☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 36 By Dingdi Pachuau
"Danglam angin i inhre mai mai a nih chu."
"Mi dang bula ka awm nèn a inang thei lo, nang hi chu i danglam bîk ka tih kha," a ti leh.
Dâwt a nih chu.
"Hmeichhe dang nèn kan inang tih i sawi kha, i hre chhuak nange?" ka ti ve ta chiah, ka ti fuh rem rem asin, a sawi ngei bawk a.
A ngawi ta deuh reng chu hnehna chang intiru zet hian ka melh a, a hnu deuhah chuan," Mipate hi chuan thinrim laiin eng eng emaw kan sawi țhìn alawm," a ti ta daih!
A fair lo.
"Thinrim laiin thu dik tak an sawi chhuak țhìn thung a," tiin ka lo belhsak a.
"Kei chu ka ni ve lo," a ti ve leh thung.
"Mipa i nih kha, i ni lo maw?" tiin ka nui hak a, a zat vàng erawh a ni hran lo.
"Mipa ka nih tih ka hria, kan hriat chian tawh kha."
Ka ngawi ta hlauh, kha kha ka sawi chhuah chhan a ni lo. Mipain thinrim laia eng eng emaw an sawi țhin a tih kha thu dik a ni an sawi țhin. Chu chu ka sawina a ni, mipa a nih chuan a thinrim laia a thil sawi kha a dik ngei ang tih ka sawina a ni.
Thil dang sawipui ka duh; mahse, a ni lo lamah a herpui leh ang tih ka hlau tawh.
"I natna kha, khatiang natna kha i nei a ni tih engtik ațangin nge i hriat țan a?" ka ti a.
"Ka têt lai, hmun danga lehkha zir tùra min dah ațang khân."
A rei tawh hle mai.
"Engtin nge i hriat chhuah?" Ka zâwt zui zêl, ka hre châk miau si a.
"Ka hriat chhuah a ni lo, Principal hriat chhuah a ni zâwk. Hmun danga awm ka duh loh vànga kut min thlâk țhin ațang khân a ințan tawh a niang, kan class-a ka țhiante'n min chhaih buai laiin mipa naupang pakhat chu a nghâwngah penin ka chhun vak a."
Râpthlâk ti zet chungin ka lo ngaithla; mahse, râpthlâk ka ti a ni tih ka hmelah tihlan loh hrâm hrâm ka tum.
"Tihnat tak tak i tum vàng a ni lo ang tiraw?" ka tih chuan," Tum e, thah ka tum asin; mahse, a vànnei ta hlauh a," a ti sup mai!
A nu leh pa kutthlâk țhinna chuan amahah natna khirh tak an siamsak tih an hria ang em le? An fapa chu mi pângngai rilru pu thei lovin an siam tih hre tal se aw...
"Min hlau sawt em?" tiin min rawn enin a nui suk.
Ka lu ka thing.
"Mi hlauhawm i ni lo tih ka hria alawm." Kei tal hian ka hriat thiam a ngai, a chanchin ka hnênah a sawi chhuak a, min ring tihna a ni ngei ang.
A ni thei ang em?
"Engati nge ka chanchin hi ka hrilh chiam che le?" te chu a ti lawi a.
"Mi dang i hrilh tawh em?"
Min rawn en ta kur mai.
"Ka hrilhin an tân eng nge hlâwkna ni ang? Min nuihzat turin ka hrilh ang maw? Teuh lo! Tu mahin an hre lo...nang tih loh," a ti nghut a.
Naua a rawn luh tâk avàngin kan sawi zawm ta lo. A lènna chanchin chu ka lo zâwt vat a, ani pawh chuan Essa nèna min melh tawn zak zak chung chuan a țhat vak loh thu chuan min chhâng a, bathroom lamah a lût ta nghâl a.
"Ka haw ang e " tiin a tho vut a, kei pawh chu ding vein," A la hma viau emaw ka ti," chu ka ti nain kan titi țha thei tawh dâwn chuang lo va, nuam a ti dâwn lo sa tih ka hria, haw mah se a pawi lo.
A kal hnuah chuan Naua chuan," Tu nge ka va hre ngai lo?" a ti sap a.
"A, hmel hriat hlui a nih kha, Aizawl lam mi a nia," engah mah ngaih loh hmel zet hian ka ti a.
"A ngêng ngawt lo maw?"
Ka nui hak. Nia, a ngêng ve pawh chu a lo ni maithei, a nunzia rengah ka lo ngai mai asin.
"Ka hre lo le."
A tûkah ka hmu miah lo, a tûklehah pawh, hmuh ka inring deuh a nia. Ringawt mai a. Kei hian ka lo la beisei nasa a nih dâwn hi, hmuh inringin ka hawi kual nasa êm mai.
Maremite rawn phei hma Nilaithawhțan zànah a rawn lang leh hlawl mai, kei lah ka inbual zo deuh chiah niin ka lu phei chu hrûkpuanin ka lo la tuam nasa.
"I damloh phah ang e."
Pathian zârah ka dam țha a, zàna ka inbual pawhin hritlâng âwmna ka chhar ngai lo, ka ti țhang lutuk tawh a, ka taksain ngaiah a lo neih tawh a ni ang.
"Ka ti țhang alawm."
Naua chu Masiamite inah a kal leh daih tawh, Thawhțanni khân a boral a, mimal takin va hre ve lo mah ila ka lo ui ve êm êm ringawt, mi fel leh khawtlâng tâna mi inpe tak a ni an ti zêl si a.
"Naktûkah ka phei dâwn a."
A haw phei tawh dâwn maw? Ka rilru a hnual deuh rawih ve ringawt! Ve ringawt hian, ka bialpa pawh a nih tawh loh hi.
"A nih chu, i awm rei ve tawh êm bawk a ni," ka ti ta ringawt.
"I hria em ni?"
"Eng chu?" ka ti hû.
"I awm rei tawh min tih kha."
"Kâr hmasaah pawh i awm tawh kha."
"Ka lo lèn tûkzîngah khân ka haw phei daih tawh!"
E, a lo phei leh tihna maw? Va hriat loh theih ve!
"E, a nih chu."
Min en vang vangin,"I lu kha tihul thuai thuai rawh," a ti ta sup a.
Ka hru ve mai bawk a, ka hrûk lai chuan țawng tùr ka ngaihtuah a.
"Maremite nupa an rawn phei dâwn asin, kan khuaah an rawn zin dâwn a."
"Engtikah?"
"Naktûk hian an lo phei ang."
"Engati nge min sàwm ve loh?"
Ka thil tih lai chu ka tàwp chat mai, engati nge chutiang zawhna chu min zawh a?
"Engati nge chutiang min zawh a? Ka bialpa pawh i ni tawh-"
"Ka la ni reng, ințhen thu kan sawi tawh em ni?"
Min ti â thei takngial dâwn!
"I duh duh ti tùrin ka hrilh chauh che a nih kha," te chu a la ti deuh deuh a.
Ka thin a rim deuh phat mai, hetia a duh duha min puh kual hi ka duh hauh lo. Ka sam pawh huih țha lo chuan amah hmachhawnin ka ding ta ngar mai a!
"Mi kawp chîng, lei dawthei leh bumnaa khat tia min țawng khum kha i hre tawh nange? Ni lo, i hria, nangma sawi ngei a nia, engah nge a sawitu chuan i hriat loh tehlul ang? Thu tàwp siamtu kha nangmah i ni lo'm ni?"
Ka țawng nasa lutuk a, thâwk lain ka tawp ta rih, thâwk la hawk hawkin ka melh pah reng. Ani pawhin mit la lo lêkin min lo en ve reng tho!
"Ka sawi dik vek tiraw? Kha, sawi tùr i hriat hauh loh kha."
Muangchâng hian a ke chu a chêt sawn a, a mit erawh a la sawn hauh lo.
"I hre zîktluak lo a nih kha," a ti sup.
"Ka hre vek duh lo zâwk a nih kha. Khatiang țawngkam chhia kha ka hre duh lo bawk, ka kâ ațanga chhuak tùr pawhin ka duh lo."
Ka thin a rim ve deuh bawk nèn, zàwi sì sè pawhin ka țawng peih lo, ka ri deuh țhak a ni.
A hmelah chuan thinrimna emaw, inchhìrna emaw lam a lang lo, hahdam hmel tak hian a țhu a, a mitmengah phei chuan eng emawti taka hlimna leh min nuihzatna riau hmuin ka inhre hial ka ti!
"Min nuihsawh rawh, hlim rawh-"
"Kat dik tak kha ka hmu lêt leh tawh e."
A nui sûng chu ka ngei lutuk ringawt! A sama va țhàm bawrh bawrh saw a nia ka duh ni, ngei zet hian ka melh a.
"Keimah ang ni tùr hian ka duh ve hauh lo che a nia, tuna i rilrua awm kha chu paih bo vang vang ang che."
Hmm, ka rilrua ka ngaihtuah zawng zawngte hi ka mitmeng ațang hian a rawn chhiar thei vek bîk a ni ang, mi hlauhawm tak a ni.
Amah pawh en duh ta lo chuan," I duh duhin min tih tum hauh suh," ka la ti tàn tán, chuti mai chuan min hneh lo ang.
"Ka mamawh che a ni."
"I hre sual a nih chu!"
"Kat, ka sawi tawh kha. I bula ka awm hian ka danglam a ni. Ka taksa hian a mamawh che a, chu aia pawimawh zâwk ka thinlung hian a mamawh zual che a ni, i danglam ka tih ziah che kha, ka tân chuan mi danglam bîk i ni tlat a ni. Ka hre thiam bîk chiah lo nain eng emaw feelings ka neih theih phah ve a ni," a ti ta sup sup a.
Che lovin ka awm reng, amah pawh ka en lo, hnuai lam ka melh reng, a mita ka en a nih hlauh chuan ka ring leh nghâl thlap dâwn tih ka hre si a.
"Ka thinrim laia ka thu sawi kha ngaithla zo la chuan khatiang ngaih dàn kha i nei hauh lo ang. Ka țawngkamte hi a chhia tih ka hria; mahse, ka lo hman țhan a nih avàngin i bulah hian ka lo insûm hman lo țhìn a."
"Chuti, mi kawp chîng, lei dawthei leh bumnaa khat i tih kha tu nge? Keimah a nih kha i sawi chhan chu," ka ti leh a.
A thaw hawk a," Nangmah i ni lo, min ring rawh. Mi dang ka lo hriat țhinte ka sawina a nih kha," a ti ve leh.
Ka rilru a tibuai.
"Ka thîkthu a chhia, i lakah hlauh phei chuan. Mipa dangin hmeichhe melha an lo melh che ka hmuh hian ka insûm thei ngai lo, tum pawh ka tum hek lo. Kha pa khân tiel zeta a bialnu hlui i ni tih leh kei aiin a fâwp hmasa zâwk che tih a sawi khân min ti â vek a ni, ka â vek!"
Mak ti takin ka en! Chutiang chu Sangzuala'n a lo hrilh maw?! A hmel chang zet ka en chuan chumi hunlai chu a ngaihtuah lêt a ni tih a hai theih loh.
"Ka that lo kha a vànnei tàwpkhâwk!
Ngaihtuah lêt loh hrâm hrâm ka tum țhìn."
A that lo hlauh chu Pathian hnênah làwmthu awm rawh se!
"Tual i that thei lo ang!"
"That mah ila ka inchhîr hauh lo ang!"
A thinlung khawngaihthlâk, vènpuitu nei lo hi chhanchhuah a ngai. A natna hi tu mahin an hriat thiampui dâwn si lo, kei a hre ber hian ka țanpui loh chuan... a tàwpna chu a țha lo khawp ang le!
"Ka remti thei ngai lo ang."
"Kat..??"
"Khawngaihin, tualthah lam kha chu sawi tawh lo hrâm teh. Thil țha lo ber a ni."
"Kat..."
Kat. Kat. Kat. He hminga min koh hi chuan ka thinlung hi a tinêm lo thei lo, a aw chhuak nèn hian a inhmeh bîk ngawih ngawih a, min hneh bîk êm êm a ni.
"Ka ngaihtuahnaah nangmah chauh i awm țhìn, zàn ka mutnaah leh hna ka thawhnaahte, engtiklai pawhin ka rilruah i awm reng țhìn."
Engtiklaiin nge ka hma chiahah a rawn din ka hre lo, kan insi lo chauh a ni. Ka melh chho ràn a, a thil sawi chuan min hneh lutuk, ka luangliam zawih zawihin ka hria!
"Ka tâ kha i la ni reng tiraw?"
"Aw..." ka aw a ri chhuak lo nain ka hmui phun ațang chuan a hre thei chiang, a nui suk.
"I lan sexy-zia hi...!"
Ka sam a thur khawp ang, ka thinrim hmel zawng zawng nèn, Lalpa leh! Ka va hmelchhe dâwn tak!
"Ni lo! Ka-"
"I țha vek!" tiin a rawn kûn hniam thut a, ka țawng lai ka ka ka àn lai tak chuan min rawn fâwp thut! Ka țawng tàwp chiang khawp mai.
Tunah chuan engkim a dik leh ta vek e.
Naua rawn haw hnuah pawh a haw nghâl ta lo, a țhu leh rèn ráwn a. Țawngkain thu sawi lo mah se a kutin min chelh a, min thlîr leh vung vung a, min fâwp leh zauh zauh bawk a. Kei erawhin ngawih reng chu mawi lova ka hriat avàng leh Naua ngaih țhat nân ka be leh zauh zauh thung. Ka rilru a hlim a, a hma dârkâr khat vêla thinrim taka hmachhawntu kha ka ni tih rin a har tawh ngawt ang!
A haw hnua ka ngaihtuahnaa awm erawh chu engkim hi chak taka ka hmachhawn a ngai dâwn tih hi. Ka țanpui a ngai a, ka theihtâwp chhuahin ka țanpui ang, ka chhûngte hauh huam a ngai ngei bawk ang, chûng zawng zawng chu Essa nèn kan inzawm leh ațang hian ka tawn tùr a ni tih chiang takin ka hria.
Mahse, ka bànsan ngai lo ang.
*I THIH HNUAH MITE'N I CHANCHIN AN SAWI ATÂNA I DUH ANGIN I DAM LAI HIAN NUNG RAWH*
"Danglam angin i inhre mai mai a nih chu."
"Mi dang bula ka awm nèn a inang thei lo, nang hi chu i danglam bîk ka tih kha," a ti leh.
Dâwt a nih chu.
"Hmeichhe dang nèn kan inang tih i sawi kha, i hre chhuak nange?" ka ti ve ta chiah, ka ti fuh rem rem asin, a sawi ngei bawk a.
A ngawi ta deuh reng chu hnehna chang intiru zet hian ka melh a, a hnu deuhah chuan," Mipate hi chuan thinrim laiin eng eng emaw kan sawi țhìn alawm," a ti ta daih!
A fair lo.
"Thinrim laiin thu dik tak an sawi chhuak țhìn thung a," tiin ka lo belhsak a.
"Kei chu ka ni ve lo," a ti ve leh thung.
"Mipa i nih kha, i ni lo maw?" tiin ka nui hak a, a zat vàng erawh a ni hran lo.
"Mipa ka nih tih ka hria, kan hriat chian tawh kha."
Ka ngawi ta hlauh, kha kha ka sawi chhuah chhan a ni lo. Mipain thinrim laia eng eng emaw an sawi țhin a tih kha thu dik a ni an sawi țhin. Chu chu ka sawina a ni, mipa a nih chuan a thinrim laia a thil sawi kha a dik ngei ang tih ka sawina a ni.
Thil dang sawipui ka duh; mahse, a ni lo lamah a herpui leh ang tih ka hlau tawh.
"I natna kha, khatiang natna kha i nei a ni tih engtik ațangin nge i hriat țan a?" ka ti a.
"Ka têt lai, hmun danga lehkha zir tùra min dah ațang khân."
A rei tawh hle mai.
"Engtin nge i hriat chhuah?" Ka zâwt zui zêl, ka hre châk miau si a.
"Ka hriat chhuah a ni lo, Principal hriat chhuah a ni zâwk. Hmun danga awm ka duh loh vànga kut min thlâk țhin ațang khân a ințan tawh a niang, kan class-a ka țhiante'n min chhaih buai laiin mipa naupang pakhat chu a nghâwngah penin ka chhun vak a."
Râpthlâk ti zet chungin ka lo ngaithla; mahse, râpthlâk ka ti a ni tih ka hmelah tihlan loh hrâm hrâm ka tum.
"Tihnat tak tak i tum vàng a ni lo ang tiraw?" ka tih chuan," Tum e, thah ka tum asin; mahse, a vànnei ta hlauh a," a ti sup mai!
A nu leh pa kutthlâk țhinna chuan amahah natna khirh tak an siamsak tih an hria ang em le? An fapa chu mi pângngai rilru pu thei lovin an siam tih hre tal se aw...
"Min hlau sawt em?" tiin min rawn enin a nui suk.
Ka lu ka thing.
"Mi hlauhawm i ni lo tih ka hria alawm." Kei tal hian ka hriat thiam a ngai, a chanchin ka hnênah a sawi chhuak a, min ring tihna a ni ngei ang.
A ni thei ang em?
"Engati nge ka chanchin hi ka hrilh chiam che le?" te chu a ti lawi a.
"Mi dang i hrilh tawh em?"
Min rawn en ta kur mai.
"Ka hrilhin an tân eng nge hlâwkna ni ang? Min nuihzat turin ka hrilh ang maw? Teuh lo! Tu mahin an hre lo...nang tih loh," a ti nghut a.
Naua a rawn luh tâk avàngin kan sawi zawm ta lo. A lènna chanchin chu ka lo zâwt vat a, ani pawh chuan Essa nèna min melh tawn zak zak chung chuan a țhat vak loh thu chuan min chhâng a, bathroom lamah a lût ta nghâl a.
"Ka haw ang e " tiin a tho vut a, kei pawh chu ding vein," A la hma viau emaw ka ti," chu ka ti nain kan titi țha thei tawh dâwn chuang lo va, nuam a ti dâwn lo sa tih ka hria, haw mah se a pawi lo.
A kal hnuah chuan Naua chuan," Tu nge ka va hre ngai lo?" a ti sap a.
"A, hmel hriat hlui a nih kha, Aizawl lam mi a nia," engah mah ngaih loh hmel zet hian ka ti a.
"A ngêng ngawt lo maw?"
Ka nui hak. Nia, a ngêng ve pawh chu a lo ni maithei, a nunzia rengah ka lo ngai mai asin.
"Ka hre lo le."
A tûkah ka hmu miah lo, a tûklehah pawh, hmuh ka inring deuh a nia. Ringawt mai a. Kei hian ka lo la beisei nasa a nih dâwn hi, hmuh inringin ka hawi kual nasa êm mai.
Maremite rawn phei hma Nilaithawhțan zànah a rawn lang leh hlawl mai, kei lah ka inbual zo deuh chiah niin ka lu phei chu hrûkpuanin ka lo la tuam nasa.
"I damloh phah ang e."
Pathian zârah ka dam țha a, zàna ka inbual pawhin hritlâng âwmna ka chhar ngai lo, ka ti țhang lutuk tawh a, ka taksain ngaiah a lo neih tawh a ni ang.
"Ka ti țhang alawm."
Naua chu Masiamite inah a kal leh daih tawh, Thawhțanni khân a boral a, mimal takin va hre ve lo mah ila ka lo ui ve êm êm ringawt, mi fel leh khawtlâng tâna mi inpe tak a ni an ti zêl si a.
"Naktûkah ka phei dâwn a."
A haw phei tawh dâwn maw? Ka rilru a hnual deuh rawih ve ringawt! Ve ringawt hian, ka bialpa pawh a nih tawh loh hi.
"A nih chu, i awm rei ve tawh êm bawk a ni," ka ti ta ringawt.
"I hria em ni?"
"Eng chu?" ka ti hû.
"I awm rei tawh min tih kha."
"Kâr hmasaah pawh i awm tawh kha."
"Ka lo lèn tûkzîngah khân ka haw phei daih tawh!"
E, a lo phei leh tihna maw? Va hriat loh theih ve!
"E, a nih chu."
Min en vang vangin,"I lu kha tihul thuai thuai rawh," a ti ta sup a.
Ka hru ve mai bawk a, ka hrûk lai chuan țawng tùr ka ngaihtuah a.
"Maremite nupa an rawn phei dâwn asin, kan khuaah an rawn zin dâwn a."
"Engtikah?"
"Naktûk hian an lo phei ang."
"Engati nge min sàwm ve loh?"
Ka thil tih lai chu ka tàwp chat mai, engati nge chutiang zawhna chu min zawh a?
"Engati nge chutiang min zawh a? Ka bialpa pawh i ni tawh-"
"Ka la ni reng, ințhen thu kan sawi tawh em ni?"
Min ti â thei takngial dâwn!
"I duh duh ti tùrin ka hrilh chauh che a nih kha," te chu a la ti deuh deuh a.
Ka thin a rim deuh phat mai, hetia a duh duha min puh kual hi ka duh hauh lo. Ka sam pawh huih țha lo chuan amah hmachhawnin ka ding ta ngar mai a!
"Mi kawp chîng, lei dawthei leh bumnaa khat tia min țawng khum kha i hre tawh nange? Ni lo, i hria, nangma sawi ngei a nia, engah nge a sawitu chuan i hriat loh tehlul ang? Thu tàwp siamtu kha nangmah i ni lo'm ni?"
Ka țawng nasa lutuk a, thâwk lain ka tawp ta rih, thâwk la hawk hawkin ka melh pah reng. Ani pawhin mit la lo lêkin min lo en ve reng tho!
"Ka sawi dik vek tiraw? Kha, sawi tùr i hriat hauh loh kha."
Muangchâng hian a ke chu a chêt sawn a, a mit erawh a la sawn hauh lo.
"I hre zîktluak lo a nih kha," a ti sup.
"Ka hre vek duh lo zâwk a nih kha. Khatiang țawngkam chhia kha ka hre duh lo bawk, ka kâ ațanga chhuak tùr pawhin ka duh lo."
Ka thin a rim ve deuh bawk nèn, zàwi sì sè pawhin ka țawng peih lo, ka ri deuh țhak a ni.
A hmelah chuan thinrimna emaw, inchhìrna emaw lam a lang lo, hahdam hmel tak hian a țhu a, a mitmengah phei chuan eng emawti taka hlimna leh min nuihzatna riau hmuin ka inhre hial ka ti!
"Min nuihsawh rawh, hlim rawh-"
"Kat dik tak kha ka hmu lêt leh tawh e."
A nui sûng chu ka ngei lutuk ringawt! A sama va țhàm bawrh bawrh saw a nia ka duh ni, ngei zet hian ka melh a.
"Keimah ang ni tùr hian ka duh ve hauh lo che a nia, tuna i rilrua awm kha chu paih bo vang vang ang che."
Hmm, ka rilrua ka ngaihtuah zawng zawngte hi ka mitmeng ațang hian a rawn chhiar thei vek bîk a ni ang, mi hlauhawm tak a ni.
Amah pawh en duh ta lo chuan," I duh duhin min tih tum hauh suh," ka la ti tàn tán, chuti mai chuan min hneh lo ang.
"Ka mamawh che a ni."
"I hre sual a nih chu!"
"Kat, ka sawi tawh kha. I bula ka awm hian ka danglam a ni. Ka taksa hian a mamawh che a, chu aia pawimawh zâwk ka thinlung hian a mamawh zual che a ni, i danglam ka tih ziah che kha, ka tân chuan mi danglam bîk i ni tlat a ni. Ka hre thiam bîk chiah lo nain eng emaw feelings ka neih theih phah ve a ni," a ti ta sup sup a.
Che lovin ka awm reng, amah pawh ka en lo, hnuai lam ka melh reng, a mita ka en a nih hlauh chuan ka ring leh nghâl thlap dâwn tih ka hre si a.
"Ka thinrim laia ka thu sawi kha ngaithla zo la chuan khatiang ngaih dàn kha i nei hauh lo ang. Ka țawngkamte hi a chhia tih ka hria; mahse, ka lo hman țhan a nih avàngin i bulah hian ka lo insûm hman lo țhìn a."
"Chuti, mi kawp chîng, lei dawthei leh bumnaa khat i tih kha tu nge? Keimah a nih kha i sawi chhan chu," ka ti leh a.
A thaw hawk a," Nangmah i ni lo, min ring rawh. Mi dang ka lo hriat țhinte ka sawina a nih kha," a ti ve leh.
Ka rilru a tibuai.
"Ka thîkthu a chhia, i lakah hlauh phei chuan. Mipa dangin hmeichhe melha an lo melh che ka hmuh hian ka insûm thei ngai lo, tum pawh ka tum hek lo. Kha pa khân tiel zeta a bialnu hlui i ni tih leh kei aiin a fâwp hmasa zâwk che tih a sawi khân min ti â vek a ni, ka â vek!"
Mak ti takin ka en! Chutiang chu Sangzuala'n a lo hrilh maw?! A hmel chang zet ka en chuan chumi hunlai chu a ngaihtuah lêt a ni tih a hai theih loh.
"Ka that lo kha a vànnei tàwpkhâwk!
Ngaihtuah lêt loh hrâm hrâm ka tum țhìn."
A that lo hlauh chu Pathian hnênah làwmthu awm rawh se!
"Tual i that thei lo ang!"
"That mah ila ka inchhîr hauh lo ang!"
A thinlung khawngaihthlâk, vènpuitu nei lo hi chhanchhuah a ngai. A natna hi tu mahin an hriat thiampui dâwn si lo, kei a hre ber hian ka țanpui loh chuan... a tàwpna chu a țha lo khawp ang le!
"Ka remti thei ngai lo ang."
"Kat..??"
"Khawngaihin, tualthah lam kha chu sawi tawh lo hrâm teh. Thil țha lo ber a ni."
"Kat..."
Kat. Kat. Kat. He hminga min koh hi chuan ka thinlung hi a tinêm lo thei lo, a aw chhuak nèn hian a inhmeh bîk ngawih ngawih a, min hneh bîk êm êm a ni.
"Ka ngaihtuahnaah nangmah chauh i awm țhìn, zàn ka mutnaah leh hna ka thawhnaahte, engtiklai pawhin ka rilruah i awm reng țhìn."
Engtiklaiin nge ka hma chiahah a rawn din ka hre lo, kan insi lo chauh a ni. Ka melh chho ràn a, a thil sawi chuan min hneh lutuk, ka luangliam zawih zawihin ka hria!
"Ka tâ kha i la ni reng tiraw?"
"Aw..." ka aw a ri chhuak lo nain ka hmui phun ațang chuan a hre thei chiang, a nui suk.
"I lan sexy-zia hi...!"
Ka sam a thur khawp ang, ka thinrim hmel zawng zawng nèn, Lalpa leh! Ka va hmelchhe dâwn tak!
"Ni lo! Ka-"
"I țha vek!" tiin a rawn kûn hniam thut a, ka țawng lai ka ka ka àn lai tak chuan min rawn fâwp thut! Ka țawng tàwp chiang khawp mai.
Tunah chuan engkim a dik leh ta vek e.
Naua rawn haw hnuah pawh a haw nghâl ta lo, a țhu leh rèn ráwn a. Țawngkain thu sawi lo mah se a kutin min chelh a, min thlîr leh vung vung a, min fâwp leh zauh zauh bawk a. Kei erawhin ngawih reng chu mawi lova ka hriat avàng leh Naua ngaih țhat nân ka be leh zauh zauh thung. Ka rilru a hlim a, a hma dârkâr khat vêla thinrim taka hmachhawntu kha ka ni tih rin a har tawh ngawt ang!
A haw hnua ka ngaihtuahnaa awm erawh chu engkim hi chak taka ka hmachhawn a ngai dâwn tih hi. Ka țanpui a ngai a, ka theihtâwp chhuahin ka țanpui ang, ka chhûngte hauh huam a ngai ngei bawk ang, chûng zawng zawng chu Essa nèn kan inzawm leh ațang hian ka tawn tùr a ni tih chiang takin ka hria.
Mahse, ka bànsan ngai lo ang.
*I THIH HNUAH MITE'N I CHANCHIN AN SAWI ATÂNA I DUH ANGIN I DAM LAI HIAN NUNG RAWH*
Comments
Post a Comment