☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆24/7☆ - 12 By Dingdi Pachuau
Thil thlen chhûng chu second rei lo tê chauh a ni! Mahse, 'thil' a thleng zo vek hman tho.
Ațana pai deuh nak chu ka hmu a, Rinfela lam ka hawi a, ani ve thung chuan a kut a lo hûm sek leh mêk bawk. Mak ka tih êm avàng chuan an pahnih chuan ka en tawn sek ringawt a, țawng nachâng pawh ka hre lo.
"Eng thil nge i tih a?" A khabe hup pah chuan Ațana chuan a rawn ti țèng deuh chhuai a, a lu a thing pah nak bawk a.
Chutah chiah chuan harh chhuak zawkin,"Eng mah sawi suh u, buaina ka duh belh tawh lo a nia," ka ti ta țhak a, ka hawi kual zak zak bawk. Miin min lo hmu ang tih ka hlau lutuk, a zahthlâk dâwn nasa si a.
Mahse, kan vànnei a niang, tu mahin min rawn ûksàk lo. Thil thleng kha a thleng thut si a, a rei lo lulai bawk nèn, an rawn hmu lo a niang.
Làwmawm lutuk!
Rinfela chu enin,"Buaina ka duh lo," ka ti sap a, chutah, Ațana chu en lehin," A nat vak loh hrâm ka beisei," ka ti leh a.
An inmelh ràn rán mai a; mahse, chhia leh țha thliar thiam ve ve an ni a, buaina a thlen belh ka ring bîk lo.
Hetiang thil a thlen hi ka ring pha hauh lo, ring pha lo mai ni lovin a chhin pawhin ka la ngaihtuah lo! A zahthlâk ka ti, Rinfela'n a han hnek ringawt mai kha eng nge a chhan ni ang? A hmain an lo inhre tawh zâwk em ni? Nge, a hmel huat zâwng tak a ni ve hrim hrim zâwk?
Ațana chu a tlàwmngai khawp ang le; mahse, a khawih lêt duh lo ang, mi pângngai a ni alawm, kut rang mi chu ni se chuan kan buai laihin ka ring.
"Engati nge i hnek ringawt a?" tiin ka hnunga ngawi renga a kal chu ka zâwt a.
Min chhâng dâwn tawh lo emaw ka tih hnuah chuan," A hmel kha ka huat zâwng tak a nia," a ti sup a.
"I kut kha a nâ em?" tiin ka ding thut a, a lam ka hawi nghâl a.
A hnekna lam kut chu tuai hoh hoh pah chuan,"A khabe kha ka rin aiin a chang," a lo ti ringawt a.
Ka nuih a tiza ngei mai; mahse, a langa nuih ka duh lo, Ațana kha hmuh leh duh tawh lo mah ila khatia tih kher kha a țûl ber lo, khawlaiah lehnghâl, a mualphothlâk. Vànneihthlâk takin miin min rawn hmu fuh lo hlauh zâwk a.
Thil thleng chuan ka rilru a la pêng tlat a, ka ngaihtuahna a luah lo thei lo, ka pa lo kal pawh ka tum angin ka kawm hlim theih loh phah. Ațana'n min ngaih thu a sawi avànga han hnek ringawt mai kha ka ngaihtuah chian poh leh mak ka ti lo thei lo a ni. Ani hian ka bialpa hlui a ni tih a lo hre ru reng em ni zâwk? Chu chu thîkin a chungah khatiang khân a ti tihna em niang?
Ka zawh lah khân Ațana hmel kha a huat zâwng tak ti chauh khân min chhâng a, hmeichhia chauh hian hmel huat zâwng kan lo nei emaw ka ti țhìn a, mipa pawh hian an lo nei a nih àwm hi.
Ațana erawh chuan min rawn text a țhulh phah chuang lo. Min hmuh tum ngawr ngawr a rawn kal a lo ni bîk lo va, a chhûngte damlo, damdawi ina awm rawn kan pahin rawn lèn a tum mai hi a lo ni a.
A khabe chanchin chu ka zawh chuan a duk deuh tih leh thil ei pawh tlêma a harsat deuh thu chu a sawi a, keia hlauthâwng deuh chuan X-ray tîr tùr chuan ka lo ti ve ringawt a.
*Sangbawih, kha pa kha i bialpa thar a ni em? Min thîk vànga khatianga ti kha a ni tiraw?*
Hei chu chhàn dàn ka thiam lo. Ka bialpa a ni si lo va; mahse, a ni emaw ni lo emaw hrilh kher tumna ka nei chuang lo.
*Theihnghilh daih rawh* ka ti ta ringawt.
Rinfela chu ka hmu ta lo vang vang. Zàna kan inkhâwm lahin an lo awmna țhinah khân tu mah an lo awm tawh si lo va, min tihrilhhai lek lek a ni. An lo awm pawh khân kalpui dang ka nei tawh țhìn si a, ka hlauh tawh loh tehlul nèn, bâkah, amah pawhin hlau lo tùrin min hrilh kha.
A pa chanchin a sawi tak kha le, ani kha a lo damlo viau zâwk em ni le? Kan tùr khân min duh viau a nih kha. A tar ve tawh si a, natna eng emaw an chhar tawh chuan khum beta nat an awlsam viau hun a ni tawh tlat a ni.
Kan ve ngei chu ka duh khawp mai; mahse, engtin, engtikah, tu nèn, keimah chauhin maw, chhuanlamah eng nge ka siam ang, mi dangin min lo hmuh fuh palh hlauh chuan... zawhna a va tam tehlul êm!
Mahse, kan ve ngei chu ka tum. Rinfela làwmthu ka hrilh lêtna tùr, ka bâ ka rulh lêtna tùr a ni tlat.
October ni 2, Zirtàwpni chuan ka hman ve ta chiah e. School kal a ngai lo va, chhûngte bulah chhuak lawk tùr angin insawi mai ang, dâwt vâr ka hrilh mai a niang chu.
An in ka zu thlen dâwn chuan ka huphurh rilru khawp mai. Rinfela a awm loh chuan a pa kha a beng kha a țha lo angreng si a, kawngka kik ri pawh a hre lo maithei si a, bâkah, a lo muhìl daih thei bawk a.
Vànneihthlâk lutukin kawngka a lo inhawng sa e. An kawt ka thlen chuan kawngkaah a pa chu a lo chhuak chiah zui, kan inhmu chiang khawp mai.
Nui chung hian,"Ka pu, i dam em? Ka lo lêng dâwn asin," ka ti a, min lo hriat ngei ka beisei.
Min thlêk vang vang hnu chuan,"Mami, ka hre lo țêp che alawm, i va fel ve! Lo kal rawh, lo kal rawh," a ti chuar chuar a, a lu țuak tawh zet mai chu a chûl thuak thuak a.
In chhûngah chuan Rinfela ka hmu lo, ka duhthusàm a ni nain a kim lo riau chuan ka hre tho. Ani chu beisei ngam tùr ka ni miah lo, hna thawkin a chhuak daih rêng ang chu.
"Eng nge i lo tih dâwn a? Dik takin min hrilh teh, Sangbawih? I hming ka sawi chu a dik tiraw?" a ti leh a.
"Aw, dik e," ka ti phawt a, chutah,"Ka rawn kan ve rêng rêng dâwn che maw le, tûnlai hian i dam țha rêng rêng em?"ka ti leh a.
"Aw, dam țha a ni mai. Pâwnah erawh ka chhuak tam ta lo deuh, ka lo upa ve deuh ta a niang, kawng chho kal hi ka huphurh ve ta deuh nèn, chubâkah, Bawiha'n a phal lo țhìn a,"a ti leh chuar chuar a.
"Ka pu, kum eng zât nge i nih tawh?" tiin ka bag ațang chuan ei tùr ka leisak chu ka phawrh a.
"Kum 81 ka ni ve ta a nih hi. Lei kum ka lo chhiar tam ve ta a niang, ka bawrhsâwm ve țan ta a, mite angin kan kum tam lo mah se Pathian malsawmna ka dawng a, heti chen kum ka dam thlen hi ka ring phâk miah lo zâwk a," a ti leh chuar chuar a.
"I kum a tam tawh tehlul nèn, i la țhalai khawp alawm le, i sam kha dum phei la chuan kum 70 hmel pawh i la pu lo hialin ka ring asin," ka tih chuan nui hmel a rawn pu a.
"Nang nû tê hi, i fel roh ngawt ang ka ti! I bula awm a hahdam reuh tlat," tiin a țhutna ațang chuan a tho a.
"Thingpui ka'n thlitsak ang che, i lo lènna a hlat àwm tehlul nèn," a ti leh a, ngai lo chu ka ti nain ka hnial lo, a làwmthu sawinaah ngaihsak mai ang.
"Bawiha pawh a lo haw țêp ang, dàwrah a kal lawk a nih kha," a tih chuan phâwk deuh hrâ hian ka en a, ani erawh chuan a thingpui thlit chauh chu a lo ngaihtuah a, min en lo.
Hna a thawh daih ka rin nèn.
A rawn haw har lo tak tak. Min rawn hmuh chuan a hmel cool ruih chu a danglam chuang miah lo. Danglam ahnêkin min hmu lo ang hmiah leh awm ve lo ang maiin min ngai thei a nih chu! Biak pawh min be lo.
"Ka pu, hei hi vitamin țha lutuk a nia, ni tin ei țhìn rawh aw," tiin school kalkawnga damdawi dàwra mi ka leisak chu ka pe a.
"E khai! A va làwmawm dâwn ve aw! Ka chak sawt sawt dâwn a nih chu," nui chung hian a ti a, damdawi búr chu a lek vat vat a.
"Chak sawt sawt ang, i ei zawh hunah chuan nula rîm pawhin i lêng i lêng thei tawh ang," ka tih phei chuan a nui hawk hawk a.
Thingpui ka in zawh chuan a inna nèn chuan ka sil fai a, an in hi a fai reuh ka tih tawh kha, putar leh tlangvâl nungchang mak deuh chènna ni àwm lo tak a ni.
Ka țhutna ngaia ka va lêt leh chuan," Lêng ve reng rawh aw," a lo ti a.
Nuih sak pah hian ka bu nghat a; mahse, lêng rei vak thei pawh ka ni lo. Chhuak lawk mai tùr ang khân ka insawi si a, ka haw tlai chuan dâwt chiang takin ka sawi a ni dâwn tlat.
Rinfela nèn chuan kan inbe lo thei takngial dâwna ka hriat avàngin," Rinfel, vawiin chu i chàwl a ni maw?" ka ti ta nge nge a.
Ka koh vawi khatna.
"Aw..." ti bâkin min chhâng lo zui.
He pa hi, an inah ka lêng ve êm êm a, min biak pawh a tum lo, ka biak zâwk pawhin a rùl tâwk chauhin min la chhâng zui.
"Engati nge? Tu emaw i hnek vàng khân i kut kha a la na reng em ni?" ka ti lêt salh a, ka be ring hran lo va, a pain a hre dâwn teuh lo. Kan pahnih bâkin kan hre lo.
"A khabe pawh kha nâ a ti ve khawp ang!" a lo ti daih. A kut chu a lo tina ngei chu a lo nih hi, ka nui deuh sak a.
Ani pawh hian a tidik, Ațana khân nâ a ti ve viau a nih kha, thil ei a harsat thu a sawi alawm.
"Lêng reng rawh aw, kha, Bawiha nèn khán lo inkàwm ula, thingpui pawh kha a awm țeuh a nia, rei lo tê ka'n zâl lawk ang e," tiin a ding chhuak țuih țuih a.
"Aw le, mu hahdam rawh, mu hahdam rawh," ka lo ti ve thuai thuai a.
A mut hnuah erawh a reh khawp mai. Sawi mai tùr ka hre lo va, ani lah chengkawl ang mai a ni, a ngawi reng mai.
"Zànah i chhuak ngai mang nange a?" ka ti ta ringawt a.
"Chhuak e."
Chuti a nih chuan a tlatna mual a hrang ta a ni ngei ang, vêng dangah rui chung chuan kal lo hrâm se a țha asin le.
"Engati nge a?" a tih chuan," In awmnaah khân in awm ngai tawh lo a ni maw?" ka lo ti a.
"Ka hmu ziah che," chu a ti lawi a.
"Khawiah maw?" ka tih chuan,"Kawngah," a lo ti leh mai a.
Ka phone a rawn rîk avàngin kan țawng chhunzawm ta lo. Rose-i a lo nia, thil lei tùr min rawn chah, fuh lo thei e. Tuna ka awmna hi hre ngat se engtin nge a awm ang le?
Kan inbiak zawh chuan,"Ka haw tawh mai ang, ka lêng rei ta," tiin ka bag ka bula ka dah chu ka la a, ka ding ta nghâl a.
"Lêng rih rawh."
"I awm loh lai khân ka lêng-" ka sawi zawh hma chuan ka hmaah rawn dingin,"Làwmthu sawi kha i duh a ni lo'm ni?" a rawn ti sup a.
"Chuvànga rawn lêng alawm ka nih," ka ti thung a.
"A nih chuan, i làwmthu sawi ka pawm nân dârkâr chanve i lèn a la ngai a nih chu," a ti ta tlat mai a.
Ka rilru a hmanhmawh tawh asin le. Rose-i'n thil lei tùr min rawn chah si, an zawrhna hmun lah chu tuna ka awmna nèn hian a inhlat ropui, lei loh chuan chhuanlam eng nge ka siam ang?
"Inthlah dul rawh, dârkâr chanve chiah," a rawn ti leh sup a.
He pa hian ka ngaihtuahnate hi a rawn hriat loh hrâm ka beisei. A phût angin dârkâr chanve chiah ka awm leh rih ang a, chumi hnuah chuan hmanhmawh tâwkin, thil lei tùra ka tlàn hial a ngai maithei a ni.
"Zu i in ve ngai em?"
Hetiang lam hi zâwt ila, min ning thuai ang a, a tih aia hma pawhin ka haw thei maithei asin.
"I ring em?" a rawn ti lêt khauh mai a, min tihrihhai titih dèr nia.
"Ka zâwt che alawm," ka ti ta ringawt a.
"Kha pa kha i la duh reng em?"
Chiang zetin ka en ta reng ringawt. He pa hian kan chanchin a lo hre vek a ni ngat mai, eng chena thui nge a hriat le?
"Eng atân?"
"Ka hre duh."
Ka hrilh kher a țûl lo.
"Lo inrawlh suh," ka ti ta sap a.
"Ka hnek si a, i pawi nasa takin ka khawih em tih ka hre duh a," a tih leh chuan chhàn ka tum lo. Ka pawi a khawih lo va, a hnek avàng khân ka lâwm lo hran lo tih pawh sawi ka tum chuang lo.
"Hriat chhuah leh pawh ka duh tawh lo ve," ka ti a.
Kan ngawih lai tak chuan ka phone chu a rawn ri leh a, a phun sup ri chu ka hre nain eng nge a sawi ka hre lo thung. Rose-i leh bawk. A duh hmanhmawh leh tawh a niang, kei lahin ka la lei dèr si lo.
"A ngai leh lo mai, ka rawn chhuak ve leh thut sia, ka rawn hrilh leh zawk che a nih hi, i lo lei hman ang tih ka hlau sia," a rawn tih chuan ka thaw huai mai.
Kan inbiak zawh chuan,"Phone hi ka hua," a lo ti bung nghut a.
"Engah chuan maw? A țangkai asin," ka tih chuan," Buaina thlentu mai a ni," a ti leh a.
"A țangkaina lam ngaihtuah ve la, hmun hla tak ațang pawhin i chhûngte chanchin i hre thei a, khawvêl letliama thil thleng pawh i hre nghâl vek thei alawm," ka tih chuan,"Zirtîrtu i ni tih ka lo theihnghilh țêp," a lo ti duh chauh a.
"Ka haw tawh-"
"Minute 10," tiin ka bânah a rawn hmer chawt mai. Makti zetin ka melh chho a, ani pawhin min rawn en chhuk ve ràn a.
"M.i.n.u.t.e 10," muang reih rawih hian a ti charh phawt a, chutah,"I thin a rim em?" a ti leh a.
Eng vàng chuan maw? Eng laiah tak chuan nge ka thin a rim ang? Chu zawng ai chuan ka bân a hmerna chuan min tibuai, a kut lum ham ham mai chu ka hre chiang nasa mai si.
"Min thlah teh," ka ti ta ringawt a.
Min en leh reng phawt a, chutah, a kut chu la sawnin ka hmai hliah lek lektu ka sam rawn uai thla chu ka bengah a rawn zep a, kei lah chuan chechâng lo leh thâwk pawh thaw țha ngam lo chuan ka awm ngaiin ka lo awm tawp.
"Min hlau suh, ka tina dâwn lo che," a la ti sup zui.
Zàn mutnaah chuan meng kar chung chuan vawiina ka hun hman dàn chu ka ngaihtuah lêt a, ka mitthlaa Rinfela a rawn lan chuan ka thin chu a rawn phu rang deuh sawt a.
He pa hi ka duh chiang a ni. Chu chu ka phâ thei hauh lo, ka ngaihtuahnaa a chèn tamziate hi. Thil mak tak chu a ni, Ațana'n min rinawm lohsan hnuah hetiang taka hma hian mipa ka duh ka hmu leh thei a nia.
Nge, kei hi ka lo lêrh ru viau zâwk em ni le? Nge Ațana kha ka lo duh tak tak lo zâwk? Nge Rinfela hi ka duh niin ka hre mai zâwk?
A eng emaw ber hi chu ka ni ang.
Vawiin khân,"Inkhâwm țhin hmeichhia ka titipui hmasak ber i ni," min ti a nih kha. Hmeichhe inkhâwm țhìn a kàwm ngai lo chu a ni phawt ang a, ngaihzawng phei chu a nei hauh lo tihna. Chuti a nih chuan, a țhian kawm țhinte ang hmeichhia, zu leh duh duh ti ve thei mai ang chiho hi kàwmin a ngaizáwng țhìn a ni ngei ang. Rose-i pawh khân min hrilh ve deuh nual kha, a țawng tam lo va, a inkhâwm ngai lo bawk a, inkhâwm ngai a ti lo a tih kha.
Vawiin khân ka zâwt hman lo, minute kha a kal zo tawh tlat si a, ka thiam loh tak pawh a ni, haw chungchâng sawi hmasatu kha ka ni tlat a. Hun dang ka nei leh ngei ang a, a chanchin ka hre chhawm leh thei ang chu maw.
*TU MAH HMUH TLIN NEI THEI NGAI LOTE HI A TLING LO BER BER AN NI DUH. ANMAHNI CHUAN TLING AN INTI BER THO NIA*
Thil thlen chhûng chu second rei lo tê chauh a ni! Mahse, 'thil' a thleng zo vek hman tho.
Ațana pai deuh nak chu ka hmu a, Rinfela lam ka hawi a, ani ve thung chuan a kut a lo hûm sek leh mêk bawk. Mak ka tih êm avàng chuan an pahnih chuan ka en tawn sek ringawt a, țawng nachâng pawh ka hre lo.
"Eng thil nge i tih a?" A khabe hup pah chuan Ațana chuan a rawn ti țèng deuh chhuai a, a lu a thing pah nak bawk a.
Chutah chiah chuan harh chhuak zawkin,"Eng mah sawi suh u, buaina ka duh belh tawh lo a nia," ka ti ta țhak a, ka hawi kual zak zak bawk. Miin min lo hmu ang tih ka hlau lutuk, a zahthlâk dâwn nasa si a.
Mahse, kan vànnei a niang, tu mahin min rawn ûksàk lo. Thil thleng kha a thleng thut si a, a rei lo lulai bawk nèn, an rawn hmu lo a niang.
Làwmawm lutuk!
Rinfela chu enin,"Buaina ka duh lo," ka ti sap a, chutah, Ațana chu en lehin," A nat vak loh hrâm ka beisei," ka ti leh a.
An inmelh ràn rán mai a; mahse, chhia leh țha thliar thiam ve ve an ni a, buaina a thlen belh ka ring bîk lo.
Hetiang thil a thlen hi ka ring pha hauh lo, ring pha lo mai ni lovin a chhin pawhin ka la ngaihtuah lo! A zahthlâk ka ti, Rinfela'n a han hnek ringawt mai kha eng nge a chhan ni ang? A hmain an lo inhre tawh zâwk em ni? Nge, a hmel huat zâwng tak a ni ve hrim hrim zâwk?
Ațana chu a tlàwmngai khawp ang le; mahse, a khawih lêt duh lo ang, mi pângngai a ni alawm, kut rang mi chu ni se chuan kan buai laihin ka ring.
"Engati nge i hnek ringawt a?" tiin ka hnunga ngawi renga a kal chu ka zâwt a.
Min chhâng dâwn tawh lo emaw ka tih hnuah chuan," A hmel kha ka huat zâwng tak a nia," a ti sup a.
"I kut kha a nâ em?" tiin ka ding thut a, a lam ka hawi nghâl a.
A hnekna lam kut chu tuai hoh hoh pah chuan,"A khabe kha ka rin aiin a chang," a lo ti ringawt a.
Ka nuih a tiza ngei mai; mahse, a langa nuih ka duh lo, Ațana kha hmuh leh duh tawh lo mah ila khatia tih kher kha a țûl ber lo, khawlaiah lehnghâl, a mualphothlâk. Vànneihthlâk takin miin min rawn hmu fuh lo hlauh zâwk a.
Thil thleng chuan ka rilru a la pêng tlat a, ka ngaihtuahna a luah lo thei lo, ka pa lo kal pawh ka tum angin ka kawm hlim theih loh phah. Ațana'n min ngaih thu a sawi avànga han hnek ringawt mai kha ka ngaihtuah chian poh leh mak ka ti lo thei lo a ni. Ani hian ka bialpa hlui a ni tih a lo hre ru reng em ni zâwk? Chu chu thîkin a chungah khatiang khân a ti tihna em niang?
Ka zawh lah khân Ațana hmel kha a huat zâwng tak ti chauh khân min chhâng a, hmeichhia chauh hian hmel huat zâwng kan lo nei emaw ka ti țhìn a, mipa pawh hian an lo nei a nih àwm hi.
Ațana erawh chuan min rawn text a țhulh phah chuang lo. Min hmuh tum ngawr ngawr a rawn kal a lo ni bîk lo va, a chhûngte damlo, damdawi ina awm rawn kan pahin rawn lèn a tum mai hi a lo ni a.
A khabe chanchin chu ka zawh chuan a duk deuh tih leh thil ei pawh tlêma a harsat deuh thu chu a sawi a, keia hlauthâwng deuh chuan X-ray tîr tùr chuan ka lo ti ve ringawt a.
*Sangbawih, kha pa kha i bialpa thar a ni em? Min thîk vànga khatianga ti kha a ni tiraw?*
Hei chu chhàn dàn ka thiam lo. Ka bialpa a ni si lo va; mahse, a ni emaw ni lo emaw hrilh kher tumna ka nei chuang lo.
*Theihnghilh daih rawh* ka ti ta ringawt.
Rinfela chu ka hmu ta lo vang vang. Zàna kan inkhâwm lahin an lo awmna țhinah khân tu mah an lo awm tawh si lo va, min tihrilhhai lek lek a ni. An lo awm pawh khân kalpui dang ka nei tawh țhìn si a, ka hlauh tawh loh tehlul nèn, bâkah, amah pawhin hlau lo tùrin min hrilh kha.
A pa chanchin a sawi tak kha le, ani kha a lo damlo viau zâwk em ni le? Kan tùr khân min duh viau a nih kha. A tar ve tawh si a, natna eng emaw an chhar tawh chuan khum beta nat an awlsam viau hun a ni tawh tlat a ni.
Kan ve ngei chu ka duh khawp mai; mahse, engtin, engtikah, tu nèn, keimah chauhin maw, chhuanlamah eng nge ka siam ang, mi dangin min lo hmuh fuh palh hlauh chuan... zawhna a va tam tehlul êm!
Mahse, kan ve ngei chu ka tum. Rinfela làwmthu ka hrilh lêtna tùr, ka bâ ka rulh lêtna tùr a ni tlat.
October ni 2, Zirtàwpni chuan ka hman ve ta chiah e. School kal a ngai lo va, chhûngte bulah chhuak lawk tùr angin insawi mai ang, dâwt vâr ka hrilh mai a niang chu.
An in ka zu thlen dâwn chuan ka huphurh rilru khawp mai. Rinfela a awm loh chuan a pa kha a beng kha a țha lo angreng si a, kawngka kik ri pawh a hre lo maithei si a, bâkah, a lo muhìl daih thei bawk a.
Vànneihthlâk lutukin kawngka a lo inhawng sa e. An kawt ka thlen chuan kawngkaah a pa chu a lo chhuak chiah zui, kan inhmu chiang khawp mai.
Nui chung hian,"Ka pu, i dam em? Ka lo lêng dâwn asin," ka ti a, min lo hriat ngei ka beisei.
Min thlêk vang vang hnu chuan,"Mami, ka hre lo țêp che alawm, i va fel ve! Lo kal rawh, lo kal rawh," a ti chuar chuar a, a lu țuak tawh zet mai chu a chûl thuak thuak a.
In chhûngah chuan Rinfela ka hmu lo, ka duhthusàm a ni nain a kim lo riau chuan ka hre tho. Ani chu beisei ngam tùr ka ni miah lo, hna thawkin a chhuak daih rêng ang chu.
"Eng nge i lo tih dâwn a? Dik takin min hrilh teh, Sangbawih? I hming ka sawi chu a dik tiraw?" a ti leh a.
"Aw, dik e," ka ti phawt a, chutah,"Ka rawn kan ve rêng rêng dâwn che maw le, tûnlai hian i dam țha rêng rêng em?"ka ti leh a.
"Aw, dam țha a ni mai. Pâwnah erawh ka chhuak tam ta lo deuh, ka lo upa ve deuh ta a niang, kawng chho kal hi ka huphurh ve ta deuh nèn, chubâkah, Bawiha'n a phal lo țhìn a,"a ti leh chuar chuar a.
"Ka pu, kum eng zât nge i nih tawh?" tiin ka bag ațang chuan ei tùr ka leisak chu ka phawrh a.
"Kum 81 ka ni ve ta a nih hi. Lei kum ka lo chhiar tam ve ta a niang, ka bawrhsâwm ve țan ta a, mite angin kan kum tam lo mah se Pathian malsawmna ka dawng a, heti chen kum ka dam thlen hi ka ring phâk miah lo zâwk a," a ti leh chuar chuar a.
"I kum a tam tawh tehlul nèn, i la țhalai khawp alawm le, i sam kha dum phei la chuan kum 70 hmel pawh i la pu lo hialin ka ring asin," ka tih chuan nui hmel a rawn pu a.
"Nang nû tê hi, i fel roh ngawt ang ka ti! I bula awm a hahdam reuh tlat," tiin a țhutna ațang chuan a tho a.
"Thingpui ka'n thlitsak ang che, i lo lènna a hlat àwm tehlul nèn," a ti leh a, ngai lo chu ka ti nain ka hnial lo, a làwmthu sawinaah ngaihsak mai ang.
"Bawiha pawh a lo haw țêp ang, dàwrah a kal lawk a nih kha," a tih chuan phâwk deuh hrâ hian ka en a, ani erawh chuan a thingpui thlit chauh chu a lo ngaihtuah a, min en lo.
Hna a thawh daih ka rin nèn.
A rawn haw har lo tak tak. Min rawn hmuh chuan a hmel cool ruih chu a danglam chuang miah lo. Danglam ahnêkin min hmu lo ang hmiah leh awm ve lo ang maiin min ngai thei a nih chu! Biak pawh min be lo.
"Ka pu, hei hi vitamin țha lutuk a nia, ni tin ei țhìn rawh aw," tiin school kalkawnga damdawi dàwra mi ka leisak chu ka pe a.
"E khai! A va làwmawm dâwn ve aw! Ka chak sawt sawt dâwn a nih chu," nui chung hian a ti a, damdawi búr chu a lek vat vat a.
"Chak sawt sawt ang, i ei zawh hunah chuan nula rîm pawhin i lêng i lêng thei tawh ang," ka tih phei chuan a nui hawk hawk a.
Thingpui ka in zawh chuan a inna nèn chuan ka sil fai a, an in hi a fai reuh ka tih tawh kha, putar leh tlangvâl nungchang mak deuh chènna ni àwm lo tak a ni.
Ka țhutna ngaia ka va lêt leh chuan," Lêng ve reng rawh aw," a lo ti a.
Nuih sak pah hian ka bu nghat a; mahse, lêng rei vak thei pawh ka ni lo. Chhuak lawk mai tùr ang khân ka insawi si a, ka haw tlai chuan dâwt chiang takin ka sawi a ni dâwn tlat.
Rinfela nèn chuan kan inbe lo thei takngial dâwna ka hriat avàngin," Rinfel, vawiin chu i chàwl a ni maw?" ka ti ta nge nge a.
Ka koh vawi khatna.
"Aw..." ti bâkin min chhâng lo zui.
He pa hi, an inah ka lêng ve êm êm a, min biak pawh a tum lo, ka biak zâwk pawhin a rùl tâwk chauhin min la chhâng zui.
"Engati nge? Tu emaw i hnek vàng khân i kut kha a la na reng em ni?" ka ti lêt salh a, ka be ring hran lo va, a pain a hre dâwn teuh lo. Kan pahnih bâkin kan hre lo.
"A khabe pawh kha nâ a ti ve khawp ang!" a lo ti daih. A kut chu a lo tina ngei chu a lo nih hi, ka nui deuh sak a.
Ani pawh hian a tidik, Ațana khân nâ a ti ve viau a nih kha, thil ei a harsat thu a sawi alawm.
"Lêng reng rawh aw, kha, Bawiha nèn khán lo inkàwm ula, thingpui pawh kha a awm țeuh a nia, rei lo tê ka'n zâl lawk ang e," tiin a ding chhuak țuih țuih a.
"Aw le, mu hahdam rawh, mu hahdam rawh," ka lo ti ve thuai thuai a.
A mut hnuah erawh a reh khawp mai. Sawi mai tùr ka hre lo va, ani lah chengkawl ang mai a ni, a ngawi reng mai.
"Zànah i chhuak ngai mang nange a?" ka ti ta ringawt a.
"Chhuak e."
Chuti a nih chuan a tlatna mual a hrang ta a ni ngei ang, vêng dangah rui chung chuan kal lo hrâm se a țha asin le.
"Engati nge a?" a tih chuan," In awmnaah khân in awm ngai tawh lo a ni maw?" ka lo ti a.
"Ka hmu ziah che," chu a ti lawi a.
"Khawiah maw?" ka tih chuan,"Kawngah," a lo ti leh mai a.
Ka phone a rawn rîk avàngin kan țawng chhunzawm ta lo. Rose-i a lo nia, thil lei tùr min rawn chah, fuh lo thei e. Tuna ka awmna hi hre ngat se engtin nge a awm ang le?
Kan inbiak zawh chuan,"Ka haw tawh mai ang, ka lêng rei ta," tiin ka bag ka bula ka dah chu ka la a, ka ding ta nghâl a.
"Lêng rih rawh."
"I awm loh lai khân ka lêng-" ka sawi zawh hma chuan ka hmaah rawn dingin,"Làwmthu sawi kha i duh a ni lo'm ni?" a rawn ti sup a.
"Chuvànga rawn lêng alawm ka nih," ka ti thung a.
"A nih chuan, i làwmthu sawi ka pawm nân dârkâr chanve i lèn a la ngai a nih chu," a ti ta tlat mai a.
Ka rilru a hmanhmawh tawh asin le. Rose-i'n thil lei tùr min rawn chah si, an zawrhna hmun lah chu tuna ka awmna nèn hian a inhlat ropui, lei loh chuan chhuanlam eng nge ka siam ang?
"Inthlah dul rawh, dârkâr chanve chiah," a rawn ti leh sup a.
He pa hian ka ngaihtuahnate hi a rawn hriat loh hrâm ka beisei. A phût angin dârkâr chanve chiah ka awm leh rih ang a, chumi hnuah chuan hmanhmawh tâwkin, thil lei tùra ka tlàn hial a ngai maithei a ni.
"Zu i in ve ngai em?"
Hetiang lam hi zâwt ila, min ning thuai ang a, a tih aia hma pawhin ka haw thei maithei asin.
"I ring em?" a rawn ti lêt khauh mai a, min tihrihhai titih dèr nia.
"Ka zâwt che alawm," ka ti ta ringawt a.
"Kha pa kha i la duh reng em?"
Chiang zetin ka en ta reng ringawt. He pa hian kan chanchin a lo hre vek a ni ngat mai, eng chena thui nge a hriat le?
"Eng atân?"
"Ka hre duh."
Ka hrilh kher a țûl lo.
"Lo inrawlh suh," ka ti ta sap a.
"Ka hnek si a, i pawi nasa takin ka khawih em tih ka hre duh a," a tih leh chuan chhàn ka tum lo. Ka pawi a khawih lo va, a hnek avàng khân ka lâwm lo hran lo tih pawh sawi ka tum chuang lo.
"Hriat chhuah leh pawh ka duh tawh lo ve," ka ti a.
Kan ngawih lai tak chuan ka phone chu a rawn ri leh a, a phun sup ri chu ka hre nain eng nge a sawi ka hre lo thung. Rose-i leh bawk. A duh hmanhmawh leh tawh a niang, kei lahin ka la lei dèr si lo.
"A ngai leh lo mai, ka rawn chhuak ve leh thut sia, ka rawn hrilh leh zawk che a nih hi, i lo lei hman ang tih ka hlau sia," a rawn tih chuan ka thaw huai mai.
Kan inbiak zawh chuan,"Phone hi ka hua," a lo ti bung nghut a.
"Engah chuan maw? A țangkai asin," ka tih chuan," Buaina thlentu mai a ni," a ti leh a.
"A țangkaina lam ngaihtuah ve la, hmun hla tak ațang pawhin i chhûngte chanchin i hre thei a, khawvêl letliama thil thleng pawh i hre nghâl vek thei alawm," ka tih chuan,"Zirtîrtu i ni tih ka lo theihnghilh țêp," a lo ti duh chauh a.
"Ka haw tawh-"
"Minute 10," tiin ka bânah a rawn hmer chawt mai. Makti zetin ka melh chho a, ani pawhin min rawn en chhuk ve ràn a.
"M.i.n.u.t.e 10," muang reih rawih hian a ti charh phawt a, chutah,"I thin a rim em?" a ti leh a.
Eng vàng chuan maw? Eng laiah tak chuan nge ka thin a rim ang? Chu zawng ai chuan ka bân a hmerna chuan min tibuai, a kut lum ham ham mai chu ka hre chiang nasa mai si.
"Min thlah teh," ka ti ta ringawt a.
Min en leh reng phawt a, chutah, a kut chu la sawnin ka hmai hliah lek lektu ka sam rawn uai thla chu ka bengah a rawn zep a, kei lah chuan chechâng lo leh thâwk pawh thaw țha ngam lo chuan ka awm ngaiin ka lo awm tawp.
"Min hlau suh, ka tina dâwn lo che," a la ti sup zui.
Zàn mutnaah chuan meng kar chung chuan vawiina ka hun hman dàn chu ka ngaihtuah lêt a, ka mitthlaa Rinfela a rawn lan chuan ka thin chu a rawn phu rang deuh sawt a.
He pa hi ka duh chiang a ni. Chu chu ka phâ thei hauh lo, ka ngaihtuahnaa a chèn tamziate hi. Thil mak tak chu a ni, Ațana'n min rinawm lohsan hnuah hetiang taka hma hian mipa ka duh ka hmu leh thei a nia.
Nge, kei hi ka lo lêrh ru viau zâwk em ni le? Nge Ațana kha ka lo duh tak tak lo zâwk? Nge Rinfela hi ka duh niin ka hre mai zâwk?
A eng emaw ber hi chu ka ni ang.
Vawiin khân,"Inkhâwm țhin hmeichhia ka titipui hmasak ber i ni," min ti a nih kha. Hmeichhe inkhâwm țhìn a kàwm ngai lo chu a ni phawt ang a, ngaihzawng phei chu a nei hauh lo tihna. Chuti a nih chuan, a țhian kawm țhinte ang hmeichhia, zu leh duh duh ti ve thei mai ang chiho hi kàwmin a ngaizáwng țhìn a ni ngei ang. Rose-i pawh khân min hrilh ve deuh nual kha, a țawng tam lo va, a inkhâwm ngai lo bawk a, inkhâwm ngai a ti lo a tih kha.
Vawiin khân ka zâwt hman lo, minute kha a kal zo tawh tlat si a, ka thiam loh tak pawh a ni, haw chungchâng sawi hmasatu kha ka ni tlat a. Hun dang ka nei leh ngei ang a, a chanchin ka hre chhawm leh thei ang chu maw.
*TU MAH HMUH TLIN NEI THEI NGAI LOTE HI A TLING LO BER BER AN NI DUH. ANMAHNI CHUAN TLING AN INTI BER THO NIA*
Comments
Post a Comment