☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 30 By Dingdi Pachuau
May thla a lo thlen chuan kan exam țan ta, rilruin thil dang ngaihtuah lo se țha taka tih ka duh, ka zawh kum a ni tawh dâwn si a. Țha taka ka tih loh chuan Essa ka hmu hreh ang a, ka chhûngte leh kan khaw mite thlengin, Essa ka nei hi ka zirnain a tawrh phah ka duh lo.
Ani pawh a zia khawp mai, kan inhmuh leh kan inbiak lai pawhin rùi hmel leh rùi țawng ka hre khât ta, ka țawngțaina rah a niin ka hria. Ka theih tâwk hi chuan ka zilh ve a, amah thiam lo dawt lovin a țhat lohna hrang hrang chu ka hrilh ve sep sep țhìn, nghei thei se ka duh takmeuh. Ka duhin ka hmangaih tawh si a, ka chhûngte duh miah loh tùr chi a ni tlat hian hrehawm min tihtîr tlat țhin a ni.
Exam chhûng chuan kan inhmu khât; mahse, ei tùr pein min rawn kan zawk zawk, a awm rei ngai lo. A dàn ngai tê 'Damlo hauh suh ang che' tih bâk a sawi vak chuang lo. Min ngaihtuah ve viau tho tih ka hria a, ka làwm tâwk a tling êm êm tho.
Exam kan zawhah ka haw nghál thei lo, Maremite inneihnaah ka awm tlang nghâl dâwn. Kei a țhiannu tùr ber han haw leh rih chu a fuh vak dâwn lo a ni. Hostel-ah erawh ka awm an phal tlat lo, Maremite inah ka insawn chho, zànahte chhuah a ngai thut maithei a, hostel ațang chuan a buaithlâk an ti.
An chhûngte hmun danga mite pawh an rawn kal ţan, chêtpui an ngaih thulhah an ti. Hruaia a lo lang zing, kan chhuak tlâng a, zàn lama a lo lan loh pawhin phone-ah tal a rawn be ziah. An awm dàn tê chu a nawm hmel reuh ka ti, an induh tawn viau bawk si a, an innei thuai mai tùr chu ka lawmpui hle a ni.
Essa pawh a rawn lang ve; mahse, mi in a nih vàngin a duh angin a awm thei lo va, nuam a ti fahran lo tih ka hre thei. Room-a awmpui daih chi a ni hauh si lo, a haw hnuah min rawn text a.
*Mipa awm ve kha tu nge?*
Tu nge? E, Maremi cousin, Mamit lam ațanga rawn chho a awm tak.
*Maremi cousin* tiin ka chhâng a.
*A en duh mah mah che*
*Keiin ka en ngai lo thung* A dik alawm, ka melh ngai lo. Bialpa ka nei tawh a, mipa dang ka melh a ngai tawh lo.
*In kawr hâk tùr peih fel a ni tawh em?* a rawn ti ta daih a.
Ka kawr hâk tùr mitthla rauh rauh pah chuan ka chhâng a.
*Aw, a mawi reuh lutuk asin!*
*Ka mitthla thiam mai che😀*
A mitthla thiam lo ang, ka hâk tùr rawng pawh a hre tawp nâng.
*I mitthla nèn chuan kan inang lo mai ang ah...*
*******
Chhùn dâr 12-ah hunserh hman a ni. Dâr 11-ah chuan min chei peih fel vek tawh! Min chei zo dârthlalanga ka inen chuan ka inhai lek lek, keimah kha ka ang lo, mi dang ka ang. Makeup min hnawih nasa ka ti; mahse, ka mawi êm êm ka ti tho.
Inkhâwm chhûng zawngin tirilah ka khùr, biak in chhûngah chuan mi an țhu țeuh tih hre mah ila, tu mah ka hmu lo, ka zâm lutuk a! Maremi pawh a zâm ve tho; mahse, ani hi chu a zâm tih hi a hmelah a lang ve ngai lo, hei tak hi ka awt țhìn.
Pâwna kan chhuah hnuah chiah thâwk pângngaiin ka thaw thei. Ka thaw hawk hawk, ka mit ka lèn kual, Essa ka zawng deuh, a lo kal ngei ka ring ve asin; mahse, mi an tam lutuk a, hmuh a har ngawt ang.
Mo, moneitu leh a țhiante lawmpuina chibai min rawn bûk lai chuan an hmêlah ka lo en hlawm, Essa pawh a rawn kal chuan min rawn chibai ve ngei ka ring, ka lo nuih sâng ve hlawm tawh, ka tûm hmuk tawh bîk lo ve.
Sangzuala'n min rawn chibai ve nawlh!
"Kei chu mo țhian hi chhe lo ka ti!" tiin min fiam pah a, a fiamthu tih ka hriat avàngin ka lo nui ve mai.
"Hmuh che ka lo inring miah lo!"
"Mipa lam ka nia!"
Chuti, Essa pawh a lo lang ngei ang, cousin an ni alawm, bâkah, ka sàwm ve nasat êm kha. A lo lan loh chuan ka titau nasa ngawt ang!
"Thla lâkpui che ka duh a nia, chhe lo khat tlat bawk si," a tih chuan," Kal mai teh!" ner khum nâng hian ka ti a.
Ka hma záwnah tak Essa hmel ka hmu thut chu, ka ner tàwp nghâl riai riai. Min lo en reng tawh a niang, nui hmel a pu hauh lo.
Min chibaitute pawh chu ka en vek hman tawh lo, Essa chu ka melh leh rih ţhìn, a inthuamna mawlh chu a inhmeh leh pek! Rawng dum leh tho; mahse, a inhmeh ngawih ngawih, rawng dum hi a tâna siam ni àwma mawi a ni! A chêt sawn loh dànah min rawn chibai ve a tum loh hmel riau mai, a thin a rim em ni le? Sangzela nèn kan inbiak vàng khân maw?
Ka hawi phei leh a, ka va nuih sak; mahse, a nui chuang lo. Mit khap lêk lovin min la en reng, a thin a rim leh chiang tih ka hria.
A nâwlpuiin min chibai zawh hnu lam deuhah nula pakhat chhe lo zet, mit hnawih dum zet leh hmui sen nalh zet nèn min rawn pan ve ta. Chu nu chu ka en deuh reng, a pawnfèn mar zet chuan a mawng vâwng laih mai chu tilang chiang kher mai, a khal mawi hle a ni, ngo pawh a ngo, a rawn kal rualpui a ni ngei ngei ang. Ngawi teh, he nu hi ka hmu tawh, vawi hnih vawi thum vêl lai ka hmu tawh, a bialnu hlui a nih ngei ka ring. Essa kut dinglam ka hmu thei lo, chu nu hnungah chuan a rawn dawm phei a ni ngei ngei ang, chu nu chuan eng emaw sawiin a nui deuh sak zui.
Min thîktîr a tum em ni zâwk? A tum a nih hlauh chuan a hlawhtling chiang viau ang chu! Tunah pawh a hlawhtling dèr tawh.
"Ka lawmpui lutuk che u," ti supin Maremi chu a chibai a, ka bul a lo thlen ve chuan min en vung vung phawt a, chutah," Semi-final!" a ti ta sup a.
A sawi awmzia chu ka man lawk lo va, hre thiam lo zetin ka lo en ringawt!
"Final a thleng har bîk lo tùrah ngai ang," Maremi'n nui sêng chunga a lo tih tâkah chuan ka man thiam ve ta chiah, thîknaa khat chungin ka sen deuh tàn tánin ka ring.
Thla kan la a, Essa leh a kalpuinu pawh kan bul hnaihah an awm reng. Ka mitsîrin ka hmu thei vek, thlalák lamah chuan ka rilru a awm hlawl lo.
Mo leh moneitu, a țhiante tel lova thla an lâkpui duh avàngin kan kal sawn rih a, chu veleh chuan rang mangkhèngin Essa chuan min rawn hnaih nghál vat!
"Final a nghahhlelhawm!"
Ka en duh lo lui ve tlat. Hmeichhia a rawn kalpui kher a...ka hmuh lai ngeiin a hnungah a dawmsak bawk.
"Mo aiin i mawi zâwk."
Ka chhàn hmain min rawn ko, ka pan phei vat, mi dang dangin keini an țhiante pahnih tel ve ngeiin thla an la leh duh tawh a lo nia, ka han nui lui leh sâng a.
Sangzuala pawh a rawn kal leh ta, thla chu kan zavaiin kan la leh a, mo leh moneitu a lâkpui hnuah keimah min lâkpui a duh leh.
"Thla ka lâksak nual che, i duh chuan ka rawn send ve ang che."
Duh chiang e.
"Aw le, a vaiin aw?" Essa runluih nãn ka be lui ve pakhat. Ani pawhin nula dang a be ve tho alawm.
"Ka phal vek lo maithei a ni," nui chung hian a ti a.
"In zawh tawh chuan mi dang tân hmun kian rawh!"
Essa a ni, a țawng ring lo, a mit chuan Sangzuala chauh chu a en, a thinrim a nih chuan a insûm ve viau a niang.
Essa chu a en lêt ve phawt a, seconds sawmhnih dâwn hnuah chuan," A nih, ka rawn thawn țeuh ang che aw," tia min rawn enin a nui sak, a kal sawn ta nghâl bawk.
"Rawn lang ve miah lo ila i ti rilru ngawtin ka ring!"
A thil sawi duh dàn hi chu aw... Thiam loh min han chantîr nghãl ringawt a nia.
"I ring sual a nih chu."
"Thla la ang."
Ka kâwngah fet zet hian min kuah a, mi dang erawh chuan min hmu kher lo ang.
"Min thlah teh, mi sawi sep nih ka duh hauh lo ania," zàwi deuh sap, a hriat theih tâwk tùra zàwi hian ka ti a.
"Tu mahin min hmu lo."
Thla chu kan la dùn a, phone maia lâk duh tâwk lo chuan cameraman pakhat chu a ko nghe nghe a, mi hmuh lai chuan ka nui sâng a.
A hnuah erawh chuan zàwi deuh sap hian," Kal tawh rawh, i rawn hruainu kha a hawihai lutuk palh ang!" ka ti a.
"A ngaihtuahawm loh!"
"In inhmeh-"
"Kan pahnih zâwk hian le."
A dang duh miah lo, sawi tùr min tihre lo hial zâwk a ni. A pângngai viau hi chuan min tidang deuh ziah bawk, mak ka ti zâwk a ni.
*******
Ka haw tùr Essa'n min chhuahpui a, eng eng emaw lei tùr ka nei ve a, ka chawlh rei tawh dâwn avàngin Aizâwlah ka phei thei lawk tawh lo ang, awm dun hun kan ngah viau tawh lo a ni.
Kan hmanhmawh lêm lo va, muangchângin ka lei tùr chu kan en kual a, ani pawhin dawhthei takin min lo nghâk ve zêl.
"Ess..?"
Chu nu chu Maremite inneihnaa a lo kalpui ngei kha a ni. Ka lo en țha duh vak lo va, Essa erawhin a lo en vat.
"Kan inbe lawk thei ang em?"
"Sawi tùr ka neih àwm ka hre lo!" Mak tiin ka lo meng phar âk, chu nu chu ni ta ila hrehawm ka ti ngawt ang!
"A nih, khawngaihin, ka be lawk thei che ang em?" a ti leh.
"Eng thil nge ni ta?"
"Helaiah ni lo hian ka sawi thei ang em? A pawimawh a nia," tiin min rawn en a,"Min lo hre thiam lawk rawh aw?" tiin min ngèn a.
"Tehrêng mai, inbe r'u."
"Min lo nghâk rawh aw, ka rei lo ang," a ti sup a, an kal kiang ta a.
Ka thaw huai. Eng thil tak sawi ang maw? A pawimawh viau ang em le? An ìnkârah hian eng emaw chu a awm tawh țhìn chiang alawm. Tunah pawh hian a la awm reng a ni mai lo maw?
Thil zawrh ka en kual leh dan dan a, ka thil ngaihtuah lai chu ngaihtuah loh ka duh, thil pawimawh sawiin an inhmu lawk a ni ve mai, ngaihţhat hrâm hrâm ka tum tùr a ni.
"Zopui, nangmah chauhin maw?!! Yess..."
Sangzuala ka hmu thut, ka la phu zawk zui! A lo nui sãng mai.
"Eng nge i tih ve a?" ka ti hâw a.
"Ka thil chah ka lam lawk a."
Ka bulah chuan a awm ve ta rih. Essa nghah rih a ngai bawk nèn, ka thil zawn chu min zawnpui a, eng eng emaw a sawi pah a, kan nui hak hak a.
"Khawi maw, che lo lawk teh."
Hlauthâwng zet hian ka melh chho vat a, ani chuan min rawn hnaih sauh hian," A hlauhawm loh," ti sapin ka beksama thil kai ni àwm tak chu a kutin a la dà dá a.
"Eng thil mah-"
"I kut kha la sawn nghâl rawh!"
*HMANGAIHNA HI A HLÛIN A ROPUI ÊM ÊM A; MAHSE, A HLUTNA LEH A ROPUINA CHU INHMANGAIH TAWNNAAH CHAUH A FAMKIM ȚHÌN*
May thla a lo thlen chuan kan exam țan ta, rilruin thil dang ngaihtuah lo se țha taka tih ka duh, ka zawh kum a ni tawh dâwn si a. Țha taka ka tih loh chuan Essa ka hmu hreh ang a, ka chhûngte leh kan khaw mite thlengin, Essa ka nei hi ka zirnain a tawrh phah ka duh lo.
Ani pawh a zia khawp mai, kan inhmuh leh kan inbiak lai pawhin rùi hmel leh rùi țawng ka hre khât ta, ka țawngțaina rah a niin ka hria. Ka theih tâwk hi chuan ka zilh ve a, amah thiam lo dawt lovin a țhat lohna hrang hrang chu ka hrilh ve sep sep țhìn, nghei thei se ka duh takmeuh. Ka duhin ka hmangaih tawh si a, ka chhûngte duh miah loh tùr chi a ni tlat hian hrehawm min tihtîr tlat țhin a ni.
Exam chhûng chuan kan inhmu khât; mahse, ei tùr pein min rawn kan zawk zawk, a awm rei ngai lo. A dàn ngai tê 'Damlo hauh suh ang che' tih bâk a sawi vak chuang lo. Min ngaihtuah ve viau tho tih ka hria a, ka làwm tâwk a tling êm êm tho.
Exam kan zawhah ka haw nghál thei lo, Maremite inneihnaah ka awm tlang nghâl dâwn. Kei a țhiannu tùr ber han haw leh rih chu a fuh vak dâwn lo a ni. Hostel-ah erawh ka awm an phal tlat lo, Maremite inah ka insawn chho, zànahte chhuah a ngai thut maithei a, hostel ațang chuan a buaithlâk an ti.
An chhûngte hmun danga mite pawh an rawn kal ţan, chêtpui an ngaih thulhah an ti. Hruaia a lo lang zing, kan chhuak tlâng a, zàn lama a lo lan loh pawhin phone-ah tal a rawn be ziah. An awm dàn tê chu a nawm hmel reuh ka ti, an induh tawn viau bawk si a, an innei thuai mai tùr chu ka lawmpui hle a ni.
Essa pawh a rawn lang ve; mahse, mi in a nih vàngin a duh angin a awm thei lo va, nuam a ti fahran lo tih ka hre thei. Room-a awmpui daih chi a ni hauh si lo, a haw hnuah min rawn text a.
*Mipa awm ve kha tu nge?*
Tu nge? E, Maremi cousin, Mamit lam ațanga rawn chho a awm tak.
*Maremi cousin* tiin ka chhâng a.
*A en duh mah mah che*
*Keiin ka en ngai lo thung* A dik alawm, ka melh ngai lo. Bialpa ka nei tawh a, mipa dang ka melh a ngai tawh lo.
*In kawr hâk tùr peih fel a ni tawh em?* a rawn ti ta daih a.
Ka kawr hâk tùr mitthla rauh rauh pah chuan ka chhâng a.
*Aw, a mawi reuh lutuk asin!*
*Ka mitthla thiam mai che😀*
A mitthla thiam lo ang, ka hâk tùr rawng pawh a hre tawp nâng.
*I mitthla nèn chuan kan inang lo mai ang ah...*
*******
Chhùn dâr 12-ah hunserh hman a ni. Dâr 11-ah chuan min chei peih fel vek tawh! Min chei zo dârthlalanga ka inen chuan ka inhai lek lek, keimah kha ka ang lo, mi dang ka ang. Makeup min hnawih nasa ka ti; mahse, ka mawi êm êm ka ti tho.
Inkhâwm chhûng zawngin tirilah ka khùr, biak in chhûngah chuan mi an țhu țeuh tih hre mah ila, tu mah ka hmu lo, ka zâm lutuk a! Maremi pawh a zâm ve tho; mahse, ani hi chu a zâm tih hi a hmelah a lang ve ngai lo, hei tak hi ka awt țhìn.
Pâwna kan chhuah hnuah chiah thâwk pângngaiin ka thaw thei. Ka thaw hawk hawk, ka mit ka lèn kual, Essa ka zawng deuh, a lo kal ngei ka ring ve asin; mahse, mi an tam lutuk a, hmuh a har ngawt ang.
Mo, moneitu leh a țhiante lawmpuina chibai min rawn bûk lai chuan an hmêlah ka lo en hlawm, Essa pawh a rawn kal chuan min rawn chibai ve ngei ka ring, ka lo nuih sâng ve hlawm tawh, ka tûm hmuk tawh bîk lo ve.
Sangzuala'n min rawn chibai ve nawlh!
"Kei chu mo țhian hi chhe lo ka ti!" tiin min fiam pah a, a fiamthu tih ka hriat avàngin ka lo nui ve mai.
"Hmuh che ka lo inring miah lo!"
"Mipa lam ka nia!"
Chuti, Essa pawh a lo lang ngei ang, cousin an ni alawm, bâkah, ka sàwm ve nasat êm kha. A lo lan loh chuan ka titau nasa ngawt ang!
"Thla lâkpui che ka duh a nia, chhe lo khat tlat bawk si," a tih chuan," Kal mai teh!" ner khum nâng hian ka ti a.
Ka hma záwnah tak Essa hmel ka hmu thut chu, ka ner tàwp nghâl riai riai. Min lo en reng tawh a niang, nui hmel a pu hauh lo.
Min chibaitute pawh chu ka en vek hman tawh lo, Essa chu ka melh leh rih ţhìn, a inthuamna mawlh chu a inhmeh leh pek! Rawng dum leh tho; mahse, a inhmeh ngawih ngawih, rawng dum hi a tâna siam ni àwma mawi a ni! A chêt sawn loh dànah min rawn chibai ve a tum loh hmel riau mai, a thin a rim em ni le? Sangzela nèn kan inbiak vàng khân maw?
Ka hawi phei leh a, ka va nuih sak; mahse, a nui chuang lo. Mit khap lêk lovin min la en reng, a thin a rim leh chiang tih ka hria.
A nâwlpuiin min chibai zawh hnu lam deuhah nula pakhat chhe lo zet, mit hnawih dum zet leh hmui sen nalh zet nèn min rawn pan ve ta. Chu nu chu ka en deuh reng, a pawnfèn mar zet chuan a mawng vâwng laih mai chu tilang chiang kher mai, a khal mawi hle a ni, ngo pawh a ngo, a rawn kal rualpui a ni ngei ngei ang. Ngawi teh, he nu hi ka hmu tawh, vawi hnih vawi thum vêl lai ka hmu tawh, a bialnu hlui a nih ngei ka ring. Essa kut dinglam ka hmu thei lo, chu nu hnungah chuan a rawn dawm phei a ni ngei ngei ang, chu nu chuan eng emaw sawiin a nui deuh sak zui.
Min thîktîr a tum em ni zâwk? A tum a nih hlauh chuan a hlawhtling chiang viau ang chu! Tunah pawh a hlawhtling dèr tawh.
"Ka lawmpui lutuk che u," ti supin Maremi chu a chibai a, ka bul a lo thlen ve chuan min en vung vung phawt a, chutah," Semi-final!" a ti ta sup a.
A sawi awmzia chu ka man lawk lo va, hre thiam lo zetin ka lo en ringawt!
"Final a thleng har bîk lo tùrah ngai ang," Maremi'n nui sêng chunga a lo tih tâkah chuan ka man thiam ve ta chiah, thîknaa khat chungin ka sen deuh tàn tánin ka ring.
Thla kan la a, Essa leh a kalpuinu pawh kan bul hnaihah an awm reng. Ka mitsîrin ka hmu thei vek, thlalák lamah chuan ka rilru a awm hlawl lo.
Mo leh moneitu, a țhiante tel lova thla an lâkpui duh avàngin kan kal sawn rih a, chu veleh chuan rang mangkhèngin Essa chuan min rawn hnaih nghál vat!
"Final a nghahhlelhawm!"
Ka en duh lo lui ve tlat. Hmeichhia a rawn kalpui kher a...ka hmuh lai ngeiin a hnungah a dawmsak bawk.
"Mo aiin i mawi zâwk."
Ka chhàn hmain min rawn ko, ka pan phei vat, mi dang dangin keini an țhiante pahnih tel ve ngeiin thla an la leh duh tawh a lo nia, ka han nui lui leh sâng a.
Sangzuala pawh a rawn kal leh ta, thla chu kan zavaiin kan la leh a, mo leh moneitu a lâkpui hnuah keimah min lâkpui a duh leh.
"Thla ka lâksak nual che, i duh chuan ka rawn send ve ang che."
Duh chiang e.
"Aw le, a vaiin aw?" Essa runluih nãn ka be lui ve pakhat. Ani pawhin nula dang a be ve tho alawm.
"Ka phal vek lo maithei a ni," nui chung hian a ti a.
"In zawh tawh chuan mi dang tân hmun kian rawh!"
Essa a ni, a țawng ring lo, a mit chuan Sangzuala chauh chu a en, a thinrim a nih chuan a insûm ve viau a niang.
Essa chu a en lêt ve phawt a, seconds sawmhnih dâwn hnuah chuan," A nih, ka rawn thawn țeuh ang che aw," tia min rawn enin a nui sak, a kal sawn ta nghâl bawk.
"Rawn lang ve miah lo ila i ti rilru ngawtin ka ring!"
A thil sawi duh dàn hi chu aw... Thiam loh min han chantîr nghãl ringawt a nia.
"I ring sual a nih chu."
"Thla la ang."
Ka kâwngah fet zet hian min kuah a, mi dang erawh chuan min hmu kher lo ang.
"Min thlah teh, mi sawi sep nih ka duh hauh lo ania," zàwi deuh sap, a hriat theih tâwk tùra zàwi hian ka ti a.
"Tu mahin min hmu lo."
Thla chu kan la dùn a, phone maia lâk duh tâwk lo chuan cameraman pakhat chu a ko nghe nghe a, mi hmuh lai chuan ka nui sâng a.
A hnuah erawh chuan zàwi deuh sap hian," Kal tawh rawh, i rawn hruainu kha a hawihai lutuk palh ang!" ka ti a.
"A ngaihtuahawm loh!"
"In inhmeh-"
"Kan pahnih zâwk hian le."
A dang duh miah lo, sawi tùr min tihre lo hial zâwk a ni. A pângngai viau hi chuan min tidang deuh ziah bawk, mak ka ti zâwk a ni.
*******
Ka haw tùr Essa'n min chhuahpui a, eng eng emaw lei tùr ka nei ve a, ka chawlh rei tawh dâwn avàngin Aizâwlah ka phei thei lawk tawh lo ang, awm dun hun kan ngah viau tawh lo a ni.
Kan hmanhmawh lêm lo va, muangchângin ka lei tùr chu kan en kual a, ani pawhin dawhthei takin min lo nghâk ve zêl.
"Ess..?"
Chu nu chu Maremite inneihnaa a lo kalpui ngei kha a ni. Ka lo en țha duh vak lo va, Essa erawhin a lo en vat.
"Kan inbe lawk thei ang em?"
"Sawi tùr ka neih àwm ka hre lo!" Mak tiin ka lo meng phar âk, chu nu chu ni ta ila hrehawm ka ti ngawt ang!
"A nih, khawngaihin, ka be lawk thei che ang em?" a ti leh.
"Eng thil nge ni ta?"
"Helaiah ni lo hian ka sawi thei ang em? A pawimawh a nia," tiin min rawn en a,"Min lo hre thiam lawk rawh aw?" tiin min ngèn a.
"Tehrêng mai, inbe r'u."
"Min lo nghâk rawh aw, ka rei lo ang," a ti sup a, an kal kiang ta a.
Ka thaw huai. Eng thil tak sawi ang maw? A pawimawh viau ang em le? An ìnkârah hian eng emaw chu a awm tawh țhìn chiang alawm. Tunah pawh hian a la awm reng a ni mai lo maw?
Thil zawrh ka en kual leh dan dan a, ka thil ngaihtuah lai chu ngaihtuah loh ka duh, thil pawimawh sawiin an inhmu lawk a ni ve mai, ngaihţhat hrâm hrâm ka tum tùr a ni.
"Zopui, nangmah chauhin maw?!! Yess..."
Sangzuala ka hmu thut, ka la phu zawk zui! A lo nui sãng mai.
"Eng nge i tih ve a?" ka ti hâw a.
"Ka thil chah ka lam lawk a."
Ka bulah chuan a awm ve ta rih. Essa nghah rih a ngai bawk nèn, ka thil zawn chu min zawnpui a, eng eng emaw a sawi pah a, kan nui hak hak a.
"Khawi maw, che lo lawk teh."
Hlauthâwng zet hian ka melh chho vat a, ani chuan min rawn hnaih sauh hian," A hlauhawm loh," ti sapin ka beksama thil kai ni àwm tak chu a kutin a la dà dá a.
"Eng thil mah-"
"I kut kha la sawn nghâl rawh!"
*HMANGAIHNA HI A HLÛIN A ROPUI ÊM ÊM A; MAHSE, A HLUTNA LEH A ROPUINA CHU INHMANGAIH TAWNNAAH CHAUH A FAMKIM ȚHÌN*
Comments
Post a Comment