The Other Side Of Me

☆RUATDIKA☆- 11 By Dingdi Pachuau "Hetiang hi ti suh." "Hmeichhe luhlul tukzal hi nuam ka tih zâwng tak a ni." A kut lut ham hamin ka taksa a chùl chuan ka mûr uai uai thei. Chutah a rawn chûl chhak deuh deuh a, ka kawrhnuai a rawn thleng ta, ni lo, ka tâl nasa sauh a. "Khawngaihin, ti suh?" "Ka thu i awih tawh ang em?" "Aw, ka fâwp ang che." Hetia ka tih loh chuan ka hneh lo ropui si a, bâkah,  nuam ka ti dáwn tlat, thil 'pawi' zâwk a thleng thei. Ani fawh ringawt chu a pawi hran lo ang chu maw, ka râi thei bawk hek lo ang. "Țang buai tawh suh ang che." A rawn kûn hniam nghal zat a, ka hmui, na zeta min fawh bawrh bawrh avànga na țân tawh chu dîm ang reng deuh hian a rawn fâwp a, ka rin loh dàn deuh a nih avàngin ka lo chhâng lêt lawk lo lehnghal a. "Daw peih lutuk!" A che sawn tùr chu ka lu kànin ka han fâwp a, ka thlah duh lo. Min fâwp lêt duh bîk țhak lo nia; mahse, ka tàwp...

☆RUATDIKA☆- 10 By Dingdi Pachuau Ruatdika ~~~~~~~ A hmui mawlh mai kha, ka fâwp leh châk a ni. Nêm thap, sexy ém ém mai leh fawh nuam zet kha, ka ngaihtuah zâwng leh ka mitthla ringawt pawhin ka thisen a tilum thei nia! Shalla!! He nu hi hetiang zâwng hian ka ngaihtuah tùr a ni lo, ka pi hriat leh mit hmuhah hlauh phei chuan nula melh pawhin ka melh tùr a ni lo. Cupboard ațangin in tùr ka dah țhat ka phawrh a, he nu vàng hian ka tih ngai tawh loh a vawi hnih nân zanin hian ka ti leh dáwn chu a nih hi. No-ah thli chhuakin ka in hlek a, thil kal tawh ka ngaihtuah kual a. Ka piin 'cousin i nei a, chennai-ah a awm mêk' tih min hrilh chuan mak ka ti kher asin! Ka putea fanu a ni tih min hrilh chuan mak ka ti ta lo deuh, heta zin chho tùrin a sawm tih a sawi phei chuan kan hmuh ngai loh leh Mizoram pawh a la rawn kal ngai lo ang tih tùrin 'aw' a lo pawh ve mai  bawk si chuan ka ngaih a tițha lo rum rum mai. A chhan chu ka pi te leh putea te inkâr hi ka hre chi...

☆RUATDIKA☆- 9 By Dingdi Pachuau Ka chhia leh țha hriatna chu zàwi zãwiin an rawn lêt țan a, ka thluak nu deuh nuai pawh a fîm țan ta. Mahni inngei leh inten tak chung chuan ka hawi sawn ta vat a, ka kut pahnih chuan a âwmah ka nam bawk a. "Min chhuahsan rawh." "I zak leh sî a ni maw?" Aw, ka zak. Ka zah bâkah ka inten hluah hluah. Engtin nge ka unaupa ka infawhtîr theih?!! "Khatianga nuam khân a fâwp lo che a nih ka ring." Kal pèlin ka room kawngka chu ka hawng a, amah pawh en țha ngam lo chuan," Chhuak rawh,"seh chilh nak, zàwi sap sî hian ka ti a, ka țawng ring lo, ka ngam lo, ka piin a hria ang tih ka hlau. "Tunge zei zâwk?" Ka insehruh ngar ngar. Ka thin a rim a, he pa hi ben pawp ka châk; mahse, keimah ka inhaw tel bawk si. Kha thil kha a thiam loh a nih rualin ka thiam loh a ni tel bawk si a, ka insûm hrâm. "Ka la duh tâwk hauh lo a nia,"tiin a rawn kal phei a, ka bulah ding datin chiang zet h...

☆RUATDIKA☆ - 8 By Dingdi Pachuau 'Khawi lai hotel changkâng takah emaw min hruai ang chu' tih laiin an inah min hruai ta tlat mai!! Min hrilh lâwk lo va, ka zâwt bîk hek lo. An in a ni tih pawh hre lovin ka zui lût ve mai a, putar sam țuak vâr vo tawh hian min lo chhàwn a. "Vâlte, in lo thleng tawh maw? Hei hi Angel-i chu maw?"tiin ngun zet hian min thlêk a, nuam lo ka tih dàn chu, nuam lo tak a ni. "Aw, Angel-i a nih hi. Angel, ka pu a nih hi. Chuan, hei hi kan in a nia." Makti tak hian Neil-a chu ka en a, an inah min hruai maw!!! Chaw kan ei chhuak dáwn emaw ka ti!!! "Vâlte, i bialnu chu i hrilhlâwk lo a ni maw? " Bialnu. Neil-a chuan a pu bulah a bialnu angin min lo sawi tawh maw?!! Min duh tak tak tihna em ni le? Awiii, a zahthlâk rualin a nuam veng veng tho si, ka lài ru ngawih ngawih. "Surprise ka duh a. Angel, min ngai dam rawh, ka chhûngte hmel hriat la ka duh a, chaw eipui ngei la ka duh bawk a." A chh...

☆RUATDIKA☆- 7 By Dingdi Pachuau A tûk zàna Neil-a a lo lèn leh chuan ka lài thar ta tlat mai. Min rawn text-na kha fiamthuin chhâng mah ila, hmaichhana han hmuh leh meuh chuan nuam ka ti ru tho. Ruatdika a lêng a, a tihzia ka ti khawp mai. Kan titi leh awm dàn hrim hrim a hmuin a hre lo tùr ringawt pawh hi ka lãwm a ni tawp. Ka pi chu a mu har lo va, kan pahnih chuan sitting room-ah kan țhu a, kan awmpuite pawh an reh țhap tawh. Ka bul hnãi têah rawn insawnin," Angel, bialpa i nei lo tak tak tiraw?"a ti sar sar a. Nui chungin," Ka hre nâng, ka neih loh thu kha i sawi sia, i hre zâwk ang chu,"ka ti thung a. "Kha kha chu, i phone i lock loh vàngin ka sawi mai mai alawm." "Ka phone hi ka lock ngai miah lo." "Chuvàng chu alawm ka tih, miin an lo khawih palh pawha thurûk an hriat chhuah tùr a awm lo tihna a nih bâkah i fel ve hrim hrim." "Ka fel miah lo." "Hey, i fel ka tih chu, nula dang ka lo k...

☆RUATDIKA☆- 6 By Dingdi Pachuau Haw kawngah chuan ka pi chuan," Neil-a hi chu a nèlawm ve ngawt mai. A polite reuh si a, tu nula tak vànnei ang maw?"a ti barh barh a. "Engtiang taka fel nge a nih a?" "Fel tak a ni mai." Ruatdika erawh chu a ngawi reng a, ani hian a hre chiang khawp ang chu. "Chhûngkaw harsa lo tak an ni a, chuvàng chuan a duhna takah lehkha pawh a zir thei a, Computer Engineer a ni tain ka hria, Bangalore-ah hna thawkin a awm reng tawh a. Hei, i u țhianpa a lo ni bawk nèn, a lo haw chhoh apiangin min tlawh ziah reuh lehnghal a, a bula awm hi a nuam asin." "A nih dáwn kha." "Ka pi, duh tâwk teh u." Ka pi nèn chuan kan inen vat a, mit ko sàn ãk hian," I thîk deuh em ni fel kan tih vàng chuan maw? Ka tupa fel lutuk hi chu a tluk thei chuang lo ang che,"a ti a, kei chu ka lo nui thung a. Neil-a chu a lo lêng tak tak. A chhe lo ka ti a, a pà viauin ka hre bawk. A zei ve hrim hr...

☆RUATDIKA☆ - 5 By Dingdi Pachuau Ka chhâng ngam tawh lo. Thlai hnah kan la zo a, a rah lam ve thung kan lo leh a. Nuam ka ti tawp, ka phone pawh ka chhawr țangkai khawp, thla ka la deuh chhên mai. Dâr 2 vêlah thingpui kan in a, ni a sat ém avàng chuan a lum hle a, ka hmai pawh a sa hat hat mai. Mi paruk kan awm a, nupa leh tlangvâl pahnih an ni. Tlangvâl ka ti nain pa upa lam deuh tawh chu an ni, an țawng ve duh phian a, kei ka țawng duh a chhuak bawk si a, fiamthu kan thawh reng mai. "Nu i nih hunah chuan i hmai a duk dáwn a nih kha." "Engvàng ngawtin maw? Ka hma lam hun i hre thei em ni, ka pi?"tiin makti zetin nutling chu ka zâwt a. "Hre thei chuang lo ve, i biang kha a tài ém a ka ti mai mai." "Nia, ka biang tài hi ka duh bík miah lo asin, khaw lum vàng pawh hi a ni maithei tho." "Nula, lungngâi mah ta che. I duh ber pasala i neihte chuan hmai duk tih mai mai, engah mah a ngai lo ang,"tiin a pasal chuan m...