☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 34 By Dingdi Pachuau
Ruah a sùr vàng leh ka awm a nawm loh vàng chauha hnial lo ka ni. A thu âwih ta viauah min ngai ang tih chu ka hlau angreng.
Ruah a sùr nasat avàngin kan tlân chak lo, tukverh dârthlalang chu ka luin ka nghèng a, pâwn lam ka en char char.
Ani pawhin min be lo va, ka be bík lo ang. Ka chhuk dâwnah erawh chuan làwmthu ka hrilh ve ang chu!
"Damlo lo tùrin ka hrilh ziah che kha!"
Ka duh vàng a ni em? Tu nge damloh duh ngai? A țawng a ni tih ka hai der hmak!
"A hrehawm viau em?"
A zawhna chuan tlêmin min tibuai deuh. Min țhen chu hrehawm ka ti viau em tih nge tuna ka awm nuam lo hi hrehawm ka ti zâwk tih hi?
Chhàn loh ka tum a; mahse, thil dang min zâwt leh tho ang.
"Aih."
Tikhân a zawhna pawh ka chhâng ve ve a ni mai.
"Naktûkah class kal lovin mu hahdam ang che."
Ka thu thu. Ka dam chuan ka kal ang, tuna ka awm ang hi ka nih chuan ka kal lo ang. Ka chhàn tam chuan kan titi tam mai mai, min tichàu zual dâwn, ngawi reng tawh ang.
Ruah a sûr duh si a, nihliap ka keng tho nain gate ațangin ka room thleng nihliap khum mah ila ka pheikhawk leh kekawr chu a huh leh dâwn chiang, ka peih lo sa.
"A ngaiah em ni i la awm?"
Ni dáwn tak e. Hre sa tùrah ka lo ngaih vàng vek, tunah hian University-ah ka kal tawh tih pawh a hre tawp nâng, ka rilru a na thar zak mai.
"Aw."
Inbe leh tawh lovin kan tlân tachar char. Min biak chhunah ka chhâng chhum bung thei si a, tlêm chuan nuam lo ka ti ve deuh. Ințhen hnua inbiak chhiata inhuat ka duh loh țhin teh lul nèn; mahse, tunah hi chuan eng mah ka ngaihtuah peih rih lo.
Tihngaihna awm hek lo, gate a inkhâr bawk si a, ruah sûr bur bur kârah chuan car ațangin ka chhuak, ka chhuah pah chuan," Ka lâwm e," ka ti sap a, vawt tia khùr ru dar dar chung chuan gate chu hawngin ka lût.
Ka inthlâk fel hnuah khumah chuan ka mu ta zân, damdawi pawh ka ei peih rih lo. Tunah tak hi chuan muthilh bawrh bawrh ka châk leh ta ber, ka taksa na țhûm tân damdawi țha ber a ni thei ang.
Zanriah pawh ka ei peih lo, chaw vawi khat nghei na nâ nâ hi chu ka ti țhang tawh a, ka ril pawh a țâm vak ngai chuang lo. A vawt bawk si, ruah a tla deuh reng nèn, ka tho chhuak peih lo.
Hostel-ah hian hmel hriat an awm tawh mang lo, a thar an ni deuh vek tawh a. Maremi kalpui thei dâwn lo ila chuan hetah hian ka awm tawh miah lo ang, kan dorm lamah phei chuan mi panga bâk kan awm lo, room hran țheuhah kan la awm zui, a hma kum ang khân kan la inpawh hlawm lo bawk.
Ka lo muhìl sek a ni, phone rîin min tiharh a, ka lukham hnuai maia awm a nih vàngin ka han ban a, men pawh meng lo chuan ka han chhâng a, Maremi a lo ni a.
"I zia deuh tawh em?"
"Aw, zia deuh tawh e," phak chualin ka ti, zia chu ka inti tak nain ka zia pawhin ka hre hran lo, min ngaihtuah vàngin min rawn phone a ni a, 'zia lo' tia chhàn ka hreh ve a ni.
"I muhìl ka rawn tiharh che a ni maw?"
Ka aw ațangin a hre thei chiang.
"Aw, ka lo chhîng deuh sek a."
"A țhat chu, mu leh tawh rawh. E taka, vawiin tlai khân in inbe ve em?" a rawn ti leh sar sar a.
Ka meng ser ser a, current pawh ka lo on lo. Corridor pheia light êng avàng chuan a thim hran lo tih deuh mai a ni.
Inlet pah chuan," Aw, tlêm tê chauh-" ka tàwp chawt, ka thil hmuh avàng chuan ka phu hlum lo chauh! Ka phone pawh ka thlauh chiang khawp mai!
Ka hre nghâl vat. Engtin nge a rawn luh ngam zâwk!? Vawiin tlaia min thlah avàng khân min zuam leh ta tihna em ni? Awlsam takin ka lo pawm leh duam duam a ring a ni ngei ang.
Thinrim zâwk tùr ka ni lo em ni?
Ka hre chhuak leh thut, phone chu ka ban leh vat a, a lo la țawng reng.
"...ka ti deuh a, nang lah i dam țha lo bawk nèn, naktúk lamah kan la inbe țha dâwn nia aw," a rawn ti sar sar a.
"Aw le."
"Damdawi kha ei leh la, muhìl leh tawh rawh, muttui rih mai aw."
He pa khawsazia hi a mak ngawt mai! Engtin nge a lo luh theih? Gate an kalh daih tawh àwm si a. Ka tihna chhan pawh warden thar kan nei tawh a, a strict tawh lutuk. Khua a thim deuh thet thet tawh chuan gate a kalh nghâl ziah tawh, keini dorm pawh hi min kalh khum lo chauh a ni!
Ka zun a chhuah miau avàngin ka thawh a ngai, chuti ni lo se chuan ka tho miah lo ang. Ani ngaihsak tùra tho nia min ngai a nih chuan a ring sual duai tihna.
Melh pawh ka melh lo, hetia a lo lût leh ngawt mai hi ka duh lo bawk. Ka bialpa a ni tawh lo, bâkah, a bialnu ka ni tawh lo bawk. Mak ve deuh pakhat chu a rawn lût hi min man chhuak ang tih hlauhna ka nei tawh miah lo, kan nih tawh loh vàng a nih ka ring.
Toilet-ah chuan ka'n awm rei lui deuh nain a vawh êm avàngin ka rei tak tak thei lo. A dinna ngaiah a lo la ding, ani pawh hi a luhlul ve thawkhat.
"I khua a la sik em?"
Sik sik sik... Amah ka hmu a, ka zual phahin ka hre nghe nghe.
"Eng nge i duh?" Ka zâwt sual ve ziah; mahse, tunah chuan a duh ka nih tawh loh kha. Ka zâwt sual leh lo.
"Damlo suh ka tih kha."
"Ka duh vàngin ka damlo em ni?"
Light ka on tawh avàngin kan lang chiang tawh khawp mai. Kan țawng erawh room danga mite chuan an hriain ka ring lo, kan țawng ring hran lo tlat.
A thawmhnaw a huh miah lo, ruah a sùr nasat nèn, engtin nge a huh loh theih le?! Magic a thiam a ni hial lo maw?
A ngawih vung vung hnuah chuan,"I inenkawl țha lo a nih kha," a ti leh sup.
A tihdik ve phian si avàngin ka chhâng lo, ka inenkawl țha tâwk lo miau si a.
"I khua a la sik a nih kha, damdawi ei la, mu lum leh rawh."
"Nang pawh haw rawh."
"I muthilh hnuah ka haw ang."
"Lo kal tawh miah suh."
"Lo kal lo tùra min duh chuan dam țha phawt rawh."
Chhàn ngaihna ka hre tawh rih lo, Luhlul-liana/ Chimawmliana kha a ni ve miau si a.
Damdawi chu ka ei leh a, light off-in amah hmu thei lo zâwng takin ka mu leh ta. Ka bialpa chu ni se peih lo chung chung pawhin a lo luh dànte zâwtin ka titipui ang, bâkah, min kuah lum tùrin ka tih bawk ka ring, vâwt ka ti êm asin.
Ka muhìl thei lawk lo, ka lo chhìn sek tawh vàngin a ni ngei ang, ka pang lah chu a kham êm êm zui. Ka inlet hrâm a, a dinna ngaiah a lo la ding reng!
Engtia rei nge a din tawh ang le? Dârkâr khat chuang chu a ni tawh ngei ang,ka harh hma khân engtia rei nge a lo din tawh ka hre hauh si lo.
Ka khawngaih ve deuh, a ke pawh a kham tawh ang.
Mahse, khawngaihna țawngkam ka hriattîr zeuh chuan beiseina ka siamah a ngai palh ang, min kalsan tawh a, min beisei thei a ni tawh hauh lo. Kei pawhin ka beisei tawh lo.
A dik chiah em?
Engtik laiin nge ka muthilh ka hre miah lo, ka damdawi eiin min chháwk a ni ngei ang, ka harh meuh chuan zîng a lo ni tawh!
Nizàn khân ka muthilh hnuah a haw ngei ang a, a awm rei loh hrâm ka beisei. Engtin tak haw ang maw? Ti ila a rawn kal lai pawhin ruah a sûr tho a, a rawn kal thei tho alawm, haw lam a harsat bîk riauna chhan tùr a awm chuang hlei nem.
Class kan kal ta lo, khua a nuam fahran lo va. Ruah súr lo mah se chhûm a zîng chuai mai a, ka ngaina lo. Khumah ka awm nilêng, nizàn kha ka ngaihtuah lêt a, Essa damlo ka awmpuini kha ka hre chhuak leh, kha kha a theihnghilh bîk lo a ni ngei ang. Tlai lamah Maremi'n min rawn phone a, vawiin lam eng nge ka an a hre duh a.
"Aw...ka bialpa han ni mai la aw...!!" ka tih chuan a nui hak hak a.
"Ka ni mai dâwn em niang?"
"Min ngaihtuah thei êm êm mai si a, a nuam êm alawm," ka ti a.
"Essa nèn in nih lai kha chu ni se ka hrilh chiang ngawt ang!" a ti sar sar a.
*******
Sangzuala nèn kan inhmu nawlh mai a, ani pawhin mak a ti khawp mai. A chhan chu kan inhmu khât tawh êm a, ka hman hunah ani a hman lo va, ani hman hunin ka hman lo ve bawk si a, inhmuhna hun a vâng a ni.
"Lunglei phei ila?"
"A châkawm hle mai!" ka lo ti vat.
Maremite in ațanga ka haw lam a ni a, min thlah a tum nain ka țang tlat a, thil lei kual pah ka duh thu ka hrilh hnuah chauh a âwih ve.
"I ril a țâm em?"
"Țâm lo va, Maremite inah ka ei țeuh alawm."
"E, i lêng a ni maw? An dam țha em? Ka tlawh hman thlâwt lo a ni, ka inthiam lo viau tawh a ni," a ti barh barh a.
"Hman loh tlat chuan...Túnlaiah mi kan buai tawh a, intlawh zut chu a harsa alawm," ka lo ti ve a.
Sangzuala bula ka awm chuan tlêmin ka zia, nuihza a sawi peih a, ka nui ka nui mai.
"I chêr ta riau?"
"Ka mawi sawt em?" nui chungin ka ti a.
"I mawi sa reng alawm."
Ka zak leh ta ringawt, nuam ka ti hauh lo.
"Sawmdawnga an in ațangin a chhuak tih i hria em?"
Ka tang hrâ mai. A chhuak maw?!! Ka hre hauh lo. Engvàngin nge a chhuah? A nuin a hnawt chhuak nge, amahin a nu a chhuahsan?
Lo buai tùr ka ni lo, a duh duh dànin a awm thei alawm.
"Ka hre miah lo."
A thaw hak a,"Ngaihtuah duh suh, ka sawi chhuak mai mai a nih kha. I mood ka tih-off loh hrâm ka beisei," a ti sap a.
"Engah mah ka ngai lo."
Dâwt tlêm ka sawiin ka hria.
Step-ah chuan ka pên chho hnak hnak a, ka rilruah chuan Essa hlîr mai a awm! Ka duh lo viau a, ngaihtuah loh pawh ka tum; mahse, a lo lang zêl.
Khawiah nge a awm ang? An in a chhuahsanna chu a rei tawh ang em? Sangzuala kha ka zâwt thui duh lo va, amah ngaihtuah ka an dâwn êm avànga zâwt lo kha ka ni, hriat belh erawh ka chãk.
Step tàwp P/S bul ka thlen chuan ka ding rih a, ka hah chu ka thaw ham ham. Kâwng dawm meuhin Aizawl khawpui pe tuar mai chu ka thlîr vang vang a, ka rilruah erawh kan khua a awm thung.
Thingtlâng khua, in tlêm tê awmna pawh ni mah se, he Zawlkhawpui ai hian ka ngai daih záwk! Mi tlêm tê chêng mah ila kan inhre chiang a, kan innêl bawk. Thihnî a lo thlenin chhûng tin kan kal vek thei a, hlimnî a awm lahin kan inlawmpui leh vek thei bawk. Sikul khâr meuh tak takin a nia kan inlènpui ni, kan intawrhpui a, kan inlawmpui bawk, thingtlãng nun hi a nuam êm asin.
"Ngaihtuah ril ve!"
Min tiphu ve ziah!
Kan inhmachhawn ta ràn a.
"I dam chiang tawh maw?"a ti sup a.
"Aw."
A tâwi țha khawp mai.
"A làwmawm e."
Eng nge a tih? Min lo châng em ni? Ni lo, ni lul lo mai, engah nge min lo chàn ngawt ang? Mâwl leh lutuk!
"I thawk nange?" ka ti ve ta hrâm a.
"Ka bâng hma, hmuh che ka duh a."
Eng atân maw? Hmuh min duh chhan tùr chu ka hre hauh lo mai.
"Eng nge ni ta?" Ka duh aiin ka țawng a bung mah mah.
"Thil hrilh che ka duh a."
Mak ka ti angreng nain ka tilang duh lo. In a chhuahsan thu kha em ni min hrilh a tum le? Ka hre tawh si a.
"Hmân deuha ka thil hrilh che kha i la hria em? Engtik niah emaw chuan min la kalsan ang ka tih kha?"
Ka kalsan lo, min kalsan a ni.
"Thiam loh min pe hauh suh!" ka ti lêt khar khar.
"I tân vek a ni."
Eng chu maw ka tân vek?!! Ka bo map.
"Tuna thil ka hrilh tùr che hi i hriat hunah phei chuan kan keh chhe ta hi làwmthu min hrilh hial maithei a ni," tiin za lo zet hian a țhen sak a, kei ve thung chu a thil sawi avàng chuan a ngaihna hre lo zet hian amah chu ka en hû thung.
"Sociopath i hria em?"
Eng nge chu chu?!! Ka hriat vawi khatna!
"Chu natna chu ka vei a ni."
*I DAMLAI THAWNTHU Hi A ZIAKTU NANGMAH I NI TIH THEIHNGHILH NGAI HAUH SUH*
Ruah a sùr vàng leh ka awm a nawm loh vàng chauha hnial lo ka ni. A thu âwih ta viauah min ngai ang tih chu ka hlau angreng.
Ruah a sùr nasat avàngin kan tlân chak lo, tukverh dârthlalang chu ka luin ka nghèng a, pâwn lam ka en char char.
Ani pawhin min be lo va, ka be bík lo ang. Ka chhuk dâwnah erawh chuan làwmthu ka hrilh ve ang chu!
"Damlo lo tùrin ka hrilh ziah che kha!"
Ka duh vàng a ni em? Tu nge damloh duh ngai? A țawng a ni tih ka hai der hmak!
"A hrehawm viau em?"
A zawhna chuan tlêmin min tibuai deuh. Min țhen chu hrehawm ka ti viau em tih nge tuna ka awm nuam lo hi hrehawm ka ti zâwk tih hi?
Chhàn loh ka tum a; mahse, thil dang min zâwt leh tho ang.
"Aih."
Tikhân a zawhna pawh ka chhâng ve ve a ni mai.
"Naktûkah class kal lovin mu hahdam ang che."
Ka thu thu. Ka dam chuan ka kal ang, tuna ka awm ang hi ka nih chuan ka kal lo ang. Ka chhàn tam chuan kan titi tam mai mai, min tichàu zual dâwn, ngawi reng tawh ang.
Ruah a sûr duh si a, nihliap ka keng tho nain gate ațangin ka room thleng nihliap khum mah ila ka pheikhawk leh kekawr chu a huh leh dâwn chiang, ka peih lo sa.
"A ngaiah em ni i la awm?"
Ni dáwn tak e. Hre sa tùrah ka lo ngaih vàng vek, tunah hian University-ah ka kal tawh tih pawh a hre tawp nâng, ka rilru a na thar zak mai.
"Aw."
Inbe leh tawh lovin kan tlân tachar char. Min biak chhunah ka chhâng chhum bung thei si a, tlêm chuan nuam lo ka ti ve deuh. Ințhen hnua inbiak chhiata inhuat ka duh loh țhin teh lul nèn; mahse, tunah hi chuan eng mah ka ngaihtuah peih rih lo.
Tihngaihna awm hek lo, gate a inkhâr bawk si a, ruah sûr bur bur kârah chuan car ațangin ka chhuak, ka chhuah pah chuan," Ka lâwm e," ka ti sap a, vawt tia khùr ru dar dar chung chuan gate chu hawngin ka lût.
Ka inthlâk fel hnuah khumah chuan ka mu ta zân, damdawi pawh ka ei peih rih lo. Tunah tak hi chuan muthilh bawrh bawrh ka châk leh ta ber, ka taksa na țhûm tân damdawi țha ber a ni thei ang.
Zanriah pawh ka ei peih lo, chaw vawi khat nghei na nâ nâ hi chu ka ti țhang tawh a, ka ril pawh a țâm vak ngai chuang lo. A vawt bawk si, ruah a tla deuh reng nèn, ka tho chhuak peih lo.
Hostel-ah hian hmel hriat an awm tawh mang lo, a thar an ni deuh vek tawh a. Maremi kalpui thei dâwn lo ila chuan hetah hian ka awm tawh miah lo ang, kan dorm lamah phei chuan mi panga bâk kan awm lo, room hran țheuhah kan la awm zui, a hma kum ang khân kan la inpawh hlawm lo bawk.
Ka lo muhìl sek a ni, phone rîin min tiharh a, ka lukham hnuai maia awm a nih vàngin ka han ban a, men pawh meng lo chuan ka han chhâng a, Maremi a lo ni a.
"I zia deuh tawh em?"
"Aw, zia deuh tawh e," phak chualin ka ti, zia chu ka inti tak nain ka zia pawhin ka hre hran lo, min ngaihtuah vàngin min rawn phone a ni a, 'zia lo' tia chhàn ka hreh ve a ni.
"I muhìl ka rawn tiharh che a ni maw?"
Ka aw ațangin a hre thei chiang.
"Aw, ka lo chhîng deuh sek a."
"A țhat chu, mu leh tawh rawh. E taka, vawiin tlai khân in inbe ve em?" a rawn ti leh sar sar a.
Ka meng ser ser a, current pawh ka lo on lo. Corridor pheia light êng avàng chuan a thim hran lo tih deuh mai a ni.
Inlet pah chuan," Aw, tlêm tê chauh-" ka tàwp chawt, ka thil hmuh avàng chuan ka phu hlum lo chauh! Ka phone pawh ka thlauh chiang khawp mai!
Ka hre nghâl vat. Engtin nge a rawn luh ngam zâwk!? Vawiin tlaia min thlah avàng khân min zuam leh ta tihna em ni? Awlsam takin ka lo pawm leh duam duam a ring a ni ngei ang.
Thinrim zâwk tùr ka ni lo em ni?
Ka hre chhuak leh thut, phone chu ka ban leh vat a, a lo la țawng reng.
"...ka ti deuh a, nang lah i dam țha lo bawk nèn, naktúk lamah kan la inbe țha dâwn nia aw," a rawn ti sar sar a.
"Aw le."
"Damdawi kha ei leh la, muhìl leh tawh rawh, muttui rih mai aw."
He pa khawsazia hi a mak ngawt mai! Engtin nge a lo luh theih? Gate an kalh daih tawh àwm si a. Ka tihna chhan pawh warden thar kan nei tawh a, a strict tawh lutuk. Khua a thim deuh thet thet tawh chuan gate a kalh nghâl ziah tawh, keini dorm pawh hi min kalh khum lo chauh a ni!
Ka zun a chhuah miau avàngin ka thawh a ngai, chuti ni lo se chuan ka tho miah lo ang. Ani ngaihsak tùra tho nia min ngai a nih chuan a ring sual duai tihna.
Melh pawh ka melh lo, hetia a lo lût leh ngawt mai hi ka duh lo bawk. Ka bialpa a ni tawh lo, bâkah, a bialnu ka ni tawh lo bawk. Mak ve deuh pakhat chu a rawn lût hi min man chhuak ang tih hlauhna ka nei tawh miah lo, kan nih tawh loh vàng a nih ka ring.
Toilet-ah chuan ka'n awm rei lui deuh nain a vawh êm avàngin ka rei tak tak thei lo. A dinna ngaiah a lo la ding, ani pawh hi a luhlul ve thawkhat.
"I khua a la sik em?"
Sik sik sik... Amah ka hmu a, ka zual phahin ka hre nghe nghe.
"Eng nge i duh?" Ka zâwt sual ve ziah; mahse, tunah chuan a duh ka nih tawh loh kha. Ka zâwt sual leh lo.
"Damlo suh ka tih kha."
"Ka duh vàngin ka damlo em ni?"
Light ka on tawh avàngin kan lang chiang tawh khawp mai. Kan țawng erawh room danga mite chuan an hriain ka ring lo, kan țawng ring hran lo tlat.
A thawmhnaw a huh miah lo, ruah a sùr nasat nèn, engtin nge a huh loh theih le?! Magic a thiam a ni hial lo maw?
A ngawih vung vung hnuah chuan,"I inenkawl țha lo a nih kha," a ti leh sup.
A tihdik ve phian si avàngin ka chhâng lo, ka inenkawl țha tâwk lo miau si a.
"I khua a la sik a nih kha, damdawi ei la, mu lum leh rawh."
"Nang pawh haw rawh."
"I muthilh hnuah ka haw ang."
"Lo kal tawh miah suh."
"Lo kal lo tùra min duh chuan dam țha phawt rawh."
Chhàn ngaihna ka hre tawh rih lo, Luhlul-liana/ Chimawmliana kha a ni ve miau si a.
Damdawi chu ka ei leh a, light off-in amah hmu thei lo zâwng takin ka mu leh ta. Ka bialpa chu ni se peih lo chung chung pawhin a lo luh dànte zâwtin ka titipui ang, bâkah, min kuah lum tùrin ka tih bawk ka ring, vâwt ka ti êm asin.
Ka muhìl thei lawk lo, ka lo chhìn sek tawh vàngin a ni ngei ang, ka pang lah chu a kham êm êm zui. Ka inlet hrâm a, a dinna ngaiah a lo la ding reng!
Engtia rei nge a din tawh ang le? Dârkâr khat chuang chu a ni tawh ngei ang,ka harh hma khân engtia rei nge a lo din tawh ka hre hauh si lo.
Ka khawngaih ve deuh, a ke pawh a kham tawh ang.
Mahse, khawngaihna țawngkam ka hriattîr zeuh chuan beiseina ka siamah a ngai palh ang, min kalsan tawh a, min beisei thei a ni tawh hauh lo. Kei pawhin ka beisei tawh lo.
A dik chiah em?
Engtik laiin nge ka muthilh ka hre miah lo, ka damdawi eiin min chháwk a ni ngei ang, ka harh meuh chuan zîng a lo ni tawh!
Nizàn khân ka muthilh hnuah a haw ngei ang a, a awm rei loh hrâm ka beisei. Engtin tak haw ang maw? Ti ila a rawn kal lai pawhin ruah a sûr tho a, a rawn kal thei tho alawm, haw lam a harsat bîk riauna chhan tùr a awm chuang hlei nem.
Class kan kal ta lo, khua a nuam fahran lo va. Ruah súr lo mah se chhûm a zîng chuai mai a, ka ngaina lo. Khumah ka awm nilêng, nizàn kha ka ngaihtuah lêt a, Essa damlo ka awmpuini kha ka hre chhuak leh, kha kha a theihnghilh bîk lo a ni ngei ang. Tlai lamah Maremi'n min rawn phone a, vawiin lam eng nge ka an a hre duh a.
"Aw...ka bialpa han ni mai la aw...!!" ka tih chuan a nui hak hak a.
"Ka ni mai dâwn em niang?"
"Min ngaihtuah thei êm êm mai si a, a nuam êm alawm," ka ti a.
"Essa nèn in nih lai kha chu ni se ka hrilh chiang ngawt ang!" a ti sar sar a.
*******
Sangzuala nèn kan inhmu nawlh mai a, ani pawhin mak a ti khawp mai. A chhan chu kan inhmu khât tawh êm a, ka hman hunah ani a hman lo va, ani hman hunin ka hman lo ve bawk si a, inhmuhna hun a vâng a ni.
"Lunglei phei ila?"
"A châkawm hle mai!" ka lo ti vat.
Maremite in ațanga ka haw lam a ni a, min thlah a tum nain ka țang tlat a, thil lei kual pah ka duh thu ka hrilh hnuah chauh a âwih ve.
"I ril a țâm em?"
"Țâm lo va, Maremite inah ka ei țeuh alawm."
"E, i lêng a ni maw? An dam țha em? Ka tlawh hman thlâwt lo a ni, ka inthiam lo viau tawh a ni," a ti barh barh a.
"Hman loh tlat chuan...Túnlaiah mi kan buai tawh a, intlawh zut chu a harsa alawm," ka lo ti ve a.
Sangzuala bula ka awm chuan tlêmin ka zia, nuihza a sawi peih a, ka nui ka nui mai.
"I chêr ta riau?"
"Ka mawi sawt em?" nui chungin ka ti a.
"I mawi sa reng alawm."
Ka zak leh ta ringawt, nuam ka ti hauh lo.
"Sawmdawnga an in ațangin a chhuak tih i hria em?"
Ka tang hrâ mai. A chhuak maw?!! Ka hre hauh lo. Engvàngin nge a chhuah? A nuin a hnawt chhuak nge, amahin a nu a chhuahsan?
Lo buai tùr ka ni lo, a duh duh dànin a awm thei alawm.
"Ka hre miah lo."
A thaw hak a,"Ngaihtuah duh suh, ka sawi chhuak mai mai a nih kha. I mood ka tih-off loh hrâm ka beisei," a ti sap a.
"Engah mah ka ngai lo."
Dâwt tlêm ka sawiin ka hria.
Step-ah chuan ka pên chho hnak hnak a, ka rilruah chuan Essa hlîr mai a awm! Ka duh lo viau a, ngaihtuah loh pawh ka tum; mahse, a lo lang zêl.
Khawiah nge a awm ang? An in a chhuahsanna chu a rei tawh ang em? Sangzuala kha ka zâwt thui duh lo va, amah ngaihtuah ka an dâwn êm avànga zâwt lo kha ka ni, hriat belh erawh ka chãk.
Step tàwp P/S bul ka thlen chuan ka ding rih a, ka hah chu ka thaw ham ham. Kâwng dawm meuhin Aizawl khawpui pe tuar mai chu ka thlîr vang vang a, ka rilruah erawh kan khua a awm thung.
Thingtlâng khua, in tlêm tê awmna pawh ni mah se, he Zawlkhawpui ai hian ka ngai daih záwk! Mi tlêm tê chêng mah ila kan inhre chiang a, kan innêl bawk. Thihnî a lo thlenin chhûng tin kan kal vek thei a, hlimnî a awm lahin kan inlawmpui leh vek thei bawk. Sikul khâr meuh tak takin a nia kan inlènpui ni, kan intawrhpui a, kan inlawmpui bawk, thingtlãng nun hi a nuam êm asin.
"Ngaihtuah ril ve!"
Min tiphu ve ziah!
Kan inhmachhawn ta ràn a.
"I dam chiang tawh maw?"a ti sup a.
"Aw."
A tâwi țha khawp mai.
"A làwmawm e."
Eng nge a tih? Min lo châng em ni? Ni lo, ni lul lo mai, engah nge min lo chàn ngawt ang? Mâwl leh lutuk!
"I thawk nange?" ka ti ve ta hrâm a.
"Ka bâng hma, hmuh che ka duh a."
Eng atân maw? Hmuh min duh chhan tùr chu ka hre hauh lo mai.
"Eng nge ni ta?" Ka duh aiin ka țawng a bung mah mah.
"Thil hrilh che ka duh a."
Mak ka ti angreng nain ka tilang duh lo. In a chhuahsan thu kha em ni min hrilh a tum le? Ka hre tawh si a.
"Hmân deuha ka thil hrilh che kha i la hria em? Engtik niah emaw chuan min la kalsan ang ka tih kha?"
Ka kalsan lo, min kalsan a ni.
"Thiam loh min pe hauh suh!" ka ti lêt khar khar.
"I tân vek a ni."
Eng chu maw ka tân vek?!! Ka bo map.
"Tuna thil ka hrilh tùr che hi i hriat hunah phei chuan kan keh chhe ta hi làwmthu min hrilh hial maithei a ni," tiin za lo zet hian a țhen sak a, kei ve thung chu a thil sawi avàng chuan a ngaihna hre lo zet hian amah chu ka en hû thung.
"Sociopath i hria em?"
Eng nge chu chu?!! Ka hriat vawi khatna!
"Chu natna chu ka vei a ni."
*I DAMLAI THAWNTHU Hi A ZIAKTU NANGMAH I NI TIH THEIHNGHILH NGAI HAUH SUH*
Comments
Post a Comment