☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 35 By Dingdi Pachuau
Hostel ka thlen veleh a awmzia ka zawng nghâl. Chutiang natna chu ka vawi khat hriatna a ni miau si a!
Rilru lam dik tâwk lohna. Chhia leh țha hriatna mi pângngaiin an neih ang nei lo, mi dang tâna nèlawm loh, mahni inngaihlû, thil tih sual neih pawha inchhìrna nei lo, mi dang ngaihsak lo, mi ngaih dàn tùr engah mah ngai lo/ dâwn thiam lo. Khawngaihna leh hmangaihna hre thiam lo, mi kutthlâk hreh lo.
Hetiang natna hi a lo awm tak tak maw ni a?!! Engtin nge a nih theih? Ani hi hetiang natna nei hi a ni thei lo ang, min ngaihtuah viau kha. Dik tak tak chu a awm ngei mai; mahse, ka pawm thei hlawl lo.
A nau thihna a tuar natziate kha, a hmangaih êm kha maw, kha kha lemchanna a ni thei em ni? Ka chunga khati taka a țha țhinte kha, kei chuan lemchannaah ka ngai thei lo, min ngaihtuahin min ngaihsak hle a ni ka ti ve tlat.
Hei hi a ni ngei ang 'Ka thinlung khawngaihthlâk tak hi tuin nge chhanchhuak thei ang' a tih chhan kha, ka vâr ta uar uar mai!
Mahse, mak ka ti lo thei lo! Mizo zîngah hetiang natna neite an lo awm ve reng a!! Khawvêlah, hnam dang zîngah chuan lo awm ve pheuh pheuh se chuan ka hre thiam thei ang; mahse, ani kher kher, hriat thiam a har, a mak!
Engtin nge chutiang natna chu a nei tih a inhriat le? Ka hre chiang deuh deuh châk, ka'n google zêl chhin a, enkawl dàn țha a lo awm tâk mialin.
Mahse, ka tàwp leh vat.
Vawiina min kalsan dâwna a thu sawi kha.
"Tunah phei chuan min hlau tawh ngawt ang, min tlànchhiatsan i tum nghâl ut ut hial lo maw?" tiin a nui huk a, chutah,"Ka nihna dik tak ka hrilhna chhan che hi ka hre bîk lo, ba tlat niin ka inhria a ni mahna! Kei chu mal tlat tùra siam ka ni, ka bula mi an awm chuan ka tina țhìn," a ti a nih kha.
Min tina khawp mai, ka zêp lo. Amah vàngin damdawi inah hial ka lût.
Mahse, ka theihnghilh thei chuang si lo. Hmalam pan ka tum mêk a, thil harsa tak chu a ni. Ka hmangaih a, a hlimna ka duhpui; mahse, 'keimah' nèn hlim se ka ti.
Hmeichhia ni na nâ nâ chu, Maremi pawh ka hrilh ve a, ani erawh chuan mak a lo ti hran miah lo! Film-ah leh lehkhabu lamah a lo chhiar tawhin a lo en tawh bîk, kan inang lo teh e.
"Mahse, a mak ka ti! A ngaihsak êm êm si che a, hetiang natna nei chuan anmahni bák an inngaihtuah lo asin, mi pângngai ti mai ila, lo ngai haw lo la," tiin a nui phawt a, keiin lei sei fêin ka chhuah khum thung.
Sawi zawm lehin,"Anni ang hi chuan mi pângngaiin feelings kan neih ang chi hi an nei ve ngai lo, Essa hi chu a mak deuh a niang. I laka thîkthu a tichhe lutuk pawh hi feelings eng emaw tak a nei tihna a ni a, i damloh lahin a ngaihtuah êm êm che a-" a tih lai chuan lo inrawlhin," Kha, i scooty kan siamtìr zànah pawh khân hostel-ah a rawn lût leh a," ka lo ti a.
"Eng emaw chu a awm a ni, sociopath rau rauah pawh ani hi chu a dang a ni chiang, a chhan chu i lakah hian feelings a nei tlat a ni," a ti leh a.
Nia, min duh, min thlahlel ve, chu chu ka hria, min ngaihsak ve viau bawk. Chu tak chu alawm ka buaina, hetiang natna nei a nih si chuan hêng hi thleng lo tùra ngaih a ni si.
Kan inhmu lo ta vang vang. He pa hi hetiang natna nei hi ni mah se, ka hlau hauh lo, a thinlung khawngaihthlâk tak chhanchhuaktu nih ka châk zâwk asin, țanpui theih dàn awmin a natna hi tihdamsak thei ila...
Mahse, va pan hmasatu nih chu ka duh hauh lo. A zahthlâk ka ti, a hmeichhia zâwkin va pan hmasak leh dâw dâw chu, ngaihzâwng ang kher ni lo pawhin. Bâkah, ani pawhin a lo duh kher nâng, min mamawh kher lo bawk ang, doctor thiam takte pawh an awm țeuh a...
Hun a kal chak hle mai, class kal pahin hna ruak awm kan zawng pah reng a, written lam pawh kan try nasa, hlawh țha ve deuh chin chu kan hlah lo. Bank hna ruak lamah kan țuan leh a, written-ah chuan kan inziak tling ve ve a, personal lamah erawh chuan keimah chauh ka tling ta, ani erawh vànduaìah țangin a tling lo ta hlauh.
Min han lawmpui khawp mai a, kei erawh chuan keimah chauha ka han tling chu nuam lo ka ti khawp mai a, ka làwm a kim lo; mahse, ani erawh chuan,"Țawngkam mawi lo ni lo se, kei aiin i mamawh zâwk. Kei chu pasal ka nei tawh a, lo tling ve ta tehrêng pawh ni ila thawh a rem ti kher lo maithei asin, i rilru tihrehawm duh hauh suh," tiin min hrilh.
Ka chhûngte pawhin min lawmpui, ka pa erawh chu a lâwm ve tho nain zir zawm zêl țha a la ti fan a; mahse, ka thu tlûknaah a dah ta thung.
*******
Kum khat chuang ka thawk ve ta. Ka rin aiin Bank-a thawh hi a lo hahthlâk, Rural Bank-ah a ni lehnghâl; mahse, Lungleiah a ni hlauh a, a zia rih viau. Hahthlâk viau e ti lovin thla tina hlawh han neih ve chu a nuam danglam ka tia, hlawh ka nei ve ta a ni tih ka ngaihtuah chhuah châng hi chuan ka hahna zawng zawng hi a reh ve duak țhìn.
Sangzuala nèn pawh vawi thum chu kan inhmu fuh tawh. Ani pawh hi a buai ve thei lutuk a, kei ka buai bawk, kan inhmu fuh thei thlâwt lo. Zàn lamah lah a buai chhunzawm zêl bawk a, a rawn lêng hman lo, phone lamah erawh kan inbe zauh zauh thung, Essa chanchin erawh kan sawi chhuak ngai lo.
Thingtlâng hmun hrang hrang ațangin min rawn dàwr țhìn bawk a, kan lùn thei viau mai. Keimah anga thingtlâng kilkhâwra chênga khawsa ve an ni tih ka hriat hlawm avàngin ka theihtâwp ka lo chhuah ve țhìn, a chângin thil hriat thiam lohte kan inhrilh fiah nawk nawk bawk a, nuihna tùr pawh a tam, hah deuh châng phei chuan a zia phian.
Ka ute inah ka awm rèn ràwn a; mahse, in ka luah hrang ve ta, kâr khat zet chu a ni ve tawh. An phal lo viau a; mahse, ka nau lehkha zir awmpui a remchâng si a, an phal lo viau nain an rem ti ta tho.
Tunah chuan mahni thawh chhuah ngeiin naute lehkha zir ka han châwm ve ta a nia, a zia ka ti tak zet. Ka nu leh pate'n harsa taka min chàwmna kha ka rùl lêt ve thei țan ta a, nuam ka ti, hlawh tam pui ni lo mah ila thla tin lâk luh neih chu a zia hrim hrim tawh.
Ni tin deuhthaw buai êm êmin hun hmsng țhin mah ila zàna ka mut dâwn apiangin Essa ka hre chhuak ziah. Engtin nge a awm ve tâk zêl tih ka hre châk țhìn, Maremi nèn kan inbiakin a hmu țhìn em tih ka zâwt zauh zauh. Ani lahin a hmuh thu min hrilh khât, vawi khat erawh a hmuh thu a sawi, a hma ang khân a awm bawrchhawr tawh lo tih leh workshop-ah khân a la thawk reng tih min hrilh.
"In khuaa kal kan tum kha kan țhulh daih ta sia, Thawhțanni khi chawlh a ni a, kârleh Inrinni khi i chawlh ní a ni bawk a, tum leh tawh ila?" Maremi'n a rawn ti ham ham a.
Hmm, ka chawlh ni thlengin a lo hria!
"Pawi hlei nêm, lo phei ula?"
"Yes...U Hruaia'n a sawi reng a."
"A va ho tak! Chûng ai chuan naute neih lamte hi buaipui ve tawh ula?" nui chung hian ka ti ve thung a.
"Kan tum ve lutuk, Pathianin hun a la ti lo a niang," a rawn ti a.
"Ni ve tho mai."
Kan khua ka haw khât ve deuh bawk a, ka hâw châk ve tho. Naua erawh hi chu a haw deuh reng a, kei erawh chuan rei lo tê tak tak hun va hman zawk ang kha ka peih ve lo a ni. Tûn țum erawh chu a remchâng viau dâwn e.
Vawiin chu tlêmin nimin lam ai chuan a zia ta. Min dàwrtute pawh an tam lutuk tawh lo va, hmelah tak pawh kan inen thei ta hlawm e.
"Zorinsanga..?"
Ka hmaah tak chuan Essa ngei mai chu a rawn ding ta! Mak ti deuh takin ka en deuh vang vang, ani pawhin min rawn en chhuk ve rùn, helai hmunah hian eng nge a lo tih a?!!!
"Zorinsanga i ni lo..."
"Dàwrah a kal lawk a, ka lo lâksak thei mai ang," a ti sup a.
"Chuti, helaiah hian i hming lo sign mai ta che," tiin a sign-na lai tùr chu ka kawhhmuh a, a kut leh ka kut chu a intawk deuh salh, engtin emaw tak ka awm leh tawh!
Lungleiah a rawn kal ve tlat! Eng nge a rawn tih? Kum khat chuang zân ka hmu ta lo va, tlêm chuan a lang dang ta deuh. A lu a buk deuh hret a ni maithei, bâkah, a mit hnuaiah dum val phei a lo awm ta bawk, chiang takin a hmuh theih.
Mahse, chutiang chu a ngaihtuah rei hman loh. Mi dang buaipui a ngai leh a, pawisa lam khawih kan nih avàngin tihsual palh awm thei a ni a, fîmkhur a ngaiin ngaihtuah uluk a ngai tak zet.
Ka haw kawngah erawh Essa chu ka ngaihtuah chhunzawm leh ta. Eng nge a lo tih? Vawiina ka hna thawhnaa ka hmu thut kha chu a mak ve êm a ni! Hmuh ka inring lo hrim hrim, ani pawhin a ring bîkin ka ring lo.
Naute rawngbàwl sâ diam han ei hi chu a hahdamthlâk bîk ngawih ngawih, hah deuhin chhùnah hna thawk mah ila zànah tal hi chuan hahdam ka duh ve țhìn a, Naua hian min chhâwk khawp bawk.
"U, zanin chu ka lêng chhuak ve lawk ang aw?"
"Khawiah maw?" tiin ka thlêk hâ a.
"Kan zirpui Masiami pa damlo kan kan dâwn a, ka rei lutuk lo ang, i lo hlau lo ang tiraw?" a ti leh a.
"Hlau deuh e," nui chung hian ka ti phawt a, chutah," Tak tak chuan, kal rawh, a țha. In exam hun a la hla rih bawk a, zanin na nâ nâ chu ka phalsak ang che," ka ti a.
Tuilumin ka intleuh zawk a, ka phone ka en leh rih. Ka mut a chhuak deuh selh selh a, lo mutsan daih chu ka duh chiah lo deuh, a rei loh tùr thu a sawi kha, lo nghâk teh ang.
Kawngka a rawn ri dat dat a, ka phu zawk mai! Inlêng ka nei ngai lo, Naua țhiante an nih ngawt loh chuan, anni lah chu ani awm loh chuan an lo lêng ngai si lo.
Ka hlauthâwng deuh hlek, kan in hi building hnuai a nih vàngin leh zàn thil a nih vàngin miin kan thâwm an hre vak lo ang tih ka hria a, chuvàngin 'thut tâkah' tiin ka bula hmunphiah chu ka chuh vat. Hûm țà chungin," Lo lût rawh u," ka ti a.
Mit pawh khap lova ka en kar reng lai chuan kawngka a rawn inhawng a, Essa a rawn lût!
He pa hi...engtin nge kan in a rawn hriat a?!!
"Enggg...nge i...duh? Lo țhu rawh," ka ti buh nuai a.
"Kha zawhna kha min zâwt ziah suh!"
Nia, engtizia nge ka zawh ziah le? Ka lei hi ka vêng zo lo țhin, ka inhau ru mawlh mawlh a.
"Lungleiah eng nge i lo tih a?"
"I dam em? I hnate i thawk tluang zêl maw?" te pawh tih àwm tak a nia!
"Țûlah ka lo kal."
Ka ep chiahah chuan a țhu a, in chhûng chu enin a hawi kual deuh a, kei erawh chuan amah chu mak ti deuhin ka lo la en reng thung a.
"I thil ken lai kha i dah thei tawh ang."
Hmunphiah kha ka lo la hûm reng niin, ka dah țha ta zàl zál.
"Engtin nge kan in hi i rawn hriat theih a?" Zawhna ho zet zet zawh hi ka sim thei lo chu a nih hi.
"A harsa lo e."
Kan pahnih chauha inhmachhawn leh tâk chu, ka zak thar leh ta tlat. Hmuh ka châk a, biak ka châk țhin kha a ni a, tunah lêm sawi tùr pawh ka hre ta rih lo, a bo vek. Zawhna ho zet zet zawh lah ka duh tawh si lo.
"Thingpui ka lum ang che aw?"
"Ka duh lo."
Kha, a duh lo. Ka chhuanlam siam ber pawh a hnial a nia, eng nge ka sawi leh tâk ang?
Țhu leh pahin," Engtikah nge i haw phei leh ang?" ka ti leh ringawt a.
"Ka hre rih lo."
Min chhâng chhumbung ve bawk sia, țawng chhunzawm dàn tùr a vâng, sawi tùr ka va duh tak!
"I hna thawhna chu nuam i ti em?"
Ta hlauh e, amah zâwkin min zâwt ta.
"Aw, nuam ve reng mai, hahthlâk deuh țhin mah se."
"A țhat chu."
Kan ngawih leh vang vang hnuah chuan," Nang, workshop-ah khân i la thawk reng em?" ka ti ve a.
"Aw."
A zo leh vek ta.
Hmm, thil ka zâwt țeuh ang, min chhan duh loh leh a pawi lo, a chanchin hi kimchang taka zawh chian ka duh.
"A nih, a hma khân i chanchin, i natna chungchângte kha eng vànga min hrilh nge i nih?"
Min en reng avàngin en loh hrâm hrâm ka tum, a chhan chu ka en ve reng chuan ka mitmeng ațangin ka rilru zawng zawng a hre vek thei ang tih ka hlau, amah ka la duhna leh ka hmangaihna zawng zawngte thleng hian.
"Ba tlata ka inhriat vàng a niang."
"Engati maw?" ka la ti fan.
"Ka lakah hian i danglam bîk tlat a."
Ka thin a phu țan leh dup dup tawh.
"Engtin maw?" ka hriat loh vàng a ni tawp si lo va, hriat nawn ka duh vàng chauh a ni.
"Ka hre thiam bîk chiah lo, i bula ka awm hian ka danglam phah țhin, mi dang chunga ka neih ngai loh eng emaw tak keimahah hian i thlen a ni," a ti charh charh a.
Min neih lêt leh a tum vàng mai a ni long maw? Mi danglam bík ka nih lohzia min hrilh tawh kha.
"I natna ang nei hian mi dang ngaihtuahna an nei lo va, mahni chauh an inngaihluin mi dang lakah eng feelings mah an nei lo tih ni khân ka hre si a?" ka ti lêt ve ta a.
"I bulah hi chuan a mak rêng alawm."
Ka la âwih ngam lo.
"I nau thihna pawh i tuar nat êm kha."
"Thil nih dàn phung ka zir ve tho alawm."
Eng a sawina nge? Ka hre thiam lo tawp.
"Eng nge a awmzia?" ka tih chuan ngun zeta min enin," Mi pângngai nunphung hi ka zir nasa alawm, mi hmuha pángngai taka lan ang te," a ti chhuak ta.
Mak ti zetin ka en lêt reng.
"Tuar deuh anga ka lan loh chuan tuin nge min awih thei ang? Nang pawhin min rin viau kha tiraw?" tiin a nui hawk.
Mak ka ti lutuk!
"I tuar miah lo maw?!!!"
"Tuar lo, engah mah ka ngai lo."
A â deuh tak tak chu a nih ber hi! Mahni nau thi pawh tawrh miah loh mai chu, nunphung pângngai chu a ni lo chiang alawm!
"Mahse, i bulah chuan ka danglam."
*FIN A ȚHA; MAHSE, INTI FING KHER SUH*
Hostel ka thlen veleh a awmzia ka zawng nghâl. Chutiang natna chu ka vawi khat hriatna a ni miau si a!
Rilru lam dik tâwk lohna. Chhia leh țha hriatna mi pângngaiin an neih ang nei lo, mi dang tâna nèlawm loh, mahni inngaihlû, thil tih sual neih pawha inchhìrna nei lo, mi dang ngaihsak lo, mi ngaih dàn tùr engah mah ngai lo/ dâwn thiam lo. Khawngaihna leh hmangaihna hre thiam lo, mi kutthlâk hreh lo.
Hetiang natna hi a lo awm tak tak maw ni a?!! Engtin nge a nih theih? Ani hi hetiang natna nei hi a ni thei lo ang, min ngaihtuah viau kha. Dik tak tak chu a awm ngei mai; mahse, ka pawm thei hlawl lo.
A nau thihna a tuar natziate kha, a hmangaih êm kha maw, kha kha lemchanna a ni thei em ni? Ka chunga khati taka a țha țhinte kha, kei chuan lemchannaah ka ngai thei lo, min ngaihtuahin min ngaihsak hle a ni ka ti ve tlat.
Hei hi a ni ngei ang 'Ka thinlung khawngaihthlâk tak hi tuin nge chhanchhuak thei ang' a tih chhan kha, ka vâr ta uar uar mai!
Mahse, mak ka ti lo thei lo! Mizo zîngah hetiang natna neite an lo awm ve reng a!! Khawvêlah, hnam dang zîngah chuan lo awm ve pheuh pheuh se chuan ka hre thiam thei ang; mahse, ani kher kher, hriat thiam a har, a mak!
Engtin nge chutiang natna chu a nei tih a inhriat le? Ka hre chiang deuh deuh châk, ka'n google zêl chhin a, enkawl dàn țha a lo awm tâk mialin.
Mahse, ka tàwp leh vat.
Vawiina min kalsan dâwna a thu sawi kha.
"Tunah phei chuan min hlau tawh ngawt ang, min tlànchhiatsan i tum nghâl ut ut hial lo maw?" tiin a nui huk a, chutah,"Ka nihna dik tak ka hrilhna chhan che hi ka hre bîk lo, ba tlat niin ka inhria a ni mahna! Kei chu mal tlat tùra siam ka ni, ka bula mi an awm chuan ka tina țhìn," a ti a nih kha.
Min tina khawp mai, ka zêp lo. Amah vàngin damdawi inah hial ka lût.
Mahse, ka theihnghilh thei chuang si lo. Hmalam pan ka tum mêk a, thil harsa tak chu a ni. Ka hmangaih a, a hlimna ka duhpui; mahse, 'keimah' nèn hlim se ka ti.
Hmeichhia ni na nâ nâ chu, Maremi pawh ka hrilh ve a, ani erawh chuan mak a lo ti hran miah lo! Film-ah leh lehkhabu lamah a lo chhiar tawhin a lo en tawh bîk, kan inang lo teh e.
"Mahse, a mak ka ti! A ngaihsak êm êm si che a, hetiang natna nei chuan anmahni bák an inngaihtuah lo asin, mi pângngai ti mai ila, lo ngai haw lo la," tiin a nui phawt a, keiin lei sei fêin ka chhuah khum thung.
Sawi zawm lehin,"Anni ang hi chuan mi pângngaiin feelings kan neih ang chi hi an nei ve ngai lo, Essa hi chu a mak deuh a niang. I laka thîkthu a tichhe lutuk pawh hi feelings eng emaw tak a nei tihna a ni a, i damloh lahin a ngaihtuah êm êm che a-" a tih lai chuan lo inrawlhin," Kha, i scooty kan siamtìr zànah pawh khân hostel-ah a rawn lût leh a," ka lo ti a.
"Eng emaw chu a awm a ni, sociopath rau rauah pawh ani hi chu a dang a ni chiang, a chhan chu i lakah hian feelings a nei tlat a ni," a ti leh a.
Nia, min duh, min thlahlel ve, chu chu ka hria, min ngaihsak ve viau bawk. Chu tak chu alawm ka buaina, hetiang natna nei a nih si chuan hêng hi thleng lo tùra ngaih a ni si.
Kan inhmu lo ta vang vang. He pa hi hetiang natna nei hi ni mah se, ka hlau hauh lo, a thinlung khawngaihthlâk tak chhanchhuaktu nih ka châk zâwk asin, țanpui theih dàn awmin a natna hi tihdamsak thei ila...
Mahse, va pan hmasatu nih chu ka duh hauh lo. A zahthlâk ka ti, a hmeichhia zâwkin va pan hmasak leh dâw dâw chu, ngaihzâwng ang kher ni lo pawhin. Bâkah, ani pawhin a lo duh kher nâng, min mamawh kher lo bawk ang, doctor thiam takte pawh an awm țeuh a...
Hun a kal chak hle mai, class kal pahin hna ruak awm kan zawng pah reng a, written lam pawh kan try nasa, hlawh țha ve deuh chin chu kan hlah lo. Bank hna ruak lamah kan țuan leh a, written-ah chuan kan inziak tling ve ve a, personal lamah erawh chuan keimah chauh ka tling ta, ani erawh vànduaìah țangin a tling lo ta hlauh.
Min han lawmpui khawp mai a, kei erawh chuan keimah chauha ka han tling chu nuam lo ka ti khawp mai a, ka làwm a kim lo; mahse, ani erawh chuan,"Țawngkam mawi lo ni lo se, kei aiin i mamawh zâwk. Kei chu pasal ka nei tawh a, lo tling ve ta tehrêng pawh ni ila thawh a rem ti kher lo maithei asin, i rilru tihrehawm duh hauh suh," tiin min hrilh.
Ka chhûngte pawhin min lawmpui, ka pa erawh chu a lâwm ve tho nain zir zawm zêl țha a la ti fan a; mahse, ka thu tlûknaah a dah ta thung.
*******
Kum khat chuang ka thawk ve ta. Ka rin aiin Bank-a thawh hi a lo hahthlâk, Rural Bank-ah a ni lehnghâl; mahse, Lungleiah a ni hlauh a, a zia rih viau. Hahthlâk viau e ti lovin thla tina hlawh han neih ve chu a nuam danglam ka tia, hlawh ka nei ve ta a ni tih ka ngaihtuah chhuah châng hi chuan ka hahna zawng zawng hi a reh ve duak țhìn.
Sangzuala nèn pawh vawi thum chu kan inhmu fuh tawh. Ani pawh hi a buai ve thei lutuk a, kei ka buai bawk, kan inhmu fuh thei thlâwt lo. Zàn lamah lah a buai chhunzawm zêl bawk a, a rawn lêng hman lo, phone lamah erawh kan inbe zauh zauh thung, Essa chanchin erawh kan sawi chhuak ngai lo.
Thingtlâng hmun hrang hrang ațangin min rawn dàwr țhìn bawk a, kan lùn thei viau mai. Keimah anga thingtlâng kilkhâwra chênga khawsa ve an ni tih ka hriat hlawm avàngin ka theihtâwp ka lo chhuah ve țhìn, a chângin thil hriat thiam lohte kan inhrilh fiah nawk nawk bawk a, nuihna tùr pawh a tam, hah deuh châng phei chuan a zia phian.
Ka ute inah ka awm rèn ràwn a; mahse, in ka luah hrang ve ta, kâr khat zet chu a ni ve tawh. An phal lo viau a; mahse, ka nau lehkha zir awmpui a remchâng si a, an phal lo viau nain an rem ti ta tho.
Tunah chuan mahni thawh chhuah ngeiin naute lehkha zir ka han châwm ve ta a nia, a zia ka ti tak zet. Ka nu leh pate'n harsa taka min chàwmna kha ka rùl lêt ve thei țan ta a, nuam ka ti, hlawh tam pui ni lo mah ila thla tin lâk luh neih chu a zia hrim hrim tawh.
Ni tin deuhthaw buai êm êmin hun hmsng țhin mah ila zàna ka mut dâwn apiangin Essa ka hre chhuak ziah. Engtin nge a awm ve tâk zêl tih ka hre châk țhìn, Maremi nèn kan inbiakin a hmu țhìn em tih ka zâwt zauh zauh. Ani lahin a hmuh thu min hrilh khât, vawi khat erawh a hmuh thu a sawi, a hma ang khân a awm bawrchhawr tawh lo tih leh workshop-ah khân a la thawk reng tih min hrilh.
"In khuaa kal kan tum kha kan țhulh daih ta sia, Thawhțanni khi chawlh a ni a, kârleh Inrinni khi i chawlh ní a ni bawk a, tum leh tawh ila?" Maremi'n a rawn ti ham ham a.
Hmm, ka chawlh ni thlengin a lo hria!
"Pawi hlei nêm, lo phei ula?"
"Yes...U Hruaia'n a sawi reng a."
"A va ho tak! Chûng ai chuan naute neih lamte hi buaipui ve tawh ula?" nui chung hian ka ti ve thung a.
"Kan tum ve lutuk, Pathianin hun a la ti lo a niang," a rawn ti a.
"Ni ve tho mai."
Kan khua ka haw khât ve deuh bawk a, ka hâw châk ve tho. Naua erawh hi chu a haw deuh reng a, kei erawh chuan rei lo tê tak tak hun va hman zawk ang kha ka peih ve lo a ni. Tûn țum erawh chu a remchâng viau dâwn e.
Vawiin chu tlêmin nimin lam ai chuan a zia ta. Min dàwrtute pawh an tam lutuk tawh lo va, hmelah tak pawh kan inen thei ta hlawm e.
"Zorinsanga..?"
Ka hmaah tak chuan Essa ngei mai chu a rawn ding ta! Mak ti deuh takin ka en deuh vang vang, ani pawhin min rawn en chhuk ve rùn, helai hmunah hian eng nge a lo tih a?!!!
"Zorinsanga i ni lo..."
"Dàwrah a kal lawk a, ka lo lâksak thei mai ang," a ti sup a.
"Chuti, helaiah hian i hming lo sign mai ta che," tiin a sign-na lai tùr chu ka kawhhmuh a, a kut leh ka kut chu a intawk deuh salh, engtin emaw tak ka awm leh tawh!
Lungleiah a rawn kal ve tlat! Eng nge a rawn tih? Kum khat chuang zân ka hmu ta lo va, tlêm chuan a lang dang ta deuh. A lu a buk deuh hret a ni maithei, bâkah, a mit hnuaiah dum val phei a lo awm ta bawk, chiang takin a hmuh theih.
Mahse, chutiang chu a ngaihtuah rei hman loh. Mi dang buaipui a ngai leh a, pawisa lam khawih kan nih avàngin tihsual palh awm thei a ni a, fîmkhur a ngaiin ngaihtuah uluk a ngai tak zet.
Ka haw kawngah erawh Essa chu ka ngaihtuah chhunzawm leh ta. Eng nge a lo tih? Vawiina ka hna thawhnaa ka hmu thut kha chu a mak ve êm a ni! Hmuh ka inring lo hrim hrim, ani pawhin a ring bîkin ka ring lo.
Naute rawngbàwl sâ diam han ei hi chu a hahdamthlâk bîk ngawih ngawih, hah deuhin chhùnah hna thawk mah ila zànah tal hi chuan hahdam ka duh ve țhìn a, Naua hian min chhâwk khawp bawk.
"U, zanin chu ka lêng chhuak ve lawk ang aw?"
"Khawiah maw?" tiin ka thlêk hâ a.
"Kan zirpui Masiami pa damlo kan kan dâwn a, ka rei lutuk lo ang, i lo hlau lo ang tiraw?" a ti leh a.
"Hlau deuh e," nui chung hian ka ti phawt a, chutah," Tak tak chuan, kal rawh, a țha. In exam hun a la hla rih bawk a, zanin na nâ nâ chu ka phalsak ang che," ka ti a.
Tuilumin ka intleuh zawk a, ka phone ka en leh rih. Ka mut a chhuak deuh selh selh a, lo mutsan daih chu ka duh chiah lo deuh, a rei loh tùr thu a sawi kha, lo nghâk teh ang.
Kawngka a rawn ri dat dat a, ka phu zawk mai! Inlêng ka nei ngai lo, Naua țhiante an nih ngawt loh chuan, anni lah chu ani awm loh chuan an lo lêng ngai si lo.
Ka hlauthâwng deuh hlek, kan in hi building hnuai a nih vàngin leh zàn thil a nih vàngin miin kan thâwm an hre vak lo ang tih ka hria a, chuvàngin 'thut tâkah' tiin ka bula hmunphiah chu ka chuh vat. Hûm țà chungin," Lo lût rawh u," ka ti a.
Mit pawh khap lova ka en kar reng lai chuan kawngka a rawn inhawng a, Essa a rawn lût!
He pa hi...engtin nge kan in a rawn hriat a?!!
"Enggg...nge i...duh? Lo țhu rawh," ka ti buh nuai a.
"Kha zawhna kha min zâwt ziah suh!"
Nia, engtizia nge ka zawh ziah le? Ka lei hi ka vêng zo lo țhin, ka inhau ru mawlh mawlh a.
"Lungleiah eng nge i lo tih a?"
"I dam em? I hnate i thawk tluang zêl maw?" te pawh tih àwm tak a nia!
"Țûlah ka lo kal."
Ka ep chiahah chuan a țhu a, in chhûng chu enin a hawi kual deuh a, kei erawh chuan amah chu mak ti deuhin ka lo la en reng thung a.
"I thil ken lai kha i dah thei tawh ang."
Hmunphiah kha ka lo la hûm reng niin, ka dah țha ta zàl zál.
"Engtin nge kan in hi i rawn hriat theih a?" Zawhna ho zet zet zawh hi ka sim thei lo chu a nih hi.
"A harsa lo e."
Kan pahnih chauha inhmachhawn leh tâk chu, ka zak thar leh ta tlat. Hmuh ka châk a, biak ka châk țhin kha a ni a, tunah lêm sawi tùr pawh ka hre ta rih lo, a bo vek. Zawhna ho zet zet zawh lah ka duh tawh si lo.
"Thingpui ka lum ang che aw?"
"Ka duh lo."
Kha, a duh lo. Ka chhuanlam siam ber pawh a hnial a nia, eng nge ka sawi leh tâk ang?
Țhu leh pahin," Engtikah nge i haw phei leh ang?" ka ti leh ringawt a.
"Ka hre rih lo."
Min chhâng chhumbung ve bawk sia, țawng chhunzawm dàn tùr a vâng, sawi tùr ka va duh tak!
"I hna thawhna chu nuam i ti em?"
Ta hlauh e, amah zâwkin min zâwt ta.
"Aw, nuam ve reng mai, hahthlâk deuh țhin mah se."
"A țhat chu."
Kan ngawih leh vang vang hnuah chuan," Nang, workshop-ah khân i la thawk reng em?" ka ti ve a.
"Aw."
A zo leh vek ta.
Hmm, thil ka zâwt țeuh ang, min chhan duh loh leh a pawi lo, a chanchin hi kimchang taka zawh chian ka duh.
"A nih, a hma khân i chanchin, i natna chungchângte kha eng vànga min hrilh nge i nih?"
Min en reng avàngin en loh hrâm hrâm ka tum, a chhan chu ka en ve reng chuan ka mitmeng ațangin ka rilru zawng zawng a hre vek thei ang tih ka hlau, amah ka la duhna leh ka hmangaihna zawng zawngte thleng hian.
"Ba tlata ka inhriat vàng a niang."
"Engati maw?" ka la ti fan.
"Ka lakah hian i danglam bîk tlat a."
Ka thin a phu țan leh dup dup tawh.
"Engtin maw?" ka hriat loh vàng a ni tawp si lo va, hriat nawn ka duh vàng chauh a ni.
"Ka hre thiam bîk chiah lo, i bula ka awm hian ka danglam phah țhin, mi dang chunga ka neih ngai loh eng emaw tak keimahah hian i thlen a ni," a ti charh charh a.
Min neih lêt leh a tum vàng mai a ni long maw? Mi danglam bík ka nih lohzia min hrilh tawh kha.
"I natna ang nei hian mi dang ngaihtuahna an nei lo va, mahni chauh an inngaihluin mi dang lakah eng feelings mah an nei lo tih ni khân ka hre si a?" ka ti lêt ve ta a.
"I bulah hi chuan a mak rêng alawm."
Ka la âwih ngam lo.
"I nau thihna pawh i tuar nat êm kha."
"Thil nih dàn phung ka zir ve tho alawm."
Eng a sawina nge? Ka hre thiam lo tawp.
"Eng nge a awmzia?" ka tih chuan ngun zeta min enin," Mi pângngai nunphung hi ka zir nasa alawm, mi hmuha pángngai taka lan ang te," a ti chhuak ta.
Mak ti zetin ka en lêt reng.
"Tuar deuh anga ka lan loh chuan tuin nge min awih thei ang? Nang pawhin min rin viau kha tiraw?" tiin a nui hawk.
Mak ka ti lutuk!
"I tuar miah lo maw?!!!"
"Tuar lo, engah mah ka ngai lo."
A â deuh tak tak chu a nih ber hi! Mahni nau thi pawh tawrh miah loh mai chu, nunphung pângngai chu a ni lo chiang alawm!
"Mahse, i bulah chuan ka danglam."
*FIN A ȚHA; MAHSE, INTI FING KHER SUH*
Comments
Post a Comment