☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 38 By Dingdi Pachuau
"Workshop-a awm chu a hrehawm em?" tiin ka va zâwt a.
"Hrehawm lo, hmuh leh che erawh ka châk tawh khawp mai," a rawn ti!
Ka tân Aizawla zin phei chu thil theih loh hulhual ang deuh a ni tawh a, ani lah hna thawh a ngai ve tho bawk si a, a buaithlâk khawp mai, inhmuh ngun duh viau mah ila ràlkhat ațang chuan a har a ni.
"Inrinniah rawn zin phei la?" tiin ka fiam zauh a.
"I ti tak tak em?"
"Ka ti mai mai, i hman bîk lo tih ka hria alawm. Inhmuh hun chu a la her chhuak ve thuai tùrah ngai ang," ka ti sap a.
"Tih dàn ka hria."
"Engtin?"
"Tûn Inrinni hian ka rawn hruai ang che?"
Ka thaw hawk. Inrinni lo awm tùr hi chawhma chauh kan kài nî chu a ni ngei mai; mahse, kan inhmuh chhûng a rei lo dâwn lulai êm a ni.
"Ka rawn hruai che ang a, Sunday zànah ka thlah phei leh ang che."
Aw...kan inkâr hi hei ai hian hnai deuh thei se aw...
Ka ngawih deuh reng avàngin,"I duh loh chuan-" ka lo ti tàwp ta vat.
"Ka duh alawm; mahse, ka khawngaih che, i hah dâwn asin," ka tih chuan,"Inrinni zîngah ka rawn phei ang," a ti ta nghâl a.
A pawi lo ve, Aizawl pawh ka hmu khât ta alawm le, Naua bulah erawh insawi fiah deuh chu a ngai ang, a remti kher lo maithei a ni. Essa in luah (workshop) chu hmuhpui ve pawh ka duh a, a duhna tihhlawhchhamsak kha ka duh lo bawk.
Zanriah kîl laiin Naua chuan,"Tûn Zirtàwpni tlai chu haw phei leh mai ka tum asin, i remti em?" tiin min zâwt a.
"Engati maw?"
"I hlau lo tiraw?"
"Hlau lo ve, i duh phawt chuan haw rawh, kei pawh i awm dâwn chuan loh chuan Aizawlah ka va kal zawk ang e," ka ti ta a.
"Eng nge i tih dâwn? Hna lamah em ni?"
"Ni hran lo ve." Dâwt ka sawi thei lo.
"A țha alawm. A nih, engtikah nge i lo phei ang?" a tih chuan," Sunday zànah a ni ang," ka ti a.
Min en vang vangin,"I bialpa khân a rawn thlah dâwn che tihna maw?" a ti a.
"Aw," ka ti sap.
"U, ka sawisêl lo ang che; mahse, ka pa erawh hre reng la ka duh, i rilru tihnata a awm tùr hi ka duh lo a ni," a ti dap dap a.
A va dik tak êm! Kei hian ka pa duh loh zâwng chu ka hre sa reng; mahse, ka pawisa zo tawh lo a nih hi, ka hmangaih tlat tawh si a, bâkah, țanpui ka duh bawk si.
"Essa hi ka hmangaih êm a ni," ka ti chhuak ta nge nge a.
Eng mah a sawi tawh lo. Kei ngei pawh hian zu in mi chu ka duh ngai bîk hleinem; mahse, a lo thleng miau ta si, hmangaih tùrah hian duh thlang thei dinhmunah tu nge ding thei? Kei pawhin mi țha tak, zu in lo chu ka duh ve tho; mahse...
Hun chu a ding ni maiin ka hre hial, ka nghahhlelh lutuk vàng pawh a ni maithei a ni. Kâr dang zawng aiin a ral chak lovin ka hria, Zirtàwpni tlaiah chuan Naua chu a haw phei ta, bike seconhand kan lei ve a, chu chu a chhawr țangkai tak tak a ni. A duh hun hunah a haw thei bîk a,kei lahin ka khalh thiam ve dèr si lo.
Keimah chauhin ka awm rek rek a, phone-ah turkish seriel ka en mai mai. Essa phone dâwn ila a buai rih maithei si a. Hun khawhralna ka duh, mut nân a la hma si, hma deuha ka mut chuan zanlaiah ka harh țhìn a ni.
Phone call a lo kal, Essa a lo ni.
"Hey...i hman tawh a ni maw? I la hman loh deuh ka ring a?"
"Kat, Thenzawl ka rawn thleng tawh a."
Ka meng phar âwk ang chu! A rawn phei a nia! Engtin nge a rawn phei theih? Naktûk zînga rawn phei tum chauh kha a ni si a.
"I rawn phei maw?!!" Ka hre reng sia, ka han zâwt leh a.
"Aw, i nau a haw tho sia, naktûk zînga rawn phei ai ka rawn phei hma ta mai."
Naua a haw dâwn tih kha ka hrilh tak e. Țawng tam hi a țha lo viau a, a lo țha ve deuh tho chu a lo nih hi.
"Hmanhmawh vut vutin rawn tlân lo la aw?" A khalh thiam tâwk a ni tih hre tho mah ila ka chah lo thei lo, palh thil thleng thei a ni, fîmkhur tluk a awm lo ve.
Ka helhhawlh. Hmuh ka châk tawh, zaninah kan pahnihin kan awm dùn dâwn a ni si a, ka ngaihtuah zâwng ringawt pawhin ka phûr over a ni.
Dâr 9:37-ah a rawn thleng. A helmet khum vànga a sam thur deuh siangte chu a va inhmeh tak! Sam thur hi a tân chuan a mawi bîk, a inhmeh êm êm si a.
Thuin hmun a chang lo, kan inkeih mial mial a, kan inhlatsan phal lo, kan nui a, kan infâwp a, kan inkuahin kan inchelh reng mai.
Mutnaah a bân lukhamin ka mu a, light off a phal lo.
"Ka en duh che alawm," a ti deuh tlat.
"Ka hmelchhe si, ka hmai a la bawl zui," tiin a mitah pawh ka en duh lo va.
"I inhmeh bîk! Hmai bawl hi a lo inhmeh theih a ni tih ka hre ve chiah a ni, a bawl zawng zawng nèn khân ka duh vek che," a ti thûm dût a.
"Nah! Inti țawngkam thiam viau suh aw," tiin nui chung hian a khabeah chuan ka piaisak a.
"Ka tân hian i hlu tak zet a ni!"
A tân ka hlutna chu zawh chian ka duh viau a nia; mahse, a rawn kûn hniam leh tlat tawh a, ka zâwt hman ta lo.
Zînga ka harh chuan ka'n meng siar siar a, khua a lo êng tawh nasa. Taksa lum vang vang ka nghèng chial a ni tih ka hriat chuan ka nui sak, Essa a ni si a.
Ka han en chuan min lo en reng tawh niin!
"Morning, beautiful Kat"
Nuam ti viau mah ila ka lai deuh tho a nih chu. Hmelțha min ti tak tak ang em? Ka hmai a mawm àwm si a, ka chhe chial chual ngawt ang!
"Morning, i harhna a rei tawh em?" tiin ka zâwt sap a.
"Aw, ka lo thlîr reng tawh che a."
"Min en reng suh," tiin a mit chu ka han hupsak a.
Ka kut chu manin,"Hetiang hian zîng tin tho thei ila," a ti sup. Chutah, ka chalah fâwpin,"La mu rawh, ei tùr ka rawn siam ang che," a ti leh a, inthazo deuh hian khum ațang chuan a tho ta nghâl a.
Ka rilru hlim lutuk chu ka nui var var. Zîng tin hetiang hi ni thei tak tak se, ka va hlim dâwn tak! Kei aia hlim an tam vak lo ang.
Kartàwp hun hlimawm ber chu a ni chiang alawm. Maremite pawh Aizawlah ka phei a ni tih pawh ka hrilh duh lo, hun hman dun tam loh ka hlau a ni. Kan pahnih têin hun kan hmang a, tu dang mah kan ngai lo. Workshop-ah khân a lo awm tawh lo va, in zau lutuk lo a lo luah tawh. Bungrua engkim a awm thlap, a nuam reuh phian lehnghâl.
"Nula i hruai lût tawh em?" fiamthu ti takin ka zâwt.
"Aw."
Ka lo zâwt ta kher kher chu ka inchhîr zat, lo ring daih tawh tùr ka ni asin, ka thiam loh a ni.
"I rin ang kha a ni lo, tu mah ka mamawh hleinem, nangmah chauh lo chu."
A thu sawi pakhat chauh pawhin min tina thei a, pakhat chauhin min tihlim leh thei bawk. Ka rilrua thil a tih theih dàn êm êm hi chu, a mak a ni!
Pâwnah kan chhuak lo, in chhûngah kan pahnih chuan kan tlei dùn êm êm mai a ni. Khumah mu dùn mah ila nupa nun kha hman ka duh tawh lo va, ani pawhin a hria. Kan insûm thei dâwn lo nia a hriat chuan a tho vat a, bathroom-ah a lût ziah. A châng chuan ka khawngaih, mipa a nia, insùm harsa a ti ngawt ang. Kei zâwk hi invêng tùr ka ni alawm, ani entawn tùra awm tùr hi ka ni zâwk asin le.
A inah chuan amah vekin ei tùr a siam, lalnu ang mai ka ni. Mamawh tùr engkim a lo nei lâwk thlap roh a, a inhmeh lo ka ti tak tak. Che pawlawh leh ti ve mai mai a nih duh hmel tehlul nèn, a nih lohzia ka hre chiang khawp mai.
"Tlai thleng thei lo se..."
Eng emaw châng zeuh hi chuan a puitling viau țhìn a, a naupan chhiat a chhuah erawh hi chuan a lawmawm thei, ka nuih a tiza thei a nia.
"A buaithlâk duh àwm..."
"Ințhen ka duh lo alawm."
Mi pângngai rilru a pu a ni, thil a ngaihtuah kualin eng emaw tak rilru chu ka lakah hian a pu ve a ni.
"Mihring chu kan ințhen fo alawm. Kan ințhen a, kan inhmu leh a."
"Mahse, țhen che ka duh hleinem."
Ti tak viau mah se fiamthuah ka lâksak a.
"Kan inhmu leh thuai dâwn tihna, kan awm dun reng chuan min ning thuai ang tih ka hlau," ka ti a.
"Nang chu i danglam ka tih tawh kha, ka ngaihtuah reng țhìn che a ni," a ti sup sup a.
Min ngaihtuah reng țhin. Hriat nuam tak chu a ni, a rilruah ka awm țhin, amah chauh a lo inngaihtuah bîk lo tihna a ni a, hma ka sâwn zêl.
"Zu i la in zeuh zeuh em kha?"
Min rawn en ta kur mai, ka zawhna erawh a chhâng lo.
"Zeuh zeuh a ni maw?" tiin ka melh lêt ve a.
"Ka hah châng leh zàn ka mut theih lohin ka in."
Good. Țha lutuk! Chhùnah a in lo va, zànah a hah chângin a in zeuh a, a muthilh theih loh châng pawhin. In țhìn a ni tawh lo, a hma kha chuan a ruih ve deuh fo kha.
"Zàna i mut theih loh chuan zu in kher lovin min rawn call țhin la, a nih loh pawhin min rawn text la?"
"Zan reiah pawh maw?"
Lu bu nghatin," Aw, i hah deuh châng pawhin min rawn call tho la, i hah tihdam ka lo tum dâwn alawm," ka ti a.
Zu a in phah ai chuan min rawn tibuai deuh reng mah se ka pawiti lo. Hei hi ka tih tùr a ni, a thinlunga huatna tam tak leh dik lohna tam tak hi zàwi záwia tihreh hlek hlek ka duh.
"I peih chiah ang maw?!!"
"Tehrêng, i tân chuan ka inhuam vek!"
"Ka lâwm e."
Làwmthu a sawi leh ta.
*******
Inkhâwm bàn dâr 12 vélah Sangzuala a rawn lêng tlat mai, a buai lo teh tlat a niang.
"Teh tlat che chuan!" ka lo ti a.
Nui sâng hian,"Ka inti âwl ve a nih hi, hmuh i châkawm ve bawk sia," a ti a.
Ka hmui ka tihpawrh khum a,"Helamah hian thil ţha deuh i hûng te hi a ni lo maw?" tiin ka chhaih a.
"Ni ve bawk ang chu, tlangvâl ka nih hi."
Ka nuih hawk hawk a.
"I bialnu nih a peihawm loh ngawt ang! Hna hlîr maiah i buai si a," ka ti a.
"Chuti, bànsan mai tùrin min duh tihna em ni?"nui chung vêk hian a ti leh a.
"I bialnu tân hun insiam ve deuh rawh ka tihna mai a nih chu," ka ti a.
"Yes, miss."
Naua nèn pawh an inkàwmngeih phian. An titi a rual thei khawp a, Sangzuala hian kawm dàn a thiam, a sawi duh apiang a lo sawipui thei zêl, ngainat loh theih a ni lo a ni.
"U Sangzuala hi i hre hmasa zâwk lo em ni?" tiin min zâwt phawng mai.
"Tu aiin?"
"I bialpa ai khân."
"Hre hmasa zâwk e, engati nge?" tia ka zawh chuan," A fel sia, i ngaizawng zâwk lo a," a ti ta.
Kan hun kal tawh kha ka mitthlaah a rawn lang ta chuai chuai mai. Theihnghilh hmak ka duh êm êm; mahse, theihnghilh theih si loh nunhlui ngei mai chu.
"Essa kha fel lo i ti em ni?" tia ka zawh chuan," A nèlawm lo êm alawm," a ti. A dik ang, a nèlawm fahran lo tlat a ni.
*******
"Ngaihzâwng i nei tawh em?"
Ka pa chu ka en vat, a fiamthu emaw ka ti a; mahse, a fiamthu miah lo.
"I va ho tak aw!" ka nu chuan a lo ti a.
"Ho nâng, nula a ni a, mi ang a nih chuan pasal a la nei ngei bawk dâwn a, mi țha lo an neih ka duh lo a ni," ka pa chuan a ti leh a. Chutah, min rawn enin," Zêp lo la?" a ti leh a.
"Aw, nei," ka ti ve ta, zêp pawh ni ila hriat chhuah hun an la nei dâwn tho a ni.
"Kha maw, nula a nia, a neih ve tawh ka ring rêng a ni. Eng ang mi nge a nih le? Khawia mi nge? Eng nge a thawh?" a ti leh a.
"Aizawla mi a nia, workshop-ah a thawk." Ka zêp duh bîk lo, a hna thawh hi hniam pawh ti mah se rinawm taka a thawh phawt chuan a țha ka ti tho tho. Rûkrûkin a inchâwm lo va, a tha thawh ngeiin pawisa a hlawh chhuak a, a inchâwm thei a nia.
"Hmuh ve a va châkawm ve! Lo zin tùrin sâwm la?"
Ka pa zia dik tak a lang leh dâwn. Ka u bialpa hlui pawh kha hetiang chiah hian a ti, a duh loh zâwng a nih vàngin a țhentîr hmak bawk. Zahpah a nei si lo va, a duh lohnaah chuan mi a hmaizah teuh lo.
"A hman lo ve thei lutuk a."
"Chuti ringawt a ni thei nâng! Hman remchàn veleh lo zin teh se, kan mâkpa tùr a nih phei chuan hmuh a châkawm ve alawm. Kan fanuin a duh tak chu eng ang nge a nih pawh hriat a châkawm alawm le," a ti leh ta zêl, hnial ngaihna pawh ka hre lo.
Kum tàwp lam a hnai tawh a, kan vênga zin tùr chuan ka han sàwm chhin a, ka rin ang deuh chiahin ani chuan a lo châk.
"A nuam ngawt ang chu!"
Hun remchâng hmasa berazin tùr chuan kan insâwm thlu ta. Kei chuan ka huphurh rilru khawp mai, a chhan chu ka pain chipchiar deuhin a chanchin a zâwt ngei dâwn si. A duh loh zâwng a ni ngeiin ka ring bawk si a, ka huphurh lâwk.
*I THIL SAWI TÙR KHA NGUN TAKIN NGAIHTUAH HMASA PHAWT RAWH AW, I THIL SAWI PAKHAT CHAUH PAWH KHÂN MI HLIMNA A TICHHE VEK THEI SI A*
"Workshop-a awm chu a hrehawm em?" tiin ka va zâwt a.
"Hrehawm lo, hmuh leh che erawh ka châk tawh khawp mai," a rawn ti!
Ka tân Aizawla zin phei chu thil theih loh hulhual ang deuh a ni tawh a, ani lah hna thawh a ngai ve tho bawk si a, a buaithlâk khawp mai, inhmuh ngun duh viau mah ila ràlkhat ațang chuan a har a ni.
"Inrinniah rawn zin phei la?" tiin ka fiam zauh a.
"I ti tak tak em?"
"Ka ti mai mai, i hman bîk lo tih ka hria alawm. Inhmuh hun chu a la her chhuak ve thuai tùrah ngai ang," ka ti sap a.
"Tih dàn ka hria."
"Engtin?"
"Tûn Inrinni hian ka rawn hruai ang che?"
Ka thaw hawk. Inrinni lo awm tùr hi chawhma chauh kan kài nî chu a ni ngei mai; mahse, kan inhmuh chhûng a rei lo dâwn lulai êm a ni.
"Ka rawn hruai che ang a, Sunday zànah ka thlah phei leh ang che."
Aw...kan inkâr hi hei ai hian hnai deuh thei se aw...
Ka ngawih deuh reng avàngin,"I duh loh chuan-" ka lo ti tàwp ta vat.
"Ka duh alawm; mahse, ka khawngaih che, i hah dâwn asin," ka tih chuan,"Inrinni zîngah ka rawn phei ang," a ti ta nghâl a.
A pawi lo ve, Aizawl pawh ka hmu khât ta alawm le, Naua bulah erawh insawi fiah deuh chu a ngai ang, a remti kher lo maithei a ni. Essa in luah (workshop) chu hmuhpui ve pawh ka duh a, a duhna tihhlawhchhamsak kha ka duh lo bawk.
Zanriah kîl laiin Naua chuan,"Tûn Zirtàwpni tlai chu haw phei leh mai ka tum asin, i remti em?" tiin min zâwt a.
"Engati maw?"
"I hlau lo tiraw?"
"Hlau lo ve, i duh phawt chuan haw rawh, kei pawh i awm dâwn chuan loh chuan Aizawlah ka va kal zawk ang e," ka ti ta a.
"Eng nge i tih dâwn? Hna lamah em ni?"
"Ni hran lo ve." Dâwt ka sawi thei lo.
"A țha alawm. A nih, engtikah nge i lo phei ang?" a tih chuan," Sunday zànah a ni ang," ka ti a.
Min en vang vangin,"I bialpa khân a rawn thlah dâwn che tihna maw?" a ti a.
"Aw," ka ti sap.
"U, ka sawisêl lo ang che; mahse, ka pa erawh hre reng la ka duh, i rilru tihnata a awm tùr hi ka duh lo a ni," a ti dap dap a.
A va dik tak êm! Kei hian ka pa duh loh zâwng chu ka hre sa reng; mahse, ka pawisa zo tawh lo a nih hi, ka hmangaih tlat tawh si a, bâkah, țanpui ka duh bawk si.
"Essa hi ka hmangaih êm a ni," ka ti chhuak ta nge nge a.
Eng mah a sawi tawh lo. Kei ngei pawh hian zu in mi chu ka duh ngai bîk hleinem; mahse, a lo thleng miau ta si, hmangaih tùrah hian duh thlang thei dinhmunah tu nge ding thei? Kei pawhin mi țha tak, zu in lo chu ka duh ve tho; mahse...
Hun chu a ding ni maiin ka hre hial, ka nghahhlelh lutuk vàng pawh a ni maithei a ni. Kâr dang zawng aiin a ral chak lovin ka hria, Zirtàwpni tlaiah chuan Naua chu a haw phei ta, bike seconhand kan lei ve a, chu chu a chhawr țangkai tak tak a ni. A duh hun hunah a haw thei bîk a,kei lahin ka khalh thiam ve dèr si lo.
Keimah chauhin ka awm rek rek a, phone-ah turkish seriel ka en mai mai. Essa phone dâwn ila a buai rih maithei si a. Hun khawhralna ka duh, mut nân a la hma si, hma deuha ka mut chuan zanlaiah ka harh țhìn a ni.
Phone call a lo kal, Essa a lo ni.
"Hey...i hman tawh a ni maw? I la hman loh deuh ka ring a?"
"Kat, Thenzawl ka rawn thleng tawh a."
Ka meng phar âwk ang chu! A rawn phei a nia! Engtin nge a rawn phei theih? Naktûk zînga rawn phei tum chauh kha a ni si a.
"I rawn phei maw?!!" Ka hre reng sia, ka han zâwt leh a.
"Aw, i nau a haw tho sia, naktûk zînga rawn phei ai ka rawn phei hma ta mai."
Naua a haw dâwn tih kha ka hrilh tak e. Țawng tam hi a țha lo viau a, a lo țha ve deuh tho chu a lo nih hi.
"Hmanhmawh vut vutin rawn tlân lo la aw?" A khalh thiam tâwk a ni tih hre tho mah ila ka chah lo thei lo, palh thil thleng thei a ni, fîmkhur tluk a awm lo ve.
Ka helhhawlh. Hmuh ka châk tawh, zaninah kan pahnihin kan awm dùn dâwn a ni si a, ka ngaihtuah zâwng ringawt pawhin ka phûr over a ni.
Dâr 9:37-ah a rawn thleng. A helmet khum vànga a sam thur deuh siangte chu a va inhmeh tak! Sam thur hi a tân chuan a mawi bîk, a inhmeh êm êm si a.
Thuin hmun a chang lo, kan inkeih mial mial a, kan inhlatsan phal lo, kan nui a, kan infâwp a, kan inkuahin kan inchelh reng mai.
Mutnaah a bân lukhamin ka mu a, light off a phal lo.
"Ka en duh che alawm," a ti deuh tlat.
"Ka hmelchhe si, ka hmai a la bawl zui," tiin a mitah pawh ka en duh lo va.
"I inhmeh bîk! Hmai bawl hi a lo inhmeh theih a ni tih ka hre ve chiah a ni, a bawl zawng zawng nèn khân ka duh vek che," a ti thûm dût a.
"Nah! Inti țawngkam thiam viau suh aw," tiin nui chung hian a khabeah chuan ka piaisak a.
"Ka tân hian i hlu tak zet a ni!"
A tân ka hlutna chu zawh chian ka duh viau a nia; mahse, a rawn kûn hniam leh tlat tawh a, ka zâwt hman ta lo.
Zînga ka harh chuan ka'n meng siar siar a, khua a lo êng tawh nasa. Taksa lum vang vang ka nghèng chial a ni tih ka hriat chuan ka nui sak, Essa a ni si a.
Ka han en chuan min lo en reng tawh niin!
"Morning, beautiful Kat"
Nuam ti viau mah ila ka lai deuh tho a nih chu. Hmelțha min ti tak tak ang em? Ka hmai a mawm àwm si a, ka chhe chial chual ngawt ang!
"Morning, i harhna a rei tawh em?" tiin ka zâwt sap a.
"Aw, ka lo thlîr reng tawh che a."
"Min en reng suh," tiin a mit chu ka han hupsak a.
Ka kut chu manin,"Hetiang hian zîng tin tho thei ila," a ti sup. Chutah, ka chalah fâwpin,"La mu rawh, ei tùr ka rawn siam ang che," a ti leh a, inthazo deuh hian khum ațang chuan a tho ta nghâl a.
Ka rilru hlim lutuk chu ka nui var var. Zîng tin hetiang hi ni thei tak tak se, ka va hlim dâwn tak! Kei aia hlim an tam vak lo ang.
Kartàwp hun hlimawm ber chu a ni chiang alawm. Maremite pawh Aizawlah ka phei a ni tih pawh ka hrilh duh lo, hun hman dun tam loh ka hlau a ni. Kan pahnih têin hun kan hmang a, tu dang mah kan ngai lo. Workshop-ah khân a lo awm tawh lo va, in zau lutuk lo a lo luah tawh. Bungrua engkim a awm thlap, a nuam reuh phian lehnghâl.
"Nula i hruai lût tawh em?" fiamthu ti takin ka zâwt.
"Aw."
Ka lo zâwt ta kher kher chu ka inchhîr zat, lo ring daih tawh tùr ka ni asin, ka thiam loh a ni.
"I rin ang kha a ni lo, tu mah ka mamawh hleinem, nangmah chauh lo chu."
A thu sawi pakhat chauh pawhin min tina thei a, pakhat chauhin min tihlim leh thei bawk. Ka rilrua thil a tih theih dàn êm êm hi chu, a mak a ni!
Pâwnah kan chhuak lo, in chhûngah kan pahnih chuan kan tlei dùn êm êm mai a ni. Khumah mu dùn mah ila nupa nun kha hman ka duh tawh lo va, ani pawhin a hria. Kan insûm thei dâwn lo nia a hriat chuan a tho vat a, bathroom-ah a lût ziah. A châng chuan ka khawngaih, mipa a nia, insùm harsa a ti ngawt ang. Kei zâwk hi invêng tùr ka ni alawm, ani entawn tùra awm tùr hi ka ni zâwk asin le.
A inah chuan amah vekin ei tùr a siam, lalnu ang mai ka ni. Mamawh tùr engkim a lo nei lâwk thlap roh a, a inhmeh lo ka ti tak tak. Che pawlawh leh ti ve mai mai a nih duh hmel tehlul nèn, a nih lohzia ka hre chiang khawp mai.
"Tlai thleng thei lo se..."
Eng emaw châng zeuh hi chuan a puitling viau țhìn a, a naupan chhiat a chhuah erawh hi chuan a lawmawm thei, ka nuih a tiza thei a nia.
"A buaithlâk duh àwm..."
"Ințhen ka duh lo alawm."
Mi pângngai rilru a pu a ni, thil a ngaihtuah kualin eng emaw tak rilru chu ka lakah hian a pu ve a ni.
"Mihring chu kan ințhen fo alawm. Kan ințhen a, kan inhmu leh a."
"Mahse, țhen che ka duh hleinem."
Ti tak viau mah se fiamthuah ka lâksak a.
"Kan inhmu leh thuai dâwn tihna, kan awm dun reng chuan min ning thuai ang tih ka hlau," ka ti a.
"Nang chu i danglam ka tih tawh kha, ka ngaihtuah reng țhìn che a ni," a ti sup sup a.
Min ngaihtuah reng țhin. Hriat nuam tak chu a ni, a rilruah ka awm țhin, amah chauh a lo inngaihtuah bîk lo tihna a ni a, hma ka sâwn zêl.
"Zu i la in zeuh zeuh em kha?"
Min rawn en ta kur mai, ka zawhna erawh a chhâng lo.
"Zeuh zeuh a ni maw?" tiin ka melh lêt ve a.
"Ka hah châng leh zàn ka mut theih lohin ka in."
Good. Țha lutuk! Chhùnah a in lo va, zànah a hah chângin a in zeuh a, a muthilh theih loh châng pawhin. In țhìn a ni tawh lo, a hma kha chuan a ruih ve deuh fo kha.
"Zàna i mut theih loh chuan zu in kher lovin min rawn call țhin la, a nih loh pawhin min rawn text la?"
"Zan reiah pawh maw?"
Lu bu nghatin," Aw, i hah deuh châng pawhin min rawn call tho la, i hah tihdam ka lo tum dâwn alawm," ka ti a.
Zu a in phah ai chuan min rawn tibuai deuh reng mah se ka pawiti lo. Hei hi ka tih tùr a ni, a thinlunga huatna tam tak leh dik lohna tam tak hi zàwi záwia tihreh hlek hlek ka duh.
"I peih chiah ang maw?!!"
"Tehrêng, i tân chuan ka inhuam vek!"
"Ka lâwm e."
Làwmthu a sawi leh ta.
*******
Inkhâwm bàn dâr 12 vélah Sangzuala a rawn lêng tlat mai, a buai lo teh tlat a niang.
"Teh tlat che chuan!" ka lo ti a.
Nui sâng hian,"Ka inti âwl ve a nih hi, hmuh i châkawm ve bawk sia," a ti a.
Ka hmui ka tihpawrh khum a,"Helamah hian thil ţha deuh i hûng te hi a ni lo maw?" tiin ka chhaih a.
"Ni ve bawk ang chu, tlangvâl ka nih hi."
Ka nuih hawk hawk a.
"I bialnu nih a peihawm loh ngawt ang! Hna hlîr maiah i buai si a," ka ti a.
"Chuti, bànsan mai tùrin min duh tihna em ni?"nui chung vêk hian a ti leh a.
"I bialnu tân hun insiam ve deuh rawh ka tihna mai a nih chu," ka ti a.
"Yes, miss."
Naua nèn pawh an inkàwmngeih phian. An titi a rual thei khawp a, Sangzuala hian kawm dàn a thiam, a sawi duh apiang a lo sawipui thei zêl, ngainat loh theih a ni lo a ni.
"U Sangzuala hi i hre hmasa zâwk lo em ni?" tiin min zâwt phawng mai.
"Tu aiin?"
"I bialpa ai khân."
"Hre hmasa zâwk e, engati nge?" tia ka zawh chuan," A fel sia, i ngaizawng zâwk lo a," a ti ta.
Kan hun kal tawh kha ka mitthlaah a rawn lang ta chuai chuai mai. Theihnghilh hmak ka duh êm êm; mahse, theihnghilh theih si loh nunhlui ngei mai chu.
"Essa kha fel lo i ti em ni?" tia ka zawh chuan," A nèlawm lo êm alawm," a ti. A dik ang, a nèlawm fahran lo tlat a ni.
*******
"Ngaihzâwng i nei tawh em?"
Ka pa chu ka en vat, a fiamthu emaw ka ti a; mahse, a fiamthu miah lo.
"I va ho tak aw!" ka nu chuan a lo ti a.
"Ho nâng, nula a ni a, mi ang a nih chuan pasal a la nei ngei bawk dâwn a, mi țha lo an neih ka duh lo a ni," ka pa chuan a ti leh a. Chutah, min rawn enin," Zêp lo la?" a ti leh a.
"Aw, nei," ka ti ve ta, zêp pawh ni ila hriat chhuah hun an la nei dâwn tho a ni.
"Kha maw, nula a nia, a neih ve tawh ka ring rêng a ni. Eng ang mi nge a nih le? Khawia mi nge? Eng nge a thawh?" a ti leh a.
"Aizawla mi a nia, workshop-ah a thawk." Ka zêp duh bîk lo, a hna thawh hi hniam pawh ti mah se rinawm taka a thawh phawt chuan a țha ka ti tho tho. Rûkrûkin a inchâwm lo va, a tha thawh ngeiin pawisa a hlawh chhuak a, a inchâwm thei a nia.
"Hmuh ve a va châkawm ve! Lo zin tùrin sâwm la?"
Ka pa zia dik tak a lang leh dâwn. Ka u bialpa hlui pawh kha hetiang chiah hian a ti, a duh loh zâwng a nih vàngin a țhentîr hmak bawk. Zahpah a nei si lo va, a duh lohnaah chuan mi a hmaizah teuh lo.
"A hman lo ve thei lutuk a."
"Chuti ringawt a ni thei nâng! Hman remchàn veleh lo zin teh se, kan mâkpa tùr a nih phei chuan hmuh a châkawm ve alawm. Kan fanuin a duh tak chu eng ang nge a nih pawh hriat a châkawm alawm le," a ti leh ta zêl, hnial ngaihna pawh ka hre lo.
Kum tàwp lam a hnai tawh a, kan vênga zin tùr chuan ka han sàwm chhin a, ka rin ang deuh chiahin ani chuan a lo châk.
"A nuam ngawt ang chu!"
Hun remchâng hmasa berazin tùr chuan kan insâwm thlu ta. Kei chuan ka huphurh rilru khawp mai, a chhan chu ka pain chipchiar deuhin a chanchin a zâwt ngei dâwn si. A duh loh zâwng a ni ngeiin ka ring bawk si a, ka huphurh lâwk.
*I THIL SAWI TÙR KHA NGUN TAKIN NGAIHTUAH HMASA PHAWT RAWH AW, I THIL SAWI PAKHAT CHAUH PAWH KHÂN MI HLIMNA A TICHHE VEK THEI SI A*
Apa chuan alo duh ngei tur ah ngai ang ngaihngam deuh in ka mu aw😅😁
ReplyDeleteA duh tùr hi a ni tawp mai a ni😂
Delete