☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 16 By Dingdi Pachuau
Nula chho kan ni ve bawk a, a hmaa nèlawm lo zet leh țawng tam lo ka nihna kha ka paih leh deuh tawh a, ka țawng duh leh țan viau tawh. Rilru azir hi a lo ni deuh chu a nih àwm hi, ka rilru a hlim leh tawh a, mipa laka ka inlâk hran viauna kha a nêp ta deuh bawk. Kan sem mipate pawhin min biakin țha takin ka chhâng, a rùl tâwk chauhin ka chhâng tawh bîk lo. Essa ka tawng hi ka pângngai phah leh dâwn a ni ngei ang, ka nun pângngaiah khân ka lêt țan hret hret tlat.
U Mimii pasal neihnaah chuan ka haw lo tak tak. Ka chhûngte'n 'Lo haw la' pawh an ti mang si lo va, ka inthlahrung, bâkah, class ka ngai pawimawh, exam a hnai ve tawh si.
Essa pawh a pângngai viau. A phone kha ka la hmang ta reng, ka phone kha chu a part thlâk a lo ngai a, pawisa sèn nual a ngai dâwn si a, ka zak peih lo, ka kawlsak ta reng mai, a dang a nei tho bawk si a.
Hostel-ah pawh min rawn kal chilh tawh lo. Pâwn lamah kan inhmu mai ţhin a, bâkah, ka fîmkhur tawp. Kan awm dùn lai hi miin min hmu tam lo se ka duh avàngin puipunnaah chuan kan kal tam lo, kan ni tih hria an tam vak lo ang. Amaherawhchu, ani hi chuan hmel hriat a ngah si a, lo hre tâwk pawh an awm maithei bawk.
Devotion kan hmang zo a, Hmangaihi chuan ka kal sawn tùr chu ka hminga min rawn koh avàngin ka ding leh rih a.
"Zopui, en teh, star-tu che ka hria a nia, a star over țhuai che a," a rawn ti sar sar a.
Ka nuih a za khawp mai a; mahse, ka insûm hrâm hrâm.
"A va làwmawm ve! Kei akâra-"
"A chhe fahran lo asin, ka hmuh azât hian a lo sawi ve ziah che a," a ti leh a.
Chhàn ngaihna pawh ka hre lo, làwm tùr nge làwm loh tùr pawh ka hre chuang lo, ka en reng ringawt.
"Dàwr tê neitute in hnuai luahtu tlangvâl senior lam lek lek khi a nia, puan a țhui thiam tawp lehnghâl. A hming kha, Hrânga a niin ka hria."
Ka hmu zauh zauh, a hming erawh ka lo hre ngai hauh lo a nih hi. A hlauhawm duh dâwn e! 'U Hrang' ka ti ni tin mai dâwn asin!
"Dàwrkàwnah khian dàwr a nei a, a luck phian. 'Min lo biak teh' a ti ve ziah che a."
A làwmawm viau rualin kei chuan bialpa ka nei tawh a, tlangvâl dang ka melh thei tawh hleinem. Ka bialpa a ni a, a thîkthu chhiatzia ka hre tawh bawk a, mipa dang melh tumna ka nei hauh lo bawk.
*******
"Nakin zàn birthday party-ah kal dùn ila?"
Ka kal thei lo tih a hre reng a, ka duh dâwn lo tih a ring bawkin ka ring, min sâwm der ve mai a ni.
"Ka lâwm e, châk viau mah ila ka thei lo tih i hriat kha."
"Maremi a lo awm leh mai ang a?"
"Exam a hnai tawh lutuk, bâkah, chhuah rûk kha ka duh tawh lo, a hlauhawm êm mai," ka tih chuan ani chuan awlsam zet hian," Ka bula i awm chhûng chuan hlauthâwng duh mah ta che," a lo ti êt a.
"Tu birthday nge a?" tia ka zawh chuan,"Rina nau Tetei, min sâwm ngawrh ve a," a ti sup a.
Nia, țhian a ngah àwm si a, birthday party ilo vêlah chuan a kal zut thei ang chu, a țhiante'n an sàwm miau chuan han kal loh kha a mawi vak lo bawk ang a.
"Nuam ti deuhin hun i va hmang ve ang chu," ka tih chuan," Nia, nula pawh chhe lo fe fe an tam viau ang," a ti leh a.
Min thîktîr a tum nge ni ka hre thiam chiah lo. Chhe lo tak tak chu an tam ang chu, mi hausa fa an ni hlawm bawk ang a, ka tel vena phâk pawh a ni lo ang.
"Che na lutuk lo la," ka tih chuan a nui hawk a.
"Ka dìm thiam khawp asin!"
A thil sawi dàn kher kher chuh!
Kan exam tùr chu ka huphurh vak lo nain țha taka pass ka duh vàngin ka zir ngawrh, hmuh pawh kan inhmu khât ta deuh, dàwrah kan kal tawh si lo va, class kal loh hnuah phei chuan ka chhuak ngai si lo va, kan inhmu lo khawp. Ka ngai roh țhìn khawp mai; mahse, ka ngaihtuahnaa a rawn lan dâwn apiangin lehkha zir tùr ka ban vat țhin.
Inrinni a ni a,hostel bul vêl kan tih fai lai chuanphone a rawn ri a.
"Hello?" tiin toilet-ah ka lût ta nghâl vat, mi dangin kan inbiakna hre lo se ka duh si a.
"Lo chhuak dâwn em?"
"Ka lo tum hran hleinem, exam a hnai tawh bawk sia."
"Kan inhmu khât tawh si a, ka ngai che alawm," a rawn ti thûm dãt a.
Nuam ka va ti tak! Min ngai tih hriat hi chu a nuam thlâwt, min ngai miah lo ang tih hi hlauhawm tak a ni zãwk.
"Rei vak lo chu Dàwrkàwn lamah kan chhuak zawkin ka ring. Lo kal ve la?"
"Ka hman chuan aw, tunah pawh hei ka buai ve reuh khawp a."
Kan inkawp rei ve ta, eng nge a tih hi ka la hre miah lo, college hi chu a kal lo chiang mai a, a chhan chu class kal ngai miau hek lo le. Eng tak thawk ve maw? A buai ve viau niin a insawi a, lèn kual vêl mai mai ai chuan buai deuh se thlèmnaah pawh a tlu lût lo deuh ang.
Dàwrkàwnah chuan rilru chawmawlh tiharh tùrin Sangpuii leh Bti nèn kan chhuak a, dàwrah kan chàwl pah bawk a. Dàwra ka kal loh hi chuan hetia han chhuah lawk hi pawi ka ti bîk lo, tunah phei chuan class kan kal tawh lo va, hostel-a inkhung reng chu rilru a mang chhuih duh êm mai. Tihharh kan ngai, lehkha kan zir nasa bawk si a, kan ã mai ang tih a hlauhawm.
Sangpuii chuan a nite tlawh lawk a rawt pek a, an in a hla lêm lo bawk a, kan zu kalpui lawk. A ni chu a lo titi suam suam a, duh aia rei kan awm phah. Kan haw lamah chuan secondhand bale hawn thar an hmu fuh a, an bûr leh nghâl chat bawk. Pawisaah hi chuan an buai lo a nia, kan inang lo teh tak mang e.
An rei viau dâwna ka hriat vàngin ka hawsan. Ka hrilh tho a, secondhand chu en rih an la duh miau si a, ka inthiam lo bîk lo. Haw ka duh, Essa pawh hi a rawn kal hman ta lo a ni ang, min rawn phone lo êm mai.
"E, khawnge i kal a?"
Hrânga niin, min rawn ûm phâk lai ka hre miah lo.
"Ka chhuak lawk a, dàwrah i kal a ni maw?"
"Aw." Tlangvâl senior lam mah ni se a lai ve deuhin ka hria!
"I haw hma a ni maw?"
"Aw, Inrinni hi chuan ka haw hma, zàn inkhâwm a ngai sia, eirèl a ngai bawk nèn."
A ti țha hle mai, tlangvâl sual chu a nih loh hmel.
Titi pah chuan kan kal tlâng zêl a, tlangvâl senior tih takah sawi tùr a hre phian mai, nuihza sawi tùr pawh a hre roh khawp.
Thil thleng kha a rang teh thut lutuk a, chiangkuang pawhin ka hre lo! Ka hriat thiam ve meuh chuan Hrânga chu leiah a lo tlu tawh!
"Engtizia-"
"Vawi khat pawh ka bialnu hi lo lènpui tawh suh, titipui pawh a ngai lo."
Essa. Essa maw? Eng thil nge? Ni lo, Lalpa leh! Khawlaiah, khaw èn lai lehnghâlin! A țawng dàn lah chu a sehchilh nawk nawk a, a thin a rim hle tih a hriat mai.
Eng nge a thinrim viau chhan? Ka kalpui vàngin.
Mahse, thil hre chiang hmasa ve phawt se, a vawi khat tihna chauh a ni tawh lo lehnghâl.
Hrehawm ka ti, ka zak lutuk bawk. Kan bul vêlah mi tam lo mah se a awm chhun an rawn tlân khâwm a, thil awmzia min rawn zâwt, sawi pawh ka sawi thei lo, ka zak, ka thin a rim pah bawk si, boruaka thâm ral daih ka châk tak zet!
Hrânga chu a hnâr leh a hmui sîr a thî a, hrehawm ka ti, ka zak. Essa chu melh pawh ka melh lo, min tihrehawm ngawih ngawih, a thinchhe lutuk leh a thîkthu chhe lutuk hi tihrehsak țhen a ngai a ni.
Hrânga hi mi fel tak chu a lo ni, engtin mah a khawih lêt ve loh bâkah a thin pawh a rim ve lo a ni ang, miin Essa an han chelh deuh pawh chuan kaltîr tùrin a ti a, an inkâra thil hriat sual palh a awm vàng mai niin a sawi ve hlauh.
Ka rilru a mang zual a, ka lo chhuak ta kher kher chu ka inchhîr ngawih ngawih, a sâwt tawh bawk si lo. Hostel bul ka thlen dàn pawh ka hre chiang lo, zahna leh hrehawm tihna hlîrin ka khat.
"Kat-"
Min lo zui reng a nih hi.
"Haw rawh!" En pawh ka en duh lo, tunah hi chuan room-a inkhung tlawk tlawk ka duh rih, ka bulah tu mah awm lo bawk se.
"Hetiang hian awm suh."
Engtin nge ka awm? Awm maksak zâwk chu amah zâwk hi a ni si. Ka țawng peih lo, ka țhiante hostel-a ka awmpuiten min rawn hmu ang tih ka hlauh avàng leh tuna titipui ka inpeih rih loh avàng chuan," Haw rawh," tiin gate-ah chuan ka luhsan ta a.
"Min kawp tiraw?"
Ka maimichhîng sawk; mahse, ka pên lui zêl tho. Mipa ka kalpui apiang hi ka kawp niin a ngai a ni maw? Ka fîmkhur ve țhìn asin, a thîkthu a chhia tih ka hriat vàngin; mahse, a ni êm êm tawh lo, ani pawh nulain message an rawn thawn zut tho, ka chhiarsak ngai lo. Thîk enah pawh ka en duh lo a nih hi, thîk tùr zawn dáwn chuan a tam lutuk!
Phone a ri nghâl zat. Amah a ni tih ka hria a, ka chhâng peih rih lo, tunah hi chuan eng mood-ah mah ka awm lo, room-a inkhung hmak bâk.
Zanriah pawh ka ei lo va; mahse, tlêm ka ei hlek. Ei châk loh nâklaiin, thil thleng kha hria an lo awm deuh emaw ni, an sawi deuh sap sap ka hria a, ka kham nghâl vat. Min hre chhuak ang tih ka hlau lutuk.
*RILRU ȚHA BULA AWM HI A NUAM A, ȚHIAN NGAHNA A NI BAWK*
Nula chho kan ni ve bawk a, a hmaa nèlawm lo zet leh țawng tam lo ka nihna kha ka paih leh deuh tawh a, ka țawng duh leh țan viau tawh. Rilru azir hi a lo ni deuh chu a nih àwm hi, ka rilru a hlim leh tawh a, mipa laka ka inlâk hran viauna kha a nêp ta deuh bawk. Kan sem mipate pawhin min biakin țha takin ka chhâng, a rùl tâwk chauhin ka chhâng tawh bîk lo. Essa ka tawng hi ka pângngai phah leh dâwn a ni ngei ang, ka nun pângngaiah khân ka lêt țan hret hret tlat.
U Mimii pasal neihnaah chuan ka haw lo tak tak. Ka chhûngte'n 'Lo haw la' pawh an ti mang si lo va, ka inthlahrung, bâkah, class ka ngai pawimawh, exam a hnai ve tawh si.
Essa pawh a pângngai viau. A phone kha ka la hmang ta reng, ka phone kha chu a part thlâk a lo ngai a, pawisa sèn nual a ngai dâwn si a, ka zak peih lo, ka kawlsak ta reng mai, a dang a nei tho bawk si a.
Hostel-ah pawh min rawn kal chilh tawh lo. Pâwn lamah kan inhmu mai ţhin a, bâkah, ka fîmkhur tawp. Kan awm dùn lai hi miin min hmu tam lo se ka duh avàngin puipunnaah chuan kan kal tam lo, kan ni tih hria an tam vak lo ang. Amaherawhchu, ani hi chuan hmel hriat a ngah si a, lo hre tâwk pawh an awm maithei bawk.
Devotion kan hmang zo a, Hmangaihi chuan ka kal sawn tùr chu ka hminga min rawn koh avàngin ka ding leh rih a.
"Zopui, en teh, star-tu che ka hria a nia, a star over țhuai che a," a rawn ti sar sar a.
Ka nuih a za khawp mai a; mahse, ka insûm hrâm hrâm.
"A va làwmawm ve! Kei akâra-"
"A chhe fahran lo asin, ka hmuh azât hian a lo sawi ve ziah che a," a ti leh a.
Chhàn ngaihna pawh ka hre lo, làwm tùr nge làwm loh tùr pawh ka hre chuang lo, ka en reng ringawt.
"Dàwr tê neitute in hnuai luahtu tlangvâl senior lam lek lek khi a nia, puan a țhui thiam tawp lehnghâl. A hming kha, Hrânga a niin ka hria."
Ka hmu zauh zauh, a hming erawh ka lo hre ngai hauh lo a nih hi. A hlauhawm duh dâwn e! 'U Hrang' ka ti ni tin mai dâwn asin!
"Dàwrkàwnah khian dàwr a nei a, a luck phian. 'Min lo biak teh' a ti ve ziah che a."
A làwmawm viau rualin kei chuan bialpa ka nei tawh a, tlangvâl dang ka melh thei tawh hleinem. Ka bialpa a ni a, a thîkthu chhiatzia ka hre tawh bawk a, mipa dang melh tumna ka nei hauh lo bawk.
*******
"Nakin zàn birthday party-ah kal dùn ila?"
Ka kal thei lo tih a hre reng a, ka duh dâwn lo tih a ring bawkin ka ring, min sâwm der ve mai a ni.
"Ka lâwm e, châk viau mah ila ka thei lo tih i hriat kha."
"Maremi a lo awm leh mai ang a?"
"Exam a hnai tawh lutuk, bâkah, chhuah rûk kha ka duh tawh lo, a hlauhawm êm mai," ka tih chuan ani chuan awlsam zet hian," Ka bula i awm chhûng chuan hlauthâwng duh mah ta che," a lo ti êt a.
"Tu birthday nge a?" tia ka zawh chuan,"Rina nau Tetei, min sâwm ngawrh ve a," a ti sup a.
Nia, țhian a ngah àwm si a, birthday party ilo vêlah chuan a kal zut thei ang chu, a țhiante'n an sàwm miau chuan han kal loh kha a mawi vak lo bawk ang a.
"Nuam ti deuhin hun i va hmang ve ang chu," ka tih chuan," Nia, nula pawh chhe lo fe fe an tam viau ang," a ti leh a.
Min thîktîr a tum nge ni ka hre thiam chiah lo. Chhe lo tak tak chu an tam ang chu, mi hausa fa an ni hlawm bawk ang a, ka tel vena phâk pawh a ni lo ang.
"Che na lutuk lo la," ka tih chuan a nui hawk a.
"Ka dìm thiam khawp asin!"
A thil sawi dàn kher kher chuh!
Kan exam tùr chu ka huphurh vak lo nain țha taka pass ka duh vàngin ka zir ngawrh, hmuh pawh kan inhmu khât ta deuh, dàwrah kan kal tawh si lo va, class kal loh hnuah phei chuan ka chhuak ngai si lo va, kan inhmu lo khawp. Ka ngai roh țhìn khawp mai; mahse, ka ngaihtuahnaa a rawn lan dâwn apiangin lehkha zir tùr ka ban vat țhin.
Inrinni a ni a,hostel bul vêl kan tih fai lai chuanphone a rawn ri a.
"Hello?" tiin toilet-ah ka lût ta nghâl vat, mi dangin kan inbiakna hre lo se ka duh si a.
"Lo chhuak dâwn em?"
"Ka lo tum hran hleinem, exam a hnai tawh bawk sia."
"Kan inhmu khât tawh si a, ka ngai che alawm," a rawn ti thûm dãt a.
Nuam ka va ti tak! Min ngai tih hriat hi chu a nuam thlâwt, min ngai miah lo ang tih hi hlauhawm tak a ni zãwk.
"Rei vak lo chu Dàwrkàwn lamah kan chhuak zawkin ka ring. Lo kal ve la?"
"Ka hman chuan aw, tunah pawh hei ka buai ve reuh khawp a."
Kan inkawp rei ve ta, eng nge a tih hi ka la hre miah lo, college hi chu a kal lo chiang mai a, a chhan chu class kal ngai miau hek lo le. Eng tak thawk ve maw? A buai ve viau niin a insawi a, lèn kual vêl mai mai ai chuan buai deuh se thlèmnaah pawh a tlu lût lo deuh ang.
Dàwrkàwnah chuan rilru chawmawlh tiharh tùrin Sangpuii leh Bti nèn kan chhuak a, dàwrah kan chàwl pah bawk a. Dàwra ka kal loh hi chuan hetia han chhuah lawk hi pawi ka ti bîk lo, tunah phei chuan class kan kal tawh lo va, hostel-a inkhung reng chu rilru a mang chhuih duh êm mai. Tihharh kan ngai, lehkha kan zir nasa bawk si a, kan ã mai ang tih a hlauhawm.
Sangpuii chuan a nite tlawh lawk a rawt pek a, an in a hla lêm lo bawk a, kan zu kalpui lawk. A ni chu a lo titi suam suam a, duh aia rei kan awm phah. Kan haw lamah chuan secondhand bale hawn thar an hmu fuh a, an bûr leh nghâl chat bawk. Pawisaah hi chuan an buai lo a nia, kan inang lo teh tak mang e.
An rei viau dâwna ka hriat vàngin ka hawsan. Ka hrilh tho a, secondhand chu en rih an la duh miau si a, ka inthiam lo bîk lo. Haw ka duh, Essa pawh hi a rawn kal hman ta lo a ni ang, min rawn phone lo êm mai.
"E, khawnge i kal a?"
Hrânga niin, min rawn ûm phâk lai ka hre miah lo.
"Ka chhuak lawk a, dàwrah i kal a ni maw?"
"Aw." Tlangvâl senior lam mah ni se a lai ve deuhin ka hria!
"I haw hma a ni maw?"
"Aw, Inrinni hi chuan ka haw hma, zàn inkhâwm a ngai sia, eirèl a ngai bawk nèn."
A ti țha hle mai, tlangvâl sual chu a nih loh hmel.
Titi pah chuan kan kal tlâng zêl a, tlangvâl senior tih takah sawi tùr a hre phian mai, nuihza sawi tùr pawh a hre roh khawp.
Thil thleng kha a rang teh thut lutuk a, chiangkuang pawhin ka hre lo! Ka hriat thiam ve meuh chuan Hrânga chu leiah a lo tlu tawh!
"Engtizia-"
"Vawi khat pawh ka bialnu hi lo lènpui tawh suh, titipui pawh a ngai lo."
Essa. Essa maw? Eng thil nge? Ni lo, Lalpa leh! Khawlaiah, khaw èn lai lehnghâlin! A țawng dàn lah chu a sehchilh nawk nawk a, a thin a rim hle tih a hriat mai.
Eng nge a thinrim viau chhan? Ka kalpui vàngin.
Mahse, thil hre chiang hmasa ve phawt se, a vawi khat tihna chauh a ni tawh lo lehnghâl.
Hrehawm ka ti, ka zak lutuk bawk. Kan bul vêlah mi tam lo mah se a awm chhun an rawn tlân khâwm a, thil awmzia min rawn zâwt, sawi pawh ka sawi thei lo, ka zak, ka thin a rim pah bawk si, boruaka thâm ral daih ka châk tak zet!
Hrânga chu a hnâr leh a hmui sîr a thî a, hrehawm ka ti, ka zak. Essa chu melh pawh ka melh lo, min tihrehawm ngawih ngawih, a thinchhe lutuk leh a thîkthu chhe lutuk hi tihrehsak țhen a ngai a ni.
Hrânga hi mi fel tak chu a lo ni, engtin mah a khawih lêt ve loh bâkah a thin pawh a rim ve lo a ni ang, miin Essa an han chelh deuh pawh chuan kaltîr tùrin a ti a, an inkâra thil hriat sual palh a awm vàng mai niin a sawi ve hlauh.
Ka rilru a mang zual a, ka lo chhuak ta kher kher chu ka inchhîr ngawih ngawih, a sâwt tawh bawk si lo. Hostel bul ka thlen dàn pawh ka hre chiang lo, zahna leh hrehawm tihna hlîrin ka khat.
"Kat-"
Min lo zui reng a nih hi.
"Haw rawh!" En pawh ka en duh lo, tunah hi chuan room-a inkhung tlawk tlawk ka duh rih, ka bulah tu mah awm lo bawk se.
"Hetiang hian awm suh."
Engtin nge ka awm? Awm maksak zâwk chu amah zâwk hi a ni si. Ka țawng peih lo, ka țhiante hostel-a ka awmpuiten min rawn hmu ang tih ka hlauh avàng leh tuna titipui ka inpeih rih loh avàng chuan," Haw rawh," tiin gate-ah chuan ka luhsan ta a.
"Min kawp tiraw?"
Ka maimichhîng sawk; mahse, ka pên lui zêl tho. Mipa ka kalpui apiang hi ka kawp niin a ngai a ni maw? Ka fîmkhur ve țhìn asin, a thîkthu a chhia tih ka hriat vàngin; mahse, a ni êm êm tawh lo, ani pawh nulain message an rawn thawn zut tho, ka chhiarsak ngai lo. Thîk enah pawh ka en duh lo a nih hi, thîk tùr zawn dáwn chuan a tam lutuk!
Phone a ri nghâl zat. Amah a ni tih ka hria a, ka chhâng peih rih lo, tunah hi chuan eng mood-ah mah ka awm lo, room-a inkhung hmak bâk.
Zanriah pawh ka ei lo va; mahse, tlêm ka ei hlek. Ei châk loh nâklaiin, thil thleng kha hria an lo awm deuh emaw ni, an sawi deuh sap sap ka hria a, ka kham nghâl vat. Min hre chhuak ang tih ka hlau lutuk.
*RILRU ȚHA BULA AWM HI A NUAM A, ȚHIAN NGAHNA A NI BAWK*
Comments
Post a Comment