Direct Download copy code here: ☆THE SWEETEST HANDCUFFS☆ - 49 By Dingdi Pachuau Skip to main content

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

☆THE SWEETEST HANDCUFFS☆ - 49 By Dingdi Pachuau


 ☆THE SWEETEST HANDCUFFS☆ - 49 By Dingdi Pachuau



Ka chhuak tùr kawngka bul ka thlen hma deuh chuan," Ka chunga i thil tih zawng zawngah hian ka lâwm e," a rawn ti ta sap a, a sawi ring hran si lo va, ka hre sual emaw tiin ka ding deuh dat a, hawi erawh ka hawi lêt lo; mahse, a hnuah ka insûm zo lo va, a lam hawia ka inher chuan mitmeng ngui zet hian min lo en reng a.


"Chutiang sawi mah ta che, tih theih neiin i lungngaihna te, i khawharna te leh i rilru hrehawmnate hi lâk kiansak vek theih che ka duh asin, khawvêla hlimna zawng zawng hi pêk vek theih che ka duh tak zet," ka ti rilru țhuai țhuai a; mahse, a rì erawh chuan ka sawi lo. Ka nuih sak a," Chutiang lam chu sawi rih lo ang, i remtih phawt chuan kan inkàwm leh dâwn nia," ka ti a, ka inher zui nghâl a; mahse," Làwmna rêng rêng nei lo hmuha min hmuh ka duh lo a ni, ka chungah i țha hlê si a, chutin ka pu chungah pawh," a tih leh avàng chuan ka la kalsan hlei thei lo.


"I pu kha ka chungah a țhain min ngaina ve viau mai kha mak ka ti a, min ngaina viau tùr khân a chungah thil țha tih ka nei hran hauh bawk si lo. Mi ngilnei tak a nih vàng chauh a ni, a awm lo i tuar viau pawh hi ka hre thiam khawp che asin, a uiawmin a ngaihawm êm a ni," ka ti ta duah a, hetiang êm êma thui hi chu sawi ka tum hran miah lo a nia; mahse, a țawng duh a chhuah laia titipui hi ka duh ta thut a ni.


Ka beisei aia rei daih a room-ah chuan ka awm ta. A pu chanchin chu kan sawi a, a țawng ve ta țeuh mai. Hei hi ka duh chu a ni, a pu boralna hian amahah nghawng țha lo neia hrehawm ti taka hun hmang tùrin ka duh lo va, mal tak angin inngai lo bawk se ka duh. Min ngaizâwng leh tùrin ka ti lo, hetia ka titipui theih hi ka duh, hmasâwnna ropui tak a ni.


Kimi nèn kan haw kawngah pawh chuan kan sawi dùn a, Zodina chèr tawhzia leh a pu boral vànga a khawngaihthlâkziate chu sawiin kan theih ang tâwka kawm hlim a țùlzia chu kan sawi haw barh barh a, min rawn nghawk lui deuh salh pah hian," I han awm rei phian sia, in inkâr in siam țha leh ang a, min hrechang tawh lo a nih hi ka lo ti mai asin," nui deuh chung hian a han ti a, kei chuan," Âwihawm loh lutuk! Ka ti tak tak! Chutiang lam chu ka rilruah a awm miah lo, a tuallìm tawh loh sa nâklaia, hetia a pu a han boral zui leh ta hian amahah dik lohna a neih phah ka hlauhpui ëm a, a țawng duh lai denchhenin ka han titipui ta vak a nih kha," ka lo ti vat a.


Ka sawi lâwk ang ngeiin a tûk chawhnuah chuan Kimi sâwmin Zodina kàwm tùr chuan kan chhuak phei leh ta a, kan va thlen chuan Pathiannî a nih vàng nge, mi pawh an lo lêng ve leh nual a, hna thawka ram lama riakte hmêl pawh hmuh tùr a awm nuk mai. Min lo en duh viau mai a, nu țhenkhat min lo melh dàn ațang chuan min sawi leh duh ngei ang tih pawh ka hria; mahse, ka hai der lui tlat  thung. Zodina tân chuan hêngte pawh hi ka tawrh a ngai alawm tiin ka infuih ru sauh sauh a, hêng zawng zawng hi ka dàwn thui zël chuan Zodina tân ka țangkai thei lo ang tih ka hria a ni.


Zodina nî a lo buai êm avàng chuan kan han pui dâwrh dâwrh a, thingpui lumin kan sem a, no kan sil leh a, nula dang an awm si lo nèn, kan lêng chu kan tifuh viau nge kan tifuh lo zâwk pawh ka hre thiam lo. Zodina erawh a room lamah a tawm bo a ni ang, a hmêl hmuh tùr a awm lo; mahse, kan thlen ațanga dârkâr khat hnu vêlah chuan Zodina chu in chung lam ațangin a rawn chhuk ve ta a, a muhìl a ni maithei, a mit chu a lan bui deuh bâkah a sen deuh râm bawk. 


Thingpui chu ka lo pe ve vat a, țawng lêm lo chuan a lo la ve mai bawk a. A nî chuan," I ril a țâm ang, chhang a awm kha," a lo ti a, ani erawh chuan engtin mah a chhâng lêm lo va, chhang pawh a la chuang lo. Kimi chuan," I mu nasa viau a ni maw? I mumang ni àwm tak pawh kha, i chalah a la lang kuau mai," tiin a han fiam a, ani chu a lo țhen ve sak a, za lo tih hriat viau mah se step khatin hmasâwnna kan hmu leh ta.


Kawm hlim kan tum tlat avàng chuan Kimi chu a titi barh barh reng a, a hnu deuhah phei chuan an choka ațang chuan chhuakin tlêm lai deuha Jakob-a nèn kan țhut dunna hmunah ngei chuan kan țhu ta daih hlawm a, thlifîm a lo thaw heuh heuh bawk si a, boruak a nuam khawp mai.


"Boruak a nuam phian mai ka ti, he lamah hian ka lo la chhuak ngai miah lo a nih àwm hi," Kimi'n a tih chuan," Nuam reuh khawp asin, nî chu sa ve tho mah se nihliap lian hian min khuh hneh a, thlifîm lah hi a thaw heuh heuh reng bawk si a," ka lo ti ve a, min rawn en vatin," I lo hmu tawh bîk elo?" a rawn ti ta hâ a.


"A... aw, vawi khat chu," tiin ka chhâng buh deuh niai a, Zodina chu ka en a, ani pawh chuan min lo en ve reng a, ka hawi sawn leh vat. Kimi chuan," He laiah hi chuan Nipui hun pawh tawrh a nuam thei dâwn a nih hi, kan dài sawng sawng thei tlat," a ti leh a, kan thil sawi lai min zawh zawm lova thil dang daih a rawn sawi chu ka lo lâwm viau a ni.


Zodina chu țawng ve vak lêm lo mah se kan bulah awmin kan kàwm thei a, kan titi a ngaithla thei a, a room-ah mahni chauha awm rek rek lovin a rilru ngaihtuahna vâk kual tùr kan dang chat thei a, a bula awm theihna hun min pe duh hi ka lãwm tãwk viau a ni.


Ka hman hun apiangin Zodina kàwm tùr chuan keimah pawhin ka kal ta ziah a, a chhan chu Kimi hian chhùn lamah hna a thawk ve țhìn si a, lènpuia sàwm duh viau țhìn mah ila hun a nei thei bîk lo a ni. Zàn lama lèn ai chuan tiin office bàn hnu hian ka kal țhìn a, Zodina nî pawhin min lo welcome țha thei viau, țawng tam lo tak ni mah se a pa boral ațang hian a țawng tam ve ta riauin ka hria. An ina lêng lêng ta na nâ nâ chu lo welcome țhat viau loh thu a awm lo a ti pawh a ni mahna.


Zodina pawh ka hmu ngun ta deuh a, hlim hmêl tak chu pu lêm lo mah se a ngawi rùn reng tawh bîk lo va; mahse, min be hmasa ngai lo tluk a ni. Chûng chu ngaihtuah duh hauh lovin ka be lui a, a țawng duh vak loh pawh hian min chhàn loh theih loh tùrin zawhna ka zâwt țhìn a, min chhâng ve nge nge țhìn a ni. 


Chutianga thla khat chuang ka lèn hnu chuan a nî pawhin," I lo awm lo ang tih hi ka hlau țhìn ngawt mai!" a ti teh thlâwt a! An in reh tùr ka tilùn ve a, ka zah theih loh chhuahin ka țawng bawrh bawrh reng a, Zodina ni se a room-a tawmsen reng ka phal lo bawk a, in hnuaiah ka hruai thla leh nge nge țhìn. Ka bulah chuan ei tùr ei loh ka phal lo va, an tân liau liau cake pawh ka siamsak zauh zauh rêng a ni, chaw tih tham a ei ngai lo tih ka hre si a, a hma anga a taksa a chak chhoh leh thuai  theih nân Lunglei lam ațangin pawhin dandawi țha multi- Vitamin ka chahsak a, ei tùr nèn ka țang sauh sauh a ni.


"'I rawn kal tawh dâwn lo a nih dâwn hi' ka lo ti rilru a."


"Kal dâwn chiang e, ka rawn kal hmaa han buaipui lawk tùr ka nei alawm le, ka ziah fel tùr hi a tam ve deuh a, hotu lamte'n an duh hmanhmawh leh deuh a, zanin ngeia ka zawh hman a ngai dâwn a ni. Naktûkah Sumo-a thawn ka duh dâwn si a," ka ti ve zat a, țawng nuam ka ti par par viau a ni, a chhan chu min be hmasa ve tlat si a, ka ring pha lo lutuk a ni ber ang chu.


"I buai hle si a, rawn kal kher-" a la țawng lai chuan lo pawt chat vatin," Ka buai lo, ziah fel tùr chauh a nia, naktûk lamah phei chuan ziah ka ngai tawh dâwn lo, hun ãwl ka nei leh dâwn tihna a nih chu, ka rawn lang tlut tlut ang a, min lo ning lo hrãm a ni ang chu," a tàwp lam chu nui hmêl pu deuh chung hian ka sawi a, ani erawh chuan thutak zet hian," Ning lo ve, i rawn kal țhìn hi a làwmawm lutuk," a lo ti ve thung a, a thil sawi hi a rilru tak tak pawh a ni kher lo maithei; mahse, min tihlim viau thung sî a ni.


Ka tlawh zing deuh bawk a, tunah chuan ani pawh ka bulah chuan a țawng duh ve ta deuh, ngawih deuh vung vung a chîng a, a ngawih deuh vung vung hnu hian a hmêl a rawn inthlâk deuh ziah bawk. Hlim hmêl tak chu pu ngai lêm lo mah se, a ngawih vung vung hnua a hmêl rawn inthlâk țhìn hian ka awm a tinuam lo țhìn.


"Eng nge i ngaihtuah?" A hnu deuhah chuan ka ti ta nge nge a, ani chuan," Eng maw?" a rawn ti hû a, kei chuan," Eng thil nge i ngaihtuah vung vung țhin a?" ka ti leh a, ani chuan," Thil tam tak," ti chauhin min lo chhâng a.


"Thil țûl lo leh sâwt lo ngaihtuah lo la aw, chu chuan rilru a ei chhe vek thei a nia, ngaihtuah duh miah loh tùr, hun liam tawh lam chu theihnghilha hma lam hun a êng zâwng chauha thlìr tùr a ni bawk," ka ti ve leh a, ani pawh chuan," A dik alawm," a lo ti ve sap a.


*******


Min sawi duh tân hi chuan sawi loh chu ka har ngawt ang le! Zak thei lo min ti tán phei chuan rèlphàr tùr ngawih ngawih chu ka ni chiang; mahse, ka ngaihtuah duh lo lui tlat a; Zodina hma lam hun ka ngaihtuah lo thei si lo va, mi min sawina mai maiin min tina tùr a ni lo tiin ka infuih thar zêl bawk a. 


Tlai khat chu dàwrah Arini nèn kan inhmu leh hlauh mai. Biak in tih lohah hi chuan kan inhmu khât ve tawh a, ka lo theihnghilh lek lek hial a ni.


"Titipui che ka duh hle mai!" tia rawn biak chuan ka en vat a, min dêusawh ni pawhin ka hre lo, déusawhna țawngkam pawh a ni lo bawk. Titipui min han duh ta mai chu mak ka ti a, eng lam hawi thil tak sawi ang maw tih ka ngaihtuah pah a, huphurh ru viau mah ila ka huphurh a ni tih erawh ka tilang duh hauh lo.


"Eng thil nge ni ta?"


"I in lamah aw ni ang," tiin ka chhuak tùr chu min rawn zui nghâl a, inah kha chuan ka duh tawh chiah lo asin le, ka inah ngei pawh min àn khum hreh lo kha a ni si a; mahse, hmun dangah chuan mi dangin min lo hmu thei tlat si.


In kan thlen chuan pehhêl lêm lo hian," Zodina chan loh chu hlau viau duh suh, tu mahin an chhuh lo ang che. Thil nih dàn dik tak ka sawi ang, in inkawp ațang khân a awm dàn a tidik lo zo vek, i țhen a, tunah i duh a, i pan leh a, tu tlangvâlin nge lo pawm leh thei che a i rin? Hetiang mai mai hian Zodina hi ti mah ta che, a rilru a sual loh êm hi, ná a ti dâwn lutuk asin," a ti nghâl bawrh bawrh a, kei chuan a thil sawi hre thiam lo zet chuan ka lo en reng a. A sawi dànah hi chuan keimahin țhen hmasaa a hnua pan leh angin min ngai tihna a ni ngei mai. 


"Tûnlai tak hian an inah i kal fo tih ka hria. Ni e, i tih ngei a ngai a ni, a bialnu hlui tharlãm ber i ni si a, nang lo chu han hnèmtu tùr a nei tlat lo, in inkawp emaw inkawp lo emaw inen hmêlmâk ringawt hi a fuh ber lo, i theih tâwkin hnèm ang che. A rilru a hrehawm chángin a ngawi reng ang a, a hmelhmai a inthlâk ngei bawk ang. Amahin thil a hrilh lo che a nih chuan zâwt vak duh suh, a hrilh chuang lo ang che. Kum eng emaw chen kan lo inkawp tawhnaah, ka experience ka hrilh che a nih chu, tlàwmah la lo la, kawm hlim i tum dâwn nia, ka ring che a ni," a ti leh lawi bawk a, a chângin min dem a, a chângin min fuih a, a thil sawi dàn teh nuai hi a mak ka ti, khati khawp khân min huain min țawngkhum duh kha a ni si a, tunah lêm, thu țha min hrilh sauh sauh leh si a.


"Ka pu boral hi kei pawhin hrehawm ka ti a, ka tuar a, a bîk takin Zodina'n a tuar viau ang tih ka hre bawk. A pu kha a ngainain an inpûtu bîk ngawih ngawih a, a nu leh pa leh chhûngte la dam reng laia a pu bula awm duh tlat kha a ni ve miau mai a,  a awm dàn mak ţhìn viau mah se dawhthei taka i enkawl hi a ngai a ni," a ti leh a," Min hrilh kher a ngai lo, ka hre ve bawk," chu ka ti rilru țhuai țhuai a; mahse, sawi chhuah kher erawh ka tum lëm lo.


A chhuak tùr chu kawngkaah Kimi nèn an intâwk a, pakhat haw a tum mêk a, pakhat lah chu rawn luh a tum ve mêk bawk a, kawng an inkian a, Arini chu chak zetin a chhuak a, Kimi chuan rawn luh pahin," Eng nge a lo tih a?" a rawn ti nghâl a, kei chuan," Kan inbe lawk a nih kha," ka lo ti mai a, chutah," Eng thil nge i duh tâk, tûn ang huna i rawn lan hlawl ni?" ka ti leh zat a.


"Ka rawn kal mai mai, Arini chuan eng maw a rawn tih tak tak a? A àn khum leh lo che maw?" a tih chuan," Àn khum lo ve, a lo pêng ve zawk a nih kha, dàwrah kan inhmu a," tiin a thil sawi chu a tlângpui pawr pawr ka han hrilh ve a, ani chuan," A va mak ve!" a lo ti hliai a, kei pawh chuan," Nia, kei pawhin mak ka ti ve viau asin," ka lo ti ve leh a.


Zodina pawh ka tlawh hman ta lo. Zàna nula chhuah dû dû chu mawi ka tih meuh loh avàngin ka lêng ta lo va, a tûk chawhnu dár 3 pelha ka va kal chuan," Nimin lam i reh tlat a, engtizia nge ni aw' kan lo ti kan lo ti a," a nî chuan a lo ti vat a. Kei pawh chuan thil awm dàn sawiin ka hman thláwt loh thu chu ka hrilh ve luam a.


Zodina nèn kan inbiak theih hnu chuan," I pa nèn khân in inbe țha thei em? In inhmu lo rei vang vang bawk a," tiin ka hriat châk tak chu ka han zâwt ta tawp a, a hmel chu ka en ràn bawk a. Ani erawh chuan min rawn en lêm lo, a hma lam chauh chu a thlîr niin a lang.

 

"Ka pa khân thil thleng zawng zawng kha ka tihah a ngaih miau avàngin mi sual ber hmuhin min la hmu reng a ni," fel fai tak si, zawi deuh sap chuan a rawn ti chhuak ta a, kei chuan rang fê hian," Engtin nge chutiang chuan a la hmu reng che tih i hriat theih a?" ka lo ti vat a.


"Vawi khat mah min be hleinem, a fapaah pawh min ngai lo a ni ang, ka nau min biak pawh kha an phal lo asin, biak châk bîk lo mah ila ka nau a nihnaah biak leh titipui pawh ka duh ve a." A sawi zâwng pawh chuan a rilru natzia chu ka lo feel-pui thei hialin ka hria!


"Chutiang chu...a ni thei dâwn em ni?!!"


"Mak i ti ngei ang; mahse, thu dik tak a ni; mahse, ka dem lo ve, ka rilru erawh an tina viau a ni," a ti leh sap sap a, ka va khawngaih roh tak! Hrehawm a tihzia leh a thinlung hrehawmzia hi an hriatpui lo a ni chêk ang, engtin nge chutiang chu an fapa chungah an tih theih ni?




*HLAWHTLING TÙR CHUAN KAWNG THUI TAK ZAWH A NGAI A, THLEN THUAINA TÙR KAWNG DANG LAH A AWM HEK LO* 

Comments

Post a Comment

Popular posts from this blog

☆LUHLULPA☆ - 1 & 2 By Dingdi Pachuau

☆LUHLULPA☆ - 1 By Dingdi Pachuau Ka fanu tui taka a muhìl sâk sâk chu ka thlîr reng a, ani lah chuan hmangaih takin ka thlîr a ni tih hre hauh lo hian kàwi sàwi zeta a teddy bear kuaha mu hian a thaw sâk sâk a, a biang tài deuh têkin a hmêl a han tihțhatzia chuh..ka thlîr ning thei mawlh lo. Mahni rîla rah fate hi chu mi fâte ai chuan kan duatin kan lo hmangaih deuh chu a ni, hmangaihna mita kan thlìr vàng pawh a ni ang chu, mi fate aia an chhiatna kan hriat theih miah loh ni. Rei tâwk fang ka thlìr hnuah chuan kûn hniamin a biang tài têkah chuan ka fawhsak zauh a, thàwm dìm takin room ațang chuan ka chhuak ta țhem țhem a, kawng erawh ka khâr lo. A lo harh veleh min ko leh vak emaw a ni ang a, ka hriat thuai loh chuan a lo țap leh palh thei si a, chuvàngin ka khâr duh lo. Choka zîm zetah chuan lût pheiin kan nufa ei tùr chu siam tùrin ka buatsaih țan ta nghâl a. Kan in chhûngah hian bungraw changkâng tak tak awm lêm lo mah se kan mamawh hi chu a awm kim ve viau, mamawh ...

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

RUATSANGA - 13

RUATSANGA - 13 By Dingdi Pachuau Min fawh kârlakah chuan min duh thu leh duhawm min tih thu a sawi sap sap tih ka hre ruai ruai. Ka thluak a buai a, ka chhia leh țha hriatna a buai vek tawh tlat a ni. Engtin pawh min ti se, hnial thei dinhmunah ka ding tawh lo hrim hrim. Tunah chuan a kuta min chúl mai duhtâwk lovin a hmui,zei zeta min fawhna ngei chuan a kut hnu a chhui ta zai zai mai. Ka nghawngah fâwpin,ka âwmbâwrah a tâwp chat a, ka hnute khuhtu awm tawh hauh lo chu a fawp ta chat mai. Kei lah nuamtiin ka lo er, ka la tawn ngai loh a ni bawk si a,lo dawnsawn dan pawh ka hre chiah lo. A nuam ka tih em avang chuan awmngaihna hre lovin ka lo tâl ve sek a. Fawh mai duhtâwk lo chuan a hmúr chu a'n seh pah nar nar a,a kut lehlamin a fawh loh lam chu a khâl pah bawk a. Awm ngaihna reng ka hre lo, ka lu ka thle tawn chhén mai. Chutah, tâwp thutin, châknaa khat mitmeng sexy zet chuan min melh ta rún a. Hrethiam lo zetin meng dâ vâ riaiin ka melh chho vat bawk a. "D, i d...