☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 22 By Dingdi Pachuau
Ka rilru chu a hlim lo tak zet; mahse, tihlan erawh ka tum lo. Min țhena min hrechang tawh lotu hi ngaih loh ka duh, ngaihtuah tawh miah loh pawh ka duh; mahse, a har a nih hi. Ka țawngțainaah ka hre reng bawk si a, theihnghilha ngaihtuah loh theih a ni hlawl lo.
"Vawiin chu ka hman ve tlat, chhùn chawlhah ka hmu thei ang che tiraw?"
Sangzuala hi chu a polite thei asin. Khatiang boruak kan nei chung pawh khân mipa polite tak a ni ka ti tho tho.
"Ka țhiannu ka phatsan thei lo ang."
"Ni lo, nangmah chauhin ka ti lo a nia. Ka hman ve tlat sia, inhmuh a khât bawk nèn, treat che u ka duh a."
A țha alawm.
"A va làwmawm dâwn ve!"
A cousin-te restaurant-ah min chawlhpui. A cousin a ti nain an inang lo lutuk! Chu pa chu a thau viau a, a hmel pawh a țha hran lo kher mai.
"Puar deuhin ei r'u." A țawngkam erawh a fel viau, chubâkah, a polite viau bawk e.
"Ei țeuh r'u aw, vawiin na nâ nâ chu in duh tâwkin in ei thei ang," Sangzuala chuan nui sâng hian a ti a.
Maremi nèn chuan kan puar viau mai. Sangzuala chu a titi bawrh bawrh reng a, Maremi pawhin a lo chhàwn zauh zauh, kei erawh ka țawng tam lo, ka zak tihna ni lovin an țawng ka lo ngaithla.
"An siam tui in ti em?"
"Tehrêng mai!" uar zet hian kan ti rual țhawt a, kan inen a, kan innuih ringawt.
"A làwmawm nasa a nih chu. Hun ka neih leh hunah kan la chàwl leh dâwn u nia."
Kan classroom pana step-a kan kal lai chuan," A hêl leh deuh che em ni?" tiin min zâwt sar sar a.
"Teuh lo mai!"
"Nih leh, Essa'n a rawn be tawh che em?"
"Engah nge min biak ngawt ang?"
"A rawn biak che ka ring deuh ringawt maw le."
"A chanchin lam chu sawi lo teh ang." Ka ngaihtuahnaah a rawn lût leh ngut ngut mai ang, chu chu ka duh lo.
"Tihpalh; mahse, leh lawk aw, ani pawhin a theih chuan nang pawhin i thei ve tùr a ni dâwn lo'm ni? Hmalam a pansan che chuan lo nghâk reng bîk suh, hmalam i pan ve thei a nia, i dinna ngaiah ding reng bîk suh," a ti leh duah a.
A sawi dik chu ka ti reng; mahse, tunah chuan ka tum rih lo, a la hma, bâkah, ka thei rih lo. Ngaihzâwng neih tawh rih loh ka thlang rih e.
"Ka theihnghilh thei dâwn rih si lo va, ka tum peih lo mai."
Zàwi sap hian," A pawi lo, a harsa rih khawp ang, ka lo țawngțaipui reng țhìn che a, hmangaihtu dik tak leh nang pawhin i hmangaih tak chu i tawng ngei ang. Hlimna dik tak lo thleng tùr chuan harsatna a awm hmasak pawh hi a ngai ve țhìn a nia," thu tak zet hian a ti dap dap a.
"Ka lâwm e."
Hlim lo viau mah ila hun chu a kal ngaiin a kal reng tho. Mi dang min neihsan mah se ka țawngțainaah ka hre reng a, ruihhlo laka a fihlìm theih nân leh nun thar, beiseina thar a neih theih nân ka dìlsak țhìn, hei chauh hi ka dîl, ka bialpa ni leh tùrin Pathian hnênah ka dîl ngam lo, a chhan chu ka duh ber zâwk nun thara a nun a nih miau avàngin a dang ka rawlh ngam lo.
Ruata dàwr kawta Maremi ka nghah laiin Essa ngei mai chu ka hmu ta! Amah chauhin a ni. Min țhen hnua ka hmuh leh vawi hnihna a ni, a vawi khatnaah kha chuan min hmu ve lo va, tunah erawh a inhmuh loh theih loh, kan inhnaihchilh tawh lutuk!
Inbe lo chuan kan inen deuh reng phawt a, ka zah leh deuh avàngin ka hawi sawn hmasa ta zâwk.
Biak loh ka tum zet nain ințhen tih avànga inbiak loh tih vêl chu țha ka ti lo va, bâkah, ka haw ngam lo bawk. Ka țawngțaia ka thil dìl ţhin vàng pawh kha a ni pakhat.
"I dam țha maw?"
Min chhàn loh avàngin ka en leh ta zawk, min lo la en reng. Rui hmel a pu lo va, thinur hmel pawh a pu lo chuan ka hria!
"Ka rei i ti-" Maremi rawn chhuak pawh chu a țawng tàwp chat mai, Essa hmuh a inring bîk lo a niang.
"Inhmuh a va khât ve!" Nui chung hian a hnu deuhah chuan a ti leh ta zâwk, kan inkâr boruak chu tihzângkhai a tum ni berin ka hria.
"I duh dàn ang takin, min hre lo angin awm ta che!"
A kal nghâl daih. A ngaihna ka hriat lohzia chuh! Min barakhaih tak zet!Sawi tùr rêng rêng ka hre lo, min tihamhaih vek!
"A rui a ni tiraw? Chuan, a thil sawi kha a ti tak tak hauh lo ang, eng emaw thinrimna a neih vàng a ni ngei ang."
Bike intlànsiak zàna ka thil hrilh ngei kha, khami ngei kha a rawn sawi chhuak a nih kha. A thil sawiin min barakhaihzia chu hria se chuan a sawi kher lo maithei a ni.
Tunah chuan hmâna ka duh ang tak khân a awm ta, awm tùra ka duh dàn ang tak khân; mahse, kha chu kan induh tih kan inhrilh hma daih tawh kha a nia, kan induh hnuahte chuan khatiang kha ka duh tawh rêng rêng hleinem.
Min hua a ni. A hmaa ka biak țhat duh loh vàng khân phubâ a la a ni, a harhfîm, a ruih hauh loh kha.
Lo be lo zâwk ila a fuh ngei ngei ang. Be kher lo khân lo nuih ta zâwk ila, khatiang kha a sawi tho ang em le? A sawi kher lo maithei a ni, ka lo be ta kher kher chu aw...
Zànah lehkha ka zir ve hlek. Vawiin lam mawlh kha ka mitthlaah a lo lang zêl a, rilru pe taka zir chu a har khawp mai.
Ka pen hmâwr chu ka seh nauh nauh reng a, vawiin thil thleng ngaihtuah chung chuan ka thaw leh hawk țhìn, mitthla ațangin nawh reh daih theih se ka ti tak zet, paih bo ka duh.
Ka hmai phih fai tumin ka țhutna ațangin ka tho chhuak a, ka cupboard nghènga Essa lo ding reng ka hmuh chuan ka phu nasa lutuk a, ka pen seh pawh ka thlauh nghâl daih!!
"Sorry..."
A țawng zàwi viau a; mahse, ka hre thei tho. Kan inmelh dùn ràn mai. Eng nge a lo tih? Min tihphut nasatzia kha, tunah pawh ka thin a la phu nasa.
"Kat..."
Ka dinna lam panin a rawn kal nghâl, kei lah chu ka che sawn thei dêr lo, ka kein zung a kaih emaw tih tùr khawpin ka ke a rit, ka kal sawn thei hauh lo!
Ka dinna bula banah chuan electric switch a awm a, banin light chu a off ta daih; mahse, corridor leh room dang êng chuan ka room chu a chhun êng pha, kan inhmu thei vek tho.
Ka chêt sawn theih miau loh avàngin min rawn hnaih zêl a, min rawn en chhuk rùn mai. Biak ka duh tawh lo, ka biak chuan ka hriat duh loh thil a sawi chhuak leh palh ang.
A kut pahniha ka bek tawn tawna dawmin min kuai dâk a, hnâi zetah min rawn en chhuk rùnin," Tu tâ mah i ni lo," a ti sup a.
A thil sawi chu ka hria a ni ringawt, ka bengin ka hria a, ka ngaihtuah thei lo. Hnai zeta min en avàngin eng mah ka ngaihtuah thei lo va, a mitmeng, mawi leh cool zêt ka tih țhin chuan min âikaih tlat vàngin ka țawng thei lo va, ka che sawn thei lo bawk.
"Ka tâ chauh i ni." Zu rim a nam miah lo, mint lam rim a nam zâwk.
Zàwi muangin a rawn kûn hniam a, râwp zetin min rawn fâwp ta. Min rawn fâwp dâwn tih kha chu ka hre thiam ve mai a; mahse, hetiang taka râwp leh duhthawh hian min fawh ka lo ring hauh lo.
A lo rei ve tawh bawk a ni, ka hnial thei hauh lo. Ka rilruin thil dang a ngaihtuah theih miau loh avàngin lo chhàn lêt chu ka tih tùr a ni, bâkah chhàn lêt loh tum chu thil harsa ber a nih ka ring.
"Kat, ka tâ...ka tâ chauh...i ni," min fawh karlakah chuan a ti sup sup a. Nia, a tâ chauh ka ni, ka ni reng ang, mi dang tâ ka ni hleinem.
Ka â riai mai, ka thluak a fîm lo. Ami fawhna chuan ka ngaihtuahna a chawk buai vek a, thil dang ka ngaihtuah thei lo. A duhthawh a, a duhâm a, a tàwp hlei thei bîk lo a nih kha; mahse, a kal tawh, dîm têa kawngkhàr hawngin a chhuak ta a nih kha.
Ka ngaihtuahna a fîm tial tial. Eng nge a rawn tih ber? Min fâwp tùr ringawtin maw a rawn kal? Ni lo, thil a sawi ve kha.
"Tu tâ mah i ni lo."
"Ka tâ chauh i ni," a ti a nih kha. Min țhen tawh a, min țhen tawh chungin a tâ ka nih thu a rawn sawi leh si a, eng nge a awmzia? A rùi a ni lo maw? Zu rim kha chu a nam hauh lo mai a, a awmzia tak pawh ka hre lo. Min fâwp a, duhthawh takin kei pawhin ka lo fâwp lêt ve, chuan, a kal leh tawh. A bialnu hnênah min kalsan leh ta, kei chu a tâ chauh ka nih thu min hrilh, amah kha ka tâ chauh a ni ve hauh si lo.
Ka thluak a fìm hnuah chuan â ka inti kher mai. Nêp min ti khawp ang, a duh loh hnu, a țhen hnu ka nih tawh hnuah pawh a duh angin min la fâwp thei a, hostel-ah hial min la rawn luhchilh thei a nia, ka va nêp tak! Ani pawh khân a rûk tak chuan nêp min ti khawp ang le!
*******
"Naktûk chawhnu chu eng mah ti suh aw, khawiah emaw hruai che ka duh a nia "
Leh ringawt tak hian aw.
"Eng nge ni ta?" Ka tih chuan ani chuan,"Eng ni lo ve, birthday lawmnaah a nia, partner hruai țheuh tùr an ti si a, nangmah hi ka ngaihtuah chhuak hmasa ber che a, min tihhlawhtlinsak ngei pawh ka ring, khawngaihin?" a lo ti a.
Leh ringawt mai chuan. Ka duh aiin ka ti ngampa tain ka hria. A thuhrimin, birthday party tih vêl hi ka ngaina lo.
"Ka thei lo ang."
"Khawngaihin, Aizawlah hian nang bâk țhian ka nei lo tih i hriat kha, partner tihah khân bialnu ka tihna a ni lo a nia, kalpui neih hrim hrim kha a ni mai. Kan rei lo ang, i thei hrám ang tiraw, khawngaihin?" a rawn ti leh a.
"Ințhian chauh kan ni."
"Ka hria , chuvàngin alawm ka sàwm chat che, țhian anga min kàwm duh hi ka lâwm êm êm bawk," a rawn ti leh a.
Ka hnial zo lo, dik tak chuan mi hmaizah hi ka tina țhìn. Min sàwma ka hnial tawh hnuah pawh min la sàwm char char chuan ka tihlawhtling leh nge nge țhìn.
"Ka lo tum ang e," ka tih leh tâk kha.
"Ka lâwm e. Engtia inchei mah a ngai lo aw, i awm dàn ang tawp kha a tâwk, i lo kal hrim hrim kha a pawimawh ber chu a ni. Lo lam i duh em? Ka lo lam ang che aw?"
Inrinni a ni bawk a, ka hman ve alawm; mahse, min lo lam kher chu ka duh lo, țhiante'n min lo hmu palh ang a, thil dik lo an zêldin palh ang.
Chawhnu dâr hnihah ka chhuak a, zàn lama an làwm lo tùr chu mak ka ti, birthday hi chu zànah hian an làwm tlângpui si a.
A hmaa Maremi nèn min chawlhpuina restaurant-ah khân hun an hmang dâwn a lo ni a, an lo sîksàwi dang vek a, an chei mawi khawp bawk, an insêng nasa riau ang.
"Zak miah suh, kan tam dâwn a, a zahthlâk miah loh," nui sâng hian Sangzuala chuan a ti sar sar a, ka zah a hlau viau a niang, ka bul chêtah a awm reng a. A ngaihtuah kim viau bawk, birthday present tùr pawh kan pahniha hmingin a lo ti thlap, kei chuan thil hlû leina tùr pawisa tam tham ka nei hauh si lo va.
Dâr 3 hunserh a ni a, a hunah meuh chuan ka rin aiin kan tam daih mai. Ka langsàr lo, ka lâwm hle a ni. Inkawp diat diatin an rawn kal hlawm tak tak, kawppui nei lo an awm miah lo! Hmeichhe kekawr ha ve pawh an awm nual, kan inang lo hlawm viau nain kan lang pângngai ve tho a, a zia phian.
Restaurant neitu chhang chiah nula birthday a lo ni a. A u nèn chuan an inang lo khawp mai, ani chu hmeichhia a ni bawk a, a chhe lo zaih mai a, a inchei nalh bawk.
Boruak a zângkhai a, ka rin aiin hrehawm ka ti lo. Sangzuala'n min ngaihven a, min ngaihven dàn lah a bialnu ang ni lovin țhian ang chiah a ni bawk a, ka ngaih a țha. Birthday girl nèn pawh min inhmel hriattîr thlap!
"Kan ngaih pawimawhzia che hi!"
"Ka lâwm e. Hlim deuhin aw, inthlahrung miah suh," tiin nui sâng hian min rawn chibai a.
Ei tùr tuihnai tak tak kan ei ţeuh mai, tui ka ti leh pek. Ka ei lai chu Sangzuala chuan min lo en reng a, nui chung hian," Ei țeuh rawh, birthday lawm man ei nghek mai tùr, zanriah erawh i ei ve hman àwm si lo va?" a ti a.
"Umm, hman lo ang, haw tlai ka duh lo."
"Lo țawng ve suh, ei țeuh zâwk rawh," tiin a nui sûng a, kei pawhin nuih lêt sakin ka thil ei chu ka ei chhunzawm leh ta nghâl a.
"Kha nu kha hnaih hauh suh!"
Sangzuala chu a thal țhuai mai! Ka thil ei la hmuam țûn chung chuan â zet hian ka hawi a, Sangzuala chhuata a tlu reng leh Essa, thinrim hmel zeta lo ding ngur chu ka hmu ta nghâl a.
"Nuih pawh nuih suh!"
*ENG HARSATNA PAWH HIAN ZIRLAI ȚHA TAK A KENG TEL VEK A, CHU ZIRLAI ZIR CHHUAK THEI TÙRA HMACHHAWN CHU A FUH FO A NI*
Ka rilru chu a hlim lo tak zet; mahse, tihlan erawh ka tum lo. Min țhena min hrechang tawh lotu hi ngaih loh ka duh, ngaihtuah tawh miah loh pawh ka duh; mahse, a har a nih hi. Ka țawngțainaah ka hre reng bawk si a, theihnghilha ngaihtuah loh theih a ni hlawl lo.
"Vawiin chu ka hman ve tlat, chhùn chawlhah ka hmu thei ang che tiraw?"
Sangzuala hi chu a polite thei asin. Khatiang boruak kan nei chung pawh khân mipa polite tak a ni ka ti tho tho.
"Ka țhiannu ka phatsan thei lo ang."
"Ni lo, nangmah chauhin ka ti lo a nia. Ka hman ve tlat sia, inhmuh a khât bawk nèn, treat che u ka duh a."
A țha alawm.
"A va làwmawm dâwn ve!"
A cousin-te restaurant-ah min chawlhpui. A cousin a ti nain an inang lo lutuk! Chu pa chu a thau viau a, a hmel pawh a țha hran lo kher mai.
"Puar deuhin ei r'u." A țawngkam erawh a fel viau, chubâkah, a polite viau bawk e.
"Ei țeuh r'u aw, vawiin na nâ nâ chu in duh tâwkin in ei thei ang," Sangzuala chuan nui sâng hian a ti a.
Maremi nèn chuan kan puar viau mai. Sangzuala chu a titi bawrh bawrh reng a, Maremi pawhin a lo chhàwn zauh zauh, kei erawh ka țawng tam lo, ka zak tihna ni lovin an țawng ka lo ngaithla.
"An siam tui in ti em?"
"Tehrêng mai!" uar zet hian kan ti rual țhawt a, kan inen a, kan innuih ringawt.
"A làwmawm nasa a nih chu. Hun ka neih leh hunah kan la chàwl leh dâwn u nia."
Kan classroom pana step-a kan kal lai chuan," A hêl leh deuh che em ni?" tiin min zâwt sar sar a.
"Teuh lo mai!"
"Nih leh, Essa'n a rawn be tawh che em?"
"Engah nge min biak ngawt ang?"
"A rawn biak che ka ring deuh ringawt maw le."
"A chanchin lam chu sawi lo teh ang." Ka ngaihtuahnaah a rawn lût leh ngut ngut mai ang, chu chu ka duh lo.
"Tihpalh; mahse, leh lawk aw, ani pawhin a theih chuan nang pawhin i thei ve tùr a ni dâwn lo'm ni? Hmalam a pansan che chuan lo nghâk reng bîk suh, hmalam i pan ve thei a nia, i dinna ngaiah ding reng bîk suh," a ti leh duah a.
A sawi dik chu ka ti reng; mahse, tunah chuan ka tum rih lo, a la hma, bâkah, ka thei rih lo. Ngaihzâwng neih tawh rih loh ka thlang rih e.
"Ka theihnghilh thei dâwn rih si lo va, ka tum peih lo mai."
Zàwi sap hian," A pawi lo, a harsa rih khawp ang, ka lo țawngțaipui reng țhìn che a, hmangaihtu dik tak leh nang pawhin i hmangaih tak chu i tawng ngei ang. Hlimna dik tak lo thleng tùr chuan harsatna a awm hmasak pawh hi a ngai ve țhìn a nia," thu tak zet hian a ti dap dap a.
"Ka lâwm e."
Hlim lo viau mah ila hun chu a kal ngaiin a kal reng tho. Mi dang min neihsan mah se ka țawngțainaah ka hre reng a, ruihhlo laka a fihlìm theih nân leh nun thar, beiseina thar a neih theih nân ka dìlsak țhìn, hei chauh hi ka dîl, ka bialpa ni leh tùrin Pathian hnênah ka dîl ngam lo, a chhan chu ka duh ber zâwk nun thara a nun a nih miau avàngin a dang ka rawlh ngam lo.
Ruata dàwr kawta Maremi ka nghah laiin Essa ngei mai chu ka hmu ta! Amah chauhin a ni. Min țhen hnua ka hmuh leh vawi hnihna a ni, a vawi khatnaah kha chuan min hmu ve lo va, tunah erawh a inhmuh loh theih loh, kan inhnaihchilh tawh lutuk!
Inbe lo chuan kan inen deuh reng phawt a, ka zah leh deuh avàngin ka hawi sawn hmasa ta zâwk.
Biak loh ka tum zet nain ințhen tih avànga inbiak loh tih vêl chu țha ka ti lo va, bâkah, ka haw ngam lo bawk. Ka țawngțaia ka thil dìl ţhin vàng pawh kha a ni pakhat.
"I dam țha maw?"
Min chhàn loh avàngin ka en leh ta zawk, min lo la en reng. Rui hmel a pu lo va, thinur hmel pawh a pu lo chuan ka hria!
"Ka rei i ti-" Maremi rawn chhuak pawh chu a țawng tàwp chat mai, Essa hmuh a inring bîk lo a niang.
"Inhmuh a va khât ve!" Nui chung hian a hnu deuhah chuan a ti leh ta zâwk, kan inkâr boruak chu tihzângkhai a tum ni berin ka hria.
"I duh dàn ang takin, min hre lo angin awm ta che!"
A kal nghâl daih. A ngaihna ka hriat lohzia chuh! Min barakhaih tak zet!Sawi tùr rêng rêng ka hre lo, min tihamhaih vek!
"A rui a ni tiraw? Chuan, a thil sawi kha a ti tak tak hauh lo ang, eng emaw thinrimna a neih vàng a ni ngei ang."
Bike intlànsiak zàna ka thil hrilh ngei kha, khami ngei kha a rawn sawi chhuak a nih kha. A thil sawiin min barakhaihzia chu hria se chuan a sawi kher lo maithei a ni.
Tunah chuan hmâna ka duh ang tak khân a awm ta, awm tùra ka duh dàn ang tak khân; mahse, kha chu kan induh tih kan inhrilh hma daih tawh kha a nia, kan induh hnuahte chuan khatiang kha ka duh tawh rêng rêng hleinem.
Min hua a ni. A hmaa ka biak țhat duh loh vàng khân phubâ a la a ni, a harhfîm, a ruih hauh loh kha.
Lo be lo zâwk ila a fuh ngei ngei ang. Be kher lo khân lo nuih ta zâwk ila, khatiang kha a sawi tho ang em le? A sawi kher lo maithei a ni, ka lo be ta kher kher chu aw...
Zànah lehkha ka zir ve hlek. Vawiin lam mawlh kha ka mitthlaah a lo lang zêl a, rilru pe taka zir chu a har khawp mai.
Ka pen hmâwr chu ka seh nauh nauh reng a, vawiin thil thleng ngaihtuah chung chuan ka thaw leh hawk țhìn, mitthla ațangin nawh reh daih theih se ka ti tak zet, paih bo ka duh.
Ka hmai phih fai tumin ka țhutna ațangin ka tho chhuak a, ka cupboard nghènga Essa lo ding reng ka hmuh chuan ka phu nasa lutuk a, ka pen seh pawh ka thlauh nghâl daih!!
"Sorry..."
A țawng zàwi viau a; mahse, ka hre thei tho. Kan inmelh dùn ràn mai. Eng nge a lo tih? Min tihphut nasatzia kha, tunah pawh ka thin a la phu nasa.
"Kat..."
Ka dinna lam panin a rawn kal nghâl, kei lah chu ka che sawn thei dêr lo, ka kein zung a kaih emaw tih tùr khawpin ka ke a rit, ka kal sawn thei hauh lo!
Ka dinna bula banah chuan electric switch a awm a, banin light chu a off ta daih; mahse, corridor leh room dang êng chuan ka room chu a chhun êng pha, kan inhmu thei vek tho.
Ka chêt sawn theih miau loh avàngin min rawn hnaih zêl a, min rawn en chhuk rùn mai. Biak ka duh tawh lo, ka biak chuan ka hriat duh loh thil a sawi chhuak leh palh ang.
A kut pahniha ka bek tawn tawna dawmin min kuai dâk a, hnâi zetah min rawn en chhuk rùnin," Tu tâ mah i ni lo," a ti sup a.
A thil sawi chu ka hria a ni ringawt, ka bengin ka hria a, ka ngaihtuah thei lo. Hnai zeta min en avàngin eng mah ka ngaihtuah thei lo va, a mitmeng, mawi leh cool zêt ka tih țhin chuan min âikaih tlat vàngin ka țawng thei lo va, ka che sawn thei lo bawk.
"Ka tâ chauh i ni." Zu rim a nam miah lo, mint lam rim a nam zâwk.
Zàwi muangin a rawn kûn hniam a, râwp zetin min rawn fâwp ta. Min rawn fâwp dâwn tih kha chu ka hre thiam ve mai a; mahse, hetiang taka râwp leh duhthawh hian min fawh ka lo ring hauh lo.
A lo rei ve tawh bawk a ni, ka hnial thei hauh lo. Ka rilruin thil dang a ngaihtuah theih miau loh avàngin lo chhàn lêt chu ka tih tùr a ni, bâkah chhàn lêt loh tum chu thil harsa ber a nih ka ring.
"Kat, ka tâ...ka tâ chauh...i ni," min fawh karlakah chuan a ti sup sup a. Nia, a tâ chauh ka ni, ka ni reng ang, mi dang tâ ka ni hleinem.
Ka â riai mai, ka thluak a fîm lo. Ami fawhna chuan ka ngaihtuahna a chawk buai vek a, thil dang ka ngaihtuah thei lo. A duhthawh a, a duhâm a, a tàwp hlei thei bîk lo a nih kha; mahse, a kal tawh, dîm têa kawngkhàr hawngin a chhuak ta a nih kha.
Ka ngaihtuahna a fîm tial tial. Eng nge a rawn tih ber? Min fâwp tùr ringawtin maw a rawn kal? Ni lo, thil a sawi ve kha.
"Tu tâ mah i ni lo."
"Ka tâ chauh i ni," a ti a nih kha. Min țhen tawh a, min țhen tawh chungin a tâ ka nih thu a rawn sawi leh si a, eng nge a awmzia? A rùi a ni lo maw? Zu rim kha chu a nam hauh lo mai a, a awmzia tak pawh ka hre lo. Min fâwp a, duhthawh takin kei pawhin ka lo fâwp lêt ve, chuan, a kal leh tawh. A bialnu hnênah min kalsan leh ta, kei chu a tâ chauh ka nih thu min hrilh, amah kha ka tâ chauh a ni ve hauh si lo.
Ka thluak a fìm hnuah chuan â ka inti kher mai. Nêp min ti khawp ang, a duh loh hnu, a țhen hnu ka nih tawh hnuah pawh a duh angin min la fâwp thei a, hostel-ah hial min la rawn luhchilh thei a nia, ka va nêp tak! Ani pawh khân a rûk tak chuan nêp min ti khawp ang le!
*******
"Naktûk chawhnu chu eng mah ti suh aw, khawiah emaw hruai che ka duh a nia "
Leh ringawt tak hian aw.
"Eng nge ni ta?" Ka tih chuan ani chuan,"Eng ni lo ve, birthday lawmnaah a nia, partner hruai țheuh tùr an ti si a, nangmah hi ka ngaihtuah chhuak hmasa ber che a, min tihhlawhtlinsak ngei pawh ka ring, khawngaihin?" a lo ti a.
Leh ringawt mai chuan. Ka duh aiin ka ti ngampa tain ka hria. A thuhrimin, birthday party tih vêl hi ka ngaina lo.
"Ka thei lo ang."
"Khawngaihin, Aizawlah hian nang bâk țhian ka nei lo tih i hriat kha, partner tihah khân bialnu ka tihna a ni lo a nia, kalpui neih hrim hrim kha a ni mai. Kan rei lo ang, i thei hrám ang tiraw, khawngaihin?" a rawn ti leh a.
"Ințhian chauh kan ni."
"Ka hria , chuvàngin alawm ka sàwm chat che, țhian anga min kàwm duh hi ka lâwm êm êm bawk," a rawn ti leh a.
Ka hnial zo lo, dik tak chuan mi hmaizah hi ka tina țhìn. Min sàwma ka hnial tawh hnuah pawh min la sàwm char char chuan ka tihlawhtling leh nge nge țhìn.
"Ka lo tum ang e," ka tih leh tâk kha.
"Ka lâwm e. Engtia inchei mah a ngai lo aw, i awm dàn ang tawp kha a tâwk, i lo kal hrim hrim kha a pawimawh ber chu a ni. Lo lam i duh em? Ka lo lam ang che aw?"
Inrinni a ni bawk a, ka hman ve alawm; mahse, min lo lam kher chu ka duh lo, țhiante'n min lo hmu palh ang a, thil dik lo an zêldin palh ang.
Chawhnu dâr hnihah ka chhuak a, zàn lama an làwm lo tùr chu mak ka ti, birthday hi chu zànah hian an làwm tlângpui si a.
A hmaa Maremi nèn min chawlhpuina restaurant-ah khân hun an hmang dâwn a lo ni a, an lo sîksàwi dang vek a, an chei mawi khawp bawk, an insêng nasa riau ang.
"Zak miah suh, kan tam dâwn a, a zahthlâk miah loh," nui sâng hian Sangzuala chuan a ti sar sar a, ka zah a hlau viau a niang, ka bul chêtah a awm reng a. A ngaihtuah kim viau bawk, birthday present tùr pawh kan pahniha hmingin a lo ti thlap, kei chuan thil hlû leina tùr pawisa tam tham ka nei hauh si lo va.
Dâr 3 hunserh a ni a, a hunah meuh chuan ka rin aiin kan tam daih mai. Ka langsàr lo, ka lâwm hle a ni. Inkawp diat diatin an rawn kal hlawm tak tak, kawppui nei lo an awm miah lo! Hmeichhe kekawr ha ve pawh an awm nual, kan inang lo hlawm viau nain kan lang pângngai ve tho a, a zia phian.
Restaurant neitu chhang chiah nula birthday a lo ni a. A u nèn chuan an inang lo khawp mai, ani chu hmeichhia a ni bawk a, a chhe lo zaih mai a, a inchei nalh bawk.
Boruak a zângkhai a, ka rin aiin hrehawm ka ti lo. Sangzuala'n min ngaihven a, min ngaihven dàn lah a bialnu ang ni lovin țhian ang chiah a ni bawk a, ka ngaih a țha. Birthday girl nèn pawh min inhmel hriattîr thlap!
"Kan ngaih pawimawhzia che hi!"
"Ka lâwm e. Hlim deuhin aw, inthlahrung miah suh," tiin nui sâng hian min rawn chibai a.
Ei tùr tuihnai tak tak kan ei ţeuh mai, tui ka ti leh pek. Ka ei lai chu Sangzuala chuan min lo en reng a, nui chung hian," Ei țeuh rawh, birthday lawm man ei nghek mai tùr, zanriah erawh i ei ve hman àwm si lo va?" a ti a.
"Umm, hman lo ang, haw tlai ka duh lo."
"Lo țawng ve suh, ei țeuh zâwk rawh," tiin a nui sûng a, kei pawhin nuih lêt sakin ka thil ei chu ka ei chhunzawm leh ta nghâl a.
"Kha nu kha hnaih hauh suh!"
Sangzuala chu a thal țhuai mai! Ka thil ei la hmuam țûn chung chuan â zet hian ka hawi a, Sangzuala chhuata a tlu reng leh Essa, thinrim hmel zeta lo ding ngur chu ka hmu ta nghâl a.
"Nuih pawh nuih suh!"
*ENG HARSATNA PAWH HIAN ZIRLAI ȚHA TAK A KENG TEL VEK A, CHU ZIRLAI ZIR CHHUAK THEI TÙRA HMACHHAWN CHU A FUH FO A NI*
Comments
Post a Comment