☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 23 By Dingdi Pachuau
Thil thleng chuan min ti â vek maiin ka hria! Kan bul vêlah chuan mi an rawn ding khâwm țuam țuam a, eng nge thil awmzia hriat an rawn tum a niang, kei pawhin ka hre bík lo, eng mah tih nachâng pawh ka hre lo bawk. Ka zak ka bîng mum mum a, boruaka thàm ral daih tluka châk ka nei lo ang!
"Engtizia nge-"
"Ka sawi chu, theihnghilh suh!"
"Duh tâwk rawh, Sàwmdawng! Ka birthday lawmnaa buaina siam hi, i zak em?" Birthday neitunu chuan thinrim zet hian a rawn ti tàn tán a, a hmel ațang chuan a lung a awi lo tak zet tih a hriat theih a.
Sangzuala rawn tho chu puih ka lo tum a, Essa chuan," Khawih hauh suh!" a ti tuarh a, ka phu nasa lutuk!
"Chhuahtîr teh u, kha mi mâwlpa kha!"
Essa an nam chhuak chu ka en duh lo, thil thleng chuan min barakhaih lutuk a, ka hlau bawk nèn, ka thâ a khùr zawih zawih mai.
A hnuah boruak a pângngai deuh a, kei erawh ka pângngai thei tawh lo, ka khùr nasa lutuk a, ka kut hmâwr pawh a vawt vek! Nuam pawh ka ti tawh hlawl lo, Sangzuala hmaizah vàng chauhin ka sawi chhuak lo thung.
"A na viau em?" A kam sîr chu a thî deuh sek a; mahse, a hru fai tawh.
"Na lo ve, engtiziaa khatianga chê kha nge maw a nih le?"
"A rui a niang."
"Khatiang kha a ni ngai lo asin le!"
"I hria elo?!"
"Sàwmdawnga maw? Engah nge ka hriat ĺoh ang?" tiin za lo tih hriat tak hian a nui sak a.
"A pawi ka ti-"
"Nuam i tih loh hmel sia, kan haw daih tawh mai dâwn em niang?"a tih chuan ka lâwm lutuk ringawt.
"Aw, i duh chuan."
Ka duh lo chung car-in min thlah. Kawnga kan tlàn lai chuan Essa nèn an inhriat dàn chu zawh ka châk khawp mai a; mahse, ka insûm hrâm, thil ni lo lo thlengin min zâwt lêt palh ang tih ka hlau. Kan thlen chhoh chuan a la tlai hran lo va, chaw pawh an la ei lo ang.
"Nuam lo ti taka hun i hmang ta chu pawi ka tih rualin ka ngenna i tihhlawhtlin avàngin ka lâwm tak zet e," tiin a nui sak a, a biang chu a dawm pah bawk a, a vûng deuh àl tawh.
"Kei pawh thil thleng vàngin pawi ka ti, haw hunah vürin i dep dâwn nia, a vûng a tinêp deuh ang," ka ti ve a.
Chaw kan ei har lo. Chaw ei lai chuan thil thleng kha ka ngaihtuah chhuak leh a, ril țàm loh nâklaiin, ka chaw ei a tàwp hmak mai.
"Hei, Zopui, a mak thei! Eng nge i ngaihtuah?"
 zet hian Sangpuii chu ka en hâ a, ani lah chuan mak tih hmel deuh hian min lo thlêk bawk a.
"Eng nge ni ta?" ka tih chuan," I rilru kàwm nasa lutuk teh suh, mi â i ang tawp! Kan bia kan bia che a, i ngâwi reng bawk si, thil thleng a awm em ni?" Rbi chuan a lo ti a.
"Aih..."
"Nge, i rai em ni?" Bti'n alo tih chuan Sangpuii chuan," Awi, râpthlâk! Chu êm chu thleng lul suh se!" a lo ti a.
"In ho mai mai! Fiamthu pawh hi chin tâwk nei teh u," Melo-i chuan a lo ti hmuk thung a.
Zànah lehkha ka zir hlek, tui in tùr ka lo neih tawh loh avàngin dining hall-ah chuan bottle ruak nèn chuan ka han kal a, mi dang pawhin an lo dawh ve tho, kan innuih sak hlawm a.
Ka chhuk chuan ka phone a lo ri chiah, ka duh aiin a ring lehnghâl! Mi dangin bengchheng an tih hmain ka la vat.
Essa. Ni lo, Sàwmdawnga a ni tak!
Ka chhâng duh ang em? Duh lo ang. Chhâng duh lo ta ila a thin a rim ang em? A thin a rim chuan min rawn kalchilh leh duh mai ang.
"Aw?" Ka chhâng ta nge nge.
"Lo chho teh."
"Eng atân?" Ka țawng chu ka tizàwi hrâm hrâm, mi dangin an hre palh hlauh ang tih ka hlau.
"Hmuh che a ngai."
"Ka duh lo." Ka țawng chu ka tidam hrâm hrâm.
"Lo chho mai teh!"
"Ka duh loh chuan min hnek ve ang em?"
A ngawi ta vung vung, eng tak ngaihtuah ang maw? A thaw hawk ri chu ka hre thei.
"Khawngaihin?"
Hmm, khawngaih a rawn dîl ve ta. A țawngkam ni àwm lo tak a ni! Han àn khum chiam ka duh nain a tih chi si loh a, ka thin atirim pah tho bawk si, ka insehruh a.
"Khawngaihin, lo chho rawh."
He pa ka lo hre kher kher hi chu, buaina a nih hi. Lo kal lo tùra ka tih lah engah mah a ngai si lo, min țhen a, min hmuh a duh leh a.
Ka chho leh nge nge; mahse, ka rilru ka tinêm tawh lo ang, fawh pawh ka infawhtîr tawh tùr a ni lo.
"Khawngaihin, lo kal tawh suh."
Vawiina a thawmhnaw hâk tho kha a la ha a nih hmèl, a ruih ngei pawh ka ring. A jacket hâk ipteah chuan a kut pahnih chu a zen lût ve ve a, kan inhmachhawn nain ka din hnaih duh lo va, ka țawng erawh a hria tih ka hria.
"Kha pa khân a khawih che em?"
Râpthlâk ti zet hian ka en, a rilruah eng thil nge awm ni, chutiangte min zawh?!
"Khawngaih takin ka thil sawi hi lo ngaithla teh, nang nèn hian kan ințhen tawh a, min rawn hmuh tum tawh lo hrâm rawh. Chuan, nang pawh țha takin nun tum la, ka lo țawngțaipui reng ang che."
Hei hi a tâna ka tih theih tâwk chu a ni, țawngțaipui bâk hi tih theih ka nei lo.
"I thin ka tirim lo tiraw?"
"Dâwt sawi tùrin min duh em?"
A ngawih vung vung lai chuan," Engati nge khatiang khân i chêt?" ka ti ta phawng mai a, ka inchhîr leh deuh zat; mahse, ka sawi zo tawh! A ruih phei chuan ka thil zawh hian awmzia a nei lo.
"Ka tâ chauh i ni."
"Ka ta i ni ve si lo," ti rilru mawlh mawlh chuan ka hawi sawn a, chhùn êng a ni lo chu ka lâwm, ka rilru na hmel a hmu thei dâwn si lo va.
"I sawi tùr i sawi zawh tawh chuan ka'n chhuk ang e."
Ka bul a rawn thleng nghâl dâwrh mai! Ka kokia a kut pahniha chelh chunģin," Kat, ka tâ chauh i ni, i hria tiraw? Ka tâ chauh-" a tih lai chuan ka lo pawt chat vat.
"Min țhen tawhtu tâ ka ni lo," ka ti ve ta a.
Ka koki chu a țhâm na kher mai. A thin ka tirim chiang, a duh loh thil ka sawi ta; mahse, a pawi lo, thu dik a hre ve ta a ni mai.
"A theih loh!" tiin a lu a thing nawk a, chutah, rawn kûn hniamin ka hmai bul chêtah chuan," Min țhen thei lo, dâwt a ni," a ti leh lawi a.
"Min țhen theitu hi engah nge ka țhen theih loh bîk ang? Ngaihzâwng dang min neihsantu ngaiin ka kûr reng ang maw?" tiin za lo zet hian ka nui hak a.
"Ka nei lo-"
"A tâwk e. Duh tâwk tawh ang. Min hmu tùrin lo kal tawh suh, țha takin awm la, mi kutthlâk tawh loh i tum hrâm dâwn nia, chu chu ka ngèn tak meuh che a ni," ka ti sap. Tunah chuan ka chau zo tawh, dâwt ka ngaithla duh lo, min tichau tawh tak zet.
"Ka tâ min chuhpui a tum vàng a nih kha," tih a sawi ri chu ka la hre pha. Room-a ka luh hmain kan dorm gate chu ka khâr phawt, min rawn luhchilh loh hrâm ka beisei bawk. Ka room ka luha ka kalh chiah chuan ka thaw hak hak, ka thin phu nasa lutuk chu ka dawm vang vang.
Min rawn luhchilh ta bîk lo ve.
Khami zàn ațang khán kâr hnih a liam ta, Hostel-ah chuan a rawn kal ta lo. Ka thu sawi a âwih ve ta a ni ngei mai, a ţha e. Tunah chuan kan tàwp tak tak ta, keimah ngeiin chiang takin ka sawi a nih kha, ani'n a theih chuan engah nge ka theih loh bîk lêm ang? Rilru na viauin la duh viau mah ila, nakina ka buaina mai mai tùr, tuna țhen fel hi a țha zâwk.
Sangzuala nèn erawh kan la inkâwm zêl, pawi pawh ka ti lo. Mipa țhian neih hi a nuam ve alawm, hmeichhe tam tak aiin an fel daih zâwk, an țawng tam lo va, an rinawm zâwk bawk.
A hnên ațangin Essa nèn cousin an ni tih ka hre thar bawk! Ka hriat tirha mak ka tihzia chuh! Mahse, cousin tih lêmah thisenah erawh an inzawm lo, chuan, an inhnaih lutuk lo bawk.
A sawi dàn chuan," Sàwmdawnga hi mi sual a ni lo, zu a in hian a thinchhia a ni deuh mai a. A hun lo tawn tawh zawng zawng ngaihtuah phei chuan a awm dàn hi ka hre thiam lutuk!" a ti.
A thil lo tawn tawh avàng tak khân țha taka awm tum tùr zâwk alawm! Țha lo taka a awm hian a tuartu chu amah bawk a ni tihte hi hre thar se, sim se, nun thar nei se ka duhpui tak zet a ni.
Tlai khat chu a phone call ka dawng ve leh tlat mai! Chhàn loh ka tum zet a; mahse, 'êm a' ka ti leh deuh a, ka chhâng leh ta nge nge.
"Ka hmu lawk thei che ang em?"
"Rawn kal tawh suh ka tih kha." Ka țawng ring vak teuh kher mai!
"Gate pâwnah ka awm."
"Ka rawn chhuak dâwn lo," ka tih chuan," Ka rawn lût mai ang," a ti leh zêl a.
"Rawn lût ru tawh suh," ka ti leh a.
"Khawngaihin?"
"A rûk chuan ni tawh lo ve." Phone chu a tàwp hmak mai! Min tihrilhhai dâwn alawm le, thinchhepa hi. Kan inchhùn zo tawh, mi thinchhe pahnih.
A hnu deuhah chhaklam ațangin Salemi'n min rawn ko," Piin a hmu duh che," a rawn ti a.
Tûn tlai ataka min han koh teh tlat chu! Eng chungchâng tak ni ang maw tiin rilru nuam lo deuhin ka chho, ka hmanhmawh bawk. Ni dangah min ko ngai si lo va, eng tak min hrilh ang maw ka ti. Fee ka pe tawh reng sia, a lo chhinchhiah lo em niang? A nih loh chuan eng emawah min hau dâwn a niang.
Ka han hmuh chuan a tarmit kâr ațanga min melh kuau chung chuan," Hmu duh che an awm a, visitor's room-ah khân a awm ang," a lo ti a.
Ka rin loh lam daih a nih avàng chuan ka thaw huai. Min hau lo ve.
Visitor's room chu ka pan nghâl. Essa ka hmuh erawh chuan mak ti zet hian ka en reng, ani hian pi ber hnênah min hmuh a lo dîl chu a ni si a.
"Ka rawn lût ru miah lo a nia," a lo ti dût a.
"Eng nge i duh a?" Ka zawhna dik lo chu ka hre nghâl zat.
"Nangmah."
"Ni lo, eng nge min hmuh i duh chhan?"
"Chhan a awm lo, hmuh che ka duh reng, engtiklai pawhin."
A țawng duh dàn chu, a ruih loh hrâm ka beisei. Piin min hmuh dàn a dang vek palh ang!
"Ka rui lo." Ka ngaihtuahna a rawn hre thei emaw ka ti hial!
"Min hmu tawh bawk a, ka kal thei tawh ang chu tiraw?" tlêm chuan ka țawng el ve deuhin ka hria.
"Kat, bul țan țha ang."
"Eng a?!!" Ka hre sual em?
"Ka bialnu ni rawh, Kat."
A rui a ni chiang, a nih loh pawhin a harhfîm lo tal a ni ang.
"Sàwmdawng-"
"Khatiang khân min ko ve suh!"
"I hming a ni lo em ni?"
"Ka bialnu i nih chuan engtin pawhin min ko thei ang; mahse, kha kha chu ka duh lo."
Ka nuih a tiza thut, ka nui lo thei lo.
"I nui."
*SAWI AIA NGAIHTHLÂK HMASAK ȚÙL HUN A AWM, SAWI TAM AIIN NGAIHTHLÂK TAM HI A HRISÊL ZÂWK*
Thil thleng chuan min ti â vek maiin ka hria! Kan bul vêlah chuan mi an rawn ding khâwm țuam țuam a, eng nge thil awmzia hriat an rawn tum a niang, kei pawhin ka hre bík lo, eng mah tih nachâng pawh ka hre lo bawk. Ka zak ka bîng mum mum a, boruaka thàm ral daih tluka châk ka nei lo ang!
"Engtizia nge-"
"Ka sawi chu, theihnghilh suh!"
"Duh tâwk rawh, Sàwmdawng! Ka birthday lawmnaa buaina siam hi, i zak em?" Birthday neitunu chuan thinrim zet hian a rawn ti tàn tán a, a hmel ațang chuan a lung a awi lo tak zet tih a hriat theih a.
Sangzuala rawn tho chu puih ka lo tum a, Essa chuan," Khawih hauh suh!" a ti tuarh a, ka phu nasa lutuk!
"Chhuahtîr teh u, kha mi mâwlpa kha!"
Essa an nam chhuak chu ka en duh lo, thil thleng chuan min barakhaih lutuk a, ka hlau bawk nèn, ka thâ a khùr zawih zawih mai.
A hnuah boruak a pângngai deuh a, kei erawh ka pângngai thei tawh lo, ka khùr nasa lutuk a, ka kut hmâwr pawh a vawt vek! Nuam pawh ka ti tawh hlawl lo, Sangzuala hmaizah vàng chauhin ka sawi chhuak lo thung.
"A na viau em?" A kam sîr chu a thî deuh sek a; mahse, a hru fai tawh.
"Na lo ve, engtiziaa khatianga chê kha nge maw a nih le?"
"A rui a niang."
"Khatiang kha a ni ngai lo asin le!"
"I hria elo?!"
"Sàwmdawnga maw? Engah nge ka hriat ĺoh ang?" tiin za lo tih hriat tak hian a nui sak a.
"A pawi ka ti-"
"Nuam i tih loh hmel sia, kan haw daih tawh mai dâwn em niang?"a tih chuan ka lâwm lutuk ringawt.
"Aw, i duh chuan."
Ka duh lo chung car-in min thlah. Kawnga kan tlàn lai chuan Essa nèn an inhriat dàn chu zawh ka châk khawp mai a; mahse, ka insûm hrâm, thil ni lo lo thlengin min zâwt lêt palh ang tih ka hlau. Kan thlen chhoh chuan a la tlai hran lo va, chaw pawh an la ei lo ang.
"Nuam lo ti taka hun i hmang ta chu pawi ka tih rualin ka ngenna i tihhlawhtlin avàngin ka lâwm tak zet e," tiin a nui sak a, a biang chu a dawm pah bawk a, a vûng deuh àl tawh.
"Kei pawh thil thleng vàngin pawi ka ti, haw hunah vürin i dep dâwn nia, a vûng a tinêp deuh ang," ka ti ve a.
Chaw kan ei har lo. Chaw ei lai chuan thil thleng kha ka ngaihtuah chhuak leh a, ril țàm loh nâklaiin, ka chaw ei a tàwp hmak mai.
"Hei, Zopui, a mak thei! Eng nge i ngaihtuah?"
 zet hian Sangpuii chu ka en hâ a, ani lah chuan mak tih hmel deuh hian min lo thlêk bawk a.
"Eng nge ni ta?" ka tih chuan," I rilru kàwm nasa lutuk teh suh, mi â i ang tawp! Kan bia kan bia che a, i ngâwi reng bawk si, thil thleng a awm em ni?" Rbi chuan a lo ti a.
"Aih..."
"Nge, i rai em ni?" Bti'n alo tih chuan Sangpuii chuan," Awi, râpthlâk! Chu êm chu thleng lul suh se!" a lo ti a.
"In ho mai mai! Fiamthu pawh hi chin tâwk nei teh u," Melo-i chuan a lo ti hmuk thung a.
Zànah lehkha ka zir hlek, tui in tùr ka lo neih tawh loh avàngin dining hall-ah chuan bottle ruak nèn chuan ka han kal a, mi dang pawhin an lo dawh ve tho, kan innuih sak hlawm a.
Ka chhuk chuan ka phone a lo ri chiah, ka duh aiin a ring lehnghâl! Mi dangin bengchheng an tih hmain ka la vat.
Essa. Ni lo, Sàwmdawnga a ni tak!
Ka chhâng duh ang em? Duh lo ang. Chhâng duh lo ta ila a thin a rim ang em? A thin a rim chuan min rawn kalchilh leh duh mai ang.
"Aw?" Ka chhâng ta nge nge.
"Lo chho teh."
"Eng atân?" Ka țawng chu ka tizàwi hrâm hrâm, mi dangin an hre palh hlauh ang tih ka hlau.
"Hmuh che a ngai."
"Ka duh lo." Ka țawng chu ka tidam hrâm hrâm.
"Lo chho mai teh!"
"Ka duh loh chuan min hnek ve ang em?"
A ngawi ta vung vung, eng tak ngaihtuah ang maw? A thaw hawk ri chu ka hre thei.
"Khawngaihin?"
Hmm, khawngaih a rawn dîl ve ta. A țawngkam ni àwm lo tak a ni! Han àn khum chiam ka duh nain a tih chi si loh a, ka thin atirim pah tho bawk si, ka insehruh a.
"Khawngaihin, lo chho rawh."
He pa ka lo hre kher kher hi chu, buaina a nih hi. Lo kal lo tùra ka tih lah engah mah a ngai si lo, min țhen a, min hmuh a duh leh a.
Ka chho leh nge nge; mahse, ka rilru ka tinêm tawh lo ang, fawh pawh ka infawhtîr tawh tùr a ni lo.
"Khawngaihin, lo kal tawh suh."
Vawiina a thawmhnaw hâk tho kha a la ha a nih hmèl, a ruih ngei pawh ka ring. A jacket hâk ipteah chuan a kut pahnih chu a zen lût ve ve a, kan inhmachhawn nain ka din hnaih duh lo va, ka țawng erawh a hria tih ka hria.
"Kha pa khân a khawih che em?"
Râpthlâk ti zet hian ka en, a rilruah eng thil nge awm ni, chutiangte min zawh?!
"Khawngaih takin ka thil sawi hi lo ngaithla teh, nang nèn hian kan ințhen tawh a, min rawn hmuh tum tawh lo hrâm rawh. Chuan, nang pawh țha takin nun tum la, ka lo țawngțaipui reng ang che."
Hei hi a tâna ka tih theih tâwk chu a ni, țawngțaipui bâk hi tih theih ka nei lo.
"I thin ka tirim lo tiraw?"
"Dâwt sawi tùrin min duh em?"
A ngawih vung vung lai chuan," Engati nge khatiang khân i chêt?" ka ti ta phawng mai a, ka inchhîr leh deuh zat; mahse, ka sawi zo tawh! A ruih phei chuan ka thil zawh hian awmzia a nei lo.
"Ka tâ chauh i ni."
"Ka ta i ni ve si lo," ti rilru mawlh mawlh chuan ka hawi sawn a, chhùn êng a ni lo chu ka lâwm, ka rilru na hmel a hmu thei dâwn si lo va.
"I sawi tùr i sawi zawh tawh chuan ka'n chhuk ang e."
Ka bul a rawn thleng nghâl dâwrh mai! Ka kokia a kut pahniha chelh chunģin," Kat, ka tâ chauh i ni, i hria tiraw? Ka tâ chauh-" a tih lai chuan ka lo pawt chat vat.
"Min țhen tawhtu tâ ka ni lo," ka ti ve ta a.
Ka koki chu a țhâm na kher mai. A thin ka tirim chiang, a duh loh thil ka sawi ta; mahse, a pawi lo, thu dik a hre ve ta a ni mai.
"A theih loh!" tiin a lu a thing nawk a, chutah, rawn kûn hniamin ka hmai bul chêtah chuan," Min țhen thei lo, dâwt a ni," a ti leh lawi a.
"Min țhen theitu hi engah nge ka țhen theih loh bîk ang? Ngaihzâwng dang min neihsantu ngaiin ka kûr reng ang maw?" tiin za lo zet hian ka nui hak a.
"Ka nei lo-"
"A tâwk e. Duh tâwk tawh ang. Min hmu tùrin lo kal tawh suh, țha takin awm la, mi kutthlâk tawh loh i tum hrâm dâwn nia, chu chu ka ngèn tak meuh che a ni," ka ti sap. Tunah chuan ka chau zo tawh, dâwt ka ngaithla duh lo, min tichau tawh tak zet.
"Ka tâ min chuhpui a tum vàng a nih kha," tih a sawi ri chu ka la hre pha. Room-a ka luh hmain kan dorm gate chu ka khâr phawt, min rawn luhchilh loh hrâm ka beisei bawk. Ka room ka luha ka kalh chiah chuan ka thaw hak hak, ka thin phu nasa lutuk chu ka dawm vang vang.
Min rawn luhchilh ta bîk lo ve.
Khami zàn ațang khán kâr hnih a liam ta, Hostel-ah chuan a rawn kal ta lo. Ka thu sawi a âwih ve ta a ni ngei mai, a ţha e. Tunah chuan kan tàwp tak tak ta, keimah ngeiin chiang takin ka sawi a nih kha, ani'n a theih chuan engah nge ka theih loh bîk lêm ang? Rilru na viauin la duh viau mah ila, nakina ka buaina mai mai tùr, tuna țhen fel hi a țha zâwk.
Sangzuala nèn erawh kan la inkâwm zêl, pawi pawh ka ti lo. Mipa țhian neih hi a nuam ve alawm, hmeichhe tam tak aiin an fel daih zâwk, an țawng tam lo va, an rinawm zâwk bawk.
A hnên ațangin Essa nèn cousin an ni tih ka hre thar bawk! Ka hriat tirha mak ka tihzia chuh! Mahse, cousin tih lêmah thisenah erawh an inzawm lo, chuan, an inhnaih lutuk lo bawk.
A sawi dàn chuan," Sàwmdawnga hi mi sual a ni lo, zu a in hian a thinchhia a ni deuh mai a. A hun lo tawn tawh zawng zawng ngaihtuah phei chuan a awm dàn hi ka hre thiam lutuk!" a ti.
A thil lo tawn tawh avàng tak khân țha taka awm tum tùr zâwk alawm! Țha lo taka a awm hian a tuartu chu amah bawk a ni tihte hi hre thar se, sim se, nun thar nei se ka duhpui tak zet a ni.
Tlai khat chu a phone call ka dawng ve leh tlat mai! Chhàn loh ka tum zet a; mahse, 'êm a' ka ti leh deuh a, ka chhâng leh ta nge nge.
"Ka hmu lawk thei che ang em?"
"Rawn kal tawh suh ka tih kha." Ka țawng ring vak teuh kher mai!
"Gate pâwnah ka awm."
"Ka rawn chhuak dâwn lo," ka tih chuan," Ka rawn lût mai ang," a ti leh zêl a.
"Rawn lût ru tawh suh," ka ti leh a.
"Khawngaihin?"
"A rûk chuan ni tawh lo ve." Phone chu a tàwp hmak mai! Min tihrilhhai dâwn alawm le, thinchhepa hi. Kan inchhùn zo tawh, mi thinchhe pahnih.
A hnu deuhah chhaklam ațangin Salemi'n min rawn ko," Piin a hmu duh che," a rawn ti a.
Tûn tlai ataka min han koh teh tlat chu! Eng chungchâng tak ni ang maw tiin rilru nuam lo deuhin ka chho, ka hmanhmawh bawk. Ni dangah min ko ngai si lo va, eng tak min hrilh ang maw ka ti. Fee ka pe tawh reng sia, a lo chhinchhiah lo em niang? A nih loh chuan eng emawah min hau dâwn a niang.
Ka han hmuh chuan a tarmit kâr ațanga min melh kuau chung chuan," Hmu duh che an awm a, visitor's room-ah khân a awm ang," a lo ti a.
Ka rin loh lam daih a nih avàng chuan ka thaw huai. Min hau lo ve.
Visitor's room chu ka pan nghâl. Essa ka hmuh erawh chuan mak ti zet hian ka en reng, ani hian pi ber hnênah min hmuh a lo dîl chu a ni si a.
"Ka rawn lût ru miah lo a nia," a lo ti dût a.
"Eng nge i duh a?" Ka zawhna dik lo chu ka hre nghâl zat.
"Nangmah."
"Ni lo, eng nge min hmuh i duh chhan?"
"Chhan a awm lo, hmuh che ka duh reng, engtiklai pawhin."
A țawng duh dàn chu, a ruih loh hrâm ka beisei. Piin min hmuh dàn a dang vek palh ang!
"Ka rui lo." Ka ngaihtuahna a rawn hre thei emaw ka ti hial!
"Min hmu tawh bawk a, ka kal thei tawh ang chu tiraw?" tlêm chuan ka țawng el ve deuhin ka hria.
"Kat, bul țan țha ang."
"Eng a?!!" Ka hre sual em?
"Ka bialnu ni rawh, Kat."
A rui a ni chiang, a nih loh pawhin a harhfîm lo tal a ni ang.
"Sàwmdawng-"
"Khatiang khân min ko ve suh!"
"I hming a ni lo em ni?"
"Ka bialnu i nih chuan engtin pawhin min ko thei ang; mahse, kha kha chu ka duh lo."
Ka nuih a tiza thut, ka nui lo thei lo.
"I nui."
*SAWI AIA NGAIHTHLÂK HMASAK ȚÙL HUN A AWM, SAWI TAM AIIN NGAIHTHLÂK TAM HI A HRISÊL ZÂWK*
Comments
Post a Comment