The Other Side Of Me

☆REBEK☆ - 8 By Dingdi Pachuau Rei ang reng tak kan inngaihzia leh kan inthlâkhlelhzia chetziaa kan lantîr hnuah chuan Nunhlua chuan,"Thawhțanah Lunglei kal ila ?"a ti sup a. Ka inngaihtuah a, kal chu ka duh ve viau nain tih tùr ka nei lo, sikul kal a ngai bawk. A ruala kal chu ka châk khawp mai. "Sikul kal ka ngai alawm." "Office dàwr in ngai lo em ni?" "Head-in eng mah a sawi lo, a ngai lo a ni ang." "Nih, engtikah nge i hman theih  ang?" "Sikul kal loh nî a ngai ang." "Chuti, inrinni-ah kal ila?" "Um, eng nge kan tih ang?" "Phone kan lei ang chu." "Online-a chah i duh mai lo'm ni?" "Chhuahpui ve che ka châk alawm." A nuam ngawt ang, ka ngaihtuah zawng pawhin ka phûr lutuk tlat. "A țha alawm, a nuam viau ang." A lêng rei phian. In lamah Muantei a awm vàng pawh a ni ang, a lêng rei em mai. Muantei chu a fel a nih k...

☆REBEK☆ - 7 By Dingdi Pachuau "Min zahpui em?" Makti ang reng deuh hian ka melh chho deuh há a. "Teuh lo mai!"uar zet hian ka ti a. A kut phah châr bam mai chu ka chûl ka chûl a, "Zahpuina tùr che a awm em ni? I kut thap vàng hian maw?"ka ti leh a. "Ka engkim vàng hian maw le." "Nangmah i nih vàngin ka duh che alawm. Nangmaha nangmah tak kha ka duh, i sawi dàn takah pâwn lam lan dàn chu eng mah a ni lo." "I țha reuh sîng sêng e." "Nang deuh." "Ka țha sîng sêng ve maw!!" "Aih, i țha pà hluah hluah. I aw pawh mipa aw dik tak a ni." A nuih a za khawp mai a, ka fak dàn kha a fuh zân lo em ni le? Fak der pawh a ni lo va, a nihna dik tak a ni zâwk si a. "I kut hi chu hnà i thawh nasat vàng a ni a, i taima tihna a ni mai. Intodelh tumin i thawk a, i ngaihsànawm ngawih ngawih zâwk a ni. Min han en ve la, kei chuan thawh chhuah ka nei rêng rêng hlei nem." ...

☆REBEK☆ - 6 By Dingdi Pachuau Kan dik lo ve ve tawh. Ani pawh a thâwk dàn a mumal lo va, a thâwk a tãwi riau tawh. A boruaka ka chèn tawh ém avàngin rilruah 'Dàn Thianghlim' lam rêng rêng a lang pha tawh lo. Tuna kan awm dàn bâk hi rilruin a ngaihtuah thei lo, a dang chu  blank tawp a ni mai. "I duhawm thlâwt..." Dawhkàn chunga ka phone dah chu a rawn nghawr ta dar dar a, kan țawng loh avàngin a ring khawp mai. Kan thil tih lai pawh kan tàwp chawt mai a, kan inen dùn ta reng mai. Ka meng phî chiai ang chu. Ka phone chu ka ngei lutuk. Tûn ang huna lo rîk ve mai mai, ka vawm keh darh vek dáwn zâwk emaw ni. Ka thaw halh halh phawt a, ka pângngai deuh hnuah chuan ka chhâng ta chauh a. "Hello?" "Naktûkah kan inah rawn pêng kãwi lawk ang che." Apuii. Ka va ngei tak. Chuti ang lek min hrilh tùra min rawn phone a ngai lo asin. Message pawhin min hrilh thei tho si, ka va haw tak! "Min rawn message mai tùr alawm." "...

☆REBEK☆ - 5 By Dingdi Pachuau A haw dáwnah chauh ka fâwp. Ka duhthawh viau nain amah zâwk a ni reng sia rei tâwk min fâwptu zâwk kha. Kan inthlah hlei thei lo chu a ni, kan inthlahlel ém asin.  Mut dáwnah message a rawn thleng a, tu tak ni ang maw ka tih lai chuan *Zanin kha chu ka hãw thei lo țêp chu a nih kha.* *Hmeichhia hi ka mamawh tawh lo emaw ka lo ti țhìn a...* *Tunah tak hian ka bulah awm la ka ti hle mai.* Um, amah a nih chiah hi. Ka number engtik laiin nge maw a lo neih ni? Kei pawh hian a number ka la nei miah si lo. Kei pawh hian ka ngai a, a bula awm ka duh asin, ka ning thei ngai lo ang. A âwm lum thar thar si chiala mut ka châk bawk, hei zet chuh, ka ngaihtuah tùr a ni lo. Min thlèm hlek chuan ka tlu hma lutuk dáwn, a bulah hi chuan 'mut' hi ka ngaihtuah chhuak tùr a ni lo rêng rêng. He pa hi ka hmangaih a ni! Ni e, he pa hi ka hmangaih bur a ni. Pathlawi a ni emaw, fa nei tawh a ni emaw ka pawisa lo, ka hmangaih ém asin, a bula awm ka ning lo...

☆REBEK☆ - 4 By Dingdi Pachuau "A zûk nasat che ka phal lo hrim hrim." Nuih sak pahin,"Ka lãwm e,"ka ti sap a. A țawngkama min duat der ve ringawt pawh chu nuam ka ti a, duatna țawngkam ka hriat khàt tawhzia min hriat thartîr bawk. "Kei pawh le." Kan nui ve ve. Chutah, rawn kûn hniamin min rawn fâwp thuak a, a duh tâwk mai emaw ka ti a, makti rilru  deuh chuan ka melh chho reng a. "Thlèmna duhawm!" A rawn kûn hniam leh zat a, zawi muang hian a hmui chuan ka hmui chu a rawn tawk de de phawt a, chutah, lungchim thei ang ber hian min fâwp ta ngawih ngawih a. Ka lo chhâng lêt ve chiang khawp mai, he pa hi ka duh ngawih ngawih. "I thlum dek dekin ka hria." "Ka lãwm e." "Kei pawh le." "Khati ang khân lo ti zel suh, sawi tùr min ti hre lo a nia." "Ngati? I làwm khân ka lo lãwm ve bawk si alawm." "I thingpui kha in rawh, a dài zo ang." "Thingpui ai chuan i hmui kha...

☆REBEK☆-3 By Dingdi Pachuau "U Nunhlua nge nge, a indaihzai bîk mang e, thiam loh pawh hi a nei lovin ka hria." Nunhlua hming a rawn sawi chuan ka beng a verh chiang khawp mai. Ka țhutna ațang chuan ka hawi kual nghal vat  a,bike-a a lâwn chu ka hmu nghal bawk. Lunglei a kal ve em ni le? Nge Haulawng lamah zâwk? Ruahsûr hnuaiah a ni si a, a damlo leh rêu rêu ang ti nia. Ka bula țhu, nu lian lam deuh chuan,"Thiam loh pakhat chu a nei ve lo maw? Nupui koh haw dan a thiam lovin ka hria,"nui chung hian a lo ti a. Kan hmaa țhu putar ve thung chuan,"Mi taima leh tlàwmngai tak a ni bawk asin, a hna thawk rêng rêng pawh hi a zei thlarh mai a. Lehkhathiam tho si, taima leh kut hnathawh hreh bawk si lo, ani ang hi chu ngaihsànawm ka ti asin,"a ti charh charh a. Driver chuan,"A nupui nèn khân eng vànga ințhen nge an nih le?"a lo ti thung a, motor chu tinungin kan tlân ve ta a. Ka bula mi chuan,"An nu khân tlangvâl dang a ûm a ni lo'm n...

☆REBEK☆- 2 By Dingdi Pachuau Chawlhniah ka inkhâwm a, tlai lamah erawh chuan inah awmin naktûk lama naupang zirtîr tùr kan hmabâk chu ka en mai mai a. "In awm em?" Tu tak chu ni maw? Apuii aw a ang deuhin ka hria. "Aw, awm e. Lo lût rawh u." Apuii leh tlangvâl pahnih, sâng zet zawt hi an rawn lût a, ka lo en reng a. Apuii chuan,"Kan lo tibuai dáwn che,"nui chung hian a ti a. "Tihbuaina tùr a awm lo, lo țhu r'u." Țhutna ka neihchhun chu an awh khat dêr. Dining chair 3 leh plastic chair 2 erawh ka la nei tho,ka lehkhabu chu khupin,"Apui, i țhiante chu khawi lam mi nge an nih a? Ka hmuh àwm ka va hre lo ve?"tiin ka be ve a. "Nia, ka bula țhu hi Țhaa a nia, a piaha mi hi Țhaa țhianpa John-a a nih hi, ka țhiante an nia, Lunglei ațangin an rawn lêng vang vang a nih hi." "A ni maw? In rawn kalna a hla vang vang hle mai." Țhaa chuan,"Nia, pawttu hi a na ve a,"nui chung hian a lo ti a, Apuii...