Direct Download copy code here: ☆LAIRIL LUAHTU☆ - 16 By Dingdi Pachuau Skip to main content

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

☆LAIRIL LUAHTU☆ - 16 By Dingdi Pachuau


 ☆LAIRIL LUAHTU☆ - 16 By Dingdi Pachuau




An ri luai luai mai. Țawng hmasa nih an inchuh a, Zorina lah an hmel hriat sa a lo ni tawh bawk nèn, min fiam tawn a, min sawisa a, an nui duar duar mai.




An nuihza zualpui a reh deuh hnu chuan," Insûm deuh teh u, in bengchheng si, mi dangin an rawn hre phâk ang e," ka ti a, Melorie lah chuan," Kan rawn kalsante saw chu a nawi hlang an nia, min rawn hrechang teuh lo êm mai, anmahni tâwkah an hlimin an buai ve ém!" a ti leh pek a, chu chuan an nuih a tiza thar leh a, mittui tla phungin an nui leh ta char char a.




Ahmai chuan," Kan rawn kalsan a ni tih pawh an hre tawp nâng, an pà ve êm!" a ti leh a, Rpi chuan," Eng thil tê tê emaw ni kan pe zeuh a, phûng zînga chingpirinu vawrh ang mai a ni," a tih chuan nui tàwpin amah chu kan en ta deuh țhap a.




Ani lah chuan chutia kan en deuh țhap chu hre thiam lo zet hian," Eng nge in hriat a? Țhep țhup che u hian a," a ti leh a, Tetei chuan Rpi kâwk vah chung hian," Mizo țawng i thiam lohzia êm êm hi chu aw...!" tiin a lu a thing nar nar a, chutah," Tu mahin Chingpirinu vawrh ang an ti ngai lo, Piring an ti, Piringgggg... Phûng zînga Piring vawrh ang," tiin a dik chu a hrilh ve a, mi dang, Rpi tih loh chu kan nui țhû hlawm a.




"A ho êm mai a, duh leh pangang  pawh ka ti ang a, a nih loh leh, wai wai pawh ka ti ang, ka hriat ve dàn a ni mai," Rpi chuan a la ti ve țàng țáng a, Rci chuan," Phûng zînga wai wai vawrh chuh...an ei duh viau ang em le? Chakai emaw kâwngkawrawi emaw te pawh lo ni ta záwk se," a lo ti a, kan nui leh vak vak a, Rpi pawh chu a nui ring ber berah a rawn țang leh ta a, kei pawh ka nui nasa tak zet a ni.




Ka țhiante rawn picnic zet chuan min tihlim viau a ni ang, ka nuihna ka dul pawh a na ûrh thei hial nia. Hetianga nuih vak vak ang chi hi ka nei khât tawh a, ka pa zu in hnua ka tihtak taka ka nuih lehna hmasa ber a ni hial ang chu. Ka phone pawh la chhuak vein thlate kan la bawk a, ka hmu khât tawh hlawm bawk si nèn, an ngaihawm êm asin.




Zorina chhuah lawk hlàn chuan,"Kan țhianho zîngah chuan pasal i nei hmasa ta ber sia, Sir Manuna'n i man a ei ngei chu a ngai ang," Tetei'n a tih chuan Mami chuan rang zet hian," Man ei theih chiin an innei lo miau sia, ei rih lo mai rawh se, keima'n ani dawtah hian ka ti ang a, thil țha deuh ka inleitîr mai ang," a lo ti vat a, bialpa a nei lo tih ka hre chiang si a, ka lo nuih hak a.




Ka țawng hma chuan Rci chuan min rawn hnaih sauh pah hian," In pa awm loh lai tak hian, khumpui lamahte hian a zei rêng em?" a rawn ti ta, ka en nghâl hrãwk a, mi dang lah chuan a sawi an hre ve vek si a, min rawn hnaih sauh sauh hlawm a.




"Nia, kan hre châk lutuk! I expi tawh bîk sia, min han hrilh ve teh, in zàn hmasa ber in hman dànte thlengin," Melorie chuan a lo ti ve bawk a, ka hawi kual a, min lo en țhap hlawm a.




"In ninawm! In neih hunah in hre ve mai ang," ka ti ve thung a, Melorie chuan," Awii, intithei viau suh. Kan la tawn ve loh vàng maiin i'n sawi duh lo vêl ah! A zei vak lo a nih ka ring, i sawi duh loh dànah hian," a lo ti leh pek a, an nui leh dar dar mai. Kei pawh beng leh biang sa vût chung chuan za lutuk lo hian ka nui ve ringawt a.




"A zei em tih tal chu sawi mai la? In zàn hmasa ber i sawi hreh deuh a nih pawhin?" Rpi'n a lo tih leh chuan," Zei lutuk!" ka lo ti ta vat a, ka biang sa vût chu ka dawm pah a.




"A nih, zan khatah vawi-" a sawi zawh hma chuan a hmui chu hupsakin," A ninawm, min zâwt tawh lo teh," ka ti ta chûl a, mi dang chu zã tih hriat tak hian an lo nui vak vak a.




Tlai lamah an ei siam ei ve nghâl tùrin min ti a; mahse, Zorina nèn chuan kan lo hnial a, anmahni hlang chauh chu ni se chuan pawi ka ti pawh a ni lo, mi dang an awm ve si a, ka duh lo a ni. An chawhmeh siam erawh min rawn suah țeuh thung a, kan puar leh viau dâwn niin a lang. An haw tùr chu Gate bul thleng kan nupain kan thlah a, lo kal leh vat tùra intiamin kan inthlah ta a.




In pana kan lêt chuan," I țhiante i hmu sia, i lung a lêng em?" tiin ka kut veilam chu a rawn vuan a, en chho zawkin hmalam ka en leh a, thâwk lâk hak pah chuan," Lêng lo ve, i bulah ka awm alawm,"tiin ka chhâng a.




"Tuia chèn ve i duh em? Kan va chêng ve lawk dâwn em niang?" a tih chuan melh chho hau pah hian," Tak tak maw?!" phûr tih hriat tak hian ka lo ti var a, ani chuan," Umm, ka pa lo haw hmain kan chêng hman daih alawm, inthlâk ila?" a ti a, in lam pan chuan kan inûm zui zat a.




A boxer min hâktîr ve a, thawmhnaw ka neih tlèm avàngin ka thawmhnaw chu ka chènpui phal lo, Aizawl a kal chhunah chuan thawmhnaw min rawn leisak tho mah se a tam tham thei si lo va, ka neih chhunho hi chu ka roh rih viau a ni.




Tui chèn chu a lo thiam nangiang mai  a, kei erawh chu a pâwn lamah hlîr ka awm thung. Min pawmin a thûk laiah chuan min hleuhpui a, ka hlau ngang mai, a nghâwngah nghet zet hian ka kuah a, ka rãk nasa viau bawk. A nuih a za viau mai a, a pâwnlai min thlenpui hnuah chauh ka kuahna ka thlah.




"I awm rei deuh hnuah chuan i thiam ve viau mai ang, ka zirtîr țhìn dâwn che nia, tui chèn hi chu a nuam êm asin," tiin a sam ațanga tui far zaih zaih chu a'n hui pah a. Kei chuan a kuta chelhsak vat pah chuan," Ti tawh rih lo teh," tiin ka au țhat a, hriat thiam loh hmel deuh hlek hian min rawn en chhuk a.




"Tikhân a sexy alawm," ka tih chuan a nui ta sak a, chutah, ka bek tawn tawnah rawn vuan thutin na zet hian min rawn fâwp ta nghek a. Kei ka lo inring si lo, min fâwp na bawk si chu ka tãl a, rang zeta min thlahin a thûk lamah chuan nui hawk hawk chung chuan a hleuh phei ta nghâl a.




"I va sual tak! I châk lo dâwn lutuk!" tih vak pah chuan tui chu ka han bêng per chuai a, ani erawh chuan a rawn hre kher lo maithei; mahse, a tàwp a va thlena a rawn nuih phei vur vur chuan rum zet hian ka lo melh a," I châk lo dâwn nasa," ka ti leh a.




"Ka châk alawm," nui chung hian a lo ti thung a, hmui tipawrh târh chung chuan ka kutzungpui chu hmuhin hnuailam ka hawitîr ta nghâl a, ani lah chu a lo la nui ring sauh a.




"Heta țanga i lan dàn duhawmzia mai chuh! Vàn chung nula i ni emaw ka ti hial a ni, i ni hial lo maw?" a rawn tih leh chuan," ZORINSANG..." tiin ka lo au thung a.




"Ahh... ka hming pum i hria elo?!! Engtin nge i hriat reuh chu le?  Ka lehkhabu i en ru a ni chiang mai," tiin ka lam pan chuan a rawn hleuh phei ta nghâl a, kei ve thung chu hmanhmawh zet hian pool ațanga chhuah tum chuan țan ka lo la ve zat thung a; mahse, min rawn man hman tho.




"Vàn chung nula ka man e!" tiin nghet zet hian ka kâwngah chuan min rawn kuah bet ta tlat a, ka tãl chhuak thei dêr lo. Ka han tãl ve nasa a; mahse, min kuah nghet tulh tulh ni maiin ka hria.




"Min thlah teh, ka boxer hâk a tla țêp a nia," tiin ka au chùl a, ka tàlna lamah a tla țêp tak tak a ni. Ani lah chuan," A pawi lo, ka hmu ngai lo tih pawh ni hlei lo," tiin min pawm kãng nawlh a, in lam pana pên a rual nghâl bawk a.




Kan in a lan phâk tâkah chuan,"Min thlah tawh teh, ka pain min lo hmu rêu rêu ang e," ka ti a, ani ve thung chuan,"Hlau duh suh, a lo la haw lo ang. Chubâkah, min lo hmu pawh ni se eng nge pawi? Ka pawm ve che a ni mai a," a lo ti duh chauh a.




Eirawng kan bàwl laiin ka phone a rawn ri ve tlat mai. Vawiin lamah khân țhiante nèna thla lâkho ka duh vàngin ka on kha a ni a, ka lo off theihnghilh daih a lo nih àwm hi. Ka en vat a, Tatei a lo ni a.




"U, i phone kha on ve tawh teh, rawn biak che duhin a buaithlâk êm mai, kan ngaihtuah ve tho si che a," a rawn ti nghâl  a, loudspeaker ka on lêm lo bawk a, Zorina chuan a thil sawi chu a hre thei lo ang.




"Nia..." ka tih chuan," I buai em? Eng nge in tih a?" a rawn ti leh zat a. Zorina Maian hîk mêk chu enin," Buai lo ve, rawng kan bâwl a. 'Kan bâwl' ti ila ka tel ve mang lo, i u Zorina hian min àwl hneh lutuk a," ka ti a, Zorina chuan min rawn ena nui sak chung hian a kutzungpui chu a rawn tipir vâ bawk a.




"A nih chu, a duat che em? Hrehawm ti deuh hian i awm ang tih kan hlau ru țhìn a, hrehawm i ti em?" a rawn tih leh chuan," Ti nâng aw, min lo ngaihtuah rêng rêng suh u, ka hlim teh a nia," tiin ka chhâng a.




"A țhat hlauh chu. In ațangin i chhuak ta rau rau, hlim deuha awm i tum dâwn nia, keini lam chu min lo ngaihtuah miah suh, hlim taka i awm chuan kan hlim a ni mai," tiin min rawn hnèm ve reuh a, ka hnuk a tiulh lek lek a ni.




"Aw le, nangni pawh lo dam țha ula," ka ti ve a, ani chuan," Kan dam țha lutuk, helam chu rawn ngaihtuah miah suh, father-a ruih hi a la kal tluang êm a, nang lah a duh loh zâwng takin i chhuak bawk si nèn, a lungawi lohna hi a la nasa êm a ni, hun a kal ang a, a zia chho ve mai ang. I bo zànte kha chuan e, in chhûngah hian thlèng thlâwk thei a thlâwk kual zut mai a, râpthlâk tak a ni; mahse, tunah hi chuan a ni tawh lo, khami zàna a chêt dàn kha a ngaihtuah lêt ve țhìn ngei ang a, a inchhîr ve tawh ngawtin ka ring, a inchhîr chho zêl ang a, a la zia ve mai ang," a rawn ti leh duah a.




"Nia, beisei ang," tiin ka chhâng ve a, chutiang bâk chuan chhàn vak ngaihna ka hre lo, a zia chhoh chu ka beisei hauh lo thung. A lo zia chho a nih tâk leh, a vànneihthlâk a ni mai.




"Hmaichhana inhmuha thil hrilh vek che ka châk e a!  E, chuan, U Tluanga paw'n i chanchin a hre tawh a, a lo kal tawh ngai miah lo, engemawti tak chuan a khawngaihthlák angreng chu ka ti, a zak ve dâwn si a," a rawn tih leh chuan U Tluanga hming chu ka hre chhuak leh chiah, ka lo ngaihtuah ngai hauh lo a lo ni.




Kan inbiak zawh hnuah pawh chuan a thil sawi chu ka ngaihtuah a, kan inrûk zàna kan in chhûnga thil thleng a sawi kha, a che nasa viau a ni ngei ang a, thlèng a thlawh kual vêl chuan ka nu leh ka naute chu a hliam ang em? Kut an tawrh thu chu a sawi hauh lo va, lo tuar lo pawh ni ta tehrêng se, an hlauh dàn tùr leh an thlaphàn mangan dàn tùr chu ka ngaihtuah a, keimah vànga tuar an ni si a, ka khawngaihin an chungah ka inthiam lo hnuhnawh kher mai.




"I ngaihtuahna i kàwm nasa lutuk a, ka ngaih i tițha lo a nia, i melh ngai i melh reng bawk si," ka koki rawn dawm paha a tih chuan ka phu deuh zawk mai.




Inngaihtuah harh nghâlin,"Tatei a nia," ka ti ringawt a, ani chuan,"An dam țha ngei ang chu maw, an rawn ngaihtuah viau che a nih ka ring," a ti leh a, chutih pah chuan ka sam chu ka bengah a rawn zep pah bawk a.




"Ngaihtuah ka ngaih loh hi, i bulah chuan ngaihtuah ka ngai hleinem, a ni lo'm ni?" ka lo ti sak a, ani pawh chuan rang zet hian," Dik chiah, ka hmangaih ber che a, ka bula i awm chhûng chuan ngaihtuah i ngai miah lo ang," uar tak chuan a lo ti ve a, a thil sawi avàng chuan ka nui sak a.




Ka pa a lo haw a, ani hi a taima ve a, ni tin hian a chhuak ti ila a dik ang, vawiin chu aiawt a en a, a lo tla țha phian a, a lian hlawm viau bawk a ni. Zorina'n a țhen chhum tùrin a buatsaih nghâl a, keiin ka pa chu thingpui ka siamsak a, chumi zawhah a inbualna tùr ka siamsak nghâl bawk a, hei hi ka duat vena kawng khat a ni, ka tihsak ve ziah.




"A thau hlawm ngawt ang, a rit hlawm ém mai," Zorina'n a tih chuan ka pa chuan," Thau ang, vaimim ka dah pawh an ei fai vek a nia. Bawihi'n a bawppui lian ber a ei ang," nui chung hian a lo ti ve a, kei pek chuan," Yesss..." ka lo ti vat a.




"A chhùmtu ka nia, a lian ber chu ka chang ngei ang," Zorina'n a lo tih chuan," A fair lo aw, a mantu ber ka pain min pêk a phal chuan nang chu i lo inrawlh ve thiang lo," ka lo ti thung a, ka pa chu a lo nui hak hak a.




Zàn mutnaah chuan," Ka pa hian min duat ve ngawt mai, a fapa ai pawh hian min duat zâwkin ka hria," tih pah chuan ka kuah sat sat a. Ani chuan," Fanu nei ngai hek lo le, duat dàn chintâwk che pawh a hriat miah loh hi, a fapa a duatna zawng zawng kha a fanu a hmuh hian a pe ta vek niin ka hria," a lo ti ve mai a.




"Mahse, keiman ka duat thung che alawm tiraw?" tiin a khabeah chuan ka fawhsak zoh a, ani lah chuan," Khabea infawhsak zoh hi induat lantîrna em ni?" a lo ti ve thung a.




"A, ka duat che kha, Chakai bawppui pawh ka phel ve che a nia, ka pain min duat chuan nang hi ka duat lêt thung che i ngai tih ka hre ve kar alawm, mi â ka ni bîk miah lo a nia," ka tih leh tâkah chuan a nui var var a. Ka chala fawh zoh pah chuan," Fiamthu hi thiam viau teh suh a," a ti sap a.




"En teh, vawiina Rpi thil sawi kha i hria tiraw? Kan nuih nasatzia kha, nang pawh i nuih chu a za ve viau ang a; mahse, nuih chiam kha i duh loh vàngin i insûm niin ka hria, i nuih a za ve tho tiraw?" tiin ka dâk chho a, ani pawh chuan ka rin ang chiahin," Za ve tehrêng mai; mahse, a zak ang tih ka hlau a. A hriat dàn lah kha a nuihzatthlâk mai bâkah a sawitunu kha a thil sawi nèn khân a inhmeh viau ka lo ti bawk a," a ti ve a.




Muhìl tih hriat taka a thâwk sâk sâk hnuah pawh chuan ka la muhìl ve thei lo, Tatei thil sawi bawk kha ka ngaihtuah lêt leh a, ka harh tulh tulh maiin ka hria.




'Mi hurnu'. He hminga min koh khân nâ ka ti vawng vawng țhìn a nih kha, a râpthlâk êm asin, min hringtupain 'Mi hurnu' tiin a fanu min han ko ta mai kha a nia, he hminga min ko tùr hian kei hi ka lo hur viau em ni? A mâkpa hual ka neih duh loh vàng maia mi hur ka lo nih tâk pawh ka hre lo; mahse, ani tân chuan ka ni miau mai a, ka mipa duh tak palaite hmai pawh a zah zo lo a ni tak si a.




A nih leh, ani ve thung hi? Mahni nupui fanaute tithlabâra hrehawmna thlentu chu chhûngkaw pa ber tiin a la inchhâl reng ngam bîk dâwn em ni?  Mahni hlimna leh nuam tih zâwng chauh a ngaihtuah avànga tûn dinhmun pawh hi thleng kan ni tih a ngaihtuah ve ngai ang em? Ka hmakhua a ngaih tak tak vàng em ni ka hmangaih miah loh U Tluanga min neihtîr a tum? Fanute duh lo chung chu tu pain nge pasal neih luihtîr ngai? Amah hmangaihtu tak tak nia a inchhàl phei chuan a fanu hlimna leh aduh zâwng chu a zahsak ve dâwn lo'm ni? Engati nge a fanu duh dàn pawh ngaihsak lêk lova a duh ang chauh pasala neihtîr a tum? Hei hi hmangaihna tak tak a ni thei ang em? Chutiang ngaihtuah kual chuan rei tak ka men phah a, a hnu deuha Zorina a rawn chêt tâk sat satah chuan ngaihtuahna ram aţanga harh chhuakin ka maimichhîng ve ta a.




*******




"Honey, tu nge lo kal hi han en teh?"




Zorina min rawn ko ri ka hriat avàng chuan room ațang chuan ka chhuak ta vat a, Zorina bula Tatei, bag puar lutuk lo aka lo ding ka hmuh chuan ka ding deuh chat a; mahse, ka ding rei lo, pan vatin kan inkuah nghâl vang vang a.




"Kan inhmuh loh chhûngin i lo sâng sawtin ka hria, en teh, min chen țêp tawh tak tak," a tih chuan ka mit hnâm deuh chap chu hruin," Ve che aw, kan inchen reng," ka ti vat a, Zorina  a lo nui hawk a.




"Engtin nge i lo kal theih?" tia ka zawh chuan," Kan semester kan rawn picnic alawm, hmuh che ka duh si a, remchâng ka rawn zawng tawp a," a lo ti a, țhutthlèngah chuan kan țhu dùn ta nghâl a.




Zorina chuan," Chuti, in haw hma chu lêng ve reng rawh aw, i lo kal chhunah  thingpuite kan in ang a, i hawn tùr chawhmeh pawh ka la dâwn nia," a lo ti ve sauh sauh a, Tatei chuan," A ngai miah lo,  hetia dam țha taka ka rawn hmu che u hi a làwmawm tawh hrim hrim," inti puitling tak hian a lo ti a, ka nuih a tiza reuh mang tak e.




Thingpuite kan in hnuah chuan Tatei remti lo chung  Zorina chu sangha man tùrin a chhuak ta a, kan unau hnih chuan kan awm ta ràn a. Tatei chu a hawi kual vêl a," Hrehawm tak chu a nih loh hi tiraw? Hrehawm i ti lovin ka hria," a tih chuan ka lo bu nghat a.




"Hrehawm ti lo ve, ka hlim alawm, ka duh ber bulah ka awm miau a, ka pa nèn an pahnihin min duat si a, ka pangchang vek tawh zâwk a ni, min lo ngaihtuah tawh miah suh u," nui var var chung chuan ka ti a, ani pawh chuan," A lo nih chiah hi, kan ngaihtuah che a ngai tawh dâwn lo va, rilru pawh a nuam huai thei tawh e," a lo ti ve a.




Chutah, kan inrûk zàn leh palai kal zàna thil thleng hrang hrangte chu ka zâwt a, min hrilh ve mai bawk a. Kan inrûk zànah khân a thil lei thar (U Tluanga lei a ni mah zâwk ang chu) a rawn khai haw țhinho kha a vawm keh deuh vek a, ka nu kut a kak duai phah a ni àwm e, chu pawh ka pa thil vawm chhia tihtawp tuma a chelhna lamah ka pa thlèng ken lai keh themin a ât a. Tatei leh Tapuia chuan an rawn chelhpui ve a, thlêng thlâwk lam chu a tàwp ta rih. A hnu lamah chuan ka thawmhnaw, ka incheina neihho chu pâwnah pawm chhuakin khàwnvartui a leih a, a hãl leh vek bawk a, ka nuin dan a tum pawhin,"Ka fanu a ni tawh lo, ramhuai fanu a ni tawh, engtikah mah he inah hian a rawn lêt tawh lo bawk ang, a chanchin hriat tumin be bawk hek suh ang che u, he chhûngkuaah hian a tel ve tawh lo," a ti tuar tuar mai si a, a râk bengchheng  nèn, țhenawm khawvêngte an zahawm si a, a dang duh ta lo ni àwm a ni.




Palai kal zànah ve thung chuan a lo ruih khum a," Lo kal buai duh suh u, kan fanu pawh a ni tawh lo, ramhuai fanu a nih kha, a hur bonaah chuan awm mawlh rawh se," a ti a, palai kal vawi hnihna zànah phei chuan thu tàwp a sawi. Palaite chu a thinrim hrîkthlâk nân a hmang a ni deuh ber mai.




"Tapuia nèn kan lo zak bawk si a, kan țap lo chauh tak tak a ni, nu kan khawngaih bawk si, palai lo kalte kan zah bawk si a, hrehawm kan tihzia mai chuh! Chuvàngin, rawn haw lam rêng rêng ngaihtuah lovin hlim takin, kan in chhûng hrehawmzia theihnghilh hmakin hun hmang la kan duh a ni. Rui viau țhin  tho mah se keini chu a kutthlâk tuar ve lovin kan awm thei a, nang erawh chu a thlâk leh ngei ngei dàwn che a, chu chu kan duh lo a ni," Tatei chuan a ti leh dap dap a.




"A nih tak chu. Nia, kei chu hetah hian min duat êm êm a, mahni inchhûngkhur ngeia hlau ți dêka awm țhin kha hetah chuan rilru ngam sârhin hmangaihna leh ngaihsakna hnuaiah rilru hlim takin hun ka hmang a, chutiang rilru chu ka pain ka chunga a put hnuah phei chuan rawn lêt tumna ka nei hauh lo, Biak inah kan innei lo a ni maithei; mahse, hmangaih takin kan awm dùn a, hei bâka inneihna hlimawm a awm thei chuang lo," kati ve duah a.




Nilêng chuan a awm ve a, kan pahnihin in bul vêla kan thlai chìnte  chu kan en dùn a, anțam lain bean  ka lawhsak nual bawk a.




"E, taka, i thawmhnaw țhenkhat ka rawn kensak tak che alawm, bag ka rawn ah luhah khân a awm, rawn picnic hi ka tum sa a miah lo; mahse, a hmun tùr an sawi khân in awmna a ni tih hriain ka rawn tum chawpchilh chûk chûk a," a ti a.




Tlaia an haw dâwn chuan chawhmeh a hawn tùr khaisak chuan gate bul thleng kan thlah a. Zorina'n sangha a hawntîr tam ve bawk nèn, ka nute chu an lo lãwm ngawt ang chu, Tapuia chawhmeh duh ber bean ka  hawntîr zui bawk a.




"Mâkpa fel tak chu i ni dâwn e," kan lêt lama ka tih chuan," Ka felzia chu an hre chho chauh dâwn alawm, min chhawr thiam phei chuan..." tiin a nui zui hak hak a.






*MUALHLA KÂR DANA AWM HIAN INLAICHÌNNA A TICHHE HRAN LO, INRINHLELHNA HIAN A NI TICHHE ȚHIN ZÁWK NI*


Comments

Post a Comment

Popular posts from this blog

☆LUHLULPA☆ - 1 & 2 By Dingdi Pachuau

☆LUHLULPA☆ - 1 By Dingdi Pachuau Ka fanu tui taka a muhìl sâk sâk chu ka thlîr reng a, ani lah chuan hmangaih takin ka thlîr a ni tih hre hauh lo hian kàwi sàwi zeta a teddy bear kuaha mu hian a thaw sâk sâk a, a biang tài deuh têkin a hmêl a han tihțhatzia chuh..ka thlîr ning thei mawlh lo. Mahni rîla rah fate hi chu mi fâte ai chuan kan duatin kan lo hmangaih deuh chu a ni, hmangaihna mita kan thlìr vàng pawh a ni ang chu, mi fate aia an chhiatna kan hriat theih miah loh ni. Rei tâwk fang ka thlìr hnuah chuan kûn hniamin a biang tài têkah chuan ka fawhsak zauh a, thàwm dìm takin room ațang chuan ka chhuak ta țhem țhem a, kawng erawh ka khâr lo. A lo harh veleh min ko leh vak emaw a ni ang a, ka hriat thuai loh chuan a lo țap leh palh thei si a, chuvàngin ka khâr duh lo. Choka zîm zetah chuan lût pheiin kan nufa ei tùr chu siam tùrin ka buatsaih țan ta nghâl a. Kan in chhûngah hian bungraw changkâng tak tak awm lêm lo mah se kan mamawh hi chu a awm kim ve viau, mamawh ...

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

RUATSANGA - 13

RUATSANGA - 13 By Dingdi Pachuau Min fawh kârlakah chuan min duh thu leh duhawm min tih thu a sawi sap sap tih ka hre ruai ruai. Ka thluak a buai a, ka chhia leh țha hriatna a buai vek tawh tlat a ni. Engtin pawh min ti se, hnial thei dinhmunah ka ding tawh lo hrim hrim. Tunah chuan a kuta min chúl mai duhtâwk lovin a hmui,zei zeta min fawhna ngei chuan a kut hnu a chhui ta zai zai mai. Ka nghawngah fâwpin,ka âwmbâwrah a tâwp chat a, ka hnute khuhtu awm tawh hauh lo chu a fawp ta chat mai. Kei lah nuamtiin ka lo er, ka la tawn ngai loh a ni bawk si a,lo dawnsawn dan pawh ka hre chiah lo. A nuam ka tih em avang chuan awmngaihna hre lovin ka lo tâl ve sek a. Fawh mai duhtâwk lo chuan a hmúr chu a'n seh pah nar nar a,a kut lehlamin a fawh loh lam chu a khâl pah bawk a. Awm ngaihna reng ka hre lo, ka lu ka thle tawn chhén mai. Chutah, tâwp thutin, châknaa khat mitmeng sexy zet chuan min melh ta rún a. Hrethiam lo zetin meng dâ vâ riaiin ka melh chho vat bawk a. "D, i d...