☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 29 By Dingdi Pachuau
"Ka zêp pawh a ni lo-"
"Min hrilh chuang lo."
"A pawimawh hran lo êm a, bákah, țhian mai kan nia," ka ti leh a.
"Tak tak maw?" A ring lo tih a sawi dàn ațang chuan ka hre thei mai.
"Tak tak!" uar zet hian ka ti, a chhan chu âwih se ka tih vàng a ni. Sawi zawm lehin," Chuan, tu nge ka duh chu i hria," ka ti leh, ka zak duh bîk tawh lo.
A ngawi ta rùn, min en pah kur bawk. A nuam lo ka ti rilru khawp mai, Sangzuala'n min rawn tlawh țhìn tih hi ka zêp pawh a ni hran lo; mahse, ka hrilh loh miau chuan zêp chu ka ni ve thei tho ang chu.
"Min ring lo tiraw?"
A la țawng chuang lo.
"Min rin nân eng thil nge ka tih ang?" ka ti, buaina a siam leh ringawt ang tih ka hlau. Ka lakah a thin a rim pawhin mi dangin an lo tuar ţhìn si a,chu chu ka duh loh ber a ni.
"Hmu tawh suh," a ti ta nghut a.
A har ngawt ang! Min lo tlawha ka awm miau chuan hmuh loh ringawt chu a dik thei dâwn em ni? Ka țhian a ni a, ka chungah lah a țha viau si.
Mahse, thil awmzia ka hrilh chuan a hre thiam mai ang, Essa nèn kan inkâr tichhetu a nih ka duh hauh lo. A thîkthu chhe lutuk hi tlêmin han reh deuh se, nakînah chuan a hre thiam ve mahna!
"Aw le, ka tum dâwn nia."
A haw hnu chuan a thîkthu chhiatzia chu ka ngaihtuah a. A bialnu hluite chungah a ni ve țhìn tho ang em le? A ni ve tho ang, mi dang a thîk țhin avàngin a bialnu hluite pawh hi a bàn țhìn a ni ngei ngei ang, mipa dang nèn an lo inbia a hmu țhìn ang a...
Chutiang chu a ni ngei ngei ang.
Ka nui sak. A pawi lo, min duh vàng a ni mai. Ani nèn kan nih hma pawhin mipa dang ka biak ngai loh kha, khatiang nun kha ka neih leh a ngai a ni mai alawm, a har viau lo ang. Sangzuala chu mipa fel tak a ni a, a hre thiam ngei ang.
Hruaia'n Maremi hnênah palai a tîr ta. Exam zawh lamah daih inneih chu tum mah se a tîr lui tho, an innei dâwn. An lawmpuiawm tak tak a ni,chhûngte duhpui tawn ve ve,induh tawn bawk, chubâkah, mi fel ve ve an innei dâwn a nia, chhûngkua din tùr pawhin an puitling tâwk ve ve ka ti. Hruaia lahin hlawh țha deuh a nei a, nupui fanau a châwm thei chiang, ngaihtuah buai tùr a awm lo.
Kei ve thung hi?
Ka thaw hak. Ngaihtuah tùr a va tam tak! A hmasa berah chuan ka chhûngte'n Essa hi an duh lo phawt ang, zu a in ţhìn tlat. Bâkah, hna thawh mumal a nei lo, chhûngkaw châwm tùrin a lâk tlâk ang em? An chhûngkua lah chu...ngaihtuahin rilru a hah nghâl.
Ka va ngaihtuah thui mai mai tak! Ka pasal tùr a ni kher nâng, ani pawhin nupui tùr atân min la suangtuah hauh lo ang, duh pawh min duh lo ang, ka suangtuah thui mah mah!
Sangzuala ka bia a, thil awm dàn chu a dam thei ang berin ka hrilh tawp. Zêp a țûlin ka hre lo a ni, a cousin-in a thîk miau si a.
A lo hre thiam ve a niang," A thíkthu chhiatzia hi chu aw..." a ti vang vang phawt a, chutah," Ka lo tlawh tawh lo ang che; mahse, biak chu kan inbe tho ang chu tiraw? Țhian kan nih kha," a ti a.
"Tehrêng mai, nakinah a zia chho mai tùrah ngai ang."
A nui hak a," Amah ni ta ila kei pawh ka ni ve tho ang, ka dem hran lo a nia," a ti leh a.
A fel ve chiang a nia.
*******
*Vawiin chu class kal lo mai la?*
Ka meng phar ãk. Eng tihpui tùrin nge min duh le? Subject khat ang lek lek kal lo tùr hi chuan min sâwm fo, ka off ve zauh zauh bawk; mahse, hei hi chu a dang deuh hlek. Class țha taka kal tùrin min ti tùr zâwk hi a ni asin le, exam a hnai leh țan tawh bawk si.
*Engati maw?* tiin ka reply, tunah dâr zîng 8:30 a ni tawh a, tûkțhuan kan ei kham deuh chiah a ni.
*Min awm rawh*
A damlo em maw ni le? A hmain chutiang eng mah a sawi si lo, a dam țhat loh thu a sawi hauh lo.
*I damlo em ni?*
*Aw*
Nimin piah ațangin kan inhmu tawh lo, phone-ah erawh kan inbia, a chiangkuang lo tih thu min hrilh miah si lo.
"I khua a sik em ni?" tiin ka phone ta zâwk.
"Aw," tiin muang ruih, zàwi sup hian min chhâng, he pa hi a dam țha lo tak tak a ni ngei ang.
"Eng damdawi nge i ei? I inentîr rêng rêng em? Engtik ațang khân nge i nawm loh a? Tunah khân i khua a la sik reng em?"
"Ka mu reng."
Zawhna ka zâwt tam lutuk a, a eng ber nge min chhân dâwn tih a hre thiam lo a niang, ka ner sak a.
"Aw, ka rawn kal dâwn nia. Maremi bulah thil awmzia ka sawi ang a."
Class kal tùr angin ka chhuak tho, kalkawnga kan kal laiin Maremi bulah chuan thil awmzia chu ka hrilh a, ani pawh chuan," A changtupa ber a dam loh miau si chuan a changtunuin i kan mai loh chuan," nui sen sen chung hian a ti a.
"Class-a Lecturer-te thu sawi zawng zawng lo chhinchhiah vek rawh aw."
Maremi chu classroom panin a chho hnak hnak a, kei ve thung chu Essate in lama kal tùrin ka inher a, Ruata dàwrah ka pêng kâwi lawk, eng emaw tak ei tùr ka leisak ve ngei a ngai ang chu.
"Awi, i lo kal fuh chiah chiah lutuk! Hei Essa'n i lo kal tawh leh tawh loh en tùrin min lo ti chiah a, buai lai laiin," a lo ti hlaih hlaih a, zarda pân a lo buaipui a, a lo buai khawp mai.
"Khawnge a awm a?" tiin mak ti tilru deuh hlek hian ka zâwt, mu reng ni khân a insawi sia, hetah chuan a awm thei lo ang.
"Toilet-ah a lût lawk."
Ruata zarda khàwrpui pah chuan Essa chu ka ngaihtuah a. Damlo niin a insawi a, hetah a lo awm bawk sia, min tihder tihna em ni? A nih vaih chuan a châk lo ang!
Toilet ațanga a lo chhuah chuan ngun deuhin ka lo en, a mit a lang bui deuh, a sen viau bawk.
"I damlo a ni lo'm ni? Eng nge hetah i tih?" ka ti vat rêng a.
"Ka lo nghâk che."
"Inah i mu rengah ka ngai asin."
"Ka tho tawh."
"Min tihder a ni maw?"
"Hei, ka pang hi khawih la?" tiin min rawn pan hnai a, âwih vak lo hian ka lo dek thuak; mahse, chuti chung pawh chuan a sa viau a ni tih ka hre thei tho.
"Inentîr nghâl la?"
"Kal phawt ang."
Bike ni lova car a rawn keng zâwk chu ka lâwm khawp mai. Bike-a chuan hi chu kan lang chiang thei lutuk a, tunah phei chuan college naupang kal tam hunlai a ni lehnghâl a, min hmuh ka duh hran lo a ni.
Inah chuan tu mah an lo awm leh pek tawh lo! Tihian a dam loh pawhin amahin a tuar tawp zél chu a ni àwm si a, ka khawngaih roh.
A room lam kan pan nghâl, khumah a lâwn nghâl, kei lahin a mut hmain damdawi ei tùrin ka ti, ani erawh chuan damdawi a dahna min hrilh a, amah pe tùrin min ti ve thung. Ka nui ringawt, ka lakah chuan a pangchang ve a nih dâwn hi. Pangchanna tùr a neih ve chhun a nu lahin a awm lohsan zin hmel si, ka duat a ngai a ni.
A ei zawh chuan," Ka bulah lo mu ve rawh," a ti leh.
Ka en reng ringawt. A ti tak tak thei lo ang, khuma kan mut tlàn chuan thil țha lo kha a thleng leh thei asin.
"I ngaihtuah nasa lutuk a nih kha, lo mu mai teh. I ngaihtuahna ang ti tùr khân hei, ka dam loh hi, hlau duh suh," a ti leh.
Engtin nge ka ngaihtuahna chu a lo hriat a?! A va zahthlâk tak! A dik vek bawk si.
"Chutiang ka ngaihtuah lo," te chu ka han ti ve tak naa, a âwih lo tih a nuih suk dàn aţang chuan ka hre thei tho.
"Thawmhnaw mutpui tùr erawh chu ka thawmhnaw dahna kha i en mai a ngai ang."
Nia, tuna ka inthuam dàn nèn hi chuan ka mu peih lo, bâkah, mutpui atân chuan ka ui bawk.
A thawmhnaw dahna chu ka'n hawng a, hmm, a lo àwm hliah hliah e. Thawmhnaw rawng dang deuh hmuh tùr a vâng khawp mai, thawmhnaw dum lam hlîr mai a ni.
"Ka ha tâwk lo ang-"
"T-shirt ha mai rawh, drawer-ah khân boxer a awm bawk ang."
A damloh vàng chauhin ka hnial lo, dam se chuan hetiang hian ka awm tawp lo bawk ang!
"Hetah inthlâk mai rawh."
Ka duh teuh lo, ka inthlâk lai min hmu tùr a ni lo. Bathroom-ah ka lût a, a t-shirt leh boxer chu ka inbel nghâl sawk sawk. Ka zawh hnu chuan darthlalang lian zetah ka inen leh a, ka nui chhuak hawk.
Ka nuihzatthlâk êm a ni.
Bathroom ațanga ka chhuak chu ngun deuhin min lo en tih ka mitsîrin ka hmu thei; mahse, kei chuan ka en duh lo lui ve tlat.
"Ka kawr hi khatianga mawi leh sexy khân a hâk theih ang tih ka lo la hre miah lo!"
Rum deuhin ka melh, min fiam zah a tum vàngin; mahse, a lo nui miah lo.
"Fiamthu ka thawh ni berin ka hria!"
Țawng lova min en reng hnuah," Lo mu tawh rawh," a ti ta sup a.
Amah hmachhawn zâwnga mut ka duh loh avàngin amah dek pha lovin sîr deuh hlekah a hawi ang hawi zâwngin ka mu ta dà dá a.
"Rawn tawlh rawh!"
Tlêmin ka tawlh phei deuh hlek, kan la intawk pha chuang lo.
"Min hlau a ni maw?"
"Hlau lo."
Ka kâwngah kuahin a lamah min pawt phei dáwrh mai, ka țê deuh țhat, ka tâl pah bawk.
"Tâl lo teh, ka chàu a nia!"
Ni dâwn tak. A damlo chàu tak ang, ka tâl ta lo, ani erawh chuan min thlah chuang lo, nghet takin ka kâwngah a la kuah, a bân leh taksate chu a lum țha khawp mai.
A room hi a lum hran lo, tunah pawh hian rizai chhah lo tê chu kan sin, a taksa lumin min tawk reng a nih chuan nakinah lum chu ka la ti ve khawp ang!
"I rimtui hle mai!"
Damlo chung chung pawhin min la fak tho!
"Muhìl rawh, i damdawi ei khân hna a thawk thuai thei zâwk ang," ka ti sap a.
"Kuah reng chung chea muthilhsan daih che chu ka ui."
"A nih chuan, ka tho mai-"
"Ngai lo, kuah che ka duh alawm le!" ti nghutin a mal sei thlurh chuan min rawn khan leh ta, ka lo thaw hawk, a rit ropui.
"A rit a nia!"
A nui nghawr dat ringawt.
"Nui lo khán muhìl rawh," ka ti khar khar.
"Kat dik tak kha," a ti sup, chutah, ka bengkâwm rawn nûlin,"I rimtui vek mai a nih hi," a ti leh.
"I țawng leh chuan ka thawhsan daih ang che!" Muhìl tùrin ka duh, a damdàwi ei chuan hnà thawk vat vat se, a khawsik taksa sa vur hi dài thuai thuai se ka ti ber.
A nui leh, chutih rual chuan ka nghâwng a fâwp leh phawt a, tlêma inthlah dul deuhin a mu țha ta a.
Ka lo muhìl ve a ni chêk ang chu, ka mal kham lutuk avàngin ka harh, a mal rit zet khân min lo la khan a, a la harh lo a ni ang, ka mit meng siar siarin a mal chu dìm têin ka dah sawn hlek, chutah, a rawn tâl deuh, a harh ve a ni maithei.
"I harh tawh elo?"
A lo harh reng a nih chu.
"Ka mal a kham lutuk a."
"Ka lo hmehsak dâwn che em niang?"
"I zia tawh em?"
"I bulah hi chuan ka zia reng."
Inherin a chal chu ka kutin ka han dek a, a lo dai diai tawh. A chhâwk tawh a nih hi.
"Dâr eng zât nge-"
"A la hma, mu mai mai teh," tiin min kuah leh a.
"A lummm..."
Nilêngin khumah chuan kan awm, chhùnah thingpui kan in peih loh avàngin fridge-a a dah dhoi ka ei, ani erawh chuan a ei ve lo, ka phalsak tlat lo va.
"Maremite kha an innei dâwn asin," tiin a thuphungin ka hrilh ve a.
"An va duh hma ve!"
"Hma vak em ni? Hruaia kum 30 a chuang tawh a."
"A la upat loh chu."
"A nih, kum eng zât nge upa tâwk i tih a?"
"Kum 100."
Ka melh hrâwk tak nain min en lo va, awmzia a awm lo. A thutak loh êm avàngin thil dang daih ka zâwt.
"Zanriah khawiah nge i ei ang?"
"Hetah," tiin chal chuar deuh nângin min rawn melh a," Hostel-ah min sàwm ve i tum deuh em ni?" a ti leh a.
"Theih se chuan aw...a nih leh, tuin nge eirawng bâwl ang? I nute an awm si lo," ka ti leh a.
"Ka nghei mai ang."
A nghei mai ai chuan tiin a remti lo chung eirawng ka bàwlsak. A dam țha bawk si lo va, ka khawngaih a ni. In zau puiah amah chauhin damloin a awm a, a khawharthlâk dâwn êm mai.
"I inhmeh êm mai, ha haw mai la?"
A thawmhnaw ka hâksak a sawina a ni tih ka hriat chuan sei fê hian lei ka chhuah khum a.
"Kal mai teh!"
"Sexy bawk si!"
Ka en duh lawk lo va, a hnuah erawh rum deuh hian ka melh a, ani thung chuan a phone-in ka thla a lo la char char niin!
"Hey...sual suh aw."
"A changtunu a nih hi," tiin a nui suk.
Video-in a la ni zui. Ka hupsak vat,"Ti tawh lo teh, ka chhe si," ka ti a.
"Kan pahnihin la dùn ang."
Hostel ka thlen hnuah thlalâk min rawn thawn ve nual, a caption-ah chuan 'Sexy Kat' a rawn ti ngei! A thawmhnaw ka ha sexy min ti tlat kha a mak ngawt mai, ka chhiat teh lul nèn!
A tûk lama ka phone chuan a zia tawh tih thu min hrilh, workshop lamah a kal daih tawh bawk! He pa hi, nimin lawkah a damlo êm êm a, tunah lêm, hna a thawk leh daih tawh si, ka hre thiam lo ve.
Maremite innei tùr ngaihven leh buaipui tùr a awm ve țan avàngin kan buai chho ve ta deuh. A hun teptèr deuha buai chûk lo tùrin kan lo inhmakhua ve deuh. A thawmhnaw hâk tùr design leh pheikhawk lamte kan ngaihven țan a, kei pawhin ka kawr hâk tùr ka ngaihven ve,mawi tih chu ka ngah mai a; mahse, ka inhmeh ve tùr zâwng ka hmu lo.
Lehkha zir a ngai bawk, ka rilruah erawh a awm vang vang țhìn. Essa nèn kan inneihna tùr ni zâwk se, ka phûr àwm teh e, ka hlim ngawt ang!
Mahse, suangtuahna mai a ni.
*KAN TUM TIHLAWHTLING TÙRIN KAN KAL CHAK THEI LO A NIH PAWHIN MUANCHÂNGIN, HMANHMAWH LOVIN AW NI ANG, BEIDAWNSANTUTE ERAWH MI HLAWHTLING AN AWM NGAI LO*
"Ka zêp pawh a ni lo-"
"Min hrilh chuang lo."
"A pawimawh hran lo êm a, bákah, țhian mai kan nia," ka ti leh a.
"Tak tak maw?" A ring lo tih a sawi dàn ațang chuan ka hre thei mai.
"Tak tak!" uar zet hian ka ti, a chhan chu âwih se ka tih vàng a ni. Sawi zawm lehin," Chuan, tu nge ka duh chu i hria," ka ti leh, ka zak duh bîk tawh lo.
A ngawi ta rùn, min en pah kur bawk. A nuam lo ka ti rilru khawp mai, Sangzuala'n min rawn tlawh țhìn tih hi ka zêp pawh a ni hran lo; mahse, ka hrilh loh miau chuan zêp chu ka ni ve thei tho ang chu.
"Min ring lo tiraw?"
A la țawng chuang lo.
"Min rin nân eng thil nge ka tih ang?" ka ti, buaina a siam leh ringawt ang tih ka hlau. Ka lakah a thin a rim pawhin mi dangin an lo tuar ţhìn si a,chu chu ka duh loh ber a ni.
"Hmu tawh suh," a ti ta nghut a.
A har ngawt ang! Min lo tlawha ka awm miau chuan hmuh loh ringawt chu a dik thei dâwn em ni? Ka țhian a ni a, ka chungah lah a țha viau si.
Mahse, thil awmzia ka hrilh chuan a hre thiam mai ang, Essa nèn kan inkâr tichhetu a nih ka duh hauh lo. A thîkthu chhe lutuk hi tlêmin han reh deuh se, nakînah chuan a hre thiam ve mahna!
"Aw le, ka tum dâwn nia."
A haw hnu chuan a thîkthu chhiatzia chu ka ngaihtuah a. A bialnu hluite chungah a ni ve țhìn tho ang em le? A ni ve tho ang, mi dang a thîk țhin avàngin a bialnu hluite pawh hi a bàn țhìn a ni ngei ngei ang, mipa dang nèn an lo inbia a hmu țhìn ang a...
Chutiang chu a ni ngei ngei ang.
Ka nui sak. A pawi lo, min duh vàng a ni mai. Ani nèn kan nih hma pawhin mipa dang ka biak ngai loh kha, khatiang nun kha ka neih leh a ngai a ni mai alawm, a har viau lo ang. Sangzuala chu mipa fel tak a ni a, a hre thiam ngei ang.
Hruaia'n Maremi hnênah palai a tîr ta. Exam zawh lamah daih inneih chu tum mah se a tîr lui tho, an innei dâwn. An lawmpuiawm tak tak a ni,chhûngte duhpui tawn ve ve,induh tawn bawk, chubâkah, mi fel ve ve an innei dâwn a nia, chhûngkua din tùr pawhin an puitling tâwk ve ve ka ti. Hruaia lahin hlawh țha deuh a nei a, nupui fanau a châwm thei chiang, ngaihtuah buai tùr a awm lo.
Kei ve thung hi?
Ka thaw hak. Ngaihtuah tùr a va tam tak! A hmasa berah chuan ka chhûngte'n Essa hi an duh lo phawt ang, zu a in ţhìn tlat. Bâkah, hna thawh mumal a nei lo, chhûngkaw châwm tùrin a lâk tlâk ang em? An chhûngkua lah chu...ngaihtuahin rilru a hah nghâl.
Ka va ngaihtuah thui mai mai tak! Ka pasal tùr a ni kher nâng, ani pawhin nupui tùr atân min la suangtuah hauh lo ang, duh pawh min duh lo ang, ka suangtuah thui mah mah!
Sangzuala ka bia a, thil awm dàn chu a dam thei ang berin ka hrilh tawp. Zêp a țûlin ka hre lo a ni, a cousin-in a thîk miau si a.
A lo hre thiam ve a niang," A thíkthu chhiatzia hi chu aw..." a ti vang vang phawt a, chutah," Ka lo tlawh tawh lo ang che; mahse, biak chu kan inbe tho ang chu tiraw? Țhian kan nih kha," a ti a.
"Tehrêng mai, nakinah a zia chho mai tùrah ngai ang."
A nui hak a," Amah ni ta ila kei pawh ka ni ve tho ang, ka dem hran lo a nia," a ti leh a.
A fel ve chiang a nia.
*******
*Vawiin chu class kal lo mai la?*
Ka meng phar ãk. Eng tihpui tùrin nge min duh le? Subject khat ang lek lek kal lo tùr hi chuan min sâwm fo, ka off ve zauh zauh bawk; mahse, hei hi chu a dang deuh hlek. Class țha taka kal tùrin min ti tùr zâwk hi a ni asin le, exam a hnai leh țan tawh bawk si.
*Engati maw?* tiin ka reply, tunah dâr zîng 8:30 a ni tawh a, tûkțhuan kan ei kham deuh chiah a ni.
*Min awm rawh*
A damlo em maw ni le? A hmain chutiang eng mah a sawi si lo, a dam țhat loh thu a sawi hauh lo.
*I damlo em ni?*
*Aw*
Nimin piah ațangin kan inhmu tawh lo, phone-ah erawh kan inbia, a chiangkuang lo tih thu min hrilh miah si lo.
"I khua a sik em ni?" tiin ka phone ta zâwk.
"Aw," tiin muang ruih, zàwi sup hian min chhâng, he pa hi a dam țha lo tak tak a ni ngei ang.
"Eng damdawi nge i ei? I inentîr rêng rêng em? Engtik ațang khân nge i nawm loh a? Tunah khân i khua a la sik reng em?"
"Ka mu reng."
Zawhna ka zâwt tam lutuk a, a eng ber nge min chhân dâwn tih a hre thiam lo a niang, ka ner sak a.
"Aw, ka rawn kal dâwn nia. Maremi bulah thil awmzia ka sawi ang a."
Class kal tùr angin ka chhuak tho, kalkawnga kan kal laiin Maremi bulah chuan thil awmzia chu ka hrilh a, ani pawh chuan," A changtupa ber a dam loh miau si chuan a changtunuin i kan mai loh chuan," nui sen sen chung hian a ti a.
"Class-a Lecturer-te thu sawi zawng zawng lo chhinchhiah vek rawh aw."
Maremi chu classroom panin a chho hnak hnak a, kei ve thung chu Essate in lama kal tùrin ka inher a, Ruata dàwrah ka pêng kâwi lawk, eng emaw tak ei tùr ka leisak ve ngei a ngai ang chu.
"Awi, i lo kal fuh chiah chiah lutuk! Hei Essa'n i lo kal tawh leh tawh loh en tùrin min lo ti chiah a, buai lai laiin," a lo ti hlaih hlaih a, zarda pân a lo buaipui a, a lo buai khawp mai.
"Khawnge a awm a?" tiin mak ti tilru deuh hlek hian ka zâwt, mu reng ni khân a insawi sia, hetah chuan a awm thei lo ang.
"Toilet-ah a lût lawk."
Ruata zarda khàwrpui pah chuan Essa chu ka ngaihtuah a. Damlo niin a insawi a, hetah a lo awm bawk sia, min tihder tihna em ni? A nih vaih chuan a châk lo ang!
Toilet ațanga a lo chhuah chuan ngun deuhin ka lo en, a mit a lang bui deuh, a sen viau bawk.
"I damlo a ni lo'm ni? Eng nge hetah i tih?" ka ti vat rêng a.
"Ka lo nghâk che."
"Inah i mu rengah ka ngai asin."
"Ka tho tawh."
"Min tihder a ni maw?"
"Hei, ka pang hi khawih la?" tiin min rawn pan hnai a, âwih vak lo hian ka lo dek thuak; mahse, chuti chung pawh chuan a sa viau a ni tih ka hre thei tho.
"Inentîr nghâl la?"
"Kal phawt ang."
Bike ni lova car a rawn keng zâwk chu ka lâwm khawp mai. Bike-a chuan hi chu kan lang chiang thei lutuk a, tunah phei chuan college naupang kal tam hunlai a ni lehnghâl a, min hmuh ka duh hran lo a ni.
Inah chuan tu mah an lo awm leh pek tawh lo! Tihian a dam loh pawhin amahin a tuar tawp zél chu a ni àwm si a, ka khawngaih roh.
A room lam kan pan nghâl, khumah a lâwn nghâl, kei lahin a mut hmain damdawi ei tùrin ka ti, ani erawh chuan damdawi a dahna min hrilh a, amah pe tùrin min ti ve thung. Ka nui ringawt, ka lakah chuan a pangchang ve a nih dâwn hi. Pangchanna tùr a neih ve chhun a nu lahin a awm lohsan zin hmel si, ka duat a ngai a ni.
A ei zawh chuan," Ka bulah lo mu ve rawh," a ti leh.
Ka en reng ringawt. A ti tak tak thei lo ang, khuma kan mut tlàn chuan thil țha lo kha a thleng leh thei asin.
"I ngaihtuah nasa lutuk a nih kha, lo mu mai teh. I ngaihtuahna ang ti tùr khân hei, ka dam loh hi, hlau duh suh," a ti leh.
Engtin nge ka ngaihtuahna chu a lo hriat a?! A va zahthlâk tak! A dik vek bawk si.
"Chutiang ka ngaihtuah lo," te chu ka han ti ve tak naa, a âwih lo tih a nuih suk dàn aţang chuan ka hre thei tho.
"Thawmhnaw mutpui tùr erawh chu ka thawmhnaw dahna kha i en mai a ngai ang."
Nia, tuna ka inthuam dàn nèn hi chuan ka mu peih lo, bâkah, mutpui atân chuan ka ui bawk.
A thawmhnaw dahna chu ka'n hawng a, hmm, a lo àwm hliah hliah e. Thawmhnaw rawng dang deuh hmuh tùr a vâng khawp mai, thawmhnaw dum lam hlîr mai a ni.
"Ka ha tâwk lo ang-"
"T-shirt ha mai rawh, drawer-ah khân boxer a awm bawk ang."
A damloh vàng chauhin ka hnial lo, dam se chuan hetiang hian ka awm tawp lo bawk ang!
"Hetah inthlâk mai rawh."
Ka duh teuh lo, ka inthlâk lai min hmu tùr a ni lo. Bathroom-ah ka lût a, a t-shirt leh boxer chu ka inbel nghâl sawk sawk. Ka zawh hnu chuan darthlalang lian zetah ka inen leh a, ka nui chhuak hawk.
Ka nuihzatthlâk êm a ni.
Bathroom ațanga ka chhuak chu ngun deuhin min lo en tih ka mitsîrin ka hmu thei; mahse, kei chuan ka en duh lo lui ve tlat.
"Ka kawr hi khatianga mawi leh sexy khân a hâk theih ang tih ka lo la hre miah lo!"
Rum deuhin ka melh, min fiam zah a tum vàngin; mahse, a lo nui miah lo.
"Fiamthu ka thawh ni berin ka hria!"
Țawng lova min en reng hnuah," Lo mu tawh rawh," a ti ta sup a.
Amah hmachhawn zâwnga mut ka duh loh avàngin amah dek pha lovin sîr deuh hlekah a hawi ang hawi zâwngin ka mu ta dà dá a.
"Rawn tawlh rawh!"
Tlêmin ka tawlh phei deuh hlek, kan la intawk pha chuang lo.
"Min hlau a ni maw?"
"Hlau lo."
Ka kâwngah kuahin a lamah min pawt phei dáwrh mai, ka țê deuh țhat, ka tâl pah bawk.
"Tâl lo teh, ka chàu a nia!"
Ni dâwn tak. A damlo chàu tak ang, ka tâl ta lo, ani erawh chuan min thlah chuang lo, nghet takin ka kâwngah a la kuah, a bân leh taksate chu a lum țha khawp mai.
A room hi a lum hran lo, tunah pawh hian rizai chhah lo tê chu kan sin, a taksa lumin min tawk reng a nih chuan nakinah lum chu ka la ti ve khawp ang!
"I rimtui hle mai!"
Damlo chung chung pawhin min la fak tho!
"Muhìl rawh, i damdawi ei khân hna a thawk thuai thei zâwk ang," ka ti sap a.
"Kuah reng chung chea muthilhsan daih che chu ka ui."
"A nih chuan, ka tho mai-"
"Ngai lo, kuah che ka duh alawm le!" ti nghutin a mal sei thlurh chuan min rawn khan leh ta, ka lo thaw hawk, a rit ropui.
"A rit a nia!"
A nui nghawr dat ringawt.
"Nui lo khán muhìl rawh," ka ti khar khar.
"Kat dik tak kha," a ti sup, chutah, ka bengkâwm rawn nûlin,"I rimtui vek mai a nih hi," a ti leh.
"I țawng leh chuan ka thawhsan daih ang che!" Muhìl tùrin ka duh, a damdàwi ei chuan hnà thawk vat vat se, a khawsik taksa sa vur hi dài thuai thuai se ka ti ber.
A nui leh, chutih rual chuan ka nghâwng a fâwp leh phawt a, tlêma inthlah dul deuhin a mu țha ta a.
Ka lo muhìl ve a ni chêk ang chu, ka mal kham lutuk avàngin ka harh, a mal rit zet khân min lo la khan a, a la harh lo a ni ang, ka mit meng siar siarin a mal chu dìm têin ka dah sawn hlek, chutah, a rawn tâl deuh, a harh ve a ni maithei.
"I harh tawh elo?"
A lo harh reng a nih chu.
"Ka mal a kham lutuk a."
"Ka lo hmehsak dâwn che em niang?"
"I zia tawh em?"
"I bulah hi chuan ka zia reng."
Inherin a chal chu ka kutin ka han dek a, a lo dai diai tawh. A chhâwk tawh a nih hi.
"Dâr eng zât nge-"
"A la hma, mu mai mai teh," tiin min kuah leh a.
"A lummm..."
Nilêngin khumah chuan kan awm, chhùnah thingpui kan in peih loh avàngin fridge-a a dah dhoi ka ei, ani erawh chuan a ei ve lo, ka phalsak tlat lo va.
"Maremite kha an innei dâwn asin," tiin a thuphungin ka hrilh ve a.
"An va duh hma ve!"
"Hma vak em ni? Hruaia kum 30 a chuang tawh a."
"A la upat loh chu."
"A nih, kum eng zât nge upa tâwk i tih a?"
"Kum 100."
Ka melh hrâwk tak nain min en lo va, awmzia a awm lo. A thutak loh êm avàngin thil dang daih ka zâwt.
"Zanriah khawiah nge i ei ang?"
"Hetah," tiin chal chuar deuh nângin min rawn melh a," Hostel-ah min sàwm ve i tum deuh em ni?" a ti leh a.
"Theih se chuan aw...a nih leh, tuin nge eirawng bâwl ang? I nute an awm si lo," ka ti leh a.
"Ka nghei mai ang."
A nghei mai ai chuan tiin a remti lo chung eirawng ka bàwlsak. A dam țha bawk si lo va, ka khawngaih a ni. In zau puiah amah chauhin damloin a awm a, a khawharthlâk dâwn êm mai.
"I inhmeh êm mai, ha haw mai la?"
A thawmhnaw ka hâksak a sawina a ni tih ka hriat chuan sei fê hian lei ka chhuah khum a.
"Kal mai teh!"
"Sexy bawk si!"
Ka en duh lawk lo va, a hnuah erawh rum deuh hian ka melh a, ani thung chuan a phone-in ka thla a lo la char char niin!
"Hey...sual suh aw."
"A changtunu a nih hi," tiin a nui suk.
Video-in a la ni zui. Ka hupsak vat,"Ti tawh lo teh, ka chhe si," ka ti a.
"Kan pahnihin la dùn ang."
Hostel ka thlen hnuah thlalâk min rawn thawn ve nual, a caption-ah chuan 'Sexy Kat' a rawn ti ngei! A thawmhnaw ka ha sexy min ti tlat kha a mak ngawt mai, ka chhiat teh lul nèn!
A tûk lama ka phone chuan a zia tawh tih thu min hrilh, workshop lamah a kal daih tawh bawk! He pa hi, nimin lawkah a damlo êm êm a, tunah lêm, hna a thawk leh daih tawh si, ka hre thiam lo ve.
Maremite innei tùr ngaihven leh buaipui tùr a awm ve țan avàngin kan buai chho ve ta deuh. A hun teptèr deuha buai chûk lo tùrin kan lo inhmakhua ve deuh. A thawmhnaw hâk tùr design leh pheikhawk lamte kan ngaihven țan a, kei pawhin ka kawr hâk tùr ka ngaihven ve,mawi tih chu ka ngah mai a; mahse, ka inhmeh ve tùr zâwng ka hmu lo.
Lehkha zir a ngai bawk, ka rilruah erawh a awm vang vang țhìn. Essa nèn kan inneihna tùr ni zâwk se, ka phûr àwm teh e, ka hlim ngawt ang!
Mahse, suangtuahna mai a ni.
*KAN TUM TIHLAWHTLING TÙRIN KAN KAL CHAK THEI LO A NIH PAWHIN MUANCHÂNGIN, HMANHMAWH LOVIN AW NI ANG, BEIDAWNSANTUTE ERAWH MI HLAWHTLING AN AWM NGAI LO*
Comments
Post a Comment