Direct Download copy code here: ☆MIN EN LA☆ - 23 By Dingdi Pachuau Skip to main content

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

☆MIN EN LA☆ - 23 By Dingdi Pachuau


 ☆MIN EN LA☆ - 23 By Dingdi Pachuau



"A fair lo, Jivan-a pawhin a 'pu' ziah che a, i hrem ngai lo," lungawi lo zeta ka tih chuan," Jivan-a i ni hleinem," a lo ti nghut thung a, kei pek chuan," Ni lo ve, ni ila chuan min hrem tawp nâng!" ka ti leh nang nang a.


"Min chhàn lêt ngam dàn hi ka lawm zawng tak zu ni tlat a! Chuti chu ni lo se chuan--" tiin a ngawi zui daih a, a sawi zui tùr àwm ang chu ka lo ngaihtuah a. Ni e, min bàn daih tawh ang, ka chhâng lêt nasa tawh mawlh mawlh bawk a, hmeichhia ka la ni zui, mak chu ka inti ve țhìn tho, mi dang rêng rêng bulah hetiang hian ka awm ngai si lo, a bula ka awm hi chuan ka duh dàn ni ngai miah lova chhàn lêt châng ka ngah lutuk, a tân chuan a tlàwmthlâk viau dâwn asin.


"Ka tihpalh!" ti sapin ka kal sawn deuh a, ani chuan," Eng thil nge i sawi? Hriat theih tùrin sawi țhìn rawh ka tih kha," a lo ti a, amah pawh en duh lo chuan," Eng mah a ni lo ve," ka ti ta daih a, chawhmeh chu  suanin chaw chhum tùr ka buatsaih zui a. Tun ațang chuan ka rilru ka siam fel ta, min biak chuan țha takin ka chhâng ang a, a duh zâwnga min awmtîr a tum erawh chuan ka awm lo ang, chuan, hna thar ka hmuh veleh ka chhuak ang, a laka ka rilru tak tak a lan chhuaha kìr leh theih tawh lohna hmun ka thlen hma ngei hian chu chu ka tih tùr a ni.


Pathiannîah Nunhlima'n in luah tùr min hrilh kha min enpui chhin a, a neitute pawh an lo fel khawp mai. Nêl takin an inbe bawrh bawrh a, a sawi ang ngeiin a lo zîm fel kher khawr viau mai a; mahse, furniture lam erawh a lo awm sa nual thung. Chhûngkaw member pathum aia tam awmna chu luah an phal lo va, in a zìm deuh bâkah puitling deuh hlek lo chu luah an lo phal vak lo a lo ni, chu vàng taka lo la ruak reng chu a ni àwm e. Tlereuh dàwr ațang chuan a hla vak lo va, kein minute 5 kal pawh a tling kher lo ang.


"Dàwr neitute pawh ka hriat sa tho an nia, mi rinawm tak an ni, nghâk tùra ka duh chhan che pawh, anni pawhin mi rinawm tak an duh ve tho a, an duhthusàm takah phei chuan mipa an duh deuh zâwk a," a tih chuan," A nih chu, nangmahin nghâk mai la?" tiin ka lo nuih a, ani chuan," Ka nghâk mai dâwn tak tak em maw ni le," a lo ti ve a.


Min thlah haw a, a pa car ngeiin min thlah. Bike-a min phurh chu a rem ti chiah lo deuh a, min thlah kher a ngaih loh thu ka hrilh pawh chuan a ti lui tlat thung a, min thlah ta nge nge a ni. Pu ber quarter gate kan tlàn pelh dâwn lai chuan gate chhûng lama Polite-i ding chu ka hmu zauh a, ka melh sawn rang lutuk, a bulah a bialpa a awm ngei ka ring.


Pâwnah Zotei a lo ding a, kan pahniha min lo hmuh chuan a aw a lo thian lui vak vak a, Nunhlima pawh a nui sûng mai; mahse, inah a rawn lût ve tawh lo, pèn kualna tùr a la nei a, zànah inkháwm a ngai bawk nèn, a tlai a hlau a ni.


Zanriah kîl laiin Zotei chuan," U, eng tiķah nge in luah chu kan sawn dâwn? Kan school ațangin a hla ang em?" tiin min zâwt a, kei chuan," Hla lo ve, tûn ai hian kan hnaih hlek zâwk ang," ka ti a, a lu chu a lo bu nghat a.


"Nih, dàwra i thawh chuan eng zât nge i hlawh theih ang?" a ti leh a, a zât ka hrilh chuan," Tuna i hlawh zât  hi chu a tam fê zâwk dâwn a ni maw? Mahse, mi ina thawh ngawt ai chuan dàwr nghah chu a nuam deuh zâwk ang chu tiraw?" a ti leh a, kei pawh chuan," Nia; mahse, a hun tùr a la chiang chuang lo nain hun rei tak erawh nghah a ngai tawh lo tùrah ngai ang, chuta țang chuan hna dang pawh a zawn leh theih zêl ang chu," ka ti a.


Nunhlima min thlah haw kha min lo hmu tak tak a ni chêk ang chu," Kha pa kha i duh tak tak hauh lo, inzuitîr tawh suh. Beiseina siamsak suh ka tih tawh kha," a ti nghut nghut a, ka eirawng bàwlna bulah chuan kekawr ipte zenin a lo ding ngur a, a thil sawi rêng rêng chhàn lêt loh ka tum tawh avàng chuan ka ngawi reng a, ka thil tih lai chu ka tih chhunzawm mawlh mawlh a.


"Min chhâng dâwn nange?" 


Ka la ngawi reng a, ka thil tih ka chawlh loh avàng chuan a dawhtheihnain a tlin lo a niang, ka kutah rawn manin min kuai her lawp a, thinrim awka ni chuang hauh lo hian," Nimin khán khawiah nge in lèn min chhâng teh," a ti sup a.


"Ka mimal nun leh hun hman dàn zawng zawng hi hrilh vek tùr che ka ni em?" ka ti ve ta thung a, ka thin a rim pawh a ni chuang lo; mahse, ka lung erawh a âwi vak lo, a hnuaia thawk ni mah ila ka mimal nunah a inrawlh vek thei bîk lo.


A phun sup a, min la chelh reng chuan," A țha, ka biak che hi chuan min chhâng zêl rawh, i ngawih hi ka duh lo," a ti a, chutah," Kha pa erawh kha chu inzuitîr tawh suh ang che," a ti leh sup a, min thlahin a kal sawn zui nghâl a, ka en zui ringawt. Bialpa thîkthu chhe zet pawh a ang alawm, ka bialpa ni se chuan ka hre thiam ang; mahse, ka bialpa a ni lo, a bialnu lah ka ni hek lo.


A office hlàna a room bula a office ve deuh reuh ka tih fai chuan a bawlhhlawh bâwm leh a bul vêla lehkha chhia ni àwm tak, hlãwm tam zet lo let hèl hûl ka hmuh chuan 'eng tak ni ang maw?' ka ti rilru nauh nauh a, pakhat chu ka han pharh chhin a, thil ziah thai chhiat vekna hi a lo ni a, a thai chhiat dàn lah chu chhiar theih hauh loh tùra thai chhiat takmeuh hi a ni nghe nghe a, mak ka ti angreng khawp mai. Eng tak chu ziak ang maw, chuti êm êma han thai chhiat tâk mai chuh. A dang ka han en pawh chuan a hmaa mi ang tho chu a lo ni a, paper pawh a hman ve nasat viau hi. A hna lam thil a ni ngei ang, anni ang chinah pawh hian chawh chhuah dik thei loh a lo la awm fo a nih àwm hi maw.


Ni a rawn lang a, Jivan-a pawhin thuamhnaw sûkho chu a zâr chhuak a, kei pawhin in lamah chuan han pho chhuah tùr thuamhnaw sûk pahnih khat chu ka nei reng a; mahse, hmanhmawhthlâk tehchiam a ni lo va, duh leh haw phei hunah ka pho chhuak mai ang.


Jivan-a thuamhnaw zàr chhuahah chuan hmeichhe mutkawr sen kha a lo tel ve leh niin, nizànah Polite-i kha a riak lehpek tihna a ni ngei ang. Tukin lamah kha chuan ka hmu miah lo va; mahse, ka hmuh kher loh pawhin a haw thei tho tih ka ngaihtuah chhuak leh nghâl zat a, ani'n ha lo se tu hmeichhe dang mahin an ha lo tawp ang le, a riak lo a nih pawhin nizàn lamah chuan khumpui chu an kai ngei ang tih chu ka rin dàn a ni. Bialnu nei lo inti fo mah se, a hmeichhiain a rawn pan fo a, hun fâl an hmang dùn fo bawk, hetiang a nih chuan Polite-i hi a bialnu tia chhiar kher a duh lo a nih pawhin a bialnu a ni tho tho ka ti ve tlat. Tunah hi chuan eng anga nasa pawhin bialnu nei lovin insawi mah se, ka ring tawh lo lehzual ang.


Chhùn thingpui in laiin Jivan-a chuan," Hetah hian i thawk reng ang tiraw?" tiin min zâwt a, kei chuan," A thawh reng theih bîk nâng, pu ber hi transfer a nih hunah phei chuan min chhawm zêl thei lo tawp ang, a duh bawk lo ang," nui chung hian ka ti a, ani pawh chu a nui ve a," Kan teltír tho ang che," a ti a, chutah," Nizàn chu a in tam deuh hlek a ni maithei, a thãwmah ka muhil lai pawh ka harh zawk alawm," a ti zàwi sap sap a, kan bulah mi dang a thil sawi lo hre tùr awm hauh lo mah se a țawng fîmkhur ve nasa.


"A rùi țhìn em ni?" A in zauh zauh chu ring tho mah ila thãwm nei viau ang chia a ruih chu ka lo ring ngai miah lo.


"Rùi ţhìn lo; mahse, nizàn kha chuan a in tam deuh hlek a niang, a rui tih erawh a hriat chuang loh, ka pi lo kal țhìn kha i hria tiraw? Kha nèn khân an nia, an rui viau chuang lo a; mahse, ka pu kha eng emawah a lungawi lo niin a lang a, pi pawh kha keiman an in thleng ka thlah alawm, haw a duh lo va; mahse, ka pu khân a ti lui tlat a," a ti leh sar sar a. An ruih avàngin eng emaw hlekah an thu a inhmu lo deuh ang a, a hàwtîr a ni ngei ang chu. Han sawipui zël châk viau mah ila thil han zawh chiam chu fuh ber lovin ka hria, a pu hnênah sawi chhuak palh ta hlauh se... ka ngaihtuah zui duh lo. 


Polite-i chu a reh deuh ka rin tehlul nèn, a rawn lang leh rang viau tho mai. Pakhat lahin țha deuhin a lo be leh tho bawk a, an inthlah tak tak thei tawh lo a nih dâwn hi, an inzui rei ve tawh a, duh an inpêk tawn țhin phei chuan ințhen hmak chu a har duh viau ang.


Tlêm tlêm chuan ka hlawh ve chu ka khâwl ve bek bek a, tam lua lo mah se  kan unauin min chãwm thei a, ka nute chu tam deuh thawn thei lo mah ila Zotei nèn mite awt lutuk leh mamawh lutuk nei bîk lovin kan awm theih phah a, thil ho mai maiah lah kan hmang ngai hek lo. Ka nu chuan kan mamawhte leh kan ei châk zawngte lei ve tùr chuan min rawn ti ve reng a, Zotei ka hrêk viau a hlau

 a ni ngei ang.


Favàng a rawn ni chho țan a, kei pawh a rûk tak chuan in luah insawn thei mai tùrin ka inbuatsaih ve sauh sauh a, chutih rualin, Mami leh Adonis-a pawh rawn zin phei an tum a, Adonis-a chu Jakob-a hnênah a thleng ang a, Mami erawh kan inah ve thung. Rawn phei thuai se ka ti, Mami bulah pawh ka thil tum chu ka sawi ve ang chu, ni leh lo, ka sawi lo ang, mak a tiin a thinrim emaw a ni ang e, sawi lan loh law law a țha ka ti, thil awmzia a hre châk dâwn nasa mai si a, an haw hnuah kan chhuah hnuah duh leh ka hrilh fiah mai ang.


"Eng chawhmeh nge kan rawn lei phei dâwn? Ei châk zawngte i nei em?" Mami'n a rawn tih chuan thil lei a ngaih loh thu chu ka hrilh vat a, ani erawh chuan," Ka duh duh ka rawn lei mai ang,"  a ti a, rei vak lo kan inbiak leh hnuah chuan kan duh tâwk ta rih a.


Quarter-ah ka phei a, mikhual room ka check hmasa ber, Adonis-a chàm chhûnga a luahlum tùr a nih hmèl si a, nuam a ti lo palh ang. 


Mikhual room ațanga ka chhuak tùr chu pu ber nèn kan intâwk leh ta thut mai, min tiphu chiang thei tak tak a ni! Ka en ringawt a, ka be hauh lo, ani pawhin min be chuang lo, min en rùn ringawt.


"Kawng min kian teh!"


Min en rùn a, chét sawn tum àwm pawhin a lang lo, kawngkaah chuan a ding a, a hmêl chu a lang nèlawm loh thlâwt a ni, a lung a awi chiah lo a nih ka ring, 


"Eng vàngin nge ka hriat hauh loha i hna hi bànsan i tum?"


Engtin nge a lo hriat?!!! Nunhlima'n a hrilh tihna em ni? Ka ring ch⁶iah lo, khawi ațang takin hria ang maw? Mi fîmkhurte'n ' Bang pawh hian beng an nei asin' an lo tih kha a dik ka ti ta viau, tûn dárkârah ngei hian.


"Hna nghet a ni lo va, duh hun huna bàn theih ka ni tih i hai em ni?" ka tih chuan a phun hluk a," Ka hrilh tawh che kha, ka kaltîr dâwn lo che," a ti leh sup a, ka âng zuau a; mahse, ka țhulh daih, awmzia a awm lo ang.


"Tih tùr ka la ngah a nia," ka ti ta zâwk a, ani erawh chuan," Min hrilh i  tum lo va," a ti leh sup a, chutah, kawngka chu khãr thutin mikhual room chhûngah chuan kan pahnih chauh chuan kan awm ta ràn mai.


"Ka kaltîr dâwn lo che ka tih tawh kha," tiin min rawn hnaih a, tih a tum àwm ang ka hriat avang chuan ka tawlh zêl a, min rawn hnaih ve zêl bawk a, room a zau êm ëm bawk si lo nèn, bang kil sîrah min dang chêp ta tlat mai.


"Eng vànga hetia awm hi nge i nih?" Ka ti khùr dar dar a, ka hlauthãwng a, min hnaih êm êm bawk si nèn, 'thil țha lo tak' a thleng mai ang tih ka hlau, ani lakah hi chuan thlèmna do zawh a har dâwn nasa si.


"Min cho tlat a nih kha," tiin a rawn kûn hniam a, ka lo thle sawn deuh nain a kut pahniha ka bek tawn tawna a vawn tâkah chuan ka thle sawn thei tawh lo, amah en tùr chuan min kuai dâk bawk a. Hmun dang melh theih hek loh le, kan inmelh dùn ràn mai. A mitmeng mawi zet chu a de deuh sawr sawrin ka hria, a thil tih tùr pawh ka hre nghâl; mahse, min ãikaih ni berin ka hria, ka che sawn thei tawh lo.


Muangchângin min rawn fâwp ta nge nge a, infawh hi chu a zei alawm, a zei ka ti thlâwt. Chhâng lét lo thei lovin min fâwp thiam tlat a, kei lah hetiang lamah hian chhuan tùr nei hauh lo mah ila ka lo chhâng lêt uar ve viau bawk a, ka țang thei lo, ka thluak thlengin min fawhna chuan a fan ni maiin ka hria. Chu chuan a ti phûr zual a ni ngei ang, duhthawh zetin min fâwp ta bawrh bawrh a, muangchanga min fawh ai khân a lo la nuam zui, ka lungphu pawh a phu ring ta dut dut viau mai.


Bangah chuan min nawr bet a, hrehawm ti àwm tak ka nih laiin ka ti hauh si lo. Ka bân pahnih chu chung lamah a kut pakhat chuan a nawr bet bawk a, a chét dàn ang apiang chuan ka lo che ve zêl, music rema zei taka lâm dùn ang mai hian kan taksa pawh chu a che dùn ngal ngal mai. Mak tak a ni, a chêt dàn ang chuan ka che ve zêl a nih chu, a hrehawm miah lo zui, ka marphu lah chu a puak keh ang tih hlauhawm khawpin a nia a phut ni.


Min pawm kãng ta nawlh a, min la fáwp pah reng tho a, khawiah nge min kalpui dáwn ka hre lo; mahse, khuma min nghah tâkah chuan ka meng deuh kâwk a, ani erawh chuan," Rêngpui..." a ti sup a, a aw chhuak lah chu thinlung chhûngril bet ațanga rawn ri chhuak ni àwm tak hian a ril raih maiin ka hria a, ka tân chuan rimawi mawi ber ang hiala mawi a ni. A ngháwngah ka bãn pahnih chuan ka kuah a, a sam chu ka tuaisak bawk a. Mipa ka fawh hmasak ber a ni a, ka hnaih hmasak ber pawh a ni chiang, tunah tak phei hi chuan eng dang mah ka ngaihtuah thei lo, amah chauh lo chu.


Ka kawr chhûnga a kut pahnih a rawn zen luh chuan ka thaw deuh hak a, ka taksa lâwng chu a chûl hauh hauh a, ka thaw tãwi hak hak mai. Uar zet zetin min la fâwp zël bawk a, ka buai niai tawh, he khawvêlah hian thil dang tam tak a awm a ni tih pawh ka ngaihtuah lo, kan pahniha khawvêlah ka pil bo mêk a ni.


"Rêngpui..."


"Jakob..."


Uar zeta min fawh leh tàwn táwn lai chuan ka taksa chu a chûl kual zêl a,   min chùl dàn ang zêlin ka taksa chu a che ve zêl a, nawmna nasa tak min thlen mêk chuan a bâk thlen leh zël châkna min neihtîr a, kei pawh chuan a taksa lãwngte chu ka chül kual ve a, engtik laiin nge a kawr chu a lo phelh hman pawh ka hre lo. Ka chûl kual a, a hnung ka chûl a, a âwm lam pawh chu ka chûl riak riak a, ani pawh kan inan hmèl, a thaw ve hawk hawk mai.


"Jakob..."


A hmuiin ka hmui a rawn chhilh leh tâkah chuan ka thil sawi tum pawh chuan awmzia a nei lo, hnial ka tum pawh a ni lo, nuam ka tih thu hrilh tum mai chauh ka ni. 


Phone rî ni àwm tak avàng chuan kan thil tih lai chu kan chàwl ve ve a, a phun deuh hluk zui, min nghawr deuh dar dar pah avàng chuan a kekawra a phone ah a ni ngei ang, kei chuan sitting room-ah ka dah daih si. Kan awm ngai, là inkuah reng chung chuan che lo chuan kan awm reng phawt a, phone ri chu a tàwp a; mahse, a rawn rîk nawn leh tâkah chuan a kut lehlama min ka kuah reng chung chuan a han chháng a.


"Hello?" A aw chu a mumal bîk hlek lo, lehlama a rawn betu țawng chu hre deuh riai riai mah ila a sawi tak erawh ka hre lo, an inbiak zawh chuan," Office-a ka lêt leh lawk a ngai," ti supin min en vang vang a, kei pawhin ka lo en ve reng, chutah, rawn kûn hniamin min rawn fáwp leh vang vang a, kei pawhin ka lo chhâng lêt leh tho.


Muangchángin khum ațang chuan min kai tho a, kawr a ha tawh lo va, kei pawh ka kawr chu a inhlîm chho deuhthaw vek tawh niin, ka pawt thla rang teh e! Chutah, ka rilru pângngai ang ka put lêk leh theih tâkah phei chuan zahna hlír maiin min tuam ta hlawp hlawp mai. A kawr a hâk lai chuan sîr lam hawiin kan awm dàn chu ka ngaihtuah lêt a, a lakah hian ka tlâwm ta ngawih ngawihin ka hria, thlèmna kha kan do zo lo teuh asin, a phone kha rawn ri lo ta se...?


"Ngaihtuah chiam duh suh, mi pahnih induhte kârah chuan a thleng ve châwk a nia, zahna tùr a awm lo," tiin a rawn kûn hniam leh a, ka samah chuan a rawn fâwp zauh a," Bye rih le, ka lo lèt leh thuai ang, ka naute," a ti a, mikhual room ațang chuan a chhuak zui ta nghâl a.


A va zahthlâk tak!  Ka zak lutuk chu ka hmai a sa hut hut mai a, ka beng pawh a sa țha khawp mai, zahna chuan a hlãwm hlãwmin min rawn khuh hlup hlup ni maiin ka hria, hetiang chuan a hmêl pawh ka hmu leh ngam tawh dáwn em ni? Eng angin nge min ngaih ve ang aw... hmeichhe sihhnip tak hmuhin min hmu tawh ngei ang chu, min fawhna lah ka hnar thei ngai si lo, amah ka duh a ni tih lah chu a hre chiang tawh ropui bawk si," Mi pahnih induhte inkârah..." a ti a nih kha, ani hi chuan ka taksa chauh a duhin ka ring.


An buai ta deuh a niang, a rawn haw nghâl lo va, tihzia ka ti tak tak a ni. A hmêl hmuh leh ka huphurh tak zet a, vawiin tlaiah Mami leh Adonis-a an rawn thleng ang a, Mami pawhin ka awm dàn ațangin a hre thei ngei ang, ka awm dàn a dik hmanin ka ring lo.





*MI RINAWM LO CHUAN AMAH A RINAWM LOH AVÀNGIN MI DANG RINNA A TLACHHAM ȚHÌN*





Comments

  1. Van tawi theitak....

    ReplyDelete
  2. I thawnthu ziah avang hian zan hun ka thlahlel thei ltk i chungah lawmthu ka sawi mawlh2 e piber 🥰😍

    ReplyDelete
  3. Ngaihnawm thin emai a

    ReplyDelete

Post a Comment

Popular posts from this blog

☆LUHLULPA☆ - 1 & 2 By Dingdi Pachuau

☆LUHLULPA☆ - 1 By Dingdi Pachuau Ka fanu tui taka a muhìl sâk sâk chu ka thlîr reng a, ani lah chuan hmangaih takin ka thlîr a ni tih hre hauh lo hian kàwi sàwi zeta a teddy bear kuaha mu hian a thaw sâk sâk a, a biang tài deuh têkin a hmêl a han tihțhatzia chuh..ka thlîr ning thei mawlh lo. Mahni rîla rah fate hi chu mi fâte ai chuan kan duatin kan lo hmangaih deuh chu a ni, hmangaihna mita kan thlìr vàng pawh a ni ang chu, mi fate aia an chhiatna kan hriat theih miah loh ni. Rei tâwk fang ka thlìr hnuah chuan kûn hniamin a biang tài têkah chuan ka fawhsak zauh a, thàwm dìm takin room ațang chuan ka chhuak ta țhem țhem a, kawng erawh ka khâr lo. A lo harh veleh min ko leh vak emaw a ni ang a, ka hriat thuai loh chuan a lo țap leh palh thei si a, chuvàngin ka khâr duh lo. Choka zîm zetah chuan lût pheiin kan nufa ei tùr chu siam tùrin ka buatsaih țan ta nghâl a. Kan in chhûngah hian bungraw changkâng tak tak awm lêm lo mah se kan mamawh hi chu a awm kim ve viau, mamawh ...

☆MIN EN LA☆ - 27 By Dingdi Pachuau

 ☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla  a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...

RUATSANGA - 13

RUATSANGA - 13 By Dingdi Pachuau Min fawh kârlakah chuan min duh thu leh duhawm min tih thu a sawi sap sap tih ka hre ruai ruai. Ka thluak a buai a, ka chhia leh țha hriatna a buai vek tawh tlat a ni. Engtin pawh min ti se, hnial thei dinhmunah ka ding tawh lo hrim hrim. Tunah chuan a kuta min chúl mai duhtâwk lovin a hmui,zei zeta min fawhna ngei chuan a kut hnu a chhui ta zai zai mai. Ka nghawngah fâwpin,ka âwmbâwrah a tâwp chat a, ka hnute khuhtu awm tawh hauh lo chu a fawp ta chat mai. Kei lah nuamtiin ka lo er, ka la tawn ngai loh a ni bawk si a,lo dawnsawn dan pawh ka hre chiah lo. A nuam ka tih em avang chuan awmngaihna hre lovin ka lo tâl ve sek a. Fawh mai duhtâwk lo chuan a hmúr chu a'n seh pah nar nar a,a kut lehlamin a fawh loh lam chu a khâl pah bawk a. Awm ngaihna reng ka hre lo, ka lu ka thle tawn chhén mai. Chutah, tâwp thutin, châknaa khat mitmeng sexy zet chuan min melh ta rún a. Hrethiam lo zetin meng dâ vâ riaiin ka melh chho vat bawk a. "D, i d...