The Other Side Of Me

☆REBEK☆ - 16 By Dingdi Pachuau "Novi hi chu a fel ve ngawt mai, a hmelțha bawk si. Min ti hlim teh e." Kan fanu, a hming pawha kan koh phal loh chu a râk ve nasa mai a, motor chuanpui hi nuam a ti țhìn hle a, John-a pawh hian a phur nasa țhìn rêng, a awm ve dàn a nia. A hman tawh phawt chuan Novi hi a kuah chawt a ni mai, min hre vetute pawhin John-a hi a pa a ni lo tih an hre miah lo. A awm nasain ka in luah hi a in pakhat ang ve tho a ni mai, a hàw peih loh châng pawhin sitting room-ah a riak mai zel. Mite ngaihah chuan nupa kan nih loh hi rin loh chi pawh a ni lo. Ka nun engkim hretu a ni a, kei chuan ka unaupa ang maiin ka en. Min duat a, kei pawhin ka theih dàn ang ang chuan ka duat ve tho, heti khawpa min duat leh min ngaihsaktu hi ka duat lêt ve a ngai tlat a ni. Novi ka pài ațanga tûn thlengin min țanpuitu leh engkima min buaipuitu a ni a, Novi ka neih hma, damdawi ina kal ka ngaih châng leh ka neih lai pawha ka kianga awm reng a ni. Tûn thleng pawhin min...

☆REBEK☆ - 15 By Dingdi Pachuau "Aw le, black & white-in kan inhmu dáwn nia.  I phone kha dah hmasa la?" "Ka khawngaih che alawm, dah hmasa zâwk la?" "I aw hriat ka la kham lo va." "Inbe leh rih ang." Ka bulah a awm lo va, ka hmuh leh kuah theihin a awm lo nèn, a aw tal hriat ka la duh, ka la kham lo. "Tunah hian van a thiang kûk a, arsi an lang chiai asin, nangmah ka ngaihzia che hi an hre ve a nih ka ring." Ka mitthla thiam reng mai. Ka maimichhîng a, ka mittui chu ka bekah a luang thla zaih zaih reng a, ka aw-ah erawh lan loh tîr hrâm hrâm ka tum. "Nizàn kha ka ngai." Nizàna kan hun hman dun kha kei pawhin ka ngai asin, ka ngai hlû a, khatiang hun hlimawm kha kan hmang dùn leh tawh dáwn lo asin. "Ka ngai ngawih ngawih che a ni." Ka ngaih thu hi ka zêp lo, ka hrilh leh khât tawh dáwn a, zanin leh naktûk zàn bâk hrilhna hun ka nei tawh dáwn lo. Hrilh mawlh mawlh ka duh. "...

☆REBEK☆ - 14 By Dingdi Pachuau Zanin chiah. "Dìm deuhin ka chê ang, i hriat reng tlâk ni tùrin." Teh rêng mai. Sawi kher lo mah se, ka hre reng tawh dáwn hrim hrim, ka kal bosan dáwn si a. "Light off țhen i duh em?" "Duh lo, chiang taka hmuh theih che ka duh." "Ka duh zâwng tak." Duat takin min pawm a, min fâwp pah bawk a, kei pawhin eng mah ngaihtuah duh lovin tuna ka thil tih mêk chiaha insâwrbingin ka fâwp lêt ve a, ka duhthawh viau bawk. Thawmhnaw kan inphelhsak a, muang chângin a che zel a, keiin nuamti takin ka lo pui zêl. Tlém chuan ka inthlahrung deuh, ka thianghlim tawh si lo va; mahse,a hre tawh tho alawm. Ka kawrhnuai leh kekawr nèn chauh ka ni ta, amah pawh chuan kekawr chiah a ha tawh. "Khumah aw ni ang, i vawi khatna tùr a ni si a." Ka thianghlim tawh lo tih hre reng mah se, ka vawi khatna tùr ang a a sawi chuan a rûkin min ti nui ver ver mai, ka inthlahrunna a reh sawt bawkin ka hria. Kan...

☆REBEK☆ - 13 By Dingdi Pachuau He pa lakah hian ka thinrim thei lo. Thinrimna chhan tùr ka nei miah lo bawk, a nupui a lo kal avàng hian thiam lohna a nei reng reng lo va, nun hrehawm takin a hmang zâwk tih ka hmu ve tlat a ni. Kan inngaizawng tih lo hretute chuan thinrim khuma lo be duh lo tùr pawhin min duh ngei ang chu; mahse, eng nge ani hian thiam lohna a neih le? Rilru buai nuai leh min thlahlel ngawih ngawihtu hi ka lo be duh lovin ka lo thinrimsan ang maw? Teuh lo, ka phal teuh lo. Rilru chhe tak put ka duh hlei nem, ka hmangaihzia tih lanna hun a ni zâwk dáwn lo'm ni? A haw hnuah chuan a thil sawi hrang hrangte chu ka ngaihtuah lêt a, rei tak awm a tum lo a tih khân min ti thawveng ve deuh ringawt a; mahse, kan hma lam hun tunge hre thei le? Nundika'n a nu a hmu ve chauh a, a ngaina em em a nih phei chuan haw a phal lo tawp ang. A cancer pawh chu a ni tak tak a nih chuan, Remi chu ka khawngaih reuh viau ang. A chhûngte a pan ngam loh chhan chu ama thil tih sual v...

☆REBEK☆ - 12 By Dingdi Pachuau Driver bula țhu, nu la valai deuh chuan,"Ngawi teh u, Remi kha a lo lêt ta a ni maw? Mi sawi ka hre tlat mai,"a ti a. Kan țhutna sîra țhu putar lam tawh chuan," Lo lêt an tih tak kha. Kum 13 vel hnuah a rawn lêt leh a ni a, a fapa pawhin a lo hre tawp nâng,"a ti charh charh a. "Nunhlua chuan engtin tak lo dawngsawng ang maw?" "A duh ém mai, a lo pawm thei mai ang." "A fapa nu a ni a, nupui a la nei bîk lo va, an awm dùn thei mai ang." "Mahse, Nunhlua tân chuan lo pawm leh ringawt pawh a har duh àwm e." "A hmangaih ém mai, a ngai dam thei lutuk ang." "Nimin khân ka rawn phur hãw tak alawm, an fiam deuh hlut lehnghal a. A chhe lo ka ti, nuthlawi a ni tih a hriat miah loh." Hetiang hi an titi dàn a ni. Nunhlua nupui hlui chu Remi maw lo ni a? Engvànga lo lêt leh ta nge a nih le? Kum tam tak a vei tawh si a, nupui a nei leh tawh rih lo tih hriain leh...

☆REBEK☆ - 11 By Dingdi Pachuau "Țhaa nèn kan ințhen!" A mit, a țahna avànga bui lâk leh sen râm mai chu melhin,"A bul rět ațangin min hrilh teh, tlaiah kha chuan in la hlim viau khân ka hre si a,"ka ti a. A ni lah tak a, an pathuma ka thlah lai kha chuan hetiang boruak hi a awm tlat lo a ni. A insût hraih a. "A rui kha ka hâu a, a thin a rim deuh nèn, min vìn ta hrep a. Hrehawm ka  tihzia mai chu, ngawi rengin ka kalsan a..." a chàwl dat a, a mittui a rawn far zãwih a,"Min pawt lêtin min mutpui a tum ta a,"a ti zàwi raih a. Sawi tùr ka hre lo, ka țhiannu chan chu râpthlâk ka ti lutuk. Hei kher hi chu ka lo tawn tawh a nih vàngin râpthlâk ka ti a, a rilru tùr ka hriatpui ruakin ka hria. "Kan insual a ni deuh mai. Ka hlau bawk si a, a chak bawk si nèn; ka rilruin ka țawngțai mawlh mawlh a, hun remchâng ka hmuh veleh a kapah ka pêtsak a, ka tlãn haw nghal. Chaw pawh ka ei lo, ka awm nuam lo chhuanlamin room-ah ka awm a, inkhâ...

☆REBEK☆ - 10 By Dingdi Pachuau "Tihchi nâng." "Eng nge a chi lohna?" "A tihchi loh a ni tawp mai." "Keimah bâkin an hre dáwn hlei nem." "Tiang hian min nawr tlat zel lo la?" "Min riahtîr mai la?" Ni lo, zanin chu a sawi ang hian din tlaivàr a tum tak tak em ka fiah dáwn. "Haw zâwk mai teh." "Ka ding tlaivâr mai ang." "I duh a thu le,"ka ti ve hmak a. Eng mah sawi lo chuan a chhuak ve mai bawk a, kawngka chu ka kalh a, ka mu nghal titih dèr. Nakin deuhah ka bihthla ang, a thu sawiah a ding ngût ang em? Ka muhìl sek a ni ang, ka phone ka ti ěng a, dâr 12 a ri țêp. Ka tho vat a, ventilation darthlalang ațangin pâwn chu ka bih a, ka hmu miah lo. Kha maw, a sawi ve mai mai a ni, inah hawin mu lum se, a nuam daih rěng ang. Che deuh ka hmu tlat! Ka'n bih țha leh a, en thuak kha chuan hmuh a lo har bawk a ni. Chhuk bih pawhin bih chian a lo ngai ém a ni, ka kawngkhà...

☆REBEK☆ - 9 By Dingdi Pachuau Tu mahin min fiam hran lo, ka hnung lamah min sawi a nih ngawt loh chuan. Sikulah pawh min fiam chuang lo, Rova hian mi sawi a la hre lo a ni mahna.  Hminga hi chuan hria pawh ni se a sawi lo tawp ang, eng mah a sawi ve ngai lo. Mi mitmei a vêng ve a ni mahna, Nunhlua pawh a lo lêng ta rih lo. Ka ngai tho nain pawi ka ti vak lo, mi min sawi hre lo mah ila, a fapa kan sikulah a lût si a, nuam lo a ti palh ang. Kei pawhin nuam ka ti vak bîk lo ang. Dam chuan hun a kal chak a, November thla a lo thlen meuh chuan khua pawh a vawt țan leh ta. Vawt tuar hi ka theih loh ém avàngin thlasik lo thleng hi ka huphurh țhìn hle a ni. Țhaate țhian dùn pawh an rawn lang ngun leh deuh ta.  Ka inah an rawn kal lo thei țhìn si lo va, tlêm chuan Nunhlua pawh hian a thîk deuh țhìn tih ka hria. A chhan chu John-a hian min kàwmngeih ve tlat a, țhianite pahnih hi chance pêk an ngaih ve țhin avàngin John-a nèn kan chhuak leh dâwrh dâwrh bawk a. Min lo hmu a n...