☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 17 By Dingdi Pachuau
Zàna lehkha zir chu a har țalh mai. Ka han inchhawp rèn ráwn a, exam a hnai tawh bawk si nèn, har ka va ti tak! Ka maimichhìn hlek lahin ka mitthlaah tlaia thil thleng kha a lo lang zêl, U Hrânga khân nâ a ti viau ang chu, engati nge khatia a rawn hnek ngawt le? Lo thîk deuh pawh ni se, a che mawi lo hrim hrim. Mi inring lo lai rawn hnek ngawt mai.
Ka thaw hawk hawk.
Phone êng leh pap pap țhìn chu ka hmu reng, min rawn call ãwl lo va, ka chhâng chuang lo. Ka insùm theih dàwn loh avangin ka chhâng duh lo, mi dangin kan țawng an lo hriat palh hlauh phei chuan an titi titamtu kan ni dâwn, chu chu ka duh lo bawk.
Ka rilruah a lût thei ngang lo, ka dah ta tawp. Mu hma deuh mai ang, a ngaihna a awm hlawl lo.
Phone chu a rawn êng leh ta, a beidawng duh lo ve khawp mai, ka chhâng ta nge nge. Thil awmzia sawi fiah pawh a ngai alawm.
"Hello?" pawh ti lovin," Eng nge?" ka ti. Vîn lo tùr erawh chuan ka insûm nasa.
"Hmuh che ka duh."
"Ka mu tawh." Dâwt ka sawi ta ringawt.
"Min hrilh teh, min kawp em?"
Ka thin a tirim phat mai. Min la ringhlel a nia, engtin nge a tih theih zâwk?!! He pa hi a lêrh a nih hi, a lêrh tak zet a nih hi. Mi lêrh chu an thîkthu a chhe duh an tih kha, mipa ka kalpui hlek apiang ringhlel reng mai.
"Min ringhlel a nih kha, a țha e. A tâwk."
Phone chu ka off hmak. Ka hmui ka pet fan fan a, țah chu ka duh hauh lo. Min ringhlel rengtu nèn hian kan hlim dùn thei ngai lo ang, a tlai hma hian ka inthiar fihlìmsan a ngai, hei hi ka tân thil țha zâwk a ni maithei asin.
Sangzuala nèn pawh exam dâwnah tho kan buai a nih kha, tunah pawh chutiang chiah chu, ngaihtuah tùr a tam leh thluak hman nasat a ngaih dâwnah tak hetiang boruak hi engati nge ka tawn ziah le?
Min ringhlel tùr hian ka lêrh lo va, mipa dang ka be țhìn lah a ni hek lo, lo be țhìnin a hmuh laiin lo nuihpui țhìn chu ni ila a àwm lutuk ang; mahse, chutiang chuan ka awm lo khawp asin, Hruaia țhianpa leh tuna mi hi an ni mai a, an la vànduai êm êm zui. Nakinah ka cousin mipate ka biak hunah phei chuan engtin nge niang? A khawih zêl dâwn tihna maw? Mipa insual chîng leh kutthlâk chîng chu mipa țha an ni thei dâwn em ni?
A tûkah pawh ka inkhâwm lo, room-ah ka inkhung a, lehkha ka zir char char, chawhnu lamah erawh Maremi'n min rawn bia a, note-a a hriat thiam loh lai min rawn zâwt. Ka hrilh ve mai a, a man thiam chuang lo a ni ang," Lo chho mai teh, ei tùr ka lo siam pah ang che, ka hre thiam thei tlat lo," a rawn ti sar sar a.
Insiam pawh ka insiam hran chuang lo, puan pár chhiai ka hmuh hmasak ber chu ka bih tawp, ka kekawr hâk a tãwi deuh hlek si a, miina kalpui nân chuan a mawi lo ka ti deuh si a, khua a lum vàng chuan ka sam erawh ka tawm chho vek.
Ka han thlen chhoh chuan a u chiah mipa nèn an lo awm a, mi dangte awmna ka zawh chuan," A țhen an inkhâwm a, a țhen an lêng bawk," a ti phawt a.
"Lo țhu rawh, a nih loh chuan room-ah va lût la, lehkha pawh i chhiar duh maithei a," a tih chuan pawi ka ti teh chiam lo, lehkha zir ka duh êm êm vàng pawh ni chuang lo chuan a room lamah chuan ka phei.
An in hi a zau țha a, a nuam khawp bawk. A chhâwngin an sa miah lo, room erawh an nei hrang vek, zau țha tak chu a ni, kan in ka ngaihtuah chhuak a, ka ner nak. A inang lo lutuk a, mimal room hnih ang vêl hi kan in pum pui zau zâwng a nih ka ring hial.
A lehkha zirna chair-a ka țhu chiah tihah chuan bathlàr lam kawngka ațangin Essa a rawn lût ta tlat mai!
Ka țhutna ațangin ka tho vat! Eng nge hetah a rawn tih ve? Min hmu a, min rawn zui em ni? Nge, a rawn lût ru? Nge Maremi hriatpuinain a lo kal ve zâwk?
"Țhu rawh," a ti nain ka țhu lo, ka ding duh zâwk, a thu âwih ka duh lo.
"Eng nge hetah i tih?"
"Ka lêng, ka lêng ve thei lo em ni?"
A thil sawi dàn kher kher chu, a va ngeiawm thiam tak!
Kan awm dùn thei lo ang, mi room-ah lehnghâl, a u a awm lehnghâl bawk si, hming chhiat a hnai. Bâkah, a duhna hmunah min ko kal zêl thei tùr hi a ni lo, min ringhlel lehnghâl a nia, awlsam taka min thlèm thlûk hi a tum a ni ang e, a teuh lo, a thu angin ka awm lo ang.
Ka kal sawn tùr chu ka bânah a rawn man chat," Hmuh che ka duh ka tih kha," a ti nghut a.
"Sawi tùr ka nei lo," ka ti.
A thaw hawk a," I nei alawm," a ti deuh tlat. 'Nei lo' tih mawlh mawlh pawha 'nei' min tih tlat chu le, a lakah hian insawi fiah ka tum lo ang, a ngaih ngaihin ngai rawh se.
"Ka haw dâwn."
"Kat...?"
Ka bân chu a hmer ngheh êm avàngin a na kher mai, ka tâl nasat poh leh a hmer nghet ting mai.
"A na, min thlah rawh!"
"Kat, ka thlah thei lo che."
Tlêm chuan min thlah dul chuan ka hria; mahse, min kaltîr chu a tum hmel lohin ka hria.
"Min kaltîr rawh!"
A thaw leh hawk," Hetiang chuan ka kaltîr thei lo ang che, i thin a ur a nih kha. Min àn khum rawh, engtin pawh kut min thlâk rawh; mahse, ka kaltîr lo ang che," a ti tlat.
"Min ringhlel a ni lo'm ni? Engah nge min rinhlelh ziah? Mi rinawm lo ka ni em? A nih, keiin ka ringhlel ve tawh che em?" A dang chu ka sawi thei lo, ka inâng rilru na thar a, ka hrawkah hnawhtu a awm tlat.
A ngawi reng a, kei lah ka țawng leh chuan ka țap ang tih ka hlauh avàng chauhin țawng lo tùrin ka insûm, he pa hmaa țah hi ka duh lo.
"Ka sual tiraw?" a tàwpah chuan a rawn ti chhuak ta sup a.
Mak ti rilru deuh hian ka melh zawk. Sual hran lo ve, mi rinhlelh a chîng leh thil hre chiang lova mi khawih a chîng erawh a țha ka ti lo khawp mai.
"Ka sual man min hmuhtîr dâwn tiraw? Min bêng la, nasa takin min chùm rawh, ka tuar thei vek; mahse, kaltîr che chu ka thei lo."
Ka bân pawh a thlah dul ve ta, min thlah erawh a tum lo a nih hmel, min la chelh tho.
"Thil hre chiang hmasa lovin mi ringhlel ringawt tawh suh," ka ti ta sap a, tlêm chuan ka rilru a no țan deuh.
"Min kawp a nih ka ring alawm."
"Min la ringhlel cheu a ni maw?"
"Thu dik pawh min la hrilh lo."
"Eng thu dik?"
"Min kawp leh kawp loh."
"Zawng chhuak rawh,"tiin ka thin a tihrim thar leh avàngin ka chhâng a, room ațangin ka chhuak. Duh leh min rawn ûm zui se, engah mah ka ngai peih tawh lo.
"Sawi mai la." Min rawn um zui tak tak, Maremi chauh a lo awm tawh a, a tihzia hle a ni, a u kha lo la awm se chuan kan mualpho chu a ni tawh mai àwm si a.
"Sawi pawh ni ila min ring chuang lo ang."
"Hloh che ka duh lo."
Kan inkâr boruak chuan ziaawm lam a pan pawhin ka hre lo, min ringhlel tlat si a, min rin loh miau chuan tihngaihna ka hre lo, hetiang chuan min ringhlel reng ang a, engtikah mah min ring thei chuang lo ang.
Maremi nèna an ruahmanna vek a lo nih kha, ka ringhlel deuh kha a ni a, a àwm ve reng, khatiang chi khân an inah min sâwm ngai lo va, ka ngaih pawimawh theih tùr berin zirlai a rawn chhuanlam a, a tifuh, kei lahin ka lo âwih nghâl êm êm.
"A pawi ka ti lutuk ringawt, thil thleng kha min hrilh a, hmuh che a duh si a," ka haw hnua min rawn phone chuan Maremi chuan a ti a.
"Pawi ti suh, a țha zâwk a ni ang," ka ti ringawt.
" Nizànah in hostel chung zâwlah khân a țhu tlaivâr a," a ti leh.
A va ã tak! Rawn kal tawh lo tùrin ka hrilh ngun teh rêng nèn, a zàwm thlap tawh emaw ka ti asin. Luhlulliana chuh, țhut tlaivàr chuan awmzia a nei lo, a intihrehawm mai mai asin, a va mãwl tak êm!
"A buaithlâk ka ti êm mai, inrem teh u," a rawn ti leh a.
"Min rinhlelh chhûng chuan kan inkâr a dik thei chuang lo ang," ka ti ve thung.
"E, taka, sawi chhuak kher chuang lo la, an chhûngkuaah buaina eng emaw a awm a, nimin lam khân a ni àwm e, a hrilh che em?" a rawn ti leh a.
Hrilh hauh lo. Kei min hrilh lovin Maremi a hrilh daih si maw? A va mak àwm ve!
"Hrilh lo, eng thil nge thleng a?"
"Ka hre bîk lo."
Eng thil tak ni ang maw?
"I ngaihtuah a hlau a nih chu. I exam a hnai ve tawh si a, thil sawi nuam lo tak tùr a nih bâkah tihbuai che a duh lo a ni ngei ang," a ti leh barh barh a.
Eng harsatna tak ni ang maw? Harsatna buaithlâk leh hrehawm tak a ni lêm lo ang chu maw? Chutiang han tâwk êm tùr chuan ka phal bîk lo, mi rinhlelh hrât viau mah se. Thil țha lo a chunga a thlen ka duh lo, thil țha hlir ka duhsak asin.
*******
Kan han exam țan ve ta a, exam țan nì hmasa bera question chu a har hran lo, tluang tak leh țha takin ka chhâng zo thei mai. Páwnah țhuin Maremi ka lo nghâk.
Khami Sunday ațang khân kâr khat deuhthaw a ni tawh, vawiin hi zirtàwpni a ni a, min rawn be miah lo, message pawh chuti bawk, a reh tlawk tlawk. Harsatna lian záwk a tâwk ta a nih te ka ring rum rum, han phone-a han zawh ka duh viau laiin ka induhtâwkna chuan phone lo tùrin min thlêm ngar ngar bawk a, min la hneh zêl chu a nih hi.
Maremi bulah pawh ka sawi chhuak ngam lo, an ina kan inhmuh lai khân ka thin kha a rawn rim thar leh thut a, kha vàng vek kha a ni. Ka kawp leh kawp loh min zawh khân țha taka ka kawp loh thua lo chhàn ve mai tùr kha a ni a, ka inchhîr ru reuh reuh tawh. A reh si a, ka ngai vawng vawng.
Zànah thla a êng no riai a, khaw dur a awm lo va, a nuam khawp. Kâwlkil lamah erawh chuan chhûm chu a awm tho a, zan reiah a sûr thut thei, in chunga ka thawmhnaw zàr han seng a ngai dâwn a nih hi, inrin lâwk hi a ţha.
Gate ban nghènga mi lo ding ka hmuh chuan ka phu nasa mai! Ka au vak țhelh; mahse, Essa a ni tih ka hriat veleh chuan ka thaw deuh huai. A lo kal leh tawh a nih hi, thâwm a siam hauh si lo, min rawn phone bawk si lo, eng nge a rawn tih le?
"Eng thil nge i rawn tih a?" hlauthâwng tak chuan ka ti sap, ka țawng ring ngam lo.
Min rawn hria ang pawhin a awm lo, chêt erawh a che sawn hret chauh.
"Ka bialnu ka hmuh țhinna hmun a nia." Ani hi chu a aw hi a zawi ve hrim hrim a, a awki a hniam bawk nèn, a ruih phei hi chuan a thatchhiat hmel zual țhìn.
A aw ațang chuan a rùi tih ka hria, a hmel leh a mitmeng erawh a hmuh chian theih si loh a, engtiang taka rui nge a nih ka hre thei lo.
"An rawn hmu mai ang che, i hlau ve miah lo em ni?" ka ti leh sar sar.
"Eng mah ka hlau lo."
Heta awm reng hi a fuh lêm lo, ani pawh hi hnar haw a ngai, hetah tih tur a nei lo.
"Haw tawh la?"
"Ka bialnu kha ka ngai a ni." A rùi â a nih ka ring ta hial.
"Khawngaihin, haw rawh, lo kal tawh suh ka tih kha."
A thaw hawk a, chutah," Kalna tùr ka hre lo, helai hi nuam ka ti ber a," a ti leh sup, mi â a ang ka ti a, ka khawngaih roh tlat a nih chu.
"I rùi a nih kha."
"Ruih chhum hmawk ka duh asin, eng mah hre lovin awm ila a țha zâwk ang," a ti leh a.
"Eng emaw thil thleng a awm em?"
A ngawi vung vung. Hmuh ka châk a, ka ngaih rûk êm êm laiin hetiang rui chung hian ka han hmu thut a ni a, min hria ang pawhin a awm si lo va, ka rilru a tina lek lek.
"Ka chhûngkaw neih chhun ka farnu ka chân a ni."
Ka thil hriat zet chuh!
☆A TUAMTU MAWI TAK AIIN A TUAMA HI A PAWIMAWH A, CHUTIANG BAWKIN KAN THIL NEIH CHANGKÂNG TAK TAK AIIN KEIMAHNI HI KAN PAWIMAWH ZÂWK*
Zàna lehkha zir chu a har țalh mai. Ka han inchhawp rèn ráwn a, exam a hnai tawh bawk si nèn, har ka va ti tak! Ka maimichhìn hlek lahin ka mitthlaah tlaia thil thleng kha a lo lang zêl, U Hrânga khân nâ a ti viau ang chu, engati nge khatia a rawn hnek ngawt le? Lo thîk deuh pawh ni se, a che mawi lo hrim hrim. Mi inring lo lai rawn hnek ngawt mai.
Ka thaw hawk hawk.
Phone êng leh pap pap țhìn chu ka hmu reng, min rawn call ãwl lo va, ka chhâng chuang lo. Ka insùm theih dàwn loh avangin ka chhâng duh lo, mi dangin kan țawng an lo hriat palh hlauh phei chuan an titi titamtu kan ni dâwn, chu chu ka duh lo bawk.
Ka rilruah a lût thei ngang lo, ka dah ta tawp. Mu hma deuh mai ang, a ngaihna a awm hlawl lo.
Phone chu a rawn êng leh ta, a beidawng duh lo ve khawp mai, ka chhâng ta nge nge. Thil awmzia sawi fiah pawh a ngai alawm.
"Hello?" pawh ti lovin," Eng nge?" ka ti. Vîn lo tùr erawh chuan ka insûm nasa.
"Hmuh che ka duh."
"Ka mu tawh." Dâwt ka sawi ta ringawt.
"Min hrilh teh, min kawp em?"
Ka thin a tirim phat mai. Min la ringhlel a nia, engtin nge a tih theih zâwk?!! He pa hi a lêrh a nih hi, a lêrh tak zet a nih hi. Mi lêrh chu an thîkthu a chhe duh an tih kha, mipa ka kalpui hlek apiang ringhlel reng mai.
"Min ringhlel a nih kha, a țha e. A tâwk."
Phone chu ka off hmak. Ka hmui ka pet fan fan a, țah chu ka duh hauh lo. Min ringhlel rengtu nèn hian kan hlim dùn thei ngai lo ang, a tlai hma hian ka inthiar fihlìmsan a ngai, hei hi ka tân thil țha zâwk a ni maithei asin.
Sangzuala nèn pawh exam dâwnah tho kan buai a nih kha, tunah pawh chutiang chiah chu, ngaihtuah tùr a tam leh thluak hman nasat a ngaih dâwnah tak hetiang boruak hi engati nge ka tawn ziah le?
Min ringhlel tùr hian ka lêrh lo va, mipa dang ka be țhìn lah a ni hek lo, lo be țhìnin a hmuh laiin lo nuihpui țhìn chu ni ila a àwm lutuk ang; mahse, chutiang chuan ka awm lo khawp asin, Hruaia țhianpa leh tuna mi hi an ni mai a, an la vànduai êm êm zui. Nakinah ka cousin mipate ka biak hunah phei chuan engtin nge niang? A khawih zêl dâwn tihna maw? Mipa insual chîng leh kutthlâk chîng chu mipa țha an ni thei dâwn em ni?
A tûkah pawh ka inkhâwm lo, room-ah ka inkhung a, lehkha ka zir char char, chawhnu lamah erawh Maremi'n min rawn bia a, note-a a hriat thiam loh lai min rawn zâwt. Ka hrilh ve mai a, a man thiam chuang lo a ni ang," Lo chho mai teh, ei tùr ka lo siam pah ang che, ka hre thiam thei tlat lo," a rawn ti sar sar a.
Insiam pawh ka insiam hran chuang lo, puan pár chhiai ka hmuh hmasak ber chu ka bih tawp, ka kekawr hâk a tãwi deuh hlek si a, miina kalpui nân chuan a mawi lo ka ti deuh si a, khua a lum vàng chuan ka sam erawh ka tawm chho vek.
Ka han thlen chhoh chuan a u chiah mipa nèn an lo awm a, mi dangte awmna ka zawh chuan," A țhen an inkhâwm a, a țhen an lêng bawk," a ti phawt a.
"Lo țhu rawh, a nih loh chuan room-ah va lût la, lehkha pawh i chhiar duh maithei a," a tih chuan pawi ka ti teh chiam lo, lehkha zir ka duh êm êm vàng pawh ni chuang lo chuan a room lamah chuan ka phei.
An in hi a zau țha a, a nuam khawp bawk. A chhâwngin an sa miah lo, room erawh an nei hrang vek, zau țha tak chu a ni, kan in ka ngaihtuah chhuak a, ka ner nak. A inang lo lutuk a, mimal room hnih ang vêl hi kan in pum pui zau zâwng a nih ka ring hial.
A lehkha zirna chair-a ka țhu chiah tihah chuan bathlàr lam kawngka ațangin Essa a rawn lût ta tlat mai!
Ka țhutna ațangin ka tho vat! Eng nge hetah a rawn tih ve? Min hmu a, min rawn zui em ni? Nge, a rawn lût ru? Nge Maremi hriatpuinain a lo kal ve zâwk?
"Țhu rawh," a ti nain ka țhu lo, ka ding duh zâwk, a thu âwih ka duh lo.
"Eng nge hetah i tih?"
"Ka lêng, ka lêng ve thei lo em ni?"
A thil sawi dàn kher kher chu, a va ngeiawm thiam tak!
Kan awm dùn thei lo ang, mi room-ah lehnghâl, a u a awm lehnghâl bawk si, hming chhiat a hnai. Bâkah, a duhna hmunah min ko kal zêl thei tùr hi a ni lo, min ringhlel lehnghâl a nia, awlsam taka min thlèm thlûk hi a tum a ni ang e, a teuh lo, a thu angin ka awm lo ang.
Ka kal sawn tùr chu ka bânah a rawn man chat," Hmuh che ka duh ka tih kha," a ti nghut a.
"Sawi tùr ka nei lo," ka ti.
A thaw hawk a," I nei alawm," a ti deuh tlat. 'Nei lo' tih mawlh mawlh pawha 'nei' min tih tlat chu le, a lakah hian insawi fiah ka tum lo ang, a ngaih ngaihin ngai rawh se.
"Ka haw dâwn."
"Kat...?"
Ka bân chu a hmer ngheh êm avàngin a na kher mai, ka tâl nasat poh leh a hmer nghet ting mai.
"A na, min thlah rawh!"
"Kat, ka thlah thei lo che."
Tlêm chuan min thlah dul chuan ka hria; mahse, min kaltîr chu a tum hmel lohin ka hria.
"Min kaltîr rawh!"
A thaw leh hawk," Hetiang chuan ka kaltîr thei lo ang che, i thin a ur a nih kha. Min àn khum rawh, engtin pawh kut min thlâk rawh; mahse, ka kaltîr lo ang che," a ti tlat.
"Min ringhlel a ni lo'm ni? Engah nge min rinhlelh ziah? Mi rinawm lo ka ni em? A nih, keiin ka ringhlel ve tawh che em?" A dang chu ka sawi thei lo, ka inâng rilru na thar a, ka hrawkah hnawhtu a awm tlat.
A ngawi reng a, kei lah ka țawng leh chuan ka țap ang tih ka hlauh avàng chauhin țawng lo tùrin ka insûm, he pa hmaa țah hi ka duh lo.
"Ka sual tiraw?" a tàwpah chuan a rawn ti chhuak ta sup a.
Mak ti rilru deuh hian ka melh zawk. Sual hran lo ve, mi rinhlelh a chîng leh thil hre chiang lova mi khawih a chîng erawh a țha ka ti lo khawp mai.
"Ka sual man min hmuhtîr dâwn tiraw? Min bêng la, nasa takin min chùm rawh, ka tuar thei vek; mahse, kaltîr che chu ka thei lo."
Ka bân pawh a thlah dul ve ta, min thlah erawh a tum lo a nih hmel, min la chelh tho.
"Thil hre chiang hmasa lovin mi ringhlel ringawt tawh suh," ka ti ta sap a, tlêm chuan ka rilru a no țan deuh.
"Min kawp a nih ka ring alawm."
"Min la ringhlel cheu a ni maw?"
"Thu dik pawh min la hrilh lo."
"Eng thu dik?"
"Min kawp leh kawp loh."
"Zawng chhuak rawh,"tiin ka thin a tihrim thar leh avàngin ka chhâng a, room ațangin ka chhuak. Duh leh min rawn ûm zui se, engah mah ka ngai peih tawh lo.
"Sawi mai la." Min rawn um zui tak tak, Maremi chauh a lo awm tawh a, a tihzia hle a ni, a u kha lo la awm se chuan kan mualpho chu a ni tawh mai àwm si a.
"Sawi pawh ni ila min ring chuang lo ang."
"Hloh che ka duh lo."
Kan inkâr boruak chuan ziaawm lam a pan pawhin ka hre lo, min ringhlel tlat si a, min rin loh miau chuan tihngaihna ka hre lo, hetiang chuan min ringhlel reng ang a, engtikah mah min ring thei chuang lo ang.
Maremi nèna an ruahmanna vek a lo nih kha, ka ringhlel deuh kha a ni a, a àwm ve reng, khatiang chi khân an inah min sâwm ngai lo va, ka ngaih pawimawh theih tùr berin zirlai a rawn chhuanlam a, a tifuh, kei lahin ka lo âwih nghâl êm êm.
"A pawi ka ti lutuk ringawt, thil thleng kha min hrilh a, hmuh che a duh si a," ka haw hnua min rawn phone chuan Maremi chuan a ti a.
"Pawi ti suh, a țha zâwk a ni ang," ka ti ringawt.
" Nizànah in hostel chung zâwlah khân a țhu tlaivâr a," a ti leh.
A va ã tak! Rawn kal tawh lo tùrin ka hrilh ngun teh rêng nèn, a zàwm thlap tawh emaw ka ti asin. Luhlulliana chuh, țhut tlaivàr chuan awmzia a nei lo, a intihrehawm mai mai asin, a va mãwl tak êm!
"A buaithlâk ka ti êm mai, inrem teh u," a rawn ti leh a.
"Min rinhlelh chhûng chuan kan inkâr a dik thei chuang lo ang," ka ti ve thung.
"E, taka, sawi chhuak kher chuang lo la, an chhûngkuaah buaina eng emaw a awm a, nimin lam khân a ni àwm e, a hrilh che em?" a rawn ti leh a.
Hrilh hauh lo. Kei min hrilh lovin Maremi a hrilh daih si maw? A va mak àwm ve!
"Hrilh lo, eng thil nge thleng a?"
"Ka hre bîk lo."
Eng thil tak ni ang maw?
"I ngaihtuah a hlau a nih chu. I exam a hnai ve tawh si a, thil sawi nuam lo tak tùr a nih bâkah tihbuai che a duh lo a ni ngei ang," a ti leh barh barh a.
Eng harsatna tak ni ang maw? Harsatna buaithlâk leh hrehawm tak a ni lêm lo ang chu maw? Chutiang han tâwk êm tùr chuan ka phal bîk lo, mi rinhlelh hrât viau mah se. Thil țha lo a chunga a thlen ka duh lo, thil țha hlir ka duhsak asin.
*******
Kan han exam țan ve ta a, exam țan nì hmasa bera question chu a har hran lo, tluang tak leh țha takin ka chhâng zo thei mai. Páwnah țhuin Maremi ka lo nghâk.
Khami Sunday ațang khân kâr khat deuhthaw a ni tawh, vawiin hi zirtàwpni a ni a, min rawn be miah lo, message pawh chuti bawk, a reh tlawk tlawk. Harsatna lian záwk a tâwk ta a nih te ka ring rum rum, han phone-a han zawh ka duh viau laiin ka induhtâwkna chuan phone lo tùrin min thlêm ngar ngar bawk a, min la hneh zêl chu a nih hi.
Maremi bulah pawh ka sawi chhuak ngam lo, an ina kan inhmuh lai khân ka thin kha a rawn rim thar leh thut a, kha vàng vek kha a ni. Ka kawp leh kawp loh min zawh khân țha taka ka kawp loh thua lo chhàn ve mai tùr kha a ni a, ka inchhîr ru reuh reuh tawh. A reh si a, ka ngai vawng vawng.
Zànah thla a êng no riai a, khaw dur a awm lo va, a nuam khawp. Kâwlkil lamah erawh chuan chhûm chu a awm tho a, zan reiah a sûr thut thei, in chunga ka thawmhnaw zàr han seng a ngai dâwn a nih hi, inrin lâwk hi a ţha.
Gate ban nghènga mi lo ding ka hmuh chuan ka phu nasa mai! Ka au vak țhelh; mahse, Essa a ni tih ka hriat veleh chuan ka thaw deuh huai. A lo kal leh tawh a nih hi, thâwm a siam hauh si lo, min rawn phone bawk si lo, eng nge a rawn tih le?
"Eng thil nge i rawn tih a?" hlauthâwng tak chuan ka ti sap, ka țawng ring ngam lo.
Min rawn hria ang pawhin a awm lo, chêt erawh a che sawn hret chauh.
"Ka bialnu ka hmuh țhinna hmun a nia." Ani hi chu a aw hi a zawi ve hrim hrim a, a awki a hniam bawk nèn, a ruih phei hi chuan a thatchhiat hmel zual țhìn.
A aw ațang chuan a rùi tih ka hria, a hmel leh a mitmeng erawh a hmuh chian theih si loh a, engtiang taka rui nge a nih ka hre thei lo.
"An rawn hmu mai ang che, i hlau ve miah lo em ni?" ka ti leh sar sar.
"Eng mah ka hlau lo."
Heta awm reng hi a fuh lêm lo, ani pawh hi hnar haw a ngai, hetah tih tur a nei lo.
"Haw tawh la?"
"Ka bialnu kha ka ngai a ni." A rùi â a nih ka ring ta hial.
"Khawngaihin, haw rawh, lo kal tawh suh ka tih kha."
A thaw hawk a, chutah," Kalna tùr ka hre lo, helai hi nuam ka ti ber a," a ti leh sup, mi â a ang ka ti a, ka khawngaih roh tlat a nih chu.
"I rùi a nih kha."
"Ruih chhum hmawk ka duh asin, eng mah hre lovin awm ila a țha zâwk ang," a ti leh a.
"Eng emaw thil thleng a awm em?"
A ngawi vung vung. Hmuh ka châk a, ka ngaih rûk êm êm laiin hetiang rui chung hian ka han hmu thut a ni a, min hria ang pawhin a awm si lo va, ka rilru a tina lek lek.
"Ka chhûngkaw neih chhun ka farnu ka chân a ni."
Ka thil hriat zet chuh!
☆A TUAMTU MAWI TAK AIIN A TUAMA HI A PAWIMAWH A, CHUTIANG BAWKIN KAN THIL NEIH CHANGKÂNG TAK TAK AIIN KEIMAHNI HI KAN PAWIMAWH ZÂWK*
Comments
Post a Comment