☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 18 By Dingdi Pachuau
Khami zàn ațang khân zàn sarih (kâr khatna chiah) a liam leh tawh, ka hmu leh tawh miah lo! A rawn kal leh ringin ka ngaichâng ru kar țhìn a; mahse, a hmel hmuh tùr a awm lo va, a thâwm hriat tur pawh a awm lo, ka phone pawhin ka phone tlang thei chuang lo, ka ngaih a tițha lo rum rum tawh mai.
Ka ngaihtuah lêt a, khami zàn khân a farnu a thî tih sawiin a a rilru a na hle a nih kha. Hnem ka duh, hnem dàn ka thiam lo, nghet taka kuah bâk. Nghet takin ka kuah a, a taksa a insâwi dar dar a nih kha. A rilru a nâ tih ka hria, thihna hi chu tu tân pawn a na êm êm vek, he khawvêlah hmu tawh ngai hauh lo tùra inkalsan chu thil hrehawm ber a ni chiang alawm, kei pawhin ka pi ka lo chân ve tawh a, a natzia ka hre ve tawh.
Ka khawngaih lutuk, a chhûngrilah a țap tih ka hria, a tuar na tak zet ang chu. An chhûngkhur nun ka va hriatpui hauh lo, farnu a nei a, a farnu chu tihtak zetin a hmangaih tih chauh khami zàn ațang khân ka hria, ka zâwt tam lo, hnem kha ka duh ber chu a ni mai.
Biak theih a ni lo va, ka hmu ngai tawh lo bawk. Engtin nge a awm zêl hriat ka duh tehlul nèn, a phone tlang theih si lo va, eng êm a ti lo ang chu maw tiin ka ngaih ka tițha lui a; mahse, tunah chuan ka ngaih a ţha thei tawh lo, hmuh tùra a awm loh pawhin be thei tal ila a țha tùr a nia.
Exam lai a ni si a, thluak hman nasat ngaih lai a ni bawk a, Essa ka ngaihtuah bawk si nèn, ka chêr rawk rawkin ka hria. Thil ei a har a, lehkha zir a ngai nasa bawk si a, ka thluak hi a na ngut ngut tawh mai!
Zan khat phei chu lehkha ka zir thei thlâwt lo va, ka zir lo tawp, thil țha lo tak tak ka ngaihtuahnaah a rawn lût chho zêl a. Ani hi khawlai vêlah hian rui chung hian a vâk mai mai ang a, mi pawi sawiin an lo khawih hrep ang a, chuvàngin a rawn kal thei lo a niang, a nih loh tal pawhin inhnem nân nula dang hnênah a kal daih a niang tih te ka ngaihtuah kual a, ka duh lo kher mai.
Maremi ka han phone ringawt. Essa chanchin kha chu ka hrilh thuak tawh a, chipchiar tak erawh chuan ka hrilh lo; mahse, zaninah erawh chuan ka hrilh ta vek, ka inbun thàwl loh chuan ka rilru a tâwt lutuk a, a hrehawm.
Ka hrilh vek hnuah chuan," A nih tak chu; mahse, thil țha lo a chungah thleng lo tùrah ngai ang, a buai ve rih te pawh a ni mahna. Ngawi tak rawh, a chanchin hriat dàn tùr ka lo ngaihtuah ang e. Hre thei tùrah inngai ang aw," a lo ti. Ka țhiannu tak hi chu aw...!! Rilru hrehawm laia biak hi a nuam a nia, a êng zâwng hian a thlîr thiam a, min hnèm thiam thei țhìn.
Essa chu biakpawh ka tum reng a; mahse, ka bei a tidawng tawlh tawlh. Ka thinrim khum vàng kha a ni ang tiin keimah ka inmawhpuh thar a, U Hranga a hnek hnu khân țha takin, thinrim miah lovin lo bia ila chuan tunah pawh hian țha takin kan la inkawp maithei asin. Ka inhau leh rih a, awmzia a awm chuang bawk si lo.
Thawhlehni zîng dâr 9-ah kan exam a, kârleh Nilaithawhțanniah pakhat ka nei leh ang a, a kârleh pek Nilainiah kan zo ang, zawh hunah chuan haw phei ve ngei a ngai àwm si a, Essa chanchin ka hriat loh phei chuan a va hrehawm dâwn tak! Haw phei pawh a châkawm loh phah vek ang chu!
Ka exam zo ka chhuak chu Maremi'n min lo nghâk a," I chhâng țha bawk a, vawiin chu ka treat ang che aw," nui sen sen chung hian a lo ti a.
Țhian fel tak ka nei hi chu Pathian malsàwmna ka dawn vàng a ni chiang. Essa vàngin ka hlim lo tih a hria a, min tihhlim chu a tum ve nasa alawm.
A cousin-te restaurant 'Insomnia'-ah kan chàwl a, an ei tùr siam nghah chhûng chuan Essa chanchin a hriat hriat chu min hrilh ta a.
Essa nu leh pa hi mi hausa fanu leh fapa innei tih takah an lâr a, an hausa viau bawk. Inhmangaih vànga innei erawh an ni hauh lo, Essa a piana a len viau tawh hnuah an ințhen a; mahse, Essa vàng liau liauin an inko leh, a chhan chu Essa hian a nu leh pa hi a ngai dùn êm êm tlat a, a nu bula a awmin a pa a ngai a, a pa bula a awm leh a nu a ngai bawk a; mahse, hmun danga lehkha zira an dah tâk hnuah erawh chuan an ințhen leh ta tho.
Essa pawh a lo lian deuh tawh bawk a, a duh lo chung hmun danga lehkha zir tùra an dah a ni bawk a, a nu leh pa chu a ngai duh tawh lo. Hostel-ah țhian nei lo chuan a awm chho ta zêl a, exam zawhah pawh a haw duh lo, amah chauhin hostel-ah chuan a awm ngal zel. A rilru an tihnatsak tlat tawh avàngin an ina haw chu châk ve mah se a intiluhlul lui tlat a, a nu leh pa chanchin chu a ngaihtuah duh lo.
An ina a haw leh meuh chuan a pa chu a lo awm tawh lo, a lo thi tawh niin! A hre thiam lo khawp mai a, a nu lah chuan pasal ang reng deuh, hnam dang mipa sek lam deuh leh chak hmel zet hi a lo awmpui tawh a, fanu pawh an lo nei tawh! A nau hmeichhia a han hmu chu a hmaa a thinrimna zawng zawng kha a theihnghilh vek a, a nau chu a hmangaih bur mai a ni.
Hmun danga lehkha zir pawh chu a duh tawh lo va, a nu bulah chuan awmin a nau hmuh theih renga awm chu a duh tawh. Lehkha a thiam thei a, a pi leh pute chuan sâng tak zir thleng tùrin an duh a; mahse, ani chuan lehkha zir chu nuam a ti ve hauh lo. Thil chhe siam lam a tui hle a, a room pawh a tihnawk nasa thei khawp; mahse, chu chu a nu chuan a ngai thei hauh lo, a hau ta ziah.
A nuin a hau ziah hnuah chuan a pahrawn pawh chuan a hau ve ta zauh zauh; mahse, engah mah a ngai duh lo, a tuina ber thil chhe siam chu a thlahthlam chuang lo.
A nu leh pahrawn chuan zu inin an rui țhìn tih a hre chho ta zêl. A rilru chhûngrilah chuan hrehawm a ti; mahse, a hau ngam lo. A nau a duh deuh chu hmuhtïr an phal tawh lo ang tih a hlau tlat. A nu leh pahrawn zu rui inhau thâwm chu a na thei si a, a nau chu a room-ah a hruai vat zêl, an inhau thâwm a hriat loh nân a nau bengah chuan earphone vuahsakin a zàisak țhìn.
Pâwl sawmpahnih chu a pass ve mai a, tlangvàl a hre chho tawh bawk a, a nute pawh a zilh ve ngam tawh; mahse, a nu hi nu nasa ve chi a ni a, a fapa zilhna chu engag mah a ngai lo, a fuh loh țum phei chuan a àn khum nek ziah.
"Thlâwk bo rawh, i tel lo khân a nuam fê zâwk! 'Ka zilh e bàl e' te min ti elo? I nu ka ni hi ka inchhîr ngawih ngawih, nuam takin nun ka hman theih loh phah," tiin a âng buan buan țhìn.
An in chhûng chu nuam a ti hlawl lo, a nu awm dàn chu a hre thiam thei lo va, a nu zilh tùrin pahrawn lah chu inah a awm tlêm si, a nu lah chuti bawk, an chhuak deuh reng mai. An rawn haw hunah lah inhau leh inhnialna tùr an rawn hàwn ziah. Awmpui pakhat chu an nei ve, chu pawh chu hnam dang nula tho.
"Ina awm reng ringawt mai! Hna thawh tùr zawng rawh, thatchhe lutuk, chàwm reng ngai mai, i lo piang ve hi chu vanduaina!"
Hmangaihna leh duhsakna avànga zilh chu ni se chuan lâwm takin a pawm ngei ang; mahse, a ni tawh lo. Hmâna a rilru sehhelna kha a lo chhuak thar leh tawh bawk a, college zawm a tum rilru nain a nu làwmna siam dâwnin a inhria a, a rilru ata a dah sawn hmak, a nu thu sawi apiang chu hnial a châk ngawih ngawih tawh!
A tlangvâl chho ve tawh bawk a, a nu thil sawi apiang chu a hnial chho char char tawh, a nau Fifi erawh a theih tàwpin a duat thung. A pi leh pute'n an duat a, a duh apiang chu a sawi ve hmiah hmiah tawh. College zawm tùra an tih erawh a hnâwl hmak.
In chhûng nuam ti lo ta chu pawisa a nei thei bawk nèn, țhian a nei tam thuai, khawlaiah a tâl tam ber ti ila a dik ang chu. Zu in a chîng chho a, a nu huat theih dàn tùr berin a che chho ta char char. Pawisa ni se a nu dahna a hria a, a ru chhuak hmiah hmiah. Bike a nei a, amah a lo chhe lo nèn, nula lahin pawisa nei thei chu an lo duh nasa, a pi leh pute hausakzia an lo hre zul bawk a, țhian pawh a ngah e.
Hmeichhe hrang hrang a kawp a, nuam a tih dàn dànin khawvêl a chèn, rui chhe lutuk chuan a awm ngai lo thung. A nau Fifi bulah phei chuan a rui ngai lo, unaupa țha ber angin a awm țhin, ani pawhin a ngaina; mahse, an awm dùn tam lo, hostel-ah a awm daih si a.
A nu ĺeh pahrawn chu an ințhen a, an innei leh a, an ințhen chhûng pawhin mi dang an kawp ve ve hman tho. Fifi pawh an ngaihsak țha hman lo, visiting day apiangin tlawh tùrin a kal ziah a, zu a in ngai lo bawk.
Workshop-ah a thawk ţhìn, thil chhe siam nuam a tih tlat avàngin. Thiam pawh a thiam viau, a hlawh chhuah chu Fifi thil duh zâwng leisak nân a hmang țhìn, a tân a hmang ve ngai lo. A tân unaunu țha ber, amah hmangaih lêta ngaina ve êm êmtu a ni a, unaupa țha tak nih a tum ve rêng bawk.
Khatia Fifi a boral thut kha a hre thiam thei lo, a chhan chu a farnu neih chhun a nih bâkah a chhûng, a neih chhun liau liau a ni a, hostel-a a awm laia thi a ni bawk. Damlohna leh țhat lohna nei miah si lova a thi thut kha a tuar thiam thei lo a ni ber.
"Ka va khawngaih tak! Hmu thei hrâm ila ka ti êm mai," ka ti sap, ka mittui a parawl kuang a, Maremi min hmuh erawh ka hlau khawp mai.
"A chanchin hi an țhenawmte sawi a nia, inah pawh an hmu vak ngai bîk lo."
An in chu 'in' ang pawhin a ngai tawh nâng. A nuin a hmangaih loha a pa lah pahrawn mai a nih si chuan a tân a hrehawm dâwn êm asin, a innghahna a farnu neih chhun lah lei dàiah a zâl tawh si a, nun nuam a tih ve chhan ber a awm tawh si lo.
"A la dam tal a, a làwmawm ka ti. Min la hria ang em le?"
"Hria ang, tâlpâwl viau mah se a memory a lost tawp nâng," a lo ti vat a.
"Khawnge a awm ang le?" A hriat ka rin vànga sawi chhuak pawh ka ni bîk lo, ka ngaihtuahna ka lo sawi chhuak leh palh a ni.
"Kan zawng dâwn em niang?" thu tak zeta a tih tâkah chuan mak ti ang reng deuh hian ka en hâ a.
"Zawn ngaihna pawh kan hre lo ang."
"Zàrkawtah an awm a, an in awmna chu ka hria a, kan kal chilh mai dâwn em niang?" a tih chuan ka lo hnial vat a.
"Ni lo ve, a lo awm àwm bawk si lo va, a zahthlâk lutuk palh ang, kan tih theih chhun țawngțaina lamah hre zâwk mai ang," ka ti sap a.
"A țha alawm, țawngțaina chuan thil a ti thei alawm."
Hemi ni ațang hian a tân ka țawngțai ta char char, ka exam lai a ni a, ka tân pawh ka dîl ngam lo, Essa tân liau liau dìl ka duh si a, ka duh zâwng dìl țeuh ka ngam lo. Ka duh ber chu Essa dam țha taka a awm a nun hlim tak a neih hi a ni a, chu chu ka dîl ta char char.
Ka theih tâwpa nasain lehkha ka zir a, ka chawlh deuh laiin ka rilruin ka țawngțai a, lehkha ka zir loh leh hun âwl ka neih hlek chuan ka țawngțai a ni mai, zàn mut dâwn leh zîng thawh hlimah phei chuan țhingțhi khera țawngțai ka duh, Pathian ngêng a chhun deuh bîkin ka ring tlat a nih chu.
Essa lah chu thehhmeh ang maiin a reh vung vung, ka ngai a ni. Ka ngai a, kuah ka châk, hnèm thei lo mah ila hmuh ka duh tak zet a ni, a tân ka dìlsak a ni tih hria se ka ti kher lo; mahse, hmuh ka duh a ni. Eng ang dinhmunah nge a din tih tal pawh hriat ka duh.
Zan khat chu Maremi'n min rawn phone nawlh, an inah chuan Essa a lo han kal niin, a rui lutuk a ni àwm e.
Ka hmu châk bawk si chu ka khùr vekin ka hria, a dam a ni tih tal ka hria a, bâkah, Maremite in tal a la rawn hria a, a rawn kal a nih chuan kei pawh min la hre reng tihna. A va làwmawm tak!
"Ka chhûngte hmuh theih loh tùrin ka room lamah chuan a rawn kal ve ngei mai a, a rilru chu a la fîm ve a ni ngei ang."
"Hmuh ka va châk tak!" Ka chhuak thei lo tih chu ka hre reng, naktûkah exam kan la nei zui.
"A chêr tawh lutuk!"
A nau thi chu a tuar na tak zet a nih chu! Ka va khawngaih tak êm! A chunga thil thleng teh hrep hi a tân chuan tuar a har dáwn êm asin, a awm dàn hi ka dem hauh lo, a tawrh ang hi tuarin a chan ang hi ka chan ni ta se... ka dem hauh lo, tuarpuitu a nei hauh si lo.
"Eng nge a rawn tih rêng rêng?" Ka hre châk, hetah rawn kal a tum pawh a ni maithei a.
"Ka hre lo, a țawng mang lo. Ka biak pawhin a ngawi vung vung tlat a, tunah hian toilet ațangin ka lo bia che a nih hi, ka chhuak tawh dâwn aw, inbia ula?"
Ka be duh alawm, biak ka châk lutuk!
"Min be duh ang em?" Min biak duh loh ka hlau alawm.
"Kan tum ang chu."
Ka nghâk rèn ráwn a, ka phone chu a rawn ri har ka ti lutuk ringawt! Min be duh lo a niang, ka rilru a down rawih mai.
Biak pawh min be duh tawh lo chu a ni si a. A hma khân kei khân ka be țha duh lo vêl kha a ni a, tunah lêm ka be châk lutuk hi ka buai lo chauh tawh a nih hi!
A rawn ri ta!
*ENG THILAH MAH THLIARKÂR RILRU TIAT LEK RILRU PU NGAI HAUH SUH, NGAIH DÀN HRANG HRANG NEI KÂRA LÊNG I NIH VÀNGIN I NGAIH DÀN LEH I PAWM DÀN KHA SAHUAI THINGVAWN TLAT LO BAWK RAWH, INPAWH FAN THIAM VE HI A NGAI A NIA*
Khami zàn ațang khân zàn sarih (kâr khatna chiah) a liam leh tawh, ka hmu leh tawh miah lo! A rawn kal leh ringin ka ngaichâng ru kar țhìn a; mahse, a hmel hmuh tùr a awm lo va, a thâwm hriat tur pawh a awm lo, ka phone pawhin ka phone tlang thei chuang lo, ka ngaih a tițha lo rum rum tawh mai.
Ka ngaihtuah lêt a, khami zàn khân a farnu a thî tih sawiin a a rilru a na hle a nih kha. Hnem ka duh, hnem dàn ka thiam lo, nghet taka kuah bâk. Nghet takin ka kuah a, a taksa a insâwi dar dar a nih kha. A rilru a nâ tih ka hria, thihna hi chu tu tân pawn a na êm êm vek, he khawvêlah hmu tawh ngai hauh lo tùra inkalsan chu thil hrehawm ber a ni chiang alawm, kei pawhin ka pi ka lo chân ve tawh a, a natzia ka hre ve tawh.
Ka khawngaih lutuk, a chhûngrilah a țap tih ka hria, a tuar na tak zet ang chu. An chhûngkhur nun ka va hriatpui hauh lo, farnu a nei a, a farnu chu tihtak zetin a hmangaih tih chauh khami zàn ațang khân ka hria, ka zâwt tam lo, hnem kha ka duh ber chu a ni mai.
Biak theih a ni lo va, ka hmu ngai tawh lo bawk. Engtin nge a awm zêl hriat ka duh tehlul nèn, a phone tlang theih si lo va, eng êm a ti lo ang chu maw tiin ka ngaih ka tițha lui a; mahse, tunah chuan ka ngaih a ţha thei tawh lo, hmuh tùra a awm loh pawhin be thei tal ila a țha tùr a nia.
Exam lai a ni si a, thluak hman nasat ngaih lai a ni bawk a, Essa ka ngaihtuah bawk si nèn, ka chêr rawk rawkin ka hria. Thil ei a har a, lehkha zir a ngai nasa bawk si a, ka thluak hi a na ngut ngut tawh mai!
Zan khat phei chu lehkha ka zir thei thlâwt lo va, ka zir lo tawp, thil țha lo tak tak ka ngaihtuahnaah a rawn lût chho zêl a. Ani hi khawlai vêlah hian rui chung hian a vâk mai mai ang a, mi pawi sawiin an lo khawih hrep ang a, chuvàngin a rawn kal thei lo a niang, a nih loh tal pawhin inhnem nân nula dang hnênah a kal daih a niang tih te ka ngaihtuah kual a, ka duh lo kher mai.
Maremi ka han phone ringawt. Essa chanchin kha chu ka hrilh thuak tawh a, chipchiar tak erawh chuan ka hrilh lo; mahse, zaninah erawh chuan ka hrilh ta vek, ka inbun thàwl loh chuan ka rilru a tâwt lutuk a, a hrehawm.
Ka hrilh vek hnuah chuan," A nih tak chu; mahse, thil țha lo a chungah thleng lo tùrah ngai ang, a buai ve rih te pawh a ni mahna. Ngawi tak rawh, a chanchin hriat dàn tùr ka lo ngaihtuah ang e. Hre thei tùrah inngai ang aw," a lo ti. Ka țhiannu tak hi chu aw...!! Rilru hrehawm laia biak hi a nuam a nia, a êng zâwng hian a thlîr thiam a, min hnèm thiam thei țhìn.
Essa chu biakpawh ka tum reng a; mahse, ka bei a tidawng tawlh tawlh. Ka thinrim khum vàng kha a ni ang tiin keimah ka inmawhpuh thar a, U Hranga a hnek hnu khân țha takin, thinrim miah lovin lo bia ila chuan tunah pawh hian țha takin kan la inkawp maithei asin. Ka inhau leh rih a, awmzia a awm chuang bawk si lo.
Thawhlehni zîng dâr 9-ah kan exam a, kârleh Nilaithawhțanniah pakhat ka nei leh ang a, a kârleh pek Nilainiah kan zo ang, zawh hunah chuan haw phei ve ngei a ngai àwm si a, Essa chanchin ka hriat loh phei chuan a va hrehawm dâwn tak! Haw phei pawh a châkawm loh phah vek ang chu!
Ka exam zo ka chhuak chu Maremi'n min lo nghâk a," I chhâng țha bawk a, vawiin chu ka treat ang che aw," nui sen sen chung hian a lo ti a.
Țhian fel tak ka nei hi chu Pathian malsàwmna ka dawn vàng a ni chiang. Essa vàngin ka hlim lo tih a hria a, min tihhlim chu a tum ve nasa alawm.
A cousin-te restaurant 'Insomnia'-ah kan chàwl a, an ei tùr siam nghah chhûng chuan Essa chanchin a hriat hriat chu min hrilh ta a.
Essa nu leh pa hi mi hausa fanu leh fapa innei tih takah an lâr a, an hausa viau bawk. Inhmangaih vànga innei erawh an ni hauh lo, Essa a piana a len viau tawh hnuah an ințhen a; mahse, Essa vàng liau liauin an inko leh, a chhan chu Essa hian a nu leh pa hi a ngai dùn êm êm tlat a, a nu bula a awmin a pa a ngai a, a pa bula a awm leh a nu a ngai bawk a; mahse, hmun danga lehkha zira an dah tâk hnuah erawh chuan an ințhen leh ta tho.
Essa pawh a lo lian deuh tawh bawk a, a duh lo chung hmun danga lehkha zir tùra an dah a ni bawk a, a nu leh pa chu a ngai duh tawh lo. Hostel-ah țhian nei lo chuan a awm chho ta zêl a, exam zawhah pawh a haw duh lo, amah chauhin hostel-ah chuan a awm ngal zel. A rilru an tihnatsak tlat tawh avàngin an ina haw chu châk ve mah se a intiluhlul lui tlat a, a nu leh pa chanchin chu a ngaihtuah duh lo.
An ina a haw leh meuh chuan a pa chu a lo awm tawh lo, a lo thi tawh niin! A hre thiam lo khawp mai a, a nu lah chuan pasal ang reng deuh, hnam dang mipa sek lam deuh leh chak hmel zet hi a lo awmpui tawh a, fanu pawh an lo nei tawh! A nau hmeichhia a han hmu chu a hmaa a thinrimna zawng zawng kha a theihnghilh vek a, a nau chu a hmangaih bur mai a ni.
Hmun danga lehkha zir pawh chu a duh tawh lo va, a nu bulah chuan awmin a nau hmuh theih renga awm chu a duh tawh. Lehkha a thiam thei a, a pi leh pute chuan sâng tak zir thleng tùrin an duh a; mahse, ani chuan lehkha zir chu nuam a ti ve hauh lo. Thil chhe siam lam a tui hle a, a room pawh a tihnawk nasa thei khawp; mahse, chu chu a nu chuan a ngai thei hauh lo, a hau ta ziah.
A nuin a hau ziah hnuah chuan a pahrawn pawh chuan a hau ve ta zauh zauh; mahse, engah mah a ngai duh lo, a tuina ber thil chhe siam chu a thlahthlam chuang lo.
A nu leh pahrawn chuan zu inin an rui țhìn tih a hre chho ta zêl. A rilru chhûngrilah chuan hrehawm a ti; mahse, a hau ngam lo. A nau a duh deuh chu hmuhtïr an phal tawh lo ang tih a hlau tlat. A nu leh pahrawn zu rui inhau thâwm chu a na thei si a, a nau chu a room-ah a hruai vat zêl, an inhau thâwm a hriat loh nân a nau bengah chuan earphone vuahsakin a zàisak țhìn.
Pâwl sawmpahnih chu a pass ve mai a, tlangvàl a hre chho tawh bawk a, a nute pawh a zilh ve ngam tawh; mahse, a nu hi nu nasa ve chi a ni a, a fapa zilhna chu engag mah a ngai lo, a fuh loh țum phei chuan a àn khum nek ziah.
"Thlâwk bo rawh, i tel lo khân a nuam fê zâwk! 'Ka zilh e bàl e' te min ti elo? I nu ka ni hi ka inchhîr ngawih ngawih, nuam takin nun ka hman theih loh phah," tiin a âng buan buan țhìn.
An in chhûng chu nuam a ti hlawl lo, a nu awm dàn chu a hre thiam thei lo va, a nu zilh tùrin pahrawn lah chu inah a awm tlêm si, a nu lah chuti bawk, an chhuak deuh reng mai. An rawn haw hunah lah inhau leh inhnialna tùr an rawn hàwn ziah. Awmpui pakhat chu an nei ve, chu pawh chu hnam dang nula tho.
"Ina awm reng ringawt mai! Hna thawh tùr zawng rawh, thatchhe lutuk, chàwm reng ngai mai, i lo piang ve hi chu vanduaina!"
Hmangaihna leh duhsakna avànga zilh chu ni se chuan lâwm takin a pawm ngei ang; mahse, a ni tawh lo. Hmâna a rilru sehhelna kha a lo chhuak thar leh tawh bawk a, college zawm a tum rilru nain a nu làwmna siam dâwnin a inhria a, a rilru ata a dah sawn hmak, a nu thu sawi apiang chu hnial a châk ngawih ngawih tawh!
A tlangvâl chho ve tawh bawk a, a nu thil sawi apiang chu a hnial chho char char tawh, a nau Fifi erawh a theih tàwpin a duat thung. A pi leh pute'n an duat a, a duh apiang chu a sawi ve hmiah hmiah tawh. College zawm tùra an tih erawh a hnâwl hmak.
In chhûng nuam ti lo ta chu pawisa a nei thei bawk nèn, țhian a nei tam thuai, khawlaiah a tâl tam ber ti ila a dik ang chu. Zu in a chîng chho a, a nu huat theih dàn tùr berin a che chho ta char char. Pawisa ni se a nu dahna a hria a, a ru chhuak hmiah hmiah. Bike a nei a, amah a lo chhe lo nèn, nula lahin pawisa nei thei chu an lo duh nasa, a pi leh pute hausakzia an lo hre zul bawk a, țhian pawh a ngah e.
Hmeichhe hrang hrang a kawp a, nuam a tih dàn dànin khawvêl a chèn, rui chhe lutuk chuan a awm ngai lo thung. A nau Fifi bulah phei chuan a rui ngai lo, unaupa țha ber angin a awm țhin, ani pawhin a ngaina; mahse, an awm dùn tam lo, hostel-ah a awm daih si a.
A nu ĺeh pahrawn chu an ințhen a, an innei leh a, an ințhen chhûng pawhin mi dang an kawp ve ve hman tho. Fifi pawh an ngaihsak țha hman lo, visiting day apiangin tlawh tùrin a kal ziah a, zu a in ngai lo bawk.
Workshop-ah a thawk ţhìn, thil chhe siam nuam a tih tlat avàngin. Thiam pawh a thiam viau, a hlawh chhuah chu Fifi thil duh zâwng leisak nân a hmang țhìn, a tân a hmang ve ngai lo. A tân unaunu țha ber, amah hmangaih lêta ngaina ve êm êmtu a ni a, unaupa țha tak nih a tum ve rêng bawk.
Khatia Fifi a boral thut kha a hre thiam thei lo, a chhan chu a farnu neih chhun a nih bâkah a chhûng, a neih chhun liau liau a ni a, hostel-a a awm laia thi a ni bawk. Damlohna leh țhat lohna nei miah si lova a thi thut kha a tuar thiam thei lo a ni ber.
"Ka va khawngaih tak! Hmu thei hrâm ila ka ti êm mai," ka ti sap, ka mittui a parawl kuang a, Maremi min hmuh erawh ka hlau khawp mai.
"A chanchin hi an țhenawmte sawi a nia, inah pawh an hmu vak ngai bîk lo."
An in chu 'in' ang pawhin a ngai tawh nâng. A nuin a hmangaih loha a pa lah pahrawn mai a nih si chuan a tân a hrehawm dâwn êm asin, a innghahna a farnu neih chhun lah lei dàiah a zâl tawh si a, nun nuam a tih ve chhan ber a awm tawh si lo.
"A la dam tal a, a làwmawm ka ti. Min la hria ang em le?"
"Hria ang, tâlpâwl viau mah se a memory a lost tawp nâng," a lo ti vat a.
"Khawnge a awm ang le?" A hriat ka rin vànga sawi chhuak pawh ka ni bîk lo, ka ngaihtuahna ka lo sawi chhuak leh palh a ni.
"Kan zawng dâwn em niang?" thu tak zeta a tih tâkah chuan mak ti ang reng deuh hian ka en hâ a.
"Zawn ngaihna pawh kan hre lo ang."
"Zàrkawtah an awm a, an in awmna chu ka hria a, kan kal chilh mai dâwn em niang?" a tih chuan ka lo hnial vat a.
"Ni lo ve, a lo awm àwm bawk si lo va, a zahthlâk lutuk palh ang, kan tih theih chhun țawngțaina lamah hre zâwk mai ang," ka ti sap a.
"A țha alawm, țawngțaina chuan thil a ti thei alawm."
Hemi ni ațang hian a tân ka țawngțai ta char char, ka exam lai a ni a, ka tân pawh ka dîl ngam lo, Essa tân liau liau dìl ka duh si a, ka duh zâwng dìl țeuh ka ngam lo. Ka duh ber chu Essa dam țha taka a awm a nun hlim tak a neih hi a ni a, chu chu ka dîl ta char char.
Ka theih tâwpa nasain lehkha ka zir a, ka chawlh deuh laiin ka rilruin ka țawngțai a, lehkha ka zir loh leh hun âwl ka neih hlek chuan ka țawngțai a ni mai, zàn mut dâwn leh zîng thawh hlimah phei chuan țhingțhi khera țawngțai ka duh, Pathian ngêng a chhun deuh bîkin ka ring tlat a nih chu.
Essa lah chu thehhmeh ang maiin a reh vung vung, ka ngai a ni. Ka ngai a, kuah ka châk, hnèm thei lo mah ila hmuh ka duh tak zet a ni, a tân ka dìlsak a ni tih hria se ka ti kher lo; mahse, hmuh ka duh a ni. Eng ang dinhmunah nge a din tih tal pawh hriat ka duh.
Zan khat chu Maremi'n min rawn phone nawlh, an inah chuan Essa a lo han kal niin, a rui lutuk a ni àwm e.
Ka hmu châk bawk si chu ka khùr vekin ka hria, a dam a ni tih tal ka hria a, bâkah, Maremite in tal a la rawn hria a, a rawn kal a nih chuan kei pawh min la hre reng tihna. A va làwmawm tak!
"Ka chhûngte hmuh theih loh tùrin ka room lamah chuan a rawn kal ve ngei mai a, a rilru chu a la fîm ve a ni ngei ang."
"Hmuh ka va châk tak!" Ka chhuak thei lo tih chu ka hre reng, naktûkah exam kan la nei zui.
"A chêr tawh lutuk!"
A nau thi chu a tuar na tak zet a nih chu! Ka va khawngaih tak êm! A chunga thil thleng teh hrep hi a tân chuan tuar a har dáwn êm asin, a awm dàn hi ka dem hauh lo, a tawrh ang hi tuarin a chan ang hi ka chan ni ta se... ka dem hauh lo, tuarpuitu a nei hauh si lo.
"Eng nge a rawn tih rêng rêng?" Ka hre châk, hetah rawn kal a tum pawh a ni maithei a.
"Ka hre lo, a țawng mang lo. Ka biak pawhin a ngawi vung vung tlat a, tunah hian toilet ațangin ka lo bia che a nih hi, ka chhuak tawh dâwn aw, inbia ula?"
Ka be duh alawm, biak ka châk lutuk!
"Min be duh ang em?" Min biak duh loh ka hlau alawm.
"Kan tum ang chu."
Ka nghâk rèn ráwn a, ka phone chu a rawn ri har ka ti lutuk ringawt! Min be duh lo a niang, ka rilru a down rawih mai.
Biak pawh min be duh tawh lo chu a ni si a. A hma khân kei khân ka be țha duh lo vêl kha a ni a, tunah lêm ka be châk lutuk hi ka buai lo chauh tawh a nih hi!
A rawn ri ta!
*ENG THILAH MAH THLIARKÂR RILRU TIAT LEK RILRU PU NGAI HAUH SUH, NGAIH DÀN HRANG HRANG NEI KÂRA LÊNG I NIH VÀNGIN I NGAIH DÀN LEH I PAWM DÀN KHA SAHUAI THINGVAWN TLAT LO BAWK RAWH, INPAWH FAN THIAM VE HI A NGAI A NIA*
Nghak leh fan² ang aw 😁
ReplyDelete