Direct Download copy code here: ☆LUHLULPA☆ - 37 & 38 By Dingdi Pachuau Skip to main content

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

☆LUHLULPA☆ - 37 & 38 By Dingdi Pachuau

☆LUHLULPA☆- 37 By Dingdi Pachuau





Tu nge ka biak chu ka hrilh lo nain kan inbiak dàn ațang chuan a hre thei maithei, damdawi eia inenkawl țha tùra ka hrilh hnuah chuan kan duh tâwk ta a.



"Tu nge dam țha lo?"



"I nu maw le, a khawngaihthlâk reuh sia, kan tùrin kal ila?"



"Kha inah khân ka lût tawh lo ang tih kha ka hrilh che em kha?" a lo ti sup thung.



Kei tak hian asin duh lo ni. A pa a lo awm khur àwm si a, hmuh leh pawh ka hreh, a theih hrâm chuan hmuh loh ka la duh zêl.



Mahse, keimah chauh ka inngaihtuah thei hleinem. A nu a damlo a, an in tlawh tùrin min rawn ngèn ve lawm lawm a nia. Ka pasal nu a ni, a nu tak tak ni lo mah se hei bâk hi nu a nei chuang lo, têt tê ațanga lo enkawl sei liantu, hrehawm tam tak tuara lo chawi liantu a ni, ka zah êm êm.



Dam țha chu ni se va tlawh kher pawh a ngai bîk nâng, Muansanga bâk ngaihsaktu a nei lo, a fanu lah hmun dangah a awm daih si.



A rilru ka hneh a ngai.



"A dam țha lo sia, a khawngaihthlâk alawm, keini lo ngaihtuahtu tùr a nei bawk si lo, i u hetah a awm loh hi," ka ti a.



A ngawi vung vung. Chu chu remchângah lain,"Rei tak pawh kan awm hman nâng, tlawh lawk a ni mai," ka ti leh a.



"I kal duh chuan ka thlah dâwn che nia,"tiin kan room-ah chuan a lût ta daih a.



Luhlulpa tak hi chu!! A tih tawh loh hi chu a ti lo bur mai si a, ina ka hruai luh theih pawh ka ring lo; mahse, min thlah dâwn tal alawm, a țha tho e.



A pa erawh a lo awm ang tih a hlauhawm ka ti. Hmuh ka hreh, min lo la haw àwm si a, min hua tih hriat reng bula awm chu a hrehawm ve thei si; mahse, min haw viau mah se Muansanga ka pasal a ni tawh tho tho, min huat avàngin kan ințhen phah dâwn chuang lo.



Kan room-a ka lût tùr chu thâwm ka dìm deuh a, eng nge a tih tih ka hriat duh vàngin. Khumah a lo țhu a, chechàng lo chuan a en ngai a lo en reng, a inngaihtuah mûk viau a ni, ka lût thâwm pawh a hre lo tih hriat reng, min rawn en miah lo.



Ka ding ta, ka thil sawi kha a ngaihtuah a ni ngei ang. A langah hian a nu hi ngaihtuah lo deuh angin lang mah se a rûk chuan a ngaihtuah ve chiang alawm.



Ka nui sak.



"Mak vung vung ve?" tiin a lam pan chuan ka kal phei ta nghâl a.



Min rawn en chuang lo; mahse, ka biakna chu a hria tih ka hria, a che sawn ve ta bawk.



"I lung ka tiawi lo em ni?" tiin a hma zâwnah tak chuan ka va ding a.



Chutah chuan min rawn en chho ta.



"Engtin nge chutiang ngaih dàn chu i neih theih?" a rawn ti a, a kut chu a rawn phar chhuak nghâl bawk a.



Ka lo ban ve vat, a mal chungah min țhuttîrin," Engtin nge ka lung i tihàwi loh theih ang," a ti sup a.



"I duh loh zâwng ka sawi a nih-"



"I duh duh i sawi thei alawm, Zon, khap theih nân che dàn ka nei hleinem," tiin min kuah a.



"Ngaihtuah chiang lovin ka rilrua awm hi  ka lo sawi chhuak leh mai țhin sia, i duh loh zâwng a ni ang tih ka hlau hnuhnawh a," ka lo ti ve a.



Ka sam fâwp zoh pah chuan," I sawi a nih hrim hrim hi chuan duh loh pawh ka nei lo," a ti sup a.



Nui chung hian," Chuti, i ril a țâm tawh em? Chaw kan ei tawh mai dáwn em niang?" ka ti zat a.



"Chaw ei hma exer ti lawk ila?"



"A țha alawm."



Kan thlahthlam rei ta deuh a, taksa pawh a khawng deuh țhûmin ka hria. Hun âwl neih chuan tih leh zauh zauh a ngai tawh a nih hi, dârkâr chanve vêl bâk a ngai chuang lo va. Kan taksa hi miin min rawn hmangaihsak dâwn lo, keimahni ngei hian kan hmangaih a ngai.



"Ti hi chuan, chaw ei pawh a tui sawt ngei ang chu," a chala thlan luang hru pah chuan a ti sup a.



"Nia tiraw?"



Kan inbual zawha chaw kan ei hman meuh chuan a lo tlai ve rawih tawh. Chaw ei lai chuan," Naute kan neih hunah mipa nge hmeichhia nei ila i tih zâwk?" a rawn ti chhuak a.



"A, ka duh ve ve," ka lo ti a.



"Duh ve ve tih âwih loh ni se?"



"Sawi hmasa phawt rawh," tiin ka kar ta thung a.



"Mipa," a tih ka rin tehlul nèn," Hmeichhia," a rawn ti teh daih!



Makti rilru deuh chung hian,"'Ti nge hmeichhia i duh zâwk a?" ka lo ti vat rêng. Mipa hi chuan fapa an awh vek ka lo ring țhin asin.



"Mimawii'n nau hmeichhia kawm tùr a nei thei ang chu, mipa a nih chuan an inkàwm ngeih a har deuhin ka ring a. Hmeichhia a nih chuan Mimawii a khawhar dâwn lo va," a ti a.



A ngaihtuah thui roh mang e! Chu pawh, Bawihtei hmakhua a lo ngaihsak vàngin.



"Kei chu mipa ka duh ve thung," ka ti ve ta a.



"Hmeichhia kan neih chuan a hming ka phuah ang a, mipa a nih ve thung chuan i phuah dâwn nia," a ti leh a.



Fa chungchâng hlîr mai maw.



"Keini chuan kan phuah chang ve nâng, a pi leh pute an la dam ve a, kan phuahtîr ang chu," ka lo ti ve thung a.



A ngawi leh ta daih.



Ka nu tân ei tùr siamsak ka rilrûk avàngin Muansanga hnênah chuan a nu ei duh zâwng chu ka zâwt a, ani pawh chuan min hrilh ve mai bawk. Min ngawihsan bîk lo ve.



Ka siam zawha a dahna tùra ka dah fel thlap hnu chuan,"Ka hmai ka phih leh lawk ang a, kan kal tawh dâwn nia," ka ti a.



Bike chuan kan inphur chhuak leh ta dat dat a, dàwrah pawh lût kawi lovin kan kalna tùr lam chu kan pan ding nghâl.



Bike ațanga ka chhuk chuan ani chu a la che sawn ve lo. He pa hi chu aw, a luh ve duh mai ka ring ru deuh asin le.



"Ka lo nghâk ang che," a ti sup a.



Ngel ngul hian. Lo luh ve mai tùr a nia, keimah chauh chuan ka huphurh ve tho asin, a pa a lo awm ve hlauh phei chuan...



Lo awm lo hrâm se ka ti mang e.



Ka vànnei lutuk! A lo awm lo hlauh tak tak a! Ka thaw huai, Muansanga nu pawh ka rin aiin a lo harh peih viau a, awm nuam lo hmel pawh a pu lo. A hmel erawh tlêmin a dáng deuh, a upa ve deuh tawh a, enkawl uluk a ngai ve tawh.



"I lo kal chu ka lâwm hle mai, ei tùr lah min rawn ken țeuh bawk si a, ka ei zo thei hauh lo ang, awm ve reng rih rawh aw," a ti sauh sauh a.



Awm rei loh ka tum viau a nia; mahse, han kalsan thuai theih pawh a ni lo. Pâwn lama min lo nghâktu ka hre reng a, mawng pawh a bet nghet thei vak lo.



"Engin nge i lo kal? Kein em ni?" tia min zawh chuan," Ni lo ve, bike-in min rawn hruai a," ka ti a.



"A lo lût duh lo a ni maw? Bawiha tak hi chu aw...!!! A pawi ka ti ngawt mai, thil awmzia tak tak a hriat thiam chhoh hun lai khân lo hrilh ta ni ila tûn ang hian țhen darhin kan awm lo maithei si a, a puitlin hnuah a hre chhuak ta chauh si a. A rilru chuan min thiam lo ngawt țhìnin ka ring, damdawi ina ka awm laia min zawh chiante khân a rilru a lo hrehawm ngawt ang chu, ka thiam loh vek a ni. Ka theih ang tâwka țha leh hmangaih chuan ka enkawl ka ti ve asin, thisen zawm loh ni mah se ka hmangaih theih loh phah dèr si lo; mahse, hrilh ka duh ngai loh leh hre chhuak miah lo se ka tih, phùm bo ka duh êm êm chu amahin a rawn hre chhuak ta chat si a. A, engkim hi ka thiam loh a ni, lo hrilh hre hma ila hetiang boruak hi kan pumpelh thei mai tùr! " a ti dap dap a.



Khawngaih rilru tak chuan a thil sawi chu ka lo ngaithla doh doh a.



"Ka ngaih dàn chuan hrilh lo ila, kan fapa a nihna a bo dâwn chuang lo va, a hre chhuak lo bawk ang ka ti a. Kan hrilh chuan a rilru a nâ ang a, inkiltawihin amah a inla hrang ang tih ka hlauh vàng a nia," a ti leh a.



A thil sawi hi dik ka ti reng, a dinhmunah ding ve ta ila a rilru ang hi ka put ve tho tùr a ni.



Ka awm rei phian si a, pâwn lama mi chuan rei min ti tawh ang chu aw.



Mahse, ka chhuah chuan a awmna ngaiah bike-ah chuan a lo la țhu reng, engtin mah min lo sawisêl lo.



"I mawng a kham tawh àwm mang e! Lo luh ve mai tùr a nia," ka ti a.



"Ka sawi tawh kha," a lo ti mai.



A nu chanchin chu min zâwt lo mah se ka hrilh tho. Ngaihtuahawm a nih loh thu ka hrilh rual chuan tlawh zauh zauh erawh a țha tih ka sawi tel hrâm.



"Nia, Aw, a țha alawm," pawh a lo ti lo, a ngawi reng ringawt. Ka thu sawi erawh a hria tih ka hre tho, pawi lo. A nu leh pate chanchin sawi chhuah hi chu," Lo ngawi hmak rawh," tihna ang chiah a ni.



Mahse, ka beidawnsan chuang lo. A chhan chu a nu chu tlawh duh se, tlawh ve ngei se ka ti a ni. Tunah chuan a dam țha leh tawh tho a, a nu làwm nân tal tlawh se, a nu chu a thiam lo lo a ni tih tal hrilh se ka duh. A nu lah rilru hrehawmin a awm ve reng si a, tuna an awm dàn hi a thiam loh vekah a ngai bawk si.



Tlai khat dàwr ațanga kan haw chu ka lu a hai deuh chiai mai a, 'A reh ve mai ang chu maw' tiin ka chêt pawh ka țhulh duh lo va. Ka hrisêl ve viau a, lu nâ, lu hai tih vêl pawh hi ka nei khât viau asin le. Vawiin tlai teh tlat chu, ka bp lam hi a dik lo a ni thei ang em le? Eng pawh chu lo ni se, zànah ka mu ang a, naktûkah chuan a lo reh tawh êm ang chu.



Zîngah chuan a zia ta deuh, tlêm chuan hai chu a la awm; mahse, a zia tawh rêng rêng e. Muansanga pawh ka hrilh chuang lo, ka bp a nih ka ring ber. Vawiin lamah chhùn chawlh laiin kan dàwr piah damdawi dàwr zawrhnaah khân bp chu check-tîr ila a țha ang.



Ka va check-tír ta ngei, tlêm chuan a lo hniam deuh. A zia hlauh e, a chhan ka hre chhuak a, inenkawl a harsa lo nasa si.



Tlaiah ka nute ka va bia a, Bawihtei nèn pawh kan inbia. Thlalehah an exam tawh dâwn a, țha taka lehkha zir tùrin ka chah a, a exam zawh veleh a lo phei theih tùr thute chu ka hrilh a, a hlim chu a nui ar ar reng a.


*******


"Rai puar tawh la ka ti, ka hmu châk tawh che!"



Kan inbual zo, thawmhnaw kan hâk laiin a rawn ti chhuak hlawl a.



Va sual roh tak! Rai kha a nuam lo nasa mai si, Bawihtei ka pai lai khân ka inzo lo hle a, ka vúng nasa viau bawk a nih kha. Fa neih hi chu ka duh reng; mahse, rai tak hi ka peih lo, naute an hràm tawh phei chuan...



"Ka hah sa," ka lo ti a, thawmhnaw hâk tùra ka dah chhuah chu ka dah lût leh, a dang ka ha ta zâwk.



"I hák tùr pawh ka hual sa vek tawh! I inhmeh dâwn bawk si. Bâkah, kan pahniha hmangaihna rah kha i pumah a rawn țhang lian dâwn a nia, hmuh a nuam dâwn êm asin,"a ti leh a. Ani chu a inha zo tawh a, dârthlalang hmaa dingin min rawn en a.



"Naaa, chhe pèr pùr min ti dâwn lutuk! Chutah, ka'n thinchhe zual zui ang a, i rethei àwm mang e!" nui chung hian ka lo ti a.



"Pawi lo, ka dawh hrâm hrâm tho ang che, nau i pai vàng chauhin i thinchhia tih ka hre kar dâwn asin," tiin a rawn inher a, min rawn pan a.



"He i dul thêp zaih hi a rawn puar dâwn a niah!" tiin ka pum chu a rawn chûl a, ka rai puar huna ka dul len dàn tùr, a tiat àwm vêl tùr chu a kut chuan a zir kual a.



Ka kawr chu ka la ha hman lo, kekawr erawh ka ha tawh a, ka kawr hnuai hâk nèn chauh chuan dârthlalang hmaah chuan min kai phei a, a sîr zâwnga min dintîrin dârthlalangah chuan kan thla lang chu kan en a.



"A len hun ka nghâkhlel, ka chûl châk tawh!" tiin ka dul bawk chu a chûl leh hoh hoh a.


*******


"Muansang, i nu damdawi inah a lût a nih chu, tunah khân min rawn hrilh zo chiah a. Kan kal nghâl dâwn em niang?" tiin coffee no hnih, la khu vang vang chawia a rawn luh chuan ka lo ti nghâl a.



"Eng...engati nge a?"



"Ka hre bîk chiah lo, a inentîr a, an lo admit mai a ni àwm e," ka ti a. Chu chu min hrilh dàn a ni miau si a.



A hmelah chuan tihlan tum lo mah se  a nu chu a ngaihtuah viau a ni tih chu a chhiar theih tho. Ka pasal hian sawi chhuak duh lovin sawi ngai lo mah se a nu hi chu a ngaihtuah ve reng a ni tih ka hai lo; mahse, ngaihtuah anga lan a hreh tlatna chhan hi chu ka la hre thiam lo.



"Coffee kha in rawh," a ti sup a.



Coffee sa țha ver vawr chuan min tilum nghâl sawt sawtin ka hria. Khua hi a lum lutuk tawh lo va, building hnuaiah phei chuan a vâwt ve deuh súk thei.



"Kan kal ang tiraw?" ka tih chuan," Ka hruai dâwn che nia," a lo ti leh a.



"Kan pahnihin lût tawh ang aw, i hmel a hmuh chuan a dam sawt sawt dâwn asin," ka ti leh a.



Mahse, a lo lût leh chuang lo.



A nu erawh a hma aiin a lo dawldâng a, ka tlawh hnuhnun ber ai khân a lo chêr tawh bawk. Upa lam a ni ve tawh a, duat taka enkawltu chu a mamawh ve a ni. A pangchan theihna tùr ber a fanu lah hmun dang daihah a awm si. A fapa a ngaih êm êm lahin a hmu duh si lo.



Ka khawngaih reuh mang e!



Muansanga hmuh a duh takzet thu chu min hrilh keuh keuh a, thil eng emaw sawipui a duh thu chu min hrilh bawk a.



Muansanga bula ka sawi chuan ngaihtuah ding tih hriat tak hian a en ngai a en ding rùn ringawt, a țawng chuang lo.



"Hmu ngei ngei rawh aw, in inah khân a ni lo a nia, damdawi inah a ni i han hmuh dâwn ni, kal ngei rawh aw, a pawimawh ngei ngei ang," kal ngei se ka tih avàng chuan ka thlêm titih deuhin ka hria.



"I pa lah thil țûlah a chhuak țhìn si a, enkawltu/ awmpuitu chu a nei tho, ngaihtuahawm pawh a ni lo, a țha reng; mahse, a ngenna che tihhlawhtlin hrâm chu i tum dâwn nia," ka ti leh a.



Dàwr kan thlen hnu rei vak loah chuan amahin a chhuak ta, a nu chu a hmu dâwn ta a niang, ka zâwt duh lêm lo nain ka nui ru var var.



Han hmu mawlh teh se.






*MI ȚHENKHAT, AN NGAIH DÀN A NIH LOHA SAWI CHHUAK NGHÂL MAI ȚHÌN AN AWM A, SAWI CHHUAK VE LÊM  LOVA NGAWI  TLAT ȚHIN AN AWM BAWK, NGAWI TLAT ȚHINTE HI AN RILRU HNEH A HAR TLÂNGPUI*






☆LUHLULPA☆ - 38 By Dingdi Pachuau





Victor-a a rawn lût ve tlat mai! Eng tak a rawn ti dâwn chu ni maw? Kan dàwr a ni tih a hre sa em ni le? Chu pawh ni se, a mak tho. Kan awm tlàn lai kha chuan thil mamawh lei tùr pawhin amah chauh chuan a chhuak ngai lo tluk a nih kha, a lo dang ta viau a nih dâwn hi.



Ka va ngaihtuah ho tak!



"Eng nge i duh ve tâk? Lo kal rawh," tiin ka lo be vat. Țha taka ka lo biak loh chuan, kan customer a ni miau a.



"Bawihtei engtikah nge a rawn phei dâwn?" a rawn ti a.



"December thlaah, a exam zawhah a ni ang chu,"ka lo ti ve a.



Dàwr thil chu enin a hawi kual a, mi dang pawh an rawn lût ve leh ta. Ka lo chiau-au ve hlawm a; mahse, kan nula pahnihte'n an lo buaipui nghâl vat a.



"Nakkum chu helamah school a kal ve thei tawh ang tiraw? Nangni helamah in awm bawk sia," a ti leh a.



"Aw, kumin chu a laklawh êm a, sawlamah exam zo phawt se kan tia," ka ti ve leh a.



"A piin a sawi a sawi a. Tûn țum chu a ngai ve ngang a niang."



Ka en deuh hâ a! Nge... a mak êm asin! A pi khân a ngaithei lovin biak pawh a be ngai lo kha a ni si a, a lo piangthar ve ta thut a nih loh chuan tihdanglamin a awm a ni ngei ngei ang! A âwihawm loh lam mah mah chu a ni.



"A nih tak chu," ka ti ringawt.



"I âwih loh hmel hle mai!" a tih chuan," Nia..." ka ti. Ka zêp lêm lo, ani pawh hian a hre thiam vek tho ang chu.



"A tunu neih chhun a ni miau a, ani bâk tu a neih belh hmel bawk si lo va."



A awm rei lutuk lo ve, Muansanga rawn thlen hmain a haw hman, ka thaw huai mai. Ka pasal hlui a nih vàng leh min țawng khum dàn zawng zawngte a hriat ve tho avàngin Muansanga hian a làwm lêm lo tih ka hria a, bâkah, Bawihtei pa tak zâwk a la ni zui bawk nèn, a rawn hmu hman lo chu ka lâwm.



A rei ta zêk mai ka ti. Ani hi a va titi țeuh a niang; mahse, a rinawm chiah si loh, ka ngaihtuah rauh rauh reng ta mai.



Tlai haw hun hma hretin a rawn thleng ta chiah. Ka lo en vang vang a, eng mah a sawi lêm loh avàngin ka lo zâwt duh bîk lo, bâkah, dàwrah mi hriat laiin ka zâwt duh lo, a sawi țha duh bawk hek lo ang.



Zanriah ei laiin ka zâwt a, ani chuan,"Mi dang an awm țhin vàngin ka kal lawk lo va,"a lo ti mai a.



"Va pawh ve mai tùr alawm, mi dang pawhin an ngaihven ve tho dâwn a, an kan ve tho ang chu," ka lo ti a.



A ngawih leh tâk avàng chuan,"I kal tho tho a, a làwmawm tawh hrim hrim," ka ti leh a.



A thil ei chàwl meuhin min han en vung vung phawt a, chutah, muangchâng hian,"Engati nge anni nèna kan inkâr hi țha tùra i duh êm êm? Min țhen chhante kha i ngaihtuah lêt ve ngai lo em ni?" a ti ta charh charh a.



"Engah nge țha se ka tih loh ang? I chhûngkaw neih chhun alawm an nih," ka lo ti liam puat a.



"Tunah chuan ni tawh lo ve, Mimawii leh nang hi ka chhúngkaw neih chhun chu in ni," a lo ti thung a.



Lu bu nghatin,"Aw, chu pawh chu a dik. Anni pawh i chhûngte an ni alawm, enkawla chawi liantu che an nia,"ka ti leh a.



A ngawih hnuah chuan kei pawh ka ngawi ve ta rih. Nia, a pa vàng khân ka țhen ngei mai a, tûn thleng hian hmuh pawh ka hreh phah alawm; mahse, tunah chuan kha khân awmzia a nei tawh lo. Kan innei tawh a, min pawt țhen thei tawh lo. Thinlunga huatna awmtîr reng lo hian hlim takin hun hmang ila ka duh tawh, a chhan chu kan hma hun kan hre hauh lo, engtik hunah nge kan thih dâwn tih lah chu tu mahin kan sawi thei dêr lo. Nutei sawi angin thil hluite dah bova tûna kan hun hman mêkah hian hlim tak zêla hun hman ka duh tawh, huatna thinlung nèna hun hman nân chuan kan dam chhûng hun a tâwi mah mah, hlim ka duh zâwk.



"Ka nu hnênah chuan kan ințhen chhan, ni lo, nangmahin min țhen chhan kha ka hrilh a, a lo la hre miah lo va."



Ka ngawih reng avàng chuan sawi zawmin,"In ka chhuahsan avàngin inthiam lo lo tùrin ka hrilh bawk a, ka sawi dik ve tho tiraw?" a ti leh a.



"Dik lutuk e," tiin ka kutzungpui ka hmuh zauh a.



"Ka nu tak tak a nih loh vàng leh a fapa dik tak ka lo nih loh vàng hian en dàn tùr ka thiam tawh lo va, duat dàn tùr pawh ka hre thiam tawh lo, ka inkiltawih zo vek.  Han hnema țawng thlamuan pawh ka duh ve tho; mahse, a bo vek a ni mai," a en ngai en rùn chung chuan a ti leh sup sup a.



"A țha vek! Hmu tùra i kal hrim hrim kha ka làwm tâwk a tling tawh a, i fel ka ti tawh tho tho, ani pawhin a hre thiam ve lutuk ang,"ka lo ti a.



Zànah hindi film thar kan en dùn a, rin aiin a thui zêk mai lehnghâl a, kan men rei phah viau a ni. A hmuhnawm ve laklawh bawk si a, en tàwp ve ngei kan duh si a ni.



Zîngah mit thial deuh ûrhin ka tho a, ka lu a na deuh nguih mai bawk. Nizàn vàng vek, khatiang kha chuan en tawh miah loh tùr a ni; mahse, a hmuhnawm vàng khân kan en zo lo phal thlâwt lo a nih kha.



Ka mit nâ chu thuhran, ka khuate a sikin ka hriat tâk hial tâk chu! A nghawng a na kher mai ka ti, fuh lo tak hi a ni ringawt. Damdawi han ei ringawt chu ka hreh ve deuh si a, ka intiharh hrâm hrâm, Muansanga hriatah phei chuan tuar àwm angin ka awm duh teuh lo, keimahin en tàwp ka rawt chhuak si a.



Dàwrah pawh chuan ka lu nâ chu a reh chuang lo nain a zia ta deuh. Mut vang vang ka châk kher mai, zàn rei tak thleng thleng chuan film ka en tawh ngai lo chiang ang chu.



Ka inthup ve viau a nia; mahse, min lo hmu thiam tho ani chëk ang chu.



"I nuam mang nange?"



"Nuam e, engati nge a?" ka lo ti a, ka nui lui sak bawk a.



"I nawm loh hmel riau a, i țha chiang chiah maw? I mitte kha," a ti leh a.



"Nizàn kan thil en vàng kha a nih hi," ka lo ti ta nge nge a.



"A nih chiah chu. Kei chu ka tuar ve teh chiam hleinem. Hawa mut mai i duh lo maw?" a ti vut a.



"A ngai lo, ka țha. Nakin zànah hma tâwkah ka mu ang a, a reh vek mai ang," ka lo ti ve vat a.



Mahse, a reh hmak lo. Chhùna kan thil ei rim lah chuan lu nâ a rawn belh sauh, hmuihmer rim chuan ka luak a tichhuak lutuk, ka pum a rawn tilet but but maiin ka hria.



Toilet-ah ka va luak ta țeuh. Min tidam deuh huaiin ka hria.



Zàn ka men rei ațang chuan ka zîng tho a fuh thei ta hauh lo, khawsik deuh seng seng angin ka awm ta ziah mai, ka lu pawh a na tel țhin. Bike-a min han phurh hian a rimtui hman rim chu ka hîp fuh thei lutuk a, ka hnâr ka hup ziah, a hnuah phei chuan ka hrilh ta nghe nghe, ka thâwk a tinuam lo, hrehawm lutuk ni si lo hian awm a nuam lo va, têl hmui rim ka hriat hlek lah chuan 'Luaka, chhuak rawh' ti ang maiin ka âwm hi a rawn hnawh nghâl ut ut zêl mai. Ka chawhmeh siam dàn pawh ka thlâk ta rih, thil hâng leh thak lam ka uar ta deuh.



Zàn men rei effect chu, a lo na deuh a nih hi.



"Nang hi, engati nge toilet-ah hian i awm reng zêl a? I pum a nuam mang lo em ni? Hmarcha ei insûm deuh rawh ka tih țhin che kha," pâwn ațang chuan a rawn ti a.



"A tui ve alawm, a tel lovin chaw ei pawh a tui thei hleinem," ka ti ve mai. Hmarcha lam ni lovin zàn men rei effect kha a ni tih ka hrilh duh bîk miah lo.



"Ok, ok. A nih leh le, ei țeuh țeuh mai rawh, i tâna țha tùr ka sawi i âwih duh lohte chuan," a ti leh a.



Ka nui suk.



Kawngka ka hawng a, pâwn lam boruak rim ka hriat chuan ka pum a rawn inlet leh ta but mai, ka lët leh vat, ka va uak tuar tuar. Artui kan rim ka hìp luh vàng vek! Ka kang tawp si lo, a lo kang a ni chiang.



"I țha em?" tiin a rawn lût ve, kawngkka a hawng huau bawk si a, amah chawp chawp chuan artui kan rim hlîr mai a nam chûk.



"Kal rawh!" tiin ka uak țha leh. Eng atân nge artui chu a lo kan kher kher ni? Kei pawhin ka kang duh lo a nia.



"Engtizia nge ni-"



"Rawn hnai suh!" ka ti tuar. A rawn hnaih zual chuan a rim kha a na ting mai dâwn asin. Artui mawlh chu, eng atân nge a lo kan ni? A, ninawm lutuk, engati nge a chhum ve mai loh ni?



Ka zia deuh hnuah chuan hnâr hupin ka chhuak. Melh pawh ka melh lo, artui kan ka duh loh vànga têl pawh dah țhat hrâm hrâm laia a lo kang lui kher chu ka ngei.



Room-ah chuan ka luhsan a, kawng ka khâr nghâl țhuai. Ka thin a tirim tlat, eirawng bâwltu ka nia, ka thil siam ang ang chu a ei ve mai tùr ani dâwn lo'm ni?



"I thin a rim a ni maw? Engvàng nge ni?"



A hre reng àwm sia, min han zâwt lui vêl a nia!



"Kawngka kha hawng suh, khâr rawh!" ka lo ti hlar, artui kan rim kha a rawn nam lût leh deuh tlat. Thlanglam tukverh chu ka pan nghál.



A khâr ve mai bawk a niang, a ri deuh khap a, maimichhîng chung chuan boruak thianghlim chu ka hîp vang vang a.



"I țha em?" tiin min rawn hnaih a.



"Va inbual rawh!" ka ti leh vat. Artui kan rim a nam huam tih a inhre pek lo a niang chu, khatiangte chuan mi pawhin rimchhia an ti mai dâwn asin.



"Ka inbual zo chiah."



Thinrim ru deuh țûn chung chuan," Va inbual țha leh rawh," ka ti hluk a.



"Engtizia nge hetia i awm? Hmarcha ka sawi vàng khân i thinrim a ni em? I pum ka ngaihtuahpui vàng che alawm."



Min rawn hnaih a, ka bân a rawn vawn chuan ka lo țang țùng mai. A artui kanna kut kha a nia, artui rim kha ka kutah a kai ngei ang.



"Min thlah teh."



"Zon, engtizia nge ni? Ka tihpalh, thil sawi sual ka nei a nih chuan. Engati nge hetia i awm thut a?" a hriat thiam lo tih chu a aw ațang chuan a hai theih loh.



"Artui kha eng vànga-" ka sawi zawh hma chuan toilet lamah ka tlân leh nghâl, ka pum let but but chuan ka chil a tirial, ka luak dâwn.



Ka chalah min rawn dawmsak, min rawn ûm zui ve a lo ni. Ka thin a tihrim tlat avàng chuan ka mittui a tla pùr mai, ka uak nasa bawk nèn, hmuh ka nuam lo ang chu aw.



"I damlo a nih hi, inentîr i ngai a ni."



"I artui kan rim khân min tidamlo vek a nih hi, ka duh loh vàngin ka dah țha ve êm êm a, i lo kang lui leh țâlh a," ka ti zo chiah a, artui kan rimka ngaihtuah chhuah leh avàng chuan ka uak leh nghâl a.



"Ka kang lo."



Mittui tla pùr chung chuan,"A rim pawh i nam reng alawm,"thinrim rilru zet hian ka ti leh pùr a.



"Kawmthlangte kan rim a niang, a nih loh chuan in hnuaite pawh an ni thei tho. I duh lo tih ka hria alawm, engah nge ka kan luih ang?" a lo ti thung a.



Ka uak leh pap pap hnu chuan,"I kan loh chuan a țha a nih chu,"ka ti hmuk a, inherin ka chhuak ta nghâl a.



Min rawn zui zêl niin," Ngawi teh, nang hi, i rai a ni lo maw?" a ti phawt a, chutah,"I awm dàn hi raino țan an sawi hi i ang tlat ka ti, i thin a chhe thut a, i uak i uak bawk si," a ti leh a.



Ka ni thei ang em?!! Bawihtei ka pai tirh khân hetiang hian ka awm em?



Awm lo, chuti, ka rai lo tihna. Ka pum a țha lo ve țan pawh a ni maithei a ni.



Ka hmaa calendar chu ka en vang vang a, ka period hun chu a lo pèl tawh viau a ni, thla hmasa leh tûn thla ka en tawn chhin a, kâr hnih vêlin a lo pèl tawh!



Ka rai tihna a niang.


*******


Ka lo rai ngei e. Damdawi inah min hruai phawt a, uluk taka min en hnuah a chiang ta chauh. Ka la ringhlel deuh rum rum mai, test kit ka lei leh. Ka inrinhlelh deuh chhan hi eng dang vàng a ni lo, Muansanga hian rai tùrin min duh lutuk tawh a, a lo dik leh si lo ang a, ka tibeidawng ang tih ka hlauh vàng a ni.



A hlimzia mai chuh! Amah nèn inhmeh lo zetin a nui sûng reng mai, eng mah hian a tithinrim thei lo ang e tih tùr khawpin a nia a hlim ni.



Ka chhûngte pawh kan hrilh ve a, an hlim khawp mai. Bawihtei pawhin nau a nei ve dâwn ta tih a hriat chuan," Yess, u ka ni tawh dâwn e. Ka upa sawt dâwn sia, ka duat ngawt ang," a ti ve nghe nghe.



Muansanga nuin min rawn phone-in ka hrilh ve a, ani phei chu a țawng chhuak țha hlei thei lo, a làwm vangin a lungchhia a nih chu! Mak ka titawp maw le! A fapa, a hrin pawh ni miah lo, chu achhapah, an inah pawh awm tawh lova chhuahsan tawh hial a nia, a tu tak tak tùr pawh a ni tawp si lo va!



Dàwrah ka kal a phal tawh lo. Bike-a ka chuan a phal tawh lo va, inah min awmpui chawt. Ani erawh a va lang zauh zauh thung a, eng nge ka ei châk zâwng min zâwtin ei tùr țha ber ber nia a hriat chu a rawn lei haw țawk țawk mai. Duat theihtàwpin min duat a, ka pangchang zo vek ang tih pawh ka hlau rum rum e a.



Muansanga nu pawhin kan inah min rawn tlawh ve. Taxi-in a rawn kal a, ka khawngaih reuh khawp mai, a la damkawr ve si a.



Ani pawhin ei tùr țha tak tak min rawn ken nual mai. Min ngaihtuah mah mah a ni, amah hi inngaihtuah ngai, inenkawl ngai a la ni fê zâwk si a.



"Indìm viau la aw, kan tu hmuh hmasak ber tùr a ni si a. Kan duat dâwn teh mai a nia, i pa pawh rawn kal chu a duh viau a; mahse, țûlah a chhuah a ngai si a," a ti siam siam a.



"Hei, i rawn kal a, a tâwk lutuk. I la damkawr si a, inenkawl uluk viau i ngai zâwk asin," ka lo ti ve a.



Muansanga dàwr kal pawh a rawn haw thuai. A nu a hmuh thut chuan tlêm chuan a danglam tih chu a țawng dàn ațangin a hriat.



"I lo kal a ni maw? A ngai hleinem, i la damkawr si," tiin.



"Ka tu lo piang tùr chu hmuh hmasak ka duh ve alawm, Zonuni chhuah i phal si lo va, a pi talin ka rawn kan hmasak loh chuan ka tupa chu a lo pian chhuah hunah a vui viau maithei si a," a lo ti a.



'Ka tupa' a ti leh ringawt. A la insiam țan dâwn chauh a ni sia, nuih a tiza zâwk.



"Ka nu, tupa i awt zâwk a ni maw?" nui chung hian ka ti a.



"A, awt zâwk chuang lo ve. A lo piang chhuak apiang țha ka ti mai, Bawiha hian mipa a duh hmel zâwk sia ka ti a nih kha," a lo ti ve mai a.



"Ka duh ve ve, hmeichhia a nih pawhin ka duat viau ang a, mipa a nih hlei hlei pawhin ka duat êm êm tho ang," Muansanga pawh chuan a lo ti ve a.



Hlim takin kan titi a, rilru danglam ber  Muansanga pawh ka rai ațangin a hlim hmel hlîr mai hmuh tùr a awm tawh a, ka nu lo lêng pawh hi pângngai takin a lo chhàwn ve a ni.



"Ka tân rawn kala rawn tlawh reng che u a harsain ka  thei reng dâwn si lo a, in tân a awlsam zâwk, rawn insuan lût tawh ula a țha ang. Kan in a zauin naupang tân hmun a zau țha êm êm bawk si a," ka nu chuan a ti chhuak ta a.



"Helai pawh a zau țha reng alawm," Muansanga chuan a lo ti a, a nui hmel hmuh tùr a awm tawh rih lo.



"Bawiha, i inla hrang rei tawh êm mai. Kan hrilh hma lo che a, ka thiam loh a ni ka tih tawh kha. Hrehawm i ti a, i chhuak a, ka pawm vek; mahse, a rei ve tawh alawm. I nu hian ka ngai êm êm che tih pawh i hriat reng kha," a nu chuan a ti leh dap dap a.



"Kan rawn insuan lút dâwn lo," Muansanga chuan a ti leh tawl mai a.



A nu thung chuan,"Bawiha, chhûngkaw inkârah chuan inhriat thiam lohna awm zeuh zeuh țhìn mah se chhûngkua an nih miau avàngin an inzawm leh țhìnin an inhre thiam tawn leh țhìn a ni ngai e. Kan fapa kha i ni reng a, i ni reng tawh dâwn bawk a, chu chu eng mahin a tidanglam thei lo a ni," a ti leh dap dap a.



"In ka chhuahsan chhan kha inhriat thiam lohna satliah leh lungawi loh vàng a ni lo, chhuak tùra tih ka nih vàng zâwk asin. Nu, i hriat kha, kei chu rilru sawhsawn ve mai mai țhin ka ni lo. Ka chhuahsan tawh hnua luh leh hi ka la tum chhin lo," a lo ti hmak thung a.



A nu makti hmel leh âwih lo hmel chu enin,"Ka sawi chu a dik, in fapa dik tak ka nih loh vàng khân hrehawm ka ti, in chhuahsan tumna rilru ka pu hman lek lek; mahse, ka chhûngkaw neih chhun in ni a, chhûngte dang ka nei hauh lo; mahse, chhuahsan lo thei lova min siamtu chu ka pa a ni, dinhmun hrehawm takah, zahthlâk takin leh tuilairapin min siam bawk. Chuvàngin, nu, lo lët leh tùr chuan min thlêm suh. Kan inkâr tichattu hian a tichat zau lutuk tawh a, kei chuan zawm ngaihna ka hre tawh lo," a ti leh ta duah a.







*HARSATNA LEH HREHAWMNA NASA TAK PALTLANG TAWH MI CHU A HUAISENIN A RINTLÂK ȚHIN*




Comments

  1. A ngaihnawm thin,i story a i tawngkam hman dan hi a dang dai ka tia, ka duh riau thin,I cial tlat

    ReplyDelete
  2. "Luaka,chhuak rawh" tih tawngkam te hi ka va lawm tak,ka nui hawk hawk mai,I tawngkam hman dan hi ka duh thei,I story hi chhiar nuam ka ti,chhiar hmaih ka nei em aw,I blog ah hian a awm vek em le

    ReplyDelete

Post a Comment

Popular posts from this blog

☆LUHLULPA☆ - 1 & 2 By Dingdi Pachuau

☆LUHLULPA☆ - 1 By Dingdi Pachuau Ka fanu tui taka a muhìl sâk sâk chu ka thlîr reng a, ani lah chuan hmangaih takin ka thlîr a ni tih hre hauh lo hian kàwi sàwi zeta a teddy bear kuaha mu hian a thaw sâk sâk a, a biang tài deuh têkin a hmêl a han tihțhatzia chuh..ka thlîr ning thei mawlh lo. Mahni rîla rah fate hi chu mi fâte ai chuan kan duatin kan lo hmangaih deuh chu a ni, hmangaihna mita kan thlìr vàng pawh a ni ang chu, mi fate aia an chhiatna kan hriat theih miah loh ni. Rei tâwk fang ka thlìr hnuah chuan kûn hniamin a biang tài têkah chuan ka fawhsak zauh a, thàwm dìm takin room ațang chuan ka chhuak ta țhem țhem a, kawng erawh ka khâr lo. A lo harh veleh min ko leh vak emaw a ni ang a, ka hriat thuai loh chuan a lo țap leh palh thei si a, chuvàngin ka khâr duh lo. Choka zîm zetah chuan lût pheiin kan nufa ei tùr chu siam tùrin ka buatsaih țan ta nghâl a. Kan in chhûngah hian bungraw changkâng tak tak awm lêm lo mah se kan mamawh hi chu a awm kim ve viau, mamawh ...

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

RUATSANGA - 13

RUATSANGA - 13 By Dingdi Pachuau Min fawh kârlakah chuan min duh thu leh duhawm min tih thu a sawi sap sap tih ka hre ruai ruai. Ka thluak a buai a, ka chhia leh țha hriatna a buai vek tawh tlat a ni. Engtin pawh min ti se, hnial thei dinhmunah ka ding tawh lo hrim hrim. Tunah chuan a kuta min chúl mai duhtâwk lovin a hmui,zei zeta min fawhna ngei chuan a kut hnu a chhui ta zai zai mai. Ka nghawngah fâwpin,ka âwmbâwrah a tâwp chat a, ka hnute khuhtu awm tawh hauh lo chu a fawp ta chat mai. Kei lah nuamtiin ka lo er, ka la tawn ngai loh a ni bawk si a,lo dawnsawn dan pawh ka hre chiah lo. A nuam ka tih em avang chuan awmngaihna hre lovin ka lo tâl ve sek a. Fawh mai duhtâwk lo chuan a hmúr chu a'n seh pah nar nar a,a kut lehlamin a fawh loh lam chu a khâl pah bawk a. Awm ngaihna reng ka hre lo, ka lu ka thle tawn chhén mai. Chutah, tâwp thutin, châknaa khat mitmeng sexy zet chuan min melh ta rún a. Hrethiam lo zetin meng dâ vâ riaiin ka melh chho vat bawk a. "D, i d...