☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 32 By Dingdi Pachuau
Ka khùr ngawt ngawt a, ka awm dàn chu dik dâwn lovin ka hria. Ka rilru a fîm; mahse, ka che sawn thei tawh lo. Ka chhûngte tu emaw ber koh ka tum a; mahse, ka hmui pawh ka chêt thei lo, ka thin zâwn na lutuk avàng chuan thâwk pawh ka thaw țha thei ta lo.
Engtin nge ka awm ka hre zui ta lo. Ka muhìl a nih ka ring, mumang hrehawm zet mai ka lo nei a, room chêp lutuk, thim bawk si, boruak awm țhat lohnaah ka lo tâng a, ka lo thaw țha thei lo. Thâwk țhat theih ngei tumin ka lo thaw vak vak a, ka thin a lo na bawk nèn, hrehawm ka ti lutuk chu ka rûm chhuak kâwk kâwk a.
Ka muhìl chu a lo ni chêk ang chu, ka mit ka meng a, thil ka hmu chiang thei lo. Ka han khap sak sak a, a hnu deuhah chuan a rawn fiah deuh tial tial, in chung vâr sur mai ka hmu ta. Ka thâwk erawh a lo hrehawm tawh hran miah lo, ka thin zâwn erawh a lo la na deuh a, ka mumanga hrehawm zeta ka thaw ang kha chu a ni tawh lo, a làwmawm e.
Ka nu leh ka pa hmel ka hmu. Ka room-ah an rawn lût a ni ngei ang, min rawn kai tho dâwn ti ila zîngah min kai tho ngai si lo!
"Bawihte, i țha em?"
Ka nu aw a ni.
Ka mit ka lèn kual a, mi dang hmuh ka nei lo, ka nu leh pa tih loh chu. Anni lah chuan mangang hmel an pu, engati nge an mangan, ka va hre thiam lo..!!
Ka nui deuh sak, mangang lo tùrin ka duh. An mangan chhan hre lo mah ila manganga awm tùrin ka duh lo.
"I harh chiang tiraw? I nu nèn hian i lo harh hun kan lo nghâk reng a," ka pa chuan a lo ti a.
Eng atân maw?
A ngaihna hre lo zetin ka pa chu ka en a, ka mit ka khap fak fak. Ka nuin ka kutah a lo vuan reng a, chûl hoh hoh pah chuan,"Ka țawngțaina chhànin a awm ta, Lalpa, ka lâwm e!" a ti sap a, chutah," Nâ i nei em? I ril a țâm em? I u pawh a lo thleng țëp tawh ang chu maw?" a ti leh a.
Nâ ka nei em maw? Nei lo, ka thin zâwn erawh tlêm tê chauhin a na deuh ringawt, ka ril erawh a țâm a nih ka ring, ka pum a ri deuh raih raihin ka hria.
Engati nge heti hian ka awm? Tuna ka awmna hmun hi ka room kha a ang lo viau bawk si, ka lu chu ka theih ang angin ka her kual a, damdawi in a ang, a nih ka ring.
"Damdawi inah ka awm em ni?"
*******
Kan result pawh a chhuak ve tawh. Maremi nèn first high-ah kan pass, distinction kan pha lo chiah chiah, a uiawm tawp. Class xi Lungleia ka batchmate-te pawh an pass vek, group pawh a lùn khawp mai.
Ka result hi Maremi min rawn hrilh a ni nghe nghe. Essa nèn kan ni tawh lo tih damdawi in ațanga ka chhuah hnuah a hre ve chauh a, min rawn ngaihtuah khawp mai. Damdawi ina ka awm thute a hre leh bawk si a, a inthiam lovin hrehawm a rawn ti hle a, kei erawh chuan engah mah ngai lo tùrin ka lo hrilh mawlh mawlh thung a.
"Rawn phei hma la, zawm dâwn loh pawhin inhmuh a châkawm alawm, kan inah i rawn thleng ang a, ka lo hmuak ang che. U Hruaia'n kan pass min lawmsak a tum nghe nghe a, i lo phei ngei chu a ngai ang," a rawn ti sar sar a.
"Rawn phei loh pawh tum mah ila a theih nâng!"
Hruaia a bulah a lo awm ve chêk a ni ang chu," I rawn phei loh chuan hei kan nu nèn rawn phei kan tum dâwn nia," nui hawk hawk chunga a tih chu ka hre thei.
"Nia, kan rawn hruai tho dâwn che, khalaia tawmsen reng ringawt, hruai harh i ngai," a rawn ti leh a.
"Lungngai s'u, ka rawn phei dâwn," ka ti ve vat a.
Aizawl phei chu ka huphurh alawm. Anni pawhin ka huphurh tih chu an hre tho ang; mahse, min tihhlim an duh a, remchâng takin result a lo chhuak bawk nèn, ka hnial thei lo ang. A hma pawhin min sâwm âwl lo va; mahse, ka hnial zêl, tunah chuan hnialna tùr țanfung ka nei tawh lo.
Ka pain zir zawm tùrin min duh, ka nu erawh chuan eng mah a sawi ve lo. Kan khuaa mite erawh chuan zir zawm zêla hna eng emaw tak, sâng ve tâwk tak thawk tùrin min duh, ka hma hun an hmu êng khawp.
Lehkha sâng tak zira hna țha tak thawh chu ka duh ve alawm; mahse, kan chhûngkua heti zawng hi kan ni ve mai a, zir sàn viau pawh duh mah ila chhûngkaw budget lam hi rilruin a ngaihtuah chhuak lo thei lo. Sawrkâr hna thawk kan awm si lo va, zir zawm pah hian hna thawh theih tâwk zawng pah ila tih ka ngaihtuahnaah chuan a awm, eng pawh ni se, Aizawlah phei phawt ila a țha ang.
Ka nu hnênah damdawi in ațanga ka chhuah hnuah khân Essa nèn kan chanchin chiang takin ka hrilh vek tawh a, a nungchang leh a khawsak dàn thlengin; mahse, chuti chung pawh chuan ka duhin ka hmangaih a ni tih pawh ka hrilh vek tho. Ani, nu hmangaihna ngah nge nge chuan min lo hre thiam khawp mai a, min sawipui teh chiam lo mah se kan chanchin ka hrilh vek tâkah chuan ka zâng hawk.
Aizawla ka phei tùr erawh min ngaihtuah tih ka hria, ka pa hnënah chuan eng mah a hrilh lo a ni ngei ang, ka pa chuan," Țha deuhin i zir leh ang a, bialpa neih lam hi chu ngaihtuah buai rih lo la," min ti. Ka nu ka melh zawk, ka pa a hrilh lo chu ka lâwm hliah hliah.
"Nula i ni ve tawh a, kei chuan duh zâwng i neih pawhin ka hre thiam ang che; mahse, lehkha zir theih loh nân i ngaihzâwng chu i hmang tùr a ni lo ka ti ve thung ang. Bâkah, thianghlim taka in inngaihzàwn chuan a țhat lohna a awm miah lo," ka nu chuan a lo ti ve thung a.
"Chutiang chuan lo sawi lo teh, Aizawl tlangvâl awm âwl satliah leh thawh chhuah nei hauh lote hi a lo va duh ve ngawt ang e, ka duh ve hauh lo a nia. Bawihi hi chu pastor nupui tùr a nih hi," a lo ti leh deuh tlat.
"College a zo ve tawh a, nula a ni bawk a, a duh zâwng pawh a hmu ve-"
"Duh zâwng, duh zâwng tih ringawt mai, zu heh deuh leh awm țha duh hauh lo mi hi duh tlat ta se, i neihtîr dâwn em ni ang? A teuh lo mai!! Zu in ţhìn hian ka in chhûng hi ka mâkpa angin a rawn rah ka remti thei ngai lo ang!" a ti ta phiar phiar a.
Ka nu chu a ngawi ta.
A fel țhìn hi ka ti, nu zaidam tak a ni a, ka pa awka vîn a hriat tawh chuan a ngawi nghâl hmiah zêl. Lehkha thiam a ni lo va, a zir sâng hek lo; mahse, ka nu hi chu ka zah, ka tân zirtîrtu țha ber a ni.
Ka pa ve thung hi, kohhran upa a ni! A thin a chhia a, a chãng chuan kohhran upa nih hi a tlin lo ka ti țhìn. Zu rui a ngai thei lo êm êm a, a hau hreh ngai lo. Kohhran upa nih chuan eng ang mi pawhin an ràwn theih leh an harsatna pawh an sawipui ngama Pathian thua an tuihàlna pawh phuhru tùra an belh ngam nih a ngaih teh lul nèn, ka pa hi chuan hei kher hi chu a fail ve chiang ka ti. Mi sual ber ber nia kan ngaihte pawhin an nèl leh an zah ni tùrah ka ngai a, kohhran upa nihna hi chu a rilin a zahawm êm a, ka dah sâng bawk; mahse, ka pa hi chuan a tlin zo lo ka ti țhìn.
Lungleiah Sangzuala ka hmu hlawl mai, ka u nèn kan chhuak lawk a, kawnga kan kal laiin a car-in min rawn tlàn pèl a,ka lo hmu hauh lo; mahse, amah zâwkin min lo hmu a, min rawn ko ta a ni.
"Eng nge in tih a?"
"Kan chhuak lawk a, helamah i awm a ni maw?" ka ti lêt vat a.
"Aw, nimin piah khân ka rawn phei a. In result a chhuak tawh tiraw? I ti țha em?" nui var var chung hian a ti a.
A hre sa a nih ka ring deuh!
"Aw, ti țha ve e, ka țhiannu Maremi nèn khân first high-ah kan pass a."
Min rawn chibai a.
"Ka lawmpui lutuk che!" a ti phawt a, sawi zawmin,"I zawm leh ang tiraw?" a ti leh a.
"Aw, zawmin ka ring...Chuan, ka lâwm e," tiin ka nuih a.
"A nih, kan làwm dâwn em?"
Ka nui ta hak hak a.
"Maremi pasal Hruaia khân Maremi nèn kan pass avàngin min lawmsak dâwn a," ka tih chuan," A țhat chu, engtikah nge i phei dâwn a?" a ti leh a.
"Naktûkah!"
"A va remchâng êm! Ka rualin phei la?"
"Naktûkah i phei dâwn maw?!!"
Tih chi dâwn lutuk! Ticket kan la la lo va, sum save-na țha lutuk a ni dâwn asin.
"I bâwr viau palh-"
"Bâwr dâwn lo ve! Thawmhnaw ken phei a ngai bawk si lo, i thawmhnaw i ni deuh mai ang," a lo ti leh.
*******
Inah min rawn lam thlap. Zahthlâk ka ti a, nuam lo pawh ka ti ru bawk. Kawnga kan tlàn rei hnuah erawh chuan a țawng duh a chhuak a, keiin a țawng ka lo ngaithla.
"Sawmdawnga nèn in la țha zêl em?"
Ka tîm deuh hlek nain thu dik sawi chu a zahthlâk loh a, ka hrilh ang.
"Kan ni tawh lo."
Kan la tlân reng a, a tlân a tihmuan phah chuang lo.
"A ni maw??"
Chu bâk chu, Essa chanchin lam rêng rêng a ri tawh lo, thil dang daih a rawn sawi chhuak a, kei pawhin ka ngaihven duh lo.
Min lo hmuak tak tak! Maremi nèn hmaichhana kan inhmuh leh tâkah chuan ka mittui dan kìr a har ka ti, ani pawhin min hre thiam, nghet takin min kuah.
Pasal neih chu a ngeih a nih hi. A hlim viau a ni ngei ang, a hmelah a hriat ve tlat.
Zànah an khumah Maremi nèn kan mu, Hruaia chu room dangah a mu.
Ka inthiam lo viau nain Hruaia'n," Kan nu nèn thlamuang taka khum khata mut dun hi i phû ve hrim hrim," a ti deuh tlat.
Rei zet kan meng a, eng eng emaw kan sawi sap sap reng. Ani pawhin sawi tùr a lo ngah tawh a, kei pawhin chuti bawk, zîng lam dâr 2 thleng kan titi alawm!
"Zir zawm i tum em?"
"Nang, eng nge i ngaih dàn?"
Zir zawm țha kan ti ve ve. Ani pawhin a duh, Hruaia pawhin a phal.
"Pasal neih hi a nuam i ti em?" tiin ka zâwt ta daih a.
"Nuam a, nawm lohna pawh a awm tho bawk."
"Mahse, i ngeih e."
Kan nui dùn kar kar a.
"I neih ve hun chuan kei aiin i ngeih daih zâwk ang!"
"Ka nei ve dâwn hlei nem!"
"Țha tâwwwwkkkk kan zawng ang."
Ka nui ringawt.
Tha tak chu tu pawhin kan duh alawm, tu hmeichhiain nge duh lo ang? Pasal țha tak nei tùr chuan a hmeichhiain kan zir a lo ngai ve a, bâkah, țha tia kan teh tlin hi eng chin hi nge ni ang aw ka ti. Hausa, hlawh nei, nupui fanau châwm thei khawpa thla tin pawisa la lût kher hi em ni?
Ngaihtuahna a ti thui. Ka men rei phah. Hetiang ka ngaihtuah hian Essa hmel ka mitthlaah a lo lang lo thei lo, theihnghilh ka tum peih lo va, hre reng chunga tuar chhuah ka tum zâwk. A harsa alawm, a har; mahse, mite pawhin an theih chuan engah nge ka theih loh bîk ang?
Ka thil tawrh hi Pathianin ka tân a lo ruat a ni ngei ang, ka tuar tlang ang, kei kher hetiang tùra min lo ruat erawh hriat thiam harsa ka ti. Eng nge a chhan ni ang? Eng nge min zir chhuahtîr a tum ni ang? Rilru nat maw? Nat phah nân ka hman hi a phal ringawt bîk dâwn em ni?
Theihnghilh theih loh miau chuan țawngțaina lamah ka thlen tam a; mahse, chhànna lam hi ka vàn a ni. Amah avàngin damdawi in lamahte ka han lût rawk rawk a, huat ka duh êm êm laiin ka haw thei chuang lo. Theihnghilh phei chu ka thei lo, ka tum lo law law. Ni tinin, dârkâr tin deuhthaw ka hre chhuak hial ang chu, ka hawina lam apiangah amah hriat chhuahna tùr ka hmu ziah. Ka maimichhìn lahin chiang takin a hmel ka hmu ziah zui, a har a ni.
*******
Essa ka hmu!!!
Ka thin a phu dawt dawt, hei hi ka duh loh ber thil a ni.
A thawhna țhin workshop kha kan tlàn pèl a, ka va hawi hrâm a, ka va hmu hrâm ta a nih kha.
Chu ka thin phû zet chuh, amah ka theihnghilh lohzia min hriat chhuah thartîr a, a mah ka hmuh chauh pawha ka taksaa a nghawng a la neih nasatzia min hriat chiantîr hle bawk.
A hma ai chuan a lo bawrchhawr deuh tawh chu a nih kha; mahse, chuti chung pawh chuan...ka thin a la tiphu rang êm êm tho si.
*THIL MAWI NAZAWNG HI AN ȚHA VEK KHER LO; MAHSE, THIL ȚHA HI CHU AN MAWI RENG THUNG*
Ka khùr ngawt ngawt a, ka awm dàn chu dik dâwn lovin ka hria. Ka rilru a fîm; mahse, ka che sawn thei tawh lo. Ka chhûngte tu emaw ber koh ka tum a; mahse, ka hmui pawh ka chêt thei lo, ka thin zâwn na lutuk avàng chuan thâwk pawh ka thaw țha thei ta lo.
Engtin nge ka awm ka hre zui ta lo. Ka muhìl a nih ka ring, mumang hrehawm zet mai ka lo nei a, room chêp lutuk, thim bawk si, boruak awm țhat lohnaah ka lo tâng a, ka lo thaw țha thei lo. Thâwk țhat theih ngei tumin ka lo thaw vak vak a, ka thin a lo na bawk nèn, hrehawm ka ti lutuk chu ka rûm chhuak kâwk kâwk a.
Ka muhìl chu a lo ni chêk ang chu, ka mit ka meng a, thil ka hmu chiang thei lo. Ka han khap sak sak a, a hnu deuhah chuan a rawn fiah deuh tial tial, in chung vâr sur mai ka hmu ta. Ka thâwk erawh a lo hrehawm tawh hran miah lo, ka thin zâwn erawh a lo la na deuh a, ka mumanga hrehawm zeta ka thaw ang kha chu a ni tawh lo, a làwmawm e.
Ka nu leh ka pa hmel ka hmu. Ka room-ah an rawn lût a ni ngei ang, min rawn kai tho dâwn ti ila zîngah min kai tho ngai si lo!
"Bawihte, i țha em?"
Ka nu aw a ni.
Ka mit ka lèn kual a, mi dang hmuh ka nei lo, ka nu leh pa tih loh chu. Anni lah chuan mangang hmel an pu, engati nge an mangan, ka va hre thiam lo..!!
Ka nui deuh sak, mangang lo tùrin ka duh. An mangan chhan hre lo mah ila manganga awm tùrin ka duh lo.
"I harh chiang tiraw? I nu nèn hian i lo harh hun kan lo nghâk reng a," ka pa chuan a lo ti a.
Eng atân maw?
A ngaihna hre lo zetin ka pa chu ka en a, ka mit ka khap fak fak. Ka nuin ka kutah a lo vuan reng a, chûl hoh hoh pah chuan,"Ka țawngțaina chhànin a awm ta, Lalpa, ka lâwm e!" a ti sap a, chutah," Nâ i nei em? I ril a țâm em? I u pawh a lo thleng țëp tawh ang chu maw?" a ti leh a.
Nâ ka nei em maw? Nei lo, ka thin zâwn erawh tlêm tê chauhin a na deuh ringawt, ka ril erawh a țâm a nih ka ring, ka pum a ri deuh raih raihin ka hria.
Engati nge heti hian ka awm? Tuna ka awmna hmun hi ka room kha a ang lo viau bawk si, ka lu chu ka theih ang angin ka her kual a, damdawi in a ang, a nih ka ring.
"Damdawi inah ka awm em ni?"
*******
Kan result pawh a chhuak ve tawh. Maremi nèn first high-ah kan pass, distinction kan pha lo chiah chiah, a uiawm tawp. Class xi Lungleia ka batchmate-te pawh an pass vek, group pawh a lùn khawp mai.
Ka result hi Maremi min rawn hrilh a ni nghe nghe. Essa nèn kan ni tawh lo tih damdawi in ațanga ka chhuah hnuah a hre ve chauh a, min rawn ngaihtuah khawp mai. Damdawi ina ka awm thute a hre leh bawk si a, a inthiam lovin hrehawm a rawn ti hle a, kei erawh chuan engah mah ngai lo tùrin ka lo hrilh mawlh mawlh thung a.
"Rawn phei hma la, zawm dâwn loh pawhin inhmuh a châkawm alawm, kan inah i rawn thleng ang a, ka lo hmuak ang che. U Hruaia'n kan pass min lawmsak a tum nghe nghe a, i lo phei ngei chu a ngai ang," a rawn ti sar sar a.
"Rawn phei loh pawh tum mah ila a theih nâng!"
Hruaia a bulah a lo awm ve chêk a ni ang chu," I rawn phei loh chuan hei kan nu nèn rawn phei kan tum dâwn nia," nui hawk hawk chunga a tih chu ka hre thei.
"Nia, kan rawn hruai tho dâwn che, khalaia tawmsen reng ringawt, hruai harh i ngai," a rawn ti leh a.
"Lungngai s'u, ka rawn phei dâwn," ka ti ve vat a.
Aizawl phei chu ka huphurh alawm. Anni pawhin ka huphurh tih chu an hre tho ang; mahse, min tihhlim an duh a, remchâng takin result a lo chhuak bawk nèn, ka hnial thei lo ang. A hma pawhin min sâwm âwl lo va; mahse, ka hnial zêl, tunah chuan hnialna tùr țanfung ka nei tawh lo.
Ka pain zir zawm tùrin min duh, ka nu erawh chuan eng mah a sawi ve lo. Kan khuaa mite erawh chuan zir zawm zêla hna eng emaw tak, sâng ve tâwk tak thawk tùrin min duh, ka hma hun an hmu êng khawp.
Lehkha sâng tak zira hna țha tak thawh chu ka duh ve alawm; mahse, kan chhûngkua heti zawng hi kan ni ve mai a, zir sàn viau pawh duh mah ila chhûngkaw budget lam hi rilruin a ngaihtuah chhuak lo thei lo. Sawrkâr hna thawk kan awm si lo va, zir zawm pah hian hna thawh theih tâwk zawng pah ila tih ka ngaihtuahnaah chuan a awm, eng pawh ni se, Aizawlah phei phawt ila a țha ang.
Ka nu hnênah damdawi in ațanga ka chhuah hnuah khân Essa nèn kan chanchin chiang takin ka hrilh vek tawh a, a nungchang leh a khawsak dàn thlengin; mahse, chuti chung pawh chuan ka duhin ka hmangaih a ni tih pawh ka hrilh vek tho. Ani, nu hmangaihna ngah nge nge chuan min lo hre thiam khawp mai a, min sawipui teh chiam lo mah se kan chanchin ka hrilh vek tâkah chuan ka zâng hawk.
Aizawla ka phei tùr erawh min ngaihtuah tih ka hria, ka pa hnënah chuan eng mah a hrilh lo a ni ngei ang, ka pa chuan," Țha deuhin i zir leh ang a, bialpa neih lam hi chu ngaihtuah buai rih lo la," min ti. Ka nu ka melh zawk, ka pa a hrilh lo chu ka lâwm hliah hliah.
"Nula i ni ve tawh a, kei chuan duh zâwng i neih pawhin ka hre thiam ang che; mahse, lehkha zir theih loh nân i ngaihzâwng chu i hmang tùr a ni lo ka ti ve thung ang. Bâkah, thianghlim taka in inngaihzàwn chuan a țhat lohna a awm miah lo," ka nu chuan a lo ti ve thung a.
"Chutiang chuan lo sawi lo teh, Aizawl tlangvâl awm âwl satliah leh thawh chhuah nei hauh lote hi a lo va duh ve ngawt ang e, ka duh ve hauh lo a nia. Bawihi hi chu pastor nupui tùr a nih hi," a lo ti leh deuh tlat.
"College a zo ve tawh a, nula a ni bawk a, a duh zâwng pawh a hmu ve-"
"Duh zâwng, duh zâwng tih ringawt mai, zu heh deuh leh awm țha duh hauh lo mi hi duh tlat ta se, i neihtîr dâwn em ni ang? A teuh lo mai!! Zu in ţhìn hian ka in chhûng hi ka mâkpa angin a rawn rah ka remti thei ngai lo ang!" a ti ta phiar phiar a.
Ka nu chu a ngawi ta.
A fel țhìn hi ka ti, nu zaidam tak a ni a, ka pa awka vîn a hriat tawh chuan a ngawi nghâl hmiah zêl. Lehkha thiam a ni lo va, a zir sâng hek lo; mahse, ka nu hi chu ka zah, ka tân zirtîrtu țha ber a ni.
Ka pa ve thung hi, kohhran upa a ni! A thin a chhia a, a chãng chuan kohhran upa nih hi a tlin lo ka ti țhìn. Zu rui a ngai thei lo êm êm a, a hau hreh ngai lo. Kohhran upa nih chuan eng ang mi pawhin an ràwn theih leh an harsatna pawh an sawipui ngama Pathian thua an tuihàlna pawh phuhru tùra an belh ngam nih a ngaih teh lul nèn, ka pa hi chuan hei kher hi chu a fail ve chiang ka ti. Mi sual ber ber nia kan ngaihte pawhin an nèl leh an zah ni tùrah ka ngai a, kohhran upa nihna hi chu a rilin a zahawm êm a, ka dah sâng bawk; mahse, ka pa hi chuan a tlin zo lo ka ti țhìn.
Lungleiah Sangzuala ka hmu hlawl mai, ka u nèn kan chhuak lawk a, kawnga kan kal laiin a car-in min rawn tlàn pèl a,ka lo hmu hauh lo; mahse, amah zâwkin min lo hmu a, min rawn ko ta a ni.
"Eng nge in tih a?"
"Kan chhuak lawk a, helamah i awm a ni maw?" ka ti lêt vat a.
"Aw, nimin piah khân ka rawn phei a. In result a chhuak tawh tiraw? I ti țha em?" nui var var chung hian a ti a.
A hre sa a nih ka ring deuh!
"Aw, ti țha ve e, ka țhiannu Maremi nèn khân first high-ah kan pass a."
Min rawn chibai a.
"Ka lawmpui lutuk che!" a ti phawt a, sawi zawmin,"I zawm leh ang tiraw?" a ti leh a.
"Aw, zawmin ka ring...Chuan, ka lâwm e," tiin ka nuih a.
"A nih, kan làwm dâwn em?"
Ka nui ta hak hak a.
"Maremi pasal Hruaia khân Maremi nèn kan pass avàngin min lawmsak dâwn a," ka tih chuan," A țhat chu, engtikah nge i phei dâwn a?" a ti leh a.
"Naktûkah!"
"A va remchâng êm! Ka rualin phei la?"
"Naktûkah i phei dâwn maw?!!"
Tih chi dâwn lutuk! Ticket kan la la lo va, sum save-na țha lutuk a ni dâwn asin.
"I bâwr viau palh-"
"Bâwr dâwn lo ve! Thawmhnaw ken phei a ngai bawk si lo, i thawmhnaw i ni deuh mai ang," a lo ti leh.
*******
Inah min rawn lam thlap. Zahthlâk ka ti a, nuam lo pawh ka ti ru bawk. Kawnga kan tlàn rei hnuah erawh chuan a țawng duh a chhuak a, keiin a țawng ka lo ngaithla.
"Sawmdawnga nèn in la țha zêl em?"
Ka tîm deuh hlek nain thu dik sawi chu a zahthlâk loh a, ka hrilh ang.
"Kan ni tawh lo."
Kan la tlân reng a, a tlân a tihmuan phah chuang lo.
"A ni maw??"
Chu bâk chu, Essa chanchin lam rêng rêng a ri tawh lo, thil dang daih a rawn sawi chhuak a, kei pawhin ka ngaihven duh lo.
Min lo hmuak tak tak! Maremi nèn hmaichhana kan inhmuh leh tâkah chuan ka mittui dan kìr a har ka ti, ani pawhin min hre thiam, nghet takin min kuah.
Pasal neih chu a ngeih a nih hi. A hlim viau a ni ngei ang, a hmelah a hriat ve tlat.
Zànah an khumah Maremi nèn kan mu, Hruaia chu room dangah a mu.
Ka inthiam lo viau nain Hruaia'n," Kan nu nèn thlamuang taka khum khata mut dun hi i phû ve hrim hrim," a ti deuh tlat.
Rei zet kan meng a, eng eng emaw kan sawi sap sap reng. Ani pawhin sawi tùr a lo ngah tawh a, kei pawhin chuti bawk, zîng lam dâr 2 thleng kan titi alawm!
"Zir zawm i tum em?"
"Nang, eng nge i ngaih dàn?"
Zir zawm țha kan ti ve ve. Ani pawhin a duh, Hruaia pawhin a phal.
"Pasal neih hi a nuam i ti em?" tiin ka zâwt ta daih a.
"Nuam a, nawm lohna pawh a awm tho bawk."
"Mahse, i ngeih e."
Kan nui dùn kar kar a.
"I neih ve hun chuan kei aiin i ngeih daih zâwk ang!"
"Ka nei ve dâwn hlei nem!"
"Țha tâwwwwkkkk kan zawng ang."
Ka nui ringawt.
Tha tak chu tu pawhin kan duh alawm, tu hmeichhiain nge duh lo ang? Pasal țha tak nei tùr chuan a hmeichhiain kan zir a lo ngai ve a, bâkah, țha tia kan teh tlin hi eng chin hi nge ni ang aw ka ti. Hausa, hlawh nei, nupui fanau châwm thei khawpa thla tin pawisa la lût kher hi em ni?
Ngaihtuahna a ti thui. Ka men rei phah. Hetiang ka ngaihtuah hian Essa hmel ka mitthlaah a lo lang lo thei lo, theihnghilh ka tum peih lo va, hre reng chunga tuar chhuah ka tum zâwk. A harsa alawm, a har; mahse, mite pawhin an theih chuan engah nge ka theih loh bîk ang?
Ka thil tawrh hi Pathianin ka tân a lo ruat a ni ngei ang, ka tuar tlang ang, kei kher hetiang tùra min lo ruat erawh hriat thiam harsa ka ti. Eng nge a chhan ni ang? Eng nge min zir chhuahtîr a tum ni ang? Rilru nat maw? Nat phah nân ka hman hi a phal ringawt bîk dâwn em ni?
Theihnghilh theih loh miau chuan țawngțaina lamah ka thlen tam a; mahse, chhànna lam hi ka vàn a ni. Amah avàngin damdawi in lamahte ka han lût rawk rawk a, huat ka duh êm êm laiin ka haw thei chuang lo. Theihnghilh phei chu ka thei lo, ka tum lo law law. Ni tinin, dârkâr tin deuhthaw ka hre chhuak hial ang chu, ka hawina lam apiangah amah hriat chhuahna tùr ka hmu ziah. Ka maimichhìn lahin chiang takin a hmel ka hmu ziah zui, a har a ni.
*******
Essa ka hmu!!!
Ka thin a phu dawt dawt, hei hi ka duh loh ber thil a ni.
A thawhna țhin workshop kha kan tlàn pèl a, ka va hawi hrâm a, ka va hmu hrâm ta a nih kha.
Chu ka thin phû zet chuh, amah ka theihnghilh lohzia min hriat chhuah thartîr a, a mah ka hmuh chauh pawha ka taksaa a nghawng a la neih nasatzia min hriat chiantîr hle bawk.
A hma ai chuan a lo bawrchhawr deuh tawh chu a nih kha; mahse, chuti chung pawh chuan...ka thin a la tiphu rang êm êm tho si.
*THIL MAWI NAZAWNG HI AN ȚHA VEK KHER LO; MAHSE, THIL ȚHA HI CHU AN MAWI RENG THUNG*
Comments
Post a Comment