☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 28 By Dingdi Pachuau
A va buaithlâk thei tak! Chhoh ka tum laiin kan warden a rawn lût tlat, ka phu deuh zawk nghe nghe. Rei a țhut ka ring lo a nia, ka rin aiin a rei ta phian, a titi barh barh reng. A ni fanuin Lungleiah pasal a nei dâwn a, chu mite chu ka hriat leh hriat loh min zâwt kual, zanin zet chu ka nin ber țum a ni ngei ang.
Ka phone chu ka melh sek reng, han phone tawp lah a tih chi miah si lo va, a lo thleng daih tawh àwm si, a thin a rim ang em? Nge a haw daih ang?
Dâr 8:30 vêlah ka room ațangin a chhuak ta țâwk, ka rilru a hmanhmawh lutuk tawh. Lo thinrim lo hrâm teh se, ka chhuak thei rih lo tih a hriat si loh chuan a thin a ur ngei ang.
Thâwm dìm tâwkin ka han chho dà dá a, gate chu fîmkhur taka hawngin ka khâr leh chiah tihah chuan bân tha chak zet hian min rawn kuah lawp mai!
Ka au chhuah teuhzia mai chuh! Mahse, Essa rim ka hre chawpchilh nghâl a, ka ngaih tawh êm avàngin ka tâl chhuak lo. Thinrim tum mah ila tunah hi chuan ka thei lo chiang, ka ngai tawh êm asin.
Nghet zetin kan inkuah a, ka mittui a hnâm sawkin ka hre nghe nghe! Ka bân ngeia kuahin ka kutin a taksa ka han dek leh thei a nia, mi vànnei tak chu ka va ni teh lul êm!
Thuin hmun a chang lo va, kan cheziain kan inngaihzia chu kan lantîr mawlh mawlh. He pa hi ka hmangaih a ni, ka hmangaih tak zet a ni.
"Ka thlah phal tawh lo che!" rei zet kan inkuah hnuah chuan a ti ta sup a, min la thlah chhin miah lo!
Ka nui sak, min ngai ve a ni tih hriat hi a nuam êm a ni. Maimichhîngin a âwmah ka bei chial a, a rim, mipa rim dik tak mai chu sexy ti zetin ka hîp leh vang vang țhìn.
"Ka phone tlang thei lo che a," ka ti sap a.
"Shhh..."tiin ka chhîpah chuan a khabe nghatin," Eng dang mah ngaihtuah lova kuah reng che hi ka duh rih," a ti leh sup a.
Ka țawng ta lo.
Tuna ka ngaihtuah lêt hian khami zàna kan chesual lo thei kha mak ka ti zâwk! Kan inkuah a, kan infâwp a, khaw vâwt pawh hrechang lêk lo khân kan inchûlin kan thaw kha a sa zâwk kha a ni a; mahse, kan chesual hauh lo.
Vawiina a thu min hrilh zet kha chu, mak ka ti a, khatiang hun a lo tuar kha ka khawngaih ngawih ngawih, bâkah, tuna a nungchang zawng zawng nèn hian ka hmehbel zêl a, a nun dàn hi tawng ve hauh lo mah ila ka hre thiam kuar a ni.
"Mi zawng zawngin sual leh lêrh min tih laia min kawp duh tlat hi a mak ka ti, min hlau lo em ni?"
A mitah chuan ka en kar a, ka hlau lo, bâkah, a sual lohzia ka hria. A taka tawngtu ka ni alawm, a thin erawh a chhe ve deuh a.
"I sual lo."
"I bula awm mipa ka hmuhte pawh kut ka thlák zêl kha, bâkah, jail-ah pawh ka tâng tawh asin."
A chanchin a sawi ve tlat mai hi mak ka ti, ni e, sawi teh se, a chanchin a ka ațang ngeiin ka hriat khàt êm hi.
"Tún kum thar pawh kha Jail-ah asin ka hman."
Ka meng phâwk nasa khawp ang chu! Engati nge Jail-ah a hman le? Thil a tisual em ni? Nge rûk a ru? Ni lo, pawisa chu a nei ang, an hausa alawm. Nula a mutpui em ni? Nge zu a rui a buaina a siam?
"A chhan?"
Min en lo chuan,"Mi thu sawi hi a dik alawm, mi ţha ka ni lo; mahse, pawi ka ti chuang lo," a ti leh nghut a.
A kutah chuan ka vawnsak dà dá a, a lo húm ruh nasa mai niin, ka vawnsak deuh reng hnuah erawh zàwi zâwiin a inthlah dul ta hret hret.
"Ka pa khân ka duh lo chung hmun hranah lehkha zir tùrin min dah a, ka kal duh lawk loh avàngin kâr khat chhúng zet chu ni tin min sawisa țhìn."
Râpthlâk ti zet hian ka en reng, naupang tê mai a la nih laiin a ni lehnghâl, mi sawi dàn ațang khân. Nu leh pa ngai rual lek a la ni nghe nghe ang chu.
"Ka nu lah a rùi reng mai a, kei a fapa aiin zu a thlang zâwk a nih chu," ti nghutin a ner sawk a, a nu chu a huat hmel ka ti lutuk.
Ka thil hriat zet chuh! A va râpthlâk êm! Mahni fapa sawisatu a pa leh fapate aia zu thlangtu a nu chu ka dem tak zet. A hma deuh khân Maremi khân a chanchin miin an sawi chu min hrilh tawh a; mahse, a lo inang lo hret hret ve tho a lo nih hi.
"Inah pawh ka haw duh lo, hostel-ah ka awm reng țhìn. Krismas-ah pawh ka haw ngai lo, fapa sawisatu leh fapa aia zu duh țhin mihring kha ka hmuh peih loh avàngin."
A têt lai ațangin huatna țha lo takin a thinlungah bu a lo khuar daih tawh a nih chu.
"Ka pa a thi a, ka nuin pasal dang a nei bawk; mahse,unaunu thar Fifi ka nei thung, ka engkim a ni mai. Ka nu leh pa ka huatna pawh a reh duak mai. Amah hmuh theih renga awm ka duh, kaduat a, unaupa țha tak nia vêng himtu nih kha ka duh ber."
Thaw dèp dépin ka lo ngaithla.
"Mahse, vànduaithlâk takin a thi ta hlauh, nâ ka ti lutuk! Ka neih chhun ka farnu ka chhûngkua ka chân. A tàwp vek maiin ka hria, a thih chhan khân min tina êm êm bawk."
Eng nge a thih chhan chu ni ta? A kut chu ka chùlsak hauh hauh a, hnem dàn ka hre lo, a thu sawi lo ngaihthlâk bâk chu tih theih ka neiin ka inhre lo.
"A thih chhan chu, ani tleirâwl tê la naupang tak tân chuan a râpthlâk asin. Mutna damdawi a ei țeuh a, a harh chhuak ta lo a ni, damdawi a ei chhan chu i hre duh em?" tiin min rawn en a.
Aw tih nân ka lo bu nghat a.
"Ka nu leh mipa dang mu dùn lai a hmu a ni."
Thil țha lo râpthlâk deuh deuh ka va hre tam êm!!! Râpthlâk ka ti, nghet zetin a kutah chuan ka hmer ngawt ngawt ringawt!
"A tân chuan khawvêl hi a râwng êm a ni. Ani thil tisual ve hauh lo nunna pawh a zuah duh chuang lo a nia, a ai khân thi thei zâwk ila, kei chu mi sual ka ni a, thi tlâk pawh ka ni zâwk a."
Tlêmin a rui deuh hlek; mahse, a țawng duh tâwk chauhin a ni. Rui lo se hetiang hi min hrilh duh kher lo maithei, a lo zêp ve țang țang kha a ni àwm si a, ka khawngaih roh mang e!
"Khawngaihin, chutiang-"
"Ka bul hnaia awm atâna ka duhte hian min duh lo va, min kalsan zêl a, nang pawh hian engtikah emaw min la kalsan ve ngei ang tiraw? Ka thil sawi râpthlâk tak takte khân a tihlau che em? Min kalsan i duh nghâl rum rum lo maw?" tiin meng sî sep hian min en a.
Teuh lo, ka kalsan lo ang.
"Min hnar han tum chhin la?"
A nui suk a," Ka bula awm tam lo tùr hian ka duh che a; mahse, ka thei si lo, he khawvêla ka bula awm tùra ka mi duh ber i ni bawk si; mahse, nun hlui țha lo leh râpthlâk tak nei bula hun hmang tùr chuan ka phal lo bawk si che," a ti leh sup sup a.
"Keiin i bula awm ka duh alawm."
"Kei pawhin ka duh," tiin min en leh rùn rún a, chutah,"Ka bulah chuan i nun i tichhe vek mai ang," te chu a ti leh lawi a.
"I fel ka tih tawh kha, i bula awm ka duh ber," ka lo ti vat a.
"I nun ka tichhe vek mai ang, chu chu mi pawhin an sawi dàn a ni. An fanute, an unaunute leh an chhûngte bialpa atân tu mahin min duh lo," a ti leh a.
"Keimahin ka duh."
"I danglam bîk ka tih țhin kha i la hria em?" a tih chuan ka lo bu nghat a.
"I danglam bîk! Hmeichhe dang chu ni la ka khawih chhiatna che a rei tawh ngawt ang!"
Mu pah chuan ka ngaihtuah vang vang a, ka chhûngte chuan ka bialpa hi min duhpui dâwn lo chiang. A pâwn lam lan dànah ringawt pawh hian an duh lo ang, bâkah, zu a la in țhìn zui. An chhúngkua hetiang an nih phei chuan an fanu pasal atân hian an duh dâwn lo lutuk.
Mahse, kei hian ka thlah thei lo ang, ni lo, ka thlah hauh lo ang. A nun khawhar tak, hnem ngai, pâwn lam lan dàna thawveng leh hausa hian chhûngrilah enkawltu a mamawh. A tân tihsak theih nei tam lua lo mah ila a tân awm ka duh, a bula awm tùra a duh ber ka nih ve tho kha.
Fifi thi a lo tuar viau pawh kha a lo àwm ngawih ngawih. A nu chungah chuan a thinrim ngawt ang chu; mahse, a nu a ni miau si a, engtin a ti thei lo ang, a fapa mah ni se.
Kan inkawpna rei ve leh deuh tawh mah se ualau takin kan inzui ngai lo, break lai, zànah leh inrinnia min rawn tlawhin kan inhmu a, chutih lohah chuan mi tamnaah kan inhmu ngai lo.
Maremi leh Hruaiate ve thung chu inah an inlènchilh zar zar a, an chhûngte pawh an inhre țha viau tawh. Tûn semester exam zawhah hian inneih an tum, Maremi'n țhianah min hman a tum zui, ka huphurh lâwk lutuk. Ka ngai dâwn si, ka mal tawh ngawt ang chu!
"In duh hma e!"
"U Hruaia hi alawm; mahse, ka hre thiam tho. A nu nèn chauh an ni si a, an mamawh ve riau tawh ka ti ve tho," Maremi chuan a lo ti a.
"I țan!"
Nui hak hakin," Ni lo,a nu a khawngaihthlâk alawm, U Hruaia lah naupang chhe zawk zawk a ni tawh lo va, kei akâr min duh ve hi ka lâwmin ka phû lo êm zâwk asin," a ti sap sap a.
"I châk tawh a nih chu a!"
Kan nui leh rih a.
"Essa hi eng nge a an zêl? A la in țhìn em?" tiin Essa chanchin chu min zâwt ta a.
"In zeuh zeuh tho e, a in tam hran lo va."
"Sim thei hlauh se tiraw?"
Tehrêng, ka tihzia hi a hre lo zâwk a ni! Sim se, a nun hlui hi paih bo vek se, nun thar hlakin nung se...
Mahse, a nun hlui chu a nun hlui a nia, a bo thei lo, miin an hre ve reng tho; mahse, eng ang pawhin lo nungin a hming pawh chhe viau mah se, nun thar a nei thei tho. Chu tak chu ka duh chu a ni. Mitthi tawh huat reng maite hi mahni tân pawh a lo țha lo, intihhrehawmna mai a ni. Zàwi záwiin thinlung a ei chhia, a hnuah phei chuan awmze nei lo, thil țûl lova huatna thinlung dik tak put phahna hial a thlen thei.
"In exam leh tùrah hian țha taka i pass chuan thil țha deuh ka leisak ang che."
Chhùn kan chawlh laiin a nia, Maremi erawh chu Hruaia'n an inah a hruai leh tawh! Essa ka hmuh hi chuan Maremi ka ngai vak lo; mahse, a hman loh ni a nih ve thung chuan an bula awm nuam ka ti chiah si lo va, ka tihbuai mai mai ringin ka hnial tlat țhìn.
"Eng thil țha deuh maw?"
"I duh dâwn chiang!"
"Min hrilh ve mai la?" tiin ka hmui ka tipawrh a, ka titau der vêl.
"Sawi phal a la ni lo, surprise tùr a nia," a tih leh chuan ka hre châk telh telh; mahse, zawh chhên erawh ka duh bîk ta lo.
Sangzuala nèn pawh kan inhmu zauh zauh, hostel-ah vawi hnih min rawn tlawh tawh. Țhiante lah hian min lo fiam ve chhên.
"A thlâkna tùr em ni?"
"Nei chhe lo thei e."
"In inhmeh dùn roh lutuk!"
"Pakhat zâwk zâwk min lo biak ve rawh," tiin.
"I țhiante hian fiamthu an duh ve hle mai a," tiin min rawn enin a nui deuh sak a.
"Duh hlawm tehrêng mai!"
"Sawmdawnga'n a lo tlawh ve țhin ang che tiraw?"
"Zauh zauh."
"Ka rin aiin a la serious ve tlat mai, a thlâk zin țhin tehrêng nèn."
Ka nui sak a," Mihring chu kan pângngai reng hleinem," ka lo ti sap a.
Thil pawi ta chu, Inrinni chawhnu lama Essa min rawn tlawh laiin țhiante'n min rawn fiam sual ta.
"Zopui, i va luck tak! Tlawhtu i nei chhe lo thei si!"
"Khawnge pakhat zâwk kha?"
"Tikhân i kawp tihna em ni?"
Duh tâwk hre deuh teh u, Essa'n a duh loh thil a hre thuai mai ang.
Ka hlauh ang ngeiin," Tu nge rawn tlawh ve țhìn che a?" a ti thûm dût a.
"A pawimawh lo!"
"Ka lakah i zêp ang maw? Zêp i neih chhûng chuan min ring tâwk lo tihna a ni," a ti ta nghut nghut a.
"Ka hmel hriat, țhian satliah mai mai..."
"Tu nge? Mipa nge hmeichhia?"
Zâwt chîk ve siah.
"Sangzuala a nia-"
Min melh ta rùn mai! Sangzuala hi a thîk deuh țhin avàng khân ka be tam lo va; mahse, inrinni emaw hun dang remchângah min rawn tlawh thei tho a, lo hmuh duh loh ringawt thu a awm bîk si lo.
"A rawn kal maw?!!"
A mitmeng cool zet țhìn kha a lang chang ta mah mah, dingin a kut pahnih chu a kekawr ipteah a zen lût a, hmun dang a hawi sawn miah lo!
"I sâwm em?!!"
"Ni lo, thil i hre sual a nih kha, chutiang a ni lo. Min lo tlawh chuan-"
"Ka lakah i zêp tlat maw?!!" A țawng ring miah lo, a lung a awi lo tak zet tih ka hre thei, ka rilru a nuam lo kher asin.
*LÀWMNA NEI TAM APIANGIN THIL HO TÊ NIA KAN NGAIHAH PAWH LÀWMNA TÙR AN HMU BELH ZÊL ȚHIN*
A va buaithlâk thei tak! Chhoh ka tum laiin kan warden a rawn lût tlat, ka phu deuh zawk nghe nghe. Rei a țhut ka ring lo a nia, ka rin aiin a rei ta phian, a titi barh barh reng. A ni fanuin Lungleiah pasal a nei dâwn a, chu mite chu ka hriat leh hriat loh min zâwt kual, zanin zet chu ka nin ber țum a ni ngei ang.
Ka phone chu ka melh sek reng, han phone tawp lah a tih chi miah si lo va, a lo thleng daih tawh àwm si, a thin a rim ang em? Nge a haw daih ang?
Dâr 8:30 vêlah ka room ațangin a chhuak ta țâwk, ka rilru a hmanhmawh lutuk tawh. Lo thinrim lo hrâm teh se, ka chhuak thei rih lo tih a hriat si loh chuan a thin a ur ngei ang.
Thâwm dìm tâwkin ka han chho dà dá a, gate chu fîmkhur taka hawngin ka khâr leh chiah tihah chuan bân tha chak zet hian min rawn kuah lawp mai!
Ka au chhuah teuhzia mai chuh! Mahse, Essa rim ka hre chawpchilh nghâl a, ka ngaih tawh êm avàngin ka tâl chhuak lo. Thinrim tum mah ila tunah hi chuan ka thei lo chiang, ka ngai tawh êm asin.
Nghet zetin kan inkuah a, ka mittui a hnâm sawkin ka hre nghe nghe! Ka bân ngeia kuahin ka kutin a taksa ka han dek leh thei a nia, mi vànnei tak chu ka va ni teh lul êm!
Thuin hmun a chang lo va, kan cheziain kan inngaihzia chu kan lantîr mawlh mawlh. He pa hi ka hmangaih a ni, ka hmangaih tak zet a ni.
"Ka thlah phal tawh lo che!" rei zet kan inkuah hnuah chuan a ti ta sup a, min la thlah chhin miah lo!
Ka nui sak, min ngai ve a ni tih hriat hi a nuam êm a ni. Maimichhîngin a âwmah ka bei chial a, a rim, mipa rim dik tak mai chu sexy ti zetin ka hîp leh vang vang țhìn.
"Ka phone tlang thei lo che a," ka ti sap a.
"Shhh..."tiin ka chhîpah chuan a khabe nghatin," Eng dang mah ngaihtuah lova kuah reng che hi ka duh rih," a ti leh sup a.
Ka țawng ta lo.
Tuna ka ngaihtuah lêt hian khami zàna kan chesual lo thei kha mak ka ti zâwk! Kan inkuah a, kan infâwp a, khaw vâwt pawh hrechang lêk lo khân kan inchûlin kan thaw kha a sa zâwk kha a ni a; mahse, kan chesual hauh lo.
Vawiina a thu min hrilh zet kha chu, mak ka ti a, khatiang hun a lo tuar kha ka khawngaih ngawih ngawih, bâkah, tuna a nungchang zawng zawng nèn hian ka hmehbel zêl a, a nun dàn hi tawng ve hauh lo mah ila ka hre thiam kuar a ni.
"Mi zawng zawngin sual leh lêrh min tih laia min kawp duh tlat hi a mak ka ti, min hlau lo em ni?"
A mitah chuan ka en kar a, ka hlau lo, bâkah, a sual lohzia ka hria. A taka tawngtu ka ni alawm, a thin erawh a chhe ve deuh a.
"I sual lo."
"I bula awm mipa ka hmuhte pawh kut ka thlák zêl kha, bâkah, jail-ah pawh ka tâng tawh asin."
A chanchin a sawi ve tlat mai hi mak ka ti, ni e, sawi teh se, a chanchin a ka ațang ngeiin ka hriat khàt êm hi.
"Tún kum thar pawh kha Jail-ah asin ka hman."
Ka meng phâwk nasa khawp ang chu! Engati nge Jail-ah a hman le? Thil a tisual em ni? Nge rûk a ru? Ni lo, pawisa chu a nei ang, an hausa alawm. Nula a mutpui em ni? Nge zu a rui a buaina a siam?
"A chhan?"
Min en lo chuan,"Mi thu sawi hi a dik alawm, mi ţha ka ni lo; mahse, pawi ka ti chuang lo," a ti leh nghut a.
A kutah chuan ka vawnsak dà dá a, a lo húm ruh nasa mai niin, ka vawnsak deuh reng hnuah erawh zàwi zâwiin a inthlah dul ta hret hret.
"Ka pa khân ka duh lo chung hmun hranah lehkha zir tùrin min dah a, ka kal duh lawk loh avàngin kâr khat chhúng zet chu ni tin min sawisa țhìn."
Râpthlâk ti zet hian ka en reng, naupang tê mai a la nih laiin a ni lehnghâl, mi sawi dàn ațang khân. Nu leh pa ngai rual lek a la ni nghe nghe ang chu.
"Ka nu lah a rùi reng mai a, kei a fapa aiin zu a thlang zâwk a nih chu," ti nghutin a ner sawk a, a nu chu a huat hmel ka ti lutuk.
Ka thil hriat zet chuh! A va râpthlâk êm! Mahni fapa sawisatu a pa leh fapate aia zu thlangtu a nu chu ka dem tak zet. A hma deuh khân Maremi khân a chanchin miin an sawi chu min hrilh tawh a; mahse, a lo inang lo hret hret ve tho a lo nih hi.
"Inah pawh ka haw duh lo, hostel-ah ka awm reng țhìn. Krismas-ah pawh ka haw ngai lo, fapa sawisatu leh fapa aia zu duh țhin mihring kha ka hmuh peih loh avàngin."
A têt lai ațangin huatna țha lo takin a thinlungah bu a lo khuar daih tawh a nih chu.
"Ka pa a thi a, ka nuin pasal dang a nei bawk; mahse,unaunu thar Fifi ka nei thung, ka engkim a ni mai. Ka nu leh pa ka huatna pawh a reh duak mai. Amah hmuh theih renga awm ka duh, kaduat a, unaupa țha tak nia vêng himtu nih kha ka duh ber."
Thaw dèp dépin ka lo ngaithla.
"Mahse, vànduaithlâk takin a thi ta hlauh, nâ ka ti lutuk! Ka neih chhun ka farnu ka chhûngkua ka chân. A tàwp vek maiin ka hria, a thih chhan khân min tina êm êm bawk."
Eng nge a thih chhan chu ni ta? A kut chu ka chùlsak hauh hauh a, hnem dàn ka hre lo, a thu sawi lo ngaihthlâk bâk chu tih theih ka neiin ka inhre lo.
"A thih chhan chu, ani tleirâwl tê la naupang tak tân chuan a râpthlâk asin. Mutna damdawi a ei țeuh a, a harh chhuak ta lo a ni, damdawi a ei chhan chu i hre duh em?" tiin min rawn en a.
Aw tih nân ka lo bu nghat a.
"Ka nu leh mipa dang mu dùn lai a hmu a ni."
Thil țha lo râpthlâk deuh deuh ka va hre tam êm!!! Râpthlâk ka ti, nghet zetin a kutah chuan ka hmer ngawt ngawt ringawt!
"A tân chuan khawvêl hi a râwng êm a ni. Ani thil tisual ve hauh lo nunna pawh a zuah duh chuang lo a nia, a ai khân thi thei zâwk ila, kei chu mi sual ka ni a, thi tlâk pawh ka ni zâwk a."
Tlêmin a rui deuh hlek; mahse, a țawng duh tâwk chauhin a ni. Rui lo se hetiang hi min hrilh duh kher lo maithei, a lo zêp ve țang țang kha a ni àwm si a, ka khawngaih roh mang e!
"Khawngaihin, chutiang-"
"Ka bul hnaia awm atâna ka duhte hian min duh lo va, min kalsan zêl a, nang pawh hian engtikah emaw min la kalsan ve ngei ang tiraw? Ka thil sawi râpthlâk tak takte khân a tihlau che em? Min kalsan i duh nghâl rum rum lo maw?" tiin meng sî sep hian min en a.
Teuh lo, ka kalsan lo ang.
"Min hnar han tum chhin la?"
A nui suk a," Ka bula awm tam lo tùr hian ka duh che a; mahse, ka thei si lo, he khawvêla ka bula awm tùra ka mi duh ber i ni bawk si; mahse, nun hlui țha lo leh râpthlâk tak nei bula hun hmang tùr chuan ka phal lo bawk si che," a ti leh sup sup a.
"Keiin i bula awm ka duh alawm."
"Kei pawhin ka duh," tiin min en leh rùn rún a, chutah,"Ka bulah chuan i nun i tichhe vek mai ang," te chu a ti leh lawi a.
"I fel ka tih tawh kha, i bula awm ka duh ber," ka lo ti vat a.
"I nun ka tichhe vek mai ang, chu chu mi pawhin an sawi dàn a ni. An fanute, an unaunute leh an chhûngte bialpa atân tu mahin min duh lo," a ti leh a.
"Keimahin ka duh."
"I danglam bîk ka tih țhin kha i la hria em?" a tih chuan ka lo bu nghat a.
"I danglam bîk! Hmeichhe dang chu ni la ka khawih chhiatna che a rei tawh ngawt ang!"
Mu pah chuan ka ngaihtuah vang vang a, ka chhûngte chuan ka bialpa hi min duhpui dâwn lo chiang. A pâwn lam lan dànah ringawt pawh hian an duh lo ang, bâkah, zu a la in țhìn zui. An chhúngkua hetiang an nih phei chuan an fanu pasal atân hian an duh dâwn lo lutuk.
Mahse, kei hian ka thlah thei lo ang, ni lo, ka thlah hauh lo ang. A nun khawhar tak, hnem ngai, pâwn lam lan dàna thawveng leh hausa hian chhûngrilah enkawltu a mamawh. A tân tihsak theih nei tam lua lo mah ila a tân awm ka duh, a bula awm tùra a duh ber ka nih ve tho kha.
Fifi thi a lo tuar viau pawh kha a lo àwm ngawih ngawih. A nu chungah chuan a thinrim ngawt ang chu; mahse, a nu a ni miau si a, engtin a ti thei lo ang, a fapa mah ni se.
Kan inkawpna rei ve leh deuh tawh mah se ualau takin kan inzui ngai lo, break lai, zànah leh inrinnia min rawn tlawhin kan inhmu a, chutih lohah chuan mi tamnaah kan inhmu ngai lo.
Maremi leh Hruaiate ve thung chu inah an inlènchilh zar zar a, an chhûngte pawh an inhre țha viau tawh. Tûn semester exam zawhah hian inneih an tum, Maremi'n țhianah min hman a tum zui, ka huphurh lâwk lutuk. Ka ngai dâwn si, ka mal tawh ngawt ang chu!
"In duh hma e!"
"U Hruaia hi alawm; mahse, ka hre thiam tho. A nu nèn chauh an ni si a, an mamawh ve riau tawh ka ti ve tho," Maremi chuan a lo ti a.
"I țan!"
Nui hak hakin," Ni lo,a nu a khawngaihthlâk alawm, U Hruaia lah naupang chhe zawk zawk a ni tawh lo va, kei akâr min duh ve hi ka lâwmin ka phû lo êm zâwk asin," a ti sap sap a.
"I châk tawh a nih chu a!"
Kan nui leh rih a.
"Essa hi eng nge a an zêl? A la in țhìn em?" tiin Essa chanchin chu min zâwt ta a.
"In zeuh zeuh tho e, a in tam hran lo va."
"Sim thei hlauh se tiraw?"
Tehrêng, ka tihzia hi a hre lo zâwk a ni! Sim se, a nun hlui hi paih bo vek se, nun thar hlakin nung se...
Mahse, a nun hlui chu a nun hlui a nia, a bo thei lo, miin an hre ve reng tho; mahse, eng ang pawhin lo nungin a hming pawh chhe viau mah se, nun thar a nei thei tho. Chu tak chu ka duh chu a ni. Mitthi tawh huat reng maite hi mahni tân pawh a lo țha lo, intihhrehawmna mai a ni. Zàwi záwiin thinlung a ei chhia, a hnuah phei chuan awmze nei lo, thil țûl lova huatna thinlung dik tak put phahna hial a thlen thei.
"In exam leh tùrah hian țha taka i pass chuan thil țha deuh ka leisak ang che."
Chhùn kan chawlh laiin a nia, Maremi erawh chu Hruaia'n an inah a hruai leh tawh! Essa ka hmuh hi chuan Maremi ka ngai vak lo; mahse, a hman loh ni a nih ve thung chuan an bula awm nuam ka ti chiah si lo va, ka tihbuai mai mai ringin ka hnial tlat țhìn.
"Eng thil țha deuh maw?"
"I duh dâwn chiang!"
"Min hrilh ve mai la?" tiin ka hmui ka tipawrh a, ka titau der vêl.
"Sawi phal a la ni lo, surprise tùr a nia," a tih leh chuan ka hre châk telh telh; mahse, zawh chhên erawh ka duh bîk ta lo.
Sangzuala nèn pawh kan inhmu zauh zauh, hostel-ah vawi hnih min rawn tlawh tawh. Țhiante lah hian min lo fiam ve chhên.
"A thlâkna tùr em ni?"
"Nei chhe lo thei e."
"In inhmeh dùn roh lutuk!"
"Pakhat zâwk zâwk min lo biak ve rawh," tiin.
"I țhiante hian fiamthu an duh ve hle mai a," tiin min rawn enin a nui deuh sak a.
"Duh hlawm tehrêng mai!"
"Sawmdawnga'n a lo tlawh ve țhin ang che tiraw?"
"Zauh zauh."
"Ka rin aiin a la serious ve tlat mai, a thlâk zin țhin tehrêng nèn."
Ka nui sak a," Mihring chu kan pângngai reng hleinem," ka lo ti sap a.
Thil pawi ta chu, Inrinni chawhnu lama Essa min rawn tlawh laiin țhiante'n min rawn fiam sual ta.
"Zopui, i va luck tak! Tlawhtu i nei chhe lo thei si!"
"Khawnge pakhat zâwk kha?"
"Tikhân i kawp tihna em ni?"
Duh tâwk hre deuh teh u, Essa'n a duh loh thil a hre thuai mai ang.
Ka hlauh ang ngeiin," Tu nge rawn tlawh ve țhìn che a?" a ti thûm dût a.
"A pawimawh lo!"
"Ka lakah i zêp ang maw? Zêp i neih chhûng chuan min ring tâwk lo tihna a ni," a ti ta nghut nghut a.
"Ka hmel hriat, țhian satliah mai mai..."
"Tu nge? Mipa nge hmeichhia?"
Zâwt chîk ve siah.
"Sangzuala a nia-"
Min melh ta rùn mai! Sangzuala hi a thîk deuh țhin avàng khân ka be tam lo va; mahse, inrinni emaw hun dang remchângah min rawn tlawh thei tho a, lo hmuh duh loh ringawt thu a awm bîk si lo.
"A rawn kal maw?!!"
A mitmeng cool zet țhìn kha a lang chang ta mah mah, dingin a kut pahnih chu a kekawr ipteah a zen lût a, hmun dang a hawi sawn miah lo!
"I sâwm em?!!"
"Ni lo, thil i hre sual a nih kha, chutiang a ni lo. Min lo tlawh chuan-"
"Ka lakah i zêp tlat maw?!!" A țawng ring miah lo, a lung a awi lo tak zet tih ka hre thei, ka rilru a nuam lo kher asin.
*LÀWMNA NEI TAM APIANGIN THIL HO TÊ NIA KAN NGAIHAH PAWH LÀWMNA TÙR AN HMU BELH ZÊL ȚHIN*
Comments
Post a Comment