The Other Side Of Me

☆MAGDALENE☆ - 23 By Dingdi Pachuau Khumah a lo muhìl bâm a, a hmêl dâng lep ka  hmuh chuan inthiam lohnain ka khat. A exam zawhah khân inentîr tùrin lo ti ta ila chuan hetiang hi a thleng àwm tawp si lo va, ka inmawhpuh mawlh mawlh a. A biangah chuan duat zetin tihharh hlau tak chungin ka chûl a, ka kut vawhzia pawh hre lovin a muhìl a ni si a, harh se chuan ' i kut a vâwt si' a ti leh chiang ang chu. "Hey, ka lo haw tawh a nia, thil țha deuh ka rawn hawn che asin. Engati nge khuma i lo mut tlat le? Min lo làwm la, min kuah leh la?" tiin ka phun sap sap a. A biang vawt thlerah chuan ka fâwp zauh a, ka fâwp harh a ni ngei ang, a rawn meng ta diar diar a. "Heyyyy..." "Julian?!! I ni tiraw? Ka mumang a ni em?" A țawng chu a zàwi  hle a, ka hre thei chang chang. "Keimah ka ni alawm. I mu tui em?" tiin ka lo zâwt vat a, a hmuhah chuan hlim hmel ka pu lui hrâm hrâm. "Ka mumangah ka hmu che a." "Ka nga...

☆MAGDALENE☆- 22 By Dingdi Pachuau "Ka lâwm e, Julian. Mi țha tak i ni, mi țanpui duhna rilru i nei hi ka chhuang tak zet che a ni." "Nangmah ațanga ka zir chhuah a nih hi. Nang hi tawng lo che ila chuan hetiang tih nachâng hi ka hre miah lo ang, làwmthu ka hrilh mawlh mawlh che." Ka âwma a hmai nawr châk châkin,"Julian, miin min en duh teh a nia," a ti ta sap a. "Min en peih chhûng chu min en mai mai rawh se! Ka rilru ang hi nei ve ta se, an kuah lo thei lo ang che." Car-ah lûtin kan in lamah kan chho a, kan rilru a hlim dùn bawk a, kan khi sâng reng mai. Bawihtei leh Nonoi nèn kan chhuakho leh ta a, kan vênga hmeithai pakhat kan țanpui leh dáwn a ni. Mi inhnuai luah a ni a, a theih ang angin pheikhawk chhe siamin a inhlawh ve țhìn. Chhûngkhat laina a nei tawh lo va, a tar reuh tawh bawk sia, Bawihtei'n țanpui tùra a thlan a ni. Electric blanket, mawza lum leh shawl kan pe a, pawisa fai Rs 5000 leh ei tùr țhahnem t...

☆MAGDALENE☆ - 21 By Dingdi Pachuau "Eirawng hi Bawihtei bàwl tiraw?" "Aw, a tui i ti em?" "Aw, tui lutuk. I bàwl a nih ka ring lo rêng a ni." "Engah ngawt maw?" "Hetianga tui chuan i bàwl thiam ka ring lo va." "A, mai mai a. Bawihtei hi ka zirtîr chhuah ngat a nih hi." Muansanga nuih chu a za khawp mai a, nui hak hak pah hian," Chief Cook i ni tihna a ni maw?" a lo ti ve a. "Um, chu chiah chu!" "Chief Cook i nih chuan Bawihtei chu eng nge a nih ve tâk ang?" "Under Chief Cook." A nui sek sek ringawt. "Ei țeuh țeuh rawh, exam a hnai tawh a, lehkha zir i ngai bawk si, chakna i mamawh tam a nia." Ka rin ai chuan a ei tam, a tân a țha. Zanin chu a theih anga tam mu se, class an kal țhat tawh loh avàngin inah chawlh pahin zir hlek hlek zâwk se a țha ang. Muansanga hnênah chuan," I u hi ngaihven deuh la aw, thil a ei țha em tih leh zàna...

☆MAGDALENE☆ - 20 By Dingdi Pachuau "I sawi duh chu sawi rawh." "Ka phatsan lo che." "I thil sawi leh i chêt dàn a inpèrsan a nih dáwn chu!" "Engtin nge ka phatsan thei teh lul ang che?" "I hre zâwk ang chu." "Kha pa kha duhna chhe tê mah ka nei tawh lo." "Ka hriat ve thil pawh va ni suh." "I thil sawi dàn hian min tina tak zet a ni." Min en kiau reng a, a rilru a na tih chu a hriat theih reng. Ka hnial thlâk zêl avàng hian nâ a lo ti viau a ni ngei ang. "Kha pa khan kan in luah a hria tih ka hre miah lo va, a lo lût ka hmuh pawhin mak ka ti viau rêng a ni. Chhuak leh nghal tùrin ka hrilh a; mahse, a chhuak duh lo. Ka inrin miah loh laiin khatiang khân a che thut a, nang lah kha i lo luh lai tak a lo ni bawk si a." "Kha pa kha i bialpa Ngaihawma kha a ni maw? Ani tih chu hria ila damdawi in dêng rawk tùr khawpin la khawih ngei ang." "Julian?...

☆MAGDALENE☆ - 19 By Dingdi Pachuau "Min hrilh duh em?" Ka ngawi rùn ringawt. "Ih maw, Tàte, thil țha lo thleng a awm hi chuan min hrilh ve la, i zia sawt dáwn asin, mahni chauha tuar lovin inpaih thâwl la?" A tidik ve reng; mahse, hetiang lam hi vawi khat tê mah ka la sawipui ngai lo tawp a ni mai. "Ka bialnuin mipa dang a fâwp a ni." Ka va tlâwm vawng vawng tak! Ka bialnute'n mipa dang min kawpsan zel chu a nih hi, hmeichhia hi mipa ai hian an lo rinawm lo awlsam zâwk chu a lo ni. "A ni maw!!! A va mak àwm ve!!!" Hmeichhia hi an lo inang vek chu a lo nih hi, rinawm ber angin an insawi a, min duh ber angin an awm thiam a, lemchang, bumhmang mai an lo ni. "Tu nge tih tal sawi tawh la?" "Mahnia awm ka duh!" "Aw le, aw le. Tàte, ngaihtuah vak vak duh suh aw, i hlim loh chuan a hrehawm a nia." A chhuah hnuah pawh chuan ka awm ngai rengin ka awm, ka maimichhîng a, ka mitthlaah la...

☆MAGDALENE☆ - 18 By Dingdi Pachuau Kan haw meuh chuan dâr 9 a pêl tawh. Kawng tluanin a titi seuh seuh reng a, a nui sen sen reng bawk nèn, he  khawvêla ka lo piang ve hi ka inchhîr lo chiang khawp mai. Ina ka luhpui chuan Muansanga a lo awm reng tawh a. A u a hmuh chuan a lo meng phar nasa mai a, nui chung hian," I va nalh ve! Mi dang daih i ni dáwn emaw ka tih thut chu le!" a lo ti thûm dãt a. "Ka mawi chiang asin, zanin anga nalh hian ka la inchei ngai lo." Rei ka awm lo, Muansanga'n room lam pan nghal daih mah se awm reina chi a ni tawh lo. Birthday ka lawmsak hnu ațang hi chuan kan inkâr a nghet zualin ka hria, kei ngei pawh hian ka bialnu tak tak angin ka en, hmeichhe dang ka melh tawh lo. Zan khat chu Bawihtei chuan," Melo-i nèn khân in la ni reng em?" a ti phawng mai a, room-a ka awm lai niin, ani chu ka khumah a vãng zawngin a mu ar a. "Ni lo." "In renew leh lo maw?" "Teuh lo!" ...

*CHAK TAKIN AWM RAWH* ☆MAGDALENE☆ - 17 - By Dingdi Pachuau "In va zahawm khup khup ve." "I laih vàng a nih kha." Ka lài lo; mahse, Melo-i'n ka bân a chelh erawh ngaih loh lamah an ngaih ka hlau deuh, a bîk takin Hlimhlimi ka vêngthâwng. Ka va en lai chuan min en lo, Melo-i a lo en. Ani lah chuan," U J, nula rîmtu i ngah mang e, i va luck tak," nui chunga min chhoh enin a ti a. Lawmkimi chuan bân lo pharin," Amah rîmtu chu ka ni lo chiang mai a," a lo ti a, Bawihtei pawh chuan," Keini pawh," a lo ti ve a. Kimtei chuan," 'Nula a chhuahpui' ka tih pawhin zu awih lo hlawm tlat a," a lo ti nang nang a. Bawihteite chuan noodles an chhùm leh a, Melo-i pawh 'haw rawh' tih thu a awm si lo va, a awm ve ta reng mai. Hlimhlimi chu biak ka duh viau; mahse, min en loh bâkah kan inhlat, a țhiante Zotei leh Manuni inkârah a awm tlat. Kan inkâr hi zêp a duh tlat avàngin ka tihlan a la rem bawk si l...