☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 20 By Dingdi Pachuau
Min rawn phone-na number chu ka hmet chhuak a, ka call lêt nghâl, vawi khat chu a ring ve a; mahse, tàwp leh nghâl daih, ka tinawn leh a, a tlang thei tawh hauh lo! Eng thil nge thleng ni ang?
Ka hriat kha hmeichhe aw chu a ni ngei mai; mahse, thîkna hian ka thinlungah hmun a chang lo, ka ngaihtuah lian ber chu Essa a ni. Engtin nge a awm tih mawlh mai chu ka ngaihtuah, thil pawi a thleng chiang a ni.
Ka rilru mangang lutuk chu ka țawngțai a, awmzia a awm chuang lo. Ka rilru a bîng mup mup, a chungah eng thil țha lo nge thleng ni ang? Ani hi, a thi mai ang em?!!
Ni lo, thil țha lo tak tak hlîr ka ngaihtuah a ni. Thil țha lo ngaihtuah vak vak hi a hrisêl lo. Bâkah, a bialnu pawh ka ni tawh lo va, lo ngaihvena lo ngaihtuah buai chiam tùr pawh ka ni lo asin, nichinah pawh khân a rui lungpuamin min rawn phone mai mai a niang.
Mahse, ka ngaihtuah lo thei si lo a ni.
Ka haw kawng tluan chuan ka rilru a nuam thei lo. Titi ka peih loh avàngin earphone ka la chhuak a, zai ngaithla ang takin ka awm tawp, țawng ka peih lo a ni. Thil mawi tak chu a ni lo tih ka hria; mahse, țawng 'mood'-ah ka awm lo.
Ka rilruin ka țawngțai mawlh mawlh reng, ka ngaihtuah lo thei si lo va. Tih theih rêng ka nei bawk si lo, a hnu deuhah chuan tlêm chuan ka zia deuh ta, heti hrim a nih chuan kei hian ka țhen thei hauh lo ang.
Ka ute inah ka riak a, a tûkah kan khuaah ka haw phei nghál. Ka chhûngte hmel ka han hmuh chuan ka dam huai huaiin ka hria, ka rilru tâwt pawh a zia deuh ta bawk. Rilru hah leh hrehawm laia chhùngte bula awm hi a lo hahdam ber a lo nih hi.
Ka haw zànah kan țhenawmpa a lo lêng a, min hmuh chuan," Nang ni lekin, mikhual nula i ni emaw ka ti alawm le! Aizawl chu i ngeih hle mai maw? I va dam țha em?" a ti nghâl bawrh bawrh a.
"Aw, dam țha e, ka lâwm e, Pa Lawm. In lo dam țha zâwk em?"
Min fiam hi a peih ve hrim hrim a, tlangvâl senior a nih hnuah nupui a nei a, a fate pawh an la lian lo, a tê ber pawh kum thum chauh a la ni.
"Dam alawm," a ti phawt a, chutah," Nang hi bialpa i va nei tawh hial ang ka ti, i neih pawhin thingtlâng tlangvâl chu nei miah suh aw, thingtlângah chuan berh a awl bîk," a'n ti țan nghâl a.
Ka pa chuan," Kan la phal rih lo, lehkha hi țha tak hian han zir zo phawt se, ngaihzâwng neih nân chuan a la tlai chhe chuang nâng," a lo ti ve a.
Ka pa thil sawi chu fiamthu ang deuhin ti mah se a ti tak tak tih ka hre thei, chuvàngin ka ngawi ta daih.
Pa Lawma chuan," Neih pawh a hun ve tawh tho alawm, tlai khawhnua neih chu a buaithlâk, a inchhìrawm êm hi," nui chung hian a ti leh a, amah a insawina a ni tih ka hria a, ka nuih ringawt a.
Ka nu chuan," Hmeichhia hi zawng, kan vul lai hi a rei lo va, vul lai hian ngaihzâwng zawn thiam hi a pawimawh a nia, kan ngaihzâwng ni mìah lo hi chu pasalah kan nei mawh khawp mai a, ngaihzâwng neih dâwn pawh hian fîmkhur a ngai hle a ni," a lo ti ve a.
"Mahni hi kan pawimawh, mi țha nei tur pawhin keimahniin kan zir loh chuan a neih theih chuang loh."
Khua a lum avàngin mut dâwnah ka inbual a, Maremi'n min rawn phone a, kan inbe leh rih. Essa chanchin a hria em tih ka zâwt châk viau nain ka țhulh, ngaihtuah lutuk anga lan kha ka duh bîk lo a ni.
Hruaia lêng a haw chiah a ni àwm e. Anni zawng, an induhna pâr a vul țan dâwn chauh. Hruaia a puitling khak mai si a, an ințhen mai mai pawhin ka ring lo. Innghahna tlâk tak mipa chu a ni, Essa hi hetiang hi ni ve se...
Engati nge chutiang chu ka ngaihtuah a?!! Essa chu Essa a ni miau a, mi dang ang a ni thei nâng. Mi dang ang ni tùrin ka duh rêng rêng em ni? Teuh lo, amah oringinal hi alawm ka duh.
A bialnu ni tawh ûk si lo hian tihian ka ngaihtuah kual vêl chiam chiam mai chu a ni si a, mi khawngaihthlâk chu ka va ni tak!
Essa phone kha ka la hmang reng. Tunah chuan a bialnu pawh ka ni tawh si lo va, ka hmuh leh hmasak berah chuan pêk a ngai tawh ang chu. Ka mut a chhuak hlawl si lo va, a sim card-a message lo thlengho chu ka en vêl mai mai a. Ka la chhiar hauh lo, thil mawi lo tak niin ka hria a, ka ensak duh loh chhan pawh a ni nghe nghe. Tunah chuan engah mah a ngai tawh chuang lo ang a, pawi pawh a ti tawh lo ang chu.
Thil pawimawh tak pawh a awm lo. Hmeichhiain an rawn thawn a ni hlawm a, number ringawt ațanga a dawnho pawh chu hmeichhia tho an nih hmel, hmeichhia hi kan va lo zak thei lo tak! Zak lo thei ka ti lo, kan zak thei lo ka ti, message țhenkhat phei chu chhiar pawh a nuam lo! Zak lo ka ti hlawm lutuk!
Kan khuaa ka awm chhúng chuan hna ka thawk, ni a sa țha thei si a, ka chau thei khawp mai; mahse, ka lâwm zâwk. Hah hnâpa hna ka thawh chuan Essa ka ngaihtuah tam lo deuh a, zànah ni se ka taksa a chauh avàngin ka meng rei thei lo va, a zia phian.
A tân țawngțai ka thlahthlam chuang lo, zîngah țawngțai inkhâwmah ka kal ve zat zat a, Essa tân ka dîl bâng lo.
Țhianten min rawn be ve reng reng a, Maremi pawhin min rawn be chamchî. Kan inbe rei ngai lêm lo va, Hruaia nèn an chanchin erawh min hrilh vak ngai lo, keimahin ka zâwt hmasa a nih loh chuan. A chhan chu anni hlim taka an awm chanchin min hrilh chu a inthlahrung, kei lah rilru hrehawm takin ka awm tih a hre ve reng si a. Ka țhiannu hi chuan a ngaihtuah kim thei a nia, min ngaihtuah vàng liau liaua min rawn phone țhìn a ni bawk, ka tluk lo tak zet.
Sangzuala'n min rawn phone teh tlat! A rawn haw chho dâwn a, Aizawlah a châm lawk dâwn a, min rawn tlawh zawk a tum a ni àwm e; mahse, ka haw daih tih ka hrilh chuan," A ni maw? A va ho mai mai ve aw...hmuh che ka châk asin le," a tih chuan a rûkin ka ner deuh sak.
Mahse, ka inngaihtuah chiang a, tu chungah mah rilru țha lo ka pu thei lo. Rilru țha lo ka put chhûng chuan ka țawngţaina chhànin a awm thei lo ang. Bâkah, ani pawhin ngaihzâwng enin min en tawh kher lo ang, a hma pawhin amah avàngin intichhe lo tùrin min hrilh tawh kha, nunhlui theihnghilha nun thara nunga țhian anga inen a duh a nih kha.
Engah nge ka theih loh ang? Ka ngaizâwng tawh dâwn chuang lo va, amahin min bia a nih phawt chuan țha takin ka chhâng tùr a ni, chu chu mi fel leh mi puitling zia a ni
Hostel-a ka lêt a hun leh dâwn ta. Lungleiah riak pheiin a tûkah Aizawl chu ka phei ang. Zànah chhûng inkhâwm kan neihnaah ka pa chuan thu țha tinrêngin min zilh a.
Dik tak chuan lehkha lam hi ka tih theih ve avàngin keimahah beiseina an nei sâng ve a, ka hre thiam reng mai. An en rawn ka ni a, kan khuaa mite pawh hian min fuih nasa țhìn, zir sâng ve táwk, hna țha tak hmu thei tùr khawpa zir sâng tùrin min fuih țhìn.
"Țha takin lehkha zir la, ngaihzâwng tihte hi chu ngaihtuah rih lo la ka duh khawp mai. In la naupang a, bâkah, Aizawl angah phei chuan a hawklak rual an tam a, mi hausa fapa, awm țha duh miah lote hi i va tawng ve ang tihte hi ka hlau a nia. I rilruah chutiang chu ngaihtuah lovin lehkha chiah dah la, hei i chhuak ve țêp tawh lehnghâl a, kan fuihna che hi i hre reng ţhìn dâwn nia."
Ka pa chu ka zah tak zet. Ngaihzâwng ka nei tih a hre dèr si lo va, ka ngaihzâwng chu a duh loh berte zînga mi a ni tih hre phei se...
Ka nu pawhin min zilh ve bawk a, nu nge nge, a dik leh thlap mai.
"Hmeichhia chu kawng engkimah mipa aia chan chhe zâwk chang zêl kan ni a, hming chhiatna ho têah pawh kan langsàr hma bîk. Fîmkhur takin nung la, i chungah kan mit a fu reng tih theihnghilh suh ang che. I tih țhat chuan nang i lâwm ang a, keini i chhûngte pawh kan lâwm ang. I chêt chhiat hlauh chuan keini bâkah nangmah ngei pawh kha i hming a chhe tel vek dâwn a ni, nu leh pa leh chhûngte timualphotu nih tum miah loh tùr a ni," a ti dap dap a.
Lungleiah zan khat ka riak leh a, ka uin ticket min lâksak vek tawh avàngin ka chhuak lo, ka tawm ngawt ngawt mai. Ka u chuan," Hna i va thawk nasa a ni maw?" min ti a.
"Thawk ve bawk ang chu, ka hman hun a ni ve a."
"Bialpa i va nei tawh em?"
"Ka ning e, min zâwt ve ziah lo teh u. Nula ka ni ve tawh a, ka lo nei a nih pawhin a àwm ve tho alawm," ka tih chuan a nui țhâ a.
"I nei a ni maw? Nei suh ka ti miah lo; mahse, mi țha lo deuh va nei miah suh, ngaihzâwngte ațang hian mi pawh hian min hmuh dàn a dangin a dang lo ve a nia. Ka pa hre reng la, a duh loh zâwng chu i hriat kha," tiin min zilh a.
Ka hria alawm. Tuna ka u pasal hi chu mi fel tak a nia, a hmaa a bialpa kha chu zu heh tak a nih vàngin ka pa khân a duhpui lo thei êm êm a, țhen tùrin a ti fo. A chhan chu innei pawh ni se rilru hahna tùr hlîr a ni dâwn tlat a ni, tunah phei chuan chu pa chu jail-ah a tâng ta nghe nghe, rûkrûk vàngin, ka pain a lo duh lo viau pawh kha a àwm viau a ni.
Ka ngaihzâwng neih hi an hria emaw ni ka ti hial; mahse, tunah chuan kan ni tawh chuang lo va, lo hre ta pawh ni se tlêm chuan a zia deuh ang.
Vawiin chu ka haw lam nèn kha chuan a inang lo khawp mai. Ka chuan țantirh ațangin pu upa lam deuh tawh pakhat hian min fiam țan nghâl a, nula awm chhun ka nih vang nge mi dang pawh chuan min fiam chho zêl a, a ngawih reng theih bîk loh. Ka chuanpuite chuan fiamthu an han duh hlawm khawp a, inhre sa pawh an ni bîk lo; mahse, thu tak deuhin eng emaw hlek han sawi se, fiamthuah an la nghâl zêl a, a nuih loh theih loh, dulthuar na ûrhin ka nuih ve tâk kha.
Hostel ka thlen zànah chuan Sangzuala'n min rawn phone a, ani Lungleiah a lo phei ve chiah niin, kan insûlpèl a nih chu.
"Engati nge min hrilh loh?"
Leh ringawt.
"Hmuh che ka châk asin le! Kârleh lamah ka rawn phei leh dâwn a, min hmu duh hrâm rawh aw, țhian angin inen ang ka tih tawh kha. Thil dang eng mah ka beisei lo, chu chauh chu ka ngèn che a ni," a rawn ti a.
A țha alawm, hmelma anga inente chu ka duh bîk hleinem, bâkah, rilru țha lo put ka hlauh tawh kha.
"A țha alawm."
"Yes... mi fel tak kha i ni tlat a, min hnial kha ka ring lo rêng a ni," a rawn ti sar sar a.
"Ka duh loh zâwnga i awm vaih-"
"Zahngai, zahngai!! Ka awm hauh lo ang tih ka tiam e," tiin a rawn nui hak hak a.
A beisei theih angain ka awm lo ang, bâkah, ani pawhin chutiang zâwng chuan min en ngam tawh bîk nâng, duh pawh a duh tawh lo ang. Mi sual tak a ni hran lo va, inhua anga awm reng a duh loh vàng a ni ve thovin ka ring, hetia a tih chhan hi.
A tûkah Maremi a lo lêng a, Hruaia nèn an chanchin chu chipchiar takin min hrilh sep sep a. Exam zawh a nih vàngin a lo lêng ngun nasa a lo ni a, a thil sawi pakhat phei chuan min tiphu zawk mai!
"College ka chhuah veleh inneih a duh a."
Phâwk zet hian ka en a, ani erawh chu a lo sen deuh ap ap a.
"I duh em?"
"Ka la ngaihtuah pha lo hrim hrim a, 'ka lo la ngaihtuah chhin ang e' tiin ka chhâng ringawt," a ti sap a.
"Ka mal tawh àwm mang e!"
"Aw ka la pawh loh chu. Bâkah, a la rei êm mai a, kan la inkàwm tam hman lutyk!" Nui chung hian a ti a.
"A hmanhmawh hmel sia, 'aw' tia i chhàn ngei ka ring. Ka duhpui viau che rualin ka ngai dâwn che e," ka tih chuan," Chutiang sawi nân chuan a la hma lutuk! Nang pawhin țha deuh i la hmu thuai mai ang," a ti ta a.
"Ka pain ngaihzâwng neih a phal tawh lo."
"In chanchin i va hrilh vek elo?!!"
"Teuh lo mai! Ka hrilh ngam lo hrim hrim, bâkah, kan nih tawh chuan loh hi."
Ka rilru chu a na vawng vawng.
*THÎKTHU CHHE NAZAWNG HI HMANGAIHNA DIK ENTÎRNA A NI VEK KHER LO, LÊRH LUTUK VÀNG PAWH A NI THEI THO*
Min rawn phone-na number chu ka hmet chhuak a, ka call lêt nghâl, vawi khat chu a ring ve a; mahse, tàwp leh nghâl daih, ka tinawn leh a, a tlang thei tawh hauh lo! Eng thil nge thleng ni ang?
Ka hriat kha hmeichhe aw chu a ni ngei mai; mahse, thîkna hian ka thinlungah hmun a chang lo, ka ngaihtuah lian ber chu Essa a ni. Engtin nge a awm tih mawlh mai chu ka ngaihtuah, thil pawi a thleng chiang a ni.
Ka rilru mangang lutuk chu ka țawngțai a, awmzia a awm chuang lo. Ka rilru a bîng mup mup, a chungah eng thil țha lo nge thleng ni ang? Ani hi, a thi mai ang em?!!
Ni lo, thil țha lo tak tak hlîr ka ngaihtuah a ni. Thil țha lo ngaihtuah vak vak hi a hrisêl lo. Bâkah, a bialnu pawh ka ni tawh lo va, lo ngaihvena lo ngaihtuah buai chiam tùr pawh ka ni lo asin, nichinah pawh khân a rui lungpuamin min rawn phone mai mai a niang.
Mahse, ka ngaihtuah lo thei si lo a ni.
Ka haw kawng tluan chuan ka rilru a nuam thei lo. Titi ka peih loh avàngin earphone ka la chhuak a, zai ngaithla ang takin ka awm tawp, țawng ka peih lo a ni. Thil mawi tak chu a ni lo tih ka hria; mahse, țawng 'mood'-ah ka awm lo.
Ka rilruin ka țawngțai mawlh mawlh reng, ka ngaihtuah lo thei si lo va. Tih theih rêng ka nei bawk si lo, a hnu deuhah chuan tlêm chuan ka zia deuh ta, heti hrim a nih chuan kei hian ka țhen thei hauh lo ang.
Ka ute inah ka riak a, a tûkah kan khuaah ka haw phei nghál. Ka chhûngte hmel ka han hmuh chuan ka dam huai huaiin ka hria, ka rilru tâwt pawh a zia deuh ta bawk. Rilru hah leh hrehawm laia chhùngte bula awm hi a lo hahdam ber a lo nih hi.
Ka haw zànah kan țhenawmpa a lo lêng a, min hmuh chuan," Nang ni lekin, mikhual nula i ni emaw ka ti alawm le! Aizawl chu i ngeih hle mai maw? I va dam țha em?" a ti nghâl bawrh bawrh a.
"Aw, dam țha e, ka lâwm e, Pa Lawm. In lo dam țha zâwk em?"
Min fiam hi a peih ve hrim hrim a, tlangvâl senior a nih hnuah nupui a nei a, a fate pawh an la lian lo, a tê ber pawh kum thum chauh a la ni.
"Dam alawm," a ti phawt a, chutah," Nang hi bialpa i va nei tawh hial ang ka ti, i neih pawhin thingtlâng tlangvâl chu nei miah suh aw, thingtlângah chuan berh a awl bîk," a'n ti țan nghâl a.
Ka pa chuan," Kan la phal rih lo, lehkha hi țha tak hian han zir zo phawt se, ngaihzâwng neih nân chuan a la tlai chhe chuang nâng," a lo ti ve a.
Ka pa thil sawi chu fiamthu ang deuhin ti mah se a ti tak tak tih ka hre thei, chuvàngin ka ngawi ta daih.
Pa Lawma chuan," Neih pawh a hun ve tawh tho alawm, tlai khawhnua neih chu a buaithlâk, a inchhìrawm êm hi," nui chung hian a ti leh a, amah a insawina a ni tih ka hria a, ka nuih ringawt a.
Ka nu chuan," Hmeichhia hi zawng, kan vul lai hi a rei lo va, vul lai hian ngaihzâwng zawn thiam hi a pawimawh a nia, kan ngaihzâwng ni mìah lo hi chu pasalah kan nei mawh khawp mai a, ngaihzâwng neih dâwn pawh hian fîmkhur a ngai hle a ni," a lo ti ve a.
"Mahni hi kan pawimawh, mi țha nei tur pawhin keimahniin kan zir loh chuan a neih theih chuang loh."
Khua a lum avàngin mut dâwnah ka inbual a, Maremi'n min rawn phone a, kan inbe leh rih. Essa chanchin a hria em tih ka zâwt châk viau nain ka țhulh, ngaihtuah lutuk anga lan kha ka duh bîk lo a ni.
Hruaia lêng a haw chiah a ni àwm e. Anni zawng, an induhna pâr a vul țan dâwn chauh. Hruaia a puitling khak mai si a, an ințhen mai mai pawhin ka ring lo. Innghahna tlâk tak mipa chu a ni, Essa hi hetiang hi ni ve se...
Engati nge chutiang chu ka ngaihtuah a?!! Essa chu Essa a ni miau a, mi dang ang a ni thei nâng. Mi dang ang ni tùrin ka duh rêng rêng em ni? Teuh lo, amah oringinal hi alawm ka duh.
A bialnu ni tawh ûk si lo hian tihian ka ngaihtuah kual vêl chiam chiam mai chu a ni si a, mi khawngaihthlâk chu ka va ni tak!
Essa phone kha ka la hmang reng. Tunah chuan a bialnu pawh ka ni tawh si lo va, ka hmuh leh hmasak berah chuan pêk a ngai tawh ang chu. Ka mut a chhuak hlawl si lo va, a sim card-a message lo thlengho chu ka en vêl mai mai a. Ka la chhiar hauh lo, thil mawi lo tak niin ka hria a, ka ensak duh loh chhan pawh a ni nghe nghe. Tunah chuan engah mah a ngai tawh chuang lo ang a, pawi pawh a ti tawh lo ang chu.
Thil pawimawh tak pawh a awm lo. Hmeichhiain an rawn thawn a ni hlawm a, number ringawt ațanga a dawnho pawh chu hmeichhia tho an nih hmel, hmeichhia hi kan va lo zak thei lo tak! Zak lo thei ka ti lo, kan zak thei lo ka ti, message țhenkhat phei chu chhiar pawh a nuam lo! Zak lo ka ti hlawm lutuk!
Kan khuaa ka awm chhúng chuan hna ka thawk, ni a sa țha thei si a, ka chau thei khawp mai; mahse, ka lâwm zâwk. Hah hnâpa hna ka thawh chuan Essa ka ngaihtuah tam lo deuh a, zànah ni se ka taksa a chauh avàngin ka meng rei thei lo va, a zia phian.
A tân țawngțai ka thlahthlam chuang lo, zîngah țawngțai inkhâwmah ka kal ve zat zat a, Essa tân ka dîl bâng lo.
Țhianten min rawn be ve reng reng a, Maremi pawhin min rawn be chamchî. Kan inbe rei ngai lêm lo va, Hruaia nèn an chanchin erawh min hrilh vak ngai lo, keimahin ka zâwt hmasa a nih loh chuan. A chhan chu anni hlim taka an awm chanchin min hrilh chu a inthlahrung, kei lah rilru hrehawm takin ka awm tih a hre ve reng si a. Ka țhiannu hi chuan a ngaihtuah kim thei a nia, min ngaihtuah vàng liau liaua min rawn phone țhìn a ni bawk, ka tluk lo tak zet.
Sangzuala'n min rawn phone teh tlat! A rawn haw chho dâwn a, Aizawlah a châm lawk dâwn a, min rawn tlawh zawk a tum a ni àwm e; mahse, ka haw daih tih ka hrilh chuan," A ni maw? A va ho mai mai ve aw...hmuh che ka châk asin le," a tih chuan a rûkin ka ner deuh sak.
Mahse, ka inngaihtuah chiang a, tu chungah mah rilru țha lo ka pu thei lo. Rilru țha lo ka put chhûng chuan ka țawngţaina chhànin a awm thei lo ang. Bâkah, ani pawhin ngaihzâwng enin min en tawh kher lo ang, a hma pawhin amah avàngin intichhe lo tùrin min hrilh tawh kha, nunhlui theihnghilha nun thara nunga țhian anga inen a duh a nih kha.
Engah nge ka theih loh ang? Ka ngaizâwng tawh dâwn chuang lo va, amahin min bia a nih phawt chuan țha takin ka chhâng tùr a ni, chu chu mi fel leh mi puitling zia a ni
Hostel-a ka lêt a hun leh dâwn ta. Lungleiah riak pheiin a tûkah Aizawl chu ka phei ang. Zànah chhûng inkhâwm kan neihnaah ka pa chuan thu țha tinrêngin min zilh a.
Dik tak chuan lehkha lam hi ka tih theih ve avàngin keimahah beiseina an nei sâng ve a, ka hre thiam reng mai. An en rawn ka ni a, kan khuaa mite pawh hian min fuih nasa țhìn, zir sâng ve táwk, hna țha tak hmu thei tùr khawpa zir sâng tùrin min fuih țhìn.
"Țha takin lehkha zir la, ngaihzâwng tihte hi chu ngaihtuah rih lo la ka duh khawp mai. In la naupang a, bâkah, Aizawl angah phei chuan a hawklak rual an tam a, mi hausa fapa, awm țha duh miah lote hi i va tawng ve ang tihte hi ka hlau a nia. I rilruah chutiang chu ngaihtuah lovin lehkha chiah dah la, hei i chhuak ve țêp tawh lehnghâl a, kan fuihna che hi i hre reng ţhìn dâwn nia."
Ka pa chu ka zah tak zet. Ngaihzâwng ka nei tih a hre dèr si lo va, ka ngaihzâwng chu a duh loh berte zînga mi a ni tih hre phei se...
Ka nu pawhin min zilh ve bawk a, nu nge nge, a dik leh thlap mai.
"Hmeichhia chu kawng engkimah mipa aia chan chhe zâwk chang zêl kan ni a, hming chhiatna ho têah pawh kan langsàr hma bîk. Fîmkhur takin nung la, i chungah kan mit a fu reng tih theihnghilh suh ang che. I tih țhat chuan nang i lâwm ang a, keini i chhûngte pawh kan lâwm ang. I chêt chhiat hlauh chuan keini bâkah nangmah ngei pawh kha i hming a chhe tel vek dâwn a ni, nu leh pa leh chhûngte timualphotu nih tum miah loh tùr a ni," a ti dap dap a.
Lungleiah zan khat ka riak leh a, ka uin ticket min lâksak vek tawh avàngin ka chhuak lo, ka tawm ngawt ngawt mai. Ka u chuan," Hna i va thawk nasa a ni maw?" min ti a.
"Thawk ve bawk ang chu, ka hman hun a ni ve a."
"Bialpa i va nei tawh em?"
"Ka ning e, min zâwt ve ziah lo teh u. Nula ka ni ve tawh a, ka lo nei a nih pawhin a àwm ve tho alawm," ka tih chuan a nui țhâ a.
"I nei a ni maw? Nei suh ka ti miah lo; mahse, mi țha lo deuh va nei miah suh, ngaihzâwngte ațang hian mi pawh hian min hmuh dàn a dangin a dang lo ve a nia. Ka pa hre reng la, a duh loh zâwng chu i hriat kha," tiin min zilh a.
Ka hria alawm. Tuna ka u pasal hi chu mi fel tak a nia, a hmaa a bialpa kha chu zu heh tak a nih vàngin ka pa khân a duhpui lo thei êm êm a, țhen tùrin a ti fo. A chhan chu innei pawh ni se rilru hahna tùr hlîr a ni dâwn tlat a ni, tunah phei chuan chu pa chu jail-ah a tâng ta nghe nghe, rûkrûk vàngin, ka pain a lo duh lo viau pawh kha a àwm viau a ni.
Ka ngaihzâwng neih hi an hria emaw ni ka ti hial; mahse, tunah chuan kan ni tawh chuang lo va, lo hre ta pawh ni se tlêm chuan a zia deuh ang.
Vawiin chu ka haw lam nèn kha chuan a inang lo khawp mai. Ka chuan țantirh ațangin pu upa lam deuh tawh pakhat hian min fiam țan nghâl a, nula awm chhun ka nih vang nge mi dang pawh chuan min fiam chho zêl a, a ngawih reng theih bîk loh. Ka chuanpuite chuan fiamthu an han duh hlawm khawp a, inhre sa pawh an ni bîk lo; mahse, thu tak deuhin eng emaw hlek han sawi se, fiamthuah an la nghâl zêl a, a nuih loh theih loh, dulthuar na ûrhin ka nuih ve tâk kha.
Hostel ka thlen zànah chuan Sangzuala'n min rawn phone a, ani Lungleiah a lo phei ve chiah niin, kan insûlpèl a nih chu.
"Engati nge min hrilh loh?"
Leh ringawt.
"Hmuh che ka châk asin le! Kârleh lamah ka rawn phei leh dâwn a, min hmu duh hrâm rawh aw, țhian angin inen ang ka tih tawh kha. Thil dang eng mah ka beisei lo, chu chauh chu ka ngèn che a ni," a rawn ti a.
A țha alawm, hmelma anga inente chu ka duh bîk hleinem, bâkah, rilru țha lo put ka hlauh tawh kha.
"A țha alawm."
"Yes... mi fel tak kha i ni tlat a, min hnial kha ka ring lo rêng a ni," a rawn ti sar sar a.
"Ka duh loh zâwnga i awm vaih-"
"Zahngai, zahngai!! Ka awm hauh lo ang tih ka tiam e," tiin a rawn nui hak hak a.
A beisei theih angain ka awm lo ang, bâkah, ani pawhin chutiang zâwng chuan min en ngam tawh bîk nâng, duh pawh a duh tawh lo ang. Mi sual tak a ni hran lo va, inhua anga awm reng a duh loh vàng a ni ve thovin ka ring, hetia a tih chhan hi.
A tûkah Maremi a lo lêng a, Hruaia nèn an chanchin chu chipchiar takin min hrilh sep sep a. Exam zawh a nih vàngin a lo lêng ngun nasa a lo ni a, a thil sawi pakhat phei chuan min tiphu zawk mai!
"College ka chhuah veleh inneih a duh a."
Phâwk zet hian ka en a, ani erawh chu a lo sen deuh ap ap a.
"I duh em?"
"Ka la ngaihtuah pha lo hrim hrim a, 'ka lo la ngaihtuah chhin ang e' tiin ka chhâng ringawt," a ti sap a.
"Ka mal tawh àwm mang e!"
"Aw ka la pawh loh chu. Bâkah, a la rei êm mai a, kan la inkàwm tam hman lutyk!" Nui chung hian a ti a.
"A hmanhmawh hmel sia, 'aw' tia i chhàn ngei ka ring. Ka duhpui viau che rualin ka ngai dâwn che e," ka tih chuan," Chutiang sawi nân chuan a la hma lutuk! Nang pawhin țha deuh i la hmu thuai mai ang," a ti ta a.
"Ka pain ngaihzâwng neih a phal tawh lo."
"In chanchin i va hrilh vek elo?!!"
"Teuh lo mai! Ka hrilh ngam lo hrim hrim, bâkah, kan nih tawh chuan loh hi."
Ka rilru chu a na vawng vawng.
*THÎKTHU CHHE NAZAWNG HI HMANGAIHNA DIK ENTÎRNA A NI VEK KHER LO, LÊRH LUTUK VÀNG PAWH A NI THEI THO*
Comments
Post a Comment