☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 21 By Dingdi Pachuau
Class kal leh hmasak ber niah chuan chhùnah Hruaia'n a motor-in Maremi nèn min rawn lam a, dàwrah min chawlhpui. Maremi pawhin a duh ve viau tawh a ni, an pahniha an titi ve chu ka nuih an tiza ve leh chhâwng. An țawng zawi dùn si a, an bula ka țhu ve reng chung pawhin an thil sawi chu ka hre ve thei mang lo, engtin nge chutiang chuan an țawng thiam zâwk ni, an hrawk a na vek lo em ni le?
Hruaia nèn hian kan la inhmu tam ve teh chiam lo va; mahse, a fel a, a bula awm a hahdamthlâk. Mi țawng duh over a ni lo va, titi vawrh chhuah tùr a hre êm êm, senior deuh tawh mah se kan bula awm dàn tâwk a thiam hi ka tia, thil ho tê tê han sawi ve pawh ni ila a lo zàwm ve peih tho, a ngainat loh theih loh.
"Zopui, i țhiannu hi lo sawipui ve teh."
Ka en vat a, rin dàn ka nei tho nain ka hre lo der tlat.
"Eng chu maw?" ka ti a.
"Mipa amah chauha awm reng hi Pathianin țha a ti lo va," a ti sap a, Maremi chu a en pah reng a.
"Chuan?" Ka lo ti a.
"I țhiannu hi ka bula awm tawh tùrin ka duh a."
"College pawh a la chhuah loh hi."
"Chhuah kher a ngai hlei nem, kan inneih hnuah pawh a zirna chu a chhunzawm thei tho a," a ti leh sap a.
"Mahse, ka mal dâwn asin," ka tih chuan Maremi chu a lo nui hak a.
"Mahni inkhawngaihna!"
"A țha lo."
Haw kawngah chuan Maremi hnênah chuan," I chhûngte'n an duhpui che em?" tiin ka zâwt a.
"Eng mah chu an sawi lém lo nain an duh lo chuan ka hre lo."
Hruaia hi chu a fel a, ruihhloah a fihlîm a, a lêrh hran lo bawk a, pasal atân pawh tlâk tak tùr niin ka hria. Ka țhiannu tân pawh hian ka duhpui, inupat hleih deuh mah se nupa inkawprem tak an ni thei ngei ang. Bâkah, mipa upa zâwk chu a pawi lo e, a duat thiam daih zâwk ang chu.
Zàn ka mutnaah ka ngaihtuah chhunzawm a, Maremi chuan mipa țha tak mai, nupui atân hial pawh duhtu a hmu tawh si a, a vànnei teh mang e! A nungchangin a zir bawk a, mipa țha tak chu hmu tùr a ni, ka lawmpui hle a ni.
Kei ve thung hi? Ka thaw hawk. A ngaihna a awm hlawl lo, ka duh ka tawng ve a; mahse, min kalsan leh tawh si, bákah, ruihhloah a fihlîm si lo. Ka chhûngte duh loh chî tak a ni lehnghâl, khua hi chu a va vâr lo tak êm! Ngaihzâwng leh hmangaihnaah hian ka tluang ve dâwn lo a ni ngei ang, kal duh na nâ nâ chu chelh bîk thu a awm si lo va, a duh ang ngeia zalènna pêk hi ka tih tùr chu a ni mai.
Mahse, a hriat si loh hian kaltîr chu har ka ti tak zet chu a nih si hi. Ka awm dàn hi hre ta se, nêp min ti ngawt ang chu, min nuihzat ngawt ang!
A tân bâng lovin țawngțai mah ila Maremi bulah a chanchin ka sawi chhuak ngai lo, ka sawi loh pawh hian ka hre reng tho a, theihnghilh ka tum hran lo, ka theih dâwn chuan loh avàngin ka tum peih vêl lo. Ani pawhin a sawi chhuak ngai lo va, ka sawi ngai loh avàngin ka theihnghilh a ni ang erawh chu a ring bîk kherin ka ring lo.
Ruata dàwra kan lût tùr chu ka hminga min ko ri ka hria a, min kohna lam chu ka hawi vat a, ka piah lawka Sangzuala ding chu ka va hmu nghâl, a lo nui var var.
"Ka hmuh che ka ring a, ka lo châng che a," tiin hlim nui var var chungin min rawn pan phei.
"Eng nge i tih?"
"Hna ka thawk maw le! Ka piangthar tawh a." A la nui sûng reng.
Maremi chuan mak tih hmel zet hian min rawn en reng tih ka hria, hei hi ka duh loh ber thil ni mah se tih ngaihna a awm tawh si lo.
"Marem, Sangzuala a nih hi. Sangzual, Maremi ka țhiannu țha ber," tiin ka inhmel hriattîr a.
Maremi chu ka en duh lo lui tlat, mak a ti dáwn lutuk! Sangzuala chanchin chu a hre vek tawh si a, a mitmenga zawhna hlîr lo lang tùr chu ka en duh lo.
Mahse, Maremi hi zawng a fel ve a nia, hlim nui sen senin Sangzuala chu a be nghâl sat sat, a ngei loh hrâm ka beisei, kei pawhin ngei rilru puin ka be tawh lo a nia, ngei lo hrâm rawh se.
Kan inbe rei vak hman lo chu a zia ka ti khawp mai. Ka ngei vàng ni lovin a bula awm tam loh ka duh, mipa bula awm tam loh ka duh tawh, a tàwpah buaina mai an ni si a.
"Ka rei leh! Ka mit vài a ni si lo maw!!"
"In lo inbe leh tawh elo?!"
"In renew tihna em ni?"
"I va zêp thei! Min hrilh miah lo maw?"
Zawhna hlîr mai, a àwm ve tho e. Sangzuala'n min rawn bia tih hi ka la hrilh tlat lo va, ka zêp pawh a ni chuang lo. Hrilh a țùlna ka hriat loh vàng a niang, bâkah, kan ni leh pawh a ni lo va, eng mah a awm lo.
Thil awmzia ka hrilh pawr pawr laiin Miss a rawn lût a, kan tàwp ta rih. Chhùn chawlh laiin ka sawi zawm leh, a dîlchhût khawp mai.
"A chhiat loh kha."
"I va ho tak! Hruaia ka hrilh dâwn?"
Thu tak deuh hian," Mahse, Essa ai chuan tlêmin a țha lo zâwkin ka hria, a chanchin lo hre sa lo phei ila chuan chhe lo ka ti ngawt ang!" a ti sar sar a.
"Duh tâwk teh, tunah chuan ka engah mah a thawk tawh lo. Ka haw tawh lo a nia, tlangvâl pakhat ve mai a ni tawh. Nang pawhin haw suh aw, a țha lo, huatna chuan thil țha a ei chhe țhìn," ka lo ti thung a.
"A țha lutuk! Ka va chhuang tak che êm! Mipa țha tak i la tawng ngei ang, ka duhsak che, chuan, ka țawngțaipui reng che a nia."
Țhian ka nei țha asin! Ani ang țhian fel ka han tawng hi mi vànnei tak ka ni, tûnlaiah țhian țha hmuh a harsat tawhzia hi, ka vànnei tak zet.
"Ka lâwm e."
Kan pass ve ve a, a lawm nân Maremi pain mawza inang min leisak ve ve a, a nu pawhin T-shirt inang min leisak bawk. Heti taka a chhûngte leh zêl ka chunga an țha hi ka lâwm a, ka phû lo ka ti bawk, Pathian ka chunga a țhatzia hi chu aw...
Zànah WhatsApp group lamah pawh țhian hluite chuan result an rawn tilang sap sap a, a nuam ve reuh mai mai. Mipaho lah an hot nasa, chaw ei khâwm an han rawt thar ngei ah, kâr a hla hlawm lutuk! Hmeichheho chu kan lo nui mai mai, a hnuah erawh thil dang dang an rawt chho a. A tàwpa an thu tlûkna chu College kan chhuah hunah Lungleiah inhmuh khâwma chaw eiho a ni, Lunglei a laili ber a, Aizáwl lam mi tu mah kan awm lo bawk a, a țha phian ang.
*Pass lawm nân U Hruaia'n dinner a show dâwn a*
Eu, va nuam àwm bîk ve! Min hlêp hlak dâwn a nih chu.
*Nuam ngawt ang😘* tiin ka chhâng vat.
*Kan pahniha pass alawm min lawmsak dâwn, Inrinni tlaiah hian i hman thei ang tiraw?* a rawn ti leh a.
A va làwmawm dâwn ve aw!! Hman theih àwm tak, bâkah pi ber ka dìl chuan a remti mai ang.
*Hman ang, pi ber ka lo dîl ang a*
Message dang a lo thleng, hei chu Sangzuala. Ka ner deuh sak a; mahse, ka insiam țha vat, rilru chhia ka pu tùr a ni lo, Essa vàng talin.
*Congrats 👏🥳*
Ka pass tih a hre ve emaw ni? Engtin nge a lo hriat a?
*Ka lâwm e* tiin ka chhâng a.
*Làwm ila?*
*Engtin nge i lo hriat ve a?* A mak êm alawm le!
*Lehkha thiam tak i ni alawm, i pass dâwn tih ka hre sa a*
A rin thuin min rawn lawmpui a nih chu, ka pass leh pass loh hre hauh lovin min rawn lawmpui 'risk' a nih ber chu.
*I pass lawm nân ice-cream ka lei ang che*
Essa message han ni hlauh zâwk se...tia ka ngaihtuah chu duh lovin ka lu ka thing nak nak a. Ani chu a kal tawh, a duh ang ngeiin a kal tawh a, ka pass leh pass loh pawh a ngaihven nâng. A bialnu ka ni tawh lo va, min ngaihven tùr pawh a ni tawh lo bawk.
*Tam tâwk min lei ang che* tiin ka chhâng ta zâwk.
*Yes, Boss😀*
Pass lawmna dinner chu a nuam asin aw! Essa avànga ka rilru pangkhing zet pawh ka hre chang lo lek lek, nui hmel ka pu ve reng mai.
Hruaiate inah a ni a, a tìrah tak chuan hotel-ah a tum a; mahse, Maremi'n a hnial, Hruaiate inah, a nu siam vek niin chaw leh a hmeh zawng zawng chu a 'cial' tui êm êm vek a ni. Dessert a siam lah chu a tui cial tawp, ka la ei ngai loh hlîr a ni.
Hruaia nu chu a hot reuh a, titi a thiam a, nuih a peih reuh bawk, Maremi nèn pawh inanna lai an nei deuh tlat, nufa tak ni àwm zâwk an ni.
A nu chuan music a play a, Hruaia pawh an inah meuh chuan a insûm peih lo a niang, a phawk a chhuak a, a nu chu pawmin a làmpui lâwp lâwp mai. Maremi nèn kan lo nuih nasa, a hnuah a muang chiin, an lâm thiam reuh phian. Làm hi chu ka chikat hlauh a, taksa sâwi hlek pawh hi ka zei hlawl lo.
A hnuah phei chuan Hruaia chuan Maremi chu a rawn kài tho a, Maremi pawhin a lo ban ve mai. An lâm dùn a, ka rin aiin Maremi chu a zei! An inlen hleih si a, an hmuhnawm reuh tawp.
Hlim takin hun ka hmang, Essa pawh ka ngaihtuahnaah a awm mang hauh lo nia; mahse, Maremi leh Hruaia hlim hmel taka an lâm ka hmuh chuan ka hre chhuak a, ani nèn khân hlim takin tuna țhianite pahnih lâm ang hian lâm ve ta ila, a nuam ngawt ang chu tih ka ngaihtuah a, ka rilru chu a hnual leh deuh.
Sangzuala pawhin a thu tiam chu a hlen chiang. Ice cream bâkah eng eng emaw ni ei chi hlîr min lei țeuh mai. Ka duh lo dâwn dâwn a; mahse, a hriat thiam loh dáwn ták avangin ka lâksak ta chauh.
"I pass țhat phei chuan i duh apiang ka leisak ang che, leisaka ngaihsaktu tùr che bialpa pawh i neih loh hi," min la ti zui.
"I hre lo êm mai a," ka'n tih lêt kha.
Ani lah chuan nui chung hian," Nei ni la chuan ka hre daih tawh ang," a lo ti deuh tlat, a la nui sûng zui.
A sawi dik bawk sia, han chhàn leh dan tùr pawh ka hre tawh lo.
"Aizawlah i awm reng dâwn em ni?" tia ka zawh chuan," Lunglei nèn ka kàr tawn țhìn," a lo ti a.
Haw kawngah chuan Maremi chuan," A pawisa eisak țeuh la a ni mai, a bum vàng chein a la ba ve hrim hrim," nui chung hian a ti sap a.
"Ei da vek ila tiraw?"
"I pan hmasak pawh ni hlei lo." Fiamthu hlîrin Sangzuala thla chu kan sawisa chho a, kan nui vak vak. Gate-a ka luh hnuah erawh ka ngaihtuah chiang a, ka inthiam lo ru ve deuh.
Dàwr kha kan nghah tawh rih loh avàngin ka chhuak khât ta. Inrinniah erawh Dàwrkàwn lamah ka la chhuak zeuh zeuh, U Hranga pawh ka hmu zauh zauh. Biak ka inthlahrung deuh țhìn, nuih erawh ka nuih ziah. Ani pawhin min haw bîk lo va, biak tak erawh chu kan inbe ngai lo.
Ruah a sùr țan leh ta. Hun nuam tak chu a va ni lo êm! Mahse, tlái lam ni tla tùr erawhin lung a tilêng, a mawi thei si a, tlaiah inchungah chhoin ràl lehlam tlâng ni liam tùrin a chhun tlêt sar lam chu ka thlîr ziah țhìn.
"En teh, ka mi hmuh hria la chuan i hmu ve châk ngawt ang!"
Maremi țhìn hi chu aw...tu emaw lâr deuh a ni mai ang chu. Drew, G'nie, Kimkima emaw Sailova pawh a ni maithei.
"Tu nge i hmuh? Mi lâr a ni chiang?"
A han ngawi deyh vang vang a, a che ngeiawm ve thei a nia, ka hre châk ve tho asin.
"Ngaihtuah chiang rawh, i hmu châk tih ka hria."
A bulah hian tu mizo mi lâr nge hmuh ka châk tih ka lo sawi tawh ni?! Ka ngaihtuah a, tlêm lai khân ngaihsàn zâwng kan sawi khân Pu KL Liana hming kha chu ka sawi ngei mai a, 'Hmu ila chuan thla ka lâkpui ang' ka tih nghe nghe kha maw le!
"Pu KLa maw?!!"
"Ni lo..."
"Chuti ka hre lo a nih chu."
"Essa leh a bialnu bike-ah an inphur ka hmu!"
Ka thinlung a nghîng dawt maiin ka hria! Essa leh a bialnu. Hm, bialnu a nei ta maw? Khawpui nula chhe lo zet a ni ngei ang. Kei chu thingtlâng nula ka ni reng dâwn si a, engtik lai mahin a tân chuan ka tling thei ngai lo ang. Lawmpui tùr ka ni; mahse, ka thinlungah lawmpuina a va awm si lo êm! Chu ahnêkin, ka thinlung chu a na ngut ngut a ni si.
"A dam tih hriat chu, a làwmawm hle mai," ka ti ringawt. Ka lawmpui thu ka sawi chuan dâwt ka sawi dâwn si a, a dam țha tih ka hria erawh ka láwm a ni.
"Rilru tihnat áwih loh aw, a dam tih hriat pawh hi a làwmawm alawm tiraw?"
"Ni e."
Mi khawngaihthlâk chu ka va ni tehlul êm!! A dam țha tih ka hriat avàng chauh pawhin ka lâwm a nia, hetiang hian mi dang hi an awm ve ang em?
*BEISEINA HI CHAKNA MIN PETU HMANRAW PAWIMAWH TAK A NI*
Class kal leh hmasak ber niah chuan chhùnah Hruaia'n a motor-in Maremi nèn min rawn lam a, dàwrah min chawlhpui. Maremi pawhin a duh ve viau tawh a ni, an pahniha an titi ve chu ka nuih an tiza ve leh chhâwng. An țawng zawi dùn si a, an bula ka țhu ve reng chung pawhin an thil sawi chu ka hre ve thei mang lo, engtin nge chutiang chuan an țawng thiam zâwk ni, an hrawk a na vek lo em ni le?
Hruaia nèn hian kan la inhmu tam ve teh chiam lo va; mahse, a fel a, a bula awm a hahdamthlâk. Mi țawng duh over a ni lo va, titi vawrh chhuah tùr a hre êm êm, senior deuh tawh mah se kan bula awm dàn tâwk a thiam hi ka tia, thil ho tê tê han sawi ve pawh ni ila a lo zàwm ve peih tho, a ngainat loh theih loh.
"Zopui, i țhiannu hi lo sawipui ve teh."
Ka en vat a, rin dàn ka nei tho nain ka hre lo der tlat.
"Eng chu maw?" ka ti a.
"Mipa amah chauha awm reng hi Pathianin țha a ti lo va," a ti sap a, Maremi chu a en pah reng a.
"Chuan?" Ka lo ti a.
"I țhiannu hi ka bula awm tawh tùrin ka duh a."
"College pawh a la chhuah loh hi."
"Chhuah kher a ngai hlei nem, kan inneih hnuah pawh a zirna chu a chhunzawm thei tho a," a ti leh sap a.
"Mahse, ka mal dâwn asin," ka tih chuan Maremi chu a lo nui hak a.
"Mahni inkhawngaihna!"
"A țha lo."
Haw kawngah chuan Maremi hnênah chuan," I chhûngte'n an duhpui che em?" tiin ka zâwt a.
"Eng mah chu an sawi lém lo nain an duh lo chuan ka hre lo."
Hruaia hi chu a fel a, ruihhloah a fihlîm a, a lêrh hran lo bawk a, pasal atân pawh tlâk tak tùr niin ka hria. Ka țhiannu tân pawh hian ka duhpui, inupat hleih deuh mah se nupa inkawprem tak an ni thei ngei ang. Bâkah, mipa upa zâwk chu a pawi lo e, a duat thiam daih zâwk ang chu.
Zàn ka mutnaah ka ngaihtuah chhunzawm a, Maremi chuan mipa țha tak mai, nupui atân hial pawh duhtu a hmu tawh si a, a vànnei teh mang e! A nungchangin a zir bawk a, mipa țha tak chu hmu tùr a ni, ka lawmpui hle a ni.
Kei ve thung hi? Ka thaw hawk. A ngaihna a awm hlawl lo, ka duh ka tawng ve a; mahse, min kalsan leh tawh si, bákah, ruihhloah a fihlîm si lo. Ka chhûngte duh loh chî tak a ni lehnghâl, khua hi chu a va vâr lo tak êm! Ngaihzâwng leh hmangaihnaah hian ka tluang ve dâwn lo a ni ngei ang, kal duh na nâ nâ chu chelh bîk thu a awm si lo va, a duh ang ngeia zalènna pêk hi ka tih tùr chu a ni mai.
Mahse, a hriat si loh hian kaltîr chu har ka ti tak zet chu a nih si hi. Ka awm dàn hi hre ta se, nêp min ti ngawt ang chu, min nuihzat ngawt ang!
A tân bâng lovin țawngțai mah ila Maremi bulah a chanchin ka sawi chhuak ngai lo, ka sawi loh pawh hian ka hre reng tho a, theihnghilh ka tum hran lo, ka theih dâwn chuan loh avàngin ka tum peih vêl lo. Ani pawhin a sawi chhuak ngai lo va, ka sawi ngai loh avàngin ka theihnghilh a ni ang erawh chu a ring bîk kherin ka ring lo.
Ruata dàwra kan lût tùr chu ka hminga min ko ri ka hria a, min kohna lam chu ka hawi vat a, ka piah lawka Sangzuala ding chu ka va hmu nghâl, a lo nui var var.
"Ka hmuh che ka ring a, ka lo châng che a," tiin hlim nui var var chungin min rawn pan phei.
"Eng nge i tih?"
"Hna ka thawk maw le! Ka piangthar tawh a." A la nui sûng reng.
Maremi chuan mak tih hmel zet hian min rawn en reng tih ka hria, hei hi ka duh loh ber thil ni mah se tih ngaihna a awm tawh si lo.
"Marem, Sangzuala a nih hi. Sangzual, Maremi ka țhiannu țha ber," tiin ka inhmel hriattîr a.
Maremi chu ka en duh lo lui tlat, mak a ti dáwn lutuk! Sangzuala chanchin chu a hre vek tawh si a, a mitmenga zawhna hlîr lo lang tùr chu ka en duh lo.
Mahse, Maremi hi zawng a fel ve a nia, hlim nui sen senin Sangzuala chu a be nghâl sat sat, a ngei loh hrâm ka beisei, kei pawhin ngei rilru puin ka be tawh lo a nia, ngei lo hrâm rawh se.
Kan inbe rei vak hman lo chu a zia ka ti khawp mai. Ka ngei vàng ni lovin a bula awm tam loh ka duh, mipa bula awm tam loh ka duh tawh, a tàwpah buaina mai an ni si a.
"Ka rei leh! Ka mit vài a ni si lo maw!!"
"In lo inbe leh tawh elo?!"
"In renew tihna em ni?"
"I va zêp thei! Min hrilh miah lo maw?"
Zawhna hlîr mai, a àwm ve tho e. Sangzuala'n min rawn bia tih hi ka la hrilh tlat lo va, ka zêp pawh a ni chuang lo. Hrilh a țùlna ka hriat loh vàng a niang, bâkah, kan ni leh pawh a ni lo va, eng mah a awm lo.
Thil awmzia ka hrilh pawr pawr laiin Miss a rawn lût a, kan tàwp ta rih. Chhùn chawlh laiin ka sawi zawm leh, a dîlchhût khawp mai.
"A chhiat loh kha."
"I va ho tak! Hruaia ka hrilh dâwn?"
Thu tak deuh hian," Mahse, Essa ai chuan tlêmin a țha lo zâwkin ka hria, a chanchin lo hre sa lo phei ila chuan chhe lo ka ti ngawt ang!" a ti sar sar a.
"Duh tâwk teh, tunah chuan ka engah mah a thawk tawh lo. Ka haw tawh lo a nia, tlangvâl pakhat ve mai a ni tawh. Nang pawhin haw suh aw, a țha lo, huatna chuan thil țha a ei chhe țhìn," ka lo ti thung a.
"A țha lutuk! Ka va chhuang tak che êm! Mipa țha tak i la tawng ngei ang, ka duhsak che, chuan, ka țawngțaipui reng che a nia."
Țhian ka nei țha asin! Ani ang țhian fel ka han tawng hi mi vànnei tak ka ni, tûnlaiah țhian țha hmuh a harsat tawhzia hi, ka vànnei tak zet.
"Ka lâwm e."
Kan pass ve ve a, a lawm nân Maremi pain mawza inang min leisak ve ve a, a nu pawhin T-shirt inang min leisak bawk. Heti taka a chhûngte leh zêl ka chunga an țha hi ka lâwm a, ka phû lo ka ti bawk, Pathian ka chunga a țhatzia hi chu aw...
Zànah WhatsApp group lamah pawh țhian hluite chuan result an rawn tilang sap sap a, a nuam ve reuh mai mai. Mipaho lah an hot nasa, chaw ei khâwm an han rawt thar ngei ah, kâr a hla hlawm lutuk! Hmeichheho chu kan lo nui mai mai, a hnuah erawh thil dang dang an rawt chho a. A tàwpa an thu tlûkna chu College kan chhuah hunah Lungleiah inhmuh khâwma chaw eiho a ni, Lunglei a laili ber a, Aizáwl lam mi tu mah kan awm lo bawk a, a țha phian ang.
*Pass lawm nân U Hruaia'n dinner a show dâwn a*
Eu, va nuam àwm bîk ve! Min hlêp hlak dâwn a nih chu.
*Nuam ngawt ang😘* tiin ka chhâng vat.
*Kan pahniha pass alawm min lawmsak dâwn, Inrinni tlaiah hian i hman thei ang tiraw?* a rawn ti leh a.
A va làwmawm dâwn ve aw!! Hman theih àwm tak, bâkah pi ber ka dìl chuan a remti mai ang.
*Hman ang, pi ber ka lo dîl ang a*
Message dang a lo thleng, hei chu Sangzuala. Ka ner deuh sak a; mahse, ka insiam țha vat, rilru chhia ka pu tùr a ni lo, Essa vàng talin.
*Congrats 👏🥳*
Ka pass tih a hre ve emaw ni? Engtin nge a lo hriat a?
*Ka lâwm e* tiin ka chhâng a.
*Làwm ila?*
*Engtin nge i lo hriat ve a?* A mak êm alawm le!
*Lehkha thiam tak i ni alawm, i pass dâwn tih ka hre sa a*
A rin thuin min rawn lawmpui a nih chu, ka pass leh pass loh hre hauh lovin min rawn lawmpui 'risk' a nih ber chu.
*I pass lawm nân ice-cream ka lei ang che*
Essa message han ni hlauh zâwk se...tia ka ngaihtuah chu duh lovin ka lu ka thing nak nak a. Ani chu a kal tawh, a duh ang ngeiin a kal tawh a, ka pass leh pass loh pawh a ngaihven nâng. A bialnu ka ni tawh lo va, min ngaihven tùr pawh a ni tawh lo bawk.
*Tam tâwk min lei ang che* tiin ka chhâng ta zâwk.
*Yes, Boss😀*
Pass lawmna dinner chu a nuam asin aw! Essa avànga ka rilru pangkhing zet pawh ka hre chang lo lek lek, nui hmel ka pu ve reng mai.
Hruaiate inah a ni a, a tìrah tak chuan hotel-ah a tum a; mahse, Maremi'n a hnial, Hruaiate inah, a nu siam vek niin chaw leh a hmeh zawng zawng chu a 'cial' tui êm êm vek a ni. Dessert a siam lah chu a tui cial tawp, ka la ei ngai loh hlîr a ni.
Hruaia nu chu a hot reuh a, titi a thiam a, nuih a peih reuh bawk, Maremi nèn pawh inanna lai an nei deuh tlat, nufa tak ni àwm zâwk an ni.
A nu chuan music a play a, Hruaia pawh an inah meuh chuan a insûm peih lo a niang, a phawk a chhuak a, a nu chu pawmin a làmpui lâwp lâwp mai. Maremi nèn kan lo nuih nasa, a hnuah a muang chiin, an lâm thiam reuh phian. Làm hi chu ka chikat hlauh a, taksa sâwi hlek pawh hi ka zei hlawl lo.
A hnuah phei chuan Hruaia chuan Maremi chu a rawn kài tho a, Maremi pawhin a lo ban ve mai. An lâm dùn a, ka rin aiin Maremi chu a zei! An inlen hleih si a, an hmuhnawm reuh tawp.
Hlim takin hun ka hmang, Essa pawh ka ngaihtuahnaah a awm mang hauh lo nia; mahse, Maremi leh Hruaia hlim hmel taka an lâm ka hmuh chuan ka hre chhuak a, ani nèn khân hlim takin tuna țhianite pahnih lâm ang hian lâm ve ta ila, a nuam ngawt ang chu tih ka ngaihtuah a, ka rilru chu a hnual leh deuh.
Sangzuala pawhin a thu tiam chu a hlen chiang. Ice cream bâkah eng eng emaw ni ei chi hlîr min lei țeuh mai. Ka duh lo dâwn dâwn a; mahse, a hriat thiam loh dáwn ták avangin ka lâksak ta chauh.
"I pass țhat phei chuan i duh apiang ka leisak ang che, leisaka ngaihsaktu tùr che bialpa pawh i neih loh hi," min la ti zui.
"I hre lo êm mai a," ka'n tih lêt kha.
Ani lah chuan nui chung hian," Nei ni la chuan ka hre daih tawh ang," a lo ti deuh tlat, a la nui sûng zui.
A sawi dik bawk sia, han chhàn leh dan tùr pawh ka hre tawh lo.
"Aizawlah i awm reng dâwn em ni?" tia ka zawh chuan," Lunglei nèn ka kàr tawn țhìn," a lo ti a.
Haw kawngah chuan Maremi chuan," A pawisa eisak țeuh la a ni mai, a bum vàng chein a la ba ve hrim hrim," nui chung hian a ti sap a.
"Ei da vek ila tiraw?"
"I pan hmasak pawh ni hlei lo." Fiamthu hlîrin Sangzuala thla chu kan sawisa chho a, kan nui vak vak. Gate-a ka luh hnuah erawh ka ngaihtuah chiang a, ka inthiam lo ru ve deuh.
Dàwr kha kan nghah tawh rih loh avàngin ka chhuak khât ta. Inrinniah erawh Dàwrkàwn lamah ka la chhuak zeuh zeuh, U Hranga pawh ka hmu zauh zauh. Biak ka inthlahrung deuh țhìn, nuih erawh ka nuih ziah. Ani pawhin min haw bîk lo va, biak tak erawh chu kan inbe ngai lo.
Ruah a sùr țan leh ta. Hun nuam tak chu a va ni lo êm! Mahse, tlái lam ni tla tùr erawhin lung a tilêng, a mawi thei si a, tlaiah inchungah chhoin ràl lehlam tlâng ni liam tùrin a chhun tlêt sar lam chu ka thlîr ziah țhìn.
"En teh, ka mi hmuh hria la chuan i hmu ve châk ngawt ang!"
Maremi țhìn hi chu aw...tu emaw lâr deuh a ni mai ang chu. Drew, G'nie, Kimkima emaw Sailova pawh a ni maithei.
"Tu nge i hmuh? Mi lâr a ni chiang?"
A han ngawi deyh vang vang a, a che ngeiawm ve thei a nia, ka hre châk ve tho asin.
"Ngaihtuah chiang rawh, i hmu châk tih ka hria."
A bulah hian tu mizo mi lâr nge hmuh ka châk tih ka lo sawi tawh ni?! Ka ngaihtuah a, tlêm lai khân ngaihsàn zâwng kan sawi khân Pu KL Liana hming kha chu ka sawi ngei mai a, 'Hmu ila chuan thla ka lâkpui ang' ka tih nghe nghe kha maw le!
"Pu KLa maw?!!"
"Ni lo..."
"Chuti ka hre lo a nih chu."
"Essa leh a bialnu bike-ah an inphur ka hmu!"
Ka thinlung a nghîng dawt maiin ka hria! Essa leh a bialnu. Hm, bialnu a nei ta maw? Khawpui nula chhe lo zet a ni ngei ang. Kei chu thingtlâng nula ka ni reng dâwn si a, engtik lai mahin a tân chuan ka tling thei ngai lo ang. Lawmpui tùr ka ni; mahse, ka thinlungah lawmpuina a va awm si lo êm! Chu ahnêkin, ka thinlung chu a na ngut ngut a ni si.
"A dam tih hriat chu, a làwmawm hle mai," ka ti ringawt. Ka lawmpui thu ka sawi chuan dâwt ka sawi dâwn si a, a dam țha tih ka hria erawh ka láwm a ni.
"Rilru tihnat áwih loh aw, a dam tih hriat pawh hi a làwmawm alawm tiraw?"
"Ni e."
Mi khawngaihthlâk chu ka va ni tehlul êm!! A dam țha tih ka hriat avàng chauh pawhin ka lâwm a nia, hetiang hian mi dang hi an awm ve ang em?
*BEISEINA HI CHAKNA MIN PETU HMANRAW PAWIMAWH TAK A NI*
Achangtunu hi ka va han duh tak!!!A rilru hi a tha si a...
ReplyDelete