☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 39 By Dingdi Pachuau
Dik tak chuan Essa lo kal tùr chu ka làwm êm êm rualin ka huphurh ru kher asin. Mi bula a nèlawm loh chu thuhran, ka pain a titipui ngei ang a, chîk zetin a chanchin a zâwt leh ngei ang, a tih dàn a ni miau. Essa lam hi ka ngaihtuah ber chu a ni, chutianga a chanchin chîk lutuka mi dangin an han zâwt tùr chu, a duh hauh lo ang, ka lo ngaihtuah lâwk lutuk a ni.
Ka pa hian a ti lutuk a ni. Pa a ni a, a fanu ka ni a, min hmangaihin min ngaihtuah tih ka hria. Nu leh pa chuan an fate chu an ngaihtuah țhìn chiang e, an tih tùr pawh a ni; mahse, kan inngaizawng a ni ve mai a, innei tùr êm pawh kan ni lo.
Maremi ka hrilh ve a, ka rilru hah thu erawh ka hrilh lo. Ani lah chu a lo lâwm khawp mai, a țê chûl a.
"A va țha tak! I pain a han hmu duh a nia, hma in sâwn khawp e! Mâkpa tùr lo hmuh châk pawh a àwm ve tho alawm," tiin a nui hak hak a.
Chutiang lam a ni dêr si lo; mahse, hrilh ka duh bîk lo.
"Essa ber hi ka ngaihtuah, a chanchin an zâwt ve ngei dâwn si a," ka ti a.
"Ni tho mai; mahse, a chanchin dik tak hrilh chu dâwt sawi ai chuan a țha daih zâwk alawm."
A natna hi chu tu mahin an hriat ve ka duh hauh lo, ka chhûngte hian hre phei se chuan an duh lo zual ngei ang. Ka ka ațang chuan an hre lo ang, ani Essa lahin a hrilhin ka ring lo. Tihdam tak tak theih a ni si lo va, ka bula a awm chauhin a danglam țhin tih a sawi kha, a tân hian ka pawimawh a ni, ka kalsan thei lo ang.
"U, a lo zin dâwn a ni maw?"
Eirawng a bâwl a, keiin hmun ka phiat thung. Vawiin chu ka awm a nuam chiah lo va, ka haw hma ta ringawt a ni. Ka mut vang vang laiin Naua hi a rawn haw a, eirawng a bâwl nghâl char char. Ka zia deuh ta tihah ka tho ve chauh.
"Aw, ka pain a hmu duh a."
Min rawn en zawk a, a thil tih lai tih chhunzawm leh nghâlin,"A nih tak chu!" a ti sap a.
"Thil pawi a thleng dâwn hleinem."
Mahse, kan pahnih chuan ka thil sawi chu kan ring lo ve vein ka ring.
Zànah min rawn phone a, ka nawm loh deuh vàngin hma takah ka mu a, ka lo muhìl sek nghe nghe. Phone riin min tiharh a, ka chhâng vat.
"I va hman hma teh tlat ve!" ka dawhkàn chunga sana en chung chuan ka ti a.
"I muhìl ka rawn tiharh che elo?" a rawn ti nghâl. Ka țawng ațangin a hre thei a ni ngei ang.
"Tiharh hran lo ve, ka chaw ei kham ka lo chhîng sek a nih àwm hi."
"I țha em? I damlo lo tiraw?" a rawn ti nghâl vut.
Min ngaihtuah alawm, a natna nei angin mi dang ngaihtuahna an nei lo tia ka hriat hi a dik lo a nih ka ring hial a ni, ani hi chuan min ngaihtuah tih ka hre thei a ni.
"Ka dam, ka nuamsam lo deuh ringawt a."
A thaw hawk ri chu ka hria, chutah," I in enkawl uluk tâwk lo a niang, khua a vawt tawh a, zànahte khân inbual tawh lo la, i lu phei kha chu su tawh hauh suh," a rawn ti churh churh a.
"Ka ti tawh ngai lo, ka inbual pawhin tui lum hlîrin alawm ka inbual. Ka țha, tlêmin ka nuam lo chauh a ni," ka ti leh a.
"Ka bulah awm la ka ti hle mai!"
Min ngaihtuah tih hriat hi a nuam ka ti, tlêma han nawm loh deuh zauh pawh hian min ngaihtuah thei si a, ka pangchan nuam tihna zâwng tak a ni.
Kan khuaa kal tùr chuan a rawn phei ta ngei. Naua a awm ve avàngin kan inah chuan a rawn riak duh hauh lo, khawiah nge a thlen ka hre lo, a hmaa a lo kala a thlennaah tho khân a nih ka ring.
Zàna a rawn lènin kan chhuah hun tùrte kan sawi a, Naua a exam tawh dâwn avàngin room-ah lehkha a zir thung a, hnaih têin kan ințhutchilh a.
"I hreh lo tiraw?" tiin ka zâwt a.
"In khuaa lo zin maw? Thingtlâng nula lo chawr chhuahna chu hmuh ka phûr tawh khawp asin," nui suk hian a lo ti sup a.
Ka ner khum sak a, chutah,"Ka nu leh pate i hmu hreh em?" tiin ka zâwt leh a.
"Hreh lo."
"I chanchin an zâwt ngei dâwn che a," ka ti leh a.
"Ka hrilh mai ang chu!"
Ni e, a hrilh mai ang chu! Engah nge ka lo buai viau? Mi sual tawrawt, case neih vànga tâng țhin a ni lo va, drug addict lah a ni hek lo.
"Ka pa chuan zu in mi a duh lo va."
Ka rin loh deuhin a nui hawk hawk mai! Chiang zetin ka en a, ani lah chu a mitmeng ațang chuan a nui lui lo tih a hriat theih, a nuih a za tak tak a ni!
"Min zawh i hlau a ni maw?"
"Aw..."
"Min zawh leh thu dik ka hrilh mai ang chu!"
Dâwt hrilhtîr ringawt lah chu a ni mang meuh si lo.
"Zu i in țhin tih a hriat chuan...a pawi vek ang," ka ti ta sap a, ka thu sawi chu man thiam hrâm se ka ti, tlêm têa dâwt vâr deuh hlek sawi chu a pawi lo tùrah ka ngai, ani nèna ințhen chu ka duh dâwn hauh si lo.
*******
Motor a rawn ken avàngin a motor-in kan haw. Sumo-a kal chuan Thawhțanni zîngah tlài hlau rêng rêngin hnaa kal hman loh hlauin phêt dàwr dáwr a ngai leh dâwn a, motor a rawn keng hi a zia tak tak!
Ka pa chuan a lo chîk khawp mai, ka nu erawhin a lo be nghâl bawrh bawrh thung. A țawng mang lo tùr pawh a țawng ve deuh reng phah a, a tlângnèl phah ve deuh sawtin ka ring bawk.
Zanriah ei khamah TV-a news thlîr pah chuan ka pa leh Essa chu an inkàwm a. Ka melh zauh zauh reng, min rawn en ve hauh lo. Ka pa thil zawh chu khùnkhàn taka ngaihtuahin a chhâng ve țhìn, an thil sawi erawh ka hre pha lo, țhenawmnu lo lêng a tâwng ring lutuk a!
Nuam a ti ve viau chuan ka hria. Ka pa chuan nuam a tih lohna tùr lam eng mah a zâwt lo a ni ngei ang, bákah, ka pa pawh a hmel dur deuh leh lâwm lo hmel hmuh tùr a awm hran lo, zu a in ve zeuh zeuh tih kha a hre lo a nih ka ring, a duh lohna àwm a lantîr hran lo tlat.
Essa ka zâwt a, ani chuan a chanchin ţhenkhat a zawh thu chu min hrilh. A natna chungchâng kha a hrilh em tih zawh ka duh viau nain ka hreh ve deuh a, a hrilh loh erawh ka ring deuh zâwk.
Lungleia ka phei hnuah erawh ka pa chuan min rawn phone-in Essa chu a hma thei ang bera țhen tùrin min rawn ti! Tûn țum chu zu vàng a ni lo thung.
"Khatiang fahrah kha ka fanu duh tak tán hian ka duhpui thei lo a ni. Ka fanu i ni a, ka chhuang êm êm che a, i nu nèn pawh kan sawi fo țhìn che. Nang hi chu i fel a, pasal țha tak, belhchian dâwl tak leh lehkha thiam ve tâwk tak i neih ka duh a ni," a rawn ti.
Chhàn loh ka tum viau a; mahse, ka ngawi reng thei bîk lo.
"Ka pa, ka tâna țha tùr chu in hria; mahse, Essa hi ka hmangaih asin-"
"Bawihi, hmangaih tih hi chu an hmel leh nungchangte kan duh zawng tak a nih vàng mai mai a ni. Mita hmuh theih lamah hian hmangaihna hi a awm ngai lo a nia, chhûngril lamah a ni zâwk," a rawn ti leh a.
Pa, min hringtu bula hetiang lam ka sawi vawi khatna a ni a, nuam ka ti hauh lo.
"Pa a nei tawh lo va, nu a nei tawh lo bawk. Chhûngte a nei mumal lo a nia, belh tlâk a ni lo, pasal atân phei chuan ka duhpui hauh lo che. Chuvàngin, a la awlsam lai hian țhen thuai la, a țha a ni mai."
Ka chhàn zêl chuan kan inchhâng thinrim ngei ang; mahse, Essa hi ka țhen thei lo ang, țhen tùra ka ngaihtuah zâwng ringawt pawhin ka mittui a rawn tling kûng kûng mai, ka țhen thei lo ang. Hei hi ka lo hmu lâwk deuh ruai ruai tawh a nih kha, ka kalsan thei lo ang, ka kalsan chhan tùr lah chu a ho ropui si. Chhûngte a nei mumal lo a ti maw? A neih kha, mi rethei an ni lo lehnghâl, Essa'n a hrilh dàn a nih vàng chauhin ka sawi chhuak lo ang, ka sawi chhuak a nih chuan dâwt sawiah ka chhuah ringawt dâwn asin.
A duh rêng vàngin a pa kha a thi bîk lo, a nu pawh kha a awmher leh duh rêng vànga chhuahsan a ni bîk lo, a vànduai a ni mai. Chu a vànduaina behchhan chuan kei leh zêl pawhin ka hnâwlin ka kalsan ang maw?
Teuh lo! Ka pa thu hi ka zàwm thei lo ang.
Essa nèn chuan a ngai ang chiahin kan kal chho zêl, ka țhen dâwn lo. Min mamawh a, min mamawhtu hi ka kalsan thiang lo a ni tawp mai. Min ngai tih hriat taka phone-a min rawn be lawm lawm țhìntu hi kalsan ta ila, Pathian pawi ka sawi ka ring hial a ni, ani hi ka tân, ka chhanchhuah tùra Pathianin a rawn dah a ni.
Kum tàwp chawlh chu khawvêla ka peih loh ber a ni hial ang! Kan khuaah haw ngei a ngai ang a, ka pain Essa chungchâng min sawipui ngei dâwn, chu chu ka duh lo a ni. A thu ka âwih si lo va, dâwt ka hrilh ringawt thei dâwn bawk si lo, min hau ngei ngei dâwn.
Peih lo zetin ka haw. Lungleia Krismas hman ka ngaihtuah hman hial mai a nih chu; mahse, 'êm a' ka ti leh a, dâwt hmangin ka nung reng thei dâwn chuang lo va, ka pain Essa ka țhen lo a ni tih a hre chhuak dâwn tho tho, thu dik a ngêt theih loh avàngin. Ka pa vuak huamin ka haw a nih ber chu.
Ka vànneih asiamin Essa chungchâng eng mah kan sawi chhuak lo, a theih chhûng chu Essa chanchin sawi chhuah loh ka duh, inhauna a thleng ngei dâwn si a. Rilru pangkhing zet chuan Krismas hunpui chu ka hmang ve a, kohhran lamah nula chêtna tùr a tam vàngin kei pawh ka buai hlauh a, a zia.
Essa ka biak pawhin ka chhûngten min hriat lohna tùr hmunah chauh ni ka biak ni. Ani erawh chuan ka boruak tawn hi a la hre lo ang, ka biakin ka tilang ngai lo va, hlim tak zêlin ka bia, rinhlelh theih tura awm ka duh lo.
Ni 31 tlai zanriah kan kîl laiin Essa chungchâng chu a rawn sawi chhuak ta hlauh mai.
"Khatiang mi sual vâkvai kha ka mâkpa ni tùr leh kan in rawn dai leh tur hian ka duh hauh lo a nia. Dâwt min la hrilh zui, nu nei tawh lo angin a insawi a, a nu bula a awm peih loh vangin a chhuahsan lek a lo ni si. I țhen tawh tiraw? I țhen chiah lo a nih pawhin tûn dârkâr ațang hian țhen vang vang ang che," tiin min rawn melh rùn a.
Ka chaw ei a tàwp vek. Essa sawi chhuah dan tùr chu ka hre thiam ruak si a, ani hi chuan a hre thiam ve dâwn dêr si lo.
"A mak thei êm mai, nakinah țha tê têin sawi mai rawh, chaw ei lai-" tia ka nuin a lo khap lai chuan," A țan zâwngin eng mah lo sawi suh, pa berin thil pawimawh ka sawi a nih chu," a ti țhawt a.
"A țan zâwngin eng mah ka sawi-"
"Duh tâwk rawh! Ngawi hmiah rawh! He thilah hian lo inrawlh ve hauh suh ang che, tu mah lo inrawlh suh u. Ka fanu ka chàwm len hian ka duh dàn chu a zàwm tùr a ni," a ti tùn tún a.
Chutah, min rawn en lehin," Ka thu âwih ang che, sawi nawn ngai suh se. Kan fanu i ni a, kan thu i âwih tùr a ni," a ti leh a.
Ka țawng ve vaih chuan a thin ka tirim belh ang tih ka hria a, ka ngawi reng. Ka thinlung erawh a rûm vawng vawng thung, țap lo tùr leh lungchhe lo tùrin ka insûm hrâm hrâm.
"Țhenin theihnghilh hmak ang che, tuna min bialtu pastor hi tlangvâl fel tak a ni a, senior deuh tawh mah se a țha. Mi hmingțha chhûng ațanga lo chawr chhuak a ni a, mâkpa țha tak tùr a ni."
Ka rilru a na lutuk a, ka thlêng lain dawhkàn ațang chuan ka kal sawn ta nghâl.
He thil hi ka chunga thleng tùra ka rin lâwk tho chu ni mah se a hun a lo thlen meuh chuan a râpthlâk ka ti lutuk! Kal bosan vang vangna awm se, a nih loh tal pawhin, ka mangchhia ni hlauh se ka va ti tak êm!
Inkhâwm tùra ka insiam chhûng chuan rilruin țawngțai ka tum a, ka thei lo. Ka mittui a tla reng a, ka rilruah Essa hlîr mai a awm, tunah hian ka pa thil sawite kha hre ve ta se, engtin nge a ngaih ang? Min țhen daih zâwk ang em?
Zanin chu ka biak ngei a ngai a ni.
Inkhâwm tùrin ka chhuak na a, biak inah ka lût ta lo.
Hmun him chin ka țawng miin an hriat theih lohnaah ka kal a, a number chu ka hmet chhuak a.
A ring e. Vawih khat, vawi hnih, vawi thum...
"Kat ..? Honey!!?"
Ka kut chu ka hûm ruh tlat. A aw dam zet ka han hriat chuan ka mittui a hnai nghâl kuar mai.
"Tunah tak hian ka bula awm tùrin ka duh tak zet che a ni," ka ti sap a.
"Lalpa leh! Thil thleng a awm em? A awm a ni tiraw? Min han hrilh teh."
Ka hrilh thei lo.
"Ka ngai êm che a ni." Ka mittui a rawn far nghâl zâwih mai.
*MI Â CHUAN A NGAIH DÀN KHA ȚHA BER LEH DIK BERAH A NGAI ȚHÌN*
Dik tak chuan Essa lo kal tùr chu ka làwm êm êm rualin ka huphurh ru kher asin. Mi bula a nèlawm loh chu thuhran, ka pain a titipui ngei ang a, chîk zetin a chanchin a zâwt leh ngei ang, a tih dàn a ni miau. Essa lam hi ka ngaihtuah ber chu a ni, chutianga a chanchin chîk lutuka mi dangin an han zâwt tùr chu, a duh hauh lo ang, ka lo ngaihtuah lâwk lutuk a ni.
Ka pa hian a ti lutuk a ni. Pa a ni a, a fanu ka ni a, min hmangaihin min ngaihtuah tih ka hria. Nu leh pa chuan an fate chu an ngaihtuah țhìn chiang e, an tih tùr pawh a ni; mahse, kan inngaizawng a ni ve mai a, innei tùr êm pawh kan ni lo.
Maremi ka hrilh ve a, ka rilru hah thu erawh ka hrilh lo. Ani lah chu a lo lâwm khawp mai, a țê chûl a.
"A va țha tak! I pain a han hmu duh a nia, hma in sâwn khawp e! Mâkpa tùr lo hmuh châk pawh a àwm ve tho alawm," tiin a nui hak hak a.
Chutiang lam a ni dêr si lo; mahse, hrilh ka duh bîk lo.
"Essa ber hi ka ngaihtuah, a chanchin an zâwt ve ngei dâwn si a," ka ti a.
"Ni tho mai; mahse, a chanchin dik tak hrilh chu dâwt sawi ai chuan a țha daih zâwk alawm."
A natna hi chu tu mahin an hriat ve ka duh hauh lo, ka chhûngte hian hre phei se chuan an duh lo zual ngei ang. Ka ka ațang chuan an hre lo ang, ani Essa lahin a hrilhin ka ring lo. Tihdam tak tak theih a ni si lo va, ka bula a awm chauhin a danglam țhin tih a sawi kha, a tân hian ka pawimawh a ni, ka kalsan thei lo ang.
"U, a lo zin dâwn a ni maw?"
Eirawng a bâwl a, keiin hmun ka phiat thung. Vawiin chu ka awm a nuam chiah lo va, ka haw hma ta ringawt a ni. Ka mut vang vang laiin Naua hi a rawn haw a, eirawng a bâwl nghâl char char. Ka zia deuh ta tihah ka tho ve chauh.
"Aw, ka pain a hmu duh a."
Min rawn en zawk a, a thil tih lai tih chhunzawm leh nghâlin,"A nih tak chu!" a ti sap a.
"Thil pawi a thleng dâwn hleinem."
Mahse, kan pahnih chuan ka thil sawi chu kan ring lo ve vein ka ring.
Zànah min rawn phone a, ka nawm loh deuh vàngin hma takah ka mu a, ka lo muhìl sek nghe nghe. Phone riin min tiharh a, ka chhâng vat.
"I va hman hma teh tlat ve!" ka dawhkàn chunga sana en chung chuan ka ti a.
"I muhìl ka rawn tiharh che elo?" a rawn ti nghâl. Ka țawng ațangin a hre thei a ni ngei ang.
"Tiharh hran lo ve, ka chaw ei kham ka lo chhîng sek a nih àwm hi."
"I țha em? I damlo lo tiraw?" a rawn ti nghâl vut.
Min ngaihtuah alawm, a natna nei angin mi dang ngaihtuahna an nei lo tia ka hriat hi a dik lo a nih ka ring hial a ni, ani hi chuan min ngaihtuah tih ka hre thei a ni.
"Ka dam, ka nuamsam lo deuh ringawt a."
A thaw hawk ri chu ka hria, chutah," I in enkawl uluk tâwk lo a niang, khua a vawt tawh a, zànahte khân inbual tawh lo la, i lu phei kha chu su tawh hauh suh," a rawn ti churh churh a.
"Ka ti tawh ngai lo, ka inbual pawhin tui lum hlîrin alawm ka inbual. Ka țha, tlêmin ka nuam lo chauh a ni," ka ti leh a.
"Ka bulah awm la ka ti hle mai!"
Min ngaihtuah tih hriat hi a nuam ka ti, tlêma han nawm loh deuh zauh pawh hian min ngaihtuah thei si a, ka pangchan nuam tihna zâwng tak a ni.
Kan khuaa kal tùr chuan a rawn phei ta ngei. Naua a awm ve avàngin kan inah chuan a rawn riak duh hauh lo, khawiah nge a thlen ka hre lo, a hmaa a lo kala a thlennaah tho khân a nih ka ring.
Zàna a rawn lènin kan chhuah hun tùrte kan sawi a, Naua a exam tawh dâwn avàngin room-ah lehkha a zir thung a, hnaih têin kan ințhutchilh a.
"I hreh lo tiraw?" tiin ka zâwt a.
"In khuaa lo zin maw? Thingtlâng nula lo chawr chhuahna chu hmuh ka phûr tawh khawp asin," nui suk hian a lo ti sup a.
Ka ner khum sak a, chutah,"Ka nu leh pate i hmu hreh em?" tiin ka zâwt leh a.
"Hreh lo."
"I chanchin an zâwt ngei dâwn che a," ka ti leh a.
"Ka hrilh mai ang chu!"
Ni e, a hrilh mai ang chu! Engah nge ka lo buai viau? Mi sual tawrawt, case neih vànga tâng țhin a ni lo va, drug addict lah a ni hek lo.
"Ka pa chuan zu in mi a duh lo va."
Ka rin loh deuhin a nui hawk hawk mai! Chiang zetin ka en a, ani lah chu a mitmeng ațang chuan a nui lui lo tih a hriat theih, a nuih a za tak tak a ni!
"Min zawh i hlau a ni maw?"
"Aw..."
"Min zawh leh thu dik ka hrilh mai ang chu!"
Dâwt hrilhtîr ringawt lah chu a ni mang meuh si lo.
"Zu i in țhin tih a hriat chuan...a pawi vek ang," ka ti ta sap a, ka thu sawi chu man thiam hrâm se ka ti, tlêm têa dâwt vâr deuh hlek sawi chu a pawi lo tùrah ka ngai, ani nèna ințhen chu ka duh dâwn hauh si lo.
*******
Motor a rawn ken avàngin a motor-in kan haw. Sumo-a kal chuan Thawhțanni zîngah tlài hlau rêng rêngin hnaa kal hman loh hlauin phêt dàwr dáwr a ngai leh dâwn a, motor a rawn keng hi a zia tak tak!
Ka pa chuan a lo chîk khawp mai, ka nu erawhin a lo be nghâl bawrh bawrh thung. A țawng mang lo tùr pawh a țawng ve deuh reng phah a, a tlângnèl phah ve deuh sawtin ka ring bawk.
Zanriah ei khamah TV-a news thlîr pah chuan ka pa leh Essa chu an inkàwm a. Ka melh zauh zauh reng, min rawn en ve hauh lo. Ka pa thil zawh chu khùnkhàn taka ngaihtuahin a chhâng ve țhìn, an thil sawi erawh ka hre pha lo, țhenawmnu lo lêng a tâwng ring lutuk a!
Nuam a ti ve viau chuan ka hria. Ka pa chuan nuam a tih lohna tùr lam eng mah a zâwt lo a ni ngei ang, bákah, ka pa pawh a hmel dur deuh leh lâwm lo hmel hmuh tùr a awm hran lo, zu a in ve zeuh zeuh tih kha a hre lo a nih ka ring, a duh lohna àwm a lantîr hran lo tlat.
Essa ka zâwt a, ani chuan a chanchin ţhenkhat a zawh thu chu min hrilh. A natna chungchâng kha a hrilh em tih zawh ka duh viau nain ka hreh ve deuh a, a hrilh loh erawh ka ring deuh zâwk.
Lungleia ka phei hnuah erawh ka pa chuan min rawn phone-in Essa chu a hma thei ang bera țhen tùrin min rawn ti! Tûn țum chu zu vàng a ni lo thung.
"Khatiang fahrah kha ka fanu duh tak tán hian ka duhpui thei lo a ni. Ka fanu i ni a, ka chhuang êm êm che a, i nu nèn pawh kan sawi fo țhìn che. Nang hi chu i fel a, pasal țha tak, belhchian dâwl tak leh lehkha thiam ve tâwk tak i neih ka duh a ni," a rawn ti.
Chhàn loh ka tum viau a; mahse, ka ngawi reng thei bîk lo.
"Ka pa, ka tâna țha tùr chu in hria; mahse, Essa hi ka hmangaih asin-"
"Bawihi, hmangaih tih hi chu an hmel leh nungchangte kan duh zawng tak a nih vàng mai mai a ni. Mita hmuh theih lamah hian hmangaihna hi a awm ngai lo a nia, chhûngril lamah a ni zâwk," a rawn ti leh a.
Pa, min hringtu bula hetiang lam ka sawi vawi khatna a ni a, nuam ka ti hauh lo.
"Pa a nei tawh lo va, nu a nei tawh lo bawk. Chhûngte a nei mumal lo a nia, belh tlâk a ni lo, pasal atân phei chuan ka duhpui hauh lo che. Chuvàngin, a la awlsam lai hian țhen thuai la, a țha a ni mai."
Ka chhàn zêl chuan kan inchhâng thinrim ngei ang; mahse, Essa hi ka țhen thei lo ang, țhen tùra ka ngaihtuah zâwng ringawt pawhin ka mittui a rawn tling kûng kûng mai, ka țhen thei lo ang. Hei hi ka lo hmu lâwk deuh ruai ruai tawh a nih kha, ka kalsan thei lo ang, ka kalsan chhan tùr lah chu a ho ropui si. Chhûngte a nei mumal lo a ti maw? A neih kha, mi rethei an ni lo lehnghâl, Essa'n a hrilh dàn a nih vàng chauhin ka sawi chhuak lo ang, ka sawi chhuak a nih chuan dâwt sawiah ka chhuah ringawt dâwn asin.
A duh rêng vàngin a pa kha a thi bîk lo, a nu pawh kha a awmher leh duh rêng vànga chhuahsan a ni bîk lo, a vànduai a ni mai. Chu a vànduaina behchhan chuan kei leh zêl pawhin ka hnâwlin ka kalsan ang maw?
Teuh lo! Ka pa thu hi ka zàwm thei lo ang.
Essa nèn chuan a ngai ang chiahin kan kal chho zêl, ka țhen dâwn lo. Min mamawh a, min mamawhtu hi ka kalsan thiang lo a ni tawp mai. Min ngai tih hriat taka phone-a min rawn be lawm lawm țhìntu hi kalsan ta ila, Pathian pawi ka sawi ka ring hial a ni, ani hi ka tân, ka chhanchhuah tùra Pathianin a rawn dah a ni.
Kum tàwp chawlh chu khawvêla ka peih loh ber a ni hial ang! Kan khuaah haw ngei a ngai ang a, ka pain Essa chungchâng min sawipui ngei dâwn, chu chu ka duh lo a ni. A thu ka âwih si lo va, dâwt ka hrilh ringawt thei dâwn bawk si lo, min hau ngei ngei dâwn.
Peih lo zetin ka haw. Lungleia Krismas hman ka ngaihtuah hman hial mai a nih chu; mahse, 'êm a' ka ti leh a, dâwt hmangin ka nung reng thei dâwn chuang lo va, ka pain Essa ka țhen lo a ni tih a hre chhuak dâwn tho tho, thu dik a ngêt theih loh avàngin. Ka pa vuak huamin ka haw a nih ber chu.
Ka vànneih asiamin Essa chungchâng eng mah kan sawi chhuak lo, a theih chhûng chu Essa chanchin sawi chhuah loh ka duh, inhauna a thleng ngei dâwn si a. Rilru pangkhing zet chuan Krismas hunpui chu ka hmang ve a, kohhran lamah nula chêtna tùr a tam vàngin kei pawh ka buai hlauh a, a zia.
Essa ka biak pawhin ka chhûngten min hriat lohna tùr hmunah chauh ni ka biak ni. Ani erawh chuan ka boruak tawn hi a la hre lo ang, ka biakin ka tilang ngai lo va, hlim tak zêlin ka bia, rinhlelh theih tura awm ka duh lo.
Ni 31 tlai zanriah kan kîl laiin Essa chungchâng chu a rawn sawi chhuak ta hlauh mai.
"Khatiang mi sual vâkvai kha ka mâkpa ni tùr leh kan in rawn dai leh tur hian ka duh hauh lo a nia. Dâwt min la hrilh zui, nu nei tawh lo angin a insawi a, a nu bula a awm peih loh vangin a chhuahsan lek a lo ni si. I țhen tawh tiraw? I țhen chiah lo a nih pawhin tûn dârkâr ațang hian țhen vang vang ang che," tiin min rawn melh rùn a.
Ka chaw ei a tàwp vek. Essa sawi chhuah dan tùr chu ka hre thiam ruak si a, ani hi chuan a hre thiam ve dâwn dêr si lo.
"A mak thei êm mai, nakinah țha tê têin sawi mai rawh, chaw ei lai-" tia ka nuin a lo khap lai chuan," A țan zâwngin eng mah lo sawi suh, pa berin thil pawimawh ka sawi a nih chu," a ti țhawt a.
"A țan zâwngin eng mah ka sawi-"
"Duh tâwk rawh! Ngawi hmiah rawh! He thilah hian lo inrawlh ve hauh suh ang che, tu mah lo inrawlh suh u. Ka fanu ka chàwm len hian ka duh dàn chu a zàwm tùr a ni," a ti tùn tún a.
Chutah, min rawn en lehin," Ka thu âwih ang che, sawi nawn ngai suh se. Kan fanu i ni a, kan thu i âwih tùr a ni," a ti leh a.
Ka țawng ve vaih chuan a thin ka tirim belh ang tih ka hria a, ka ngawi reng. Ka thinlung erawh a rûm vawng vawng thung, țap lo tùr leh lungchhe lo tùrin ka insûm hrâm hrâm.
"Țhenin theihnghilh hmak ang che, tuna min bialtu pastor hi tlangvâl fel tak a ni a, senior deuh tawh mah se a țha. Mi hmingțha chhûng ațanga lo chawr chhuak a ni a, mâkpa țha tak tùr a ni."
Ka rilru a na lutuk a, ka thlêng lain dawhkàn ațang chuan ka kal sawn ta nghâl.
He thil hi ka chunga thleng tùra ka rin lâwk tho chu ni mah se a hun a lo thlen meuh chuan a râpthlâk ka ti lutuk! Kal bosan vang vangna awm se, a nih loh tal pawhin, ka mangchhia ni hlauh se ka va ti tak êm!
Inkhâwm tùra ka insiam chhûng chuan rilruin țawngțai ka tum a, ka thei lo. Ka mittui a tla reng a, ka rilruah Essa hlîr mai a awm, tunah hian ka pa thil sawite kha hre ve ta se, engtin nge a ngaih ang? Min țhen daih zâwk ang em?
Zanin chu ka biak ngei a ngai a ni.
Inkhâwm tùrin ka chhuak na a, biak inah ka lût ta lo.
Hmun him chin ka țawng miin an hriat theih lohnaah ka kal a, a number chu ka hmet chhuak a.
A ring e. Vawih khat, vawi hnih, vawi thum...
"Kat ..? Honey!!?"
Ka kut chu ka hûm ruh tlat. A aw dam zet ka han hriat chuan ka mittui a hnai nghâl kuar mai.
"Tunah tak hian ka bula awm tùrin ka duh tak zet che a ni," ka ti sap a.
"Lalpa leh! Thil thleng a awm em? A awm a ni tiraw? Min han hrilh teh."
Ka hrilh thei lo.
"Ka ngai êm che a ni." Ka mittui a rawn far nghâl zâwih mai.
*MI Â CHUAN A NGAIH DÀN KHA ȚHA BER LEH DIK BERAH A NGAI ȚHÌN*
Comments
Post a Comment