàwp ta ringawt! Kha, a phone ka kawl vàngin buaina ka neih phah a nia, pêk vat tùr a nih hi.
Ruata dàwrah kan inhmu a, nizàn lama rawn call-tu kha amah a lo ni a!
"Engati nge ka call i hmeh tàwp zêl?"
"Tu tih ka hre hleinem che. Bâkah, ka kawl duh lo, mi dangin an rawn be duh thei che a, ka lo chhâng duh lo," ka ti tlat a.
"Ka be duh che ka tih tawh kha, mi dangin an rawn call chuan lo chhàn a ngai lo."
Ka simcard chu min vuahsak ve a, heti hi chuan a zia deuh, chhûngte leh țhiante pawh a țûlah chuan ka be thei tawh ang chu.
Zàn mutnaah phone chu ka khawih ve chhin a, whatsApp message a lo tam khawp mai. A sim-ah ve thung chuan message pângngai a rawn thleng țeuh thung, number ringawt, number hrang hrang ațangin a ni, nula number a ni hlawm ngei ang chu! Ka en chhin hlawm châk khawp mai a; mahse, ka ngam leh chiah lo. Ka message dawn a ni si lo va, lo ensak ringawt chu ka duh lo a ni.
Kan exam a hnaih ve telh telh tawh avàngin lehkha zir lamah țan ka la thar, ka result a chhiat chuan Essa hian a hre ve ngei ang a, ka zak lutuk palh ang! Maremi thil sawi kha ka ngaihtuah chhuak a, a theih hrâm chuan ka ngaihzâwng neih hi a țha lama her hrâm hrâm ka duh.
Ka thu sawi kha a zàwm ve ta deuh niin a lang, hostel-ah a rawn lang khât ta, man chhuah hlauhawm dinhmun kha chu ka pèl ve hret e. Biak erawh min be peih, rei lo tê tê chu a ni. A chângin," I mut hmain i aw tal ka hre châk a," a ti a, a châng leh," Lehkha zir la, ka lo ngaithla ang," te a ti thùl," Biak loh che hi ka thiam tawh tlat lo," a tih phei chuan ka nuih a za viau nain min tihlim veng veng thung.
Kei pawhin a aw hriat fo ka duh tho. Ka bengah a aw châm reng se, ka mitthlaah a hmel châm reng bawk se, amah hrim hrim hian min hual vêl vek se ka duh.
*******
*I dam țha maw?*
Sangzuala message ka dawng nawlh mai! A number ka nei miah lo; mahse, a dp ațangin ka hre thei.
Chhàn ka tum kher lo, zàn a rei tawh a, ka mu diam tawh nghe nghe, muthilh hma message ka en kual lawk a ni.
Chhûngkaw group-a ka ni fanu Mimi'in pasal a neih dâwn thu an rawn post ka chhiar chuan mak ka ti kher mai! Ngaihzâwng ngaihsak miah lo a nia, nula pângngai tak chu a ni ve, puan țhui pawh a thiam nghe nghe; mahse, ngaihzâwng a neih àwm ka hre si lo va, pasal a nei dâwn an ti bawk sia, tu tak a pasal tùr chu ni maw ka tih lai chuan kan vênga tlangvâl lêrh zet, zu duh ve tak leh nula mî tak Hmingthana a ni tih ka chhiar phei chuan mak ka ti zual!
Engtin nge a nih theih?! E he! Sande school hall-ah an invuan dâwn a nih hi, dàn thianghlimin an innei dâwn lo tawp. U Mimii hi a rai tawh tihna em ni? Nge an inru? An inneih hun tùr lah chu, min ngaihsak ve miah lo a nih hi, exam a hnai tawh si.
A lo râi tak tak chu niin! A mak ka ti kher mai! Bâkah, U Hmingthana ber kher nèn lehnghâl, ani lêrh ve zet leh ani ngawi chut chut leh awm mulh mulh țhìn an innei dâwn chu a ni sia, mak an ti ve hlawm ngawt ang chu!
Ka nu hnênah chuan ka vui ve ringawt! An inneihnaah awm ve ngei ka duh a, exam a hnai tawh si a, ka haw hman si lo ang.
Ka nu chuan," A rai len tak tak hmain an ti chûk chûk alawm, i pa Sanga( ka ni pasal) thin a rim khawp mai a, a vaw nasa ni àwm tak a ni. A àwm ve viau tho a nia, kohhran upa a ni ve bawk si a, a zahthlâk duh dâwn khawp a nia," a ti sar sar a.
Nia, an zak ve hlawm viau ang chu. Kohhrana inhmang tak chhûngkua an nia, U Mimii tak pawh hi sande school-ah primary dept-ah zirtîrtu a ni țhìn. Sual hi chu do hneh a har a lo nih hi, kan panna lai takah min bei chat zêl si a, U Mimii pawhin lo rai lâwk chu a tum bîk hauh lo ang chu; mahse, thlèmna a do hneh lo ve a nih chiah hi.
Haw chu ka châk ve khawp mai. Dîl lui ila chuan chhûngte pawhin an remti ngei ang; mahse, pawisa kal ral tùr ka ngaihtuah a, exam a lo hnai ve tawh bawk nèn, kâr khat deuhthaw chawlh a han ngai ang a, a buaithlâk vek ang.
"Eng nge i ngaihtuah?"
Kha, ka lo ngaihtuah leh tawh, a tih chi vak loh.
"Ka cousin-i'n pasal a nei dâwn a."
"Chuan?"
"Haw ve ka châk a."
"Haw lo ang," a ti deuh tlat!
"A rai sa a, a mak tak tak a ni. Ngaihzâwng pawh a nei ngai lo miah lo a nia, mak i ti ve em?" ka tih chuan a nui huk a.
"Mak lo."
"I timak e a!" ka ti hlak a.
A nui leh huk.
"Chutiang mi chu an rai khut duh alawm. Nang pawh hi, chutiang ni lo tùr chuan siam che ka tum mêk a nih hi."
Ka va ngei tak! Ka melh râwm râwm a. Ani lah chu a nui suk duh chauh.
*KAN PANNA ZÂWN TAKAH THLÈMNA HIAN MIN BEI CHAT ȚHÌN*
He pa hi ka rin a ang hlawl lo! Kan inngaihzàwnna chu a la rei lo, thla khat chauh a la ni, tlangvâl hawklak leh ngaihtuah pawh nei lêm lo, mi hmuhsit chîng tak ni khân ka hria a nih kha; mahse, ka lo ring dik bîk miah lo chu a nih hi. Kei aiin thil a hre reiin a chhinchhiah thei, ka tluk lo phawt.
"Vawiin chu i duhnaah lunch kan ei thei tawh ang," ka ti. Ka lâwm êm a, an inah pawh min hruai leh tum mah se ka hnial tawh hauh lo ang. Zak viau dâwn mah ila a duhna apiangah chuan ka zui mai ang, vawiin na nâ nâ chu.
"Chuti, ka room-ah ti ila?"
Min fiam ve a ni tih ka hriat avàngin ka ngai thu tak duh lo. A nui miah lo nain hlauthâwng hmâ tak ka ni tih a hre ve tawh tlat a, a tifiam tih ka hre ve tlat.
"Chuan, vawiin chu ka treat ve ang che," ka tih chuan a nui ta huk.
"Nuihzatthlâk a awm em?" ka tih chuan a ngawi leh kur tho si, min chhàn a tum chuang hauh lo.
"Apple, chocolate leh sahbawn vàng khân ka lâwm êm asin, ka lo hre ve hauh si lo va, ka tluk lo tak zet che a ni," ka ti leh sap sap a.
"Sahbawn kha i tân liau liau ka siam a nih kha," a ti sup a.
"A ni maw?! Engtin nge i siam thiam zâwk a?!" Chutiang chu a lo thiam leh zêl a nia, ka tluk lohna ka hre leh e.
"A har lo."
"Min hrilh ve phal em?"
"Ka siam ngei pêk che ka duh alawm, thiam ve rih lo mai rawh," a ti deuh tlat.
An ina min hruai ka ring a nia; mahse, kan kal miah lo. A țhiante restaurant ni àwm tak, zarkawtah chuan min kalpui. Helai hmunah hian restaurant a awm tih rêng ka lo hre miah lo! A thar pawh a ni maithei, a nuam reuh phian. Zau fahran lo mah se an chei nuam a, a changkãng ru riau bawk si a, nula tlangvâl tân chuan pan nahawm tak tùr a ni chiang.
A neitupa nèn chuan an inbia a, an țawngkamah chuan an inhre țha hle tih ka hre ve mai, min la fiam zui.
"A làwmawm hle mai, ka hmu thei che a. A hauh na leh pek viau lo che maw?"
An lo inhre chiang viau chu a nih hi. Ka ring dik e, ani pawh hian a sawi dik khawp hi maw.
"Ka tâ chu ka hauh thiang!" An inchhâng tâwk khawp mai.
Kan țhut fel hnuah chuan,"Nimin khân ei tùr ka lo siam sa diam a," a ti sup a.
Ei tùr a siam ve thiam maw?!! Ka rei leh! A inhmeh lo, a inhmeh hlawl lo, ei tùr siam thiam chu khawi lam, mi ei tùr siam sa pawh a sawisèl sup țhin duh hmel teh lul nèn, ka ngaih dàn a lo dik lo tih ka hre leh ta.
"A pawi ka ti." Ka inthiam lo ngawih ngawih, hah taka a siam a ni ve àwm si a.
"Pawi lo!"
"Chuan, engtin nge i tih tâk?"
"Ka vawm darh vek!"
A thin lah hi aw, a chhe ve siah, min chhùn lutuk mai! Thîkthû a pe chhe bawk si, eng emaw kawng zâwng tak chuan a lawmawm phian chu ka ti!
"Hah taka i siam a ni àwm sia, a uiawm êm mai a!" ka lo ti thung a.
"I ei châk em?"
"Aw." Ei tùr a siam sa diam tih chu hria ila chuan Maremi hnênah khân ka hrilh ang a, ka kal ngei ngei ang.
"Thla khat dang i nghah a ngai tawh."
Mak ka ti tawlh tawlh. Thla khat chhûng kan ni ve ta a, a sawi dàn kalhmangah hian thla khat dang chhûng chu kan la ni leh zêl dâwn tihna a ni si a, min kawp rei a la tum riau hi mak ka ti lo thei lo!
Ei tùr kan ei zawh hnuah chuan thlanglam bathlàr, pangpâr chi hrang hrang leh hnah mawi zet zet, pot-a an hùn dulnaah chuan kan chhuak a. A lo reh raih mai a, in chhûng lam thâwm hriat tùr a awm miah lo va, thli a thaw heuh heuh bawk nèn, a boruak a nuam tawp.
"A nuam hle mai!"
Pangpâr rim chu thlî thaw heuh heuh chuan a chhêm kual vêl a ni maithei, ka hîp fuh zauh zauh. Hah a tihdam bâkah boruak a ti 'romantic' tlat!
"Ka lâwm e."
Bang nghènga a ding chu ka lam rawn hawiin a mitko a sàn ãk a, remchângah lain làwmthu hrilhna hun tak a nih vàngin ka pan hnai a,dingdihlîpin a biangah chuan ka han fawhsak zoh a. A phû ve hrim hrim, a hmeichhia zâwk ni mah ila țan hmasak țum pawh a awm ve ang chu!
Ka bân tawn tawnah a lo chelh vat a, hnai set sawtah chuan kan inmelh ta reng mai. A mithmul sei zet, er hauh si lo chu chiang takin ka hmuh phah, hei hian a mitmeng a lo tilang cool êm a lo nih hi.
"Kat-"
"Essa..."
Kan țawng rual chiah a, kan tàwp leh ve ve bawk. Ngun zeta min en chhukin ka mit ațangin ka hmuiah, chutah chuan a tàwp chat a, a rawn kûn hniam zui ta zat a.
Chhùn êngah kan la infâwp hauh lo a nia, a dàn chu a dang deuhin ka hria! Ka zah viau ka ring a; mahse, a ni hauh lo. Kan boruak chuan a zir ve bawk a, nuam ka ti khawp mai!
Ka phone a chhiat vàng khân a phone hman lai chu min hnawn lui tlat a, duh lo viau mah ila ' I phone țhat hma chu i hmang rih ang, rawn biak che ka duh dâwn asin' a ti tlat a, ka duh chuang lo nain ka bag-a a dah chu lâk chhuah a phal tawh lo.
Ka khawih lo hrim hrim a, en pawh ka en lo. Lehkha ka zir a, ka bag-ah a la awm char char. Message tone ni ngei tùrah ka ngai, a ri leh pât pât țhìn, message chu a dawng ve nual a nih dâwn hi, tlangvâl luck kha a ni miau a.
A rawn ring ta, min tiphu zawk! A chhan chu a ringtone hman a maksak êm vàng a ni.
Number ringawt a ni sia, ka chhâng ngam lo. Essa ka ni bawk si lo va, rawn biak an tum a ni ngei si a, ka hmet tàwp ta ringawt! Kha, a phone ka kawl vàngin buaina ka neih phah a nia, pêk vat tùr a nih hi.
Ruata dàwrah kan inhmu a, nizàn lama rawn call-tu kha amah a lo ni a!
"Engati nge ka call i hmeh tàwp zêl?"
"Tu tih ka hre hleinem che. Bâkah, ka kawl duh lo, mi dangin an rawn be duh thei che a, ka lo chhâng duh lo," ka ti tlat a.
"Ka be duh che ka tih tawh kha, mi dangin an rawn call chuan lo chhàn a ngai lo."
Ka simcard chu min vuahsak ve a, heti hi chuan a zia deuh, chhûngte leh țhiante pawh a țûlah chuan ka be thei tawh ang chu.
Zàn mutnaah phone chu ka khawih ve chhin a, whatsApp message a lo tam khawp mai. A sim-ah ve thung chuan message pângngai a rawn thleng țeuh thung, number ringawt, number hrang hrang ațangin a ni, nula number a ni hlawm ngei ang chu! Ka en chhin hlawm châk khawp mai a; mahse, ka ngam leh chiah lo. Ka message dawn a ni si lo va, lo ensak ringawt chu ka duh lo a ni.
Kan exam a hnaih ve telh telh tawh avàngin lehkha zir lamah țan ka la thar, ka result a chhiat chuan Essa hian a hre ve ngei ang a, ka zak lutuk palh ang! Maremi thil sawi kha ka ngaihtuah chhuak a, a theih hrâm chuan ka ngaihzâwng neih hi a țha lama her hrâm hrâm ka duh.
Ka thu sawi kha a zàwm ve ta deuh niin a lang, hostel-ah a rawn lang khât ta, man chhuah hlauhawm dinhmun kha chu ka pèl ve hret e. Biak erawh min be peih, rei lo tê tê chu a ni. A chângin," I mut hmain i aw tal ka hre châk a," a ti a, a châng leh," Lehkha zir la, ka lo ngaithla ang," te a ti thùl," Biak loh che hi ka thiam tawh tlat lo," a tih phei chuan ka nuih a za viau nain min tihlim veng veng thung.
Kei pawhin a aw hriat fo ka duh tho. Ka bengah a aw châm reng se, ka mitthlaah a hmel châm reng bawk se, amah hrim hrim hian min hual vêl vek se ka duh.
*******
*I dam țha maw?*
Sangzuala message ka dawng nawlh mai! A number ka nei miah lo; mahse, a dp ațangin ka hre thei.
Chhàn ka tum kher lo, zàn a rei tawh a, ka mu diam tawh nghe nghe, muthilh hma message ka en kual lawk a ni.
Chhûngkaw group-a ka ni fanu Mimi'in pasal a neih dâwn thu an rawn post ka chhiar chuan mak ka ti kher mai! Ngaihzâwng ngaihsak miah lo a nia, nula pângngai tak chu a ni ve, puan țhui pawh a thiam nghe nghe; mahse, ngaihzâwng a neih àwm ka hre si lo va, pasal a nei dâwn an ti bawk sia, tu tak a pasal tùr chu ni maw ka tih lai chuan kan vênga tlangvâl lêrh zet, zu duh ve tak leh nula mî tak Hmingthana a ni tih ka chhiar phei chuan mak ka ti zual!
Engtin nge a nih theih?! E he! Sande school hall-ah an invuan dâwn a nih hi, dàn thianghlimin an innei dâwn lo tawp. U Mimii hi a rai tawh tihna em ni? Nge an inru? An inneih hun tùr lah chu, min ngaihsak ve miah lo a nih hi, exam a hnai tawh si.
A lo râi tak tak chu niin! A mak ka ti kher mai! Bâkah, U Hmingthana ber kher nèn lehnghâl, ani lêrh ve zet leh ani ngawi chut chut leh awm mulh mulh țhìn an innei dâwn chu a ni sia, mak an ti ve hlawm ngawt ang chu!
Ka nu hnênah chuan ka vui ve ringawt! An inneihnaah awm ve ngei ka duh a, exam a hnai tawh si a, ka haw hman si lo ang.
Ka nu chuan," A rai len tak tak hmain an ti chûk chûk alawm, i pa Sanga( ka ni pasal) thin a rim khawp mai a, a vaw nasa ni àwm tak a ni. A àwm ve viau tho a nia, kohhran upa a ni ve bawk si a, a zahthlâk duh dâwn khawp a nia," a ti sar sar a.
Nia, an zak ve hlawm viau ang chu. Kohhrana inhmang tak chhûngkua an nia, U Mimii tak pawh hi sande school-ah primary dept-ah zirtîrtu a ni țhìn. Sual hi chu do hneh a har a lo nih hi, kan panna lai takah min bei chat zêl si a, U Mimii pawhin lo rai lâwk chu a tum bîk hauh lo ang chu; mahse, thlèmna a do hneh lo ve a nih chiah hi.
Haw chu ka châk ve khawp mai. Dîl lui ila chuan chhûngte pawhin an remti ngei ang; mahse, pawisa kal ral tùr ka ngaihtuah a, exam a lo hnai ve tawh bawk nèn, kâr khat deuhthaw chawlh a han ngai ang a, a buaithlâk vek ang.
"Eng nge i ngaihtuah?"
Kha, ka lo ngaihtuah leh tawh, a tih chi vak loh.
"Ka cousin-i'n pasal a nei dâwn a."
"Chuan?"
"Haw ve ka châk a."
"Haw lo ang," a ti deuh tlat!
"A rai sa a, a mak tak tak a ni. Ngaihzâwng pawh a nei ngai lo miah lo a nia, mak i ti ve em?" ka tih chuan a nui huk a.
"Mak lo."
"I timak e a!" ka ti hlak a.
A nui leh huk.
"Chutiang mi chu an rai khut duh alawm. Nang pawh hi, chutiang ni lo tùr chuan siam che ka tum mêk a nih hi."
Ka va ngei tak! Ka melh râwm râwm a. Ani lah chu a nui suk duh chauh.
*KAN PANNA ZÂWN TAKAH THLÈMNA HIAN MIN BEI CHAT ȚHÌN*
Comments
Post a Comment