☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 31 By Dingdi Pachuau
Kan hawi chhuak nghâl vat. Essa, thinrim hmel zeta Sangzuala melh khuitu ka hmu nghâl, bâkah, dàwr neitute an rawn tang nghâl hrâ bawk.
Insual peih nghâl at a ni tih ka hriat ràn avàngin buaina thui zâwk a thlen loh nân Essa chu ka hnaih ta nghâl vat a.
"Inbengdai teh," zawi sap hian ka ti a, a kutah ka dawmsak pah bawk a.
"Eng thil nge a lo tih kha?"
"Ka samah eng emaw a kai palh a," tiin a kut chu ka chûl a, ka ngenna chu hre thiam se ka ti tak zet.
"I hriat kher a ngai lo ang!"
Mak ti zetin Sangzuala lam chu ka en vat, Essa pawh a che nghâl, Sangzuala chu chhuatah a thal tawp mai!
"I kut hmâwr pawhin lo dek tawh suh."
"Nula dang hnênah i kalsan a ni lo'm ni? I bialnu a nih chuan amah chauhin kalsan mah ta che-"
A ri leh nghâl zat, kei chu ka ding zum tawp! Ka thil hmuh chuan min tithlabâr lutuk a ni!
Mi dangin an rawn chelh bet ta, Essa chu a tâl nasa khawp mai, a hmelah chuan a thinrimzia chu a hriat theih hle bawk.
Ka khawng vekin ka hria! Thil thleng chu a mak ka ti, thâwm a reh tâk deuh hnuah chauh chuan ka rilru a pângngai ta deuh, ka hawi kual a, ka zak ta ngawih ngawih.
Ka bag ka la lawk a, dàwr neitute chu enin thil thleng vàngin thupha ka chàwi sap hnuah chak zetin dawr ațang chuan ka chhuak, ka tlân titih.
Nula vàngin min kalsan a, ka țhian min lo betu chu a hnek leh, buaina pumpelh ve reng theihah pawh insùm a tum ngai lo. A thin a rim tih ka hria; mahse, hmel hriat loh dàwrah lehnghâl, a chhia leh țha hriatna ațang pawhin insûm ve tùr chu a ni.
Kalna tùr ka hre lo, tunah tak hi chuan mahni chauha awm ka duh ber. Tuna ka thinlung rih dàn hi chu, sawi chhuaha zâng thei a ni rih lo.
Ka tei kual ka tei kual, kalna tùr ka hre tlat lo a ni. Vawi khat chu motor-in min su țêp, motor kawngah ka kal tih ka lo theihnghilh a!
Ka phone a ri âwl lo; mahse, ka chhâng lo. Tu mah ka be châk lo va, biak pawh ka duh hek lo. Tlaia haw pawh ka châk chuang lo, Maremi a awm tawh bawk si lo va, an fel lutuk tho nain a inthlahrunawm ka ti.
Zànah hma deuh takah ka mu, ka meng reng thung. Ka phone chu ka silent nain min rawn phone a tum nasa, ka chhâng chuang lo. Ka chungah a thinrimna tilang ve hran lo mah se a chêt dàn kha ka duh lo, mi kutthlâk a chìn hi a sim a ngai.
A thîkthu a chhia tih chu ka hria e. Kei pawh ka thîkthu a chhe ve tho, nula pakhat lakah min kalsan a, eng nge an sawi pawh ka hre lo, ka sawi buai hek lo. Kha pawh ka tuar hrâm hrâm, ka dawh ve hrâm hrâm, ka insûm ve a ni; mahse, tunah hi chuan thîkna ringawt a ni lo, a thil tih țhin hi simtîr ka duh.
Ka chhàn duh loh avàng chuan engtiang takin thinur ang maw? A phone chu a paih chhe êm lo chu a ni ang, hei min la rawn call thei tlat a. A room chhûnga bungrua leh a bula mite'n an tawrh loh hrâm ka beisei.
Zînga ka tho chu ka mit a kham ûrh mai. Nizàn khân thil ka ngaihtuah atalângin ka muhìl thei lo va, thawhhai ka hlau bawk nèn, ka muhìl ve sek chauh.
Kawng tluanin ka muhìl, ka duh dàn chiah a ni. Titi ka peih loh vàngin damdawi ka ei ringawt a, a thawk țha khawp mai.
Lunglei ka thlen pawhin ka la nguai bûr mai, rilru hlim loh nèn taksa a chau zual. Ka ute inah ka innghat leh phawt.
Zànah ka intleuh zawr zawr a, rei pawh țhu lovin ka mu daih. Phone chu ka melh zauh zauh, phone call lo kal avànga a êng țhìn chu ka hmu thei êm êm lehnghâl.
Ka ngaihtuah ta a, hetianga chhàn loh ringawt chuan awmzia a nei hauh lo. Thil awmziate sawiin a thil tih dik lo takte chu hriattîr ila, ani pawhin thil a hriat sual vànga khatiang thil kha thleng a ni tih a sawi duh pawh a ni maithei asin.
Ka chhâng ta hrâm.
"Hello" pawh ka ti buai peih lo, "Eng nge?" ring deuh hlekin ka ti, ka thinchhia a ni tih leh ka lung a awi lo a ni tih hre ve rawh se.
"Engati nge min hrilh loh?"
Eng chu nge ka hrilh loh? Engah nge thiam loh min chantîr nghâl ngawt a? A thiam lo zâwk a ni tih pawh a la hre chhuak lo em ni zâwk?
"Thu dik chu zawng chhuak rawh," ka ti lêt sak a, hre thiam tak ang maw?
"Ka hre tawh!"
"A nih chuan, i thiam lo let dêr tih i hre tawh ang chu tiraw?"
"Min dem maw?!! Kha pa ka hnek avàng khân maw? Ka hmuh leh hunah ka hnek leh ang."
"I thîkthu chhiatzia ka hria, kei pawh a chhe ve tho; mahse, ka insûm ţhìn. Nula dang nèn inbiak in duh pawhin țha takin ka kaltîr mai che, ka rilru a nat loh i ring bîk em ni?" Ka mittui a tling kal tawh mai, sawi zawmin," Kan inkâr a chhiat ka duh loh vàngin-"
Min rawn pawt chat ve ta thung.
"Kha pa kha i bialpa hlui a ni tih min hrilh la chuan țha deuhin ka kalsan vang vang ang che, i la duh reng a ni lo'm ni? Inphen nân kâwrah min hmang miah suh." A rawn vîn ta khawp mai.
Inphen nân kâwrah ka hmang hauh lo, a hre sual chiang a ni.
"I hre sual-"
"Ka hre sual lo, chu chu thu dik ngei a ni tih nang ngei pawhin i phâ thei lo ang," a rawn ti leh tàwn táwn a, a thin a rim tak zet tih a aw ațang chuan ka hria; mahse, kei pawh chutianga min puh avàng chuan ka thin a rim ve tho.
"Ka bialpa hlui ni e, a ni lo ka ti miah lo; mahse-"
"Kha maw, thu dik tak chu a lo nih kha. Lalpa leh! Min lo bum reng tihna a nia! S**t, Zothangpui, eng ang lekah nge min lo ngaih a? Ka laka i zêp tlat avàngin ka mit a lo del rei hle mai. Holy F**k!"
A țawngkamte chu leh, thin a rim tak zet a ni, a au țhawt țhawt tawh a, eng emaw tla keh ri chhuai rî ka la hre zui! Ka phu zawk.
Kan sawi fel hauh lo ang, engtin nge ka bialpa hlui a ni tih a lo hriat chhuah ni? Ho têa ka ngaih ațangin thil țha lo a lo chhuak dâwn tlat. Kan sawi fel maiin ka ring asin le!
Thâwk ka la tê tê phawt a, chutah,"Ess, i lakah ka zêp hran lo asin, ka tân a pawimawh tawh lo-" ka la țawng lai chuan,"A țha e, i duh ang takin awm rawh, mi danglam bîk niah ka lo ngai char char che a, nula ka hriat țhinte nèn in lo inang tho a lo nih hi. Mi kawp chîng, lei dawthei leh bumna a khat-"
Ka ngaithla duh tawh lo, râpthlâk ka ti lutuk! Ka khùr dawt dawt a, ka țang țùng mai. Țap chhuak lo tùr erawh chuan ka insûm fan fan, ka mittui erawh ka dang thei lo.
Khatiang țawngkam chhia kha chuan min puh ka ring ngai lo asin! A țawngkam chhe hman ka hre ngai si lo va, nâ ka ti tak zet a ni.
Min țhen tihna a nih kha.
Ni e, min țhenna thu chu a nih kha. Ka duh ang anga awm tùrin min ti a, thu tàwp a sawi a ni. A thin a rim lai takin keiin ka thinrimna ka lo tilang ve bawk a, thinrim leh thinrim intàwng chuan eng mah rah țha a chhuah thei ngai lo.
Zanin atân chuan ngaihtuahna nei miah lova muthilh vang vang ka va duh tak! Mahse, ka muhìl thei si lo.
Zîngah ka uin thil awmzia min zâwt a, ka mit a bui deuh lâk bawk nèn, ka hrilh thuak thuak chauh, zêp reng ka duh bîk tawh lo, rilru a tâwt êm mai.
Ka hrilh zawh chuan ka veng deuh hawk, a zia ka ti phian.
"A buaithlâk a nih chu tiraw? A thinrim êm rih a, a thinrim loh hunah a rawn be leh mai ang che; mahse, thil pakhat, i tih sual i hria em?"
Ka u chu enin," Aw, hria. Zu a in ve tih ka hria, chuti chung pawh chuan ka duh lui tlat, ka hmangaih tho si alawm," ka ti sap, ka mittui a lo hnai leh țan.
"Ka pain a duh lohzia kha i hre reng si a, a pawi tawh hnua i tawrh loh nân tuna hetia in awm pawh hi a țha zâwk maithei asin," a ti charh charh a.
Țha zâwk lo ang, rilru nat chu a țha zâwk thei lo. Nia, a, ka hre lo le, tunah tak hi chuan rilru pângngai ka la pu rih lo, ka la buai nuai.
Min rawn phone lo ang, min țhen tawh alawm. A țhen tawh hnu chu min rawn phone tawh lo tawp ang, ka bum angah a ngai bawk si, bumtu chu tu mahin kan duh ngai loh hi. Chutiang chu a laka ka dinhmun a ni.
Inah ka nu bula ka han awm leh thei chu ka rilru pawh a zia hawk mai. Ka uin ka chanchin chu a hrilh a nih ka ring, eng mah min zâwt lo nain min en leh vang vang țhìn a, min duat thar ta riauin ka hre bawk.
Maremi nèn kan inbe zêl nain Essa nèn kan chanchin chu ka hrilh lo, hlim taka hun an hman laia hlim lohna lam thu lo hrilh kha ka duh lo, hlim takin a pasal nèn honeymoon hun chu hmang se ka ti.
Ka lung a lèn zual chângin ka phone-a Essa nèn kan thlalâk leh video-te chu ka en țhìn. A rûkin ka țap leh vawng vawng a, a chângin kan thlalâkte chu hmu miah lovin ka en reng bawk a, hei hi ka chan tâwk chu a ni rih si a, ka tuar tlawk tlawk mai a ngai a ni.
Ka tidik chiah. Min rawn phone hauh lo. A luhlul ve tho a, a induh tâwkna chuan a laka bumtu mai ni tawh hi a rawn phone-tîr lo khawp ang, ani phei chuan min duh ve ringawt a, min hmangaih hauh hlei nem.
Sangzuala'n min rawn phone ve khiah mai. Dàwr chhûnga khatiang thil a thlen hnua min rawn biak lehna hmasa ber a ni. Chhàn loh ka tum zet a; mahse, 'êm a' ka ti leh deuh a, ka chhâng ta hrâm. Min rawn ngaihsaktu zâwk a ni sia, chhàn pawh a phû e.
"I haw tawh em?"
"Haw daih tawh e."
"I dam țha maw? Ka ngaihtuah deuh che a."
Hetiang hi Essa khân min lo zâwt ve zâwk ta se, ka hlim ngawt ang chu.
"Aw, dam, ka țha e. I dam záwk em? Engtikah nge Lungleiah i lo phei dâwn?" ka ti ve luam a.
"Niminah Lunglei ațangin ka phei leh chiah zâwk a, Next Saturday vêlah chauh a ni tawh ang."
Essa thil tihah khân ngaihdam ka dìl a ngai a ni, ka hreh deuh hlek nain Essa khân a hnênah hian ngaihdam a dîl àwm hauh si lo va, keimahin ka tih mai a ngai a ni.
Ka thaw deuh hak phawt a,chutah," Thil thleng vàng khân ngaihdam ka dîl e aw-" ka tih lai chuan," Ho lutuk! Ka lo theihnghilh daih tawh asin, hriat reng chi pawh a nih loh kha," a lo ti daih.
A theihnghilh hauh lo ang, ka ngaih țhat nân a ti mai mai a nih hi.
"A pawi ka ti tak tak a ni, keimah vàng chauh a ni lehnghâl a."
A rawn nui hak hak a," Nangmah vàng te chuan hnek mai ni lo vuak chawrh chawrh pawh ka tuar mai ta lawng," a ti phawt a, chutah, thu tak deuh zâwkin," Inthiam lo duh suh, theihnghilh daih tawh rawh, engah mah ka ngai tawh hlei nem," a ti leh a.
Mi fate tak hi chu aw, an fel thei bîk mang e!
Fùr hunpui a lo thleng leh tawh. Ruah a han sûr a, ruah sùr zawh hnua thing hnah leh hnim hnaha ruahtui châm bângte niin a han chhun tle sur mai a, chutah, ni a han liam dâwn a, khaw thiang zet chhûm rêng rêng lang bawk si lo, ni zungin ê g mawi tak maia thinghnah leh tlâng a han chhun raih mai hmuh chuan lung a tilêng ngawih ngawih a, Essa ngaihtuah loh ka tum pawhin ka ngaihtuah lo thei lo.
Eng nge a tih ve țhin ang? Workshop-ah khân a la thawk reng ang em? Nge a rui mai mai ang? A bialnu hlui nèn khân an inzui leh ngei ang a, min hrechang tawh lo ngawt ang. Kei lah chuan ngaihtuah chhuah loh nî ka nei ngai si lo.
Ka nu nèn kan loah kan kal a, chhùn chawlh laiin ruah a rawn sûr a, thlâmah kan chàwl reng. Kan chhuah chuan min nan huh vek dâwn si a, thlâm namthlâk ațang chuan kan piah lama lo hring dup zau duai mai chu ka thlîr a, ka lung a tileng thar viau mai. Essa ka ngaihtuah chhuak lo thei lo va; mahse, ka duh loh avàngin thil dang ka ngaihtuah vat.
Hlo thlo tùr kan ni a; mahse, ruah a sùr rei êm avàngin kan thlo lo, ka nu chuan," Tikhân lo awm rawh, chawhmeh hawn tùr ka'n la khâwm lawk ang a, kan haw daih dâwn nia," a ti a, a chhuak ta nghâl a.
Kawngah min nan huh tho. Thlen veleh ka inbual nghâl, ina lo awmte'n eirawng an lo bàwl avàngin tih tùr a awm lo va, room-ah ka phone ka khawih mai mai.
Missed call 2 a lo awm, Maremi hnên ațangin. A message a lo awm bawk.
Message chu ka en vat a.
*Hei hi eng nge a awmzia?*
Thlalâk a rawn thawn tel bawk a, ka download a, ka han en chuan ka thin a phu nghâl dup dup.
A ni tak tak ang em?!! Thil ni lo pui ani hian min rawn thawn lo tawp ang, hei pawh hi a phone-a a lâksak a nih ngei ka ring. Kan pahniha chanchin kha ka hrilh miah si lo va, a hre thiam lo ngawt ang!
Phone chu ka hup ta vat, ka thin zâwn na ngut ngut chu ka țhâm tâwk a, ka mita ka thil hmuh kha ka âwih ang em? Ka âwih thei ang em? Ni lo, hetiang hian min den ka la ring hauh lo asin, min hrechang tawh lo a ni maithei; mahse, hei êm chu thleng tùrin ka la dah phal lo asin.
Beiseina chhe tê ka lo la nei a ni ngei ang.
Ka mittui chu dan rual lohin a rawn tla zawih zawih a, țah chhuah loh erawh ka la tum fan. Ka âwm ka sêp dâwrh dâwrh a, ka thin zâwn na lutuk vàng chu a ni ngei ang ka mittui hetianga a tlâk zawih zawih theih ni.
Ka keh chhe zo vek ta a nih hi.
Essa leh Maremite inneihnia a rawn kalpuinu ngei mai kha, kha nu nèna chiang zeta an infâwp lai a ni.
*THIL RÊNG RÊNG HI, A THEIH LOH TIH KAN HRIAT CHIAN HMA CHUAN A TIH THEIH VEK A NI*
Kan hawi chhuak nghâl vat. Essa, thinrim hmel zeta Sangzuala melh khuitu ka hmu nghâl, bâkah, dàwr neitute an rawn tang nghâl hrâ bawk.
Insual peih nghâl at a ni tih ka hriat ràn avàngin buaina thui zâwk a thlen loh nân Essa chu ka hnaih ta nghâl vat a.
"Inbengdai teh," zawi sap hian ka ti a, a kutah ka dawmsak pah bawk a.
"Eng thil nge a lo tih kha?"
"Ka samah eng emaw a kai palh a," tiin a kut chu ka chûl a, ka ngenna chu hre thiam se ka ti tak zet.
"I hriat kher a ngai lo ang!"
Mak ti zetin Sangzuala lam chu ka en vat, Essa pawh a che nghâl, Sangzuala chu chhuatah a thal tawp mai!
"I kut hmâwr pawhin lo dek tawh suh."
"Nula dang hnênah i kalsan a ni lo'm ni? I bialnu a nih chuan amah chauhin kalsan mah ta che-"
A ri leh nghâl zat, kei chu ka ding zum tawp! Ka thil hmuh chuan min tithlabâr lutuk a ni!
Mi dangin an rawn chelh bet ta, Essa chu a tâl nasa khawp mai, a hmelah chuan a thinrimzia chu a hriat theih hle bawk.
Ka khawng vekin ka hria! Thil thleng chu a mak ka ti, thâwm a reh tâk deuh hnuah chauh chuan ka rilru a pângngai ta deuh, ka hawi kual a, ka zak ta ngawih ngawih.
Ka bag ka la lawk a, dàwr neitute chu enin thil thleng vàngin thupha ka chàwi sap hnuah chak zetin dawr ațang chuan ka chhuak, ka tlân titih.
Nula vàngin min kalsan a, ka țhian min lo betu chu a hnek leh, buaina pumpelh ve reng theihah pawh insùm a tum ngai lo. A thin a rim tih ka hria; mahse, hmel hriat loh dàwrah lehnghâl, a chhia leh țha hriatna ațang pawhin insûm ve tùr chu a ni.
Kalna tùr ka hre lo, tunah tak hi chuan mahni chauha awm ka duh ber. Tuna ka thinlung rih dàn hi chu, sawi chhuaha zâng thei a ni rih lo.
Ka tei kual ka tei kual, kalna tùr ka hre tlat lo a ni. Vawi khat chu motor-in min su țêp, motor kawngah ka kal tih ka lo theihnghilh a!
Ka phone a ri âwl lo; mahse, ka chhâng lo. Tu mah ka be châk lo va, biak pawh ka duh hek lo. Tlaia haw pawh ka châk chuang lo, Maremi a awm tawh bawk si lo va, an fel lutuk tho nain a inthlahrunawm ka ti.
Zànah hma deuh takah ka mu, ka meng reng thung. Ka phone chu ka silent nain min rawn phone a tum nasa, ka chhâng chuang lo. Ka chungah a thinrimna tilang ve hran lo mah se a chêt dàn kha ka duh lo, mi kutthlâk a chìn hi a sim a ngai.
A thîkthu a chhia tih chu ka hria e. Kei pawh ka thîkthu a chhe ve tho, nula pakhat lakah min kalsan a, eng nge an sawi pawh ka hre lo, ka sawi buai hek lo. Kha pawh ka tuar hrâm hrâm, ka dawh ve hrâm hrâm, ka insûm ve a ni; mahse, tunah hi chuan thîkna ringawt a ni lo, a thil tih țhin hi simtîr ka duh.
Ka chhàn duh loh avàng chuan engtiang takin thinur ang maw? A phone chu a paih chhe êm lo chu a ni ang, hei min la rawn call thei tlat a. A room chhûnga bungrua leh a bula mite'n an tawrh loh hrâm ka beisei.
Zînga ka tho chu ka mit a kham ûrh mai. Nizàn khân thil ka ngaihtuah atalângin ka muhìl thei lo va, thawhhai ka hlau bawk nèn, ka muhìl ve sek chauh.
Kawng tluanin ka muhìl, ka duh dàn chiah a ni. Titi ka peih loh vàngin damdawi ka ei ringawt a, a thawk țha khawp mai.
Lunglei ka thlen pawhin ka la nguai bûr mai, rilru hlim loh nèn taksa a chau zual. Ka ute inah ka innghat leh phawt.
Zànah ka intleuh zawr zawr a, rei pawh țhu lovin ka mu daih. Phone chu ka melh zauh zauh, phone call lo kal avànga a êng țhìn chu ka hmu thei êm êm lehnghâl.
Ka ngaihtuah ta a, hetianga chhàn loh ringawt chuan awmzia a nei hauh lo. Thil awmziate sawiin a thil tih dik lo takte chu hriattîr ila, ani pawhin thil a hriat sual vànga khatiang thil kha thleng a ni tih a sawi duh pawh a ni maithei asin.
Ka chhâng ta hrâm.
"Hello" pawh ka ti buai peih lo, "Eng nge?" ring deuh hlekin ka ti, ka thinchhia a ni tih leh ka lung a awi lo a ni tih hre ve rawh se.
"Engati nge min hrilh loh?"
Eng chu nge ka hrilh loh? Engah nge thiam loh min chantîr nghâl ngawt a? A thiam lo zâwk a ni tih pawh a la hre chhuak lo em ni zâwk?
"Thu dik chu zawng chhuak rawh," ka ti lêt sak a, hre thiam tak ang maw?
"Ka hre tawh!"
"A nih chuan, i thiam lo let dêr tih i hre tawh ang chu tiraw?"
"Min dem maw?!! Kha pa ka hnek avàng khân maw? Ka hmuh leh hunah ka hnek leh ang."
"I thîkthu chhiatzia ka hria, kei pawh a chhe ve tho; mahse, ka insûm ţhìn. Nula dang nèn inbiak in duh pawhin țha takin ka kaltîr mai che, ka rilru a nat loh i ring bîk em ni?" Ka mittui a tling kal tawh mai, sawi zawmin," Kan inkâr a chhiat ka duh loh vàngin-"
Min rawn pawt chat ve ta thung.
"Kha pa kha i bialpa hlui a ni tih min hrilh la chuan țha deuhin ka kalsan vang vang ang che, i la duh reng a ni lo'm ni? Inphen nân kâwrah min hmang miah suh." A rawn vîn ta khawp mai.
Inphen nân kâwrah ka hmang hauh lo, a hre sual chiang a ni.
"I hre sual-"
"Ka hre sual lo, chu chu thu dik ngei a ni tih nang ngei pawhin i phâ thei lo ang," a rawn ti leh tàwn táwn a, a thin a rim tak zet tih a aw ațang chuan ka hria; mahse, kei pawh chutianga min puh avàng chuan ka thin a rim ve tho.
"Ka bialpa hlui ni e, a ni lo ka ti miah lo; mahse-"
"Kha maw, thu dik tak chu a lo nih kha. Lalpa leh! Min lo bum reng tihna a nia! S**t, Zothangpui, eng ang lekah nge min lo ngaih a? Ka laka i zêp tlat avàngin ka mit a lo del rei hle mai. Holy F**k!"
A țawngkamte chu leh, thin a rim tak zet a ni, a au țhawt țhawt tawh a, eng emaw tla keh ri chhuai rî ka la hre zui! Ka phu zawk.
Kan sawi fel hauh lo ang, engtin nge ka bialpa hlui a ni tih a lo hriat chhuah ni? Ho têa ka ngaih ațangin thil țha lo a lo chhuak dâwn tlat. Kan sawi fel maiin ka ring asin le!
Thâwk ka la tê tê phawt a, chutah,"Ess, i lakah ka zêp hran lo asin, ka tân a pawimawh tawh lo-" ka la țawng lai chuan,"A țha e, i duh ang takin awm rawh, mi danglam bîk niah ka lo ngai char char che a, nula ka hriat țhinte nèn in lo inang tho a lo nih hi. Mi kawp chîng, lei dawthei leh bumna a khat-"
Ka ngaithla duh tawh lo, râpthlâk ka ti lutuk! Ka khùr dawt dawt a, ka țang țùng mai. Țap chhuak lo tùr erawh chuan ka insûm fan fan, ka mittui erawh ka dang thei lo.
Khatiang țawngkam chhia kha chuan min puh ka ring ngai lo asin! A țawngkam chhe hman ka hre ngai si lo va, nâ ka ti tak zet a ni.
Min țhen tihna a nih kha.
Ni e, min țhenna thu chu a nih kha. Ka duh ang anga awm tùrin min ti a, thu tàwp a sawi a ni. A thin a rim lai takin keiin ka thinrimna ka lo tilang ve bawk a, thinrim leh thinrim intàwng chuan eng mah rah țha a chhuah thei ngai lo.
Zanin atân chuan ngaihtuahna nei miah lova muthilh vang vang ka va duh tak! Mahse, ka muhìl thei si lo.
Zîngah ka uin thil awmzia min zâwt a, ka mit a bui deuh lâk bawk nèn, ka hrilh thuak thuak chauh, zêp reng ka duh bîk tawh lo, rilru a tâwt êm mai.
Ka hrilh zawh chuan ka veng deuh hawk, a zia ka ti phian.
"A buaithlâk a nih chu tiraw? A thinrim êm rih a, a thinrim loh hunah a rawn be leh mai ang che; mahse, thil pakhat, i tih sual i hria em?"
Ka u chu enin," Aw, hria. Zu a in ve tih ka hria, chuti chung pawh chuan ka duh lui tlat, ka hmangaih tho si alawm," ka ti sap, ka mittui a lo hnai leh țan.
"Ka pain a duh lohzia kha i hre reng si a, a pawi tawh hnua i tawrh loh nân tuna hetia in awm pawh hi a țha zâwk maithei asin," a ti charh charh a.
Țha zâwk lo ang, rilru nat chu a țha zâwk thei lo. Nia, a, ka hre lo le, tunah tak hi chuan rilru pângngai ka la pu rih lo, ka la buai nuai.
Min rawn phone lo ang, min țhen tawh alawm. A țhen tawh hnu chu min rawn phone tawh lo tawp ang, ka bum angah a ngai bawk si, bumtu chu tu mahin kan duh ngai loh hi. Chutiang chu a laka ka dinhmun a ni.
Inah ka nu bula ka han awm leh thei chu ka rilru pawh a zia hawk mai. Ka uin ka chanchin chu a hrilh a nih ka ring, eng mah min zâwt lo nain min en leh vang vang țhìn a, min duat thar ta riauin ka hre bawk.
Maremi nèn kan inbe zêl nain Essa nèn kan chanchin chu ka hrilh lo, hlim taka hun an hman laia hlim lohna lam thu lo hrilh kha ka duh lo, hlim takin a pasal nèn honeymoon hun chu hmang se ka ti.
Ka lung a lèn zual chângin ka phone-a Essa nèn kan thlalâk leh video-te chu ka en țhìn. A rûkin ka țap leh vawng vawng a, a chângin kan thlalâkte chu hmu miah lovin ka en reng bawk a, hei hi ka chan tâwk chu a ni rih si a, ka tuar tlawk tlawk mai a ngai a ni.
Ka tidik chiah. Min rawn phone hauh lo. A luhlul ve tho a, a induh tâwkna chuan a laka bumtu mai ni tawh hi a rawn phone-tîr lo khawp ang, ani phei chuan min duh ve ringawt a, min hmangaih hauh hlei nem.
Sangzuala'n min rawn phone ve khiah mai. Dàwr chhûnga khatiang thil a thlen hnua min rawn biak lehna hmasa ber a ni. Chhàn loh ka tum zet a; mahse, 'êm a' ka ti leh deuh a, ka chhâng ta hrâm. Min rawn ngaihsaktu zâwk a ni sia, chhàn pawh a phû e.
"I haw tawh em?"
"Haw daih tawh e."
"I dam țha maw? Ka ngaihtuah deuh che a."
Hetiang hi Essa khân min lo zâwt ve zâwk ta se, ka hlim ngawt ang chu.
"Aw, dam, ka țha e. I dam záwk em? Engtikah nge Lungleiah i lo phei dâwn?" ka ti ve luam a.
"Niminah Lunglei ațangin ka phei leh chiah zâwk a, Next Saturday vêlah chauh a ni tawh ang."
Essa thil tihah khân ngaihdam ka dìl a ngai a ni, ka hreh deuh hlek nain Essa khân a hnênah hian ngaihdam a dîl àwm hauh si lo va, keimahin ka tih mai a ngai a ni.
Ka thaw deuh hak phawt a,chutah," Thil thleng vàng khân ngaihdam ka dîl e aw-" ka tih lai chuan," Ho lutuk! Ka lo theihnghilh daih tawh asin, hriat reng chi pawh a nih loh kha," a lo ti daih.
A theihnghilh hauh lo ang, ka ngaih țhat nân a ti mai mai a nih hi.
"A pawi ka ti tak tak a ni, keimah vàng chauh a ni lehnghâl a."
A rawn nui hak hak a," Nangmah vàng te chuan hnek mai ni lo vuak chawrh chawrh pawh ka tuar mai ta lawng," a ti phawt a, chutah, thu tak deuh zâwkin," Inthiam lo duh suh, theihnghilh daih tawh rawh, engah mah ka ngai tawh hlei nem," a ti leh a.
Mi fate tak hi chu aw, an fel thei bîk mang e!
Fùr hunpui a lo thleng leh tawh. Ruah a han sûr a, ruah sùr zawh hnua thing hnah leh hnim hnaha ruahtui châm bângte niin a han chhun tle sur mai a, chutah, ni a han liam dâwn a, khaw thiang zet chhûm rêng rêng lang bawk si lo, ni zungin ê g mawi tak maia thinghnah leh tlâng a han chhun raih mai hmuh chuan lung a tilêng ngawih ngawih a, Essa ngaihtuah loh ka tum pawhin ka ngaihtuah lo thei lo.
Eng nge a tih ve țhin ang? Workshop-ah khân a la thawk reng ang em? Nge a rui mai mai ang? A bialnu hlui nèn khân an inzui leh ngei ang a, min hrechang tawh lo ngawt ang. Kei lah chuan ngaihtuah chhuah loh nî ka nei ngai si lo.
Ka nu nèn kan loah kan kal a, chhùn chawlh laiin ruah a rawn sûr a, thlâmah kan chàwl reng. Kan chhuah chuan min nan huh vek dâwn si a, thlâm namthlâk ațang chuan kan piah lama lo hring dup zau duai mai chu ka thlîr a, ka lung a tileng thar viau mai. Essa ka ngaihtuah chhuak lo thei lo va; mahse, ka duh loh avàngin thil dang ka ngaihtuah vat.
Hlo thlo tùr kan ni a; mahse, ruah a sùr rei êm avàngin kan thlo lo, ka nu chuan," Tikhân lo awm rawh, chawhmeh hawn tùr ka'n la khâwm lawk ang a, kan haw daih dâwn nia," a ti a, a chhuak ta nghâl a.
Kawngah min nan huh tho. Thlen veleh ka inbual nghâl, ina lo awmte'n eirawng an lo bàwl avàngin tih tùr a awm lo va, room-ah ka phone ka khawih mai mai.
Missed call 2 a lo awm, Maremi hnên ațangin. A message a lo awm bawk.
Message chu ka en vat a.
*Hei hi eng nge a awmzia?*
Thlalâk a rawn thawn tel bawk a, ka download a, ka han en chuan ka thin a phu nghâl dup dup.
A ni tak tak ang em?!! Thil ni lo pui ani hian min rawn thawn lo tawp ang, hei pawh hi a phone-a a lâksak a nih ngei ka ring. Kan pahniha chanchin kha ka hrilh miah si lo va, a hre thiam lo ngawt ang!
Phone chu ka hup ta vat, ka thin zâwn na ngut ngut chu ka țhâm tâwk a, ka mita ka thil hmuh kha ka âwih ang em? Ka âwih thei ang em? Ni lo, hetiang hian min den ka la ring hauh lo asin, min hrechang tawh lo a ni maithei; mahse, hei êm chu thleng tùrin ka la dah phal lo asin.
Beiseina chhe tê ka lo la nei a ni ngei ang.
Ka mittui chu dan rual lohin a rawn tla zawih zawih a, țah chhuah loh erawh ka la tum fan. Ka âwm ka sêp dâwrh dâwrh a, ka thin zâwn na lutuk vàng chu a ni ngei ang ka mittui hetianga a tlâk zawih zawih theih ni.
Ka keh chhe zo vek ta a nih hi.
Essa leh Maremite inneihnia a rawn kalpuinu ngei mai kha, kha nu nèna chiang zeta an infâwp lai a ni.
*THIL RÊNG RÊNG HI, A THEIH LOH TIH KAN HRIAT CHIAN HMA CHUAN A TIH THEIH VEK A NI*
Comments
Post a Comment