☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 33 By Dingdi Pachuau
MZU-ah M.Com chu Maremi nèn kan zir zawm ta nge nge, zir paha hna thawh tùr zawn kan tum tho; mahse, tûnlaiah chuan hna a vâng a, lehkha thiam tak tak hna hmu lo an awm țeuh bawk si a, a vâng khawp ang chu.
Ka nu leh pa leh chhûngte inhuamna ka ngaihtuah a, țha taka lehkha ka zir theih nân leh hrehawm lutuka ka awm loh nân hostel-ah min dah a, ka duh zâwng anga awm mai mai thei ka nih lohzia ka hre thar telh telh, anni tel lo hian lehkha ka zir thei hauh lo, ka mamawh engkim min petu an ni.
Vànneihthlâk takin Maremi'n scooty a nei a, min phur țhìn. Ka vànneihzia chu, chuan man, petrol man pêk ve ka tum pawhin,"Chuang ve lo mah la ka kal ziah dâwn tho a, a hekna a awm lo," a ti tlat, țhian țha neih man hi chu aw...a va hlu tak!
Nula hlim thei tak ni țhin mah ila ka chunga thil thleng vàngin ka nunphung a inthlâk hlek hlek a, nyi duh deuh țhin kha ka nui khât ta deuh, Maremi hi ka bulah awm lo phei se chuan eng ang takin hun hmang ang maw? Ka nu hian min rawn phone zauh zauh, min ngaihtuah tih ka hria; mahse, ka nu hriatah hi chuan hlim thei ang berin ka awm, lam a hlâ a, min ngaihtuah lutuk palh ang.
Ni tin scooty-a kal ziah chuan thau belh àwm tak, ka thau miah lo; a hma aiin ka chêr! Ka rihna pawh thla hnih chhûngin a tla hniam chak lutuk! Rilru hi a lo pawimawh viau a nih hi ka tih phah, a hmaa kg 59/60 deuhthaw ni țhìn kha tunah chuan kg 50 ka tling ve țâwk țâwk ta. Ka thawmhnaw pawh ka thâwl vek, ka kekawrho phei chu ka ha phe hlawp hlawp lo chauh.
Mahse, keimah ka infuih nasa țhìn. Rilru huaisen nei turin leh a êng leh hlim thei zâwnga hmalam thlîr thei tùrin, zàna ka muthilh theih loh pawhin ka mu lui tlat a, ka maimichhîng tlat țhìn. Ka mit hah lutuk tùr leh ka ngaihtuahna vâk kual nasa tùr pawh ka theih tàwpin ka thunun hrâm hrâm. Mahni inhneh ka tum tlat a, ka rihna lam tla hniam erawh ka thunun thei lo, ka hrisèl loh phah hran chuang lo va, thil pawi lutukah ka ngai lo mai.
Hruaia'n an ina chaw eiah min sâwm fo a, an vâiin ka chungah an fel tak zet. Ka thil tawn zawng zawng chu Maremi'n a hrilh vek ang tih ka ring a, min sawipui ngai lo nain min tihhlim erawh a tum ve țhìn. Ani hi chu a rilru a puitling a, pasal țha tak a ni ngei ang, ka țhiannu hi ka lawmpui thar leh telh telh.
"Zopuii hman hmasak berah picnic ang u," chaw kan ei lai chuan Hruaia chuan a ti a.
"Țha dâwn lutuk!" A nu chuan phûr zet hian a lo ti a.
"Inrinniah a hman ang," Maremi chuan a lo ti va vat a.
"Khawi hmunah maw?" ka lo ti ve, phûr lo lutuk anga lan ka duh bîk lo va.
"I duhna berah le!"
"Ka kal ve ngai lo va, in hre daih zâwk ang," ka ti leh a.
"Chuti, tih dàn ka hria," tiin Maremi chu a melh zoh a, chutah," In khuaah kal ang u," a ti ta daih a.
Awih lo zet hian Hruaia chu ka en a, Maremi chuan nui sâng chunga min rawn enin," A tih chi ngawt ang, ka kal châk a nia! Zirtàwp class bànah kan tlân vang vang ang a," a lo ti ve a.
Hemite pahnih hian rem an lo ruat sa a ni zâwk lo maw? Kan khuaah chuan lo kal an châk ve tak tak ang em le?
"In lo kal peih lo tawp ang!" ka ti ta ringawt a.
"Engah maw? Thingtlâng lama zin hi a châkawm alawm, in khua hmuh pawh a châkawm a," Hruaia chuan a ti leh a.
Kan thu tlükna chu a remchâng hmasa berah Țhaizawlah kan kal dâwn, ka haw lawk dâwn tihna a nih chu. Thlài awm hunlai a ni bawk ang a, a zia deuh ang chu.
Zan khat chu Essa phone call ka dawng leh nawlh mai! Mak ka ti lutuk! A number hi ka la delete lo, delete mah ila ka hre hneh lutuk tlat! Delete-in awmzia a neih dâwn chuan loh avàngin ka delete lo mai mai.
A rawn tisual a ni ang em? A number ka nei nàngin a dp leh a status ka view ngai lo, status a up khât a ni ang, tihpalh thil thuah pawh ka en ngai lo tlat.
Mahse, ka chhàn hmain a tàwp leh daih! Kha maw, a ti sual palh mai mai a nih kha. Eng atân mah min rawn call lo tawp ang, a hmet sual palh a nih ka ring.
A dp chu ka en ru chhin a, a thlalâk pawh a hmang lo, a bike thlalâk a dah, he bike-ah hian ka chuang ve chiang tawh alawm, chak zetin min tlànpui nghe nghe kha.
WhatApp 'about' ang chi-ah khân 'He thinlung khawngaihthlâk hi tuin nge chhanchhuak thei ang?' tih a hmang, a hmain ka hmu ngai miah lo!
Eng a sawina nge ni chiah ang le? Amah a insawina a ni ngei ang a, a nun dàn țhat lohzia chu a inhre ve tihna a ni thei ang em? Nge a inla khawngaihthlâk? Zu bâwiha a awm hi chhanchhuaktu a mamawh tihna em ni?
A nun dàn hi a ning ve tawh tihna a ni ngei ang. Nia, ning tawh teh se, chhanchhuaktu nei se, nun thar duhawm tak nei tùrin ka duhsak a ni.
He pa hi ka lo la hre chiang lo hle tih ka ngaihtuah chhuak bawk. A thinlung khawngaihthlâk chhanchhuah ngai pawh ka lo la hre ngai lo a nia!
*******
Ruah a sûr, class kal ka peih lo tak zet a ni. Nilênga mut ka châk, ruah a sùr chuan khua a lo vawt ve pah tho bawk si a, mut deng deng ka châk.
Mahse, a hnuah chuan a bâng ve mai. Scooty-in kan inphur leh vang vang a, Hruaia'n min thlah a tum viau nain ruah a sûr chhunzawm leh ta si lo va, min thlah ta lo.
Nilêngin vawt tiin ka awm lehnghâl, a fuh lo thlâwt. Ka inha lum ve reng, keimah hi ka dik lo zâwk a ni.
"I mit a va sen ve? I khua a sik a ni lo maw?"
A ni maithei, ka dik lo tlat a ni.
Damdawi dàwr kan hmuh hmasak ber zâwnah kan ding a, kan lei leh rih. Pakhat chu ka hmawm nghâl, ka raincoat chu hâk mai a nia ka duh ni, min tilum deuh mahna!
Kan han tlân chhuak leh tùr chu scooty chu a nung thei ta hauh lo mai. Maremi chuan tihnun tumin a han bei tlauh tlauh a, lo puih ngaihna ka hre hauh lo, ka bo map!
Dàwr neitu chuan," A va mak ve aw! Kan piah lawkah sâwn workshop ve deuh reuh chu a awm a, va nawr phei mai ta che u," a lo ti ve a, min hmu ve reng bawk sia, a lo mangang ve a niang.
Kan nawr phei. Vawiin hi chu a fuh lo vêl vek, zîng ruah sùr ațangin a dik tawh lo.
Workshop-ah chuan an lo en a, a thawkate lah chu an la naupan hmel bawk si a, an thiam loh hmel ka ti lutuk!
A hnuah chuan an tinung ve thei mai a, siam man an inpêk hnuah chuan kan tlân leh ta a; mahse, a thih leh thut ka ring tlat a nih chu, ka ngaih a țha thei chuang lo.
Mahse, a chhe ta mai bîk lo, kan tlân ve zêl, ka ngaih țhat lohna pawh chu a reh fel dâwn ta tihah chuan dàwr kawta a ding lawk tlân chhuak leh tùr chu a rawn thi leh ta tawp mai. Ka hlauh ang thil kha a lo thleng leh, min thlah tum lam a ni nghe nghe tawh.
"A va mak aw...!!"
Khùr ru beuh beuh chuan ka hawi kual a, thil ka ngaihtuah chhuak thut!
"Helai lawkah hian Essa thawhna workshop kha a awm asin," ka ti chhuak hliai a.
Min rawn en vat.
"A ni tak tak maw?!!"
Essa hmuh kher chu duh lo viau mah ila țhiannui hi ka kalsan thei hauh lo, min thlah tum a ni nghe nghe a, kalsan daih chu mawi pawh a mawi lo ang.
"I hreh em?"
Mai mai a, engah nge ka hreh ang? Min lo seh dâwn tihna pawh ni hlei lo, min lo àn khum chiam dáwn pawh ni chuang lo, hreh lah lo ve.
"Kal ila?"
Two wheeler workshop a ni deuh ber, hmel hriatte motor chu khawihsak thei tho mah se, an khawih mang lo.
Maremi chuan zah theih loh chhuahin," Essa, kan lo pan tawp che, khawngaihin, min lo ensak thei ang em?" tiin hawihhâwm zet hian a bia a.
Maremi chu a en hmasa phawt a, chutah kei. Kan inen deuh vang vang a, a mitmeng cool zet țhìn kha tunah chuan mut chhuak zet a ang tawh!
"En chhin ila?"
A khâwl khawih lai chu mi dang a khawihtîr. Maremi nèn lah chuan khâwl dang a lo khawih em tih lam kan lo ngaihtuah miah lo! Kan va be ve tâwng ringawt kha a nia, a inthlahrunawm hnuhnawh.
A khabe, hmui leh biang vêla hmul țo sup chuan a inenkawl țha tâwk lo tih a tilang chiang viauin ka hria, tlangvâl țhalai a nia, hetia awm bawrchhawr ringawt mai chu a fuh ber lo asin le. A bialnu pawh khân hrilh ve tùr a nia, ngaihtuah zawm duh lovin ka hawi sawn ta daih a.
Mi dang thil siam chu hmu tak tak chuang lovin ka en kual, siam țha thuai thuai se, ka khuma mut lum vang vang ka châk!
Ruah a rawn sûr țan leh ta. A va hun lo tak êm! A vâwt si, engtia rei nge kan awm ang le?
"Vâwt i ti a nih kha, sawlaiah sâwn heater a awm, va âi rawh."
Ka awm dàn ațangin a lo hmu vek tihna a ni maw? Ka inthup ve riau emaw ka ti.
"Kha, a khua a sik a," Maremi chuan a lo ti ve a.
"Lo kal rawh," tiin ka bânah chuan min rawn kai a, hnial hman pawh a ni lo, bang mai emaw ka tihah chuan min kai lût a, an choka tê a ni ve mai ang chu, a zau lo khawp mai. Heater chu on nghâlin plastic țhutna hniam tê hi ka hmaah chuan a rawn hûng bawk a.
"Ai rawh."
Min chhuahsan nghâl. Vâwt ka ti êm a, ka hnial lo. Hnialin awmzia a nei dâwn chuang lo, keimah ka inhrem mai mai ang, heater lo êng sen vât vât chu ka țhut hnaih ta nghâl a.
Ruah a sûr tih pawh a hriat ve loh. Ka kut chu nuam ti zetin ka hem dar dar phawt a, a lum ham ham mai. 'Scooty pawh hian chhiatna tùr hmun a hriat riau hi, meilum ka ai theih phah a' tih te ka ngaihtuah vêl ta mai mai.
"A va nuam àwm ve! A siam zo tawh a; mahse, ruah a la sûr duh lutuk!" Maremi chuan a rawn ti lût a.
"A nih tak chu, a zia lo hle mai. Kan kal lui tho dâwn em niang?" ka lo ti a.
"Tih chi nâng! I khua a sik lehnghâl, i nat zual phah ang tih a hlauhawm. Han nghâk leh phawt ila, a bâng thei ta ngang lo a nih chuan U Hruaia kan phone mai dâwn nia," a ti sep sep a.
Ka bulah chuan a rawn țhu ve a.
"A bawrchhawr tiraw?"
Ka nui deuh sak ringawt. Titipui pawh ka peih lo, ka țawng peih lo, tunah tak hi chuan mut ka châk, blanket-in inkhuh hlûn mai ila.
"Siam man pawh a la duh lo."
A hmel hriat hluite kan ni ve sia, chuvàng chu a ni ang, hmel hriat neih tam hi chu eng emaw chenah a țha ve rêng asin.
"In ril a țâm em?"
A aw ri han hriat chuan min tizawi hiaiin ka hria!
Rilțâm maw? Kei chu a țâm pawhin ka hre lo, tunah hi chuan eng mah ka ei châk lo, mut ka châk zâwk.
"Țâm lo ve, kan tibuai hle mai che," Maremi chuan a lo ti vat a.
"Buai lo ve, taksa tihlum nân thingpui in r'u aw?"
Ka maimichhîng vang vang.
Thingpui hâng sa ver vawr chuan min tilum deuh hlek. Ruahsûr a bâng duh si lo, kea haw mai pawh ka duh tawh a ni, mut ka châk, ka taksa a kham țhûm bawk si.
"Ka thlah ang che u."
"A ngai lo ve, U Hruaia ka phone mai ang," Maremi chuan a lo ti vat a.
"Zopuii hi chu ka thlah ang e."
Leh deuh tlat mai a.
Hnial ka duh viau a; mahse, țawng rin emaw kha a ngai ang a, ani lah hian ka thu a awih leh duh lo ang a, thâ ka sêng thlàwn peih lo.
"Kein ka kal thei alawm," chu ka'n tih ve hrâm kha.
"I dam loh kha!"
Nia, dam lo ve. Ka hre ve alawm, min hrilh kher ka ngai lo.
"Ka hria!"
A chhuak ta daih. Khati mai ang, min chhâng dang bîk lo ang, a bialnu pawh ka ni tawh hek lo.
"U Hruaia chu ka'n phone ang e," tiin Maremi chu a phun sap a.
"Kein ka kal thei reng tak tak!"
"Ruah sûr hnuaiah hian maw?! Ni lo ve, U Hruaia nèn kan han thlah ang che," a lo ti leh a.
"A ngai hlei nem-"
"Min hnial lo teh."
"Lo kal rawh, car ka tinung tawh a nia," Essa chuan a rawn ti thûm dût, a lo luh lai ka hre hauh lo.
"A ngai lo-"
"Pawm kher i duh a ni maw? A țha alawm," a tih lai chuan a ti tak tak ngei ang tih ka hriat avàngin lu rit lûk chuan ka tho ta nghâl.Maremi pawhin min rawn zui nghâl.
"U Hruaia chu i lo nghâk ang maw?"
"Aw, a lo thleng thuai ang. Haw thuai la, i mu lum nghâl daih dâwn nia, damdawi kha theihnghilh lo la," tiin min hrilh nghâl mawlh mawlh a.
Workshop chhûng hul chinah chuan a car chu a lo dah lût tawh niin, ka kuh theihna tùrin a kawngkhar chu a lo hawng nghâl a, hnial buai lo leh melh hauh lovin ka lût, a rûkin ka khùr boh boh.
"A nih aw, Zopui, ka lo bia ang che."
*THINRIMNA LAK AȚANGIN INTHIAR FIHLÌM TUM ANG CHE, A CHHAN CHU THINRIMNA HIAN NANGMAH CHIAH KHA A TINA ANG CHE*
MZU-ah M.Com chu Maremi nèn kan zir zawm ta nge nge, zir paha hna thawh tùr zawn kan tum tho; mahse, tûnlaiah chuan hna a vâng a, lehkha thiam tak tak hna hmu lo an awm țeuh bawk si a, a vâng khawp ang chu.
Ka nu leh pa leh chhûngte inhuamna ka ngaihtuah a, țha taka lehkha ka zir theih nân leh hrehawm lutuka ka awm loh nân hostel-ah min dah a, ka duh zâwng anga awm mai mai thei ka nih lohzia ka hre thar telh telh, anni tel lo hian lehkha ka zir thei hauh lo, ka mamawh engkim min petu an ni.
Vànneihthlâk takin Maremi'n scooty a nei a, min phur țhìn. Ka vànneihzia chu, chuan man, petrol man pêk ve ka tum pawhin,"Chuang ve lo mah la ka kal ziah dâwn tho a, a hekna a awm lo," a ti tlat, țhian țha neih man hi chu aw...a va hlu tak!
Nula hlim thei tak ni țhin mah ila ka chunga thil thleng vàngin ka nunphung a inthlâk hlek hlek a, nyi duh deuh țhin kha ka nui khât ta deuh, Maremi hi ka bulah awm lo phei se chuan eng ang takin hun hmang ang maw? Ka nu hian min rawn phone zauh zauh, min ngaihtuah tih ka hria; mahse, ka nu hriatah hi chuan hlim thei ang berin ka awm, lam a hlâ a, min ngaihtuah lutuk palh ang.
Ni tin scooty-a kal ziah chuan thau belh àwm tak, ka thau miah lo; a hma aiin ka chêr! Ka rihna pawh thla hnih chhûngin a tla hniam chak lutuk! Rilru hi a lo pawimawh viau a nih hi ka tih phah, a hmaa kg 59/60 deuhthaw ni țhìn kha tunah chuan kg 50 ka tling ve țâwk țâwk ta. Ka thawmhnaw pawh ka thâwl vek, ka kekawrho phei chu ka ha phe hlawp hlawp lo chauh.
Mahse, keimah ka infuih nasa țhìn. Rilru huaisen nei turin leh a êng leh hlim thei zâwnga hmalam thlîr thei tùrin, zàna ka muthilh theih loh pawhin ka mu lui tlat a, ka maimichhîng tlat țhìn. Ka mit hah lutuk tùr leh ka ngaihtuahna vâk kual nasa tùr pawh ka theih tàwpin ka thunun hrâm hrâm. Mahni inhneh ka tum tlat a, ka rihna lam tla hniam erawh ka thunun thei lo, ka hrisèl loh phah hran chuang lo va, thil pawi lutukah ka ngai lo mai.
Hruaia'n an ina chaw eiah min sâwm fo a, an vâiin ka chungah an fel tak zet. Ka thil tawn zawng zawng chu Maremi'n a hrilh vek ang tih ka ring a, min sawipui ngai lo nain min tihhlim erawh a tum ve țhìn. Ani hi chu a rilru a puitling a, pasal țha tak a ni ngei ang, ka țhiannu hi ka lawmpui thar leh telh telh.
"Zopuii hman hmasak berah picnic ang u," chaw kan ei lai chuan Hruaia chuan a ti a.
"Țha dâwn lutuk!" A nu chuan phûr zet hian a lo ti a.
"Inrinniah a hman ang," Maremi chuan a lo ti va vat a.
"Khawi hmunah maw?" ka lo ti ve, phûr lo lutuk anga lan ka duh bîk lo va.
"I duhna berah le!"
"Ka kal ve ngai lo va, in hre daih zâwk ang," ka ti leh a.
"Chuti, tih dàn ka hria," tiin Maremi chu a melh zoh a, chutah," In khuaah kal ang u," a ti ta daih a.
Awih lo zet hian Hruaia chu ka en a, Maremi chuan nui sâng chunga min rawn enin," A tih chi ngawt ang, ka kal châk a nia! Zirtàwp class bànah kan tlân vang vang ang a," a lo ti ve a.
Hemite pahnih hian rem an lo ruat sa a ni zâwk lo maw? Kan khuaah chuan lo kal an châk ve tak tak ang em le?
"In lo kal peih lo tawp ang!" ka ti ta ringawt a.
"Engah maw? Thingtlâng lama zin hi a châkawm alawm, in khua hmuh pawh a châkawm a," Hruaia chuan a ti leh a.
Kan thu tlükna chu a remchâng hmasa berah Țhaizawlah kan kal dâwn, ka haw lawk dâwn tihna a nih chu. Thlài awm hunlai a ni bawk ang a, a zia deuh ang chu.
Zan khat chu Essa phone call ka dawng leh nawlh mai! Mak ka ti lutuk! A number hi ka la delete lo, delete mah ila ka hre hneh lutuk tlat! Delete-in awmzia a neih dâwn chuan loh avàngin ka delete lo mai mai.
A rawn tisual a ni ang em? A number ka nei nàngin a dp leh a status ka view ngai lo, status a up khât a ni ang, tihpalh thil thuah pawh ka en ngai lo tlat.
Mahse, ka chhàn hmain a tàwp leh daih! Kha maw, a ti sual palh mai mai a nih kha. Eng atân mah min rawn call lo tawp ang, a hmet sual palh a nih ka ring.
A dp chu ka en ru chhin a, a thlalâk pawh a hmang lo, a bike thlalâk a dah, he bike-ah hian ka chuang ve chiang tawh alawm, chak zetin min tlànpui nghe nghe kha.
WhatApp 'about' ang chi-ah khân 'He thinlung khawngaihthlâk hi tuin nge chhanchhuak thei ang?' tih a hmang, a hmain ka hmu ngai miah lo!
Eng a sawina nge ni chiah ang le? Amah a insawina a ni ngei ang a, a nun dàn țhat lohzia chu a inhre ve tihna a ni thei ang em? Nge a inla khawngaihthlâk? Zu bâwiha a awm hi chhanchhuaktu a mamawh tihna em ni?
A nun dàn hi a ning ve tawh tihna a ni ngei ang. Nia, ning tawh teh se, chhanchhuaktu nei se, nun thar duhawm tak nei tùrin ka duhsak a ni.
He pa hi ka lo la hre chiang lo hle tih ka ngaihtuah chhuak bawk. A thinlung khawngaihthlâk chhanchhuah ngai pawh ka lo la hre ngai lo a nia!
*******
Ruah a sûr, class kal ka peih lo tak zet a ni. Nilênga mut ka châk, ruah a sùr chuan khua a lo vawt ve pah tho bawk si a, mut deng deng ka châk.
Mahse, a hnuah chuan a bâng ve mai. Scooty-in kan inphur leh vang vang a, Hruaia'n min thlah a tum viau nain ruah a sûr chhunzawm leh ta si lo va, min thlah ta lo.
Nilêngin vawt tiin ka awm lehnghâl, a fuh lo thlâwt. Ka inha lum ve reng, keimah hi ka dik lo zâwk a ni.
"I mit a va sen ve? I khua a sik a ni lo maw?"
A ni maithei, ka dik lo tlat a ni.
Damdawi dàwr kan hmuh hmasak ber zâwnah kan ding a, kan lei leh rih. Pakhat chu ka hmawm nghâl, ka raincoat chu hâk mai a nia ka duh ni, min tilum deuh mahna!
Kan han tlân chhuak leh tùr chu scooty chu a nung thei ta hauh lo mai. Maremi chuan tihnun tumin a han bei tlauh tlauh a, lo puih ngaihna ka hre hauh lo, ka bo map!
Dàwr neitu chuan," A va mak ve aw! Kan piah lawkah sâwn workshop ve deuh reuh chu a awm a, va nawr phei mai ta che u," a lo ti ve a, min hmu ve reng bawk sia, a lo mangang ve a niang.
Kan nawr phei. Vawiin hi chu a fuh lo vêl vek, zîng ruah sùr ațangin a dik tawh lo.
Workshop-ah chuan an lo en a, a thawkate lah chu an la naupan hmel bawk si a, an thiam loh hmel ka ti lutuk!
A hnuah chuan an tinung ve thei mai a, siam man an inpêk hnuah chuan kan tlân leh ta a; mahse, a thih leh thut ka ring tlat a nih chu, ka ngaih a țha thei chuang lo.
Mahse, a chhe ta mai bîk lo, kan tlân ve zêl, ka ngaih țhat lohna pawh chu a reh fel dâwn ta tihah chuan dàwr kawta a ding lawk tlân chhuak leh tùr chu a rawn thi leh ta tawp mai. Ka hlauh ang thil kha a lo thleng leh, min thlah tum lam a ni nghe nghe tawh.
"A va mak aw...!!"
Khùr ru beuh beuh chuan ka hawi kual a, thil ka ngaihtuah chhuak thut!
"Helai lawkah hian Essa thawhna workshop kha a awm asin," ka ti chhuak hliai a.
Min rawn en vat.
"A ni tak tak maw?!!"
Essa hmuh kher chu duh lo viau mah ila țhiannui hi ka kalsan thei hauh lo, min thlah tum a ni nghe nghe a, kalsan daih chu mawi pawh a mawi lo ang.
"I hreh em?"
Mai mai a, engah nge ka hreh ang? Min lo seh dâwn tihna pawh ni hlei lo, min lo àn khum chiam dáwn pawh ni chuang lo, hreh lah lo ve.
"Kal ila?"
Two wheeler workshop a ni deuh ber, hmel hriatte motor chu khawihsak thei tho mah se, an khawih mang lo.
Maremi chuan zah theih loh chhuahin," Essa, kan lo pan tawp che, khawngaihin, min lo ensak thei ang em?" tiin hawihhâwm zet hian a bia a.
Maremi chu a en hmasa phawt a, chutah kei. Kan inen deuh vang vang a, a mitmeng cool zet țhìn kha tunah chuan mut chhuak zet a ang tawh!
"En chhin ila?"
A khâwl khawih lai chu mi dang a khawihtîr. Maremi nèn lah chuan khâwl dang a lo khawih em tih lam kan lo ngaihtuah miah lo! Kan va be ve tâwng ringawt kha a nia, a inthlahrunawm hnuhnawh.
A khabe, hmui leh biang vêla hmul țo sup chuan a inenkawl țha tâwk lo tih a tilang chiang viauin ka hria, tlangvâl țhalai a nia, hetia awm bawrchhawr ringawt mai chu a fuh ber lo asin le. A bialnu pawh khân hrilh ve tùr a nia, ngaihtuah zawm duh lovin ka hawi sawn ta daih a.
Mi dang thil siam chu hmu tak tak chuang lovin ka en kual, siam țha thuai thuai se, ka khuma mut lum vang vang ka châk!
Ruah a rawn sûr țan leh ta. A va hun lo tak êm! A vâwt si, engtia rei nge kan awm ang le?
"Vâwt i ti a nih kha, sawlaiah sâwn heater a awm, va âi rawh."
Ka awm dàn ațangin a lo hmu vek tihna a ni maw? Ka inthup ve riau emaw ka ti.
"Kha, a khua a sik a," Maremi chuan a lo ti ve a.
"Lo kal rawh," tiin ka bânah chuan min rawn kai a, hnial hman pawh a ni lo, bang mai emaw ka tihah chuan min kai lût a, an choka tê a ni ve mai ang chu, a zau lo khawp mai. Heater chu on nghâlin plastic țhutna hniam tê hi ka hmaah chuan a rawn hûng bawk a.
"Ai rawh."
Min chhuahsan nghâl. Vâwt ka ti êm a, ka hnial lo. Hnialin awmzia a nei dâwn chuang lo, keimah ka inhrem mai mai ang, heater lo êng sen vât vât chu ka țhut hnaih ta nghâl a.
Ruah a sûr tih pawh a hriat ve loh. Ka kut chu nuam ti zetin ka hem dar dar phawt a, a lum ham ham mai. 'Scooty pawh hian chhiatna tùr hmun a hriat riau hi, meilum ka ai theih phah a' tih te ka ngaihtuah vêl ta mai mai.
"A va nuam àwm ve! A siam zo tawh a; mahse, ruah a la sûr duh lutuk!" Maremi chuan a rawn ti lût a.
"A nih tak chu, a zia lo hle mai. Kan kal lui tho dâwn em niang?" ka lo ti a.
"Tih chi nâng! I khua a sik lehnghâl, i nat zual phah ang tih a hlauhawm. Han nghâk leh phawt ila, a bâng thei ta ngang lo a nih chuan U Hruaia kan phone mai dâwn nia," a ti sep sep a.
Ka bulah chuan a rawn țhu ve a.
"A bawrchhawr tiraw?"
Ka nui deuh sak ringawt. Titipui pawh ka peih lo, ka țawng peih lo, tunah tak hi chuan mut ka châk, blanket-in inkhuh hlûn mai ila.
"Siam man pawh a la duh lo."
A hmel hriat hluite kan ni ve sia, chuvàng chu a ni ang, hmel hriat neih tam hi chu eng emaw chenah a țha ve rêng asin.
"In ril a țâm em?"
A aw ri han hriat chuan min tizawi hiaiin ka hria!
Rilțâm maw? Kei chu a țâm pawhin ka hre lo, tunah hi chuan eng mah ka ei châk lo, mut ka châk zâwk.
"Țâm lo ve, kan tibuai hle mai che," Maremi chuan a lo ti vat a.
"Buai lo ve, taksa tihlum nân thingpui in r'u aw?"
Ka maimichhîng vang vang.
Thingpui hâng sa ver vawr chuan min tilum deuh hlek. Ruahsûr a bâng duh si lo, kea haw mai pawh ka duh tawh a ni, mut ka châk, ka taksa a kham țhûm bawk si.
"Ka thlah ang che u."
"A ngai lo ve, U Hruaia ka phone mai ang," Maremi chuan a lo ti vat a.
"Zopuii hi chu ka thlah ang e."
Leh deuh tlat mai a.
Hnial ka duh viau a; mahse, țawng rin emaw kha a ngai ang a, ani lah hian ka thu a awih leh duh lo ang a, thâ ka sêng thlàwn peih lo.
"Kein ka kal thei alawm," chu ka'n tih ve hrâm kha.
"I dam loh kha!"
Nia, dam lo ve. Ka hre ve alawm, min hrilh kher ka ngai lo.
"Ka hria!"
A chhuak ta daih. Khati mai ang, min chhâng dang bîk lo ang, a bialnu pawh ka ni tawh hek lo.
"U Hruaia chu ka'n phone ang e," tiin Maremi chu a phun sap a.
"Kein ka kal thei reng tak tak!"
"Ruah sûr hnuaiah hian maw?! Ni lo ve, U Hruaia nèn kan han thlah ang che," a lo ti leh a.
"A ngai hlei nem-"
"Min hnial lo teh."
"Lo kal rawh, car ka tinung tawh a nia," Essa chuan a rawn ti thûm dût, a lo luh lai ka hre hauh lo.
"A ngai lo-"
"Pawm kher i duh a ni maw? A țha alawm," a tih lai chuan a ti tak tak ngei ang tih ka hriat avàngin lu rit lûk chuan ka tho ta nghâl.Maremi pawhin min rawn zui nghâl.
"U Hruaia chu i lo nghâk ang maw?"
"Aw, a lo thleng thuai ang. Haw thuai la, i mu lum nghâl daih dâwn nia, damdawi kha theihnghilh lo la," tiin min hrilh nghâl mawlh mawlh a.
Workshop chhûng hul chinah chuan a car chu a lo dah lût tawh niin, ka kuh theihna tùrin a kawngkhar chu a lo hawng nghâl a, hnial buai lo leh melh hauh lovin ka lût, a rûkin ka khùr boh boh.
"A nih aw, Zopui, ka lo bia ang che."
*THINRIMNA LAK AȚANGIN INTHIAR FIHLÌM TUM ANG CHE, A CHHAN CHU THINRIMNA HIAN NANGMAH CHIAH KHA A TINA ANG CHE*
Wmonsbiterf-to Carmen Williams https://wakelet.com/wake/yQoj9yEDIHvAxh3esFq9S
ReplyDeletetrogranmontgul