☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 19 By Dungdi Pachuau
Phûr zetin ka han chhâng a.
"Aw?"
"A pawi khawp mai, a be duh lo che a."
Ka phùr tehlul nèn, ka zawi nghâl hnawkin ka hria! Ka be châk asin, min be ve châk miah lo tihna a ni a, hrehawm ka tihzia chu pui tak a ni!
"Lo hre thiam hrâm rawh aw, a rilru a buai rih a nih hi. Engkim a țha leh vek mai ang," tiin Maremi chuan min rawn hnèm sap sap a.
"Nia, a țha alawm, a dam tih ka hriat bâkah in inhmu tal a, ka lâwm tho tho."
A dam avàng talin ka lâwm, min be duh lo erawh chu ka hlim lo, hlimna tùr awm bawk lo chuan. Min la theihnghilh lo tal alawm, rui deuh mah se a thil tawrh hi a na êm a, ka hre thiam êm êm a ni.
Ka hmu ta lo char char, exam-a ka chhuah châng leh dàwr têa ka kal chhuah chângte hian hmuh thut ka inring țhìn a, zawngin ka hawi ruai țhìn; mahse, a vâng thlâwt.
Maremi bulah ka sawi ziah, sâwt lo mah se ka rilru tâwt ka phawrh thâwl tal alawm. Ani pawhin min khawngaih ve a ni ang, min en leh vang vang țhin a, a chângin ka bânah a chùl leh hauh hauh țhìn, min hnem a tum ve a ni.
Țawngțai erawh ka bànsan chuang lo. Ka uar sauh, a chhan chu ka ngaihtuah poh leh atân ka țawngțai nasa sauh, chu chu thil ţha tak niin ka hria. Ka țawngțai tam chuan keimah ngei pawhin rilru chhia ka pu ngam lo va, a chhan chu a dìlsaktu berin rilru thianghlim ka put loh chuan min chhàn loh ka hlau êm a ni.
*Vawiin exam zawhah thil hrilh tùr che ka nei aw, zo hmasa zâwk a hmun ngaiah innghâk leh ila*
Maremi message. Ka phûr tawp, thil țha tak min hrilh ka ring tlat a nih chu, ka nun khawharzia leh hrehawm ka tihzia a hre ve vek a, min tihhlimna hmanrua tùr a nih ngei ka ring bawk.
Kalkawngah chuan," Min hrilh mai la, ka hre châk tawh a nia," ka ti a, ka insûm peih vêl lo a ni, ka hre châk tawh lutuk ringawt!
"Exam zawhah ka tih kha."
"I sual thiam e, min hrilh ve mai la?"
"A hun takah le," tiin a nui sak. A va ngeiawm thiam reuh tak! Ka hre châk tawh asin le.
Exam chhûng zawng chuan Maremi thil min hrilh tùr chuan ka ngaihtuahna a luah khat a, ka phâwklêk tlat. Ka ziak zung zung a, ka rin aiin ka zo hma! Ka phùr lutuk vàng leh hriat ka châk tawh lutuk vàng a ni chiang! Exam ka zo ta tih lam pawh ka ngaihtuahnaah a awm lo rêng rêng. Ka chhuah chuan Maremi a la chhuak ve tawp lo, ka lo nghâk, țhut pawh ka țhu hle hle thei lo.
A rawn chhuak chu lo nuihin," Ka nghah reizia che hi, i muang lui vêl niin ka hria," ka lo ti vat a.
"I chhuak hma hle mai!"
"Ka phûr lutuk tawh a, ka ziak rang alawm," ka tih chuan min en vang vang phawt a, chutah," Chawlh nge i duh haw nghâl?" a ti daih a.
"I thu thu, vawiin chu i thu hnuaiah ka awm. Chuan, min hrilh tawh teh, vatin?" Essa chungchâng a nih ka ring tlat a, ka hre châk a ni.
"Chàwl lo ang, haw nghâl mai ang aw."
A thu sawi rêng rêng ka hnial lo, a thu ka âwih tawp. A sawi har bawk si a, ka hre châk lutuk hi ka za zek zek tawh!
"Essa chungchâng a nia."
Ka rin dàn chiah! Primary School bulah khân kan chàwl a, ni a sa țha bawk a, kawng chho kan kal bawk nèn, thlan a tla dap dap mai.
A ngawih deuh vang vang hnuah chuan," Țhenna thu hrilh tùr chein min hrilh a," a ti ta sap a, sawi chhuah harsa a tih hmel khawp mai.
Ka thu hriat chuan engtianga nain nge min den ang tih Essa hian a ngaihtuah pha ang em? Ngaihtuah pha hauh lo ang! Chuti ni se chuan Maremi hi a sawitîr hauh lo ang.
"Hmân zàn rui chunga a lo kal khân a sawi a."
Chuti si, min va hrilh har ve! Kei lahin amah hmuh inringin beiseina sâng takte kha ka lo la nei ve si, ka inkhawngaih zâwk!
Ka ngawih reng avàng chuan," A ruih vàng mai mai a nih ka ring, Zopui. A harhfìm loh vàng a niang, tunah pawh hian a thil sawi kha a hre tawh tawp náng," a ti leh a.
"Min va hrilh har ve?!" Amah ka demna awka chu a hriat thiam ka ring.
"Zopui, ka țhian i nih hi. Exam lai a nia, i rilru i hmang nasain i hah tawh tehlul nèn, chutiang thu làwmawm lo hrilh che chu ka duh lo, exam-naah i tihchhiat phah ka duh hlei nem," a ti ta a.
Min ngaihtuah vàngin min lo hrilh duh lo va, ka exam zawh nî chiahah min hrilh ta a ni, ka țhiannu hian ka tâna țha tùr a lo ngaihtuah vàng a lo nih hi.
"Ka lâwm e."
"Ka hrilh hrehzia che i hria ang tiraw? Hrehawm ka ti êm êm a, ka hrilh hun chea i awm dàn tùr ka ngaihtuah a, hrilh loh mai che ka duh asin; mahse, ni thei ngangin ka hre bawk si lo va."
Ka nui lui hrâm hrâm, ka thinlung erawh a na lutuk! Hnâwl nih natzia chu ka hre leh ta, bum nih natzia kha ka hre tawh a, tunah hnâwl nih natzia ka hre leh, engati nge kawng pângngai hi ka zawh ve theih miah loh le?
"Hrehawm ka ti-"
"Marem," tiin ka thaw hawk phawt a,"Nang ang țhian ka nei che hi ka lâwm tak zet a ni," ka ti sap a, chutah," Engkim hi ka thiam loh vek a ni, a ti dik lo hmasatu pawh keimah ka ni, min biak a duh lai khân țha takin lo bia ila-" ka sawi zo thei lo, ka ngaihtuah zâwng pawhin ka rilru a nâ, ka mittui chu a rawn far ta fap fap a, ka hnungah a rawn chûl nghâl vat a.
"I thiam loh a ni lo, Zopui. Ani pawhin a rilru tak tak a sawi lo ang, a ruih vàng leh a nau boral vànga a rilru nat vàngin a sawi mai mai a ni ang," tiin min hnèm a.
Ni lo, a ti tak tak ang. Ti tak tak lo se tûn thlengin a reh lo ang, min biak duh loh bâkah biakpawh theih pawhin a awm lo va, hmuhte phei chu hnai lo lutuk!
"Min țhen chhan a sawi em?"
A sawi hreh a ni ang, a ngawi deuh reng a.
"Marem?"
"A ruih lai kha a ni a, a thu sawi kha a hre chiang pawhin ka ring lo tak tak-"
"Eng nge a sawi?"
"Thingtlâng nula -"
"Aw, a tâwk!" tiin ka lo pawt chat thuai. A sawi tùr àwm ang chu ka hre thei mai e, min țhen a duh vàng hrim hrimin khatiang min hmuhsitna thu kha a sawi chhuak leh ngei ang. A țha vek e, min țhen a duh miau chuan sawi theih ka nei hauh lo. Ka ûm lui lo ang; mahse, a tân erawh ka țawngțai zêl tho ang, a nau thihna hian amahah chhe zâwng ngawta nghawng a neih loh nân leh he thihna hi a tân malsàwmnaa a chan theih nán.
Zànah thlî a thaw deuh vûk vûk a, ruah a sûr țhat țhat bawk. Ka mu zawi reng a, ka maimichhîng nain ka harh țha êm êm thung.
Tunah hian khawiah nge a awm ang? Inah a mu lum ang nge, khawlaiah a tei mai mai ang? Nge nula chhe lo tak takte nèn rui êm êmin an party ang? Nge a damlo ni ang? Țanpui ngai ngawih ngawihin a awm ang em? Rui êm êmin mi bathlàrahte hian a lo mu mai mai lo'ng maw?
Ka ngaihtuah lo thei si lo. Ani chuan min ngaihtuah hauh lo ang chu, ka rilruin ka țawngțai leh mawlh mawlh, ka dìl dàn pawh ka hre thiam teh nuai tawh lo, a buai nuai vek tawh.
"Aw, Lalpa, chhanhim lul rawh. A khawngaihthlâk êm hi, a tawrh hi a na êm a ni, i puih a ngai, hawisan suh aw, Lalpa."
Puih theih dàn kawng hriat ka va duh êm! A nau thihna hian sual kawng țha lo zâwkah leh sual bâwihah nasa zâwkin a hnûk lût thei ngei ang, miin a chanchin an sawi dàn ațangin chu chu thil thleng ngei tùr a ni, a pawi zo ang tih ka va hlau tak êm!
"Aw, Lalpa, țanpui lul rawh, a thih phal suh ang che, ka hmangaih êm asin. Nang pawhin i hmangaih ngei ang, a thinlung chhûngril kha a sual lo a nia, pui rawh aw, pui lul rawh, amah mai chuan a tuar chhuak thei lo ang, pui hrám ang che."
Ka exam zo rilru hrehawm ber țum a ni ngei ang. A chungah rilru chhia ka pu thei lo, ka khawngaih, bâkah, rilru chhia ka pu ngam lo, a tâna ka țawngțaina hi Pathianin min chhâng duh lo palh ang.
Phone a rawn ri a, ka tho chhuak peih chuang lo. Tu mah ka be peih lo, Essa chu ni se chuan thuhran, ani lah chuan min rawn be dâwn dèr si lo.
Ka muhìl thei lo va, khumah ka let ka let ringawt. Ka țawngțai ka țawngțai mai, a hrehawm a ni. Naktipah ka haw phei tawh dâwn, ka hmuh loh hlànin chanchin țha lo lam ka hriat belh loh hrâm ka beisei, vawi khat tal erawh hmuh ka va châk tak! Eng kawngah mah ka thiam lo lo a ni tih tal hrilhhre tùr pawhin; mahse, thehhmeh ang hlauh a ni si.
Ka hlim lohzia chu mi dangin an hriat loh hrâm ka beisei, ka hmelah tihlan loh hrâm hrâm ka tum bawk,hostel-a awmte an haw deuh vek tawh a, kan dorm-ah chuan Rbi leh Mary nèn chauh kan ni tawh, anni pawh ka haw nîah ve tho haw an tum.
Haw pheina tùr ticket buaipuiin ka chhuak a, Maremi nèn kan ni nghe nghe. Ka phùr lohzia a hre ve sia, min khawngaih tawp. Haw lo tùrin min ti naa, ka haw phei chu min duhpui tho. Ka rilru va tithawveng tùrin min duh, boruak hran ka dawn chuan ka zia deuhin a ring.
Bazârah kan kual a, eng eng emaw kan en a, kein muangchângin kan haw bek bek. Kan haw lampangah chuan workshop pakhat hi kan kal pèl a, Essa kha workshop-ah a thawk tih ka hriat tawh avàng khân hmuh ka inring deuh ringawt a nih chu!
Ka hmu ta chiah! Ka âwih lo hial zâwk!
A lu a buk ta, a hmuihmul pawh a sei, a chèr hmel viau bawk a ni. Hre chiang hle lo ila chuan ka hai thei ngei ang. Ka en reng, engtin nge hetianga rang hian mihring hi kan lo bawrchhawr theih ni! A thawmhnaw balhzia chu thuhran, amah hrim hrim pawh chu a bawrchhawr lutuk a, a balh hmel viau bawk.
Mahse, a dam țha tal a, ka lâwm. Rui chhur chhurin ka hmu lo bawk, hna a thawk peih a, a dam țha tihna, ka lâwm zêl e.
Maremi pawhin a rawn hmu ve nghâl, ka bânah a rawn chelh vat. Kan en reng lai chuan a rawn hawi chhuak a, a mit khur tla deuh dâk chu ka hmu fuh khawp mai! A thil tawn ka ngaihtuah a, a àwm hliah hliah a ni, rui thle bûr bûr lovin hna a la thawk peih a nia, a ti țha tak zet.
Min rawn hmu ve emaw ka ti a; mahse, keini ni lovin mi dang daih a lo en niin!
"Hna i lo thawk peih a ni maw?"
Chu nu chu ka hmuh tawh hnu a niin ka hria! Ka ngaihtuah a, ka hre chhuak thei tlat lo. Khawiah emaw chuan ka hmu tawh a ni, ka hre chhuak ta. Hmân deuhah ka haw phei dâwnin an pahnih hian ka hmu tawh tak! Hmeichhia hian office-ah thil a theihnghilh nghe nghe kha, Essa ka la ngei hun lai kha a ni nghe nghe.
"Zanin chu ka hman chiang var tawh, ka phûr tawh viau bawk a ni," a ti leh lar lar a, thawk ve mi dangte chuan an lo thlêk há há hlawm a, Essa ve thung erawh chuan ngaihsak hmel vak loh hian a thawh lai chu a thawk mawlh mawlh thung.
Kan kal sawn hnu chuan Maremi chuan," A va danglam chak ve!" a ti sap a.
"A dam tal alawm." Ka rilruin Pathian hnênah làwmthu ka sawi sap. Dama ka hmu thei kha ka lâwm a ni, a ruih pawh ka ring lo.
"Thlahrâng i hmu ta emaw ka ti a!"
Zànah chuan ka insiam fel vek tawh a, haw chu ka phûr hlawl lo, haw mah ila ka rilru chu Aizawlah hlîr a awm dâwn tih ka hria.
Phone a rawn rì a, ka chhûngte an ni ngei ang chu.
"Hello?"
"Kat?"
Essa aw ka han hria chu mak ka ti lutuk! Ka hlim lutuk ringawt, ka thin a phu nghâl dawt dawt a, ka mittui a hnâm sawk bawkin ka hria!
"Essa-"
"Darling, hetah eng nge i tih? Ni lo, ni lo, engtin nge-" a tàwp hmak mai!
Eng thil nge thleng !!!
*I ȚHATNA LAI HMU THEI LOTU CHU MI ȚHA A NI BÎK LO VA, A SIAM ȚHA LO ANG CHE, I FELNA LAI ZAWNG HRÂM HRÂM MI CHUAN MI ȚHAAH A SIAM ZÂWK ANG CHE*
Phûr zetin ka han chhâng a.
"Aw?"
"A pawi khawp mai, a be duh lo che a."
Ka phùr tehlul nèn, ka zawi nghâl hnawkin ka hria! Ka be châk asin, min be ve châk miah lo tihna a ni a, hrehawm ka tihzia chu pui tak a ni!
"Lo hre thiam hrâm rawh aw, a rilru a buai rih a nih hi. Engkim a țha leh vek mai ang," tiin Maremi chuan min rawn hnèm sap sap a.
"Nia, a țha alawm, a dam tih ka hriat bâkah in inhmu tal a, ka lâwm tho tho."
A dam avàng talin ka lâwm, min be duh lo erawh chu ka hlim lo, hlimna tùr awm bawk lo chuan. Min la theihnghilh lo tal alawm, rui deuh mah se a thil tawrh hi a na êm a, ka hre thiam êm êm a ni.
Ka hmu ta lo char char, exam-a ka chhuah châng leh dàwr têa ka kal chhuah chângte hian hmuh thut ka inring țhìn a, zawngin ka hawi ruai țhìn; mahse, a vâng thlâwt.
Maremi bulah ka sawi ziah, sâwt lo mah se ka rilru tâwt ka phawrh thâwl tal alawm. Ani pawhin min khawngaih ve a ni ang, min en leh vang vang țhin a, a chângin ka bânah a chùl leh hauh hauh țhìn, min hnem a tum ve a ni.
Țawngțai erawh ka bànsan chuang lo. Ka uar sauh, a chhan chu ka ngaihtuah poh leh atân ka țawngțai nasa sauh, chu chu thil ţha tak niin ka hria. Ka țawngțai tam chuan keimah ngei pawhin rilru chhia ka pu ngam lo va, a chhan chu a dìlsaktu berin rilru thianghlim ka put loh chuan min chhàn loh ka hlau êm a ni.
*Vawiin exam zawhah thil hrilh tùr che ka nei aw, zo hmasa zâwk a hmun ngaiah innghâk leh ila*
Maremi message. Ka phûr tawp, thil țha tak min hrilh ka ring tlat a nih chu, ka nun khawharzia leh hrehawm ka tihzia a hre ve vek a, min tihhlimna hmanrua tùr a nih ngei ka ring bawk.
Kalkawngah chuan," Min hrilh mai la, ka hre châk tawh a nia," ka ti a, ka insûm peih vêl lo a ni, ka hre châk tawh lutuk ringawt!
"Exam zawhah ka tih kha."
"I sual thiam e, min hrilh ve mai la?"
"A hun takah le," tiin a nui sak. A va ngeiawm thiam reuh tak! Ka hre châk tawh asin le.
Exam chhûng zawng chuan Maremi thil min hrilh tùr chuan ka ngaihtuahna a luah khat a, ka phâwklêk tlat. Ka ziak zung zung a, ka rin aiin ka zo hma! Ka phùr lutuk vàng leh hriat ka châk tawh lutuk vàng a ni chiang! Exam ka zo ta tih lam pawh ka ngaihtuahnaah a awm lo rêng rêng. Ka chhuah chuan Maremi a la chhuak ve tawp lo, ka lo nghâk, țhut pawh ka țhu hle hle thei lo.
A rawn chhuak chu lo nuihin," Ka nghah reizia che hi, i muang lui vêl niin ka hria," ka lo ti vat a.
"I chhuak hma hle mai!"
"Ka phûr lutuk tawh a, ka ziak rang alawm," ka tih chuan min en vang vang phawt a, chutah," Chawlh nge i duh haw nghâl?" a ti daih a.
"I thu thu, vawiin chu i thu hnuaiah ka awm. Chuan, min hrilh tawh teh, vatin?" Essa chungchâng a nih ka ring tlat a, ka hre châk a ni.
"Chàwl lo ang, haw nghâl mai ang aw."
A thu sawi rêng rêng ka hnial lo, a thu ka âwih tawp. A sawi har bawk si a, ka hre châk lutuk hi ka za zek zek tawh!
"Essa chungchâng a nia."
Ka rin dàn chiah! Primary School bulah khân kan chàwl a, ni a sa țha bawk a, kawng chho kan kal bawk nèn, thlan a tla dap dap mai.
A ngawih deuh vang vang hnuah chuan," Țhenna thu hrilh tùr chein min hrilh a," a ti ta sap a, sawi chhuah harsa a tih hmel khawp mai.
Ka thu hriat chuan engtianga nain nge min den ang tih Essa hian a ngaihtuah pha ang em? Ngaihtuah pha hauh lo ang! Chuti ni se chuan Maremi hi a sawitîr hauh lo ang.
"Hmân zàn rui chunga a lo kal khân a sawi a."
Chuti si, min va hrilh har ve! Kei lahin amah hmuh inringin beiseina sâng takte kha ka lo la nei ve si, ka inkhawngaih zâwk!
Ka ngawih reng avàng chuan," A ruih vàng mai mai a nih ka ring, Zopui. A harhfìm loh vàng a niang, tunah pawh hian a thil sawi kha a hre tawh tawp náng," a ti leh a.
"Min va hrilh har ve?!" Amah ka demna awka chu a hriat thiam ka ring.
"Zopui, ka țhian i nih hi. Exam lai a nia, i rilru i hmang nasain i hah tawh tehlul nèn, chutiang thu làwmawm lo hrilh che chu ka duh lo, exam-naah i tihchhiat phah ka duh hlei nem," a ti ta a.
Min ngaihtuah vàngin min lo hrilh duh lo va, ka exam zawh nî chiahah min hrilh ta a ni, ka țhiannu hian ka tâna țha tùr a lo ngaihtuah vàng a lo nih hi.
"Ka lâwm e."
"Ka hrilh hrehzia che i hria ang tiraw? Hrehawm ka ti êm êm a, ka hrilh hun chea i awm dàn tùr ka ngaihtuah a, hrilh loh mai che ka duh asin; mahse, ni thei ngangin ka hre bawk si lo va."
Ka nui lui hrâm hrâm, ka thinlung erawh a na lutuk! Hnâwl nih natzia chu ka hre leh ta, bum nih natzia kha ka hre tawh a, tunah hnâwl nih natzia ka hre leh, engati nge kawng pângngai hi ka zawh ve theih miah loh le?
"Hrehawm ka ti-"
"Marem," tiin ka thaw hawk phawt a,"Nang ang țhian ka nei che hi ka lâwm tak zet a ni," ka ti sap a, chutah," Engkim hi ka thiam loh vek a ni, a ti dik lo hmasatu pawh keimah ka ni, min biak a duh lai khân țha takin lo bia ila-" ka sawi zo thei lo, ka ngaihtuah zâwng pawhin ka rilru a nâ, ka mittui chu a rawn far ta fap fap a, ka hnungah a rawn chûl nghâl vat a.
"I thiam loh a ni lo, Zopui. Ani pawhin a rilru tak tak a sawi lo ang, a ruih vàng leh a nau boral vànga a rilru nat vàngin a sawi mai mai a ni ang," tiin min hnèm a.
Ni lo, a ti tak tak ang. Ti tak tak lo se tûn thlengin a reh lo ang, min biak duh loh bâkah biakpawh theih pawhin a awm lo va, hmuhte phei chu hnai lo lutuk!
"Min țhen chhan a sawi em?"
A sawi hreh a ni ang, a ngawi deuh reng a.
"Marem?"
"A ruih lai kha a ni a, a thu sawi kha a hre chiang pawhin ka ring lo tak tak-"
"Eng nge a sawi?"
"Thingtlâng nula -"
"Aw, a tâwk!" tiin ka lo pawt chat thuai. A sawi tùr àwm ang chu ka hre thei mai e, min țhen a duh vàng hrim hrimin khatiang min hmuhsitna thu kha a sawi chhuak leh ngei ang. A țha vek e, min țhen a duh miau chuan sawi theih ka nei hauh lo. Ka ûm lui lo ang; mahse, a tân erawh ka țawngțai zêl tho ang, a nau thihna hian amahah chhe zâwng ngawta nghawng a neih loh nân leh he thihna hi a tân malsàwmnaa a chan theih nán.
Zànah thlî a thaw deuh vûk vûk a, ruah a sûr țhat țhat bawk. Ka mu zawi reng a, ka maimichhîng nain ka harh țha êm êm thung.
Tunah hian khawiah nge a awm ang? Inah a mu lum ang nge, khawlaiah a tei mai mai ang? Nge nula chhe lo tak takte nèn rui êm êmin an party ang? Nge a damlo ni ang? Țanpui ngai ngawih ngawihin a awm ang em? Rui êm êmin mi bathlàrahte hian a lo mu mai mai lo'ng maw?
Ka ngaihtuah lo thei si lo. Ani chuan min ngaihtuah hauh lo ang chu, ka rilruin ka țawngțai leh mawlh mawlh, ka dìl dàn pawh ka hre thiam teh nuai tawh lo, a buai nuai vek tawh.
"Aw, Lalpa, chhanhim lul rawh. A khawngaihthlâk êm hi, a tawrh hi a na êm a ni, i puih a ngai, hawisan suh aw, Lalpa."
Puih theih dàn kawng hriat ka va duh êm! A nau thihna hian sual kawng țha lo zâwkah leh sual bâwihah nasa zâwkin a hnûk lût thei ngei ang, miin a chanchin an sawi dàn ațangin chu chu thil thleng ngei tùr a ni, a pawi zo ang tih ka va hlau tak êm!
"Aw, Lalpa, țanpui lul rawh, a thih phal suh ang che, ka hmangaih êm asin. Nang pawhin i hmangaih ngei ang, a thinlung chhûngril kha a sual lo a nia, pui rawh aw, pui lul rawh, amah mai chuan a tuar chhuak thei lo ang, pui hrám ang che."
Ka exam zo rilru hrehawm ber țum a ni ngei ang. A chungah rilru chhia ka pu thei lo, ka khawngaih, bâkah, rilru chhia ka pu ngam lo, a tâna ka țawngțaina hi Pathianin min chhâng duh lo palh ang.
Phone a rawn ri a, ka tho chhuak peih chuang lo. Tu mah ka be peih lo, Essa chu ni se chuan thuhran, ani lah chuan min rawn be dâwn dèr si lo.
Ka muhìl thei lo va, khumah ka let ka let ringawt. Ka țawngțai ka țawngțai mai, a hrehawm a ni. Naktipah ka haw phei tawh dâwn, ka hmuh loh hlànin chanchin țha lo lam ka hriat belh loh hrâm ka beisei, vawi khat tal erawh hmuh ka va châk tak! Eng kawngah mah ka thiam lo lo a ni tih tal hrilhhre tùr pawhin; mahse, thehhmeh ang hlauh a ni si.
Ka hlim lohzia chu mi dangin an hriat loh hrâm ka beisei, ka hmelah tihlan loh hrâm hrâm ka tum bawk,hostel-a awmte an haw deuh vek tawh a, kan dorm-ah chuan Rbi leh Mary nèn chauh kan ni tawh, anni pawh ka haw nîah ve tho haw an tum.
Haw pheina tùr ticket buaipuiin ka chhuak a, Maremi nèn kan ni nghe nghe. Ka phùr lohzia a hre ve sia, min khawngaih tawp. Haw lo tùrin min ti naa, ka haw phei chu min duhpui tho. Ka rilru va tithawveng tùrin min duh, boruak hran ka dawn chuan ka zia deuhin a ring.
Bazârah kan kual a, eng eng emaw kan en a, kein muangchângin kan haw bek bek. Kan haw lampangah chuan workshop pakhat hi kan kal pèl a, Essa kha workshop-ah a thawk tih ka hriat tawh avàng khân hmuh ka inring deuh ringawt a nih chu!
Ka hmu ta chiah! Ka âwih lo hial zâwk!
A lu a buk ta, a hmuihmul pawh a sei, a chèr hmel viau bawk a ni. Hre chiang hle lo ila chuan ka hai thei ngei ang. Ka en reng, engtin nge hetianga rang hian mihring hi kan lo bawrchhawr theih ni! A thawmhnaw balhzia chu thuhran, amah hrim hrim pawh chu a bawrchhawr lutuk a, a balh hmel viau bawk.
Mahse, a dam țha tal a, ka lâwm. Rui chhur chhurin ka hmu lo bawk, hna a thawk peih a, a dam țha tihna, ka lâwm zêl e.
Maremi pawhin a rawn hmu ve nghâl, ka bânah a rawn chelh vat. Kan en reng lai chuan a rawn hawi chhuak a, a mit khur tla deuh dâk chu ka hmu fuh khawp mai! A thil tawn ka ngaihtuah a, a àwm hliah hliah a ni, rui thle bûr bûr lovin hna a la thawk peih a nia, a ti țha tak zet.
Min rawn hmu ve emaw ka ti a; mahse, keini ni lovin mi dang daih a lo en niin!
"Hna i lo thawk peih a ni maw?"
Chu nu chu ka hmuh tawh hnu a niin ka hria! Ka ngaihtuah a, ka hre chhuak thei tlat lo. Khawiah emaw chuan ka hmu tawh a ni, ka hre chhuak ta. Hmân deuhah ka haw phei dâwnin an pahnih hian ka hmu tawh tak! Hmeichhia hian office-ah thil a theihnghilh nghe nghe kha, Essa ka la ngei hun lai kha a ni nghe nghe.
"Zanin chu ka hman chiang var tawh, ka phûr tawh viau bawk a ni," a ti leh lar lar a, thawk ve mi dangte chuan an lo thlêk há há hlawm a, Essa ve thung erawh chuan ngaihsak hmel vak loh hian a thawh lai chu a thawk mawlh mawlh thung.
Kan kal sawn hnu chuan Maremi chuan," A va danglam chak ve!" a ti sap a.
"A dam tal alawm." Ka rilruin Pathian hnênah làwmthu ka sawi sap. Dama ka hmu thei kha ka lâwm a ni, a ruih pawh ka ring lo.
"Thlahrâng i hmu ta emaw ka ti a!"
Zànah chuan ka insiam fel vek tawh a, haw chu ka phûr hlawl lo, haw mah ila ka rilru chu Aizawlah hlîr a awm dâwn tih ka hria.
Phone a rawn rì a, ka chhûngte an ni ngei ang chu.
"Hello?"
"Kat?"
Essa aw ka han hria chu mak ka ti lutuk! Ka hlim lutuk ringawt, ka thin a phu nghâl dawt dawt a, ka mittui a hnâm sawk bawkin ka hria!
"Essa-"
"Darling, hetah eng nge i tih? Ni lo, ni lo, engtin nge-" a tàwp hmak mai!
Eng thil nge thleng !!!
*I ȚHATNA LAI HMU THEI LOTU CHU MI ȚHA A NI BÎK LO VA, A SIAM ȚHA LO ANG CHE, I FELNA LAI ZAWNG HRÂM HRÂM MI CHUAN MI ȚHAAH A SIAM ZÂWK ANG CHE*
Comments
Post a Comment