☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 24 By Dingdi Pachuau
"Engvàngin nge inkawp leh chu i duh?" He zawhna hi ka zâwt lo thei lo.
A ngawi ta rùn rún a, min melh rùn bawk si, a thin ka tirim leh ta emaw ka ti hial.
"I duh ve lo em ni?" a ti ta sup. Ka rin loh deuha min zawh lêt khurh avàng chuan ka hrilh a tihai zaw mah mai!
"Ka ngai che a."
"Min ngaih vàng ngawtin kan ni leh tùr tihna a ni em?" ka tih chuan," Ka ngai lutuk che alawm," a lo ti leh sup a.
"Thingtlâng nula ka nih hi," ka ti ve ta salh.
"Chhuang viau teh suh!" a rawn ti ta daih!
Ka melh lêt ve ta ràn mai.
"Ka chhuang viau niin i ngai a ni maw? Ka nihna dik tak a nih vàng a ni. Aizawlah pawh rawn awm ve mah ila thingtlâng nula ka ni tho, Aizawl mi dik tak ka nih ve loh avàngin," ka ti ta kalh kalh a.
"Ka tithinur che a ni maw?"
"Haw tawh rawh, a tlai tawh."
Min rawn hnaih sawt. Kei ka lo tawlh sawn ve bawk.
"I thu ka âwih a, châk tak chung pawhin in hostel chung zâwlah pawh ka rawn kal tawh lo va."
"I fel ka ti khawp mai."
"Khatiang khân min ti suh."
Ka nui a," A nih leh, i sual leh si," ka ti leh, fiamthuah lâksak ila ka buai tlêm zâwkin ka ring.
"Engati nge tithinur che ka tum ve pawh hian i thinur theih miah loh a? Thinura min biak duh lohte ka ring ve a," a tih chuan," Chu chu i duh maw? Chuti-" ka tih lai chuan min lo pawt chat vat.
"I inhmeh ve lo ngawt ang!"
Engati nge ka inhmeh ve loh ang? Ka thin a chhia a, ka inhmeh ngawt zãwk ang chu!
"Haw tawh mai teh."
"Ka ngai che ka tih kha."
"Dâwt min hrilh kher a ngai lo ang," ka ti ta khauh. Bialnu pawh a nei a, min ngaih loh chian kha. Keimah hian ka ngai fê zâwk, bialpa pawh ka neihsan hek lo.
"Dâwt ka sawi hauh lo."
"I inhre chiang hle tak ang chu!"
A thaw hawk a, min rawn hnaih sauh pah hian," Nang kher hi chu dáwt ka hrilh ngai hauh lo che," a ti sup a. Ka bânah a rawn man chat pah bawk, ka tâl a; mahse, min thlah lo.
"Min thlah teh, mi dangin min hmu ang e!"
"Pawi lo, ka zak ve hlei nem. Tu pawh mai hian ka bialnu i ni tih hi hria se ka duh daih zâwk!"
Min thlah tum lo chuan min pawt hnai a, keiin a âwmah ka nam thung.
"Duh duh huna ințhena duh huna inkawp leh mai hi ka duh dàn a ni ve lo," ka ti chang khalh a, a âwmah chuan ka la nam țàng țáng.
Min thlah ta, ka thaw huai.
Kan sawi fel ta lo.
Sangzuala nèn kan inhmu zauh zauh nain kan inkârah ințhianna bâk a awm lo. Țhian lo angin min en a tum bîk lo va, ngaihzâwng pawh a nei maithei. Min hrilh vek bîk nâng, kei pawhin eng mah ka hrilh loh hi. Essa chungchâng erawh kan sawi chhuak ngai lo, khami tlai kha chu kan sawi chhuak tawh ngai lo.
Essa nèn khân eng mah kan sawi lo nain thil mak deuh mai chu, hostel-ah min rawn tlawh ta ziah! Pi bulah min hmuh a lo dîl ziah a, kan dorm chung zâwlah min rawn hmuh a tum ngai ta miah lo. Chutia rawn kal țhìn ta chu mi dang, țhiante pawhin an lo hre lo thei lo va, min fiam ta ziah. Nuam lo ka ti leh si a, pi ber lahin min lo fiam zauh bawk nèn, lo kal tawh lo tùra ka tih lahin," Ka beidawng dâwn lo," a ti tlat bawk si, ka lu a tihai.
Maremi hnêna Essa lo kal chungchâng ka hrilh chuan," Chuti a nih chuan a ngaihzáwngnu kha țhen phawt turin ti la?" tiin min hrilh a. A lo kal leh veleh chuan," Ngaihzâwng i neih kha i țhen fel tawh em ni?" tiin ka zâwt a.
Ani lah chuan," Min zâwt har ka tih tawhzia chu a! I thîk tihna a ni tiraw?" a la ti hlauh zui. Hahthlâk hian!
"Fiamthu ka thawh lo a nia," ka ti ta hlar a.
Nui suk hian,"Kat dik tak kha, kha kha a nia ka lawm chu ni!" a ti phawt a, chutah," Ngaihzâwng ka nei lo," a ti leh a.
"Dâwt sawi suh!"
"Dâwt ka hrilh lo che."
A nih chuan Maremi min hrilh kha tu nge ni ta ang? A bialnu ti ngeiin min hrilh kha, a zêp a nih hi.
"Maremi pawhin a hmu chiang che u alawm," ka ti leh ngat a. Hre chiang ka inti ve êm!
A nui leh suk. "Hmeichheho hi chu in lawmawm teh e, in thil hmuh leh hriat apiang hi in inhrilh ziah tihna a ni ang maw?" a tih chuan rum zet hian ka melh a.
"Țhiante chu kan inhrilh ve bawk ang chu!"
A ngawih deuh vung vung hnuah," Tlêm tê talin i thîk em?" a ti leh a.
'Thîk chiang e' tih vak ka duh viau nain ka ngawi ta zâwk.
"Ka bialnu a ni lo, ka bialnu chu hei ka hmaa hi a țhu ngar mai."
"Mipa kawplai nei ka ngaizâwng ngai lo, kawp nih ka duh lo va, mi kawp lah ka duh hek lo," ka ti nghat nghat a.
"Ka duh zâwng tak!"
*******
Kan han ni leh ta chu a ni a, kan inhmuh hi chuan rui hmel a pu ngai lo, zu rim pawh a nam ngai lo. Ka thiam ang tâwk chuan thu țha ka hrilh ve a, hau pawh ni chiah lo hian a țhat ka duh avàngin ka hrilh lo thei lo.
"Ka bialnu pawh ni lovin ka nu ni àwm tak i ni," a ti sup a.
"Ka ni pah deuh roh alawm," nui chung hian ka ti a, a kut chu ka chelhsak pah a.
"I thu chu ka âwih alawm, ka rawn lûh rûk ngai tawh miah loh kha," a tih chuan," I fel ka tih tawh kha. Ka hrilh dangte pawh hi han zàwm leh zêl la chuan, i fel leh zual ngawt ang!" ka ti leh a.
"Nang pawh mipa dang melh hauh suh ang che, i zawm loh vaih," a tih chuan," Mipa dang lakah chuan hetiang hi ka ni," tiin ka maimichhíng ta nghâl a.
Ka men chuan thle âwn fê hian min lo en reng tawh a, mit khap deuh sak sak chung hian," Mipa dang ka melh ngai lo ka tihna a nih kha," ka ti sap a.
"Mahse, kha pa kha chu i la hmu țhìn tiraw?"
Sangzuala a sawina a nih ka ring nghâl, a cousin a nia, a hminga sawi lovin 'kha pa' a ti deuh ngat, an inpawh teh chiam lo a niang, a nih loh pawhin a la thîk reng a niang.
"Țhian kan ni alawm," tiin a bânah ka vuan a, kan thlang lam ațang chuan thlifîm a rawn thaw seng seng a, boruak a dai nuam hle a ni.
"Mahse... ka thîk tho."
Zêp a nei ve lo lutuk hi a nawm hmel ka ti, zu a in pawhin a zêp chuang lo; mahse, ka zâwt khât.
"I cousin a nih kha."
"Mipa a ni tho."
Nui hak chung chuan ka nghèng dar dar a," I hnek ringawt kha a nia, khatah pawh khân i rui tiraw?" ka ti sap a.
"Rui hlek; mahse, ka in tam lo."
"Chuan, hre chiang lova mi kutthlâk ringawt hi ti tawh lo hrâm la ka ti, i harhfìm chuan i insûm hmanin ka ring tlat," ka tih chuan," I bul hnaia an awm ka hmuh chuan ka thei lo ang," a lo ti sup a.
Amah en chhovin," Ka pui dâwn che alawm, mipa dang ka melh lo ang tih ring la," ti pah chuan a biangah ka han fawhsak zauh a.
"Naupang chhia lutuk!" a ti hluk a, kei ka lo nui hak hak thung; mahse, ka nui rei lo, ka hmuiah chiang zet leh na deuh taka min rawn fawh miau avàngin, hrehawm chu ka ti lo chiang.
A thinram leh lutuk hi tihrehsak hrâm ka duh, mi zîngah mi sual tak leh mi kutthlâk hreh lo angin a lang tlat, a nihna lai chu awm tho mah se a siam țhat theih ngei ang.
Workshop-ah a la thawk zêl, a tuina a ni tlat mai si a, motor part hrang hrang chhe lai leh khâwl lam thil hrim hrim chu a hre khawp mai, a siam thiam viau bawk. Workshop-a thawka motor hnuaia han mu tùr leh thawmhnaw bàl tak ha chunga a han kal kual vêl tùr chu ka mitthla thiam lo zâwk! A inhmeh dâwn lo lutuk, ni lo, a inhmeh phian zâwk maithei.
Favàng ni tla tùr mawizia chuh! Kan hostel ațanga ràl lehlam Zemabâwk lam tlâng a han chhun raih mai a, ngaih êm êm nei si lo hian lung a tilêng vawng vawng thei, Pathian thil siam mawi tak chu a tling chiang a ni.
"A mawi ve chiang e!" ka tih chuan Sangpuii chuan," Eng chu maw?" a lo ti hâ a.
"Ni tla tùr hi maw le, hawi kual la?"
"Bialpa ngaihtuah pah hian a mawi duh bîk!" a ti zauh.
"Ngaihtuah loh pawhin a mawi tho," Rbi chuan a lo ti a, ka nuih a tiza khawp mai.
"Min lo hnial ziah suh."
"I bialpa chhe lawk deuh ngaihtuah pah chuan a chul ruapin a nia ka rin ni," Rbi chuan a ti leh a.
"Nang tak kha, a dul a kiar si, a mit a la kalh zui, mawng chhîng bawk si," Sangpuii chuan a tilêt ta hrep. An infiam na țhang a, an inhuat phah ngai chuang lo.
"A hmel kha chukchu ben țhelh a ang!"
"Nang fê! Mi fate chuan Rambo an ang a, nanga bialpa ve chuan ram bâwng a ang."
Ka lo nui kar kar, tlai ni tla mawizia ațangin Ram bâwngah kan zial lût daih, dangdai ve tak chu a ni.
*******
Phone pêk lêt kha ka tum ve ngei, a duh lo bur. Ka phone kha chu aman a kawl a, a lo siam țhattîr vek tawh! Mahse, min hmantîr duh chuang lo, a phone chu hmang tùrin min ti tlat.
"Engati nge, ka phone kha min pe lêt mai la?"
"Ka kawl duh alawm," a lo ti nghut.
"A chhiat chhiat nèn."
"I thil pakhat tal kawl ka duh alawm," a tih chuan," Min dîl mai la," ka lo ti vat a.
Min en vung vungin," I thinlung min pe rawh," a ti ta sup a.
'I nei sa reng alawm' ka ti rilru a; mahse, ka sawi chhuak lo.
"Ka phawrh chhuak dáwn em ni ang?" Nui chung hian ka ti a. Ani chu a nui ve hauh lo, thu tak zet hian min en ngur reng a.
"Ka tâ chauh ni tùrin ka duh che a..."
Ka ni alawm, ani pawh hi ka tâ chauh ni tùrin ka duh ve tho.
"Ka duh tak zet che a ni," a tih chuan min tihlim tak zet, min duh ve tih hriat hi a nuam asin.
"Eng nge min duh chhan?"
"Nangmah i nih vàng hian ka duh che."
A nuam ka ti, ka khawvêl hi a pâr chhing chheng ni hian ka hria. Țawngkam thiam tak a ni lo va; mahse, a thil sawi hi a âwihawm bîk riauin ka hre țhìn.
"Ka lâwm e," tiin dingdihlîp âk hian a biangah chuan ka fâwp. Vawiinah hian kan la inmuah hauh lo tih ka hre chhuak chiah bawk, a țan hmasatuah ka țang a nih chu.
"Naupang chhia emaw min ti ziah suh!"
Bianga fawhsak hi a ngaih dàn a ni lo ţhìn, naupang chhia a ti. Kei hian làwmthu sawi nâna fawhsak hi ka hrât, a phun sup ziah.
"Naupang chhia ni lo mah la, i chêt dàn hi-"
"Naupang chhe chêt ngai loh dàn ka hria," ti supin a rawn kûn hniam thut a, ka hmui a rawn seh fawh tâkah chuan ka râk deuh țhat, min la thlah duh hauh lo zui!
"Naupang chhia ni lo chêt dàn ka hrilh ang che."
Zo zet hian min pawm káng thut a, a nghâwngah ka kuah lo thei lo, kan awm dàn min hmu tùr kan bul vêlah mi an awm lo hlauh. Min thlah mai loh avàngin ka tlâk loh nân a kâwngah ka bawp pahnihin ka kherh bet tlat.
"Kat..."
Duhthawh zetin min fâwp a, kei lahin duh takin ka lo chhâng lêt ve bawk. Thil dang ka ngaihtuah thei lo, amah duhna hlîr maiin ka thluak a khat a, min fawhna chuan thil dang min ngaihtuahtîr thei lo bawk.
Thing nghèngin min dahthla a, kan thil tih lai chu kan tàwp phah chuang lo. Ka thinphu leh ka marphu zawng zawngte hian an phut rual chuan Essa hming chu an lam sup sup maiin ka hre hial!
*NI KHAT CHHÛNG CHAUH HI SAWISÈL NEI LOVIN HAN HMANG CHHIN TEH, ENGTIANG TAKIN NGE I NUN A DANGLAM I HRE THEI NGEI ANG*
"Engvàngin nge inkawp leh chu i duh?" He zawhna hi ka zâwt lo thei lo.
A ngawi ta rùn rún a, min melh rùn bawk si, a thin ka tirim leh ta emaw ka ti hial.
"I duh ve lo em ni?" a ti ta sup. Ka rin loh deuha min zawh lêt khurh avàng chuan ka hrilh a tihai zaw mah mai!
"Ka ngai che a."
"Min ngaih vàng ngawtin kan ni leh tùr tihna a ni em?" ka tih chuan," Ka ngai lutuk che alawm," a lo ti leh sup a.
"Thingtlâng nula ka nih hi," ka ti ve ta salh.
"Chhuang viau teh suh!" a rawn ti ta daih!
Ka melh lêt ve ta ràn mai.
"Ka chhuang viau niin i ngai a ni maw? Ka nihna dik tak a nih vàng a ni. Aizawlah pawh rawn awm ve mah ila thingtlâng nula ka ni tho, Aizawl mi dik tak ka nih ve loh avàngin," ka ti ta kalh kalh a.
"Ka tithinur che a ni maw?"
"Haw tawh rawh, a tlai tawh."
Min rawn hnaih sawt. Kei ka lo tawlh sawn ve bawk.
"I thu ka âwih a, châk tak chung pawhin in hostel chung zâwlah pawh ka rawn kal tawh lo va."
"I fel ka ti khawp mai."
"Khatiang khân min ti suh."
Ka nui a," A nih leh, i sual leh si," ka ti leh, fiamthuah lâksak ila ka buai tlêm zâwkin ka ring.
"Engati nge tithinur che ka tum ve pawh hian i thinur theih miah loh a? Thinura min biak duh lohte ka ring ve a," a tih chuan," Chu chu i duh maw? Chuti-" ka tih lai chuan min lo pawt chat vat.
"I inhmeh ve lo ngawt ang!"
Engati nge ka inhmeh ve loh ang? Ka thin a chhia a, ka inhmeh ngawt zãwk ang chu!
"Haw tawh mai teh."
"Ka ngai che ka tih kha."
"Dâwt min hrilh kher a ngai lo ang," ka ti ta khauh. Bialnu pawh a nei a, min ngaih loh chian kha. Keimah hian ka ngai fê zâwk, bialpa pawh ka neihsan hek lo.
"Dâwt ka sawi hauh lo."
"I inhre chiang hle tak ang chu!"
A thaw hawk a, min rawn hnaih sauh pah hian," Nang kher hi chu dáwt ka hrilh ngai hauh lo che," a ti sup a. Ka bânah a rawn man chat pah bawk, ka tâl a; mahse, min thlah lo.
"Min thlah teh, mi dangin min hmu ang e!"
"Pawi lo, ka zak ve hlei nem. Tu pawh mai hian ka bialnu i ni tih hi hria se ka duh daih zâwk!"
Min thlah tum lo chuan min pawt hnai a, keiin a âwmah ka nam thung.
"Duh duh huna ințhena duh huna inkawp leh mai hi ka duh dàn a ni ve lo," ka ti chang khalh a, a âwmah chuan ka la nam țàng țáng.
Min thlah ta, ka thaw huai.
Kan sawi fel ta lo.
Sangzuala nèn kan inhmu zauh zauh nain kan inkârah ințhianna bâk a awm lo. Țhian lo angin min en a tum bîk lo va, ngaihzâwng pawh a nei maithei. Min hrilh vek bîk nâng, kei pawhin eng mah ka hrilh loh hi. Essa chungchâng erawh kan sawi chhuak ngai lo, khami tlai kha chu kan sawi chhuak tawh ngai lo.
Essa nèn khân eng mah kan sawi lo nain thil mak deuh mai chu, hostel-ah min rawn tlawh ta ziah! Pi bulah min hmuh a lo dîl ziah a, kan dorm chung zâwlah min rawn hmuh a tum ngai ta miah lo. Chutia rawn kal țhìn ta chu mi dang, țhiante pawhin an lo hre lo thei lo va, min fiam ta ziah. Nuam lo ka ti leh si a, pi ber lahin min lo fiam zauh bawk nèn, lo kal tawh lo tùra ka tih lahin," Ka beidawng dâwn lo," a ti tlat bawk si, ka lu a tihai.
Maremi hnêna Essa lo kal chungchâng ka hrilh chuan," Chuti a nih chuan a ngaihzáwngnu kha țhen phawt turin ti la?" tiin min hrilh a. A lo kal leh veleh chuan," Ngaihzâwng i neih kha i țhen fel tawh em ni?" tiin ka zâwt a.
Ani lah chuan," Min zâwt har ka tih tawhzia chu a! I thîk tihna a ni tiraw?" a la ti hlauh zui. Hahthlâk hian!
"Fiamthu ka thawh lo a nia," ka ti ta hlar a.
Nui suk hian,"Kat dik tak kha, kha kha a nia ka lawm chu ni!" a ti phawt a, chutah," Ngaihzâwng ka nei lo," a ti leh a.
"Dâwt sawi suh!"
"Dâwt ka hrilh lo che."
A nih chuan Maremi min hrilh kha tu nge ni ta ang? A bialnu ti ngeiin min hrilh kha, a zêp a nih hi.
"Maremi pawhin a hmu chiang che u alawm," ka ti leh ngat a. Hre chiang ka inti ve êm!
A nui leh suk. "Hmeichheho hi chu in lawmawm teh e, in thil hmuh leh hriat apiang hi in inhrilh ziah tihna a ni ang maw?" a tih chuan rum zet hian ka melh a.
"Țhiante chu kan inhrilh ve bawk ang chu!"
A ngawih deuh vung vung hnuah," Tlêm tê talin i thîk em?" a ti leh a.
'Thîk chiang e' tih vak ka duh viau nain ka ngawi ta zâwk.
"Ka bialnu a ni lo, ka bialnu chu hei ka hmaa hi a țhu ngar mai."
"Mipa kawplai nei ka ngaizâwng ngai lo, kawp nih ka duh lo va, mi kawp lah ka duh hek lo," ka ti nghat nghat a.
"Ka duh zâwng tak!"
*******
Kan han ni leh ta chu a ni a, kan inhmuh hi chuan rui hmel a pu ngai lo, zu rim pawh a nam ngai lo. Ka thiam ang tâwk chuan thu țha ka hrilh ve a, hau pawh ni chiah lo hian a țhat ka duh avàngin ka hrilh lo thei lo.
"Ka bialnu pawh ni lovin ka nu ni àwm tak i ni," a ti sup a.
"Ka ni pah deuh roh alawm," nui chung hian ka ti a, a kut chu ka chelhsak pah a.
"I thu chu ka âwih alawm, ka rawn lûh rûk ngai tawh miah loh kha," a tih chuan," I fel ka tih tawh kha. Ka hrilh dangte pawh hi han zàwm leh zêl la chuan, i fel leh zual ngawt ang!" ka ti leh a.
"Nang pawh mipa dang melh hauh suh ang che, i zawm loh vaih," a tih chuan," Mipa dang lakah chuan hetiang hi ka ni," tiin ka maimichhíng ta nghâl a.
Ka men chuan thle âwn fê hian min lo en reng tawh a, mit khap deuh sak sak chung hian," Mipa dang ka melh ngai lo ka tihna a nih kha," ka ti sap a.
"Mahse, kha pa kha chu i la hmu țhìn tiraw?"
Sangzuala a sawina a nih ka ring nghâl, a cousin a nia, a hminga sawi lovin 'kha pa' a ti deuh ngat, an inpawh teh chiam lo a niang, a nih loh pawhin a la thîk reng a niang.
"Țhian kan ni alawm," tiin a bânah ka vuan a, kan thlang lam ațang chuan thlifîm a rawn thaw seng seng a, boruak a dai nuam hle a ni.
"Mahse... ka thîk tho."
Zêp a nei ve lo lutuk hi a nawm hmel ka ti, zu a in pawhin a zêp chuang lo; mahse, ka zâwt khât.
"I cousin a nih kha."
"Mipa a ni tho."
Nui hak chung chuan ka nghèng dar dar a," I hnek ringawt kha a nia, khatah pawh khân i rui tiraw?" ka ti sap a.
"Rui hlek; mahse, ka in tam lo."
"Chuan, hre chiang lova mi kutthlâk ringawt hi ti tawh lo hrâm la ka ti, i harhfìm chuan i insûm hmanin ka ring tlat," ka tih chuan," I bul hnaia an awm ka hmuh chuan ka thei lo ang," a lo ti sup a.
Amah en chhovin," Ka pui dâwn che alawm, mipa dang ka melh lo ang tih ring la," ti pah chuan a biangah ka han fawhsak zauh a.
"Naupang chhia lutuk!" a ti hluk a, kei ka lo nui hak hak thung; mahse, ka nui rei lo, ka hmuiah chiang zet leh na deuh taka min rawn fawh miau avàngin, hrehawm chu ka ti lo chiang.
A thinram leh lutuk hi tihrehsak hrâm ka duh, mi zîngah mi sual tak leh mi kutthlâk hreh lo angin a lang tlat, a nihna lai chu awm tho mah se a siam țhat theih ngei ang.
Workshop-ah a la thawk zêl, a tuina a ni tlat mai si a, motor part hrang hrang chhe lai leh khâwl lam thil hrim hrim chu a hre khawp mai, a siam thiam viau bawk. Workshop-a thawka motor hnuaia han mu tùr leh thawmhnaw bàl tak ha chunga a han kal kual vêl tùr chu ka mitthla thiam lo zâwk! A inhmeh dâwn lo lutuk, ni lo, a inhmeh phian zâwk maithei.
Favàng ni tla tùr mawizia chuh! Kan hostel ațanga ràl lehlam Zemabâwk lam tlâng a han chhun raih mai a, ngaih êm êm nei si lo hian lung a tilêng vawng vawng thei, Pathian thil siam mawi tak chu a tling chiang a ni.
"A mawi ve chiang e!" ka tih chuan Sangpuii chuan," Eng chu maw?" a lo ti hâ a.
"Ni tla tùr hi maw le, hawi kual la?"
"Bialpa ngaihtuah pah hian a mawi duh bîk!" a ti zauh.
"Ngaihtuah loh pawhin a mawi tho," Rbi chuan a lo ti a, ka nuih a tiza khawp mai.
"Min lo hnial ziah suh."
"I bialpa chhe lawk deuh ngaihtuah pah chuan a chul ruapin a nia ka rin ni," Rbi chuan a ti leh a.
"Nang tak kha, a dul a kiar si, a mit a la kalh zui, mawng chhîng bawk si," Sangpuii chuan a tilêt ta hrep. An infiam na țhang a, an inhuat phah ngai chuang lo.
"A hmel kha chukchu ben țhelh a ang!"
"Nang fê! Mi fate chuan Rambo an ang a, nanga bialpa ve chuan ram bâwng a ang."
Ka lo nui kar kar, tlai ni tla mawizia ațangin Ram bâwngah kan zial lût daih, dangdai ve tak chu a ni.
*******
Phone pêk lêt kha ka tum ve ngei, a duh lo bur. Ka phone kha chu aman a kawl a, a lo siam țhattîr vek tawh! Mahse, min hmantîr duh chuang lo, a phone chu hmang tùrin min ti tlat.
"Engati nge, ka phone kha min pe lêt mai la?"
"Ka kawl duh alawm," a lo ti nghut.
"A chhiat chhiat nèn."
"I thil pakhat tal kawl ka duh alawm," a tih chuan," Min dîl mai la," ka lo ti vat a.
Min en vung vungin," I thinlung min pe rawh," a ti ta sup a.
'I nei sa reng alawm' ka ti rilru a; mahse, ka sawi chhuak lo.
"Ka phawrh chhuak dáwn em ni ang?" Nui chung hian ka ti a. Ani chu a nui ve hauh lo, thu tak zet hian min en ngur reng a.
"Ka tâ chauh ni tùrin ka duh che a..."
Ka ni alawm, ani pawh hi ka tâ chauh ni tùrin ka duh ve tho.
"Ka duh tak zet che a ni," a tih chuan min tihlim tak zet, min duh ve tih hriat hi a nuam asin.
"Eng nge min duh chhan?"
"Nangmah i nih vàng hian ka duh che."
A nuam ka ti, ka khawvêl hi a pâr chhing chheng ni hian ka hria. Țawngkam thiam tak a ni lo va; mahse, a thil sawi hi a âwihawm bîk riauin ka hre țhìn.
"Ka lâwm e," tiin dingdihlîp âk hian a biangah chuan ka fâwp. Vawiinah hian kan la inmuah hauh lo tih ka hre chhuak chiah bawk, a țan hmasatuah ka țang a nih chu.
"Naupang chhia emaw min ti ziah suh!"
Bianga fawhsak hi a ngaih dàn a ni lo ţhìn, naupang chhia a ti. Kei hian làwmthu sawi nâna fawhsak hi ka hrât, a phun sup ziah.
"Naupang chhia ni lo mah la, i chêt dàn hi-"
"Naupang chhe chêt ngai loh dàn ka hria," ti supin a rawn kûn hniam thut a, ka hmui a rawn seh fawh tâkah chuan ka râk deuh țhat, min la thlah duh hauh lo zui!
"Naupang chhia ni lo chêt dàn ka hrilh ang che."
Zo zet hian min pawm káng thut a, a nghâwngah ka kuah lo thei lo, kan awm dàn min hmu tùr kan bul vêlah mi an awm lo hlauh. Min thlah mai loh avàngin ka tlâk loh nân a kâwngah ka bawp pahnihin ka kherh bet tlat.
"Kat..."
Duhthawh zetin min fâwp a, kei lahin duh takin ka lo chhâng lêt ve bawk. Thil dang ka ngaihtuah thei lo, amah duhna hlîr maiin ka thluak a khat a, min fawhna chuan thil dang min ngaihtuahtîr thei lo bawk.
Thing nghèngin min dahthla a, kan thil tih lai chu kan tàwp phah chuang lo. Ka thinphu leh ka marphu zawng zawngte hian an phut rual chuan Essa hming chu an lam sup sup maiin ka hre hial!
*NI KHAT CHHÛNG CHAUH HI SAWISÈL NEI LOVIN HAN HMANG CHHIN TEH, ENGTIANG TAKIN NGE I NUN A DANGLAM I HRE THEI NGEI ANG*
Comments
Post a Comment