☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 37 By Dingdi Pachuau
Maremite rawn thlen zàn chuan Maremi nèn chuan kan muhìl mang lo, kan titi nasa lutuk a! Hmeichhia hi chuan inhmuh loh hlek chhúng hian sawi tùr hi kan lo ngah khawp mai a, thu hrilhna tùr hi kan lo mamawh êm a lo ni.
Hruaia chhuatah amahin a mu a, keiin Maremi chu ka khumah ka mutpui thung. Hruaia'n," Mu dùn rawh u, in inhmu lo rei tawh si," a ti tlat a, khuma muttîr dâwn lahin a duh bawk si lo va, chhuatah kher mut a duh a nih chu.
"I duha i hmangaih tlat chuan țha ka tihpui reng che; mahse, a tina leh a g che tih ka hlau êm tawh a ni," a ti sap sap a.
"Nia; mahse, ka khawngaih a, țanpui ka duh pah bawk nèn, ka hnial thei thlâwt lo a ni. Tawrh a ngaih ták leh ka tuar leh mai a niang chu."
A tlak karh a.
"A tân hi chuan i inhuam nasa teh e tiraw?" a tih leh chuan," Nang pawhin i huam ve tho kha, hostel-ah ka ai awhin a awmtîr thei che a nia," nui chung chuan ka ti a.
Nui chung hian," Ni ve tho, i tân khân a ni mah zâwk. Thil thlengte kha i han zêp kual vêl a..." a tih lai chuan," Ka zêp pawh a ni chiah lo, hmuh tawh loh ka tum vàng kha a ni zâwk a. Kan hmalam hun kan hriat lohzia hi, tiraw? Hruaia nèn pawh in la inhre tawp lo a nia," ka ti lêt a.
"Ni e, khatih lai khân 'i pasal tùr' tiin U Hruaia hi min kawhhmuh ta se, ka âwih lo ngawt ang!"
Zîngah kan tho hma leh tho, eirawng kan bâwl hma, chhuah thuai kan duh avàngin. Naua erawh inah a lo awm dâwn a, ani chu a haw zin tawh avàngin a inthlahrung tawh.
Ka chhûngte ka hrilh lâwk vek tawh avàngin an lo inbuatsaih ve nasa. Kan thlen veleh thingpui min lo siamsak vat a, Hruaiate chu huana kal an châk êm avàngin kan chawl rei lo, nilêngin huanah hun kan hmang. Tlâi deuh takah kan haw a, ka pain Zoâr tui lai ngei mai a lo talh a, artui a lo chhùm bawk. Hruaia leh Maremi chuan zoâr tui lai sa chu an han ngaisang khawp mai a, làwmthu an sawi mawlh mawlh reng mai.
Ka pa leh Hruaia an titi a, mipa ngang an nih vàngin keini hmeichheho chuan kan pâwl ve phâk lo, an bulah kan awm ve nain thil dang daih kan lo sawi thung.
Naua room-ah an innghat, khua a țha a, thla pawh a êng nuam. Kan bathlàrah kan țhu a, in chhûng êngin a rawn chhun phâk loh chiah chiah avàngin thla êng kan chhim thei a, a nuam danglam zak.
"Tu emaw awm ve se...i ti i rilruin," tiin Maremi chuan min fiam sak a.
"'Ti ve bawk ang chu' ti rawh, Zopui?" Hruaia chuan a lo ti thung a.
"Nia..."
"Sàwm ve tùr che alawm le, a châk ve tho ang," Maremi chuan a ti leh a.
"Châk maithei; mahse, kan thingtlâng êm a, nuam a ti lo ang," ka lo ti a.
"Duh berte awmna apiang chu a nuam vek zêl alawm," Hruaia chuan a lo ti ve sap a.
Ka pawm zâwng tak.
Phone a rawn ri ta chiah mai, amah a ni nghe nghe.
"Mi chhe sawi hi chu aw..." tiin nui chung hian ka chhâng ta nghâl a.
"Nuam in va ti àwm bîk ve a!"
"Hei, kan lo sawi mêk che a."
"Min rèl loh hrâm ka beisei," a tih sup chuan," Teuh lo mai!" uar zet hian ka ti a, Hruaia leh Maremi an lo nui hak hak a.
"Ka ngai che a."
A awki a'n tihniam leh zual a, ka hre thei chang chang.
"Kei pawh."
"Ka sawi vàng chauhin i ti ve a ni lo maw?"
"Aih, ka ti tak tak!"
A nui hawk.
"I lawmawm reuh mang e! 02 lamah khân rawn insawn mai ka duh."
02 a han ti kher ah!
"Sawi lo teh! I sawi dàn kher kha..."
A nui leh hawk.
"Engtin nge ka sawi a? 02 tih kha maw? 02 a ni lo em ni?"
"Nih chu ni e; mahse, i sawi chhuah dàn ki tak kha, hmusit rawng a kâi deuh ka ti," ka tih chuan a hnâr a tum dât.
"Hmusit lo ve, i awmna a nia, awm ve ka duh zâwk alawm."
Maremite nupa hriata han biak vêl chu nuam ka ti hran hauh lo, ka duh ang tak pawh ka sawi chhuak thei lo.
"Mut dâwnah ka rawn text ang che," ka ti ta ringawt.
Kan inbiak zawh chuan Hruaia chuan," In va duh tâwk hma ve!" a lo ti a.
"A, inbiakna hun a la tam alawm," ka ti ve ringawt a.
"I zak a nih kha," Maremi chuan inti hre zet hian a lo ti a.
Zêp duh hran lo chuan," Ni e," ka ti, Maremi a nui chhuak hawk a, Hruaia leh kei pawh kan nui ve tho.
Ka mut dâwnah chuan ka va text, a la muhìl lo ang tih ka hria.
*Ka thu tiam ka rawn hlen chiah e😊 Ka fel i ti em?*
A rawn call thung! Ka phone ka lo silent chu ka ti fuh tak tak! Mi dang tihharh ka duh hauh si lo, hre ta se chuan a tlai ve tawh si a, an rilru a phâwklêk ngei ngei ang.
"Fel khawp mai, tunah chuan i țawng țha ngam tawh ang chu maw?" a rawn tih chuan min hre chiang lutuk chu ka thin a rim lek lek a ni.
"Ka ngam reng!" chu ka'n ti ve ngial a.
"A nih, min duh thu han sawi teh."
A va naupang chhia tak!
"Ka duh che."
Kan phun dun sep sep chauh a ni a, mi dangin kan țawng chu an hre thei dâwn lo tih ka hriat avàngin ka zak duh bîk lo.
"Tunah tak hian i bula awm ka châk! Kuah che ka duh a, thlamuang taka kuah chung chea mut ka duh a ni," a rawn ti sup sup a.
Maimichhîng vang vangin a khuma kan mut dun kha ka ngaihtuah a, a lo rei ve tawh hle mai. A ngaihawm, kei pawhin khatiang khân awm dun leh ka châk, a âwm nghèng riala mut kha chuan thla a muang ngawih ngawih a nih kha.
"Engtikah nge kan inhmuh leh theih ang?"
A thaw hawk.
"Tunah hian insiam sawk sawka rawn tlàn phei mai a ni ka duh ni-"
"Ni lo ve, ka duh hauh lo! Hmanhmawha thil tih rum rum a țha ngai lo, hun remchâng i neih veleh i lo phei zâwk dâwn nia," ka ti ve thung a.
"Min ngai tâwk ve lo a nih kha!"
Ngai râpthlâk! A hmel leh a pianphung zawng zawng mitthla chung chuan,"Ka ngai chiang che! A chiang em? Nang tluka ngaih ka nei lo!" uar thei ang ber hian ka ti. Ka țawng ring ngam si lo va, uar takzet erawh a har khawp.
A túkah kan inkhâwm vek a, Maremite nupa pawhin inkhâwm thawmhnaw an rawn keng thlap. An ti țha a nia, kan khaw mite lah chuan an en duh nasa, thingtlãng khua tihtakah mikhual hi an langsàr hma a, anni pawh mikhual an nih miau avàngin an langsàr lo thei lo.
Ka rin aiin nuam an ti daih! Khawpui mi tihtakah, an fel a, an țawng duh a, mite pawhin an nêl thei nghâl mai. Aizawl mi an ni tih an hriat hnu phei chuan an chung en nghâl vekin ka hria.
Thawhțanni tlaiah Lungleiah kan phei a, kan inah zanriah eiin muangchâng lutuk lovin an haw phei. Naktûk holiday a ni tawh si lo va, Hruaia a office hman ngei a ngai si a ni. Chawhmeh leh ei tùr eng eng emaw an hàwn phei țeuh a, an lâwm khawp mai.
*******
Ngai viau mah ila, tunah chuan kan inkawp leh tâk avàngin ka rilru a hlim tawh a, inhmu ngun thei lo mah ila kan in-video call ngun thung a, Naua pawhin a hre tawh. A thup zawh sèn loh, a hriat țantirh chuan mak a ti râp mai!
"Bialpa i nei maw?!! I inhmeh lo e," a ti. A hnu deuhah erawh chuan,"A ngêng tih ka sawi kha i hrilh tawh em?" a ti ve thung.
"Hrilh nâng, engah nge ka hrilh ringawt ang le?"
"A nih, zu a in țhin em?"
Hei tak hi chhàn hrehawm ka tih, zawhna ka duh loh leh ka huphurh ber kha a ni.
"In zeuh zeuh."
"Ka pain zu in a duh lo tih kha i hria tiraw?" a ti ta chiah.
"Aw, hria, ka hria; mahse, ka hmangaih alawm. Kei pawhin zu in chu ka duh bîk lo; mahse, hmangaihna chuan zu in leh in lo a thliar thei si lo alawm," ka ti ta hmawk hmawk a.
"Sawi theih ka nei ve hauh lo; mahse, ka pa duh loh zâwng a nih chuan in buai ka hlauh vàng a nia, kei chuan in duh phawt chuan ka pawm vek," a ti ta charh charh a.
Naua rilru ang hi ka pain pu ve se ka ti hle mai. Essa hi mi sual a ni miah lo, a natna avàng hian mi sual ni angin a lang mai mai a ni, țanpui a ngai a, țanpui ka tum rêng a ni.
Tlai khat chu chaw kan ei dâwn lai takin min rawn phone hlauh mai, chaw ei dâwn leh chaw ei laia phone chhàn hi ka duh lo khawp mai a; mahse, Essa a nih vàng chauhin ka chhâng ta hrám.
"Hello, Ess?"
"Kat, ka bulah awm la ka ti hle mai!" a ti vang vang a.
"Min ngai leh tawh a ni maw?"nui chunga ka tiha," In ka chhuahsan a ni,"a rawn tih chuan ka nui hmel chu a tàwp chiang ngawtin ka ring!
"Engtin maw?!!"
"Ka chhuahsan."
"A nih chuan, khawiah nge i awm tâk?" Khawiah nge a awm ang? Ruah sùr hunlai a la ni bawk si, ka ngaihtuah lo thei lo.
"Workshop-ah khân, i hria tiraw?"
Kha a thawhna workshop zìm angreng takah khân maw? Khawiah nge a mut ang?
"Zanin chu motor-ah ka riak phawt ang a, naktûk lamah chuan ka insiam fel deuh thei ang chu?"
Engati nge a vànduai tawh tehlul nèn, vànduaina hian a la ûm zui zêl ni? A pa a thi a, a nu lah a tân nu nih a tling si lo, a pi leh pute ve ve pawhin an ngaihsak țha duh lo a nia, an tupa a ni si a, heti taka an hnuchhawn thei hi a mak ka ti.
"I pi leh pute pan i hreh em ni?"
"Pi leh pu ka nei lo."
Leh tlat mai a. A nu lama a pi leh pu leh a pa lam aťanga a pi leh pûte hi an hausa tia an sawi kha, engtizia nge hetia pi leh pu leh chhûngkhat nei miah lo anga a khawsak theih le? An inhmu thiam chiah lo pawh a ni maithei.
"I awmna chu, a hrehawm ngawt ang a?" ka tih chuan," Mipa ka ni alawm," tiin min chhâng.
"Min la duh tho em?"
Duh!!! Engtin nge ka duh loh ngawt ang? Ka hmangaih a, ka duh a, a tân ka engkim ka hlàn tawh. A sum leh pai ka thlîr lo, a chhûngte pawh ka thlîr hek lo, amah hi alawm ka hmangaih. Neih a neih loh poh leh thinlunga a thawh dàn a ril zâwk ngei ang chu!
Tunah chuan eng mah neih a nei ta lo. Keimah chauh ka ni tawhin ka ring, a tân chuan he khawvêl hi eng mah lo mai a ni țêp tawh hial ang chu.
A bula awma hnem ka va duh tak! A harsatna tawh zawng zawngte chu zawh chhuah veka a tân ka ding reng a ka awm reng a ni tih hria se ka duh.
"I tân chuan ka awm reng ang."
Țawngkam mai a ni lo, a tân ka duhthusàm ka sawi chhuah mai mai pawh a ni lo. Kan hmaah eng pawh lo thleng se phatsan ka tum lo va, eng anga harsatna lian pawh lo thleng se a tân innghahna, țanpuitu leh thlamuantu nih ka duh reng ang.
"Ka láwm e, Kat."
Làwmthu min hrilh a nia! A tân vànduaina hi a râwng tawh mah mah a ni, vànneihna hian thla rawn zàrsak ve tawh se, hlimna hi a mamawh ve tawh asin.
A tân hian nun hi a fair mawlh lo.
Eng pawh ni se, a tân beiseina nung nih ka tum ang, chu chu ka tih theih țha ber a ni bawk.
*A LÊT LEH BEISEI LOVA MI THIL PÊK HI MI THIL PHAL ZIA DIK TAK A NI A, THIL PHALNA DIK TAK A NI BAWK*
Maremite rawn thlen zàn chuan Maremi nèn chuan kan muhìl mang lo, kan titi nasa lutuk a! Hmeichhia hi chuan inhmuh loh hlek chhúng hian sawi tùr hi kan lo ngah khawp mai a, thu hrilhna tùr hi kan lo mamawh êm a lo ni.
Hruaia chhuatah amahin a mu a, keiin Maremi chu ka khumah ka mutpui thung. Hruaia'n," Mu dùn rawh u, in inhmu lo rei tawh si," a ti tlat a, khuma muttîr dâwn lahin a duh bawk si lo va, chhuatah kher mut a duh a nih chu.
"I duha i hmangaih tlat chuan țha ka tihpui reng che; mahse, a tina leh a g che tih ka hlau êm tawh a ni," a ti sap sap a.
"Nia; mahse, ka khawngaih a, țanpui ka duh pah bawk nèn, ka hnial thei thlâwt lo a ni. Tawrh a ngaih ták leh ka tuar leh mai a niang chu."
A tlak karh a.
"A tân hi chuan i inhuam nasa teh e tiraw?" a tih leh chuan," Nang pawhin i huam ve tho kha, hostel-ah ka ai awhin a awmtîr thei che a nia," nui chung chuan ka ti a.
Nui chung hian," Ni ve tho, i tân khân a ni mah zâwk. Thil thlengte kha i han zêp kual vêl a..." a tih lai chuan," Ka zêp pawh a ni chiah lo, hmuh tawh loh ka tum vàng kha a ni zâwk a. Kan hmalam hun kan hriat lohzia hi, tiraw? Hruaia nèn pawh in la inhre tawp lo a nia," ka ti lêt a.
"Ni e, khatih lai khân 'i pasal tùr' tiin U Hruaia hi min kawhhmuh ta se, ka âwih lo ngawt ang!"
Zîngah kan tho hma leh tho, eirawng kan bâwl hma, chhuah thuai kan duh avàngin. Naua erawh inah a lo awm dâwn a, ani chu a haw zin tawh avàngin a inthlahrung tawh.
Ka chhûngte ka hrilh lâwk vek tawh avàngin an lo inbuatsaih ve nasa. Kan thlen veleh thingpui min lo siamsak vat a, Hruaiate chu huana kal an châk êm avàngin kan chawl rei lo, nilêngin huanah hun kan hmang. Tlâi deuh takah kan haw a, ka pain Zoâr tui lai ngei mai a lo talh a, artui a lo chhùm bawk. Hruaia leh Maremi chuan zoâr tui lai sa chu an han ngaisang khawp mai a, làwmthu an sawi mawlh mawlh reng mai.
Ka pa leh Hruaia an titi a, mipa ngang an nih vàngin keini hmeichheho chuan kan pâwl ve phâk lo, an bulah kan awm ve nain thil dang daih kan lo sawi thung.
Naua room-ah an innghat, khua a țha a, thla pawh a êng nuam. Kan bathlàrah kan țhu a, in chhûng êngin a rawn chhun phâk loh chiah chiah avàngin thla êng kan chhim thei a, a nuam danglam zak.
"Tu emaw awm ve se...i ti i rilruin," tiin Maremi chuan min fiam sak a.
"'Ti ve bawk ang chu' ti rawh, Zopui?" Hruaia chuan a lo ti thung a.
"Nia..."
"Sàwm ve tùr che alawm le, a châk ve tho ang," Maremi chuan a ti leh a.
"Châk maithei; mahse, kan thingtlâng êm a, nuam a ti lo ang," ka lo ti a.
"Duh berte awmna apiang chu a nuam vek zêl alawm," Hruaia chuan a lo ti ve sap a.
Ka pawm zâwng tak.
Phone a rawn ri ta chiah mai, amah a ni nghe nghe.
"Mi chhe sawi hi chu aw..." tiin nui chung hian ka chhâng ta nghâl a.
"Nuam in va ti àwm bîk ve a!"
"Hei, kan lo sawi mêk che a."
"Min rèl loh hrâm ka beisei," a tih sup chuan," Teuh lo mai!" uar zet hian ka ti a, Hruaia leh Maremi an lo nui hak hak a.
"Ka ngai che a."
A awki a'n tihniam leh zual a, ka hre thei chang chang.
"Kei pawh."
"Ka sawi vàng chauhin i ti ve a ni lo maw?"
"Aih, ka ti tak tak!"
A nui hawk.
"I lawmawm reuh mang e! 02 lamah khân rawn insawn mai ka duh."
02 a han ti kher ah!
"Sawi lo teh! I sawi dàn kher kha..."
A nui leh hawk.
"Engtin nge ka sawi a? 02 tih kha maw? 02 a ni lo em ni?"
"Nih chu ni e; mahse, i sawi chhuah dàn ki tak kha, hmusit rawng a kâi deuh ka ti," ka tih chuan a hnâr a tum dât.
"Hmusit lo ve, i awmna a nia, awm ve ka duh zâwk alawm."
Maremite nupa hriata han biak vêl chu nuam ka ti hran hauh lo, ka duh ang tak pawh ka sawi chhuak thei lo.
"Mut dâwnah ka rawn text ang che," ka ti ta ringawt.
Kan inbiak zawh chuan Hruaia chuan," In va duh tâwk hma ve!" a lo ti a.
"A, inbiakna hun a la tam alawm," ka ti ve ringawt a.
"I zak a nih kha," Maremi chuan inti hre zet hian a lo ti a.
Zêp duh hran lo chuan," Ni e," ka ti, Maremi a nui chhuak hawk a, Hruaia leh kei pawh kan nui ve tho.
Ka mut dâwnah chuan ka va text, a la muhìl lo ang tih ka hria.
*Ka thu tiam ka rawn hlen chiah e😊 Ka fel i ti em?*
A rawn call thung! Ka phone ka lo silent chu ka ti fuh tak tak! Mi dang tihharh ka duh hauh si lo, hre ta se chuan a tlai ve tawh si a, an rilru a phâwklêk ngei ngei ang.
"Fel khawp mai, tunah chuan i țawng țha ngam tawh ang chu maw?" a rawn tih chuan min hre chiang lutuk chu ka thin a rim lek lek a ni.
"Ka ngam reng!" chu ka'n ti ve ngial a.
"A nih, min duh thu han sawi teh."
A va naupang chhia tak!
"Ka duh che."
Kan phun dun sep sep chauh a ni a, mi dangin kan țawng chu an hre thei dâwn lo tih ka hriat avàngin ka zak duh bîk lo.
"Tunah tak hian i bula awm ka châk! Kuah che ka duh a, thlamuang taka kuah chung chea mut ka duh a ni," a rawn ti sup sup a.
Maimichhîng vang vangin a khuma kan mut dun kha ka ngaihtuah a, a lo rei ve tawh hle mai. A ngaihawm, kei pawhin khatiang khân awm dun leh ka châk, a âwm nghèng riala mut kha chuan thla a muang ngawih ngawih a nih kha.
"Engtikah nge kan inhmuh leh theih ang?"
A thaw hawk.
"Tunah hian insiam sawk sawka rawn tlàn phei mai a ni ka duh ni-"
"Ni lo ve, ka duh hauh lo! Hmanhmawha thil tih rum rum a țha ngai lo, hun remchâng i neih veleh i lo phei zâwk dâwn nia," ka ti ve thung a.
"Min ngai tâwk ve lo a nih kha!"
Ngai râpthlâk! A hmel leh a pianphung zawng zawng mitthla chung chuan,"Ka ngai chiang che! A chiang em? Nang tluka ngaih ka nei lo!" uar thei ang ber hian ka ti. Ka țawng ring ngam si lo va, uar takzet erawh a har khawp.
A túkah kan inkhâwm vek a, Maremite nupa pawhin inkhâwm thawmhnaw an rawn keng thlap. An ti țha a nia, kan khaw mite lah chuan an en duh nasa, thingtlãng khua tihtakah mikhual hi an langsàr hma a, anni pawh mikhual an nih miau avàngin an langsàr lo thei lo.
Ka rin aiin nuam an ti daih! Khawpui mi tihtakah, an fel a, an țawng duh a, mite pawhin an nêl thei nghâl mai. Aizawl mi an ni tih an hriat hnu phei chuan an chung en nghâl vekin ka hria.
Thawhțanni tlaiah Lungleiah kan phei a, kan inah zanriah eiin muangchâng lutuk lovin an haw phei. Naktûk holiday a ni tawh si lo va, Hruaia a office hman ngei a ngai si a ni. Chawhmeh leh ei tùr eng eng emaw an hàwn phei țeuh a, an lâwm khawp mai.
*******
Ngai viau mah ila, tunah chuan kan inkawp leh tâk avàngin ka rilru a hlim tawh a, inhmu ngun thei lo mah ila kan in-video call ngun thung a, Naua pawhin a hre tawh. A thup zawh sèn loh, a hriat țantirh chuan mak a ti râp mai!
"Bialpa i nei maw?!! I inhmeh lo e," a ti. A hnu deuhah erawh chuan,"A ngêng tih ka sawi kha i hrilh tawh em?" a ti ve thung.
"Hrilh nâng, engah nge ka hrilh ringawt ang le?"
"A nih, zu a in țhin em?"
Hei tak hi chhàn hrehawm ka tih, zawhna ka duh loh leh ka huphurh ber kha a ni.
"In zeuh zeuh."
"Ka pain zu in a duh lo tih kha i hria tiraw?" a ti ta chiah.
"Aw, hria, ka hria; mahse, ka hmangaih alawm. Kei pawhin zu in chu ka duh bîk lo; mahse, hmangaihna chuan zu in leh in lo a thliar thei si lo alawm," ka ti ta hmawk hmawk a.
"Sawi theih ka nei ve hauh lo; mahse, ka pa duh loh zâwng a nih chuan in buai ka hlauh vàng a nia, kei chuan in duh phawt chuan ka pawm vek," a ti ta charh charh a.
Naua rilru ang hi ka pain pu ve se ka ti hle mai. Essa hi mi sual a ni miah lo, a natna avàng hian mi sual ni angin a lang mai mai a ni, țanpui a ngai a, țanpui ka tum rêng a ni.
Tlai khat chu chaw kan ei dâwn lai takin min rawn phone hlauh mai, chaw ei dâwn leh chaw ei laia phone chhàn hi ka duh lo khawp mai a; mahse, Essa a nih vàng chauhin ka chhâng ta hrám.
"Hello, Ess?"
"Kat, ka bulah awm la ka ti hle mai!" a ti vang vang a.
"Min ngai leh tawh a ni maw?"nui chunga ka tiha," In ka chhuahsan a ni,"a rawn tih chuan ka nui hmel chu a tàwp chiang ngawtin ka ring!
"Engtin maw?!!"
"Ka chhuahsan."
"A nih chuan, khawiah nge i awm tâk?" Khawiah nge a awm ang? Ruah sùr hunlai a la ni bawk si, ka ngaihtuah lo thei lo.
"Workshop-ah khân, i hria tiraw?"
Kha a thawhna workshop zìm angreng takah khân maw? Khawiah nge a mut ang?
"Zanin chu motor-ah ka riak phawt ang a, naktûk lamah chuan ka insiam fel deuh thei ang chu?"
Engati nge a vànduai tawh tehlul nèn, vànduaina hian a la ûm zui zêl ni? A pa a thi a, a nu lah a tân nu nih a tling si lo, a pi leh pute ve ve pawhin an ngaihsak țha duh lo a nia, an tupa a ni si a, heti taka an hnuchhawn thei hi a mak ka ti.
"I pi leh pute pan i hreh em ni?"
"Pi leh pu ka nei lo."
Leh tlat mai a. A nu lama a pi leh pu leh a pa lam aťanga a pi leh pûte hi an hausa tia an sawi kha, engtizia nge hetia pi leh pu leh chhûngkhat nei miah lo anga a khawsak theih le? An inhmu thiam chiah lo pawh a ni maithei.
"I awmna chu, a hrehawm ngawt ang a?" ka tih chuan," Mipa ka ni alawm," tiin min chhâng.
"Min la duh tho em?"
Duh!!! Engtin nge ka duh loh ngawt ang? Ka hmangaih a, ka duh a, a tân ka engkim ka hlàn tawh. A sum leh pai ka thlîr lo, a chhûngte pawh ka thlîr hek lo, amah hi alawm ka hmangaih. Neih a neih loh poh leh thinlunga a thawh dàn a ril zâwk ngei ang chu!
Tunah chuan eng mah neih a nei ta lo. Keimah chauh ka ni tawhin ka ring, a tân chuan he khawvêl hi eng mah lo mai a ni țêp tawh hial ang chu.
A bula awma hnem ka va duh tak! A harsatna tawh zawng zawngte chu zawh chhuah veka a tân ka ding reng a ka awm reng a ni tih hria se ka duh.
"I tân chuan ka awm reng ang."
Țawngkam mai a ni lo, a tân ka duhthusàm ka sawi chhuah mai mai pawh a ni lo. Kan hmaah eng pawh lo thleng se phatsan ka tum lo va, eng anga harsatna lian pawh lo thleng se a tân innghahna, țanpuitu leh thlamuantu nih ka duh reng ang.
"Ka láwm e, Kat."
Làwmthu min hrilh a nia! A tân vànduaina hi a râwng tawh mah mah a ni, vànneihna hian thla rawn zàrsak ve tawh se, hlimna hi a mamawh ve tawh asin.
A tân hian nun hi a fair mawlh lo.
Eng pawh ni se, a tân beiseina nung nih ka tum ang, chu chu ka tih theih țha ber a ni bawk.
*A LÊT LEH BEISEI LOVA MI THIL PÊK HI MI THIL PHAL ZIA DIK TAK A NI A, THIL PHALNA DIK TAK A NI BAWK*
Comments
Post a Comment